ⵉⵙⵎⵏⵉⴷ ⵓⴽⴰⴱⴰⵕ ⵏ ⵍⵎⵖⵔⵉⴱ ⴳ ⵜⵙⵓⵜⵍⵜ ⵜⴰⵏⵎⵢⵓⵔⵜ ⵜⵉⵙ ⵙⵏⴰⵜ ⵏ ⵜⵡⴰⵍⴰ ⵜⴰⵣⵣⵔⴰⴼⵜ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ, ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⵉⵥⵉⵍⵏ ⴳ ⴽⵉⴳⴰⵏ ⵏ ⵉⴳⵔⴰⵏ
ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵜⵙⵓⵜⵍⵜ ⵜⵉⵙ ⵙⵏⴰⵜ ⴳ ⵜⵡⴰⵍⴰ ⵜⵉⵙ ⵚⴹⵉⵚⵜ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴷⴷⵓ ⵜⵎⴰⵜⴰⵔⵜ ⵜⴰⴼⵔⵉⵇⵉⵜ ⵏ ⵓⵙⴳⴳⵯⴰⵙ 2023 : ⴰⵣⵓⵙⵙⵍ ⵏ ⵓⵣⵣⴳⵉⵔ ⵏ ⵜⵙⴳⴰ ⵏ ⵓⵙⵖⵏⵣⵉ ⵉⵍⴻⵍⵍⵉ ⴳ ⵓⵎⵏⵥⴰⵡ ⵏ ⵉⴼⵔⵉⵇⵢⴰ, ⴳ 08 ⵎⴰⵢ ⴰⵔ 02 ⵢⵓⵏⵢⵓ 2023 ⴳ ⵎⵉⴷⵔⴰⵏⴷ ⴳ ⵉⴼⴼⵓⵙ ⵏ ⵉⴼⵔⵉⵇⵢⴰ, ⵉⵙⵎⵏⵉⴷ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⵉⵥⵉⵍⵏ ⴳ ⴽⵉⴳⴰⵏ ⵏ ⵉⴳⵔⴰⵏ ⴰⵎ ⵉⵙⵏⴼⵍ ⵏ ⵓⵏⵣⵡⵉ ⴷ ⵓⵙⴽⵔ ⵏ ⵜⵙⴳⴰ ⵏ ⵓⵙⵖⵏⵣⵉ ⵉⵍⴻⵍⵍⵉ ⴰⴼⵔⵉⵇⵉ ⴷ ⵓⵙⴷⵓⵙ ⵏ ⵜⴼⵔⵅⵉⵏ ⵏ ⵉⴼⵔⵉⵇⵢⴰ ⴳ ⵓⵙⵙⵍⵎⴷ ⴷⴼⴼⵉⵔ ⵏ ⴽⵓⴼⵉⴷ 19, ⵉⵙⵎⵏⵉⴷ ⵓⵍⴰ ⴰⵙⵡⴰⵍⴰ ⴰⴼⵔⵉⵇⵉ ⵏ ⵜⴳⵍⴷⵉⵜ ⴷ ⵓⵎⵣⴰⵖ ⵏ ⵜⵎⵙⴰⵔⵉⵏ ⵜⵉⵣⵔⴼⴰⵏⵉⵏ ⵏ ⵉⵎⴰⴷⴰⵏⵏ ⵏ ⵉⴼⵔⵉⵇⵢⴰ ⴷ ⵓⴼⵔⴰⴽ ⵏⵏⵙ ⵙ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⵍⵍⵉ ⵉⴳⴰⵏ ⵜⴰⵔⵙⵍⵜ ⵏ ⵜⴳⵎⵉ ⴳ ⵉⴼⵔⵉⵇⵢⴰ ⵃⵎⴰ ⴰⴷ ⵜⴻⵟⵟⵉⴼ ⴰⵡⴰⵍ ⵏⵏⵙ ⴳ ⵓⵙⴰⵔⴰⴳ ⴰⴳⵔⴰⵖⵍⴰⵏ. ⵢⵓⵎⴰ ⵓⴽⴰⴱⴰⵕ ⴰⴷ : ⵎⴰⵙⵙⴰ ⵜⴰⵎⴰⵔⵉⵜ ⵍⴰⵢⵍⴰ ⴷⴰⵀⵉ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙⴰ ⵜⴰⵎⴰⵔⵉⵜ ⵅⴰⴷⵉⵊⴰ ⴰⵕⵓⵀⴰⵍ ⵙⴳ ⵜⴳⵎⵉ ⴷ ⵜⵙⵔⵎⵓⵏⵜ, ⵎⴰⵙⵙ ⴰⵎⴰⵔⵉ ⵄⴰⴱⴷⵚⵚⴰⵎⴰⴷ ⵃⵉⴽⵕ ⵙⴳ ⵜⵣⵔⴼⵜ ⴷ ⵜⴳⵎⵉ.
ⵎⵎⴰⵖⵏ ⵉⴳⵏⵙⴰⵙⴰⵏ ⵏ ⵓⴼⵔⴷⵉⵙ ⵏ ⵎⴰⵔⵓⵔ ⵜⵉⴽⴽⵍⵉⵜ ⵢⴰⴹⵏⵉⵏ ⴰⵙⵎⵔⵙ ⵏ ⵓⵙⴰⵢⵔⵓⵔ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵉ ⵓⵙⴱⵉⴹⵕ ⵏ ⵜⵡⵡⵓⵔⵉⵡⵉⵏ ⵏⵏⵙ ⵍⵍⵉⵖ ⵉⵔⴰ ⴰⴷ ⵙⵙⴽⵛⵎⵏ ⵜⴰⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ ⴳ ⴽⵉⴳⴰⵏ ⵏ ⵜⵙⵎⵓⵏⴰⵢ ⵏ ⵜⵙⵓⵜⵍⵜ ⴰⴳ, ⴳ ⵜⵖⵉⵎⵉⵜⵉⵏ ⵜⵉⵎⴰⵜⴰⵢⵉⵏ ⴷ ⵜⵙⵇⵇⵉⵎⵉⵏ ⵜⵉⵎⴰⵜⴰⵢⵉⵏ ⵃⵎⴰ ⴰⴷ ⵣⵣⵔⵉⵏ ⵜⵉⵣⴳⴰⵍⵉⵏ ⴼ ⵜⵎⴰⵖⵜ, ⴷ ⵜⵉⴳⴳⵓⴳⵜ ⴼ ⵜⵉⴷⵜ ⵏ ⵓⵎⵣⵔⵓⵢ ⴷ ⵜⵉⵍⴰⵡⵜ ⵉⵍⵍⴰⵏ. ⵎⴰⵢ ⴰⴷ ⴰⴷ ⵙⴱⴷⴷⵏ ⵉⴳⵏⵙⴰⵙⵏ ⵏ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵍⵍⵉ ⵏⵏⴰⵏⵉⵏ ⵎⴰⵙ ⴷ ⵉⵇⵇⴰⵏ ⴰⴷ ⵉⵡⵇⵇⵔ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵜⴰⵖⵜⴰⵙⵜ ⵜⵉⵙ 693 ⵏ ⵓⵙⴳⴳⵯⴰⵙ ⵏ 2018 ⵏ ⵓⴳⵔⴰⵡ ⵡⵉⵙ 31 ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴳ ⵏⵡⴰⴽⵛⵓⵟ ⵍⵍⵉ ⵉⵙⵔⵙⵏ ⵜⵉⵎⵜⵜⴰ ⵎⵓⵏⵏⵉⵏ ⴷ ⵉⵎⵉⵙⵙ ⵏ “ⵜⵔⵡⵉⴽⴰ” ⵜⴰⴼⵔⵉⵇⵉⵜ ⴳ ⵜⵎⴰⵖⵜ ⵍⵍⵉⵖ ⵉⵖⵜⵙ ⵓⴳⵔⴰⵡ ⵏ ⵜⴰⵎⵓⵏⵜ ⴰⴷ ⵜⴳ ⵉⵎⵉⵙⵙ ⵉⴳⴰⵏ ⵢⴰⵏ ⵉ ⵓⵙⵎⴽⵍ ⵏ ⵓⵙⴷⴰⵡ ⴳ ⵓⵙⴰⵜⵉ ⵏ ⵓⵎⵛⴰⵡⴰⵕ ⴰⴽⴷ ⵜⵉⵎⵜⵜⴰ ⵎⵓⵏⵏⵉⵏ, ⴷ ⵓⵙⵏⴰⵍ ⵏⵏⵙⵏ ⵃⵎⴰ ⴰⴷ ⵜⵉⵍⵉ ⵜⵡⴰⴼⵉⵜ ⵏ ⵓⴼⵙⵙⴰⵢ ⴰⵙⵔⵜⴰⵏ ⴷ ⵡⵉⵏ ⵜⵉⵍⴰⵡⵜ ⵉⵙⵓⵍⵏ ⵉ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ ⵉⴱⴷⴷⵏ ⴼ ⵓⵎⵙⴰⵙⴰ.
ⵉⵏⵏⴰ ⵓⴽⴰⴱⴰⵕ ⴰⵎⵖⵔⵉⴱⵉ ⵎⴰⵙ ⵉⵜⵜⵓⵇⵇⴰⵔ ⵜⵉⵖⵜⴰⵙⵉⵏ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ, ⴷ ⵎⴰⵙ ⴳⴰⵏ ⵡⴰⵄⴷⵉⵡⵏ ⵏ ⵜⴰⵎⵓⵏⵜ ⵜⴰⴽⴰⵍⴰⵏⵜ ⵜⴰⴱⴱⴰⵢⴹⴰⵕⵜ ⵏ ⵜⵙⵎⵓⵏⴰⵢ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴷ ⵓⵙⵡⵓⵔⵉ ⵏⵏⵙ ⴼ ⵜⵎⵙⴰⵔⵉⵏ ⵏ ⵓⵎⵏⵥⴰⵡ ⴳⴰⵏⵉⵏ ⴳ ⵎⴰⴷ ⵉⵥⵍⵉⵏ ⵙ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴼⴳⴰⵏⵜ ⴷ ⵜⵏⴼⵔⵓⵜ ⵏ ⵓⵜⵛⵓ ⴷ ⵓⵙⴱⴷⴷⵉ ⵏ ⵓⵥⵍⴰⴹ ⴳ ⵓⵎⵏⵥⴰⵡ ⴷ ⵜⵏⴰⵥⴰⵕⵉⵏ ⵢⴰⴹⵏⵉⵏ.
ⴰⵔ ⵉⵙⵎⵎⵓⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵉⴱⵕⵍⴰⵎⴰⵏⵉⵢⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⴰⵓⵏⵜ ⵏ ⵉⴼⵔⵉⵇⵢⴰ, ⵉⵜⵜⵓⵙⴽⴰⵔ ⵙ ⵓⵎⵏⵏⵉ ⵡⵉⵙ ⵙⵎⵎⵓⵙ ⵏ ⵓⵎⵇⵇⵏ ⴰⵎⵙⴽⴰⵔ ⵏ ⵜⴰⵎⵓⵏⵜ, ⵉⵡⴰⵜⵜⵙ ⵜⵉⵡⵉⵣⵉ ⵏ ⵉⵎⴰⴷⴰⵏⵏ ⵉⴼⵔⵉⵇⵉⵢⵏ ⴳ ⵜⴳⵎⵉ ⵏ ⵓⵎⵏⵥⴰⵡ ⴷ ⵓⵙⵎⴰⴷ ⵏⵏⵙ ⴰⴷⵎⵙⴰⵏ, ⵖⵓⵔⵙ ⴰⴼⵔⵉⵙ ⴰⵎⵛⴰⵡⴰⵕ ⴷ ⵜⵉⴹⴰⴼ ⴼ ⵜⵎⵙⴰⵙⵜⵍⵜ ⴳ ⵜⴰⵎⵓⵏⵜ ⵏ ⵉⴼⵔⵉⵇⵢⴰ.