ⴰⵙⵇⵇⵉⵎ ⵏ ⵉⵎⵓⵔⴰ ⵉⵙⵖⵣⵏ ⴰⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ ⵉⵥⵍⵉⵏ ⵙ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⵓⵜⵍⴰⵢⵉⵏ ⴷ ⵜⴷⵍⵙⴰ ⵜⴰⵎⵖⵔⵉⴱⵉⵜ, ⴷ ⴽⴽⵓⵥ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⵥⵍⵉⵏⵉⵏ ⵙ ⵓⵙⵙⵥⵕⴼ ⴰⵏⵎⵢⴰⵡⴰⵙ ⴷ ⵜⵏⵏⵓⴱⴹⴰ ⵏ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ ⴷ ⵢⵉⴳⵔ ⵏ ⵜⴷⵍⵙⴰ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ ⵓⵙⵉⵏⴰⵙ 12 ⴱⵕⴰⵢⵕ 2020 ⴰⵙⵏⴼⴰⵔ ⵏ ⵢⴰⵏ ⵓⵙⵍⴳⵏ ⴰⵎⴰⴷⴷⴰⵙ ⴷ ⴽⴽⵓⵥ ⵉⵙⵏⴼⴰⵔⵏ ⵏ ⵉⵙⵍⴳⵏⵏ, ⴳⴰⵏ: ⴰⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 04.16 ⵉⵥⵍⵉⵏ ⵙ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⵓⵜⵍⴰⵢⵉⵏ ⴷ ⵜⴷⵍⵙⴰ ⵜⴰⵎⵖⵔⵉⴱⵉⵜ,   ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 15.18 ⵉⵥⵍⵉⵏ ⵙ ⵓⵙⵙⵥⵕⴼ ⴰⵏⵎⵢⴰⵡⴰⵙ, ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 54.19 ⵉⴳⴰⵏ ⵜⴰⵏⵜⵜⴰⵎⵜ ⵏ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ, ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 23.19 ⵉⵥⵍⵉⵏ ⵙ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ ⵓⵟⵟⵓⵏ 51.15 ⵉⵥⵍⵉⵏ ⵙ ⵓⵙⵎⴰⵢⵏⵓ ⵏ ⵓⵎⵙⴰⵙⴰ ⵏ «ⵓⵎⵣⴳⵓⵏ ⴰⵏⴰⵎⵓⵔ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ», ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 70.17 ⵉⵥⵍⵉⵏ ⵙ ⵓⵙⵎⴰⵢⵏⵓ ⵏ ⵓⵎⵙⴰⵙⴰ ⵏ «ⵡⴰⵎⵎⴰⵙ ⴰⵙⵉⵏⵉⵎⴰⵜⵓⴳⵕⴰⴼⵉ ⴰⵎⵖⵔⵉⴱⵉ» ⴷ ⵓⵙⵏⴼⵍ ⵏ ⵓⵙⵍⴳⵏ ⵓⵟⵟⵓⵏ 20.99 ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵜⵎⴳⵓⵔⵉ ⵜⴰⵙⵉⵏⵉⵎⴰⵜⵓⴳⵕⴰⴼⵉⵜ. ⵎⴰ ⴰⵏⵏ ⵖ ⵜⵖⵉⵎⵉⵜ ⵜⵓⵙⵎⵉⴷⵜ ⵍⵍⵉ ⵉⵏⵙⵙⵉⵅⴼ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵃⴰⴹⵕ ⴳⵉⵙ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵕⴼ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ ⵎⴰⵙⵙ ⵎⵓⵃⴰⵎⵎⴰⴷ ⴱⵏ ⵛⵄⴱⵓⵏ, ⴷ ⵓⵎⴰⵡⵙⴰⵙ ⵏ ⵜⴷⵍⵙⴰ ⴷ ⵜⵄⵄⵓⵔⵎⴰ ⴷ ⵜⵓⵏⵏⵓⵏⵜ, ⴰⵎⵙⵉⵡⵍ ⵙ ⵉⵙⵎ ⵏ ⵜⵏⴱⴰⴹⵜ ⵎⴰⵙⵙ ⵃⴰⵙⴰⵏ ⵄⴱⵢⴰⴱⴰ.

ⵖ ⵜⵣⵡⵉⵔⵉ, ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵖ ⵜⵉⵖⵔⵉ ⵜⵉⵙ ⴽⵕⴰⴹⵜ, ⵙ ⵓⵎⴽⵕⴰⴹ, ⴰⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 04.16 ⵉⵥⵍⵉⵏ ⵙ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⵓⵜⵍⴰⵢⵉⵏ ⴷ ⵜⴷⵍⵙⴰ ⵜⴰⵎⵖⵔⵉⴱⵉⵜ.

 ⵖ ⵓⵎⵏⵉⴷ ⴰⴷ, ⵉⵙⴷⴷⵉⴷ ⵎⴰⵙⵙ ⵃⴰⵙⴰⵏ ⵄⴱⵉⵢⴰⴱⴰ, ⴰⵎⴰⵡⵙⴰⵙ ⵏ ⵜⴷⵍⵙⴰ ⴷ ⵜⵄⵄⵓⵔⵎⴰ ⴷ ⵜⵓⵏⵏⵓⵏⵜ ⴰⵎⵙⵉⵡⵍ ⵙ ⵉⵙⵎ ⵏ ⵜⵏⴱⴰⴹⵜ, ⵎⴰⵙ ⵉⴽⵛⵉⵎ ⵓⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ ⵖ ⵓⵙⵎⵀⵍ ⵏ ⵜⵖⵍⴰⴼ ⴰⵜⵜⵓⵢⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵖ ⵓⵣⴰⴳⴳⵯⵣ ⵏ ⵉⵎⵏⵏⵉⵜⵏ ⵏ ⵓⴷⵓⵙⵜⵓⵔ, ⵙⵍⴰⵡⴰⵏ ⴰⴽⴽⵯ ⴰⵎⵏⵏⵉ ⵡⵉⵙ ⵙⵎⵎⵓⵙ, ⵖⵎⴽ ⴰⵏⵏ ⴷ ⵜⵎⵔⵉⵙⵜ ⴷ ⵜⵏⵜⵜⴰⵎⵉⵏ ⵜⵉⴳⵔⴰⵖⵍⴰⵏⵉⵏ ⵉⵥⵍⵉⵏ ⵙ ⵓⵃⵟⵟⵓ ⵏ ⵡⴰⵢⴷⴰ ⴰⴷⵍⵙⴰⵏ ⴷ ⵓⵙⵙⵓⵜⴳ ⵏⵏⵙ ⴷ ⵓⵙⵉⵙⵙⵏ ⵙ ⵓⵎⵢⴰⵏⴰⵡ ⴰⴷⵍⵙⴰⵏ ⴷ ⵓⵙⵙⵕⵚⵓ ⵏ ⵜⵙⵔⵜⵉⵜ ⵜⴰⴷⵍⵙⴰⵏⵜ ⵖ ⵉⵍⵍⴰ ⵓⵃⵟⵟⵓ ⵏ ⵉⵣⵔⴼⴰⵏ ⵉⴷⵍⵙⴰⵏⵏ ⵏ ⵉⵏⵎⵓⵔⴰⵏ.  

ⵖⵎⴽ ⵍⵍⵉ ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵎⴽⵕⴰⴹ ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 15.18 ⵉⵥⵍⵉⵏ ⵙ  ⵓⵙⵙⵥⵕⴼ ⴰⵏⵎⵢⴰⵡⴰⵙ . ⴳ ⵜⵉⵣⵡⵉⵔⵉ, ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵜⵥⵕⴼⵜ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ ⵎⴰⵙⵙ ⵎⵓⵃⴰⵎⵎⴰⴷ ⴱⵏ ⵛⵄⴱⵓⵏ, ⵎⴰⵙ ⵔⴰⴷ ⵢⴰⵡⵙ ⵓⵙⵏⴼⴰⵔ ⵏ ⵓⵙⵍⴳⵏ ⵉⵥⵍⵉⵏ ⵙ ⵓⵙⵙⵥⵕⴼ ⴰⵏⵎⵢⴰⵡⴰⵙ «CrowdFunding» ⵖ ⵡⴰⴷⴰⴼ ⵏ ⵉⵄⵔⵔⵉⵎⵏ ⵉⴷ ⴱⴰⴱ ⵏ ⵉⵙⵏⴼⴰⵔⵏ ⴷ ⵜⵎⵙⵙⵏⵜⴰⵢ ⵎⵥⵥⵉⵏⵉⵏ ⵉ ⵓⵙⵙⵥⵕⴼ, ⵃⵎⴰ ⴰⴷ ⵜⵉⵍⵉ ⵜⴷⵉⵏⴰⵎⵉⵜ ⵜⴰⴷⵎⵙⴰⵏⵜ ⴷ ⵜⵡⵓⵔⵉⵡⵉⵏ ⵜⵉⵎⴰⵢⵏⵓⵜⵉⵏ, ⵖⵎⴽ ⴰⵏⵏ ⴷ ⴰⴷ ⵉⵜⵜⵔⵙ ⵓⵎⵉⴽⴰⵏⵉⵣⵎ ⴰⵎⴰⵢⵏⵓ ⵏ ⵓⵙⵙⵥⵕⴼ ⵍⵍⵉ ⵔⴰⴷ ⵉⵍⵇⵎ ⵉ ⵓⵙⵙⵥⵕⴼ ⴰⴽⵍⴰⵚⵉⴽⵉ. ⵔⴰⴷ ⵉⴳ ⵓⵙⵍⴳⵏ ⴰⴷ ⵚⴰⵃⴰ ⵏ ⵜⵎⵙⵙⵏⵜⴰⵢ ⵎⵥⵥⵉⵏⵉⵏ ⴷ ⵜⵉⴷ ⴱⴰⵀⵔⴰ ⵎⵥⵥⵉⵏⵉⵏ , ⵖⵎⴽ ⴰⵏⵏ ⴷ ⵉⵄⵔⵔⵉⵎⵏ ⵉⴷ ⴱⴰⴱ ⵏ ⵉⵙⵏⴼⴰⵔⵏ ⵉⵜⵜⵓⵙⵎⴰⵢⵏⵓⵏⵏ. ⵙ ⵖⵎⴽ ⴰⵏⵏ ⵔⴰⴷ ⵜⵜⵓⵕⵥⵉⵎⵏ ⵉⵎⵏⴰⴷⵏ ⵉⵎⴰⵢⵏⵓⵜⵏ ⴷⴰⵜ ⵏ ⵓⵙⵙⵥⵕⴼ ⴳ ⵜⵎⴰⵣⵉⵔⵜ ⵏⵏⵖ, ⵉⵎⵓⵏⵏ ⴷ ⵜⵣⵣⵉⴳⵣⵜ ⵜⴰⴳⵔⴰⵖⵍⴰⵏⵜ ⵖ ⵢⵉⴳⵔ ⴰⵎⵓⵟⵟⵓⵏ.

ⵙ ⵓⵎⴽⵕⴰⴹ ⴰⵙ ⵉⵙⵖⵣⵏ ⵓⵙⵇⵇⵉⵎ ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 54.19 ⵉⴳⴰⵏ ⵜⴰⵏⵜⵜⴰⵎⵜ ⵏ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ.ⵉⵏⵏⴰ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵜⵥⵕⴼⵜ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ ⵎⴰⵙⵙ ⵎⵓⵃⴰⵎⵎⴰⴷ ⴱⵏ ⵛⵄⴱⵓⵏ ⵎⴰⵙ ⵜⴳⴰ ⵜⵏⵜⵜⴰⵎⵜ ⴰⴷ ⴰⵙⵎⵀⵍ ⵏ ⵉⵎⵏⵏⵉⵜⵏ ⵏ ⵓⴷⵓⵙⵜⵓⵔ ⵖ ⵢⵉⴳⵔ ⵏ ⵜⵏⵏⵓⴱⴹⴰ ⵉⵀⵢⵢⴰⵏ, ⵔⴰⴷ ⵉⴳ ⵓⵍⴰ  ⵢⴰⵏ ⵓⵖⴱⴰⵍⵓ ⵉⵙⵎⵓⵏⵏ ⵜⵉⵔⵙⴰⵍ ⵏ ⵓⵙⵙⵎⵖⵔ ⵏ ⵜⵏⵏⵓⴱⴹⴰ ⵉⵀⵢⵢⴰⵏ ⵏ ⵜⵏⵓⴼⴰ, ⵉⵙⵔⵙ ⵓⵍⴰ ⵉⵙⴳⴳⵓⵔⵏ ⵍⵍⵉ ⵔⴰⴷ ⵉⵙⵙⵎⵔⵙ ⵜⵉⵡⵓⵔⵉⵡⵉⵏ ⵏ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ ⵖ ⴳⴰⵏⵜ ⵜⵎⵙⵙⵓⴳⴰⵔ ⵜⵉⴳⴷⵓⴷⴰⵏⵉⵏ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⵉⵏⴳⵎⴰⵎⵏ ⵉⵜⵜⵓⵙⵎⴰⴳⴰⵍⵏ ⵙ ⵜⵡⵓⵔⵉⵡⵉⵏ ⵏ ⵜⵏⴰⴼⵓⵜ ⵜⴰⴳⴷⵓⴷⴰⵏⵜ ⵙ ⵓⵙⵉⵙⵙⵏ ⵏ ⵜⵎⵥⵍⴰⵢ ⵏ ⴽⵔⴰⵢⴳⴰⵜⵜ ⵜⴰⵏⴰⴼⵓⵜ.

ⵖⵎⴽ ⵍⵍⵉ ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 23.19 ⵉⵙⵏⴼⵍⵏ ⴷ ⵉⵙⵎⴷⵏ ⴰⵙⵍⴳⵏ ⵓⵟⵟⵓⵏ  51.15 ⵉⵥⵍⵉⵏ ⵙ ⵓⵙⵎⴰⵢⵏⵓ ⵏ ⵓⵎⵙⴰⵙⴰ ⵏ «ⵓⵎⵣⴳⵓⵏ ⴰⵏⴰⵎⵓⵔ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ», ⵔⴰⴷ ⵉⵙⵙⴽⵛⵎ ⵓⵙⵏⴼⴰⵔ ⴰⴷ ⵉⵙⵏⴼⵍⵏ ⵖ ⵜⵡⵉⵍⴰ ⴷ ⵓⴳⵯⵏⵙ ⵏ ⵓⵙⵍⴳⵏ 51.15 ⵖ ⵎⴰⴷ ⵉⵥⵍⵉⵏ ⵙ ⵎⵏⵏⴰⵡⵜ ⵜⴳⵓⵔⵉⵡⵉⵏ ⵉⵣⴷⵉⵏ ⴷ ⵓⴼⵔⵉⵙ ⵏ «ⵓⵏⴰⵎⵓⵔ» ⵖⵎⴽ ⴰⵏⵏ ⴷ ⴽⵔⴰ ⵏ ⵜⵎⵙⴽⴰⵔ ⵉⵜⵜⵓⴼⴽⴰⵏ ⵉ ⵜⵎⵔⵙⵍⵜ ⴰⴷ.

ⵙ ⵜⵉⵖⵔⵉ ⵜⵉⵙ ⵙⵏⴰⵜ ⴰⵙ ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 70.17 ⵉⵥⵍⵉⵏ ⵙ ⵓⵙⵎⴰⵢⵏⵓ ⵏ ⵓⵎⵙⴰⵙⴰ ⵏ «ⵡⴰⵎⵎⴰⵙ ⴰⵙⵉⵏⴰⵎⴰⵜⵓⴳⵕⴰⴼⵉ ⴰⵎⵖⵔⵉⴱⵉ».ⵙ ⵓⵙⵍⴳⵏ ⴰⴷ ⵔⴰⴷ ⵉⵙⴽⴰⵔ ⵡⴰⵎⵎⴰⵙ ⵜⵉⵎⵙⴽⴰⵔ ⵜⵉⵎⴰⵢⵏⵓⵜⵉⵏ ⵉⵥⵍⵉⵏ ⵙ ⵜⵡⵓⵔⵉ ⵏⵏⵙ. ⵖⵎⴽ ⵍⵍⵉ ⴷ ⵢⵉⵡⵉ ⴰⵙⵏⴼⵍ ⵏ ⵓⵙⵍⴳⵏ ⵓⵟⵟⵓⵏ 20.99 ⵉⵥⵍⵉⵏ ⵉ ⵓⵙⵏⵎⴰⵍⴰ ⵏ ⵜⵎⴳⵓⵔⵉ ⵜⴰⵙⵉⵏⵎⴰⵜⵓⴳⵕⴰⴼⵉⵜ ⵍⵍⵉⵖ ⵔⴰⴷ ⵜⵜⵓⴼⴽⵉⵏⵜ ⵜⵎⵙⴽⴰⵔ ⵜⵉⵎⴰⵢⵏⵓⵜⵉⵏ ⵉ ⵡⴰⵎⵎⴰⵙ ⴰⴷ ⵖ ⵢⵉⴳⵔ ⵏ ⵓⴼⴰⵔⵙ ⴰⵙⵍⵉⵥⵕ.