ⵜⵣⵣⵉⴳⵣ ⵜⵎⴰⴷⵔⴰⵡⵜ ⵉⵥⵉⵍⵏ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ
ⵉⴷⵔⵓ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵉⴳⵎⴰⵎⵏ ⵏ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⴷⴰⵔ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ: ⵎⴰⵙⵙⴰ ⴼⴰⵜⵉⵏ ⵍⵖⴰⵍⵉ (ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ) ⴷ ⵎⴰⵙⵙ ⵎⵓⵃⴰⵎⵎⴰⴷ ⵜⵡⵉⵎⵉ ⴱⵏⵊⵍⵍⵓⵏ (ⵜⴰⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ) ⴳ ⵜⵙⵓⵜⵍⵜ ⵏ ⵓⴽⵟⵓⴱⵕ ⵉⵎⵙⴰⵙⴰⵏ ⴷ ⵓⴽⵯⵜⵜⵓⵢ ⵡⵉⵏ 44 ⵏ ⵓⵙⴽⵔ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ.
ⵜⵙⵎⵏⵉⴷ ⵜⴳⵯⵏⵙⴰⵙⵜ ⵏ ⵓⴽⴰⴱⴰⵕ ⵏ ⵍⵎⵖⵔⵉⴱ ⵜⴰⴳⵓⵔⵉ ⵙ ⵉⵙⵎ ⵏ ⵎⴰⵙⵙ ⵕⴰⵛⵉⴷ ⵜⴰⵍⴱⵉ ⵍⵄⴰⵍⴰⵎⵉ,ⴰ ⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵙⵔⵖⴷ ⴰⴱⵕⵍⴰⵎⴰⵏ ⵏ ⵍⴰⵏⴷⵉⵣ. ⵜⵙⵓⵜⴳ ⵜⵉⵍⴰⵍⵜ ⵏⵏⵙ ⴳ ⵓⵙⵡⵉⵔ ⴰⵎⵏⵥⵡⴰⵏ, ⵜⵉⵏⵉ ⵎⴰⵙ ⴷ ⵜⵉⵍⵉⵜ ⵏ ⵓⴱⴰⵕⵍⴰⵎⴰⵏ ⵏ ⵍⵎⵖⵔⵉⴱ ⴷ ⴰⴳⵎⴰⵎ ⵉⵎⵥⵕⵉ ⴰⵔ ⵜⵎⵎⴰⵍ ⵜⵉⵔⴰⵜ ⵏ ⵜⴳⵍⴷⵉⵜ ⴳ ⵓⵙⵏⴰⵍ ⵏ ⵓⵙⵉⴷⴼ ⵍⵍⵉ ⵙⴽⵔⵏ ⵉⵡⴰⵏⴽⵏ ⵏⵜⵔⴰⴱⴱⵓⵜ ⵏ ⵍⴰⵏⴷⵉⵣ, ⵉⵍⵍⴰⵏ ⴳ ⵓⵙⴰⵜⵉ ⵏ ⵓⵙⵜⴰⵢ ⴰⵙⵜⵔⴰⵜⵉⵊⵉ ⵍⵍⵉ ⵉⵙⴽⵔ ⵍⵎⵖⵔⵉⴱ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ ⵉⴼⴼⵓⵙ. ⵜⵙⵎⵏⵉⴷ ⵜⴰⵣⵣⵉⴳⵣⵜ ⵉⵙⵜⴰⵡⵀⵎⵎⴰⵏ ⵉⵍⵍⴰⵏ ⴳ ⵜⴳⵍⴷⵉⵜ ⴳ ⵎⴰⵕⵕⴰ ⵉⴳⵔⴰⵏ ⵙⵍⴰⵡⴰⵏ ⴰⴽⴽⵯ ⴳ ⵜⵎⵏⴰⴷⵉⵏ ⵏ ⵉⴼⴼⵓⵙ, ⴷ ⵡⴰⵏⵏⴰⵣⵏ ⵍⵍⵉ ⵜⴻⵟⵟⴰⴼ ⵙ ⵓⴷⵖⴰⵔ ⵏⵏⵙ ⴰⵙⵜⵔⴰⵜⵉⵊⵉ ⵉⵙⵎⵓⵏ ⵏⴳⵔ ⵜⵎⵉⵣⴰⵔ ⵏ ⵜⵔⴰⴱⴱⵓⵜ ⵏ ⵍⴰⵏⴷⵉⵣ ⴷ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵓⵎⴰⴹⴰⵍ ⴰⵄⵕⴰⴱ ⴷ ⵉⴼⵔⵉⵇⵢⴰ.
ⵜⵙⵏⵉⵎⵎⵔ ⵓⵍⴰ ⴰⴱⵕⵍⴰⵎⴰⵏ ⵏ ⵍⴰⵏⴷⵉⵣ ⴼ ⵓⵙⵏⴰⵍ ⵏⵏⵙ ⵏ ⵜⵎⵙⴰⵔⵉⵏ ⵜⵉⵣⵔⴼⴰⵏⵉⵏ ⵏ ⵍⵎⵖⵔⵉⴱ, ⵜⵉⵍⵉ ⴳⵉⵙⵏⵜ ⵜⴰⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⴷⵓⵙ ⵏ ⵜⵣⵣⴷⴰⵢⵉⵏ ⵊⴰⵔ ⵜⵉⵎⵔⵙⴰⵍ ⵜⵉⴱⵕⵍⴰⵎⴰⵏⵉⵢⵉⵏ.
ⵉⵙⴽⵔ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵎⴹⴰⴽⴰⵔⵏ ⴰⴽⴷ ⵜⴰⵏⵙⵙⵉⵅⴼⵜ ⴷ ⵓⵎⴰⵔⴰ ⴰⵎⴰⵜⴰⵢ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣⵅⴼ ⵉⵙⵏⴼⴰⵔⵏ ⵣⴷⵉⵏⵉⵏ ⴷ ⵓⵎⵢⴰⵡⴰⵙ ⴳ ⵢⵉⴳⵔ ⵏ ⵓⵙⵙⵍⵎⴷ ⴰⵎⴰⵜⵜⵓⵢ, ⵙ ⵓⵙⵏⴼⴰⵔ ⵏ ⵓⵙⵏⴼⵍ ⴰⵙⴷⴰⵡⴰⵏ ⵊⴰⵔ ⵓⵥⵟⵟⴰ ⵏ ⵜⵙⴷⴰⵡⵉⵢⵉⵏ ⵏ ⵜⵔⴰⴱⴱⵓⵜ ⵏ ⵉⵡⴰⵏⴽⵏ ⵏ ⵍⴰⵏⴷⵉⵣ ⴷ ⵜⵙⴷⴰⵡⵉⵢⵉⵏ ⵏ ⵍⵎⵖⵔⵉⴱ. ⵖⵎⴽ ⵍⵍⵉ ⵉⵎⴹⴰⴽⴰⵔ ⴷ ⵓⴳⵏⵙⴰⵙ ⵏ ⵜⵎⵔⵙⵍⵜ ⵏ ⵎⴰⵄⴰⵔⵉⴼ ⵜⴰⵜⵓⵔⴽⵉⵜ ⴼ ⵓⵎⵢⴰⵡⴰⵙ ⴳ ⵢⵉⴳⵔ ⴰⴷⵍⵙⴰⵏ.
ⵉⵜⵜⵓⵙⵙⴰⵏ ⵎⴰⵙ ⵉⵟⵟⴰⴼ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴰⵙⵡⵉⵔ ⵉⵥⵉⵍⵏ ⴷⴰⵔ ⵜⴳⵔⴰⵡⵜ ⴰⴷ ⵜⴰⴱⵕⵍⴰⵎⴰⵏⵉⵜ ⵉⵙⵜⴰⵡⵀⵎⵎⴰⵏ, ⵙⵍⴰⵡⴰⵏ ⴰⴽⴽⵯ ⴷⴼⴼⵉⵔ ⵏ ⵓⵣⵎⵎⵉⵎ ⵏ ⵜⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ ⴳ ⵢⵓⵍⵢⵓⵣ 2018 ⴼ ⵓⵎⵢⴰⵡⴰⴹ ⴰⴱⵕⵍⴰⵎⴰⵏⵉ ⵙ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ ⴷ ⵜⵎⵓⵛⴰ ⴷ ⵜⴻⵜⴳⴰⵔⵉⵏ. ⵉⵟⵟⴼ ⵓⴱⵕⵍⴰⵎⴰⵏ ⵍⵎⵖⵔⵉⴱ ⴰⴼⵔⵉⵙ ⵏ ⵓⵎⴷⵔⴰⵡ ⴰⵅⴰⵜⴰⵔ ⴷⴰⵔ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ.