ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵓⴳⵯⵜ ⵙⴹⵉⵚ ⵉⵙⵏⴼⴰⵔⵏ ⴼ ⵓⵙⵖⵏⵣⵉ ⴷ ⵓⴳⵔⴰⵡ ⴰⴷⵓⵙⴰⵏ
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 26 ⵉⴱⵔⵉⵔ 2023 ⵙⴹⵉⵚ ⵉⵙⵏⴼⴰⵔⵏ ⴼ ⵓⵙⵖⵣⵏⵉ ⴷ ⵜⴷⵓⵙⵉ ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎ ⵙ ⵜⵉⵍⵉⵜ ⵏ ⵎⴰⵙⵙⴰ ⵅⴰⵍⵉⴷ ⴰⵢⵜ ⵟⴰⵍⴱ ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⴰⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ ⴰⵎⵙⵙⵉⵡⵍ ⴰⵎⴰⴷⴷⵓⴷ ⵙⵉⵙⵎ ⵏ ⵜⵏⴱⴰⴹⵜ.
ⴳ ⵜⵖⵉⵎⵉⵜ ⴰⴷ, ⵉⵍⵍⴰ ⵓⵙⵜⴰⵢ ⵏ ⵓⵙⵏⴼⴰⵔ ⵏ ⵓⵙⵍⴳⵏ 69.21 ⵉⵙⵏⴼⵍ ⴰⵙⵍⴳⵏ 15.95 ⵏ ⵓⵙⵍⴳⵏ ⵏ ⵓⵙⵖⵏⵣⵉ ⴷ ⵓⵙⵔⵙ ⵏ ⵉⴱⴹⵉⵢⵏ ⴼ ⵉⵣⵎⴰⵣ ⵏ ⵓⴼⵔⵓ ⵎⴽ ⵍⵍⵉ ⵜ ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ 7 ⴱⵕⴰⵢⵕ 2023 ⴳ ⵜⵉⵖⵔⵉ ⵜⵉⵙ ⵙⵏⴰⵜ.
ⵔⴰⴷ ⵢⴰⵡⵙ ⵓⵙⵍⴳⵏ ⴰⴷ ⴳ ⵜⵉⵍⵉⵜ ⵏ ⵓⵙⴰⵜⵉ ⴰⵣⵔⴼⴰⵏ ⴼ ⵉⵣⵎⴰⵣ ⵏ ⵓⴼⵔⵓ ⴳ ⵉⵏⵢⴰⵍⴽⴰⵎⵏ ⵏ ⵓⵙⵖⵏⵣⵉ, ⴷ ⵓⴼⵓⴽⴽⵓ ⵏ ⵜⵎⵓⴽⵔⵉⵙⵜ ⴰⴷ ⵊⴰⵔ ⵜⵉⵎⵙⵙⵏⵜⴰⵢ ⵥⵍⵉⵏⵉⵏ ⴼ ⵜⴷⵔⵉⵎⵜ ⵏⵏⵙⵏⵜ, ⴰⵢⵍⵍⵉ ⵉⴳⴰⵏ ⵎⴳⴰⵍ ⵏ ⵜⵙⵓⴳⵔⵜ ⵏⵏⵙⵏⵜ ⴳ ⵓⵎⵃⵉⵣⵡⴰⵔ.
ⵉⵡⴰⵜⵜ ⵓⵙⵍⴳⵏ ⴰⴷ ⵜⵉⵍⵉⵜ ⵏ ⵜⵎⵙⴽⴰⵔ ⵎⵓⵏⵏⵉⵏ ⴼ ⵜⴼⴰⴷⵉⵡⵉⵏ ⵏ ⵓⵙⵖⵏⵣⵉ ⵙ ⵓⵙⵔⵙ ⵏ ⵉⴱⴹⵉⵢⵏ ⵥⵍⵉⵏⵉⵏ ⵙ ⵡⴰⴽⵓⴷ ⵏ ⵓⴼⵔⵓ ⵏ ⵜⵡⵡⵓⵔⵉⵡⵉⵏ ⵏ ⵓⵙⵖⵏⵣⵉ, ⵉ ⵓⵙⴷⵓⵙ ⵏ ⵓⵎⵎⵉⵥⵏ ⴷ ⵓⵙⵎⵖⵔ ⵏ ⵉⴳⵔⴰⵏ ⵉⵎⴰⵢⵏⵓⵜⵏ ⵏ ⵜⵣⵣⵉⴳⵣⵜ ⴳ ⵡⴰⴽⵓⴷⵏ ⴰⴷ, ⴷ ⵓⵙⵔⵙ ⵏ ⵓⵉⵙⵡⵓⴷⴷⵓⵜⵏ ⴼ ⵓⵎⵓⵟⵍ ⵏ ⵓⴼⵔⵓ ⵍⵍⵉ ⵣⴷⵉⵏⵉⵏ ⴷ ⵓⵙⵎⵖⵔ ⵏ ⵜⴷⵎⵙⴰ ⵜⴰⵏⴰⵎⵓⵔⵜⴷ ⵓⵙⵖⵓⴷⵓ ⵏ ⵓⵏⵣⵡⵉ ⵏ ⵜⵡⵡⵓⵔⵉⵡⵉⵏ ⴷ ⵓⵙⵎⵖⵔ ⵏ ⵓⵙⵡⵉⵔ ⵏ ⵜⵎⴰⵣⵉⵔⵜ ⴳ ⵉⵙⵖⴰⵍⵏ ⵉⴳⵔⴰⵖⵍⴰⵏⵏ.
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵓⵍⴰ ⵉⵙⵏⴼⴰⵔⵏ ⵏ ⵓⵙⵍⴳⵏ ⴼ ⵜⴷⵓⵙⵉ, ⴳⵉⵙⵏ ⴰⵙⵏⴼⴰⵔ ⵏ ⵓⵙⵍⴳⵏ 11.22 ⴼ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⴷⴰⵎⵎⵏ, ⵃⵎⴰ ⴰⴷ ⵜⴹⴼⵕ ⵜⵙⵏⵓⵔⴰⵢⵜ ⴰⴹⵓⴼ ⵏ ⵓⵡⴰⵏⴽ, ⴷ ⵓⵙⵓⵊⴷ ⵏ ⵜⵙⵔⵜⵉⵜ ⵜⴰⵏⴰⵎⵓⵔⵜ ⴼ ⵉⴷⴰⵎⵎⴰⵏ ⴷ ⵓⴹⴼⵕ ⵏⵏⵙ, ⴷ ⵓⵙⵎⵓⵏ ⵏ ⵉⴷⴰⵎⵎⵏ ⴷ ⵓⵙⵖⵔⵜ ⵏⵏⵙ ⴰⴱⵢⵓⵍⵓⵊⵉ ⴷ ⵓⴼⵔⴰⴳ ⵏⵏⵙ ⴷ ⵓⵙⵎⴰⵜⵜⵉ ⵏⵏⵙ.
ⵔⴰⴷ ⵉⵍⵉⵏⵜ ⵜⵏⴰⵥⴰⵕⵉⵏ ⴷⴰⵜ ⵏ ⵜⵙⵏⵓⵔⴰⵢⵜ ⴰⵎ ⴰⵛⵃⵓ ⵏ ⵜⴷⵍⵙⴰ ⵏ ⵜⵉⴽⴽⵉ ⵏ ⵉⴷⴰⵎⵎⵏ, ⴷ ⵜⵎⵢⵓⵔⵉⵏ ⵣⴷⵉⵏⵉⵏ ⴷ ⵜⴽⵚⵚⴰⴷ ⵏ ⵉⵏⵎⵓⵔⴰⵏ ⵖ ⵜⵉⴽⴽⵉ ⵏ ⵉⴷⴰⵎⵎⵏ.
ⵢⵉⵍⵉ ⵓⵍⴰ ⵓⵙⵜⴰⵢ ⵏ ⵓⵙⵏⴼⴰⵔ ⵏ ⵓⵙⵍⴳⵏ 10.22 ⴼ ⵓⵙⴽⵔ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵙⴰⴼⴰⵔⵏ ⴷ ⵉⵢⴰⴼⵓⵜⵏ ⵉⴷⵓⵙⴰⵏⵏ, ⵍⵍⵉ ⵉⵙⵜⴰⵡⵀⵎⵎⴰⵏ ⴳ ⵢⵉⴳⵔ ⴰⴷⵓⵙⴰⵏ.
ⵔⴰⴷ ⵜⴰⵡⵙ ⵜⵙⵏⵓⵔⴰⵢⵜ ⴰⴷ ⴳ ⵓⵣⵣⴳⵉⵔ ⵏ ⵜⵙⵔⵜⵉⵜ ⵏ ⵓⵡⴰⵏⴽ ⴳ ⵢⵉⴳⵔ ⵏ ⵉⵙⴰⴼⴰⵔⵏ ⴷ ⵓⴹⵎⵏ ⵜⵙⵔⵜⵉⵜ ⴰⴷ ⴷ ⵜⵉⵉⵍⵉⵜ ⵏ ⵉⵙⴰⴼⴰⵔⵏ ⴷ ⵉⵢⴰⴼⵓⵜⵏ ⵉⴷⵓⵙⴰⵏⵏ ⴷ ⵜⴼⴰⵜⵉⵜⵉ ⵏⵏⵙⵏ, ⴷ ⵓⵡⵇⵇⵔ ⵏ ⵉⵙⵍⴳⵏⵏ ⵥⵍⵉⵏⵉⵏ ⵙ ⵉⵎⵜⵜⵉⵡⵏ ⵏ ⵙⵙⵎⵎ ⴷ ⵡⵉⵏ ⵉⵙⴷⵓⵀⴷⵓⵢⵏ ⴷ ⵡⵉⵏ ⵜⵎⵓⴹⴰⵏ ⵏ ⵓⵏⵍⵉ, ⴷ ⵓⵙⵎⵖⵔ ⵏ ⵜⵎⴳⵓⵔⵉ ⵏ ⵉⵙⴰⴼⴰⵔⵏ ⴷ ⵉⵢⴰⴼⵓⵜⵏ ⵉⴷⵓⵙⴰⵏⵏ ⵙⵍⴰⵡⴰⵏ ⴰⴽⴽⵯ ⵜⴰⴷ ⵉⴳⴰⵏ ⵜⴰⴷⵖⴰⵔⴰⵏⵜ.
.
ⵢⵉⵍⵉ ⵓⵙⵜⴰⵢ ⵏ ⵓⵙⵏⴼⴰⵔ ⵏ ⵓⵙⵍⴳⵏ 60.22 ⵉⵣⴷⵉⵏ ⴷ ⵓⵏⴳⵔⴰⵡ ⵏ ⵓⵙⴼⵍ ⵓⵛⵛⵉⵍ ⴰⴷⵙⵍⴰⵏ ⵅⴼ ⵜⵎⵓⴹⴰⵏ ⵉⵣⵍⵉⵏ ⵙ ⵉⵡⴷⴰⵏ ⵥⴹⴰⵕⵏⵉⵏ ⴰⵙⵙⴰⵢ ⵏ ⵓⵥⴰⵥⵓ ⵏ ⵓⵍⵜⴰⵖ ⵉ ⵡⵉⴷⴰ ⵓⵔ ⵙⴽⴰⵔⵏⵉⵏ ⴽⵔⴰ ⵏ ⵜⵉⵍⴰⵍⵜ.
ⵉⵙⵔⵙ ⵓⵙⵍⴳⵏ ⴰⴷ ⵉⵡⴷⴰⵏ ⵍⵍⵉ ⵎⵓ ⵔⴰⴷ ⵉⵙⵉⵃⵉ ⵓⵏⴳⵔⴰⵡ ⴰⴷ ⴷ ⵓⵏⴳⵔⴰⵡ ⵉⵥⵍⵉⵏ ⵙ ⵉⵡⴷⴰⵏ ⵎⵓ ⵚⴰⵃⴰⵏ ⵉⵖⴰⵡⴰⵙⵏ ⵏ ⵓⵙⵏⴰⵍ, ⴷ ⵓⵙⵡⵓⴷⴷⵓ ⵏⵏⵙ ⵙⴳ ⴰⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⴷ ⵜⴱⵔⵉⴷⵜ ⵏⵏⵙ ⴷ ⵓⵣⵎⵎⴻⵎ ⵏ ⵉⵡⴷⴰⵏ ⴷⵓⵙⵔⵙ ⵏ ⵜⵉⵣⵉ ⵏ ⵜⵎⴰⵏⵓⵏⵜ ⵃⵎⴰ ⴰⴷ ⵢⵉⵍⵉ ⴰⵙⴰⵢ ⵏ ⵜⵎⴽⵕⴰⴷ ⵏ ⵜⵙⵏⵉⵊⵊⵉⵜ.
ⵉⵍⵍⴰ ⵓⵙⵜⴰⵢ ⵏ ⵓⵙⵏⴼⴰⵔ ⵏ ⵓⵙⵍⴳⵏ 08.22 ⴼ ⵓⵙⴽⵔ ⵏ ⵜⵔⵓⴱⴱⴰ ⵜⵉⴷⵓⵙⴰⵏⵉⵏ ⵜⵉⵏⴰⴽⴰⵍⵉⵏ, ⵍⵍⵉ ⵔⴰⴷ ⵢⴰⵡⵙ ⴳ ⵓⵙⵎⵏⵉⴷ ⵏ ⵜⵙⵏⵉⵊⵊⵉⵜ ⴷ ⵜⴷⵓⵙⵉ ⵜⴰⵎⴰⵜⴰⵢⵜ ⴷ ⵓⵙⵉⵍⵖ ⴷ ⵓⵔⵣⵣⵓ ⴳ ⵜⵎⵓⵣⴰⵢⵜ ⴷ ⵓⵙⵎⴰⵢⵏⵓ ⴷ ⵜⵎⵙⵙⵓⴳⵓⵔⵜ.
ⴱⴷⴷⵏⵜ ⵜⵔⵓⴱⴱⴰ ⴰⴷ ⵜⵉⴷⵓⵙⴰⵏⵉⵏ ⵜⵉⵏⴰⴽⴰⵍⵉⵏ ⴼ ⵜⵙⵔⵜⵉⵜ ⵏ ⵜⵙⴳⴰⵡⴰⵏⵜ, ⵔⴰⴷ ⵜⵉⵍⵉ ⵜⵎⵙⴰⵜⵍⵜ ⵏ ⴽⵔⴰⵢⴳⴰⵜ ⵜⴰⵔⴰⴱⴱⵓⵜ ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⴽⵔ ⵏ ⵓⵙⵎⵏⵉⴷ ⴰⴷⵓⵙⴰⵏ ⵉ ⵎⴰⵕⵕⴰ ⵉⵏⵎⵓⵔⴰⵏ, ⵜⵉⵍⵉ ⵓⵍⴰ ⵜⵏⵏⵓⴱⴹⴰ ⴳ ⵓⴱⵟⵟⵓ ⵏ ⵓⵙⵎⵏⵉⴷ ⴰⴷⵓⵙⴰⵏ.
ⵔⴰⴷ ⵢⴰⵡⵙ ⵓⵙⵍⴳⵏ ⴰⴷ ⴳ ⵓⵙⴽⵔ ⵏ ⵜⵣⵔⴼⵜ ⵜⴰⴷⵖⴰⵔⴰⵏⵜ ⴳ ⵜⴳⵍⴷⵉⵜ, ⴷ ⵓⵙⴽⵔ ⵏ ⵓⵙⴰⵜⵉ ⴰⵎⵔⵙⵍⴰⵏ ⴳ ⵓⵙⵡⵓⴷⴷⵓ ⵏ ⵜⴷⵓⵙⵉ ⴳ ⵓⵙⵡⵉⵔ ⴰⵏⴰⴽⴰⵍ ⴷ ⵓⵏⵎⵏⴰⴹ.
ⵢⵉⵍⵉ ⵓⵙⵜⴰⵢ ⵏ ⵓⵙⵏⴼⴰⵔ ⵏ ⵓⵙⵍⴳⵏ 09.22 ⴼ ⵜⵣⵣⵓⵍⵜ ⵜⴰⴷⵓⵙⴰⵏⵜ, ⵉ ⵓⴼⵔⴰⴳ ⴰⵣⵔⴼⴰⵏ ⴷ ⵓⵛⵛⵉⵍ ⵏ ⵓⴷⵔⴰⵡ ⴳ ⵉⵖⴰⵡⴰⵙⵏ ⵏ ⵓⵙⵎⵓⵜⵜⴳ ⴰⵙⵓⵍⴰⵏ.
ⵉⴼⴽⴰ ⵓⴹⵕⵉⵙ ⴰⴷ ⵉ ⵢⵉⴳⵔ ⵓⵙⵍⵉⴳ ⵜⵉⵎⵙⴽⵔⵜ ⵏ ⴽⵔⴰ ⵏ ⵜⵙⵎⵉⴳⴰⵍ ⴷ ⵓⵏⴳⵔⴰⵡ ⴰⵎⴰⵢⵏⵓ ⵏ ⵓⵙⵡⵓⵔⵉ ⵙ ⵜⵎⴰⵖⵓⵏⵜ ⴷⴰⵜ ⵏ ⵓⵙⵎⵔⵙⵍ, ⴷ ⵓⵏⴳⵔⴰⵡ ⵏ ⵜⵖⵔⴰⴷ ⴰⵎⴰⵢⵏⵓ ⵏ ⵉⵎⵙⵡⵓⵔⵉⵏ ⴳ ⵢⵉⴳⵔ ⴰⴷ ⴷ ⵉⵣⵎⴰⵣ ⵏ ⵜⵡⵡⵓⵔⵉ ⵏ ⵓⴹⵎⵏ ⵏ ⵓⵙⵎⵓⵙⵙⵓ ⵢⵓⵙⵄⴰⵏ.