ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⵕⵥⵥⵓⵎ ⵏ ⵓⵖⴰⵡⴰⵙ ⵏ ⵓⵙⵎⵓⵜⵜⴳ ⵏ ⵉⵄⵔⵔⵉⵎⵏ: “ⵉⵄⵔⵔⵉⵎⵏ ⴷ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉ”

ⵙ ⵉⵙⵎ ⵏ ⵕⴱⴱⵉ, ⵜⴰⵥⴰⵍⵉⵜ ⴷ ⵓⴼⵔⴰ ⴼ ⵓⵕⵇⵇⴰⵚ ⵏⵏⵙ

• ⵎⴰⵙⵙ ⴰⵏⵟⵓⵏⵉ ⵙⵎⵉⵜ, ⴰⵏⵙⵙⵉⵅⴼ ⴰⵎⵣⵣⴳⴰⵔ ⵏ ⵜⵎⵔⵙⵍⵜ ⵡⵉⵙⵜⵎⵉⵏⵙⵜⵔ
• ⵎⴰⵙⵙ ⴰⵎⴰⵔⴰ ⴰⵎⴰⵜⴰⵢ ⵏ ⵓⵙⵇⵇⵉⵎ ⵏ ⵉⵎⵓⵔⴰ,
• ⵎⴰⵙⵙⴰ ⵉⵔⵍⵉ ⵜⴰⵢⵍⵓⵕ, ⵜⵏⵎⵀⴰⵍⵜ ⵜⴰⵏⵎⵏⴰⴹⵟ ⵏ ⵉⵖⴰⵡⴰⵙⵏ ⵏ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴷ ⵉⵥⵥⵍⵎⴹ ⵏ ⵉⴼⵜⵉⵇⵢⴰ, ⴳ ⵜⵎⵔⵙⵍⵜ ⵏ ⵡⵉⵙⵜⵎⵉⵏⵙⵜⵔ;
• ⵎⴰⵙⵙⴰ ⵜⴰⵏⵎⵀⴰⵍⵜ ⵏ ⵓⵙⵉⵔⴰ ⵏ ⵜⵎⵔⵙⵍⵜ ⴳ ⵕⵕⴱⴰⵟ;
• ⵉⵄⵔⵔⵉⵎⵏ ⵏⵏⵖ ⵄⵣⵣⴰⵏⵉⵏ ⴷⵔⵓⵏⵉⵏ ⴳ ⵓⵙⵎⵓⵜⵜⴳ;
• ⵉⵙⵜ ⵎⴰⵙⵙⴰ ⴷ ⵎⴰⵙⵙⴰ ⵉⵎⵙⵜⴳⴳⴰⵔⵏ ⵏ ⵜⵎⵙⵙⵓⴳⵓⵔⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ

ⵉⴳⴰ ⵉⵢⵉ ⴰⴷⴷⵓⵔ, ⵙ ⵉⵙⵎ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴷ ⵕⵥⵎⵖ ⵜⵉⵖⵉⵎⵉⵜ ⴰⴷ ⵏ ⵓⵕⵥⵥⵓⵎ ⵏ ⵓⵖⴰⵡⴰⵙ ⵏ ⵓⵙⵎⵓⵜⵜⴳ ⵉ ⵚⵃⴰ ⵏ ⵉⵄⵔⵔⵉⵎⵏ ⴷ ⵜⵄⵔⵔⵉⵎⵉⵏ ⵏ ⵉⴽⴰⴱⴰⵕⵏ ⵉⵙⵔⵜⴰⵏⵏ ⵍⵍⴰⵏⵉⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵡⵉⵏ ⵜⴳⵔⴰⵡⵉⵏ ⵏ ⵡⴰⵎⵓⵏ ⴰⵖⵔⵎⴰⵏ ⴳ ⵙⵏⴰⵜ ⴷ ⵜⵎⵔⴰⵡⵜ ⵏ ⵜⵙⴳⴳⵉⵡⵉⵏ ⵏ ⵍⵎⵖⵔⵉⴱ.

ⵉⵙⵙⵓⵙⵎ ⵉⵢⵉ ⴰⴷ ⵙⵔⵓⵏ ⵙⴱⵔⵔⴽⵖ ⵎⴰⵕⵕⴰ, ⵙⵓⵜⴳⵖ ⴰⵏⵢⴰⵍⴽⴰⵎ ⵏⵏⵓⵏ ⴷ ⵜⵖⵓⵔⵉ ⵏ ⵎⴰⵙⵙ ⴰⵏⵙⵉⵅⴼ ⵍⵍⵉⵖ ⵜⴳⴰⵎ ⵉⴳⵏⵙⴰⵙⵏ ⵏ ⵉⴽⴰⴱⴰⵕⵏ ⵏⵏⵓⵏ ⴷ ⵜⴳⵔⴰⵡⵉⵏ ⵏⵏⵓⵏ ⵜⵉⵖⵔⵎⴰⵏⵉⵏ ⵃⵎⴰ ⴰⴷ ⵜⴳⵉⵎ ⵉⵎⴷⵔⴰⵡⵏ ⴷ ⵓⵖⴰⵡⴰⵙ ⴰⴷ ⵏ ⵓⵙⵎⵓⵜⵜⴳ ⴼ “ⵉⵄⵔⵔⵉⵎⵏ ⴷ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ”, ⴰⵔ ⵙⵏⵉⵎⵎⵉⵔⵖ ⵜⵉⵎⵔⵙⵍⵜ ⵏ ⵡⵉⵙⵜⵎⵉⵏⵙⵜⵔ ⵉ ⵜⴷⵉⵎⵓⵇⵔⴰⵟⵉⵜ (WFD) ⴼ ⵓⵎⵢⴰⵡⴰⵙ ⵏⵏⵙ ⴳ ⵓⵣⵣⴳⵉⵔ ⵏ ⵓⵍⴰⵖⵎⵓ ⴰⴷ ⴰⴷⵉⵎⵓⵇⵔⴰⵟⵉ, ⵉⴳⴰⵏ ⵡⵉⵏ ⵉⵎⴰⵍ ⵙ ⵜⵓⵎⴰⵢⵜ ⵏⵏⵙ ⴷ ⵉⵡⵜⵜⴰⵙⵏ ⵏⵏⵙ, ⵙⵓⵜⴳⵖ ⵜⴰⵎⴷⵔⴰⵡⵜ ⵏ ⵡⴰⵏⴰⵡ ⵉⵍⵍⴰⵏ ⴷ ⵜⵎⴰⴷⴷⴰⵙⵜ ⴰⴷ ⵜⴰⴳⵔⴰⵖⵍⴰⵏⵜ ⵉ ⵓⴳⴳⴰⵔ ⵏ 12 ⵏ ⵓⵙⴳⴳⵯⴰⵙ, ⵍⵍⵉ ⴷ ⵉⴼⵍⵏ ⵜⵉⵎⵔⴰⵡⵉⵏ ⵏ ⵜⵉⵍⴰⵍ ⴷ ⵜⴻⵜⴳⴰⵔⵉⵏ ⴼ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ.

ⵎⴽ ⵍⵍⵉ ⵔⴰⴷ ⵜⵥⵕⵎ ⴰⵣⴽⴽⴰ ⴷ ⵜⵔⴰⴱⴱⵓⵜ ⵏ ⵜⵡⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵎⵓⵜⵜⴳ ⵏ 50 ⵏ ⵓⵄⵔⵔⵉⵎ ⴷ ⵜⵄⵔⵔⵉⵎⵜ  ⵙⴳ ⵉⴽⴰⴱⴰⵕⵏ ⵍⵍⴰⵏⵉⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵜⴳⵔⴰⵡⵉⵏ ⵏ ⵡⴰⵎⵓⵏ ⴰⵖⵔⵎⴰⵏ ⴼ ⵉⴳⵔⴰⵏ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⴰⵖⴰⵡⴰⵙ ⵉⵜⵜⵓⵙⵔⴰⵙⵏ ⵙ ⵜⵖⵔⵉ ⴼ ⵎⴰⵙ ⵇⵇⵍⵏ ⵉⵄⵔⵔⵉⵎⵏ ⵉⵎⵖⵔⵉⴱⵉⵢⵏ ⴳ ⵜⵎⵔⵙⵍⵜ ⵜⴰⵣⵣⵔⴰⴼⵜ. ⵉⵡⴰⵜⵜⵙ ⴰⴷ ⵙⵙⵏⵏ ⵉⵄⵔⵔⵉⵎⵏ ⵜⴰⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵓⵙⴽⵔ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵥⵍⴰⵢⵉⵏ ⵏⵏⵙ ⵜⵉⴷⵙⵜⴰⵔⵉⵏ ⴳ ⵉⴳⵔⴰⵏ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⵏ ⵜⵡⵡⵓⵔⵉ ⵜⵓⵏⴱⵉⴹⵜ, ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⴳⵏⵙⴰⵙⵜ ⵏ ⵉⵏⵎⵓⵔⴰⵏ, ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ, ⴷ ⵓⵛⵛⵉⵍⵏ ⵏⵏⵙ ⴷⴰⵜ ⵏ ⵡⴰⵎⴰⵓⵏ, ⴳ ⵎⴰⴷ ⵉⵥⵍⵉⵏ ⵙ ⵓⵙⵙⴼⵍⴷ ⵉ ⵉⵏⵎⵓⵔⴰⵏ ⴷ ⵓⵎⵢⴰⵡⴰⴹ ⴷ ⵓⵏⵏⵓⵕⵥⵎ  ⴳ ⵓⵙⴰⵜⵉ ⵏ ⵓⴱⵕⵍⴰⵎⴰⵏ ⵏ ⵡⴰⴷⴰⵙ.

ⵓⵔ ⴳⵉⵙ ⵜⵓⵔⴷⴰ ⵎⴰⵙ ⵜⵙⵙⵏⵎ ⵜⴰⴳⵣⵎ ⵓⵍⴰ ⴰⵎⵏⴰⴷ ⵏ ⵓⵕⵣⵣⵓⵎ ⵏ ⵓⵖⴰⵡⴰⵙ ⴰⴷ ⴷ ⵜⵏⴰⵥⴰⵕⵉⵏ ⵏⵏⵙ. ⵉⵄⵔⵔⵉⵎⵏ ⵍⵍⵉ ⵏⵔⴰ ⴽⵯⵏⵏⵉ ⴷ ⴽⵯⵏⵏⵉⵏⵜⵉ, ⴳⴰⵏ ⴰⵎⴷⵢⴰ, ⵜⴰⵔⵙⵍⵜ ⵜⴰⴷⵉⵎⵓⴳⵕⴰⴼⵉⵜ ⵜⴰⵙⵉⵍⴰⵏⵜ ⵉ ⵜⴳⵎⵉ ⴷ ⵜⵣⵣⵉⴳⵣⵜ, ⵡⵉⴷ ⵔⴰⴷ ⵢⴰⵙⵉ ⵜⴰⵙⴰⴼⵓⵜ ⵏ ⵓⵙⵎⴰⵢⵏⵓ, ⵜⵉⵍⵉ ⴼⵍⵍⴰⵙ ⵜⵎⴰⵙⴰⵢⵜ ⵏ ⵜⵙⵏⵜⴰⵢⵜ, ⵜⵜⵉⵎⵖⵓⵔⵏⵜ ⵓⵍⴰ ⵜⵎⵥⵍⴰⵢ ⵏ ⵉⵙⵖⴰⵡⵙⴰⵜⵏ ⵏⵏⵙ ⴷ ⵎⴰⵙ ⵉⵇⵇⵍ.

ⵓⵔ ⵉⴳⵉ ⵍⵃⴰⵍ ⵖⴰⵙ ⵢⴰⵏ ⵓⵥⴰⵥⵓ ⵏ ⵉⵎⵣⴷⴰⵖⵏ ⴼ ⵍⵍⴰⵏⵜ ⵜⵥⵉⵕⵉⵏ ⵏ ⵜⵎⴰⵙⵙⴰⵏⵜ ⵜⴰⵇⴱⵓⵔⵜ ⵏ ⵉⵎⵣⴷⴰⵖⵏ, ⵎⴰⵛⵛ ⵙ ⵢⴰⵜ ⵜⴷⵓⵍⵉ ⵏ ⵡⴰⵡⵜⴰⵢ ⵉⵜⵜⵓⵙⵙⴰⵏⵏ ⵙ ⵜⴷⵉⵏⴰⵎⵉⵜ ⴷ ⵜⵓⴷⴷⵉⵔⵜ ⴷ ⵓⵔⵣⵣⵓ ⴷ ⵓⵙⵇⵙⵉ, ⴷ ⵜⴷⵓⵙⵉ ⵜⴰⵏⵉⵎⴰⵏⵜ ⴷ ⵜⵉⵏ ⵜⵎⴰⵜⴰⵔⵜ, ⵉⵍⵍⴰⵏ ⴷ ⵓⵎⵏⴰⴹ ⵏ ⵜⴻⵜⵉⴽⵏⵓⵍⵓⵊⵉⵜ ⴷ ⵉⵙⵎⵔⵙⵏ ⵏⵏⵙ.

ⴳ ⵓⵙⵙⴽⵯⵜⵉ ⵏ ⵜⵉⵍⴰⵍ ⵜⵉⵎⵣⵔⴰⵢⵉⵏ ⴳ ⵜⵖⵏⵙⴰ ⵜⴰⵏⵎⵓⵔⵜ ⵉ ⵜⵙⵉⵎⴰⵏⵜ, ⵉ ⵓⵚⴽⵓ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵙⴳ ⵜⴰⵙⵉⵎⴰⵏⵜ, ⵉⵎⵎⴰⵖ ⵍⵎⵖⵔⵉⴱ ⴳ ⵓⵣⵎⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ ⴰⴷ ⵜ ⵉⵕⵃⵎ ⵕⴱⴱⵉ, ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙ ⵙⵉⵏ ⴰⴷ ⵜⵉⵕⵃⵎ ⵕⴱⴱⵉ,  ⴷ ⵓⵣⵎⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴼ ⴰⴷ ⵟⵟⵉⴼⵏ ⵉⵄⵔⵔⵉⵎⵏ ⴰⵅⵎⵎⴻⵎ ⵉⵥⵍⵉⵏ ⴷ ⵢⵓⵙⴰⵏ.

ⵉ ⵓⵙⵕⵚⵓ ⵏ ⵓⵅⵎⵎⴻⵎ ⴰⴷ, ⴷ ⵓⵙⴳⵓⴷⵉ ⵏ ⵉⵣⵔⴼⴰⵏ ⴷ ⵓⵎⵎⵉⵥⵏ, ⵉⵙⴽⵔ ⵍⵎⵖⵔⵉⴱ ⴰⵙⴷⵙⵜⵔ ⵏ ⵉⵣⵔⴼⴰⵏ ⵏ ⵉⵄⵔⵔⵉⵎⵏ ⴳ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⴷ ⵎⴰⴷ ⵉⵥⵍⵉⵏ ⵙ ⵜⴷⵔⴰⵡⵜ ⵏ ⵉⵄⵔⵔⵉⵎⵏ ⴳ ⵜⴳⵎⵉ ⵜⴰⵏⴰⵎⵓⵏⵜ ⴷ ⵜⴷⵎⵙⴰⵏⵜ ⴷ ⵜⴷⵍⵙⴰⵏⵜ ⴷ ⵜⵙⵔⵜⴰⵏⵜ, ⴷ ⵜⵡⵉⵣⵉ ⵏⵏⵙ ⴳ ⵓⵙⵉⴷⴼ ⴳ ⵜⵓⴷⵔⵜ ⵜⴰⵎⴰⵜⴰⵢⵜ ⴷ ⵓⵙⵔⵅⵓ ⵏ ⵓⴽⵛⵓⵎ ⵏⵏⵙ ⵙ ⵜⴷⵍⵙⴰ ⴷ ⵜⵎⴰⵙⵙⴰⵏⵜ ⴷ ⵜⴻⵜⵉⴽⵏⵓⵍⵓⵊⵉⵜ ⴷ ⵜⵓⵏⵏⵓⵏⵜ ⴷ ⵓⵙⵎⵓⵙⵙ ⵉⵎⵙⴰⵙⴰⵏ ⴷ ⵉⵙⵖⴰⵡⵙⴰⵜⵏ ⵏⵏⵙ, ⵎⴽ ⵉⵍⵍⴰⵏ ⴳ ⵓⵎⵏⵏⵉ 33 ⵏ ⵓⴷⵓⵙⵜⵓⵔ ⵉⵙⴰⵡⵍⵏ ⴼ ⵓⵙⴽⵔ ⵏ ⵓⵙⵇⵇⵉⵎ ⴰⵎⵛⵡⴰⵕ ⵏ ⵉⵄⵔⵔⵉⵎⵏ ⴷ ⵜⵡⵡⵓⵔⵉ ⵜⴰⵎⵙⵎⵓⵏⴰⵏⵜ.

ⵉ ⵓⵙⴽⵔ ⵏ ⵓⵙⴷⵙⵜⵔ ⴰⴷ, ⵎⵎⴰⵖⵏⵜ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴷ ⵜⵎⵔⵙⴰⵍ ⵜⵉⵎⵣⵣⴳⴰⵔⵉⵏ ⴷ ⵜⴳⵏⵙⴰⵙⵉⵏ ⴳ ⵓⵣⵣⴳⵉⵔ ⵏ ⵜⵙⵔⵜⴰⵢ ⴷ ⵉⵖⴰⵡⴰⵙⵏ ⵉⴳⴷⵓⴷⴰⵏⵏ ⵉ ⵚⴰⵃⴰ ⵏ ⵉⵄⵔⵔⵉⵎⵏ.

ⵓⵔ ⴳⵉⵙ ⵜⵓⵔⴷⴰ ⵎⴰⵙ ⵔⴰⴷ ⵓⵔ ⵉⵕⵡⵓ, ⴷ ⵓⵔ ⵔⴰⴷ ⵉⴼⴽ ⵜⴰⵢⵢⴰⴼⵓⵜ ⵉⵖ ⵓⵔ ⵉⵍⵍⵉ ⵓⵙⴷⵔⵓ ⵏ ⵉⵃⵔⵔⵉⵎⵏ ⴳ ⵜⵡⵡⵓⵔⵉ ⵜⴰⵙⵔⵜⴰⵏⵜ, ⴷ ⵓⵙⴷⵔⴰⵡ ⵏⵏⵙ ⵙ ⵜⵉⵔⴰⵜ ⴳ ⵜⵡⵡⵓⵔⵉ ⵜⴰⵖⵔⵎⴰⵏⵜ ⵜⴰⵏⵎⵓⵔⵉⵜ. ⵉ ⵡⴰⵡⵜⵜⴰⵙ ⴰⴷ, ⵉⵍⵍⴰ ⵓⵙⴷⵔⴰⵡ ⵏ ⵉⵄⵔⵔⵉⵎⵏ ⴳ ⵜⴳⵔⴰⵡⵉⵏ ⵜⵜⴰⵡⵙⵜⴰⵢⵏⵉⵏ ⵜⵉⵏⴰⵎⵓⵔⵉⵏ ⴷ ⵜⵎⵏⴰⴹⵉⵏ ⴷ ⵜⴷⵖⴰⵔⴰⵏⵉⵏ ⴷ ⵜⴳⵔⴰⵡⵉⵏ ⵏ ⵓⵎⵛⴰⵡⴰⵕ. ⵎⵇⵇⴰⵔ ⵍⵍⴰⵏ ⵓⵎⵎⵉⵥⵏ ⴳ ⵓⴱⵔⵉⴷ ⴰⴷ, ⵜⴳⴰ ⵙⵓⵍ ⵜⵏⴰⵥⵕⵜ ⵏ ⵓⵙⵄⵔⵔⵉⵎ ⵏ ⵜⵎⵔⵙⴰⵍ ⴰⵅⵎⵎⴻⵎ ⴰⵙⵉⵍⴰⵏ ⴷ ⵡⴰⵡⵜⵜⴰⵙ ⵉⵛⵛⴰⵔⵏ ⵏ ⵉⵎⵙⴽⴰⵔⵏ ⵉⵙⵔⵜⴰⵏⵏ ⴷ ⵉⵎⵔⵙⵍⴰⵏⵏ.

ⵙ ⵓⵙⴷⴷⴻⴷ, ⵔⴰⴷ ⵜⵉⵍⵉ ⵜⵡⵉⵣⵉ ⵏ ⵉⵄⵔⵔⵉⵎⵏ ⴳ ⵓⵚⴽⵓ ⵏ ⵡⴰⵎⵓⵏ ⵙ ⵓⵍⵜⴰⵖ ⵏⵏⵙ ⴳ ⵜⵡⵡⵓⵔⵉ ⵜⴰⵙⵔⵜⴰⵏⵜ ⴷ ⵜⵖⵔⵎⴰⵏⵜ, ⴷ ⵓⵙⴽⵔ ⴰⵏⵎⵓⵔⵉ ⵙⴳ ⵜⴰⴷⵓⵍⵉ ⴰⴷ ⵜⴰⵙⵉⵍⴰⵏⵜ ⴳ ⵡⴰⵎⵓⵏ. ⵎⴰ ⴰⴷ ⵓⵔ ⵔⴰⴷ ⵢⵉⵍⵉ ⵙ ⵜⵖⴰⵔⴰⵙⵜ ⵉⵕⵡⴰⵏ ⴰⴱⵍⴰ ⵉⵖ ⵓⵎⵥⵏ ⵉⵄⵔⵔⵉⵎⵏ ⵜⵓⵙⵙⵏⴰ ⴷ ⵜⴷⵍⵙⴰ ⵜⴰⵜⵔⴰⵔⵜ, ⵖ ⵏⵉⵜ ⵜⵍⵍⴰ ⵜⴷⵍⵙⴰ ⵜⴰⵙⵔⵜⴰⵏⵜ ⴷ ⵜⴷⵉⵓⵇⵔⴰⵟⵉⵜ.

ⴳ ⵓⵙⵙⴽⵯⵜⵉ ⵏ ⵜⵏⵥⴰⵕⵜ ⴰⴷ, ⴳ ⵓⵙⴰⵜⵉ ⵏ ⵓⵙⴽⵔ ⵏ ⵓⴱⵕⵍⴰⵎⴰⵏ ⵏ ⵡⴰⴷⴰⵙ, ⵉ ⵓⵙⵎⴰⵜⴰ ⵏ ⵜⴷⵍⵙⴰ ⵜⴰⴱⵕⵍⴰⵎⴰⵏⵉⵜ, ⵏⵙⵔⵙ ⴰⵖⴰⵡⴰⵙ ⴰⴷ ⵙ ⵓⵎⵢⴰⵡⴰⵙ ⴰⴽⴷ ⴰⵎⴷⵔⴰⵡ ⵏⵏⵖ ⵜⵉⵎⵔⵙⵍⵜ ⵏ ⵡⵉⵙⵜⵎⵉⵏⵙⵜⵔ ⵉ ⵜⴷⵉⵎⵓⵇⵔⴰⵟⵉⵜ,ⵙ ⵓⵙⵙⴽⵯⵜⵉ ⵏ ⵎⵏⵏⴰⵡⵜ ⵜⵏⴰⵥⴰⵕⵉⵏ ⴷ ⵉⵡⵜⵜⴰⵙⵏ, ⵜⴰⵎⵣⵡⴰⵔⵓⵜ ⴰⵙⵙⵍⴽⵏ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉ ⵉⵄⵔⵔⵉⵎⵏ, ⵙ ⵉⵎⵓⵣⴰⵢⵏ ⴷ ⵉⵎⵙⵜⵜⴳⴳⴰⵔⵏ ⵙⵡⵓⵔⵉⵏⵉⵏ ⵃⵎⴰ ⴰⴷ ⵙⵙⵏ ⵉⵎⴷⵔⴰⵡⵏ ⴽⵉⴳⴰⵏ ⴼ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵙ ⵜⵓⵎⴰⵢⵜ ⴷ ⵜⴱⵔⵉⴷⵉⵏ, ⵜⵓⵙⵙⵏⴰ ⵏ ⵓⴱⵕⵍⴰⵎⴰⵏ ⴳ ⵓⴳⵏⵙ, ⵃⵎⴰ ⴰⴷ ⵙⵓⵜⴳⵏ ⴰⵜⵉⴳ ⴷ ⵜⵉⵍⴰⵍⵜ ⵏ ⵜⵎⵔⵙⵍⵜ ⴷ ⵡⴰⵎⴰⵎⵙ ⵏⵏⵙ ⴰⴷⵙⵜⴰⵔ ⴷ ⵓⵎⵔⵙⵍⴰⵏ.

ⵜⴳⴰ ⵜⵏⴰⵥⴰⵕⵜ ⵜⵉⵙ ⵙⵏⴰⵜ, ⴰⵙⴷⵓⵙ ⵏ ⵜⵎⵢⵉⵎⴰⵏⵜ ⴳ ⵜⵎⵔⵙⴰⵍ ⴷ ⵓⵛⵛⵉⵍ ⴷ ⵡⴰⵜⵉⴳ ⵏⵏⵙⵏⵜ ⴳ ⵜⵓⴷⵔⵜ ⵜⴰⵎⴰⵜⴰⵢⵜ, ⵙⵍⴰⵡⴰⵏ ⴰⴽⴽⵯ ⴳ ⵓⵎⵏⴰⴹ ⵏ ⵉⵎⵓⵙⵙⵓⵜⵏ ⵏ ⵓⵙⵙⵉⵎⵥⵉ ⵏ ⵜⵎⵔⵙⴰⵍ ⴷ ⵓⵣⵓⵣⵣⵔ ⵏ ⴳⴰⵔ ⵉⵏⵖⵎⵉⵙⵏ, ⵜⵙⵙⵏ ⵏⵉⵜ ⵉⵡⵜⵜⴰⵙⵏ ⴷ ⵡⵉⵍⵍⵉ ⵎⵓ ⴳⵉⵙⵏ ⵉⵜⵜⵚⵉⵃⴰⵉ ⵚⴰⵃⴰ. ⵖⵎⴽ ⵜⵙⵙⵏⵎ, ⵜⴳⴰ ⵜⵎⵢⵉⵎⴰⵏⵜ ⴰⵜⵉⴳ ⴰⵙⵉⵍⴰⵏ ⵓⵛⵛⵉⵍ ⵉ ⵜⵣⵣⵉⴳⵣⵜ ⴷ ⵓⵔⴳⴳⵉⴳ ⴷ ⵜⵣⴷⴰⵢⵉⵏ ⵣⵣⵉⴳⵣⵏⵉⵏ ⵊⴰⵔ ⵉⵎⵙⴽⴰⵔⵏ ⵉⵖⵔⵎⴰⵏⵏ ⴷ ⵉⵙⵔⵜⴰⵏⵏ.

ⵜⴰⵏⴰⵥⴰⵕⵜ ⵜⵉⵙ ⴽⵕⴰⴹⵜ ⵜⴳⴰ ⴰⵙⵔⵅⵓ ⵏ ⵜⴷⵔⴰⵡⵜ ⴷ ⵓⵙⵎⵓⵙⵙⵓ ⵍⵍⵉⵖ ⴳⴰⵏ ⴰⵙⴽⵛⵎ ⵙ ⵓⵙⵉⵟⵏ ⴷ ⵓⵙⴽⵔ ⵏ ⵜⵏⵎⵓⵔⵉⵜ ⵜⴰⵜⵔⴰⵔⵜ, ⵍⵍⵉⵖ ⵉⴳⴰ ⵓⵙⵎⵔⵙ ⵏ ⵜⵏⴱⴰⴹⵜ ⵏ ⵉⵎⵙⵍⵉ ⵏ ⵓⵙⵜⴰⵢ ⴷ ⵓⵙⴽⵔ ⵏ ⵓⵣⵔⴼ ⴰⴷ ⴰⴳⵔⴰⵖⵍⴰⵏ ⵃⵎⴰ ⴰⴷ ⵏⵙⵙⵍⴽⵎ ⵜⵓⵜⵔⴰⵡⵉⵏ ⵏⵏⵖ ⵉ ⵜⵎⵔⵙⴰⵍ ⵙ ⵓⵙⵜⴰⵢ ⵏ ⵉⵡⴷⴰⵏ ⴷ ⵓⵙⴰⵏⵉⵏ. ⵎⴽ ⵍⵍⵉ ⵙ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵕⴱⴱⵉ ⵍⵍⵉⵖ ⵉⵙⴰⵡⵍ ⵉ ⵉⵏⵎⵓⵔⴰⵏ ⴷ ⵜⵎⵓⵔⴰⵢⵉⵏ ⵍⵍⵉⵖ ⵉⵏⵏⴰ ⵎⴰⵙ ⴷ ⵉⵇⵇⴰⵏ ⴰⴷ ⵓⵔⵔⵉⵏ ⵙ ⵉⴼⵔⴰⴽⵏ ⵏⵏⵙ ⵙⵖⵓⴷⵓⵏ ⴰⵙⵜⴰⵢ, ⴰⵛⴽⵓ ⵓⵔ ⵉⴳⵉ ⵙⴳ ⵓⵣⵔⴼ ⵏⵏⵙⵏ ⴰⵣⴽⴽⴰ ⵉⵖ ⵙⵎⵓⵎⵎⵉⵏ ⴼ ⴳⴰⵔ ⴰⵙⵡⵓⴷⴷⵓ ⵏⵖ ⴰⵛⵃⵓ ⵏ ⵜⵏⵓⴼⴰ  ⵍⵍⵉ ⴰⵙⵏ ⵜⵜⵓⵙⵎⴰⴷⵏⵉⵏ, ⵎⴽ ⵏⵉⵜ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ.

ⵜⴳⴰ ⵜⵏⴰⵥⵕⵜ ⵜⵉⵙ ⴽⴽⵓⵥⵜ ⵏ ⵓⵙⵎⵓⵜⵜⴳ ⴰⵙⵎⵓⵜⵜⴳ ⵏ ⵜⵓⴼⵔⴰⵢⵉⵏ ⴷ ⵓⵙⵎⵖⵔ ⵏ ⵜⵙⵓⴳⴰⵔ ⵃⵎⴰ ⴰⴷ ⵏⴰⵡⵉ ⵜⴰⵏⴰⵥⴰⵕⵜ ⵏ ⵓⵙⵎⴰⵢⵏⵓ ⵏⵏⵙ ⴷ ⵜⵡⴰⵍⴰ ⵏⵏⵙ ⵙ ⴰⵢⵍⵍⵉ ⵔⴰⴷ ⵉⵙⴽⵔ ⴰⵎⵓⵏ ⵏ ⵜⵏⵎⵓⵔⵉ ⴷ ⵜⴷⵉⵎⵓⵇⵔⴰⵟⵉⵜ ⴷ ⵉⵏⴰⵡ ⵏ ⵓⴷⵓⵙⵜⵓⵔ ⵙ ⵎⴰⴷ ⵉⵥⵍⵉⵏ ⵙ ⵓⵛⵛⵉⵍ ⵏ ⵜⵏⵎⵓⵔⴰⵢⵉⵏ ⴷ ⵉⵏⵎⵓⵔⴰⵏ ⴳ ⵓⵙⴽⵔ ⵏ ⵉⵣⵔⴼⴰⵏ ⴷ ⵜⴷⵔⴼⵉⵢⵉⵏ ⵙ ⵉⵎⴰⵏ ⵏ ⵜⵎⴰⵙⴰⵢⵜ ⵜⴰⵏⵎⵓⵔⵉⵜ ⴳ ⵉⵍⵍⴰ ⵓⵎⵙⴰⵙⴰ ⵊⴰⵔ ⵓⵙⴽⵔ ⵏ ⵉⵣⵔⴼⴰⵏ ⴷ ⵓⵙⵎⵖⵔ ⵏ ⵓⵛⵛⵉⵍ, ⵎⴽ ⵉⵜⵜⵉⵏⵉ ⵓⴷⵓⵙⵜⵓⵔ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ,

ⵙ ⵓⵙⴽⵔ ⵏ ⵓⵖⴰⵡⴰⵙ ⴰⴷ ⵏ ⴰⵙⵙ ⴰⴷ, ⵏⵙⴽⵔ ⴷⴰⵖ ⵜⵉⴽⴽⵍⵉⵜ ⵢⴰⴹⵏⵉⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵜⴰⵏⵙⵙⵉⵅⴼⵜ ⴷ ⵓⵙⵉⵔⴰ ⴷ ⵉⴼⵔⴷⴰ ⵉⵙⵔⵜⴰⵏⵏ, ⴰⵏⵏⵓⵕⵥⵎ ⴼ ⵡⴰⵎⵓⵏ, ⵙⵍⵡⴰⵏ ⴰⴽⴽⵯ ⵜⴰⴷⵓⵍⵉ ⵏⵏⵙ ⵉⵔⴰⵏ ⵜⵓⵙⵙⵏⴰ ⵓⴳⴳⴰⵔ, ⴳ ⵍⵍⴰⵏ ⵉⵄⵔⵔⵉⵎⵏ, ⴰⵢⵍⵍⵉ ⵉⵎⵎⴰⵍⴰⵏ ⴰⵙⵖⵡⵏ ⵏⵏⵙ ⵙ ⵎⴰⵙ ⵜⵇⴰⵡⵍⵜ ⵜⵎⴰⵣⵉⵔⵜ ⵏⵏⵖ ⴷ ⵓⵙⵇⵇⵉⵎ ⵏⵏⵖ ⴳ ⵓⵙⴰⵜⵉ ⵏ ⵜⵙⵏⵜⴰⵢⵜ ⵏ ⵜⵎⴷⵔⴰⵡⵜ ⵉ ⵜⵏⴱⴰⴹⵜ ⵉⵏⵏⵓⵕⵥⵎⵏ (OGP).

ⴳ ⵜⵙⴳⴰ ⵢⴰⴹⵏⵉⵏ, ⵏⵎⵎⴰⵖ ⴰⴷ ⵉⴳ ⵓⵏⵏⵓⵕⵥⵎ ⴰⴷ ⵡⴰⴷ ⵉⵟⵟⴰⴼⵏ ⴰⴼⴰⵔⵙ, ⵙ ⵓⵙⵜⴰⵢ ⵏⵜ ⵏ ⵜⴱⵔⵉⴷⵜ ⵏ ⵓⵏⵢⴰⵍⴽⴰⵎ ⵓⵙⵔⵉⴷ ⴷ ⵓⵙⵏⴼⵍ ⴷ ⵓⵎⵙⴰⵡⴰⵍ ⴷ ⵓⵙⵔⵅⵓ ⵏ ⵓⵙⵙⵏ ⵓⵙⵔⵉⴷ ⵏ ⵜⵎⵙⴰⵔⵜ ⵜⴰⴱⵕⵍⴰⵎⴰⵏⵉⵜ, ⴷ ⵓⵙⵏⴼⵍ ⵏ ⵉⵙⵡⵉⵏⴳⵉⵎⵏ ⴳ ⵓⵙⴰⵜⵉ ⵏ ⵜⵙⴰⵡⵓⵔⵉⵏ, ⵍⵍⵉⵖ ⵏⴼⵔⴽ ⵎⴰⵙ ⴷ ⵜⴰⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵜⵙⵔⵜⴰⵏⵜ ⴷ ⵜⵖⵔⵎⴰⵏⵜ ⴷⴰ ⵜⵜⵓⵍⵎⵉⴷⵏⵜ ⴳ ⵓⴱⴰⵔⴰⵣ , ⴷ ⵜⵎⵙⴽⴰⵔ ⴳ ⵜⵎⵔⵙⴰⵍ, ⵉⵍⵍⴰ ⴳ ⵜⴻⵜⵉⵇⵏⵉⵢⵉⵏ ⴷ ⵜⴱⵔⵉⴷⵉⵏ ⴷ ⵉⴼⵙⵙⴰⵢⵏ ⴷ ⵜⵙⵓⴳⴰⵔ, ⴰⵢⵍⵍⵉ ⵔⴰⴷ ⵓⵔ ⵏⵍⵎⴷ ⵏ ⵉⵙⵉⵏⴰⴳⵏ ⵏ ⵜⵎⴰⵙⵙⴰⵏⵉⵏ ⵜⵉⵙⵔⵜⴰⵏⵉⵏ, ⵎⴰⵛⵛ ⴳ ⵜⵎⵔⵙⴰⵍ  ⵙ ⵓⵙⴽⵔ.

ⵉⵖ ⵓⵔⵜⴰ ⵜⵜⵙⵏⵎ ⴰⵖⴰⵡⴰⵙ ⴰⵙⴳⴳⵯⵙⴰⵏ, ⴷⴼⴼⵉⵔ ⵏ ⵜⵖⵉⵎⵉⵜ ⴰⴷ ⵏ ⵓⵕⵥⵥⵓⵎ, ⵔⴰⴷ ⴰⵡⵏ ⵉⵙⵎⵏⵉⴷ ⵎⴰⵙⵙ ⵏⴰⵊⵉⴱ ⵍⵅⴰⴷⵉ, ⴰⵎⴰⵔⴰ ⴰⵎⴰⵜⴰⵢ ⵏ ⵓⵏⵙⵇⵇⵉⵎ ⵏ ⵉⵎⵓⵔⴰ, ⵜⵉⵏⵏⴰⵡⵜ ⵢⵓⵎⴰⵏ ⴼ ⵜⵎⵥⵍⴰⵢ ⴷ ⵜⵓⵚⴽⵉⵡⵉⵏ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴷ ⵜⴰⴽⵛⵛⵓⵎⵜ  ⴼ ⵓⵎⵣⵔⵓⵢ ⴷ ⵜⵎⵥⵍⴰⵢ ⴷ ⵜⵓⵚⴽⵉⵡⵉⵏ ⵏ ⵓⴱⵕⵍⴰⵎⴰⵏ ⵏ ⵉⵎⵖⵔⵉⴱ ⴳ ⵓⵎⴰⵍⵓ ⵏ ⵉⴷⵓⵙⵜⵓⵔⵏ ⵏ ⵜⴳⵍⴷⵉⵜ.

ⴰⵣⴽⴽⴰ ⵔⴰⴷ ⵜⵎⵇⵇⵉⵔⵎ ⴷ ⵉⵏⵎⵀⴰⵍ ⴷ ⵉⵎⵛⵛⵉⵡⵕⵏ ⵉⵎⴰⵜⴰⵢⵏ ⴰⴷ ⴰⵡⵏ ⴼⴽⵉⵏ ⴰⵙⵎⴰⵇⵇⵍ ⴼ ⵜⵉⵏⵏⴰⵡⵉⵏ ⵏ ⵢⵢⵉⵔⵏ ⴷ ⵢⵓⵛⴽⴰⵏ, ⴳⴰⵏⵜ ⴰⴳⵣⵣⵓⵎ ⴳ ⵉⵙⵓⴳⴰⵎ ⵏ ⵓⵙⵎⵓⵜⵜⴳ ⴰⴷ, ⵔⴰⴷ ⵜⵎⵎⵉⵇⵇⵉⵔⵎ ⵓⵍⴰ ⴷ ⵉⵙⵍⵎⴰⴷⵏ ⵉⵔⵣⵓⵜⵏ ⴷ ⵉⵎⵓⵣⴰⵢⵏ ⵙⴳ ⵎⴰⵕⵕⴰ ⵉⴷⵖⴰⵔⵏ ⵣⴷⵉⵏⵉⵏ ⴷ ⵜⵎⵥⵍⴰⵢ ⵏ ⵓⴱⵕⵍⴰⵎⴰⵏ.

ⵜⴱⵉⴷⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴷ ⵓⵎⴷⵔⴰⵡ ⵏⵏⵖ ⴰⴳⵔⴰⵖⵍⴰⵏ, ⵜⵉⵎⵔⵙⵍⵜ ⵏ ⵡⵉⵙⵜⵎⵉⵏⵙⵜⵔ ⴼ ⵜⵉⵍⵉⵜ ⵏ ⵜⵎⵏⵜⵍⵉⵏ ⵜⵉⵍⵓⵊⵉⵙⵜⵉⵢⵏ ⴷ ⵜⴱⵉⴷⴰⴳⵓⵊⵉⵢⵉⵏ  ⵃⵎⴰ ⴰⴷ ⵉⵜⵜⵓⵙⴽⵉⵔ ⵓⵖⴰⵡⴰⵙ ⴰⴷ ⵙ ⵉⵙⵖⵍⵏ ⵎⵙⴰⵙⴰⵏⵉⵏ ⴷ ⵓⵙⵎⵓⵜⵜⴳ ⵉⵣⵣⵉⴳⵣⵏ, ⵢⵉⵍⵉ ⵚⴰⵃⴰ ⵉⵕⵡⴰⵏ ⴰⵢⵍⵍⵉ ⵔⴰⴷ ⵢⴰⵡⵙ ⵉ ⵉⵎⴷⵔⴰⵡⵏ ⴰⴷ ⵙⵙⵏⵏ ⵜⴰⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵜⵎⵔⵙⵍⴰⵏⵜ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⴰⵔ ⴰⵡⵏ ⴰⵇⵔⴰⵖ ⴰⴷ ⵜⵙⵎⵔⵙⵎ ⵜⴰⵎⵍⴷⴰ ⴰⴷ ⴰⵡⵏ ⵉⵜⵜⴰⵡⴼⴽⴰⵏ,ⴰ ⴷ ⵜⵉⵍⵉⵎ ⴳ ⵓⵙⵇⵇⵉⵎ ⵙⵉⵏ ⵡⵓⵙⵙⵓⵏ ⴳ ⵡⴰⵢⵢⵓⵔ, ⵃⵎⴰ ⴰⴷ ⵜⵙⵎⵖⵔⵏ ⵜⵓⵙⵙⵏⴰ ⵏⵏⵓⵏ ⵜⵙⵙⵏⵎ ⵜⴰⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⵎⵇⵇⴰⵔ ⵏⵉⵜ ⴷⴰⵔⵓⵏ ⵜⵉⵥⴹⴰⵕⵉⵏ  ⴳⴳⵓⵜⵏⵉⵏ, ⴳⵉⵙⵏⵜ ⵜⵉⵔⴰⵜ ⴷ ⵓⵙⵜⴰⵢ ⵏ ⵓⵙⵖⵡⵏ ⴰⵙⵔⵜⴰⵏ ⴷ ⵓⵖⵔⵎⴰⵏ ⴰⵏⵎⵓⵔⵉ. ⴰⵢⵍⵍⵉ ⵔⴰⴷ ⵢⴰⵡⵙ ⴰⴷ ⵜⵙⵎⴰⵜⵜⵉⵎ ⵜⵓⵙⵙⵏⴰ ⵏⵏⵓⵏ ⵉ ⵡⴰⵎⵓⵏ ⵙⵍⴰⵡⴰⵏ ⴰⴽⴽⵯ ⵉ ⵜⴳⵔⴰⵡⵉⵏ ⵏⵏⵓⵏ ⵜⵉⵙⵔⵜⴰⵏⵉⵏ ⴷ ⵜⵖⵔⵎⴰⵏⵉⵏ ⵃⵎⴰ ⴰⴷ ⵜⴰⵡⵙⵎ ⴳ ⵓⵙⵎⵖⵔ ⵏ ⵓⴼⵔⴰⴽ ⵏ ⵎⵉⴷⴷⵏ ⵙ ⵜⵏⴰⵥⵕⵉⵏ ⵏ ⵜⵎⴷⵔⴰⵡⵜ ⴷ ⵓⵚⴽⵓ ⵏ ⵓⴼⴳⴰⵏ ⴰⵙⵉⵎⴰⵏ ⴳ ⵜⵖⵜⴰⵙⵉⵏ ⵏⵏⵙ ⵉⵍⴻⵍⵍ ⴳ ⵉⵙⵜⴰⵢⵏ ⵏⵏⵙ.

ⴰⵣⵓⵍ