ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵓⵙⴼⵍⵙ ⴷ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⴷⵡⴰⵙ ⴷ ⵓⴼⵔⴰⴳ ⴰⵏⴰⵎⵓⵏ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 5 ⴱⵕⴰⵢⵕ 2024, ⵙⵎⵎⵓⵙ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵓⵙⴼⵍⵙ ⴷ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⴷⵡⴰⵙ ⴷ ⵓⴼⵔⴰⴳ ⴰⵏⴰⵎⵓⵏ, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵙ ⵜⵉⵍⵉⵜ ⵏ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ ⵄⴰⵍⴰⵡⵉ ⵜⴰⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ, ⴷ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ ⴰⵎⴰⵡⵙⴰⵙ ⵏ ⵓⴷⵡⴰⵙ ⴷ ⵓⴼⵔⴰⴳ ⴰⵏⴰⵎⵓⵏ, ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴷⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ, ⴰⵎⵙⵙⵉⵡⵍ ⴰⵎⴰⴷⴷⵓⴷ ⵙ ⵉⵙⵎ ⵏ ⵜⵏⴱⴰⴹⵜ.

ⵙⵖⵣⵏ ⵉⴷ ⵎⴰⵙⵙ ⵉⵎⵓⵔⴰ ⵙ ⵜⵓⴳⵔ ⴰⵙⵏⴼⴰⵔ ⵏ ⵓⵙⵍⴳⵏ 01.22 ⴼ ⵉⵙⵉⵔⴰⵜⵏ ⵏ ⵜⵎⵓⵛⴰ ⵏ ⵓⵙⴼⵍⵙ, ⴳ ⵜⵉⵖⵔⵉ ⵜⵉⵙ ⵙⵏⴰⵜ, ⵉⵡⴰⵜⵜⵙⵏ ⴰⵙⴱⴷⴷⵉ ⵏ ⵜⵎⵓⴽⵔⵉⵉⵏ ⵍⵍⴰⵏⵉⵏ ⴷ ⵜⵎⵔⴰⵔⵓⵜ ⵉ ⵜⵎⵍⴷⴰ ⵜⵉⵎⴰⵢⵏⵓⵜⵉⵏ ⵍⵍⴰⵏⵉⵏ, ⴷ ⵓⵙⴷⵓⵙ ⵏ ⵜⵉⵍⴰⵍⵜ ⵏ ⵉⵙⵉⵔⴰⵜⵏ ⴰⴷ, ⴷ ⵓⵙⵖⵓⴷⵓ ⵏ ⵓⵙⵉⴷⴼ ⵙ ⵓⵙⵙⵥⵕⴼ ⴳ ⵓⵙⴰⵜⵉ ⵏ ⵜⵙⵜⵔⴰⵜⵉⵊⵉⵜ ⵜⴰⵏⴰⵎⵓⵔⵜ ⵏ ⵓⵙⵎⴰⵜⴰ ⴰⵥⵕⴼⴰⵏ.

ⵉⵙⵔⵙ ⵓⵙⵍⴳⵏ ⴰⴷ ⴰⵙⴰⵜⵉ ⵏ ⵜⵡⵓⵔⵉ ⵉⴷⵓⵙⵏ ⵉ ⵜⵎⵙⵙⵓⴳⵓⵔⵜ ⵏ ⵜⵉⵍⴰⵍⵜ ⵏ ⵉⵇⵇⵉⵙⵏ ⵏ ⵓⵙⴼⵍⵙ ⴷ ⵓⵙⵉⵥⴹⵕ ⵏ ⵜⵎⵔⵙⴰⵍ ⵏ ⵓⵙⴼⵍⵙ ⵉ ⵓⵙⵎⵏⵉⴷ ⵉⵥⵉⵍⵏ ⵉ ⵉⵎⵉⵣⵉⵜⵏ ⵏ ⵓⵙⴼⵍⵙ ⵏ ⵉⴷ ⴱⴰⴱ ⵏ ⵉⵕⵟⵟⴰⵍⵏ ⵙⵍⴰⵡⵏ ⴰⴽⴽ ⵡⵉⴷⴰ ⵍⵍⴰⵏⵉⵏ ⴳ ⵜⵎⵉⵣⴰⵔ ⴰⴳⴳⵓⴳⵏⵉⵏ ⴼ ⵜⵏⵓⴼⴰ ⵜⵉⵥⵕⴼⴰⵏⵉⵏ.

ⵙ ⵜⵓⴳⵜ, ⵉⵍⵍⴰ ⵓⵙⵖⵣⵏ ⵏ ⵓⵙⵏⴼⴰⵔ ⵏ ⵓⵙⵍⴳⵏ 04.24 ⵉ ⵓⵙⵏⴼⵍ ⵏ ⵓⵙⵍⴳⵏ 01.21 ⴼ ⵉⵙⴰⵜⵉⵢⵏ ⵓⵍⴳⵉⵏⵏ ⵏ ⵜⴽⴰⴷⵉⵎⵉⵢⵉⵏ ⵜⵉⵙⴳⴰⵡⴰⵏⵉⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⵏ ⵉ ⵓⵏⴳⵔⴰⵡ ⵏ ⵜⵏⵓⴼⴰ ⵜⵉⵖⵔⵎⴰⵏⵉⵏ ⵉⵜⵜⵓⵙⴽⴰⵔⵏ ⵙ ⵓⵙⵍⴳⵏ 011.74, ⵍⵍⵉ ⵢⵓⵎⴰⵏ ⵉⵎⵏⵏⵉ ⴰⵡⵍⴰⵡⴰⵢ ⵉ ⵓⵙⵏⴼⵍ ⵏ ⵓⵙⵍⴳⵏ 01.2 ⵉ ⵓⵎⵙⴰⵙⴰ ⵏ ⵓⵣⵡⵍ ⴷ ⵉⴱⴹⵉⵢⵏ ⵏ ⵓⵎⵏⵏⵉ ⴰⴷ ⴷ ⵉⴱⴹⵉⵢⵏ ⵏ ⵓⵙⵍⴳⵏ 07.00 ⵉ ⵓⵙⴽⵔ ⵏ ⵜⵍⴰⴷⵉⵎⵉⵢⵉⵏ ⵏ ⵓⵙⴳⵎⵉ ⴼ ⵓⵙⵎⵓⵜⵜⴳ, ⵙⵍⵡⴰⵏ ⴰⴽⴽⵯ ⴰⵎⵏⵏⵉ 11 ⵍⵍⵉ ⵔⴰⵜ ⵉⵜⵜⵢⵓⵔⴰ ⵉⵜⵜⵓⵙⵏⴼⵉⵍ ⵙ ⵓⵙⵏⴼⴰⵔ ⵏ ⵓⵙⵍⴳⵏ 03.24, ⵙ ⵓⵙⵏⴼⵍ ⵏ ⵜⴳⵓⵔⵉ “ⵉⵙⴰⵜⵉⵢⵏⵏ ⵓⵍⴳⵉⵏⵏ” ⵙ “ⵉⵎⵙⵖⴰⵏⵏ”.

ⵉⵍⵍⴰ ⵓⵙⵜⴰⵢ ⵙ ⵜⵓⴳⵜ ⵏ ⵓⵙⵏⴼⴰⵔ ⵏ ⵓⵙⵍⴳⵏ 46.23 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ 98.15 ⵉⵣⴷⵉⵏ ⴷ ⵓⵏⴳⵔⴰⵡ ⵏ ⵓⵙⴼⵍⵙ ⵓⵛⵛⵉⵎ ⴰⴷⵙⵍⴰⵏ ⵙⴳ ⵜⵎⴰⴹⵓⵏⵜ ⵉⵥⵍⵉⵏ ⵙ ⵉⵄⵔⴰⵢⴼⵉⵢⵏ ⴷ ⵉⵎⵙⵡⵓⵔⵉⵢⵏ ⵉⵏⵙⵉⵎⴰⵏⵏ ⴷ ⵉⵡⴷⴰⵏ ⵓⵔ ⵙⵡⵓⵔⵉⵏⵉⵏ ⵙ ⵜⵖⵔⴰⴷ ⵍⵍⵉ ⵙⴽⴰⵔⵏⵉⵏ ⵜⵉⵍⴰⵍⵜ ⵉⵥⵍⵉⵏ, ⵉⵡⴰⵜⵜⵙ ⵓⵎⵙⴰⵙⴰ ⴰⴽⴷ ⵉⴱⴹⵉⵢⵏ ⵏ ⵓⵙⵍⴳⵏ 65.00 ⵉⵥⵍⵉⵏ ⵙ ⵓⵙⴼⵍⵙ ⵓⵛⵛⵉⵍ ⵙⴳ ⵜⵎⴰⴹⵓⵏⵜ, ⵉⵜⵜⵓⵙⵏⴼⴰⵍⵏ ⵙ ⵓⵙⵍⴳⵏ 27.22 ⵙ ⵉⴱⴹⵉⵢⵏ ⵏ ⵓⵎⵏⵏⵉ 3.

ⵔⴰⴷ ⵉⴼⴽ ⵓⵙⵍⴳⵏ ⴰⴷ ⵜⵉⵣⵡⵉⵔⵉ ⵏ ⵓⵙⵔⵙⵏ ⵏ ⵉⵡⴷⴰⵏ ⵙ ⵉⴱⴹⵉⵢⵏ ⵏ ⵉⴹⵕⵉⵚⵏ ⵉⵣⵣⵔⴰⴼⵏ  ⵍⵍⴰⵏⵉⵏ, ⴷ ⵓⵙⵖⵍ ⵏ ⵜⵉⵍⴰⵍ ⴷ ⵜⵣⵣⵓⵍⵉⵏ, ⴷ ⵓⵙⵔⵙ ⵏ ⵓⵍⵜⴰⵖ ⵉⴷⵉⵏ ⴷ ⴱⴰⴱ ⵏ ⵓⵙⴼⵍⵙ ⴼ ⵜⵖⵔⴰⴷ ⵏⵏⵙ ⵏⵖ ⴰⵜⵉⴳ ⵢⴰⵜⵜⵓⵢⵏ ⵏ ⵓⵍⵜⴰⵖ, ⵉⵖ ⵉⵍⵍⴰ ⵓⴼⴳⴰⵏ ⵓⵏⵜⵉⵎ ⵖ ⴽⵉⴳⴰⵏ ⵏ ⵉⵙⵔⵙⵏ ⵏⵖ ⴰⵙⵔⵙ ⴰⵢⵢⴰⵡ ⵏⵖ ⵎⵏⵏⴰⵡ ⵙ ⵜⵣⵣⵓⵍⵉⵏ ⵍⵍⵉ ⵉⵙⴽⴰⵔ.

ⵉⵍⵍⴰ ⵓⵙⵜⴰⵢ ⵙ ⵜⵓⴳⵜ ⵏ ⵓⵙⵏⴼⴰⵔ ⵏ ⵓⵙⵍⴳⵏ 47.23 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ 99.15 ⵉ ⵓⵙⴽⵔ ⵏ ⵓⵏⴳⵔⴰⵡ ⵏ ⵜⵏⴰⴼⵉⵏ ⵉ ⵚⴰⵃⴰ ⵏ ⵉⵃⵔⴰⵢⴼⵉⵢⵏ ⴷ ⵉⵎⵙⵡⵓⵔⵉⵢⵏ ⵉⵏⵙⵉⵎⴰⵏⵏ ⴷ ⵉⵡⴰⴷⴰⵏ ⵓⵔ ⵟⵟⴰⴼⵏⵉⵏ ⵜⵉⵖⵔⴰⴷ ⵍⵍⵉ ⵙⴽⴰⵔⵏⵉⵏ ⵜⵉⵍⴰⵍⵜ ⵉⵥⵍⵉⵏ, ⵉ ⵓⵣⵣⴳⵉⵔ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵉⵎⴰⵜⵜⵓⵢⵏ ⴼ ⵓⵣⵓⵛⵛⵍ ⵏ ⵓⵙⴽⵔ ⵏ ⵓⵏⴳⵔⴰⵡ ⵏ ⵓⴼⵔⴰⴳ ⴰⵏⴰⵎⵓⵏ, ⵍⵍⵉ ⵉⵍⵍⴰⵏ ⴳ ⵓⵙⵍⴳⵏ ⴰⵙⴰⵜⵉ 09.21 ⴼ ⵓⴼⵔⴰⴳ ⴰⵏⴰⵎⵓⵏ.

ⵉⵡⴰⵜⵜⵙ ⵓⵙⵍⴳⵏ ⴰⴷ ⵜⵉⴽⴽⵉ ⵏ ⵜⵣⵡⵉⵔⵉ ⵉ ⵓⵙⵖⵍ ⵏ ⵓⵙⵔⵙ ⵏ ⵉⵡⴷⴰⵏ ⵙ ⵉⴱⴹⵉⵢⵏ ⵏ ⵉⴷⵕⵉⵚⵏ ⵉⵣⵣⵔⴰⴼⵏ ⴼ ⵓⵙⵖⵍ ⵏ ⵜⵉⴰⵍⴰⵍ ⴷ ⵜⵣⵣⵓⵍⵉⵏ ⵍⵍⴰⵏⵉⵏ.

ⵉⵙⵜⵉ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵓⴳⵜ ⴰⵙⵏⴼⴰⵔ ⵏ ⵓⵙⵍⴳⵏ 98.18 ⴼ ⵜⴳⵔⴰⵡⵜ ⵜⴰⵏⴰⵎⵓⵔⵜ ⵏ ⵉⵎⵙⴰⵙⴼⵔⵏ, ⴳ ⵜⵉⵖⵔⵉ ⵜⵉⵙ ⵙⵏⴰⵜ, ⵉ ⵓⵙⵏⵎⴰⵍⴰ ⵏ ⵉⵎⵙⴰⵙⴼⵔⵏ ⵍⵍⵉ ⵙⵎⵏⵉⴷⵏⵉⵏ ⵜⵉⵡⵓⵔⵉⵡⵉⵏ ⵥⵉⵍⵏⵉⵏ ⵉ ⵓⵏⵎⵓⵔⵉ ⴰⵎⵖⵔⵉⴱⵉ ⵙⵍⴰⵡⴰⵏ ⴰⴽⴽⴽⵯ ⵍⵍⵉⵖ ⵉⵎⴰⵟⵍ ⵓⵙⵍⴳⵏ ⵏ ⵜⴳⵔⴰⵡⵜ ⴰⴷ, ⵙⴳ 1976, ⵍⵍⵉ ⵓⵔ ⵉⵎⵓⵏ ⴷ ⵜⵣⵣⵉⴳⵣⵜ ⵏ ⵜⵣⵣⵓⵍⵜ ⵏ ⵜⵎⵙⴰⵙⴼⵔⵜ ⴷ ⵉⵙⵏⴼⵍⵏ ⵉⵅⴰⵜⴰⵔⵏ ⵍⵍⴰⵏⵉⵏ ⴳ ⵢⵉⴳⵔ ⴰⴷ ⵙⵍⴰⵡⵏ ⴰⴽⴽⵯ ⵍⵍⵉⵖ ⴳⴳⵓⵜⵏ ⵡⵉⴷⴰ ⵙⴽⴰⵔⵏⵉⵏ ⵜⴰⵣⵣⵓⵍⵜ ⴰⴷ ⴳ ⵢⵉⴳⵔ ⵓⵙⵍⵉⴳ ⵏⵖ ⴰⵎⴰⵜⴰⵢ.

ⵙ ⵓⵙⵍⴳⵏ ⴰⴷ, ⵔⴰⴷ ⵜⴳ ⵜⴳⵔⴰⵡⵜ ⵜⴰⵏⴰⵎⵓⵔⵜ ⵏ ⵉⵎⵙⴰⵙⴼⵔⵏ ⴰⴳⵯⵏⵙⴰⵙ ⴰⵡⵍⴰⵡⴰⵢ ⴷⴰⵜ ⵏ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴷ ⵜⵙⴳⴰ ⵉⴱⴷⴷⵏ ⴼ ⵓⵎⵣⴰⵖ ⵏ ⵎⴰⵕⵕⴰ ⵉⵣⵔⴼⴰⵏ ⵏ ⵉⵎⵙⴰⵙⴼⵔⵏ, ⴷ ⵜⵉⴽⴽⵉ ⵏ ⵜⵓⵔⴰⴳⵉⵏ ⵏ ⵓⵙⴽⵔ ⵏ ⵜⵣⵣⵓⵍⵜ ⴰⴷ, ⴷ ⵜⵎⵔⴰⵔⵓⵜ ⵏ ⵜⵓⵜⵔⴰⵡⵉⵏ ⵏ ⵓⵙⴽⵔ ⵏ ⵜⵎⵙⴰⵙⴼⵔⵉⵏ ⴷ ⵡⴰⵎⵎⴰⵙⵏ ⵏ ⵉⵙⴼⵙⵉⵜⵏ ⵉⴱⵢⵓⵍⵓⵊⵉⵢⵏ ⴷ ⵜⵎⵙⴰⵔⵉⵏ ⵣⴷⵉⵏⵉⵏ ⴷ ⵜⵉⵍⴰⵍ ⵜⵉⵎⵙⴰⵙⴼⵔⵉⵏ.