ⴰⵔⵣⴰⴼ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⵣⵣⵔⴰⵢ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵅⴼ ⵓⵙⵙⵍⵎⴷ ⴰⵎⵣⵡⴰⵔⵓ ⵉ ⵜⵎⵔⵙⴰⵍ ⵏ ⵓⵙⵙⵍⵎⴷ ⴰⵎⵣⵡⴰⵔⵓ ⵖ ⵜⵎⵏⴰⴹⵜ ⵏ ⵜⴳⵎⵎⵉ ⵜⵓⵎⵍⵉⵍⵜ ⵚⵟⵟⴰⵜ
ⵜⵣⵣⵉⴳⵣ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⵣⵣⵔⴰⵢ ⵏ ⵓⵙⵙⵍⵎⴷ ⴰⵎⵣⵡⴰⵔⵓ ⴰⵖⴰⵡⴰⵙ ⵏ ⵉⵔⵣⴰⴼⵏ ⵉ ⵜⵎⵔⵙⴰⵍ ⵏ ⵓⵙⵙⵍⵎⴷ ⴰⵎⵣⵡⴰⵔⵓ ⵖ ⵜⵎⵏⴰⴹⵉⵏ ⵏ ⵜⴳⵍⴷⵉⵜ ⵃⵎⴰ ⴰⴷ ⵜⵉⵍⵉ ⵜⵓⵙⵙⵏⴰ ⵏ ⵉⵙⵓⵔⵙⵏ ⵏⵏⵙⵏⵜ.
ⵜⵙⴽⵔ ⵜⵎⵔⵙⵍⵜ ⴰⵔⵣⴰⴼ ⵉ ⴽⵔⴰ ⵏ ⵜⵎⵔⵙⴰⵍ ⵖ ⵜⵎⵏⴰⴹⵜ ⵏ ⵜⴳⵎⵎⵉ ⵜⵓⵎⵍⵉⵍⵜ-ⵚⵟⵟⴰⵜ ⵓⵙⵙⴰⵏ ⵏ 7 ⴷ 8 ⵉⵏⵏⴰⵢⵔ 2020, ⵖ ⵜⵙⴳⵉⵡⵉⵏ ⵏ ⴱⵏ ⵙⵍⵉⵎⴰⵏ, ⵚⵟⵟⴰⵜ, ⵏⵏⵡⴰⵚⵕ, ⵎⴷⵢⵓⵏⴰ, ⵜⵉⴳⵎⵎⵉ ⵜⵓⵎⵍⵉⵍⵜ.
ⴳⴰⵏⵜ ⵜⵎⵔⵙⴰⵍ ⵍⵍⴰⵏⵉⵏ ⵖ ⵓⵎⴰⴹⴰⵍ ⴰⴼⴰⵔⴰⵏ ⵜⵉⴷ ⴳⴳⵓⵜⵏⵉⵏ ⵖ ⵜⵎⵔⵙⴰⵍ ⴰⴷ, ⵎⵎⴰⵖⵏ ⵉⴷ ⵎⴰⵙⵙ ⵉⵎⵓⵔⴰ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⴰⴷ ⵙⵙⵏⵏ ⵓⴳⴳⴰⵔ ⴼ ⵓⵖⵔⵔⴷ ⴰⵎⵓⵔⴰⵏ ⵏ ⵜⵙⵏⵙⵉ ⵏ ⵓⵖⴰⵡⴰⵙ ⵏ ⵓⵙⵎⴰⵜⴰ ⴷ ⵓⵙⵎⵖⵔ ⵏ ⵓⵙⵙⵍⵎⴷ ⴰⵎⵣⵡⴰⵔⵓ ⵖ ⵢⵉⴳⵔ ⴰⴼⴰⵔⴰⵏ ⴷ ⵜⵎⵔⵉⵙⵜ ⵙ ⵉⵡⵜⵜⴰⵙⵏ ⵏ ⵓⵖⴰⵡⴰⵙ ⴷⴰⵔ ⴽⵓ ⵉⵎⵙⵜⵜⴳⴳⴰⵔⵏ (ⵜⴰⴽⴰⴷⵉⵎⵉⵜ ⵜⴰⵏⵎⵏⴰⴹⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ, ⵜⴰⵙⵎⵉⵔⵉⵜ ⵜⴰⵙⴳⴰⵡⴰⵏⵜ ⵏ ⵜⵙⴱⴷⴰⴷⵉⵏ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ) ⵖⵎⴽ ⴰⵏⵏ ⴷ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⵓⵖⵔⵉⵎ ⵙⵡⵓⵔⵉⵏⵉⵏ ⵖ ⵢⵉⴳⵔⴰ ⴰⴷ.
ⵢⵉⵡⵉ ⵉⵎⵔⵙⵉ ⵏ ⵓⵙⵎⵓⵜⵜⴳ ⴰⴷⵙⵍⴰⵏ ⴷ ⵓⵙⵓⵍⴰⵏ ⴰⵅⵎⵎⴻⵎ ⵏ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵔⴰ, ⵉⴳ ⵓⵔⵣⴰⴼ ⴰⴷ ⵜⴰⵎⵍⴷⴰ ⵏ ⵜⵓⵙⵙⵏⴰ ⵏ ⵜⵡⵓⵔⵉ ⵏ ⵡⴰⵎⵎⴰⵙⵏ ⵏ ⵉⵙⵓⴳⴰⵎ ⵖ ⵓⵙⴽⵔ ⵏ ⵉⵡⵜⵜⴰⵙⵏ ⵏ ⵓⵖⴰⵡⴰⵙ ⵓⵏⴱⵉⴹ ⵖ ⵢⵉⴳⵔ ⵏ ⵓⵙⵎⵓⵜⵜⴳ ⵏ ⵉⵎⵙⵡⵓⵔⵉⵢⵏ ⵖ ⵢⵉⴳⵔ ⵏ ⵓⵙⴳⵎⵉ (ⵜⵉⵎⵙⵙⴳⵎⵉⵜⵉⵏ) ⴷ ⵓⵙⵎⵓⵜⵜⴳ ⵏⵏⵙⵏ ⵖ ⵢⵉⴳⵔ ⵏ ⵜⵖⴰⵡⴰⵙⵉⵡⵉⵏ ⵜⵉⴷⵙⵍⴰⵏⵉⵏ ⵍⵍⵉ ⵔⴰⴷ ⵢⴰⵡⵙ ⵖ ⵓⵙⵎⵖⵔ ⵏ ⵜⵙⵓⴳⴰⵔ ⵏⵏⵙⵏ ⵏ ⵜⵉⵥⵉⵕⵜ ⴷ ⵜⵉⵏ ⵜⵡⵓⵔⵉ ⵖ ⵓⵏⵢⴰⵍⴽⴰⵎ ⴷ ⵜⵎⵥⵉ ⵜⴰⵎⵣⵡⴰⵔⵓⵜ.