ⵜⴰⵙⵎⵓⵏⵉ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵉⵍⵉⵜ ⵏ ⵎⴰⵙⵙ ⵍⵡⴰⵍⵉ ⵏ ⵍⴱⴰⵏⴽ ⵏ ⵍⵎⵖⵔⵉⴱ

ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ ⵓⵙⵉⵏⴰⵙ 24 ⵏⵓⵡⴰⵏⴱⵉⵔ 2020 ⵜⴰⵙⵎⵓⵏⵉ ⵍⵍⵉ ⵉⵙⵙⵉⵅⴼ ⵎⴰⵙⵙ ⴰⵏⵙⵙⵉⵅⴼ ⵄⴰⴱⴷⵓⵍⵍⴰⵀ ⴱⵓⵡⴰⵏⵓ ⵙ ⵜⵉⵍⵉⵜ ⵏ ⵎⴰⵙⵙ ⵄⴰⴱⴷⵍⵍⴰⵟⵉⴼ ⵍⵊⵡⴰⵀⵕⵉ ⵍⵡⴰⵍⵉ ⵏ ⵍⴱⴰⵏⴽ ⵏ ⵍⵎⵖⵔⵉⴱ, ⵜⵥⵍⵉ ⵉ ⵉⵙⵡⵓⴷⴷⵓⵜⵏ ⵥⵍⵉⵏⵉⵏ ⴼ ⵜⵙⵔⵜⵉⵜ ⵏ ⵜⴷⵔⵉⵎⵜ ⵏ ⵍⴱⴰⵏⴽ ⵙⴳ ⵜⵉⵣⵡⵉⵔⵉ ⵏ ⵓⴱⴰⵢⵢⵓⵕ ⵉ ⵚⴰⵃⴰ ⵏ ⵜⴷⵎⵙⴰ ⵜⴰⵏⴰⵎⵓⵔⵜ ⴷ ⵓⵏⴳⵔⴰⵡ ⴰⴱⴰⵏⴽⵉ. ⴷ ⵓⴷⵔⵉⵣ ⵏ ⵜⴰⵙⵙⴰⵙⵜ ⵜⴰⴷⵓⵙⴰⵏⵜ ⴼ ⵜⴷⵎⵙⴰ ⵜⴰⵏⴰⵎⵓⵔⵜ.  ⵙ ⵎⴰ ⴷ ⵉⵍⵍⴰⵏ ⵖ ⵜⵓⵎⴰⵢⵉⵏ ⵏ ⵓⵙⵙⴼⵍⴷ ⴰⴱⵕⵍⴰⵎⴰⵏⵉ ⴷ ⵓⵎⵏⵏⵉ 45 ⵏ ⵓⵏⴳⵔⴰⵡ ⴰⴷⵙⵍⴰⵏ ⵏ ⵍⴱⴰⵏⴽ ⵏ ⵍⵎⵖⵔⵉⴱ ⴷ ⵜⵓⵜⵔⴰⵡⵉⵏ ⵏ ⵜⵔⵓⴱⴱⴰ ⵜⵉⴱⵕⵍⴰⵎⴰⵏⵉⵢⵉⵏ ⵖ ⵓⵙⴰⵜⵉ ⵏ ⵜⵡⵓⵔⵉ ⵏ ⵜⵉⴹⴰⴼ ⵏ ⵜⵙⵇⵇⵉⵎⵜ.

ⵖ ⵜⵣⵡⵉⵔⵉ, ⵉⵙⴰⵡⵍ ⵎⴰⵙⵙ ⵍⵡⴰⵍⵉ ⵏ ⵍⴱⴰⵏⴽ ⵏ ⵍⵎⵖⵔⵉⴱ ⴼ ⵜⵓⵎⵔⵜ ⵍⵍⵉⵖ ⴷⴰⵖ ⵉⵍⵍⴰ ⵖ ⵜⵎⵔⵙⵍⵜ ⵜⴰⵣⵣⵔⴰⴼⵜ ⴰⴷ ⵉⵖⵔ ⴷ ⵉⵎⵓⵔⴰ ⵏ ⵜⵎⵜⵜⵉ ⵉⴷⵔⵉⵣⵏ ⵏ ⵜⴰⵙⵙⴰⵙⵜ ⴷ ⵉⵙⵡⵓⴷⴷⵓⵜⵏ ⵍⵍⵉ ⵉⵙⴽⵔ ⵍⴱⴰⵏⴽ ⵉ ⵓⵙⴱⴷⴷⵉ ⵏⵏⵙⵏ. ⵉⵙⵙⴽⵜⵉ ⴷ ⵉⵏⵎⵓⵇⴰⵔⵏ ⵣⵔⵉⵏⵉⵏ ⵍⵍⵉ ⵜⵙⴽⵔ ⵜⵙⵇⵇⵉⵎⵜ ⵙⴳ 2017, ⵉⵙⵓⵜⴳ ⴰⵙⴰⵜⵉ ⴰⵎⴰⵢⵏⵓ ⵉⵙⵎⵓⵏⵏ ⵜⵉⵣⴷⴰⵢⵉⵏ ⵏⴳⵔ ⵓⴱⵕⵍⴰⵎⴰⵏ ⴷ ⵍⴱⴰⵏⴽ ⵏ ⵍⵎⵖⵔⵉⴱ ⵍⵍⵉⵖ ⵉⵍⵍⴰ ⵓⵙⵍⴳⵏ ⴰⴷⵙⵍⴰⵏ ⴰⵎⴰⵢⵏⵓ ⵏ ⵍⴱⴰⵏⴽ ⴰⵏⴰⵎⵎⴰⵙ.

ⵉⴼⴽⴰ ⵎⴰⵙⵙ ⵍⵡⴰⵍⵉ ⵏ ⵍⴱⴰⵏⴽ ⵏ ⵍⵎⵖⵔⵉⴱ ⵢⴰⵏ ⵓⵙⵎⵏⵉⴷ ⵉⵣⵓⵣⵣⵔⵏ ⵖ ⵉⵙⴰⵡⵍ ⴼ ⵜⵣⵣⵉⴳⵣⵜ ⵜⴰⴷⵓⵙⴰⵏⵜ ⴷ ⵜⴷⵎⵙⴰⵏⵜ ⵖ ⵓⵙⵡⵉⵔ ⴰⴳⵔⴰⵖⵍⴰⵏ, ⵖ ⵍⵍⴰⵏⵜ ⵙⵏⴰⵜ ⵜⵎⵓⴽⵔⵉⵙⵉⵏ ⵜⴰⵎⵣⵡⴰⵔⵓⵜ ⵜⵉⵏ ⵜⵓⵜⵔⴰ ⵍⵍⵉⵖ ⵜⴱⴷⴷ ⵜⵣⵣⵉⴳⵣⵜ ⵏ ⵉⵡⴷⴰⵏ, ⵜⵉⵙ ⵙⵏⴰⵜ ⵜⵉⵏ ⵓⵙⴽⴰⵏ ⵉⵎⵓⵏⵏ ⴷ ⵜⵎⵓⴽⵔⵉⵙⵉⵏ ⵏ ⵜⴰⵊⴰⵡⵜ, ⵢⵉⵏⵉ ⵎⴰⵙ ⵔⴰⴷ ⵉⴳ ⵡⴰⴳⵯⴳⵯⴰ ⵏ ⵓⴱⴰⵢⵢⵓⵕ ⴰⴷ 11 ⵏ ⵉⴼⴹ ⵏ ⵎⵍⵢⴰⵕ ⵏ ⴹⵓⵍⴰⵕ ⵖ ⵜⴳⵉⵔⴰ ⵏ 2021 ⵙ ⴰⵢⵍⵍⵉ ⴷ ⵢⵉⵡⵉ ⵓⴼⵏⵉⵇ ⵏ ⵓⴷⵔⵉⵎ ⴰⴳⵔⴰⵖⵍⴰⵏ, ⴰⵢⵍⵍⵉ ⵉⴳⴰⴷⴷⴰⵏ ⴷ ⵓⴼⴰⵔⵙ ⵏ ⵍⵢⴰⴱⴰⵏ ⴷ ⴰⵍⵎⴰⵏⵢⴰ ⴷ ⴼⵕⴰⵏⵚⴰ ⴷ 28 ⵏ ⵉⴼⴹ ⵏ ⵎⵍⵢⴰⵕ ⴹⵓⵍⴰⵕ ⵖ 2025.

ⵉⵙⴰⵡⵍ ⵎⴰⵙⵙ ⵍⵡⴰⵍⵉ ⵏ ⵍⴱⴰⵏⴽ ⵏ ⵍⵎⵖⵔⵉⴱ ⴼ ⵉⵙⵡⵓⴷⴷⵓⵜⵏ ⵍⵍⵉ ⵉⵙⴽⵔ ⵍⴱⴰⵏⴽ ⵉ ⵓⵙⴱⴷⴷⵉ ⵏ ⵜⴰⵙⵙⴰⵙⵜ ⵜⴰⴷⵎⵙⴰⵏⵜ, ⵙ ⵓⵙⵎⵀⵍ ⵏ ⴽⵓ ⵉⵎⴰⵙⵙⵏ ⵉⵇⴱⵓⵔⵏ ⵓⵍⴰ ⵉⵎⴰⵢⵏⵓⵜⵏ ⵖ ⵉⴳⵔⴰⵏ ⵏ ⵜⵡⵓⵔⵉ ⵏⵏⵙ: ⵜⴰⵙⵔⵜⵉⵜ ⵏ ⵜⴷⵔⵉⵎⵜ ⴷ ⵉⵙⵡⵓⴷⴷⵓⵜⵏ ⵏ ⵡⴰⵔⴰⵢ, ⴰⵙⵎⴰⵜⵜⵉ ⵏ ⵜⵙⵔⵜⵉⵜ ⵏ ⵜⴷⵔⵉⵎⵜ, ⴰⴼⵔⴰⴳ ⵏ ⵉⵎⵙⴰⵖⵏ, ⴰⵙⵓⵊⴷ ⵏ ⵓⴷⵔⵉⵎ, ⴰⵙⵎⴰⵜⴰ ⵏ ⵓⴷⵔⵉⵎ, ⴰⵙⵡⵓⴷⴷⵓ ⵏ ⵓⵖⴹⴰⴼ ⵏ ⵓⵙⵏⴼⵍ. ⵉⵙⵙⴽⵜⵉ ⴷ ⵙ ⵓⵖⴰⵡⴰⵙ “ⵉⵏⵟⵉⵍⴰⵇⴰ” ⵉⵣⵣⵉⴳⵣⵏ ⵡⴰⵅⵅⴰ ⵉⴱⵉⴷⴷ ⵓⵎⵓⵙⵙⵓ ⴰⴷⵎⵙⴰⵏ ⵙ ⵓⴱⴰⵢⵢⵓⵕ. ⴰⵔ 15 ⵏⵓⵡⴰⵏⴱⵉⵔ 2020, ⵉⵍⴽⵎ ⵓⵏⵛⴽ ⵏ ⵉⵕⵟⵟⴰⵍⵏ 1.9 ⵎⵍⵢⴰⵕ ⴷⵔⵀⵎ ⵉ ⵚⴰⵃⴰ ⵏ 9443 ⵏ ⵓⵎⵏⵜⴰⵢ.

ⵖ ⵓⵙⵡⵉⵔ ⵏ ⵜⵙⵔⵜⵉⵜ ⵏ ⵜⴷⵔⵉⵎⵜ, ⵢⵓⴽⵉ ⵚⴰⵃⴰ ⴰⴷⵙⵍⴰⵏ ⵙ 25 ⵏ ⵜⵏⵇⵉⴹⵜ ⵖ 17 ⵎⴰⵕⵚ, ⴷ 50 ⵖ 16 ⵢⵓⵏⵢⵓ, ⵉⴱⴷⴷ ⵖ 1.5 %, ⴷ ⵓⵙⵍⴻⵍⵍⵉ ⵉⵙⵎⴷⵏ ⵏ ⵓⵟⵟⵓⵏ ⵏ ⵓⵖⴹⴼ ⵉ ⵚⴰⵃⴰ ⵏ ⵍⴰⴱⵏⴰⴽ, ⵢⵉⵍⵉ ⵓⵙⵓⵊⴷ ⵏ ⵓⵏⵛⴽ ⵏ ⵉⴷⵔⵉⵎⵏ ⵉⵍⴽⵎⵏ 12 ⵎⵍⵢⴰⵕ ⴷⵔⵀⵎ, ⵍⵍⵉⵖ ⵙⵖⴰⵡⵙⴰⵏ ⵍⴰⴱⵏⴰⴽ ⵙ ⵉⴷⵔⵉⵎⵏ, ⵉⵙⵉⴱⵙⵉⵙ ⵍⴱⴰⵏⴽ ⵏ ⵍⵎⵖⵔⵉⴱ ⵜⵉⴼⴰⴷⵉⵡⵉⵏ ⵏ ⵓⵙⵙⵥⵕⴼ ⵉ ⵚⴰⵃⴰ ⵏ ⵍⴰⴱⵏⴰⴽ ⵉⵇⴱⵓⵔⵏ ⴷ ⵍⴰⴱⵏⴰⴽ ⵏ ⵜⵎⴰⴷⵔⴰⵡⵜ ⴷ ⵜⵎⵙⵎⵓⵏⵉⵏ ⵏ ⵉⵕⵟⵟⴰⵍⵏ ⵎⵥⵥⵉⵏⵉⵏ. ⵉⵡⵙⵏ ⵉⵙⵡⵓⴷⴷⵓⵜⵏ ⴰⴷ ⵖ ⵡⴰⵍⴰⵢ ⵏ ⵜⵡⵓⵔⵉ ⵏ ⵍⴱⴰⵏⴽ ⵏ ⵍⵎⵖⵔⵉⴱ ⵖ ⵓⴳⴰⴷⴰⵣ ⵏ ⵉⴷⵔⵉⵎⵏ ⵙⴳ 72 ⵎⵍⵢⴰⵕ ⴷⵔⵀⵎ ⵖ 29 ⴱⵕⴰⵢⵕ ⴰⵔ 105.7 ⵎⵍⵢⴰⵕ ⵖ 5 ⵏⵓⵡⴰⵏⴱⵉⵔ 2020, ⴰⵢⵍⵍⵉ ⵢⵉⵡⵙⵏ ⵉ ⵜⵎⵔⴰⵔⵓⵜ ⵏ ⴽⵓ ⵜⵓⵜⵔⵉⵡⵉⵏ ⵏ ⵓⵖⵓⵍ ⵏ ⵓⵙⵙⵥⵕⴼ ⵜⵜⵓⴼⴽⴰⵏⵉⵏ ⵙⴳ ⵍⴰⴱⵏⴰⴽ, ⴰⵢⵍⵍⵉ ⵢⵉⵡⵙⵏ ⴰⴷ ⵉⵍⵉⵏⵜ ⵜⴼⴰⴷⵉⵡⵉⵏ ⴷ ⵓⵙⴰⵏⵉⵏ ⵖ ⵓⴳⴰⴷⴰⵣ ⵏ ⵓⴷⵔⵉⵎ. ⴷ ⵉⵡⵉⵣ ⵏ ⵍⴱⴰⵏⴽ ⵏ ⵍⵎⵖⵔⵉⴱ ⵖ ⵓⴼⵔⴰⴳ ⵏ ⵜⵙⵓⴳⴰⵔ ⵏ ⵓⵙⴽⴰⵏ ⵏ ⵓⵙⴼⵍⵙ ⵏ ⵍⴰⴱⵏⴰⴽ ⵙ ⵓⵙⵉⴱⵙⵓⵙ ⵏ ⵉⵙⵍⴳⵏⵏ ⵏ ⵡⴰⵔⴰⵢ. ⵉⵜⵜⵔ ⵍⴱⴰⵏⴽ ⴰⵏⴰⵎⵎⴰⵙ ⵙⴳ ⵍⴰⴱⵏⴰⴽ ⴰⵙⴱⴷⴷⵉ ⵏ ⵓⴱⵟⵟⵓ ⵏ ⵉⵚⴰⵃⴰⵢⵏ ⵏ 2019, ⴰⵢⵍⵍⵉ ⵙ ⵏⵉⵜ ⵙⴽⵔⵏⵜ.

ⵉⵙⴷⴷⵉⴷ ⵎⴰⵙⵙ ⵍⵡⴰⵍⵉ ⵎⴰⵙ ⵉⵜⵜⵔ ⵍⴱⴰⵏⴽ ⵏ ⵍⵎⵖⵔⵉⴱ ⵖ ⵍⴰⴱⵏⴰⴽ ⵜⵉⴽⴽⵉ ⵏ ⴽⵓ ⵓⵎⵍⴰⵏ ⵉ ⵉⵎⵙⴰⵖⵏ ⵖ ⵉⵍⵍⴰ ⵓⵙⵎⴰⵜⵜⵉ ⵏ ⵓⴼⵔⵓ ⵏ ⵉⵕⵟⵟⴰⵍⵏ ⵙ ⵓⵏⵛⴽ ⵏⵏⵙⵏ ⴷ ⵜⵉⴽⴽⵉ ⵏ ⵜⵎⵏⵜⴰⵍ ⵏ ⵜⴰⴳⵯⵉⵜ ⵏ ⵜⵓⵜⵔⴰⵡⵉⵏ ⵏ ⵓⵕⵟⵟⵍ. ⵉⵍⵍⴰ ⴰⵙⵉⵣⴷⵔ ⵏ ⵓⵙⵖⵍ ⵏ ⵜⴰⴳⵯⵉⵜ ⵏ ⵓⵕⵟⵟⵍ ⵙⴳ 17% ⵖ 2016 ⴰⵔ 10% ⵖ 2019, ⵉⴳ ⴰⵙⵖⵍ ⵉⴷⵔⵓⵙⵏ ⵉⵜⵜⵓⵣⵎⵎⴰⵎⵏ ⵖ ⵙⵎⵎⵓⵙ ⵉⵙⴳⴳⵯⴰⵙⵏ ⴳⴳⵓⵔⴰⵏⵉⵏ.

ⵉⴱⴷⵔ ⵎⴰⵙⵙ ⵍⵡⴰⵍⵉ ⵜⴰⵣⵣⵉⴳⵣⵜ ⵏ ⵉⵕⵟⵟⴰⵍⵏ ⵏ ⵍⴰⴱⵏⴰⴽ ⵖ ⵢⵢⵉⵔⵏ ⴳⴳⵓⵔⴰⵏⵉⵏ, ⵙⵍⴰⵡⴰⵏ ⴰⴽⴽⵯ ⵉⵙⵔⵅⵓⵜⵏ ⵏ ⵓⴼⵏⵉⵇ. ⵓⴳⴳⵓⵣⵏ ⴷ ⵓⵍⴰ ⵉⵕⵟⵟⴰⵍⵏⵏ ⵜⴰⵡⵊⵉⵡⵉⵏ  ⵍⵍⵉⵖ ⵍⵍⴰⵏ ⵉⵙⴽⵔⴰⴼ ⵏ ⵓⵥⵍⴰⵢ ⴰⴷⵓⵙⴰⵏ. ⵎⴰⵛⵛ ⵎⵎⴰⵙⵙⵏⵜ ⵙ ⵉⵎⵉⴽ ⵖ ⵖⵓⵛⵖⵜ ⵉⵣⵔⵉⵏ. ⵉⴱⴷⴷ ⵓⵍⴰ ⴼ ⵉⴷⵔⵉⵣⵏ ⵀⵔⵛⵏⵉⵏ ⵏ ⵜⴰⵙⵙⴰⵙⵜ ⴼ ⵉⵏⵎⵎⴰⵍⵏ ⵏ ⵢⵉⴳⵔ ⵏ ⵍⴰⴱⵏⴰⴽ ⵖ ⵣⵣⵉⴳⵣⵏ ⵉⵕⵟⵟⴰⵍⵏ ⴱⴷⴷⵏⵉⵏ ⴰⵔ 79 ⵎⵍⵢⴰⵕ ⴷⵔⵀⵎ ⵖ ⵛⵓⵜⴰⵏⴱⵉⵔ ⵉⵣⵔⵉⵏ. ⵉⵍⴽⵎ ⵓⵙⵖⴰⵍ ⵏ ⵓⴱⴷⴷⵉ ⵏ ⵓⴼⵔⴰ 8.4 % ⵍⵍⵉⵖ ⵉⴳⴰ ⵖⴰⵙ 7.6% ⵖ ⵜⴳⵉⵔⴰ ⵏ 2019, ⴰⴹⴼⵕ ⵏ ⵉⵕⵟⵟⴰⵍⵏ ⴱⴷⴷⵏⵉⵏ ⵖ ⵜⴰⵙⵙⴰⵙⵜ ⴰⵔ ⵉⵎⵎⴰⵍ ⵜⴰⵣⵣⵉⴳⵣⵜ ⵏ ⵜⵎⵓⴽⵔⵉⵙⵜ ⵏ ⵉⵕⵟⵟⴰⵍⵏ ⵎⵓ ⵉⴱⴷⴷ ⵓⴼⵔⴰ ⵏⵏⵙⵏ ⵖ ⵢⵢⵉⵔⵏ ⴷ ⵓⵛⴽⴰⵏⵉⵏ, ⵜⴰⵙⵙⴰⵙⵜ ⴰⴷ ⵔⴰⴷ ⵜⴻⵟⵟⵉⴼ ⴳⴰⵔ ⵉⴷⵔⵉⵣⵏ ⴼ ⵉⵏⵎⵎⴰⵍⵏ ⵏ ⵓⵔⴳⴳⵉⴳ ⴰⵥⵕⴼⴰⵏ.

ⵉⵙⵡⴰⵍ ⵎⴰⵙⵙ ⵍⵡⴰⵍⵉ ⵓⵍⴰ ⴼ ⵜⵣⵣⵉⴳⵣⵜ ⵏ ⵜⵓⵜⵔⴰ ⵏ ⵉⴷⵔⵉⵎⵏ ⵖ ⵜⵣⵡⵉⵔⵉ ⵏ ⵜⴰⵙⵙⴰⵙⵜ, ⵍⵍⵉⵖ ⵉⵍⵍⴰ ⵓⵥⵍⴰⵢ ⴰⴷⵓⵙⴰⵏ ⴷ ⵜⵡⵓⵔⵉ ⵏ ⵓⵎⵢⴰⵡⴰⵣ ⵖⵎⴽ ⴰⵏⵏ ⴷ ⵜⵓⵜⵔⴰⵡⵉⵏ ⵏ ⵡⴰⵢⵢⵓⵔ ⵏ ⵕⵎⴹⴰⵏ ⴷ ⵜⴼⵓⴳⵍⴰ ⵏ ⵜⴼⴰⵙⴽⴰ. ⵉⵍⴽⵎ ⵓⵏⵛⴽ ⵏ ⵉⴷⵔⵉⵎⵏ ⴷ ⴼⴼⵖⵏⵉⵏ ⵖ ⵍⴱⴰⵏⴽ ⵏ ⵍⵎⵖⵔⵉⴱ 15.6 ⵎⵍⵢⴰⵕ ⵖ ⵉⴱⵔⵉⵔ, ⴷ 10.6 ⵎⵍⵢⴰⵕ ⵖ ⵎⴰⵢⵢⵓ, ⴷ 6.4 ⵎⵍⵢⴰⵕ ⵖ ⵢⵓⵏⵢⵓ ⴷ 21 ⵎⵍⵢⴰⵕ ⵖ ⵢⵓⵍⵢⵓⵣ ⵖ 2020, ⵢⵉⵏⵉ ⵎⴰⵙ ⵔⴰⴷ ⵢⴰⵡⵙ ⵓⵣⵎⵎⴻⵎ ⴰⵏⴰⵎⵓⵏ ⵉⵎⵓⵏⵏ ⵖ ⵓⵙⵎⵖⵔ ⵏ ⵓⴼⵔⵓ ⵙ ⵜⵖⴰⵔⴰⵙⵜ ⵏ ⵜⵜⵉⵍⵉⴼⵓⵏ,ⴰⵢⵍⵍⵉ ⵔⴰⴷ ⵢⴰⵡⵙ ⵖ ⵓⵙⵉⴷⴼ ⵏ ⵜⵉⵍⴰⵍ ⵓⵔ ⴳⴰⴷⴷⴰⵏⵉⵏ.

ⵉⵙⵓⵜⴳ ⵎⴰⵙⵙ ⵍⵡⴰⵍⵉ ⵜⵜⵓⴳⴳⴰⵙ ⵜⵜⵓⵙⴽⴰⵔⵏⵉⵏ ⵖ ⵓⵎⵏⵉⴷ ⵏ ⵓⵖⴹⴼ ⵏ ⵓⵙⵏⴼⵍ ⵍⵍⵉⵖ ⵉⵍⴽⵎ 294 ⵎⵍⵢⴰⵕ ⴷⵔⵀⵎ ⵖ 23 ⴽⵟⵓⴱⵕ, ⴰⵢⵍⵍⵉ ⵉⴳⴰⵏ 7 ⵢⵢⵉⵔⵏ ⵏ ⵜⵎⴳⵓⵔⴰ ⴷ ⵜⵏⵓⴼⴰ. ⵢⵉⵏⵉ ⵎⴰⵙ ⴰ ⵉⵥⵕⴰ ⵍⴱⴰⵏⴽ ⵏ ⵍⵎⵖⵔⵉⴱ ⴰⵙⵉⵣⴷⵔ ⵏ ⵜⴷⵎⵙⴰ ⵜⴰⵏⴰⵎⵓⵔⵜ ⵙ 6.3 % ⵖ ⵜⴳⵉⵔⴰ ⵏ ⵓⵙⴳⴳⵯⴰⵙ ⴰⴷ, ⴷ ⵢⴰⵏ ⵓⵙⵎⵖⵔ ⵙ 4.7 % ⵖ 2021, ⴷ ⵓⵔ ⵔⴰⴷ ⵉⵣⵣⵉⴳⵣ ⵓⵙⵖⵍ ⵏ ⵡⴰⵍⴰⵢ ⵏ ⵡⴰⵜⵉⴳⵏ ⴰⴱⵍⴰ ⵙ ⵎⴰ ⴷ ⵉⴷⵔⵓⵙⵏ ⵖ 1% ⵖ 2020 ⴷ 2021.

ⵖ ⵜⴳⵉⵔⴰ ⵏ ⵓⵙⵎⵏⵉⴷ ⵏⵏⵙ, ⵉⵙⴷⴷⵉⴷ ⵎⴰⵙⵙ ⵍⵡⴰⵍⵉ ⵎⴰⵙ ⴷ ⵇⵇⴰⵏⵜ ⵜⵎⵙⵉⵔⵉⵏ ⵙⴳ ⵜⴰⵙⵙⴰⵙⵜ ⴰⴷ, ⴰⴷ ⵢⵉⵍⵉ ⵓⵙⴱⴷⴷⵉ ⵏ ⵜⵎⵓⴽⵔⵉⵙⵉⵏ ⵍⵍⴰⵏⵉⵏ ⵖ ⵓⵏⴳⵔⴰⵡ ⴰⴷⵓⵙⴰⵏ ⴷ ⵜⵛⵃⵉⵜ ⵜⴰⴷⵎⵙⴰⵏⵜ ⵏ ⴽⵉⴳⴰⵏ ⵏ ⵉⵎⵣⴷⴰⵖⵏ ⴷ ⵓⴷⵖⴰⵔ ⵎⵇⵇⵓⵔⵏ ⵏ ⵢⵉⴳⵔ ⵓⵔ ⵉⴳⴰⴷⴷⴰⵏ, ⴷ ⵜⵛⵃⵉⵜ ⵏ ⵓⵥⵟⵟⴰ ⵏ ⵓⴼⴰⵔⵙ ⴷ ⵡⴰⵜⵉⴳ ⵏ ⵓⵏⵢⴰⵍⴰⴽⵎ ⵙ ⵉⴷⵔⵉⵎⵏ.

ⵖ ⵓⵎⴹⴰⴽⴰⵕ, ⵙⴷⴷⵉⴷⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⴼ ⵡⴰⵜⵉⴳ ⵏ ⵓⵏⵎⵓⵇⴰⵔ ⴰⴷ, ⵙⴰⵡⵍⵏ ⴼ ⵜⵉⵔⴰⵜ ⵏⵏⵙⵏ ⴰⴷ ⵉⵍⵉⵏⵜ ⵜⵙⵎⵓⵏⴰⵢ ⴰⴷ ⵙ ⵜⵖⴰⵔⴰⵙⵜ ⵉⵙⵓⵍⵏ. ⴼⴽⵏ ⵉⵙⵇⵙⵉⵜⵏ ⴼ ⵜⵣⴷⴰⵢⵉⵏ ⵏ ⵍⴰⴱⵏⴰⴽ ⴷ ⵉⵎⵙⴰⵖⵏ ⵙⵍⴰⵡⴰⵏ ⴰⴽⴽⵯ ⵖ ⵜⴰⵙⵙⴰⵙⵜ ⴰⴷ ⵜⴰⴷⵓⵙⴰⵏⵜ, ⵙⵔⵙⵏ ⵜⵉⵎⵓⴽⵔⵉⵙⵉⵏ ⵣⴷⵉⵏⵉⵏ ⴷ ⵉⵙⵙⵥⵕⴼⵏ ⵏ « ⵉⵇⵍⴰⵄ » ⴷ ⵓⵛⵛⵉⵍ ⵏ ⵓⴹⴼⵕ ⵉⵙⵓⵍⵏ ⵏ ⵉⵙⵏⴼⴰⵔⵏ ⵎⵓ ⵚⴰⵃⴰⵏ ⵉⵕⵟⵟⴰⵍⵏ ⴰⴷ, ⵖⵎⴽ ⴰⵏⵏ ⴷ ⵜⵣⵣⵉⴳⵣⵜ ⵏ ⵓⵙⴽⵔ ⵏ ⵓⵖⴰⵡⴰⵙ ⵏ ⵓⴹⴼⵕ ⴷ ⵓⵙⵙⵥⵕⴼ ⵏ ⵏ ⵜⵎⵙⵙⵏⵜⴰⵢ (ⵉⵏⵟⵉⵍⴰⵇⴰ).

ⵙⴰⵡⵍⵏ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⵎⵓⵔⴰ ⴼ ⵡⴰⵜⵉⴳ ⵏ ⵓⵙⵎⵖⵔ ⵏ ⵜⴱⵖⵓⵔⵉⵏ ⵏ ⵍⴱⴰⵏⴽ ⵏ ⵍⵎⵖⵔⵉⴱ, ⴷ ⴰⴷ ⵓⵔ ⴳⵉⵏⵜ ⵖⴰⵙ ⴰⵔⴳⴳⵉⴳ ⵏ ⵡⴰⵜⵉⴳⵏ, ⵉⵇⵇⴰⵏ ⴷ ⴰⴷ ⵉⵍⵉⵏ ⵉⵡⵜⵜⴰⵙⵏ ⵉⵎⴰⵢⵏⵓⵜⵏ ⴰⵎ ⴰⵍⴰⵢ ⵏ ⵉⵙⵖⵍⵏ ⵏ ⵓⵙⵡⵓⵔⵉ. ⵙⵇⵙⴰⵏ ⵓⵍⴰ ⴼ ⵓⵙⵙⵥⵕⴼ ⵓⵙⵔⵉⴷ ⵏ ⵓⴼⵏⵉⵇ ⵙⴳ ⵍⴱⴰⵏⴽ ⵏ ⵍⵎⵖⵔⵉⴱ ⴷ ⵉⵙⵡⵉⵔⵏ ⵏ ⵓⵖⴹⴼ ⵏ ⵓⵙⵏⴼⵍ, ⴷ ⵓⵏⵛⴽ ⵏ ⵜⵉⴽⴽⵉ ⵉⵍⵍⴰⵏ ⵏ ⵉⴷⵔⵉⵎ, ⴷ ⵉⵙⵖⴰⵡⵙⴰⵜⵏ ⵏ ⵍⴰⴱⵏⴰⴽ ⵉ ⵓⵙⵙⵥⵕⴼ, ⵖⵎⴽ ⴰⵏⵏ ⴷ ⵜⵏⵓⴼⴰ ⵏ ⵓⴼⵔⵓ ⵙ ⵜⵖⴰⵔⴰⵙⵜ ⵏ ⵜⵜⵉⵍⵉⴼⵓⵏ ⴷ ⵜⵉⵍⴰⵍⵜ ⵏⵏⵙ ⵖ ⵓⵙⴽⵔ ⵏ ⵓⵎⴰⵜⴰ ⴰⵥⵕⴼⴰⵏ ⵙⵍⴰⵡⵏ ⴰⴽⴽⵯ ⵉ ⵚⴰⵃⴰ ⵏ ⵜⵎⵖⴰⵔⵉⵏ.

ⵢⵉⵍⵉ ⵓⵙⴷⴷⵉⴷ ⴼ ⵓⵛⵛⵉⵍ ⵏ ⵓⴼⵔⴰⴽ ⵏ ⴽⵓ ⵢⴰⵏ : ⵜⴰⵏⴱⴰⴹⵜ, ⴰⴱⵕⵍⴰⵎⴰⵏ ⴷ ⵜⵎⵔⵙⴰⵍ ⴷ ⵢⵉⴳⵔ ⵓⵙⵍⵉⴳ ⴷ ⵡⴰⵎⵓⵏ ⴰⵖⵔⵎⴰⵏ ⵙ ⵉⵙⵏⴼⵍⵏ ⴷ ⵉⵎⵏⵉⴷⵏ ⵍⵍⵉ ⵍⵍⴰⵏⵉⵏ ⴷ ⵜⵡⵓⵔⵉ ⵜⴰⵎⴳⵔⵓⵜ ⵉⵣⴷⵉⵏ ⵃⵎⴰ ⴰⴷ ⵜⵉⵍⵉ ⵜⵎⵢⵉⵎⴰⵏⵜ ⴷ ⵓⵙⵏⴰⵍ ⵏ ⵓⵙⵎⵖⵔ ⴰⴷⵎⵙⴰⵏ ⴷ ⵓⵙⴷⵓⵙ ⵏ ⵓⵎⵢⴰⵎⴰⵥ ⴰⵏⴰⵎⵓⵏ ⵙ ⴰⵢⵍⵍⵉ ⵙⵉⴳⴳⵉⵍⵉⵏ ⵉⵏⵎⵓⵔⴰⵏ.