ⵜⴰⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⵜⵙⵖⵣⵏ ⵙ ⵓⵎⴽⵕⴰⴹ ⴰⵙⵏⴼⴰⵔ ⵏ ⵓⵙⵍⴳⵏ ⵉⵣⴷⵉⵏ ⵙ ⵜⵣⵣⵉⴳⵣⵜ ⵏ ⵜⵡⵓⵔⵉⵡⵉⵏ ⵏ ⵉⵏⴳⵎⴰⵎⵏ ⵏ ⵜⵎⵙⵙⵓⴳⵓⵔⵜ ⵏ ⵜⵎⵙⵙⵓⵔⵉⵏ ⵏ ⵜⵡⵉⵣⵉ ⴷ ⵜⵎⴰⵎⴽⵉⵏ ⵏ ⵓⵙⴽⴰⵔ ⵏ ⵜⵙⵎⵓⵏⴰⵢ ⵏⵏⵙⵏⵜ ⵜⵉⵎⴰⵜⴰⵢⵉⵏ ⵖ ⵓⵣⵎⵣ ⵏ ⵡⴰⴷⴷⴰⴷ ⵏ ⵉⵖⴰⵡⴰⵍⵏ ⵉⴷⴰⵡⵙⴰⵏⵏ

ⵜⵙⵖⵣⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ ⵓⴽⵡⴰⵙ 23 ⵉⴱⵔⵉⵔ 2020 ⵙ ⵓⵎⴽⵕⴰⴹ ⴰⵙⵏⴼⴰⵔ  ⵏ ⵓⵙⵍⴳⵏ ⵓⵟⵟⵓⵏ 27.20 ⵉⵣⴷⵉⵏ ⵙ  ⵜⵣⵣⵉⴳⵣⵜ ⵏ ⵜⵡⵓⵔⵉⵡⵉⵏ ⵏ ⵉⵏⴳⵎⴰⵎⵏ ⵏ ⵜⵎⵙⵙⵓⴳⵓⵔⵜ ⵏ ⵜⵎⵙⵙⵓⵔⵉⵏ ⵏ ⵜⵡⵉⵣⵉ ⴷ ⵜⵎⴰⵎⴽⵉⵏ ⵏ ⵓⵙⴽⴰⵔ ⵏ ⵜⵙⵎⵓⵏⴰⵢ ⵏⵏⵙⵏⵜ ⵜⵉⵎⴰⵜⴰⵢⵉⵏ ⵖ ⵓⵣⵎⵣ ⵏ ⵡⴰⴷⴷⴰⴷ ⵏ ⵉⵖⴰⵡⴰⵍⵏ ⵉⴷⴰⵡⵙⴰⵏⵏ, ⵖ ⵜⵙⵎⵓⵏⵉ ⵍⵍⵉ ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵎⴰⵙⵙ ⵄⴰⴱⴷⵓⵍⵍⴰⵀ ⴱⵓⵡⴰⵏⵓ, ⵙ ⵜⵉⵍⵉⵜ ⵏ ⵎⴰⵙⵙ ⵎⵓⵍⴰⵢ ⵃⴰⴼⵉⴹ ⵍⵄⴰⵍⴰⵎⵉ ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵓⵙⵖⵏⵣⵉ ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵜⵎⵓⵟⵟⵓⵏⵜ.

ⵎⴹⴰⴽⴰⵕⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⴷ ⵎⴰⵙⵙ ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵓⵙⵖⵏⵣⵉ ⴼ ⵜⵎⵏⵜⴰⵍ ⵉⵣⴷⵉⵏ ⴷ ⵜⵎⵙⵓⵜⵍⵜ ⵍⵍⵉⵖ ⵜⵍⵍⴰ ⵜⴳⵍⴷⵉⵜ, ⵍⵍⵉⵖ ⵍⵍⴰⵏ ⵎⵏⵏⴰⵡ ⵉⵙⵡⵓⴷⴷⵓⵜⵏ ⵏ ⵡⴰⵔⴰⵢ ⵉ ⵓⵙⴱⴷⴷⵉ ⵏ ⵜⵣⵣⵉⴳⵣⵜ ⵏ ⵓⴱⴰⵢⵢⵓⵕ ⴽⵓⴼⵉⴷ 19 ⴷ ⵜⵙⵓⵎⴰⵔ ⵉⵣⴷⵉⵏ ⵙ ⵓⵙⵔⵙ ⵏ ⵓⴹⵕⵉⵚ ⴰⵣⵣⵔⴰⴼ ⵉⵍⵍⴰⵏ ⴷⴰⵔ ⵜⵙⵇⵇⵉⵎⵜ.

ⵙ ⵓⵙⵍⴳⵏ ⴰⴷ ⴰⵣⵣⵔⴰⴼ, ⵥⴹⴰⵕⵏ ⵉⵙⵇⵇⵉⵎⵏ ⵏ ⵜⵎⵙⵙⵓⴳⵓⵔⵜ ⵏ ⵜⵎⵙⵙⵓⵔⵉⵏ ⵍⵍⵉ ⵓⵔ ⵉⵙⴽⵔⵏ ⵉⵙⵇⵇⵉⵎⵏ ⵏⵏⵙⵏ ⵏ  ⵜⵎⵙⵙⵓⴳⵓⵔⵜ  ⵍⵍⵉⵖ ⵓⵔⵜⴰ ⵉⵍⵍⵉ ⵓⵣⵓⵣⵣⵔ ⵏ ⵓⵙⵍⴳⵏ ⴰⴷ ⵖ ⵓⵖⵎⵉⵙ ⴰⵎⴰⴷⴷⵓⴷ, ⴰⴷ ⵙⴽⵔⵏ ⵜⵉⵙⵎⵓⵏⴰⵢ ⵏⵏⵙⵏ ⵖ ⵓⵣⵎⵣ ⵏ ⵡⴰⴷⴷⴰⴷ ⵏ ⵉⵖⴰⵡⴰⵍⵏ ⵉⴷⴰⵡⵙⴰⵏⵏ, ⵙ ⵉⵎⴰⵙⵙⵏ ⵏ ⵓⵏⵢⴰⵍⴽⴰⵎ ⵙ  ⵓⴳⵕⴹ ⴷ ⵜⵡⵍⴰⴼⵜ ⵏⵖ ⵉⵎⴰⵙⵙⵏ ⵢⴰⴹⵏⵉⵏ ⵍⵍⵉ ⵜⵏ ⵉⵔⵡⴰⵙⵏ, ⵃⵎⴰ ⴰⴷ ⵢⵉⵍⵉ   ⵓⵙⵡⵓⵜⵜⵓ ⵏ ⵉⵎⵉⴹⴰⵏⵏ ⵉⵍⵉⵏⵜ  ⵜⵖⵜⴰⵙⵉⵏ  ⵉⵜⵜⵓⴱⴷⴰⵔⵏ ⵖ ⵉⵎⴰⴳⵔⴰⴷⵏ 72 ⴷ 306  ⵏ ⵓⵙⵍⴳⵏ ⵓⵟⵟⵓⵏ 95.17 ⵉⵣⴷⵉⵏ ⴷ ⵜⵎⵙⵙⵓⵔⵉⵏ ⵏ ⵜⵡⵉⵣⵉ.

ⵙ ⵓⵣⵎⵎⵣⵓ ⴰⴷ, ⵙⴰⵡⵍⵏ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⵎⵓⵔⴰ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ, ⵉⴳⵏⵙⴰⵙⵏ ⵏ ⴽⵓ ⵉⴼⵔⴷⴰⵙ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵙⵓⵜⴳⵏ  ⵜⵉⵙⵏⵜⴰⵢⵉⵏ ⵣⵣⵉⴳⵣⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⵍⵉ ⵉⵡⴰⵜⵜⵙⵏ ⴰⵃⵟⵟⵓ ⵏ ⵜⴷⵓⵙⵉ ⵏ ⵉⵏⵎⵓⵔⴰ ⴷ ⵓⵙⴱⴷⴷⵉ ⵏ ⵓⴱⴰⵢⵢⵓⵕ ⴰⴷ, ⵙⵓⵜⴳⵏ ⵓⵍⴰ ⵜⵓⴳⴳⴰⵙ ⵏ ⵜⵏⴱⴰⴹⵜ ⵉⵙⵉⴳⴳⵉⵍⵏ ⴰⵙⵙⵉⴷⵔ ⵏ ⵓⵥⵟⵟⴰ ⴰⴷⵎⵙⴰⵏ ⴷ ⵓⵏⴰⵎⵓⵏ, ⵜⵉⵍⵉ ⵜⵊⴰⵡⵜ ⵉⵣⵣⵉⴳⵣⵏ ⵏ ⵓⴳⴰⴷⴰⵣ ⴰⵏⴰⵎⵓⵔ ⵙ ⴰⵢⵍⵍⵉ ⵙⵉⴳⴳⵉⵍⵏ ⵉⵏⵎⵓⵔⴰ. 

ⵉⵏⵉⵏ ⵉⴷ ⵎⴰⵙⵙ ⵉⴳⵎⴰⵎⵏ "ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵙⵎⵖⵔ ⵏ ⵓⵏⵛⴽ ⵏ ⵜⵎⵙⵙⵏⵜⴰⵢ ⴷ ⵜⵎⵙⵙⵓⵔⵉⵏ ⵍⵍⵉ ⵉⵀⵎⵎⴰ ⵓⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 27.20 , ⵜⴻⵜⵜⵓⴼⴽⵉ ⵓⵍⴰ ⵜⵉⵣⵉ ⴷ ⵢⵓⵙⴰⵏ ⵉ ⵜⵙⴳⵓⵔⵉ ⵙ ⵜⵍⴳⴰⵎⵉⵏ ⵜⵉⵎⵙⵉⴽⵓⴷⵉⵏ ⵏ ⵜⵏⵖⵔⵓⴼⵜ ⴷ ⵉⵎⵉⴹⴰⵏⵏ ⴳⴰⴷⴷⴰⵏⵉⵏ".

ⵖⵎⴽ ⵍⵍⵉ ⵏⵏⴰⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵖ ⵓⵎⴹⴰⴽⴰⵕ ⵏⵏⵙⵏ "ⵎⴰⵙ ⵉⴳⴰ ⵓⵛⵛⵉⵍ ⴰⴷ ⴷⵔⵓⵏⵜ ⵜⵏⴱⴰⴹⵉⵏ ⵜⵉⴷⵖⵔⴰⵏⵉⵏ ⵖ ⵜⵡⵓⵔⵉ ⵏ ⵓⴹⴼⵕ ⴷ ⵓⵙⵏⴰⵍ ⵏ  ⵜⴷⵓⵍⴰ ⵉⵛⵃⴰⵏ ⵖ ⵜⵙⴳⴳⵉⵡⵉⵏ ⴰⴳⴳⵓⴳⵏⵉⵏ, ⵜⵉⵍⵉ ⴽⵉⴳⴰⵏ ⵏ ⵜⵉⴹⴰⴼ ⵉⵎⵓⵏⵏ ⴷ ⵉⵙⵡⵓⴷⴷⵓⵜⵏ ⵏ ⵓⵃⵟⵟⵓ ⵖ ⵉⴼⵔⴷⴰⵙ ⵉⵎⴳⵓⵔⴰⵏⵏ ⵃⵎⴰ ⴰⴷ ⵢⵉⵍⵉ ⵓⵃⵟⵟⵓ ⵏ ⵜⴷⵓⵙⵉ ⵏ ⵉⵎⵙⵡⵓⵔⵉⵢⵏ, ⵖ ⵏⵉⵜ ⵍⵍⴰⵏⵜ ⵜⵎⵙⵓⵜⴰⵍ ⵏ ⵜⵎⴳⵓⵔⵉ ⴷ ⵓⴱⵟⵟⵓ ⵏ ⵜⴽⵎⴰⵎⵏⵉⵏ ⵖ ⵓⴳⴰⴷⴰⵣ ⴰⵏⴰⵎⵓⵔ, ⵖⵎⴽ ⴰⵏⵏ ⴷ ⵉⴷⵔⵉⵣⵏ ⵏ ⵜⵎⵢⴰⴳⴳⵓⴳⵜ ⵜⴰⵏⴰⵎⵓⵏⵜ ⴼ ⵓⵥⵟⵟⴰ ⴰⴷⵎⵙⴰⵏ ⴷ ⵓⴼⴰⵔⵙ".