ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ ⵉⵥⵍⵉⵏ ⵙ ⵓⵙⵙⵍⵎⴷ ⴰⵎⴰⵜⵜⵓⵢ ⴷ ⵙⴰⵜ ⵜⵎⵢⴰⵇⵇⴰⵏⵉⵏ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 29 ⵎⴰⵢ 2023, ⴰⵙⵏⴼⴰⵔ ⵏ ⵓⵙⵍⴳⵏ ⴳ ⵢⵉⴳⵔ ⵏ ⵓⵙⵙⵍⵎⴷ ⴰⵎⴰⵜⵜⵓⵢ ⴷ ⵙⴰⵜ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵉⵍⵉⵜ ⵏ ⵎⴰⵙⵙ ⵏⴰⵚⵉⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵏⴱⵕⵕⴰ, ⴷ ⵎⴰⵙⵙ ⵄⴰⴱⴷⵍⵍⴰⵟⵉⴼ ⵎⵉⵔⴰⵡⵉ ⴰⵎⴰⵡⵙⴰⵙ ⵏ ⵓⵙⵙⵍⵎⴷ ⴰⵎⴰⵜⵜⵓⵢ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵎⴰⵢⵏⵓ.

ⵜⵙⵜⵉ ⵜⵓⴳⵜ ⴰⵙⵏⴼⴰⵔ ⵏ ⵓⵙⵍⴳⵏ 01.23 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⴹⴰⵀⵉⵕ ⴰⵛⴰⵔⵉⴼ ⵉⴳⴰⵏ ⴰⵙⵍⴳⵏ ⵓⵟⵟⵓⵏ 1.93.364 ⵏ 19 ⵕⴰⴱⵉⵄ ⵡⵉⵙ ⵙⵉⵏ 1414 (6ⴽⵟⵓⴱⵕ 1993) ⵅⴼ ⵜⴰⴽⴰⴷⵉⵎⵉⵜ ⵏ ⵍⵃⴰⵙⴰⵏ ⵡⵉⵙ ⵙⵉⵏ ⵉ ⵜⵎⴰⵙⵙⴰⵏⵉⵏ ⴷ ⵜⴻⵜⵉⵇⵏⵉⵢⵉⵏ, ⴳ ⵓⵙⴰⵜⵉ ⵏ ⵓⵎⵏⴰⴹ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ ⴳ ⵍⵍⴰⵏ ⵉⵎⵓⵜⵜⵓⵢⵏ ⴳ ⵉⴳⵔⴰⵏ ⵏ ⵜⵎⴰⵙⵙⴰⵏⵉⵏ ⴷ ⵜⴻⵜⵉⴽⵏⵓⵍⵓⵊⵉⵜ, ⴰⵢⵍⵍⵉ ⴷ ⵢⵉⵡⵉⵏ ⴰⴷ ⵉⵍⵉⵏⵜ ⵜⵎⵢⴰⴷⴰⵙⵉⵏ ⵜⵉⵎⵣⵡⵓⵔⴰ.

ⵙ ⵓⵙⵍⴳⵏ ⴰⴷ, ⵔⴰⴷ ⵢⵉⵎⵖⵓⵔ ⵓⵏⵛⴽ ⵏ ⵉⴳⵎⴰⵎⵏ ⵏ ⵜⴽⴰⴷⵉⵎⵉⵜ ⵏ ⵍⵃⴰⵙⴰⵏ ⵡⵉⵙ ⵙⵉⵏ ⵉ ⵜⵎⴰⵙⵙⴰⵏⵉⵏ ⴷ ⵜⴻⵜⵉⵇⵏⵉⵢⵉⵏ ⵙⴳ 60 ⴰⵔ 80 ⵏ ⵓⴳⵎⴰⵎ, ⴰⵢⵍⵍⵉ ⵔⴰⴷ ⵢⴰⵡⵙ ⵉ ⵜⴽⴰⴷⵉⵎⵉⵜ ⴰⴷ ⵜⵙⴽⵔ ⵜⵉⵙⵎⵉⴳⴰⵍ ⵏⵏⵙ ⴳ  ⵎⴰⴷ ⵉⵥⵍⵉⵏ ⵙ ⵓⵙⵖⵓⴷⵓ ⵏ ⵉⵙⵏⴼⴰⵔⵏ ⵜⵜⴰⵡⵙⵎⴰⴷⵏⵉⵏ ⴷ ⵜⵖⵔⵉ ⵏ ⵓⵎⵙⴰⵙⴰ ⵏⵏⵙ ⴷ ⵡⴰⵜⵉⴳ ⵏⵏⵙ ⴰⵎⴰⵙⵙⴰⵏ ⵙ ⵜⵎⵣⵡⴰⵔ ⵜⵉⵏⴰⵎⵓⵔⵉⵏ.

ⴳ ⵜⵖⵉⵎⵉⵜ, ⵉⵍⵍⴰ ⵓⵙⵜⴰⵢ ⵙ ⵓⵎⴽⵕⴰⴷ ⵏ ⵙⴰⵜ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴳⵉⵙⵏ ⵙⵏⴰⵜ ⵜⵎⵢⴰⵇⵇⴰⵏⵉⵏ ⵜⵉⵙⵉⵏⵔⴰⵏⵉⵏ, ⴷ ⵙⵎⵎⵓⵙⵜ ⵜⵉⴳⵜⵉⵔⴰⵏⵉⵏ. ⴳⴰⵏⵜ ⵖⵎⴽ ⴰⴷ:

- ⵜⵉⵎⵢⴰⵇⵇⴰⵏⵉⵏ ⵜⵉⵙⵉⵏⵔⴰⵏⵉⵏ:

* ⴰⵙⵏⴼⴰⵔ ⵏ ⵓⵙⵍⴳⵏ 46.22 ⵉ ⵓⵎⵙⴰⵙⴰ ⴼ ⵜⵎⵢⴰⵇⵇⴰⵏⵜ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵊⵉⴱⵓⵜⵉ ⵉ ⵓⵙⵙⵉⴷⵔ ⴷ ⵓⴼⵔⴰⴳ ⵉⵜⵜⵓⵙⵏⴼⴰⵍⵏ ⵏ ⵓⵙⵙⴰⵔⵓ, ⵜⵜⵓⵣⵎⵎⴰⵎ ⴳ ⵕⵕⴱⴰⵟ ⴳ 25 ⵢⵓⵍⵢⵓⵣ 202, ⵜⵡⴰⵜⵜⵙ ⴰⵙⵙⵔⵇⴱ ⵏ ⵓⵙⵙⴰⵔⵓ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷ ⵓⵙⴷⵓⵙ ⵏ ⵓⵎⵢⴰⵡⴰⴹ ⵊⴰⵔ ⵜⵎⵙⵙⵓⵔⵉⵏ ⵏ ⵢⵉⴳⵔ ⵓⵙⵍⵉⴳ ⵃⵎⴰ ⴰⴷ ⵜⵉⵍⵉ ⵜⴳⵎⵉ ⵜⴰⵙⵓⵍⴰⵏⵜ ⵙ ⵜⵉⵍⵉⵜ ⵏ ⵜⵣⵣⵓⵍⵉⵏ ⵏ ⵜⵡⵓⵔⵉ ⴷ ⵓⵙⵎⴰⵜⵜⵉ ⵏ ⵜⴻⵜⵉⴽⵏⵓⵍⵓⵊⵉⵜ ⴷ ⵓⵙⵔⵅⵓ ⵏ ⵜⵎⵓⴽⵔⵉⵙⵉⵏ ⴷⴰⵜ ⵏ ⵉⴷ ⴱⴰⴱ ⵏ ⵓⵙⵙⴰⵔⵓ.

* ⴰⵙⵏⴼⴰⵔ ⵏ ⵓⵙⵍⴳⵏ 49.22 ⵉ ⵓⵎⵙⴰⵙⴰ ⴼ ⵜⵎⵢⴰⵇⵇⴰⵏⵜ ⵅⴼ ⵜⵉⵏⵢⴼⴰ ⵜⴰⵢⵍⴰⵍⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵕⵕⴰⵚ ⵍⴰⵅⴹⴰⵕ, ⵜⵜⵓⵣⵎⵎⴰⵎ ⴳ ⴷⴷⴰⵅⵍⴰ ⴳ 31 ⵖⵓⵛⵜ 2022. ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵓⵏⴳⵔⴰⵡ ⵏ ⵡⴰⵙⵙⴰⵢ ⴰⵢⴰⵍⴰⵏ ⴰⴳⵔⴰⵖⵍⴰⵏ ⵉⴱⴷⴷⵏ ⴼ ⵓⵎⵃⵉⵣⵡⴰⵔ ⵊⴰⵔ ⵜⵉⵎⵔⵙⴰⵍ ⵏ ⵡⴰⵙⵙⴰⵢ ⴰⵢⵍⴰⵏ ⴷ ⵜⴳⵎⵉ ⵏ ⵡⴰⵙⵙⴰⵢ ⴰⵢⵍⴰⵏ ⴰⴳⵔⴰⵖⵍⴰⵏ, ⵉ ⵓⵙⵎⵏⵉⴷ ⵏ ⵡⴰⵜⵉⴳⵏ ⴷ ⵜⵏⵓⴼⴰ ⵏ ⵓⵎⵃⵉⵣⵡⴰⵔ ⵉ ⵉⴷ ⴱⴰⴱ ⵏ ⵓⵎⵓⴷⴷⵓ ⴷ ⵉⴷ ⴱⴰⴱ ⵏ ⵡⴰⵙⵙⴰⵢ ⴳ ⵉⴳⴰⴷⴰⵣⵏ ⵕⵥⵎⵏⵉⵏ.

- ⵜⵉⵎⵢⴰⵇⵇⴰⵏⵉⵏ ⵜⵉⴳⵜⵉⵔⴰⵏⵉⵏ:

* ⴰⵙⵏⴼⴰⵔ ⵏ ⵓⵙⵍⴳⵏ 17.22 ⵉ ⵓⵎⵙⴰⵙⴰ ⴼ ⵜⵎⵢⴰⵇⵇⴰⵏⵜ ⵏ ⵜⵙⵇⵇⵉⵎⵜ ⵜⴰⴼⵔⵉⵇⵉⵜ ⵏ ⵜⵥⴹⴰⵕⵜ, ⵜⴻⵍⵍⴰ ⴳ ⴱⵍⵓⵙⴰⴽⴰ (ⵥⴰⵎⴱⵢⴰ) ⴳ 11 ⵢⵓⵍⵢⵓⵣ 2001, ⵜⵡⴰⵜⵜⵙ ⴰⵙⴽⵔ ⵏ ⵜⵙⵇⵇⵉⵎⵜ ⴰⴷ ⴳ ⴷⴷⵣⴰⵢⵔ, ⴳⵉⵙ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⴰⴷⴷⴰⵙⵜ ⵏ ⵜⵢⵏⴰⵜ ⵜⴰⴼⵔⵉⵇⵉⵜ, ⵉ ⵓⵙⵎⵖⵔ ⵏ ⵜⵙⵔⵜⴰⵢ ⴷ ⵜⵙⵜⵔⴰⵜⵉⵊⵉⵏ ⴷ ⵉⵔⵣⵣⵓⵜⵏ ⴷ ⵉⵖⴰⵡⴰⵙ, ⴳ ⵢⵉⴳⵔ ⵏ ⵜⵥⴹⴰⵕⵜ.

* ⴰⵙⵏⴼⴰⵔ ⵏ ⵓⵙⵍⴳⵏ 34.22 ⵉ ⵓⵎⵙⴰⵙⴰ ⴼ ⵓⴷⵓⵙⵜⵓⵔ ⵏ ⵜⵙⵇⵇⵉⵎⵜ ⵜⴰⴼⵔⵉⵇⵉⵜ ⵏ ⵜⴰⵢⵍⴰⵏⵜ ⵜⴰⵖⵔⵎⴰⵏⵜ, ⵜⵍⵍⴰ ⴳ ⴷⴰⴽⵕ ⴳ 16 ⴷⵓⵊⴰⵏⴱⵉⵔ 2009, ⵜⵡⴰⵜⵜⵙ ⴰⵣⴷⴰⵢ ⵏ ⵜⵖⴰⵡⵙⵉⵡⵉⵏ ⵥⵍⵉⵏⵉⵏ ⵙ ⵜⴰⵢⵍⴰⵏⵜ ⵜⴰⵖⵔⵎⴰⵏⵜ  ⴳ ⵉⴼⵔⵉⵇⵢⴰ ⴷ ⵓⵎⵢⴰⵡⴰⵙ ⴰⴽⴷ  ⵜⴰⵎⴰⴷⴷⴰⵙⵜ “ⵉⴽⴰⵡ” ⴷ ⵜⵎⴰⴷⴷⴰⵙⵉⵏ ⵢⴰⴹⵏⵉⵏ ⴳ ⵢⵉⴳⵔ ⵏ ⵜⴳⵎⵉ ⵜⴰⵢⵍⴰⵏⵜ ⵜⴰⵖⵔⵎⴰⵏⵜ ⴳ ⵉⴼⵔⵉⵇⵢⴰ.

* ⴰⵙⵏⴼⴰⵔ ⵏ ⵓⵙⵍⴳⵏ 45.22 ⵉ ⵓⵎⵙⴰⵙⴰ ⴼ ⵜⵎⵢⴰⵇⵇⴰⵏⵜ ⵜⴰⵄⵕⴰⴱⵜ ⵉ ⵓⵙⵏⵎⴰⵍⴰ ⵏ ⵡⴰⵙⵙⴰⵢ ⵏ ⵉⵏⵎⵎⵓⴷⴷⴰ ⴳ ⵉⴱⵔⴷⴰⵏ ⵊⴰⵔ ⵉⵡⴰⵏⴽⵏ ⴰⵄⵕⴰⴱⵏ ⴷ ⵡⵉⵢⵢⴰⴹ, ⵜⴻⵍⵍⴰ ⵇ ⵍⵇⴰⵀⵉⵕⴰ ⴳ 6 ⵛⵓⵜⴰⵏⴱⵉⵔ 2006. ⵜⵡⴰⵜⵜⵙ ⴰⵙⴷⵓⵙ ⴷ ⵜⴳⵎⵉ ⵏ ⵜⵣⴷⴰⵢⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵎⵙⴰⵏⵉⵏ ⵊⴰⵔ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⴰⵎⵓⵏⵜ ⵏ ⵉⵡⴰⵏⴽⵏ ⴰⵄⵕⴰⴱⵏ, ⴷ ⵓⵙⵙⵔⵇⴱ ⵏ ⵜⵎⴰⵍⵍⴰⵢⵜ ⵊⴰⵔ ⵏⵏⵙ ⴷ ⵓⵙⵉⵜⵜⵉ ⵏ ⵜⴱⴱⴰⵢⴹⴰⵕⵉⵏ ⵏ ⵡⴰⵙⵙⴰⵢ ⴰⴳⵔⴰⵖⵍⴰⵏ ⵏ ⵉⵏⵎⵓⴷⴷⴰ ⴰⴷ.

* ⴰⵙⵏⴼⴰⵔ ⵏ ⵓⵙⵍⴳⵏ 36.22 ⵉ ⵓⵎⵙⴰⵙⴰ ⴼ ⵜⵎⵢⴰⵇⵇⴰⵏⵜ ⵏ ⵓⵙⵖⵉⵎ ⵊⴰⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ  ⴷ ⵜⵙⵏⵓⵔⴰⵢⵜ ⵜⴰⵙⴷⴰⵡⴰⵏⵜ ⵉ ⵜⴼⵕⴰⵏⴽⵓⴼⵓⵏⵉⵜ ⵅⴼ ⵓⵙⴽⵔ ⵏ ⵓⵙⵖⵉⵎ ⵏ ⵜⴽⴰⴷⵉⵎⵉⵜ ⵜⴰⴳⵔⴰⵖⵍⴰⵏⵜ ⵉ ⵜⴼⵕⴰⵏⴽⵓⴼⵓⵏⵉⵜ ⵜⴰⵎⴰⵙⵙⴰⵏⵜ ⴳ ⵍⵎⵖⵔⵉⴱ, ⵜⵜⵓⵣⵎⵎⴰⵎ ⴳ ⵕⵕⴱⴰⵟ ⴳ 28 ⵎⴰⵢ 2022. ⵙ ⵓⵎⵙⴰⵙⴰ ⴰⴷ, ⵔⴰⵜ ⵉⵜⵜⵓⴽ ⵓⵙⵖⵉⵎ ⵉ ⵜⴽⴰⴷⵉⵎⵉⵜ ⴷ ⵓⵙⵔⵅⵓ ⵏ ⵓⵙⴽⵔ ⵏ ⵜⵙⵎⵉⴳⴰⵍ ⵏⵏⵙ.

* ⴰⵙⵏⴼⴰⵔ ⵏ ⵓⵙⵍⴳⵏ 92.21 ⵉ ⵓⵎⵙⴰⵙⴰ ⵏ ⵜⵎⵢⴰⵇⵇⴰⵏⵜ 148 ⵅⴼ ⵓⴼⵔⴰⴳ ⵏ ⵉⵎⵙⵡⵓⵔⵉⵢⵏ ⵙⴳ ⵉⵎⵉⵣⵉⵜⵏ ⵏ ⵜⵣⵣⵓⵍⵜ ⵣⴷⵉⵏⵉⵏ ⴷ ⵓⵙⴳⵓⴼⵙⵓ ⵏ ⵡⴰⴹⵓ ⴳ ⵡⴰⵡⵏⴰⴹ ⵏ ⵜⵡⵡⵓⵔⵉ ⵜⵍⵍⴰ ⴳ ⵓⴳⵔⴰⵡ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵉ ⵜⵡⵡⵓⵔⵉ ⴷ ⵜⵙⵓⵜⵍⵜ ⵜⵉⵙ 63 ⴳ ⵊⵓⵏⵉⴼ ⴳ 20 ⵢⵓⵏⵢⵓ 1977, ⵜⵡⴰⵜⵜ ⵜⵉⴽⴽⵉ ⵏ ⵉⵣⵔⴼⴰⵏ ⵣⴷⵉⵏⵉⵏ ⴷ ⵓⴷⵡⴰⵙ ⴷ ⵜⵏⴼⵔⵓⵜ ⵜⴰⵣⵣⵍⴰⵏⵜ ⵉ ⵉⵎⵙⵡⵓⵔⵉⵢⵏ.