ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴽⴽⵓⵥ ⵉⵙⵏⴼⴰⵔⵏ ⵏ ⵉⵙⵍⴳⵏ ⴼ ⵜⵣⵔⴼⵜ ⴷ ⵜⵏⵖⵎⴰⵙⵜ ⴷ ⵓⵥⵕⴼ ⴷ ⵜⵙⵏⵓⵔⴰⵢⵜ ⵏ ⵜⵏⴰⵥⴰⵕⵜ “ⴰⵍⴼⵉⵢⵢ-ⵍⵎⵖⵔⵉⴱ”

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 19 ⵢⵓⵏⵢⵓ 2023, ⴽⴽⵓⵥ ⵉⴹⵕⵉⵚⵏ ⵉⵣⵣⵔⴰⴼⵏ ⴼ ⵜⵣⵔⴼⵜ ⴷ ⵜⵏⵖⵎⴰⵙⵜ ⵜ ⵓⵥⵔⴼ ⴷ ⵜⵙⵏⵓⵔⴰⵢⵜ ⵏ ⵜⵏⴰⵥⴰⵕⵜ ⵏ “ⴰⵍⴼⵉⵢⴰ-ⵍⵎⵖⵉⴱ”, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵜⵉⵍⵉⵜ ⵏ ⵎⴰⵙⵙ ⵄⴰⴱⴷⵍⵍⴰⵟⵉⴼ ⵡⴰⵀⴱⵉ ⴰⵎⴰⵡⵙⴰⵙ ⵏ ⵜⵣⵔⴼⵜ ⴷ ⵎⴰⵙⵙ ⵎⵓⵃⴰⵎⵎⴰⴷ ⵎⵀⴷⵉ ⴱⵏⵙⵄⵉⴷ ⴰⵎⴰⵡⵙⴰⵙ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ, ⴰⵎⵙⵙⵉⵡⵍ ⴰⵎⴰⴷⴷⵓⴷ ⵙ ⵉⵙⵎ ⵏ ⵜⵏⴱⴰⴹⵜ.

ⵉⵍⵍⴰ ⵓⵙⵜⴰⵢ ⵙ ⵜⵓⴳⵜ ⵏ ⵓⵙⵏⴼⴰⵔ ⵏ ⵓⵙⵍⴳⵏ 44.22 ⵉ ⵓⵙⵎⴰⴷ ⴷ ⵓⵙⵏⴼⵍ ⵏ ⵓⵙⵍⴳⵏ 45.00 ⴼ ⵉⵎⵓⵣⴰⵢⵏ ⵉⵣⵔⴼⴰⵏⵏ, ⴳ ⵓⵙⴰⵜⵉ ⵏ ⵓⴹⴼⵕ ⵏ ⵜⵣⵣⵉⴳⵣⵜ ⵜⴰⵜⵉⴽⵏⵓⵍⵓⵊⵉⵜ ⴷ ⵜⵎⴰⵙⵙⴰⵏⵜ ⴷ ⵜⵎⵓⵟⵟⵓⵏⵜ ⵏ ⴳ ⵜⵎⴰⵣⵉⵔⵜ ⵏⵏⵖ, ⵉⵙⵙⴽⵯⵜⵉ ⴷ ⵓⴹⵕⵉⵙ ⵓⵍⴰ ⴰⵙⵖⵣⵏ ⵏ ⴽⵉⴳⴰⵏ ⵏ ⵜⵎⵔⵙⴰⵍ ⴷ ⵉⵙⵉⵔⴰⵜⵏ ⴷ ⵉⵙⵉⵏⴰⴳⵏ ⴷ ⵜⵎⵙⵙⵓⴳⵓⵔⵉⵏ ⵏ ⵓⵡⴰⵏⴽ.

ⴰⵔ ⵉⵙⴳⵉⴷⴷⵉ ⵓⵙⵍⴳⵏ ⴰⴷ ⵉⴳⵔ ⵏ ⵜⵎⵓⵣⴰⵢⵜ ⵜⴰⵣⵔⴼⴰⵏⵜ ⴷⴰⵔ ⵜⵙⵏⴱⴰⴹⵉⵏ, ⴷ ⵓⵙⴷⴷⵉⴷ ⴼ ⵜⵉⵍⴰⵍⵜ ⵏ ⵓⵎⵓⵣⴰⵢ ⴰⵣⵔⴼⴰⵏ ⴳ ⵢⵉⴳⵔ ⵏ ⵜⵡⵓⵔⵉ ⵏⵏⵙ.

ⵉⵍⵍⴰ ⵓⵍⴰ ⵓⵙⵜⴰⵢ ⵙ ⵜⵓⴳⵜ ⵏ ⵓⵙⵏⴼⴰⵔ ⵏ ⵓⵙⵍⴳⵏ 58.22 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ 41.05 ⴼ ⵜⴳⵔⴰⵡⵉⵏ ⵏ ⵓⵙⵎⵔⵙ ⴰⵎⴳⵔⵓ ⵏ ⵉⴳⴰⴷⴰⵔⵏ, ⵉⵍⵍⴰⵏ ⴳ ⵓⵙⴰⵜⵉ ⵏ ⵉⵙⵓⴳⴰⵎ ⵏ ⵓⵎⴰⴽⵏ ⵍⵍⵉ ⵙ ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴳ ⵓⵙⴰⵜⵉ ⵏ ⵓⵙⵎⴰⵢⵏⵓ ⴷ ⵓⵙⵎⵖⵔ ⵏ ⵢⵉⴳⵔ ⴰⵥⵕⴼⴰⵏ ⴷ ⵓⵙⴷⵓⵙ ⵏ ⵜⵉⵍⴰⵍⵜ ⵏ ⵜⵎⴳⵓⵔⵉ ⵜⴰⵎⵖⵔⵉⴱⵉⵜ ⵏ ⵓⴳⴰⴷⴰⵔ ⵉ ⵓⴹⴼⵕ ⵏ ⵓⵙⵎⵖⵔ ⴰⴷⵎⵙⴰⵏ.

ⵉⵡⴰⵜⵜ ⵓⴹⵕⵉⵚ ⴰⴷ ⴰⵣⵣⵔⴰⴼ ⴰⵙⵔⵓⵙ ⵏ ⵓⵏⴳⵔⴰⵡ ⵉⵥⵍⵉⵏ ⵙ ⵜⴳⵔⴰⵡⵉⵏ ⵏ ⵓⵙⵎⵔⵙ ⴰⵎⴳⵔⵓ ⵏ ⵉⴳⴰⴷⴰⵔⵏ, ⵉ ⵚⴰⵃⴰ ⵏ ⵉⴷ ⴱⴰⴱ ⵏ ⵓⵙⵙⴰⵔⵓ, ⴼ ⵓⵙⵎⴰⵢⵏⵓ ⵏ ⵓⵙⵙⴰⵔⵓ ⴷ ⵓⵙⵍⴻⵍⵍⵉ ⵏ ⵡⴰⵢⴷⴰ ⵏ ⵜⵎⵙⵙⵓⵔⵉⵏ ⵏ ⵓⵙⵎⵔⵙ ⴰⵎⴳⵔⵓ ⵏ ⵓⵙⵙⴰⵔⵓ ⵜⴰⵔ ⵉⵡⵜⵜⴰ, ⴷ ⵜⵉⴽⴽⵉ ⵏ ⵉⵕⵟⵟⴰⵍⵏ ⵙⴳ ⵜⴳⵔⴰⵡⵉⵏ ⵏ ⵓⵙⵎⵔⵙ ⴰⵎⴳⵔⵓ ⵏ ⵓⴳⴰⴷⴰⵔ.

ⵢⵉⵍⵉ ⵓⵙⵜⴰⵢ ⵙ ⵜⵓⴳⵜ ⵏ ⵓⵙⵏⴼⴰⵔ ⵏ ⵓⵙⵍⴳⵏ 16.24 ⴼ ⵓⵙⵖⵣⵏ ⵏ ⵓⵎⵕⵚⵓⵎ ⵏ ⵓⵙⵍⴳⵏ 2.23.102 ⵏ 16 ⵛⴰⵄⴱⴰⵏ 1444 (9 ⵎⴰⵕⵚ 2023) ⴼ ⵓⴼⵓⴽⴽⵓ ⵏ ⵜⵙⵏⵓⵔⴰⵢⵜ ⵏ ⵜⵏⴰⵥⵕⵜ ⵏ “ⴰⵍⴼⵉⵢⴰ ⵍⵎⵖⵔⵉⴱ” (MCA-Morocco).

ⵉⵍⵍⴰ ⵓⵎⵕⵚⵓⵎ ⴰⴷ ⴳ ⵓⵙⴰⵜⵉ ⵏ ⵓⵙⴽⵔ ⵏ ⵓⵙⵍⴳⵏ 24.16 ⵍⵍⵉ ⵉⵙⴽⵔⵏ ⵜⴰⵏⵓⵔⴰⵢⵜ ⴰⴷ ⴷ ⵓⴼⵓⴽⴽⵓ ⵏⵏⵙ ⴳ 120 ⵏ ⵡⴰⵙⵙ ⵙⴳ ⵜⵉⴳⵉⵔⴰ ⵏ ⵓⵙⵡⵓⵔⵉ ⵙ ⵓⵎⵇⵇⵏ ⵏ 1 ⴰⴱⵔⵉⵍ 2023.

ⵙⵜⵉⵏ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ 15.23 ⴼ ⵓⵙⴽⵔ ⵏ ⵜⵙⵇⵇⵉⵎⵜ ⵜⴰⵎⵙⵉⴽⵓⴷⵜ ⵏ ⵓⵙⵡⵓⴷⴷⵓ ⵏ ⵢⵉⴳⵔ ⵏ ⵜⵏⵖⵎⴰⵙⵜ ⴷ ⵜⵥⵔⵉⴳⵜ, ⵍⵍⵉⵖ ⵓⵔ ⵍⵍⵉⵏ ⵉⵙⵜⴰⵢⵏ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⵏⵎⴰⵙⵜ, ⵉⵡⴰⵜⵜⵙ ⵓⴹⵕⵉⵚ ⴰⴷ ⴰⵎⴰⵢⵏⵓ ⴰⵣⵣⵔⴰⵢ ⵏ ⵓⵙⵓⵔⵙ ⴰⴷ ⴰⵔⵣⵔⴼⴰⵏ, ⵍⵍⵉⵖ ⵔⴰⴷ ⵉⵍⵉⵏ ⵜⵖⵜⴰⵙⵉⵏ ⴷⴰⵔ ⵓⵙⵇⵇⵉⵎ ⴰⵏⴰⵎⵓⵔ,  ⴷ ⵜⵉⵍⵉⵜ ⵏ ⵓⵏⴳⵔⴰⵡ ⴰⵏⴰⵎⵢⵏⵓ ⵏ ⵓⵙⵇⵇⵉⵎ ⵙ ⵜⵏⵏⵓⴱⴹⴰ ⵉⵥⵉⵍⵏ ⴷ ⵓⵙⵡⵓⴷⴷⵓ ⵉⵥⵉⵍⵏ ⴷ ⵓⵙⵡⵓⴷⴷⵓ  ⵙⵜⵖⴰⵔⴰⵙⵜ ⵜⴰⴷⵉⵎⵓⵇⵔⴰⵟⵉⵜ. ⵙ ⵎⴰⴷ ⵉⵍⵍⴰⵏ ⴷ ⵉⵏⴰⵔⵓⵣⵏ ⵏ ⵉⴷ ⴱⴰⴱ ⵏ ⵜⵏⵖⵎⴰⵙⵜ ⴷ ⵜⵥⵕⵉⴳⵜ ⵍⵍⵉ ⵉⴳⴰⵏ  ⵉⵎⵉⵙⵙ ⵏ ⵓⵚⴽⵓ ⴰⴷⵉⵎⵓⵇⵔⴰⵟⵉ ⴷ ⵓⴼⵔⴰⴳ ⵏ ⵜⵍⴻⵍⵍⵉ ⵏ ⵜⴰⵏⵏⴰⵢⵜ ⴷ ⵓⵡⵏⵏⵉ.

ⵙ ⵓⵙⵍⴳⵏ ⴰⴷ, ⵔⴰⴷ ⵜⵙⵡⵓⵔⵉ ⵜⵙⵇⵇⵉⵎⵜ ⵜⴰⵎⵙⵉⴽⵓⴷⵜ ⴼ ⵓⵙⵓⵊⴷ ⵏ ⵜⴼⴰⴷⵉⵡⵉⵏ ⵏ ⵓⵙⵎⵖⵔ ⵏ ⵢⵉⴳⵔ ⵏⵜ ⵏⵖⵎⴰⵙⵜ ⴷ ⵜⵥⵕⵉⴳⵜ ⴷ ⵓⵣⵣⵔⴰⵢ ⴰⵎⴰⵜⴰⵢ ⵏ ⵓⵙⵓⵔⵙ ⵏ ⵖⵉⵍⴰⴷ ⵏ ⵢⵉⴳⵔ ⴰⴷ ⴷ ⵜⵙⵓⵎⵔⵜ ⵏ ⵉⵡⴰⵜⵜⴰⵙⵏ ⵏ ⵓⵙⵏⴰⵍ ⵏⵏ ⵜⵔⵙⴰⵍ ⵏⵏⵙ ⴳ ⵎⴰⵏⵏ ⵓⵔ ⵉⵣⵔⵉⵏ 9 ⵢⵉⵔⵏ ⴼ ⵓⴷⵓⵎⵍ ⵏ ⵉⴳⵎⴰⵎⵏ ⵙⵙ, ⴷ ⵓⵙⵓⵊⴷ ⵏ ⵉⵙⵜⴰⵢⵏ ⵥⵍⵉⵏ ⵙ ⵉⴳⵎⴰⵎⴰⵏ ⵏ ⵓⵙⵇⵇⵉⵎ ⴰⵏⴰⵎⵓⵔ  ⵍⵍⵉⴷ ⵉⵇⵇⴰⵏ ⵓⵙⵜⴰⵢ ⵏⵏⵙ ⴷ ⵓⵙⵏⵎⴰⵍⴰ ⵏⵏⵙ ⵙ ⵓⵎⵙⴰⵙⴰ ⴷ ⵉⴹⵕⵉⵚⵏ ⵉⵣⵣⵔⴰⴼⵏ ⴷ ⵉⵎⴰⴷⴷⴰⵙⵏ ⵍⵍⴰⵏⵉⵏ.