ⵜⴰⴳⵓⵔⵉ ⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵙⵎⴰⴷ ⵏ ⵜⵙⵓⵜⵍⵜ ⵜⴰⵣⵣⵔⴰⴼⵜ ⵜⴰⵎⵣⵡⴰⵔⵓⵜ ⴳ ⵓⵙⴳⴳⵯⴰⵙ ⴰⵣⵣⵔⴰⴼ ⵡⵉⵙ ⵙⵎⵎⵓⵙ ⵏ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ ⵎⵔⴰⵡⵜ

ⵙⵉⵙⵎⵏⵕⴱⴱⵉⴰⵏⵙⵎⵍⵍⴰⴷⵓⵏⵎⵍⵍⴰ, ⵜⴰⵥⴰⵍⵍⵉⵜⴷⵓⴼⵔⴰⴼⵓⴼⵓⵥⴰⵕⵏⵉⵕⵇⵇⴰⵙⵏ.

ⵉⵙⵜⵎⴰⵙⵙⴰⴷⵉⴷⵎⴰⵙⵙⵉⵎⴰⵡⵙⴰⵙⵏ

ⵜⵉⵙⵎⵓⵏⵉⵏⴷⵉⵙⵎⵓⵏⵏⵉⵎⵓⵔⴰ

ⵉⵙⵜⵎⴰⵙⵙⴰⴷⵉⴷⵎⴰⵙⵙ,

ⵙ ⵉⴱⴹⵉⵢⵏ ⵏ ⵓⴷⵓⵙⵜⵓⵔ, ⵏⵙⵎⴷ ⴰⵙⵙ ⴰⴷ ⵜⵉⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⴰⵣⵣⵔⴰⴼⵜ ⵜⴰⵎⵣⵡⴰⵔⵓⵜ ⴳ ⵓⵙⴳⴳⵯⴰⵙ ⴰⵣⵣⵔⴰⴼ ⵡⵉⵙ ⵙⵎⵎⵓⵙ ⵏ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ ⵎⵔⴰⵡⵜ, ⴳ ⵜⵖⵉⵎⵉⵜⵉⵏ ⵜⵉⴳⴷⵓⴷⴰⵏⵉⵏ, ⴰⵛⴽⵓ ⴰⵔ ⵉⵜⵜⴰⵊⵊⴰ ⵓⵏⴳⵔⴰⵡ ⵏⵏⵖ ⴰⴱⵕⵍⴰⵎⴰⵏⵉ ⴰⴷ ⵉⵍⵉⵏⵜ ⵜⵡⵓⵔⵉⵡⵉⵏ ⵏ ⵜⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵎⵖⵍⴰⵍⵉⵏ ⴽⵓ ⵎⴰⴷ ⵉⵍⴰ ⵓⵙⴳⴳⵯⴰⵙ, ⵉⴳ ⴳ ⵜⵎⵉⵜⴰⵔ ⵜⵉⴷⵙⵍⴰⵏⵉⵏ ⵥⵉⵍⵏⵉⵏ ⵏ ⵜⴷⵉⵎⵓⵇⵔⴰⵟⵉⵜ ⵏⵏⵖ ⵉⴱⴷⴷⵏ ⴼ ⵜⵎⵔⵙⴰⵍ. 

ⵉⵍⵍⴰ ⵓⵙⵎⴰⴷ ⵏ ⵜⵙⵓⵍⵜ ⴰⴷ ⴳ ⵓⵎⵏⴰⴹ ⴰⵏⴰⵎⵓⵔ ⴱⴰⵀⵔⴰ ⵉⵥⵍⵉⵏ, ⴳⵉⵙ ⴰⴱⴰⵢⵢⵓⵕ ⵉⵎⵔⵔⵜⵏ ⵜⴰⵏⴼⴳⴰⵏⵜ ⵓⴳⴳⴰⵔ ⵏ ⵓⵙⴳⴳⵯⴰⵙ ⴰⵢⴰ ⴷ, ⵉⵍⵍⴰⵏ ⵖ ⴽⵓ ⵉⴳⵔⴰⵏ ⵏ ⵜⵓⴷⵔⵜ, ⵉⵍⵉⵏⵜ ⴷⵉⴳⵙ ⵓⵍⴰ ⵜⵉⵎⵙⴰⵔⵉⵏ, ⴷ ⵉⵢⴰⴼⵓⵜⵏ ⴷ ⵜⵙⵎⵓⵔⵙⵉⵏ ⵍⵍⵉ ⵜⵙⴳⵓⴷⵉ ⵜⵎⴰⵣⵉⵔⵜ ⵏⵏⵖ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵄⵣⵣⵓ ⵕⴱⴱⵉ. ⵏⵓⵎⵎⵔ ⴽⵉⴳⴰⵏ ⴰⴷ ⵢⵉⵍⵉ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵜⵏⴱⴰⴹⵉⵏ ⴷ ⵜⵎⵔⵙⴰⵍ ⵢⴰⴹⵏⵉⵏ, ⴳ ⵜⴷⵉⵏⴰⵎⵉⵜ ⴰⴷ ⵜⴰⵏⴰⵎⵓⵔⵜ, ⵖ ⵉⵙⴽⵔ ⵉⵙⵡⴰⵍⴰⵢⵏ ⵏ ⴱⴰⴱ ⵏ ⵡⴰⴷⴷⵓⵔ, ⵉⵍⵉⵏ ⴳⵉⵙⵏ ⵜⵉⵍⵍⵉ ⵜⵜⵓⴱⴷⴰⵔⵏⵉⵏ ⴳ ⵉⵏⴰⵡ ⴰⵎⴰⵜⵜⵓⵢ ⵏ ⴱⴰⴱ ⵏⵡⴰⴷⴷⵓⵔ ⵉ ⵉⴳⵏⵙⴰⵙⵏ ⵏ ⵜⵎⵜⵜⵉ ⴳ ⵓⵏⵏⵓⵕⵥⵎ ⵏ ⵓⵙⴳⴳⵯⴰⵙ ⴰⴷ ⴰⵣⵣⵔⴰⴼ, ⴰⵢⵍⵍⵉ ⵉⴳⴰⵏ ⵢⴰⵏ ⴳ ⵉⵙⵓⵖⴰⵍ ⵏ ⵓⵙⵡⵓⵔⵉ ⵏⵏⵖ.

ⵉⴽⵏⵏⴰ ⴳⴰⵏ ⵉⵎⵏⴰⴹⵏ ⴷ ⵜⵏⴰⵥⴰⵕⵉⵏ, ⵉⴽⵏⵏⴰ ⴳⴰⵏ ⵉⵙⴼⴰⵙⴽⴰⵜⵏ, ⵜⴳⴰ ⵜⵎⵙⴰⵔⵜ ⵏ ⵜⵢⴰⵏⵜ ⵏⵏⵖ ⵜⴰⵏⴰⴽⴰⵍⵜ, ⵜⴳ ⵓⴽⴰⵏ ⵙⵓⵍ, ⴷ ⵔⴰⴷ ⵜⴳ, ⴳ ⵜⵎⵣⵡⵓⵔⴰ ⵏⵏⵖ ⴷ ⵓⵙⵡⵓⵔⵉ ⵏⵏⵖ ⴷ ⵉⵅⵎⵎⵉⵎⵏ ⵏⵏⵖ. ⵜⴳⴰ ⵜⵡⵓⵔⵉ ⵉⵀⵉⵢⵢⴰⵏ ⴷ ⵓⵣⵣⵓⵍⴰⵏ ⴷ ⵡⵉⵏ ⵓⴼⵔⴰ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴳ 13 ⵏⵓⵡⴰⵏⴱⵉⵔ 2020 ⵉ ⵓⵙⵎⴰⴷ ⵏ ⵓⵙⵓⵔⵙ ⵜⵙⴽⵔ ⵢⴰⵜ ⵜⵔⴰⴱⴱⵓⵜ ⵜⴰⵏⴱⴽⴰⴹⵜ ⵉⴱⴱⵉⵏ ⴰⵣⵔⴰⵢ ⴳ ⵓⴱⵔⵉⴷ ⴰⴳⵔⴰⵖⵍⴰⵏ ⵉⵜⵜⴰⵡⵉⵏ ⵙ ⵜⵉⵎⵉⵣⴰⵔ ⵢⴰⴹⵏⵉⵏ ⵏ ⵉⴼⵔⵉⵇⵢⴰ, ⵢⴰⵏ ⵓⵥⵎⴰⵥⵥⵍ ⵉⴱⴷⴷⵏ ⴳ ⵜⵡⵓⵔⵉ ⴷ ⵜⵎⵙⴽⴰⵔ ⴼⴼⵖⵏⵉⵏ ⴰⵙⵍⴳⵏ.

ⵙⵡⵓⵔⵉⵏⵜ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴳ ⵜⵍⵍⵓⴳⵏⴰ ⵙ ⵜⵖⴰⵔⴰⵙⵜ ⵏ ⵓⴼⵔⴰ, ⵙ ⵓⵎⵎⵓⵎⵎⵉ, ⵜⵙⵏⴰⵍ ⵜⵏⵜ ⵜⵍⵍⵓⴳⵏⴰ ⵏ ⵡⴰⴷⴷⴰⴷ ⴰⵎⵖⵔⵉⴱⵉ, ⴷ ⵓⵙⵎⵓⵙⵙⵓ ⴰⵏⴰⵎⵓⵔ ⵉⴷⵓⵙⵏ, ⴷ ⵡⴰⴷⴷⴰⴷ ⴰⵏⴰⵎⵓⵔ ⵉⵎⵓⵏⵏ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜⵉⵄⵣⵣⵓ ⵕⴱⴱⵉ. ⵉ ⵜⴰⴳⴳⴰⵍⵉⵏ ⴰⴷ ⴷ ⵓⵅⴰⵜⴰⵔ ⵏⵏⵙⵜ ⴰⵏⴰⴼⵍⵍⴰ ⴱⴰⴱ ⵏ ⵡⴰⴷⴷⵓⵔ ⴽⵓ ⴰⵙⵓⵜⴳ ⴷ ⵓⵡⵇⵇⵔ. ⵎⴳⴰⵍ ⴰⵢⵍⵍⵉ ⵙⴰ ⵜⵜⵡⴰⵔⴳⴰⵏ ⵡⴰⵄⴷⵉⵡⵉⵏ ⵏ ⵜⵢⴰⵏⵜ ⵏⵏⵖ ⵜⴰⵏⴰⴽⴰⵍⵜ, ⴳⴰⵏ ⵡⴰⴷⴷⴰⴷⵏ ⵉⴳⵔⴰⵖⵍⴰⵏⵏ ⴷ ⵉⴼⵔⵉⵇⵉⵢⵏ ⴷ ⵉⵏⵎⵏⴰⴹⵏ, ⴰⵙⵓⵜⴳ ⵏ ⵜⵎⵙⴽⴰⵔ ⵏ ⵜⵎⴰⵣⵉⵔⵜ ⵏⵏⵖ ⵍⵍⵉⵖ ⴱⴷⴷⵏⵜ ⴼ ⵜⵍⵍⵓⴳⵏⴰ ⵉⵍⵉⵏⵜ ⴰⵙⴽⵔ ⵏ ⵓⵙⵍⴳⵏ. ⵎⴳⴰⵍ ⴰⴷⴷⴰⴷⵏ ⵏⵏⵙⵏ ⵊⵍⴰⵏⵉⵏ, ⵍⵍⵉ ⵜⵜⵓⵄⵣⴰⵍⵏⵉⵏ ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⵢⵓⵛⴽⴰ ⴷ ⵡⴰⴷⴷⴰⴷ ⵏ ⵎⴰⵔⵉⴽⴰⵏ ⴰⵙⵙ ⵏ 10 ⴷⵓⵊⴰⵏⴱⵉⵔ 2020 ⵍⵍⵉ ⵉⵙⴷⴷⵉⴷⵏ ⵙ ⵜⵖⴰⵔⴰⵙⵜ ⵜⵓⵏⵚⵉⴱⵜ ⵎⴰⵙ ⴳⴰⵏⵜ ⵜⴰⵙⴳⵉⵡⵉⵏ ⵜⵉⵎⵖⵔⵉⴱⵉⵢⵉⵏ ⵍⵍⵉ ⴷ ⵉⵙⵓⵔⵔⵉ ⵍⵎⵖⵔⵉⴱ ⵢⴰⵏ ⵓⴳⵣⵣⵓⵎ ⵙⴳ ⵡⴰⴽⴰⵍ ⴰⵏⴰⵎⵓⵔ ⴰⵎⵖⵔⵉⴱⵉ, ⵣⵣⵉⴳⵣⵏ ⵓⵍⴰ ⴽⵉⴳⴰⵏ ⵏ ⵉⵡⴰⵏⴽⵏ ⴳ ⵓⵕⵥⵥⵓⵎ ⵏ ⵉⵡⴰⵏⴽ ⴳ ⵜⵖⵔⵎⵉⵏ ⵏ ⵉⴼⴼⵓⵙ ⵏ ⵍⵎⵖⵔⵉⴱ: ⵍⵄⵢⵓⵏ ⴷ ⴷⴷⴰⵅⵍⴰ, ⴰⵢⵍⵍⵉ ⵉⴳⴰⵏ ⴰⵙⴷⵓⵙ ⵏ ⵜⵍⵍⵓⴳⵏⴰ.

ⵖ ⵓⵎⵏⵉⴷ ⴰⴷ, ⵏⵙⵓⵜⴳ ⴽⵉⴳⴰⵏ, ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴷⴷⴰⴷ ⵏ ⵎⴰⵔⵉⴽⴰⵏ, ⵜⴰⵎⴰⵣⵉⵔⵜ ⵜⴰⵎⴷⴷⴰⴽⴽⵯⵍⵜ ⵏ ⵍⵎⵖⵔⵉⴱ, ⴷ ⵡⴰⴷⴷⴰⴷⵏ ⵏ ⴰⵢⵜⵎⴰⵜⵏⵖ ⴷ ⵉⵎⴷⴷⵓⴽⴽⵯⴰⵍ ⵏⵏⵖⴳ ⴽⵓ ⵜⴰⵙⴳⵉⵡⵉⵏ ⵜⵉⵊⵢⵓⵙⵜⵔⴰⵜⵉⵊⵉⵢⵉⵏ ⵍⵍⵉ ⵙⵏⴰⵍⵏⵉⵏ ⵜⵉⵍⵍⵓⴳⵏⴰ, ⵉⵍⵉⵏ ⴷ ⵜⵢⴰⵏⵜ ⵏⵏⵖ ⵜⴰⵏⴰⴽⴰⵍⵜ.

ⵙⵙⵓⵔⴼⴰⵜ ⵢⵢⵉ, ⴰⵢⵜⵎⴰ ⴷ ⵉⵙⵜⵎⴰ, ⴳ ⵜⵉⵣⵉ ⴰⴷ ⵜⴰⴷⵙⵜⴰⵔⵜ, ⴳ ⵓⵣⵎⵣ ⴰⴷ ⴰⵎⵣⵔⴰⵢ ⴳ ⵓⴱⵔⵉⴷ ⵏ ⵜⵎⵙⴰⵔⵜ ⵏⵏⵖ ⵜⴰⵏⴰⵎⵓⵔⵜ, ⴰⴷⴷ ⵙⵙⴽⵜⵉⵖ ⵉ ⵡⴰⵏⵏⴰ ⵉⵙⵖⴰⵡⵙⴰⵏ ⵙ ⴽⵔⴰ ⵏ ⵜⵎⵔⵙⴰⵍ ⵖ ⵓⵎⵣⴰⵖ ⴰⴷ ⵉⵜⵜⵓⵙⴽⴰⵔⵏ ⴼ ⵜⵢⴰⵏⵜ ⵏⵏⵖ ⵜⴰⵏⴰⴽⴰⵍⵜ:

ⵜⵔⴰⵙⵍⵜ ⵜⴰⵎⵣⵡⴰⵔⵓⵜ: ⵜⴳⴰ ⵜⵎⵙⴰⵔⵜ ⵜⴰⵅⴰⵜⴰⵔⵜ, ⵓⵔ ⵜⴳⵉ  ⵜⴰⵎⴰⵖⵜ ⴼ ⵉⵡⵜⵜⴰ, ⵜⴳⴰ ⵜⴰⵖⵏⵙⴰ ⵜⴰⵏⵎⵓⵔⵜ ⵜⵓⵍⴳⵉⵏⵜ ⵉ ⵓⵙⵕⵚⵓ ⵏ ⵜⵉⵍⵍⵓⴳⵏⴰ ⴷ ⵜⵉⵍⵉⵜ, ⵜⵉⵍⵉⵜ ⵏⵏⵖ ⵍⵍⵉⵖ ⵏⴳⴰ ⵜⴰⵎⵜⵜⵉ ⴷ ⵓⵡⴰⵏⴽ ⴰⵇⴱⵓⵔ ⴳ ⵜⵉⵍⵉⵜ ⴷ ⵜⵎⵔⵙⴰⵍ ⴷ ⵜⵖⵔⵎⴰ ⴷ ⵓⵎⵢⴰⵏⴰⵡ ⴰⴷⵍⵙⴰⵏ, ⴷ ⵜⵡⵉⵙⵉ ⵏⵏⵖ ⵖ ⵓⵎⵏⵥⴰⵡ ⴷ ⵓⵎⴰⴹⴰⵍ ⵖ ⵓⵚⴽⴰⵡ ⵏ ⵓⵎⴰⴹⴰⵍ ⵉⵔⴳⴳⵉⴳⵏ ⵖ ⵜⵜⵓⵇⵇⴰⵔ ⵜⵅⵅⵓⵜⵔⴰ ⵏ ⵉⵡⴰⵏⴽⵏ.

ⵜⴰⵔⵙⵍⵜ ⵜⵉⵙ ⵙⵏⴰⵜ: ⴰⵊⴰⵊⵉⵡ ⵉⵍⵍⴰⵏ ⴷⴰⵔ ⵡⴰⵄⴷⵉⵡⵉⵏ ⵏ ⵉⵣⵔⴼⴰⵏ ⵏⵏⵖ ⵉⵎⵣⵔⴰⵢⵏ ⵓⵍⴳⵉⵏⵏ, ⴼⴰⵡⵏ ⵖⵉⵍⴰⴷ ⵉⵎⵣⵔⴰⵢⵏ ⵏⵏⵙ, ⵔⴰⴷ ⵉⵀⵢⵢⵓ, ⵔⴰⴷ ⵉⵀⵢⵢⵓ ⵓⵍⴰ ⵓⵙⵏⴼⴰⵔ ⵏ ⵜⴱⴹⵉⵜ, ⵍⵍⵉⵖ ⴱⴷⴷⵏ ⴰⵢⵜⵎⴰⵜⵏⵖ ⴷ ⵉⵙⵜⵎⴰⵜⵏⵖ ⵉⵎⵣⴷⴰⵖⵏ ⵏ ⵉⵎⵏⴰⴹⵏ ⵏ ⵉⴼⴼⵓⵙ ⵙ ⵜⵎⵖⵔⵉⴱⵉⵜ ⵏⵏⵙⵏ, ⴷ ⵜⵡⵉⵙⵉ ⵏⵏⵙⵏ ⴳ ⵓⵙⴷⵓⵙ ⵏ ⵜⵡⵓⵔⵉ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ, ⵢⵉⵍⵉ ⴳⵉⵙⵏⵜ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵜⵎⵔⵙⴰⵍ ⵢⴰⴹⵏⵉⵏ ⵜⵉⴷⵙⵜⴰⵔⵉⵏ ⴷ ⵜⵜⴰⵡⵙⵜⴰⵢⵏⵉⵏ ⴷ ⵜⴳⵔⴰⵡⵉⵏ ⵏ ⵓⵏⴱⴰⴹ, ⴷ ⵓⵙⵡⵓⴷⴷⵓ ⵏ ⵜⵖⴰⵡⵙⵉⵡⵉⵏ ⵏ ⵜⵎⴰⵣⵉⵔⵜ. ⵙ ⵓⵎⵛⴰⴱⴱⴰⴽ ⴰⵏⴰⵎⵓⵔ ⵉⴳⴰⵏ ⵙⴳ ⵉⵣⵎⴰⵣ ⴳ ⵉⴼⵔⴷⴰⵙ ⵏ ⵜⵎⵓⵔⵜ, ⴰⵢⵍⵍⵉ ⵙⵙⴷⵓⵙⵏ ⴰⵙⵙ ⴰⴷ ⵉⵙⵏⴼⴰⵔⵏ ⵏ ⵜⴳⵎⵉ ⵍⵍⴰⵏⵉⵏ ⴳ ⵜⴰⵙⴳⵉⵡⵉⵏ ⵏ ⵉⴼⴼⵓⵙ.

ⴳ ⵜⵙⴳⴰ ⵢⴰⴹⵏⵉⵏ, ⵉⴳⴰ ⵖ ⵓⵅⵍⵓ ⴰⵎⵇⵔⴰⵏ, ⴰⴷ ⵢⴰⵎⵏ ⴽⵔⴰ ⴰⴷ ⵉⴳ ⵍⵎⵖⵔⵉⴱ ⵜⴰⵎⴰⵣⵉⵔⵜ ⵉⴳⴰⵏ ⵢⴰⵜ, ⴳ ⵓⵎⴰⴹⴰⵍ ⴰⴽⴽⵯ, ⴳ ⵜⴳⵉⵔⴰ ⵏ ⵜⴰⵙⵓⵜ ⵏ ⵙⵉⵏ ⵡⴰⴳⵏⴰⵔⵏ ⴷ ⵜⵣⵡⵉⵔⵉ ⵏ ⵜⴰⵙⵓⵜ ⵏ ⵡⴰⴳⵏⴰⵔ ⴷ ⵢⴰⵏ, ⴰⴷ ⵉⵜⵜⵓⴱⴱⵉ ⵡⴰⴽⴰⵍ ⵏⵏⵙ. ⵎⴳⴰⵍ ⵉⵅⵍⵓⵜⵏ ⴷ ⵜⵖⵓⵔⵉⵡⵉⵏ ⴱⴱⵉⵏⵉⵏ ⵏ ⵜⵎⵙⴽⴰⵔ ⵜⵉⴳⵔⴰⵖⵍⴰⵏⵉⵏ, ⴰⵔ ⵎⵎⴰⵍⴰⵏ ⴽⵓ ⴰⴷⴷⴰⴷⵏ ⵏ ⵓⵥⵎⵥⵍⴰⵢ ⵎⴰⵙ ⴷ ⵜⵉⵎⵉⵣⴰⵔ ⴳ ⵜⵉⵏⵏ ⵉⴽⴽⴰ ⵓⵙⴷⴷⵓⵔⵔⵉⵢ, ⵙⵓⵔⵔⵉⵏⴷ ⴰⴽⴽⵯ ⴰⴽⴰⵍ ⵏⵏⵙⵏⵜ, ⵙⵎⴷⵏⵜ ⵓⵍⴰ ⵜⴰⵢⴰⵏⵜ ⵏⵏⵙⵏⵜ ⵜⴰⵏⴰⴽⴰⵍⵜ. ⴱⴷⴷⵏⵜ ⵓⵍⴰ ⵜⵉⵔⵎⵉⵜⵉⵏ ⵏ ⵓⵥⵍⴰⵢ ⵙⴳ ⵙⵉⵏ ⵡⴰⴳⵏⴰⵔⵏ ⴰⵢⴰ ⴷ, ⵜⵉⵍⵉ ⵜⵉⴳⵯⵉⵜ ⵜⴰⵎⴷⵏⴰⵏⵜ ⴷ ⵜⵎⴰⴷⴷⵓⴷⵜ ⴷ ⵜⴳⵔⴰⵖⵍⴰⵏⵜ ⵏ ⵉⵙⵏⴼⴰⵔⵏ ⵏ ⵜⵉⴱⴹⵉⵜ ⴷ ⵓⵥⵍⴰⵢ.

ⵜⵉⵙ ⴽⵕⴰⴹⵜ ⵜⵔⵙⴰⵍ: ⴰⵙⴷⵖⵔ ⵏ ⴰⵊⵢⵓ ⴰⵙⵔⵜⴰⵏ ⴷ ⵓⴷⵎⵙⴰⵏ ⵏ ⵜⵎⴰⵣⵉⵔⵜ ⵏⵏⵖ ⴰⵙⵙ ⴰⴷ, ⵍⵍⵉⵖ ⵜⴳⴰ ⵜⴰⵔⵙⵍⵜ ⵏ ⵓⵔⴳⴳⵉⴳ ⴰⵏⵎⵏⴰⴹ ⴷ ⵓⵎⴰⵥⵓⵏ ⴷ ⵓⴳⵔⴰⵖⵍⴰⵏ, ⴷ ⵜⴷⵓⵙⵉ ⵜⴰⴷⵎⵙⴰⵏⵜ ⴷ ⵜⵙⵔⵜⴰⵏⵜ ⴷ ⵜⴷⵉⵎⵓⵇⵔⴰⵟⵉⵜ ⵉⵣⵣⵉⴳⵣⵏ, ⴷ ⵜⵉⵍⴰⵍⵜ ⵏⵏⵙ ⵖ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵜⵎⵏⵜⵍⵉⵏ ⵏ ⵡⴰⵔⴰⵔⴳⴳⵉⴳ, ⵉⵙⴽⵔ ⴳⵉⵙ ⴰⵎⴷⵔⴰⵡ ⴰⴳⵔⴰⵖⵍⴰⵏ ⵉⵜⵜⵓⵙⵙⴰⵏⵏ, ⵉⵟⵟⴰⴼⵏ ⵜⴰⵎⵢⵉⵎⴰⵏⵜ, ⵉⵟⵟⴰⴼⵏ ⴰⴷⵖⴰⵔ ⵏⵏⵙ ⴳ ⵜⵙⴳⴰ ⵓⵕⵓⴰⵏⴰⵎⵎⴰⵙ ⴷ ⵓⵎⴰⵥⵓⵏ ⴰⴼⵔⵉⵇⵉ ⴷ ⵓⵎⴰⴹⴰⵍ. ⵓⵔ ⴷⵉⴳⵙ ⵜⵓⵔⴷⴰ ⵎⴰⵙⴷ ⵜⴰⵎⵢⵉⵎⴰⵏⵜ ⴰⴷ, ⵜⴷⵓⵙ ⵙ ⵜⵙⵏⵜⴰⵢⵜ ⵏ ⵓⴱⴰⴹ ⴰⵏⵉⵎⴰⵏ ⵍⵍⵉ ⵜⵙⵎⵏⵉⴷ ⵜⵎⴰⵣⵉⵔⵜ ⵏⵏⵖ ⴳ 2007, ⵜⵉⵏⵉ ⵜⵔⴰⴱⴱⵓⵜ ⵜⴰⴳⵔⴰⵖⵍⴰⵏⵜⴷ ⵉⵎⵙⴽⴰⵔⵏ ⵓⴷⴷⵉⵔⵏ ⴷⵓⵙⵏⵉⵏ ⴳ ⵜⵖⵜⴰⵙⵜ ⵜⴰⴳⵔⴰⵖⵍⴰⵜ ⵎⴰⵙ ⵜⴳⴰ ⵜⴰⵙⵏⵜⴰⵢⵜ ⵏ ⵜⵉⵍⴰⵡⵜ ⵉⴳⴰⵏ ⵢⴰⵜ, ⴷ ⵜⴰⵔⵙⵍⵜ ⵏ ⵓⴼⵙⵙⴰⵢ ⵉⵜⵜⵓⵎⴽⴰⵏⵏ, ⵉⵙⵓⵍⵏ, ⵉⴳⴰⵏ ⵡⵉⵏ ⵜⵉⵍⴰⵡⵜ ⵉ ⵜⵎⴰⵖⵜ ⵉⵜⵜⵓⵙⴽⴰⵔⵏ ⴼ ⵜⴰⵙⴳⵉⵡⵉⵏ ⵏⵏⵖ ⵏ ⵉⴼⴼⵓⵙ. ⵜⴰⵙⴳⵉⵡⵉⵏ ⴰⵏⵏ ⵢⴰⴹⵏⵉⵏ ⴳⴰⵏⵜ ⵓⴽⴰⵏ ⵙⵓⵍ ⵉⵏⴽⵔⴰⴼ ⵏ ⵎⴰⴷ ⵉⵣⵔⵉⵏ, ⵍⵍⵉⵖ ⵓⵔ ⵔⵉⵏⵜ ⴰⴷ ⵉⵡⵙⵏⵜ ⴳ ⵜⴷⵉⵏⴰⵎⵉⵜ ⵏ ⵓⵎⵣⵔⵓⵢ ⵉⵏⵏⵓⵕⵥⵎⵏ ⴼ ⵓⵙⴽⵔ ⵏ ⵉⵎⴰⵍ, ⴷ ⵡⴰⵍⴰⵢ ⵏ ⵜⵏⴰⵥⴰⵕⵉⵏ ⵏ ⵜⵉⴷⵜ ⵛⵛⴰⵔⵏⵉⵏ. ⴳⵎⴽ ⴰⵏⵏ ⴰⴼ ⴷⴰⵔⵙⵏⵜ ⵉⴱⵓⵖⵍⴰ ⵓⵙⵙⴰⵏ ⴰⴷ ⵉⵏⴰⵡ ⵏ ⵓⵙⴽⵔⴽ ⵙ ⵓⵙⵎⴰⵍ ⴷ ⵓⵙⴽⵔ ⵏ ⵜⵔⵔⵓⴳⵣⴰ ⵉⵜⵜⵓⵊⴰⵊⵉⵡⵏ ⴷ ⵜⴽⵔⴽⴰⵙ ⴼ ⵓⵎⵏⴰⴷ ⴰⵎⴰⵜⴰⵢ. ⵉⴳ ⵎⴰ ⴰⴷ ⴰⵏⴰⵡ ⵎⵇⵓⵔⵏ ⵏ ⵓⵊⵍⵓ ⴰⴷⵉⴱⵍⵓⵎⴰⵙⵉ.

ⵉⵙⵜ ⵎⴰⵙⵙⴰ, ⵉⴷ ⵎⴰⵙⵙ,

ⴰⵎ ⴽⵓ ⵜⵉⵎⵉⵣⴰⵔ ⵏ ⵓⵎⴰⴹⴰⵍ, ⵜⵎⵎⴰⵖ ⵜⵎⴰⵣⵉⵔⵜ ⵏⵏⵖ ⴷ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⴷ ⵉⴷⵔⵉⵣⵏ ⵏⵏⵙ ⴷ ⵡⴰⴳⴳⵯⴰ ⵏⵏⵙ ⴰⴷⵎⵙⴰⵏ ⴷ ⵓⵏⵎⵓⵏ ⵥⵥⴰⵢⵏⵉⵏ. ⴳ ⵉⵎⴳⵔⴰⴷⵏ ⵏ ⵜⵎⴰⵖⵜ ⴷ ⵓⴱⴰⵢⵢⵓⵕ, ⵙⴳ ⵓⵥⵍⴰⵢ ⴰⴷⵓⵙⴰⵏ ⴷ ⵉⵣⵣⵔⴰⴼⵏ ⵏⵏⵙ ⴷ ⵜⵙⵔⵜⴰⵢ ⵏⵏⵙ ⴷ ⵉⵙⵡⵓⴷⴷⵓⵜⵏ ⵏⵏⵙ ⵉⵥⵕⴼⴰⵏⵏ ⴷ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵓⵙⴰⵏⵏ, ⴷ ⴼⴼⵉⵔ ⴰⵥⵍⴰⵢ ⴷ ⵎⴰⴷ ⵉⵙⵉⴳⴳⵉⵍ ⵙ ⵉⵎⴰⵙⵙⵏ ⴷ ⵉⴷⵔⵉⵎⵏ ⴷ  ⵓⴹⴼⵕ ⵏ ⵜⵎⵙⵙⵏⵜⴰⵢ, ⵙ ⵓⵙⵎⵓⵙⵙⵓ ⴰⵏⴰⵎⵓⵔ ⵏ ⵓⴳⵣⵣⴰⵢ ⵍⵍⵉ ⵉⵏⵏⵓⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵉⵃⴼⴹ ⵕⴱⴱⵉ ⴳ 28 ⵉⵏⵏⴰⵢⵔ ⵉⵣⵔⵉⵏ, ⵉⴼⴰⵡ ⵉⵥⵕⵉ, ⵉⴼⴰⵡ ⵉⵎⴰⵍ, ⴷ ⵡⴰⵜⵉⴳ ⵏ ⵜⵏⴰⵔⴰ, ⴷ ⵜⴷⵓⵙⵉ ⵏ ⵜⵏⴰⵔⴰ , ⵜⴰⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ , ⴳ ⵍⵍⴰⵏ ⵡⴰⵎⵎⴰⴽⵏ ⵏ ⵜⴼⴼⵓⴳⵏⴰ, ⴷ ⵓⴼⵔⴰⴳ ⵏ ⵡⴰⵎⵓⵏ ⴷ ⵉⵣⵔⴼⴰⵏ, ⴷ ⵓⵙⴷⵓⵙ ⵏ ⵡⴰⵜⵉⴳⵏ ⵏ ⵜⵡⵉⵣⵉ, ⴷ ⵓⵙⵎⴰⵇⵇⵍ, ⴳ ⵢⴰⵏ ⴳ ⵓⵎⵏⴰⴹ ⵉⵛⴷⴷⴰⵏ ⴳ ⵉⵎⵏⴰⴹⵏ ⵍⵍⵉ ⵉⵥⵕⴰ ⵓⴼⴳⴰⵏ ⴳ ⵓⵣⵎⵣ ⴰⴷ...ⵢⴰⵜ ⵜⵏⴰⵔⴰ ⵉⵙⵎⵓⵏⵏ ⴰⵎⴰⴷⴰⵏ ⴰⵎⵖⵔⵉⴱⵉ ⵙ ⴽⵓ ⵉⴼⵔⴷⴰⵙ ⵏⵏⵙ ⴷ ⵉⴳⵔⴰⵏ ⵏⵏⵙ ⴷ ⵜⵎⵔⵙⴰⵍ ⵏⵏⵙ.

ⵢⵉⵡⵉⵙ ⵎⴰ ⴰⴷ ⵉ ⵜⵎⴰⵣⵉⵔⵜ ⵏⵏⵖ ⴰⴷ ⵜⵙⵏⴼⵍ ⵜⴰⵙⵙⴰⵙⵜ ⵙ ⵉⵣⵎⴰⵣ, ⴷ ⵜⵎⵓⴽⵔⵉⵙⵉⵏ ⵙ ⵜⵎⵙⴽⴰⵔ ⵜⵉⵎⴳⵔⵓⵜⵉⵏ ⵏ ⵡⴰⵔⴰⵢ, ⴷ ⵓⵛⵃⵓ ⵏ ⵉⵙⵓⴳⴰⵎ ⵙ ⵜⵙⵏⵜⴰⵢⵉⵏ ⵏ ⵜⵡⵓⵔⵉⵡⵉⵏ ⵏ ⵓⵎⵓⵔⵙ, ⴷ ⵓⵛⵃⵓ ⴰⵏⴰⵎⵓⵏ ⵉ ⵓⵎⵓⵙⵙⵓ ⵏ ⵜⵡⵉⵣⵉ, ⴷ ⵓⵙⵕⵚⵓ ⵏ ⵜⵎⵔⵙⴰⵍ ⵏ ⵍⵎⵖⵔⵉⴱ ⴷⴼⴼⵉⵔ ⵏ ⴽⵓⴼⵉⴷ ⴳ ⵓⵎⵏⴰⴹ ⵏ ⵉⵙⵏⴼⵍⵏ ⵉⵎⴰⴹⵍⴰⵏⵏ ⵍⵍⵉ ⵉⵙⵙⵏⵜⵉ ⴰⵔ ⵜⵏ ⵉⵙⴽⴰⵔ ⴳ ⵡⴰⵏⴰⵡⵏ ⵏ ⵜⴷⵎⵙⴰ ⴷ ⵓⴼⴰⵔⵙ ⴷ ⵜⵏⵓⴼⴰ ⴷ ⵜⵣⴷⴰⵢⵉⵏ. ⴱⴰⵢⵢⵏ ⴷ ⵡⴰⵏⴰⵡⵏ ⴷ ⵜⵎⵙⴽⴰⵔ ⵥⵥⵎⵎⵥⵍⵉⵏⵉⵏⴳ ⵓⵙⵓⵡⵓⴷⴷⵓ ⵏ ⵓⴱⴰⵢⵢⵓⵕ, ⵜⵉⵕⵡⵉ ⴷ ⵓⵙⵎⵀⵍ ⴷ ⵓⵙⵏⵓⵛⵛⴳ ⵏ ⵓⵏⵢⴰⵍⴽⴰⵎ ⵏ ⵍⵎⵖⵔⵉⴱ ⴷ ⵓⴱⴰⵢⵢⵓⵕ ⴷ ⵉⴷⵔⵉⵣⵏ ⵏⵏⵙ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵔⴰ,

ⵎⴽⵍⵍⵉ ⴰⴷ ⵏⵏⵉⵖ ⴳ ⵉⵣⵎⵣⵣⴰ ⵣⵔⵉⵏⵉⵏ, ⵉⵇⵇⴰⵏⴷ ⴽⵔⴰⵢⴳⴰⵜ ⵜⴰⴷⵉⵏⴰⵎⵉⵜ ⵜⴰⵏⴰⵎⵓⵏⵜ ⴰⴷ ⵜⴻⵟⵟⵉⴼ ⵜⴰⵖⵍⴰⵖⴰⵍⵜ ⵏⵏⵙ ⵖ ⵓⴳⵯⵏⵙ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ, ⵉⵇⵇⴰⵏ ⴷ ⴰⴷ ⵜⵏⵢⵉⵍⴽⵉⵎ ⴷ ⵉⵙⵖⴰⵡⵙⴰⵜⵏ ⵏ ⵡⴰⵎⵓⵏ, ⴳ ⵜⵉⴹⴰⴼ ⴷ ⵓⵣⵣⵔⴰⴼ ⴷ ⵢⵉⴳⵔ ⵏ ⵓⵙⵓⵜⴳ ⵏ ⵜⵙⵔⵜⴰⵢ ⴷ ⵜⴷⵉⴱⵍⴰⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵓⵏⵢⴰⵍⴽⴰⵎ ⴷ ⵓⵎⵏⵉⴷ ⴰⵎⴰⵜⴰⵢ ⴷ ⵓⵙⴽⵔ ⵏ ⵜⵙⵎⵉⴳⴰⵍ ⵏ ⵜⴳⵯⵏⵙⴰⵙⵜ.

ⵖⵎⴽ ⴰⵏⵏ ⴰⴼ ⵉⵙⴽⵔ ⵓⵙⵇⵇⵉⵎ ⵏⵏⵖ ⵜⵉⵎⵙⴽⴰⵔ ⵏⵏⵙ ⵜⵉⴷⵙⵜⴰⵔⵉⵏ, ⴷ ⵜⵙⵎⵉⴳⴰⵍ ⵏⵏⵙ, ⵙ ⵎⴰⴷ ⵉⵍⵍⴰⵏ ⴳ ⵓⵎⵏⴰⴹ ⵉⵥⵍⵉⵏ ⴷ ⵓⵏⵢⴰⵍⴽⴰⵎ ⴷ ⵜⵎⵙⴰⵔⵉⵏ ⵜⵜⵉⵏⴰⵎⵓⵔⵉⵏ ⵜⵉⵅⴰⵜⴰⵔⵉⵏ ⴷ ⵜⵏⴰⵎⵎⴰⵙⵉⵏ ⵙ ⵉⵙⵡⴰⵍⴰⵢⵏ ⵏ ⵉⵏⴰⵡ ⴰⵎⴰⵜⵜⵓⵢ ⵙ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⵜⴰⵙⵓⵜⵍⵜ ⴰⴷ ⵜⴰⵣⵣⵔⴰⴼⵜ.

ⵖ ⵢⵉⴳⵔ ⵏ ⵜⵉⴹⴰⴼ, ⵉⵎⵎⴰⵖ ⵓⵙⵇⵇⵉⵎ ⴰⴷ ⵢⵉⵍⵉ ⴷ ⵜⵎⵙⴰⵔⵉⵏ ⵏ ⵡⴰⵎⵓⵏ, ⵖⵎⴽ ⴰⵏⵏ ⴰⴼ ⵜⵜⵓⵥⵍⴰⵢⵏⵜ ⵙⵏⴰⵜ ⵜⵖⵉⵎⵉⵜⵉⵏ ⴳ ⴽⴽⵓⵣⵜ  ⵏ ⵜⵙⵔⵜⴰⵢ ⵜⵉⵎⴰⵜⴰⵢⵉⵏ ⵏ ⵜⵙⵓⵜⵍⵜ ⴰⴷ, ⵉ ⵜⵎⵙⴰⵔⵜ ⵜⴰⵏⴰⵎⵓⵔⵜ ⴳ ⵙⵉⵏ ⵉⵙⴳⵓⵎⵏ, ⴰⵎⵣⵡⴰⵔⵓ ⵉ ⵉⵙⵏⴼⴰⵔⵏ ⵓⵏⴳⵉⵎⵏ ⴳ ⵜⵎⵏⴰⴹⵉⵏ ⵏ ⵉⴼⴼⵓⵙ ⵏ ⵍⵎⵖⵔⵉⴱⵏ, ⵡⵉⵙ ⵙⵉⵏ ⵉⴳⴰ ⵡⵉⵏ ⵜⴷⵉⴱⵍⵓⵎⴰⵙⵉⵜ ⵜⴰⵏⴰⵎⵓⵔⵜ ⴷ ⵓⴼⵔⴰⴳ ⵏ ⵜⵢⴰⵏⴰⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ, ⵖⵎⴽ ⴰⵏⵏ ⴷ ⵢⴰⵜ ⵜⵖⵉⵎⵉⵜ ⵉⵥⵍⵉⵏ ⴰⵙⵙ ⵏ 13 ⵏⵓⵡⴰⵏⴱⵉⵔ 2020 ⴼ ⵓⵙⵓⵔⵙ ⴳ ⵍⴳⵔⴳⴰⵔⴰⵜ. ⴳⴰⵏⵜ ⵜⴽⵛⵛⵓⵎⵉⵏ ⵜⵜⵓⵙⵎⵏⴰⴷⵏⵉⵏ ⴷ ⵓⵎⴹⴽⴰⵕ ⵢⴰⵜⵜⵓⵢⵏ ⴳ ⵙⵏⴰⵜ ⵜⵖⵉⵎⵉⵜⵉⵏ ⴰⵎⴰⴽⵕⴰⴹ ⴰⵏⴰⵎⵓⵔ ⵉⵍⵍⴰⵏ ⴼ ⵜⵢⴰⵏⵜ ⵜⴰⵏⴰⴽⴰⵍⵜ ⴷ ⵓⵙⵎⵓⵙⵙⵓ ⵏ ⴽⵓ ⵢⴰⵏ ⴷ  ⴱⴰⴱ ⵏ ⵡⴰⴷⴷⵓⵔ ⵉ ⵓⵙⵓⵜⴳ ⵏ ⵜⵢⴰⴼⵓⵜⵉⵏ, ⴳⵉⵏⵜ ⵜⵉⴱⵔⴰⵜⵉⵏ ⵜⵉⵏⴰⵎⵓⵔⵉⵏ ⴼⴰⵡⵏⵉⵏ ⵖ ⵉⵍⵍⴰ ⵓⵙⴷⴷⵉⴷ ⴼ ⵓⵙⴱⴷⴷⵉ ⵏ ⵜⵉⴱⴹⵉⵜ ⴷ ⵉⵙⵏⴼⴰⵔⵏ ⵏ ⵡⴰⵔ ⴰⵔⴳⴳⵉⴳ.

ⴳⴰⵏ ⵉⵙⵇⵙⵉⵜⵏ ⵍⵍⴰⵏⵉⵏ ⴳ ⵜⵖⵉⵎⵉⵜⵉⵏ ⵜⵉⵏⵎⵍⴰⵙⵙⵉⵏ ⵏ ⵉⵙⵇⵙⵉⵜⵏ ⵏ ⵜⵉⴹⴰⴼ, ⵍⵍⵉ ⵍⴽⵎⵏⵉⵏ 13 ⵏ ⵜⵖⵉⵎⵉⵜ, ⴼ  ⵜⵎⵙⴰⵔⵉⵏ ⵏ ⵉⴳⵔⴰⵏⵣⴷⵉⵏⵉⵏⴷ ⵓⵎⵏⴰⴹ ⵏ ⵓⴱⴰⵢⵢⵓⵕ ⵃⵎⴰ ⴰⴷ ⵓⵔ ⵉⵍⵉⵏ ⴳⴰⵔ ⵉⴷⵔⵉⵣⵏ ⵏ ⵓⴱⴰⵢⵢⵓⵕ ⴼ ⵜⵉⵍⴰⵍ ⵜⵉⴷⵎⵙⴰⵏⵉⵏ ⴷ ⵜⵏⵓⴼⴰ ⵜⵉⵏⴰⵎⵓⵏⵉⵏ. ⵉⴳ ⵓⵥⵥⵓⴹ ⵉⵛⵛⴰⵛⵔⵏ ⵊⴰⵔ ⵜⵏⴱⴰⴹⵜ ⵜⴰⵣⵣⵔⴰⴼⵜ ⴷ ⵜⵎⵣⵣⴳⴰⵔⵜ ⴰⵙⵖⵉⵡⵙ ⴷ ⵓⵎⴹⴰⴽⴰⵕ ⵏ ⵉⵎⵔⵙⵉⵡⵏ ⴰⴷ, ⴳ ⵓⵙⴰⵜⵉ ⴰⴷⵙⵜⴰⵔ, ⴰⴷ ⵢⵉⵍⵉ ⴰⴼⵔⴰⴳ ⵏ ⴽⵓ ⵉⴳⵔⴰⵏ ⴷ ⵜⵉⵍⴰⵍ. 

ⴳⵉⵏ ⵉⵙⵇⵙⵉⵜⵏ ⵜⵜⴰⵡⴼⴽⴰⵏⵉⵏ ⵉ ⵉⴳⵎⴰⵎⴰⵏ ⵏ ⵜⵏⵏⴱⴰⴹⵜ ⴷ ⵉⵏⵙⵙⵉⵅⴼⵏ ⴷ ⵉⵏⵎⵀⴰⵍⵏ ⵏ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⵙⴳ ⵜⵉⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵎⵖⵍⴰⵍⵉⵏ ⴰⵣⵎⵣⵣⵓ ⵏ ⵓⵎⵙⴰⵡⴰⵍ ⵉⴼⴰⵡⵏ ⴷ ⵓⴼⴰⵔⴰⵏ ⵏⴳⵔ ⵜⵉⵎⵔⵙⵍⵜ ⵜⴰⵣⵣⵔⴰⴼⵜ ⴷ ⵜⵎⵣⵣⴳⴰⵔⵜ ⴼ ⵓⵙⵡⵓⴷⴷⵓ ⴷ ⵜⵢⴰⴼⵓⵜⵉⵏ ⴷ ⵓⵏⴱⴰⴹ ⵏ ⵙⵎⵎⵓⵙ ⴷ ⵎⵔⴰⵡ ⵏ ⵢⵉⴳⵔ ⴼ ⵍⵍⴰⵏⵜ ⵜⵢⴰⴼⵓⵜⵉⵏ ⴷ ⵉⵙⵖⵍⴰⴼ ⴼ ⵓⵙⵖⵓⴷⵓ ⵏ ⵜⵏⵓⴼⴰ ⴷ ⵓⵙⵡⵓⵔⵉ, ⴰⵎⵙⴰⵡⴰⵍ ⵉⵙⵎⴷⵏ ⵙ ⵓⵎⴹⴽⴰⵕ ⵏ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ, ⵉⴹⴳⴰⵎ, ⵏ ⵓⵏⵇⵇⵉⵙ ⴼ ⵓⴼⵏⵉⵇ ⵏ ⵓⵙⵔⵙ ⴷ ⵓⵙⵡⵓⴷⴷⵓ, ⵍⵍⵉⵖ ⵉⴳⴰ ⵢⴰⵜ ⵜⵎⵔⵙⵍⵜ ⵉⵟⵟⴰⴼⵏ ⴰⵜⵉⴳ ⴰⵙⵜⵔⴰⵜⵉⵊⵉ ⴷ ⵓⵎⵣⵔⴰⵢ ⴼ ⵓⵏⴱⴰⴹ ⵏ ⵜⵏⵓⴼⴰ ⵜⴰⵎⴰⵜⴰⵢⵜ ⴷ ⵓⵙⵡⵓⵔⵉ ⵏⵏⵙ.

ⵖ ⵢⵉⴳⵔ ⵏ ⵓⵣⵣⵔⴰⴼ, ⵜⵥⵉⵍ ⵜⵢⴰⴼⵓⵜ ⵏ ⵜⵡⵓⵔⵉⵡⵉⵏ ⵏⵏⵖ, ⵎⵇⵇⴰⵔ ⵜⵎⵇⵓⵔ ⵜⵉⵣⵉ ⵏ ⵓⵎⴹⴰⴽⴰⵕ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ ⴷ ⵓⵙⵜⴰⵢ ⵏⵏⵙ (27 % ⵏ ⵓⵣⵎⵣ ⵉⵥⵍⵉⵏ ⵉ ⵓⵣⵣⵔⴰⴼ ⴳ ⵜⵖⵉⵎⵉⵜⵉⵏ ⵜⵉⵎⴰⵜⴰⵢⵉⵏ ⵍⴽⵎⵏⵉⵏ 15 ⵏ ⵜⵖⵉⵎⵉⵜ, 56 % ⵏ ⵓⵣⵎⵣ ⵉⵥⵍⵉⵏ ⵉ ⵓⵣⵣⵔⴰⴼ ⴳ ⵜⵙⵇⵇⵉⵎⵉⵏ), ⵉⵙⵖⵣⵏ ⵓⵙⵇⵇⵉⵎ ⵉⴹⵕⵉⵚⵏ ⵥⵉⵍⵏⵉⵏ ⴰⵎ ⴰⵙⵏⴼⴰⵔ ⵏ ⵓⵙⵍⴳⵏ ⵉ ⵓⵙⴽⵔ ⵏ ⵓⴼⵏⵉⵇ ⵏ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵓⵙⵙⴰⵔⵓ ⵍⵍⵉ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵉⵜⵜⵓⵙⴽⵉⵔ ⴷ ⵉⵎⵉⵙⵙ ⴰⴳⴷⵓⴷⴰⵏ ⴰⵙⵜⵔⴰⵜⵉⵊⵉ ⵏ ⵓⵙⵙⵥⵕⴼ ⵏ ⵉⵙⵙⴰⵔⵓⵜⵏ ⴷ ⵓⵙⵎⵀⵍ ⵏ ⵜⵎⴷⵔⴰⵡⵜ ⵏⴳⵔ ⵉⴳⵔⴰⵏ ⴰⵎⴰⵜⴰⵢ ⴷ ⵓⵙⵍⵉⴳ ⴷ ⵓⴹⴼⵕ ⵏ ⵜⴷⵉⵏⴰⵎⵉⵜ ⵜⴰⴷⵎⵙⴰⵏⵜ ⴷ ⵓⵙⵙⴰⵔⵓ ⴰⵏⴰⵎⵓⵔ, ⴷ ⵓⵙⴽⵔ ⵏ ⵉⴼⵏⵉⵇⵏ ⵏ ⵉⴳⵔⴰⵏ ⵉ ⵓⵙⵙⵥⵕⴼ  ⵏ ⵉⵙⵙⴰⵔⵓⵜⵏ. ⵉⵙⵖⵣⵏ ⵓⵙⵇⵇⵉⵎ ⵏⵏⵖ ⵓⵍⴰ ⵉⵙⵍⴳⵏⵏ ⴹⴼⵕⵏⵉⵏ ⵜⵉⵣⵣⵉⴳⵣⵉⵏ ⵜⵉⵜⵉⴽⵏⵓⵍⵓⵊⵉⵢⵉⵏ ⴷ ⵓⵙⴷⵓⵙ ⵏ ⵜⵎⵢⵉⵎⴰⵏⵜ ⴳ ⵉⵏⵢⴰⵍⴽⴰⵎⵏ ⵏ ⵓⵥⵕⴼ ⴷ ⵓⵙⵖⵏⵣⵉ ⴰⵎ ⴰⵙⵏⴼⴰⵔ ⵏ ⵓⵙⵍⴳⵏ ⴼ ⵜⵏⵓⴼⴰ ⵏ ⵜⵎⵢⵉⵎⴰⵏⵜ ⴼ ⵉⵏⵢⴰⵍⴰⴽⵎⴰⵏ ⵉⵍⵉⴽⵟⵕⵓⵏⵉⵢⵉⵏ.

ⵉⵍⵍⴰ ⵓⵍⴰ ⵓⵙⵖⵣⵏ ⵏ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵍⵍⵉ ⵙⴷⵓⵙⵏⵉⵏ ⵜⵉⵣⴷⴰⵢⵉⵏ ⵏ ⵜⵎⴰⵣⵉⵔⵜ ⵏⵏⵖ ⴷ ⵜⵎⵉⵣⴰⵔ ⵢⴰⴹⵏⵉⵏ, ⵏⵙⵖⵣⵏ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⵙⵜⴰⵡⵀⵎⵎⴰⵏⵉⵏ ⵉ ⵜⵓⴷⵔⵜ ⵏⵏⵖ ⴳ ⵓⵙⵡⵉⵏⴳⵎ ⴷ ⵜⴷⵍⵙⴰ ⴰⵎ ⴰⵙⵏⴼⴰⵔ ⵏ ⵓⵙⵍⴳⵏ ⵉⵣⴷⵉⵏ ⴷ ⵓⵙⵏⵎⴰⵍⴰ ⵏ ⵜⴽⴰⴷⵉⵎⵉⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵙⵉⵏ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵜⵙⵏⵏⵉⵖⵉⵏ ⴷ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵉ ⵜⵙⵏⵏⵉⵖⵉⵏ. ⵖⵎⴽ ⴰⵏⵏ ⴰⴼ ⵉⵙⵖⵣⵏ ⵓⵙⵇⵇⵉⵎ ⴳ ⵜⵙⵓⵜⵍⵜ ⴰⴷ 35 ⵏ ⵓⵙⵏⴼⴰⵔ ⵏ ⵓⵙⵍⴳⵏ.

ⴳ ⵓⵎⵏⵉⴷ ⵢⴰⴹⵏⵉⵏ, ⵃⵎⴰ ⴰⴷ ⵢⵉⵍⵉ ⵓⵙⵓⵜⴳ ⵏ ⵜⵙⵏⵜⴰⵢⵉⵏ ⵜⵉⵣⵣⵔⴰⴼⵉⵏ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ, ⵉⵥⵍⵉ ⵓⵙⵇⵇⵉⵎ ⵏⵏⵖ ⵙⵏⴰⵜ ⵜⵖⵉⵎⵉⵜⵉⵏ ⵉ ⵓⵙⵖⵣⵏ ⵏ ⵙⵎⵎⵓⵙⵜ ⵜⵙⵓⵎⵔⵉⵏ ⵏ ⵉⵙⵍⴳⵏⵏ, ⵉⵍⴽⵎ ⵓⵟⵟⵓⵏ ⵏ ⵉⴹⵕⵉⵚⵏ ⵜⵜⵡⴰⵙⵖⵣⴰⵏⵏⵉⵏ ⴳ ⵜⵙⵓⵜⵍⵜ ⴰⴷ ⵙⵉⵏ ⵡⴰⴳⵏⴰⵔⵏ ⵏ ⵉⴹⵕⵉⵚⵏ. ⵍⵍⵉⵖ ⴰ ⵏⵜⵜⵣⵣⵎⵎⵉⵎ ⴰⵏⵢⴰⵍⴽⴰⵎ ⵉⵥⵉⵍⵏ ⵏ ⵜⵏⴱⴰⴹⵜ ⴷ ⵜⵙⵏⵜⴰⵢⵉⵏ ⴰⴷ, ⵏⵔⴰ ⵙⵓⵍ ⴽⵉⴳⴰⵏ ⵏ ⵓⵎⵙⴰⵡⴰⵍ ⴷ ⵓⵎⴹⴰⴽⴰⵕ ⴷ ⵓⵎⵙⴰⵙⴰ ⴷ ⵜⵏⴱⴰⴹⵜ ⵜⴰⵎⵣⵣⴳⴰⵔⵜ ⴼ ⴽⵉⴳⴰⵏ ⵏ ⵜⵙⵓⵎⵔⵉⵏ ⵏ ⵉⵙⵍⴳⵏⵏ ⵍⵍⵉ ⵓⴽⴰⵏ ⵜⵜⵔⵙⵏⵉⵏ ⴳⵉⵏ 223.

ⵍⵍⵉⵖ ⵉⵙⵡⵓⵔⵉ ⵓⵙⵇⵇⵉⵎ ⴳ ⵓⵣⵣⴳⵉⵔ ⵏ ⵉⵙⵡⴰⵍⴰⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵜⵉⴽⴽⵉⵏ ⵉ ⵜⴳⵎⵉ ⴽⵓ ⵉⵎⵏⴰⴷⵏ ⵏⵏⵙ ⵉⵏⴰⵎⵓⵏ ⴷ ⵡⵉⵏ ⵜⵡⵉⵣⵉ, ⵜⵙⵎⴷ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵓⵡⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⵏⴳⵔⴰⵡ ⴰⴷⵓⵙⴰⵏ ⵍⵍⵉ ⵉⵙⴽⵔ ⵓⵙⵇⵇⵉⵎ ⵜⵉⵡⵓⵔⵉⵡⵉⵏ ⵏⵏⵙⵙ ⵓⵙⵓⵊⴷ ⵏ ⵓⵏⵇⵇⵉⵙ ⴳ ⵉⵍⵍⴰ ⵓⵣⵣⵔⴰⵢ ⵏ ⵡⴰⴷⴷⴰⴷ ⵏ ⵢⵉⴳⵔ ⵏ ⵜⴷⵓⵙⵉ ⴷ ⵓⵏⴳⵔⴰⵡ ⵏ ⵓⵙⴼⵍⵙ ⴰⴷⵓⵙⴰⵏ ⴷ ⵜⵢⴰⴼⵓⵜⵉⵏ ⴷ ⵉⵙⵖⵍⴰⴼ ⵏ ⵓⵎⵓⴽⵏ ⴰⵣⵣⵔⴰⴼ ⴷ ⵓⵎⵔⵙⴰⵍ ⴷ ⵓⵏⴳⵔⴰⵡ.

ⵍⵍⵉⵖ ⵜⵍⵍⴰ ⵜⵣⴷⴰⵢⵜ ⵊⴰⵔ ⵜⵎⵙⴰⵔⵉⵏ ⵏⵏⵖ ⵜⵉⵏⴰⵎⵓⵔⵉⵏ ⵜⵉⴳⵯⵏⵙⴰⵏⵉⵏ ⴷ ⵜⵣⴷⴰⵢⵉⵏ ⵏⵏⵖ ⵏ ⴱⵕⵕⴰ, ⵉⵣⵣⵉⴳⵣ ⵓⵙⵇⵇⵉⵎ ⵏⵏⵖ ⴳ ⵜⵡⵓⵔⵉ ⴳ ⵓⵎⵏⵉⴷ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵙⵉⵏⵔⴰⵏⵜ ⴷ ⵜⴳⵜⵉⵔⴰⵏⵜ ⵙ ⴽⵉⴳⴰⵏ ⵏ ⵉⵏⵎⵓⵇⴰⵔⵏ ⵉⵙⴳⵓⵎⴰⵏⵏ ⴷ ⵓⴷⵔⴰⵡ ⴳ ⵉⴳⵔⴰⵡⵏ ⵉⴳⵔⴰⵖⵍⴰⵏⵏ ⵍⵍⵉ ⵙⵜⴰⵡⵀⵎⵎⴰⵏⵉⵏ ⵙ ⵜⵉⵍⴰⵍⵜ ⵏ ⵉⵎⵣⵣⵔⴰⴼⵏ ⴳ ⵓⵎⴰⴹⴰⵍ ⴳ ⵓⵙⴱⴷⴷⵉ ⵏ ⵓⴱⴰⵢⵢⵓⵕ ⴷ ⵉⴷⵔⵉⵣⵏ ⵏⵏⵙ.

ⴳ ⵓⵎⵏⵉⴷ ⵢⴰⴹ ⵏⵉⵏ, ⴳⴰⵏ ⴽⵉⴳⴰⵏ ⵏ ⵉⵏⵢⴰⵍⴽⴰⵎⵏ ⵍⵍⵉ ⵏⵙⴽⵔ ⴷ ⴽⵉⴳⴰⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵜⵉⵏⴰⵎⵓⵔⵉⵏ ⴷ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⴳⵜⵉⵔⴰⵏⵉⵏ ⴰⵣⵎⵣⵣⵓ ⵏ ⵓⵙⵉⵙⴼⵉⵡ ⵏ ⵡⴰⴷⴷⴰⴷⵏ ⵏ ⵜⵎⴰⵣⵉⵔⵜ ⵏⵏⵖ ⴷ ⵜⵣⵣⵉⴳⵣⵜ ⵏ ⵜⵓⵙⵙⵏⴰ ⵙ ⵜⵍⵍⵓⴳⵏⴰ ⵏ ⵜⵢⴰⵏⵜ ⵏⵏⵖ ⵜⴰⵏⴰⴽⴰⵍⵜ. ⵏⵓⴼⴰ ⵏⵏ ⴰⵙⵓⵜⴳ ⵉⴼⴰⵡⵏ ⴷ ⵓⵔⵎⴰⵙ ⵉⴳⴳⵓⵜⵏ ⴼ ⵜⵎⵙⴽⴰⵔ ⵍⵍⵉ ⵜⵙⴽⵔ ⵜⵎⴰⵣⵉⵔⵜ ⵏⵏⵖ ⵃⵎⴰ ⴰⴷ ⵢⵉⵍⵉ ⵓⵙⵍⴳⵏ ⴳ ⵜⵙⴳⴰ ⵏ ⵍⴳⵔⴳⴰⵔⴰⵜ ⴳ ⵉⴼⴼⵓⵙ ⵏ ⵍⵎⵖⵔⵉⴱ, ⵎⴽ ⵍⵍⵉ ⵏⵏⴰⵏ ⵉⵙⵉⵡⴹⵏ ⴷ ⵜⴱⵔⴰⵜⵉⵏ ⵜⵓⵏⵚⵉⴱⵉⵏ ⵏ ⵜⵙⴳⵉⵡⵉⵏ ⴰⴷ.

ⵏⵎⵎⴰⵖ ⵓⵍⴰ ⵏⴽⴽⵯⵏⵉ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵙⴷⴷⵉⴷ ⵏ ⵜⵡⵉⵣⵉⵏⵏⵖ ⴰⴽⴷ ⵜⵉⵎⵉⵣⴰⵔ ⵜⴰⵢⵜⵎⴰⵜⵉⵏ ⴳ ⵉⴼⵔⵉⵇⵢⴰ ⴷ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴳ ⵜⵎⴰⵖⵜ ⵜⴰⵎⴳⵔⵓⵜ ⵎⴳⴰⵍ ⵏ ⵓⴱⴰⵢⵢⵓⵕ.

ⵙⵙⵓⵔⴼⴰⵜ ⵢⵢⵉ ⴳ ⵓⵎⵏⴰⴹ ⴰⴷ ⴰⴷ ⵙⴷⴷⴷⵉⴷⵖ ⵎⴰⵙ ⴷ ⴰⵙⴱⴷⴷⵉ ⵏ ⵓⴱⴰⵢⵢⵓⵕ, ⵙⵍⴰⵡⴰⵏ ⴰⴽⴽⵯ ⴳ ⵜⴼⵔⴽⴰ ⵏ ⵓⴳⵣⵣⴰⵢ ⵢⵉⵡⵉ ⴷ ⵜⵉⵎⵙⴽⴰⵔ ⵍⵍⵉ ⵓⵔ ⵍⵍⴰⵏⵉⵏ ⴷ ⵜⵎⴰⵙⴰⵢⵉⵏ ⵛⵛⴰⵔⵏⵉⵏ ⵏ ⵜⴳⵔⵓⵎⵎⴰ ⵜⴰⴳⵔⴰⵖⵍⴰⵏⵜ. ⴰⴼⵔⴰⴽ ⴰⴳⵔⴰⵖⵍⴰⵏ, ⴷ ⵓⵛⵛⵉⵍ ⵏ ⵜⵡⵉⵣⵉ ⵜⴰⵏⴼⴳⴰⵏⵜ, ⴷ ⴽⵓ ⴰⵜⵉⴳⵏ ⵉⵣⵔⴼⴰⵏⵏ ⵍⵍⴰⵏ ⴷⴰⵜ ⵏ ⵉⵔⵉⵎ ⴳ ⵓⵣⵎⵣ ⴰⴷ ⵏ ⵓⵙⴱⴷⴷⵉ ⵏ ⵓⴱⴰⵢⵢⵓⵕ, ⵓⵔ ⵔⴰⴷ ⵏⴰⵊⵊ, ⵜⵉⵙⵎⵓⵏⵉⵏⴷⵉⵙⵎⵓⵏⵏ, ⴰⴷ ⵉⵣⵎⵎⵉⵎ ⵓⵎⵣⵔⵓⵢ ⵎⴰⵙ ⴷ ⵉⴱⵖⵓⵔⵏ ⵏ ⵓⵎⴰⴹⴰⵍ ⴼⵍⵏ ⵜⵓⴳⵜ ⵏ ⵉⴼⴳⴰⵏⵏ ⴳ ⵉⵣⵎⴰⵣ ⴰⴷ ⵛⴷⴷⴰⵏⵉⵏ.

ⵉⴳⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵙ, ⴳ ⵓⵎⵏⵉⴷ ⴰⴷ, ⴰⵎⵣⵡⴰⵔⵓ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵙⴳ ⵜⵉⵣⵡⵉⵔⵉ ⵏ ⵓⴱⴰⵢⵢⵓⵔ ⵜⴰⵙⵏⵜⴰⵢⵜ ⵉ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵉⴼⵔⵉⵇⵉⵢⵏ ⵉ ⵓⵙⴱⴷⴷⵉ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ, ⵢⴰⵣⵏ ⵍⵎⵖⵔⵉⴱ ⵙ ⵓⵙⵡⴰⵍⴰ ⵏ ⴱⴰⴱ ⵏ ⵡⴰⴷⴷⵓⵔ ⵉ ⴽⵔⴰ ⵏ ⵜⵎⵉⵣⴰⵔ ⵜⵉⴼⵔⵉⵇⵉⵢⵉⵏ ⵉⵙⴰⴼⴰⵔⵏ ⴷ ⵉⵎⴰⵙⵙⵏ ⵏ ⵓⵙⴱⴷⴷⵉ ⵏ ⵓⴱⴰⵢⵢⵓⵔ ⵎⵍⵍⵉⵖ ⵉⵍⵍⴰ.

ⴳⴰⵏⵜ ⵜⵙⵏⵜⴰⵢⵉⵏ ⴰⴷ ⴳ ⵉⵙⵖⵡⴰⵏ ⵏ ⵍⵎⵖⵔⵉⴱ ⵙ ⵜⵎⵙⴰⵔⵉⵏ ⵜⵉⵏⴼⴳⴰⵏⵉⵏ ⴷ ⵜⵣⵔⴼⴰⵏⵉⵏ ⵏ ⵉⵎⴰⴷⴰⵏⵏ, ⵜⵉⵍⵉ ⴳⵉⵙⵏ ⵜⵎⵙⴰⵔⵜ ⵏ ⵓⵎⴰⴷⴰⵏ ⴰⴼⵉⵍⵉⵙⵟⵉⵏⵉ ⵍⵍⵉ ⴱⴷⴷⴰⵢⵓⴼⴰⵏ ⴳ ⵍⵎⵖⵔⵉⴱ ⴳ ⵉⵣⵎⴰⵣ ⵛⴷⴷⴰⵏⵉⵏ ⴳ ⵜⵎⴰⵖⵜ ⵏⵏⵙ ⵜⴰⵏⴰⵎⵓⵔⵜ ⴰⵙⵏⴰⵍ ⴰⵙⵔⵜⴰⵏ ⴷ ⵓⴷⵉⴱⵍⵓⵎⴰⵙⵉ ⴷ ⵡⵉⵏ ⵉⴷⵔⵉⵎⵏ, ⵉⵣⵎⵎⵉⵎ ⵓⵎⵣⵔⵓⵢ ⵎⴰⵙ ⵜⵜⵓⵙⴽⴰⵔⵏⵜ ⴳ ⵍⵎⵖⵔⵉⴱ ⵜⵉⵖⵜⴰⵙⵉⵏ ⵙⵜⴰⵡⵀⵎⵎⴰⵏⵉⵏ ⵏ ⵓⵙⵏⴰⵍ ⵏ ⵓⵎⴰⴷⴰⵏ ⴰⴼⵉⵍⵉⵙⵟⵉⵏⵉ: ⴰⵙⴽⵔ ⵏ ⵜⵎⴰⴷⴷⴰⵙⵜ ⵏ ⵓⴳⵔⴰⵡ ⴰⴼⵉⵍⵉⵙⵟⵉⵏⵉ ⴳ ⵜⴼⴼⵓⵖ ⵜⵙⵇⵇⵉⵎⵜ ⵏ ⵍⵇⵓⴷⵙⵙ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙ ⵙⵉⵏ ⴰⴷ ⵜ ⵉⵕⵃⵎ ⵕⴱⴱⵉ, ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴷ ⵕⴱⴱⵉ, ⴷ ⵓⵙⵉⵙⵙⵏ ⴰⵄⵕⴰⴱ ⵓⵏⵚⵉⴱ ⵙ ⵜⵎⴰⴷⴷⴰⵙⵜ ⵏ ⵓⵙⵍⴻⵍⵍⵉ ⴰⴼⵉⵍⵉⵙⵟⵉⵏⵉ ⵉⴳⴰⵏ ⴰⴳⵏⵙⴰⵙ ⵓⵍⴳⵉⵏ ⵉⴳⴰⵏ ⵢⴰⵏ ⵏ ⵓⵎⴰⴷⴰⵏ ⴰⴼⵉⵍⵉⵙⵟⵉⵏⵉ.

ⵎⴽ ⵍⵍⵉ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⴳⴰ ⵡⴰⴷⴷⴰⴷ ⴰⵎⵖⵔⵉⴱⵉ ⴳ ⵓⵙⵏⴰⵍ ⵏ ⵜⵎⵙⴰⵔⵜ ⵏ ⵓⵎⴰⴷⴰⵏ ⴰⴼⵉⵍⵉⵙⵟⵉⵏⵉ ⵡⴰⴷ ⵉⵙⵓⵍⵏ, ⵔⴰⴷ ⵜⵣⵣⵉⴳⵣ ⵜⴳⵍⴷⵉⵜ ⴳ ⵓⵙⵖⵡⵏ ⵏⵏⵙ ⴳ ⵓⵎⵣⴰⵖ ⴼ ⵉⵣⵔⴼⴰⵏ ⵏ ⵓⵎⴰⴷⴰⵏ ⴰⴼⵉⵍⵉⵙⵟⵉⵏⵉ, ⴰⴷⴷⴰⴷ ⴰⴷ ⵓⵔ ⵉⵥⴹⴰⵕ ⴰⴷ ⵉⵜⵜⵓⵣⵔⴰⵢ, ⵉⴱⴷⴷ ⴼ ⵜⵙⵓⵍⴰⵏⵜ ⴷ ⵓⵎⵛⴰⴱⴱⴰⴽ ⵙ ⵡⴰⵜⵉⴳⵏ ⵏ ⵜⵣⵔⴼⵜ ⴷ ⵓⴼⵔⴰ ⴷ ⵓⵎⵙⴰⵡⴰⵍ, ⴷ ⵓⵙⵏⴰⵍ ⵏ ⵓⵎⴰⴷⴰⵏ ⴰⴷ ⴳ ⵜⴰⵙⵙⴰⵙⵉⵏ  ⴳ ⵉⵣⵔⵉ ⴷ ⵉⵎⴷⵉⵡⴰⵍⵏ ⵏ ⵜⵏⴰⵔⴰ ⵏⵏⵙ ⵜⵓⵍⴳⵉⵏⵢ ⵃⵎⴰ ⴰⴷ ⵢⵉⵍⵉ ⵓⵡⴰⵏⴽ ⵏⵏⵙ ⴰⵙⵉⵎⴰⵏ ⵎⵓ ⵜⴳⴰ ⵍⵇⵓⴷⵙ ⵛⵛⴰⵔⵉⴼ ⵜⴰⵎⴰⵥⵓⵏⵜ ⵏⵏⵙ ⵉⵟⵟⴰⴼⵏ ⴰⴷⵖⴰⵔ ⵉⵥⵍⵉⵏ ⴷⴰⵔ ⵉⴳⵍⴷⴰⵏ ⵏ ⵍⵎⵖⵔⵉⴱ ⴷ ⵓⵎⴰⴷⴰⵏ ⴰⵎⵖⵔⵉⴱⵉ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ,

ⴳⴰⵏⵜ ⵜⵡⵓⵔⵉⵡⵉⵏ ⵏⵏⵖ ⴳ ⵜⵙⵓⵜⵍⵜ ⴰⴷ, ⴰⴳⵣⵣⵓⵎ ⵢⴰⴹⵏⵉⵏ ⵏ ⵜⵢⴰⴼⵓⵜ ⴳ ⵓⵙⴷⵓⵙ ⵏ ⵜⵡⵉⵣⵉ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⴱⵓⵖⵍⵓ ⵏ ⵡⴰⵢⴷⴰ ⵏⵏⵖ ⴰⵏⴰⵎⵓⵔ, ⴷ ⵓⵙⴽⵔ ⵏ ⵜⵉⴹⴰⴼ ⵜⴰⴱⵕⵍⴰⵎⴰⵏⵉⵜ ⴷ ⵜⵎⵔⵙⵍⴰⵏⵜ ⴼ ⵓⵎⵢⵡⴰⵙ ⴷ ⵓⵎⵙⴰⵎⴰⴷ ⵊⴰⵔ ⵜⵉⵏⴱⴰⴹⵉⵏ, ⴰⵡⵜⵜⴰⵙ ⵏⵏⵖ ⴰⴷ ⵏⵙⵙⴷⵓⵙ ⵜⵉⵎⵙⴽⵔⵜ ⵜⴰⴷⵉⵎⵓⵇⵔⴰⵟⵉⵜ ⴷ ⵓⵙⴷⵓⵙ ⵏ ⵓⵚⴽⴰⵡ ⴰⵎⵔⵙⵍⴰⵏ ⴷ ⵜⵣⵣⵉⴳⵣⵜ ⵏ ⵜⵡⵉⵏⴳⵎⵜ ⵏ ⵓⵎⵓⴽⵏ ⵢⵓⵎⴰⵏ ⵃⵎⴰ ⴰⴷ ⵜⵉⵍⵉ ⵜⵎⵢⵉⵎⴰⵏⵜ ⵏ ⵉⵏⵎⵓⵔⴰⵏ ⴷ ⵜⵏⵎⵓⵔⴰⵜⵉⵏ ⴳ ⵜⵎⵔⵙⴰⵍ ⴰⴷ ⵃⵎⴰ ⴰⴷ ⵜⵣⵣⵉⴳⵣ ⵜⵎⴰⵣⵉⵔⵜ ⵏⵏⵖ ⴷ ⵜⴰⴷⵓⵙⵉ ⵜⴰⴷⵉⵎⵓⵇⵔⴰⵟⵉⵜ ⴷ ⵜⴷⵎⵙⴰⵏⵜ ⵉⵣⵣⵉⴳⵣⵏ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵄⵣⵣⵓ ⵕⴱⴱⵉ.

ⴳ ⵜⴳⵉⵔⴰ, ⴰⵔ ⵙⴷⴷⵉⴷⵖ ⵎⴰⵙ ⴷ ⵜⴰⵢⴰⴼⵓⵜ ⴰⴷ ⵜⵜⵓⵙⴽⴰⵔ ⵙ ⵜⵡⵉⵙⵉ ⵏ ⵜⵏⴱⴰⴹⵉⵏ ⵜⴰⵣⵣⵔⴰⴼⵜ ⴷ ⵜⵎⵣⵣⴳⴰⵔⵜ, ⴷ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵎⴰⵙⵙ ⴰⵎⴰⵡⵙⴰⵙ ⵏ ⵓⵡⴰⵏⴽ ⵉⵜⵜⵓⵙⵎⴰⴳⴰⵍⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵣⴷⴰⵢⵉⵏ ⵏ ⵓⴱⵕⵍⴰⵎⴰⵏ ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ ⵍⵍⵉ ⴱⴰⵀⵔⴰ ⵙⵏⵉⵎⵎⵉⵔⵖ ⴷ ⵉⵎⴰⵙⵙⵏ ⵏ ⵓⵙⵎⴰⵍ ⵉⵏⴰⵎⵓⵔⵏ ⴷ ⵜⵎⵙⵖⴰⵏⵉⵏ ⴷ ⵉⵎⵙⵖⴰⵏⵏ ⵏ ⵓⵙⵇⵇⵉⵎ ⴼ ⵓⵙⵎⵓⵙⵙⵓ ⵏⵏⵙⵏ ⵉⵣⵣⵉⴳⵣⵏ ⵃⵎⴰ ⴰⴷ ⵉⵜⵜⵓⵙⴽⵉⵔ ⵎⴰ ⴰⴷ.