ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵍⵎⵖⵔⵉⴱ ⴳ ⵜⵙⵎⵓⵏⵉ ⵏ ⵜⵙⵇⵇⵉⵎⵜ ⵏ ⵓⵎⵢⴰⵡⴰⵙ ⴷ ⵜⴳⵎⵉ ⵉⴹⴼⵕⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ
ⵙ ⵜⵖⵔⵉ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵍⴽⵉⴱⵉⴽ ⵎⴰⵙⵙⴰ ⵏⴰⵟⴰⵍⵉ ⵕⵓⵢ, ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵓⵎⵢⴰⵡⴰⵙ ⴷ ⵜⴳⵎⵉ ⵉⴹⴼⵕⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⵙⴳ 24 ⴰⵔ 26 ⵎⴰⵢ 2023 ⴳ ⵍⴽⵉⴱⵉⴽ ⴳ ⴽⴰⵏⴰⴹⴰ.
ⵢⵓⵎⴰ ⵓⴽⴰⴱⴰⵕ ⴰⴷ ⴰⵎⵖⵔⵉⴱⵉ: ⵎⴰⵙⵙ ⴰⵎⴰⵔⵉ ⵍⵃⵓⵙⴰⵢⵏ ⵓⵄⵍⴰⵍ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙ ⴰⵎⵛⵛⵉⵡⵕ ⵎⵓⵃⴰⵎⵎⴰⴷ ⵕⵉⴹⴰ ⵍⵃⵎⵉⵏⵉ, ⵙⴳ ⵜⴰⵎⵓⵏⵜ ⵜⴰⵎⴰⵜⴰⵢⵜ ⵏ ⵜⵎⵙⵙⵏⵜⴰⵢ ⵏ ⵍⵎⵖⵔⵉⴱ.
ⵉⵙⵙⵉⵅⴼ ⵜⴰⵙⵎⵓⵏⵉ ⴰⴷ ⵎⴰⵙⵙ ⴰⵎⵛⵛⵉⵡⵕ ⵎⵓⵃⴰⵎⵎⴰⴷ ⵕⵉⴹⴰ ⵍⵃⵎⵉⵏⵉ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵓⵎⵢⴰⵡⴰⵙ ⴷ ⵜⴳⵎⵉ, ⵜⵉⵍⵉⵜ ⴼ ⵜⵙⵎⵓⵏⴰⵢ ⴼ ⵜⵎⵙⴰⵔⵉⵏ ⴰⵎ ⵉⵙⵏⴼⵍ ⵏ ⵓⵏⵣⵡⵉ ⴷ ⵜⵏⴰⵥⴰⵕⵉⵏ ⵏ ⵜⵏⴼⵔⵓⵜ ⵏ ⵓⵜⵛⵓ ⴷ ⵜⵎⵏⵏⴰⵡⵜ ⵜⴰⴱⵢⵓⵍⵓⵊⵉⵜ ⴷ ⵜⵏⴼⵔⵓⵜ ⴷ ⵜⵅⵅⵓⵜⵔⴰ ⵏ ⵓⵜⵛⵓ ⴷ ⵓⵙⵎⵓⵜⵜⵉ ⴰⵥⴹⴰⵕⴰⵏ.
ⵉⵙⴰⵡⵍ ⵎⴰⵙⵙ ⴰⴳⵏⵙⴰⵙ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵍⵃⵓⵙⴰⵢⵏ ⵓⵄⵍⴰⵍ ⵜⵓⴳⴳⵯⴰⵙ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵓⵙⵎⴰⵜⵜⵉ ⴰⵥⴹⴰⵕⴰⵏ, ⵙ ⵓⵙⵎⵏⵉⴷ ⵏ ⵜⵙⵜⵔⴰⵜⵉⵊⵉⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵓⵙⵎⴰⵜⵜⵉ ⴰⵥⴹⴰⵕⴰⵏ, ⵍⵍⵉ ⵉⴱⴷⴷⵏ ⴼ ⵓⵙⴷⵓⵙ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵜⵉⵍⵉⵜ ⵏ ⵜⵥⴹⴰⵕⵜ ⵙ ⵉⵙⵡⵓⴷⴷⵓⵜⵏ ⵥⵉⵍⵏⵉⵏ ⴷ ⵓⵙⴽⵔ ⵏ ⵜⴷⵎⵙⴰ ⵜⴰⵥⴹⴰⵕⴰⵏⵜ, ⵢⴰⵡⵙ ⴳ ⵓⵙⴷⵓⵙ ⵏ ⵜⵙⵓⴳⴰⵔ ⵜⵉⵏⴰⵎⵓⵔⵉⵏ ⴷ ⵡⴰⵍⴰⵢ ⵏ ⵓⴼⵔⴰⴽ ⵙ ⵜⵉⵕⵡⵉ ⵜⴰⵥⴹⴰⵕⴰⵏⵜ.
ⵜⴰⵙⵇⵇⵉⵎⵜ ⵏ ⵓⵎⵢⴰⵡⴰⵙ ⴷ ⵜⴳⵎⵉ ⴰⵔ ⵜⴰⵇⵇⵔⴰ ⵜⵉⵎⵙⴰⵔⵉⵏ ⵏ ⵜⴳⵎⵉ ⵜⴰⵏⴼⴳⴰⵏⵜ (ⵜⴰⴷⵓⵙⵉ ⴷ ⵉⵎⵣⴷⴰⵖⵏ ⴷ ⵓⵥⵍⴰⴹ), ⴷ ⵜⴳⵎⵉ ⵜⴰⵙⵓⵍⴰⵏⵜ (ⴰⵡⵏⴰⴹ ⴷ ⵜⵥⴹⴰⵕⵜ ⴷ ⵜⴽⵔⵣⴰ), ⴷ ⵜⴳⵎⵉ ⵜⴰⴷⵎⵙⴰⵏⵜ ⴼ ⵓⵎⵢⴰⵡⴰⵙ ⴷ ⵜⴷⵉⵎⵓⵇⵔⴰⵟⵉⵜ ⴷ ⵜⵡⵉⵣⵉ.
ⵙⴳ ⵜⵉⵎⵣⵡⴰⵔ ⵏⵏⵙ ⵉⴳⴰ ⵜⵜ ⵜⵉⴹⴰⴼ ⵏ ⵉⵎⴹⴰⴽⴰⵕⵏ ⵜⵉⵏⵙⴱⴰⴱⵉⵏ ⴷⴷⵓ ⵓⴼⵔⴰⴳ ⵏ ⵜⵎⴰⴷⴷⴰⵙⵜ ⵏ ⵜⵙⴱⴱⴰⴱⵜ ⵜⴰⵎⴰⴹⵍⴰⵏⵜ. ⵜⵙⵎⵖⵔ ⵜⵙⵇⵇⵉⵎⵜ ⵜⵉⴷⵔⴰⵡⵉⵏ ⴳⴳⵓⵜⵏⵉⵏ ⵉ ⵚⴰⵃⴰ ⵏ ⵉⴱⵕⵍⴰⵎⴰⵏⵉⵢⵏ ⴰⴽⴷ ⵜⵉⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⴰⵎ ⴰⵙⵉⵏⴰⴳ ⵉ ⵜⴼⵕⴰⵏⴽⵓⵏⵉⵜ ⵉ ⵜⴳⵎⵉ ⵜⴰⵙⵓⵍⴰⵏⵜ, ⵍⴱⴰⵏⴽ ⴰⴳⵔⴰⵖⵍⴰⵏ, ⴷ ⵓⵎⵙⵏⵜⴰⵎ ⴰⵎⵙⵙⵉⵡⵍ ⵙ ⵜⴼⵕⴰⵏⵚⵉⵚⵜ, ⴷ ⵜⵎⴰⴷⴷⴰⵙⵜ ⵏ ⵜⵙⴱⴱⴰⴱⵜ ⵜⴰⴳⵔⴰⵖⵍⴰⵏⵜ, ⴷ ⵜⵎⴰⴷⴷⴰⵙⵜ ⵏ ⵜⵎⵜⵜⴰ ⵎⵓⵏⵏⵉⵏ ⵏ ⵓⵜⵛⵓ ⴷ ⵜⴽⵔⵣⴰ.