ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⴰⵣⵣⵔⴰⴼⵜ ⵜⵉⵙ ⵙⵏⴰⵜ ⵏ ⵓⵙⴳⴳⵯⴰⵙ ⴰⵣⵣⵔⴰⴼ ⵡⵉⵙ ⵙⵉⵏ ⵏ ⵜⵡⴰⵍⴰ ⵜⵉⵙ ⵢⴰⵜ ⴷ ⵎⵔⴰⵡⵜ

ⵙ ⵉⵙⵎ ⵏ ⵕⴱⴱⵉ, ⵜⴰⵥⴰⵍⵍⵉⵜ ⴷ ⵓⴼⵔⴰ ⴼ ⵓⵕⵇⵇⴰⵚ ⵏⵏⵙ

ⵎⴰⵙⵙⴰ ⵜⴰⵎⴰⵡⵙⴰⵙⵜ;

ⵉⴷ ⵎⴰⵙⵙ ⵉⵎⴰⵡⵙⴰⵙⵏ;

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵔⴰ;        

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ.

ⵙ ⵓⵎⵙⴰⵙⴰ ⴷ ⵓⴷⵓⵙⵜⵓⵔ ⴷ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵏⵕⵥⵎ ⴰⵙⵙ ⴰⴷ, ⵜⴰⵙⵓⵜⵍⵜ ⵜⴰⵣⵣⵔⴰⴼⵜ ⵜⵉⵙ ⵙⵏⴰⵜ ⵏ ⵓⵙⴳⴳⵯⴰⵙ ⴰⵣⵣⵔⴰⴼ ⵡⵉⵙ ⵙⵉⵏ ⵏ ⵜⵡⴰⵍⴰ ⵜⵉⵙ ⵢⴰⵜ ⴷ ⵎⵔⴰⵡⵜ ⵉⵥⵍⵉⵏ ⵙ ⵜⵖⵉⵎⵉⵜⵉⵏ ⵜⵉⵎⴰⵜⴰⵢⵉⵏ.

ⵍⵍⵉⵖ ⵉⵎⵎⴰⵇⵇⴰⵔ ⵓⵕⵥⵥⵓⵎ ⴰⴷ ⴷ ⵜⵎⵔⴰⵡⵜ ⵉⴳⴳⵓⵔⴰⵏ ⴳ ⵕⵎⴹⴰⵏ ⴰⵎⴱⴰⵔⴽⵉ, ⴰⵔ ⵏⴰⵇⵔⴰ ⵉ ⵕⴱⴱⵉ ⴰⴷ ⵉⵃⴼⴹ ⴰⴳⵍⴷⵓⵏ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵉⴷⵓⵎ ⴼⵍⵍⴰⵙ ⵜⴰⴷⵓⵙⵉ, ⵢⴰⵡⵙ ⴳ ⵉⵥⵎⵓⵥⵥⴰⵍ ⵏⵏⵙ ⴷ ⴰⵅⴰⵜⴰⵔ ⵏ ⵜⵡⴰⴷⴰ ⵏ ⵜⴳⵎⵉ, ⴷ ⵜⵎⴰⵜⴰⵔⵜ ⵏ ⵡⴰⴷⴷⵓⵔ ⵏ ⵜⵎⴰⵣⵉⵔⵜ ⴰⴷ ⵉⴱⴷⴷⵏ ⴼ ⵜⵢⴰⵏⵜ ⵏⵏⵙ ⵜⴰⵏⴰⴽⴰⵍⵜ ⴷ ⵜⵏⵓⴼⴰ ⵏⵏⵙ ⴰⵜⵜⵓⵢⵏⵉⵏ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵎⴽ ⵙⴷⴷⵉⴷⵖ ⴳ ⵎⴰⴷ ⵉⵣⵔⵉⵏ, ⵜⴰⵔ ⵜⵉⵖⵉⵎⵉⵜⵉⵏ ⵜⵉⵎⴰⵜⴰⵢⵉⵏ, ⵎⴽ ⵉⵍⵍⴰⵏ ⴳ ⵓⵏⴳⵔⴰⵡ ⵏⵏⵖ ⴰⴱⵕⵍⴰⵎⴰⵏⵉ, ⴰⵔ ⵜⵣⵣⵉⴳⵉⵣ ⵜⵡⵡⵓⵔⵉ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵙⵉⵔⴰ ⴷ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⴰⵉⵏ ⴷ ⵜⵔⵓⴱⴱⴰ ⵜⵉⵙⴳⵓⵎⴰⵏⵉⵏ ⴷ ⵜⵙⵎⵉⴳⴰⵍ ⵏ ⵓⵙⴰⴳⴳⵯ, ⴷ ⵜⵣⴷⴰⵢⵉⵏ ⵏ ⴱⵕⵕⴰ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ.

ⵎⴽ ⵍⵍⵉ ⵜⵥⵕⵕⵎ, ⵜⵉⵡⵙ ⵜⵙⵓⵍⴰⵏⵜ ⴰⴷ ⴳ ⵓⵙⵖⵓⴷⵓ ⵏ ⵜⵡⵡⵓⵔⵉ ⵏⵏⵖ ⴷ ⵓⵙⵎⵖⵔ ⵏ ⵓⵎⴹⴰⴽⴰⵕ ⴼ ⵜⵉⴹⴰⴼ ⴷ ⵓⵣⵣⵔⴰⴼ ⴷ ⵓⵙⵓⵜⴳ, ⵜⴰⵡⵙ ⴳ ⵓⵙⵡⵓⴷⴷⵓ ⵏ ⵓⵣⵎⵣ ⴰⴱⵕⵍⴰⵎⴰⵏⵉ ⵙ ⵜⵖⴰⵔⴰⵙⵜ ⵉⵥⵉⵍⵏ.  ⴰⵢⵍⵍⵉ ⵜⵎⵎⴰⵍ ⵜⵢⵢⴰⴼⵓⵜ ⵏ ⵓⵙⵇⵇⵉⵎ ⴳ ⵜⴼⵔⴽⴰ ⵉⵍⵍⴰⵏ ⵊⴰⵔ ⵙⵏⴰⵜ ⵜⵙⵓⵜⵍⵉⵏ ⵏ ⵓⵙⴳⴳⵯⴰⵙ ⴰⵣⵣⵔⴰⴼ ⵡⵉⵙ ⵙⵉⵏ ⴳ ⵜⵡⴰⵍⴰ ⴰⴷ ⵜⵉⵙ ⵢⴰⵜ ⴷ ⵎⵔⴰⵡⵜ. ⵙⵡⵓⵔⵉⵏⵜ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⴰⵉⵏ ⴳ ⵓⵣⵣⵔⴰⴼ ⴼ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴳⴰⵏⵉⵏ ⵉⵎⵙⵍⴰⵏⵏ ⴼ ⵉⵎⴰⵍ ⵏ ⵜⵎⴰⵣⵉⵔⵜ ⵏⵏⵖ, ⵙⵔⵙⵏⵜ ⵓⵍⴰ ⵜⴰⵙⵓⵜ ⵜⴰⵎⴰⵢⵏⵓⵜ ⵏ ⵉⵎⵓⴽⵏⵏ ⴳⴰⵏⵉⵏ ⵜⵉⵙⵔⵜⴰⵢ ⴷ ⵉⵖⴰⵡⴰⵙⵏ ⴷ ⵜⵡⵡⵓⵔⵉⵡⵉⵏ ⵜⵉⴳⴷⵓⴷⴰⵏⵉⵏ.

ⵉⴳⴰ ⵍⵃⴰⵍ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⵣⴷⵉⵏⵉⵏ ⴷ ⵓⵙⴼⵍⵙ ⴰⵏⴰⵎⵓⵏ, ⵜⴰⴷⵓⵙⵉ, ⴰⵙⴼⵍⵙ ⵙⴳ ⵜⵎⴰⴹⵓⵏⵜ, ⵉⵙⵓⴳⴰⵎ ⵉⵏⴼⴳⴰⵏ ⵏ ⵜⴷⵓⵙⵉ, ⴰⵙⵏⵎⴰⵍⴰ ⴰⵏⴰⵎⵎⴰⵙ ⴷ ⵓⴽⴰⵍⴰⵏ ⵏ ⵢⵉⴳⵔⴰ ⴷ. ⵣⴷⵉⵏ ⵉⴹⵕⵉⵚⵏ ⴰⴷ ⴷ ⵓⵙⵎⴰⵜⵜⵉ ⴰⵅⴰⵜⴰⵔ ⵍⵍⵉ ⵜⵙⴽⵔ ⵜⵎⴰⵣⵉⵔⵜ ⵏⵏⵖ ⴳ ⵓⴼⵔⴰⴳ ⴰⵏⴰⵎⵓⵏ ⴷ ⵓⵙⵎⴰⵜⴰ ⵏ ⵜⵏⵓⴼⴰ ⵏ ⵜⵙⵏⵉⵊⵊⵉⵜ ⴷ ⵓⵙⵔⵅⵓ ⵏ ⵓⵙⵉⴷⴼ ⵙⵔⵙⵏⵜ ⵙⴳ ⵉⵎⵣⴷⴰⵖⵏ, ⵉ ⵓⵙⴽⵔ ⵏ ⵓⵡⴰⵏⴽ ⵏ ⵓⴼⵔⴰⴳ ⴰⵏⴰⵎⵓⵏ ⵍⵍⵉ ⵉⴳⴰⵏ ⴰⵙⵏⴼⴰⵔ ⴰⴳⵍⴷⴰⵏ ⵉⵟⵟⴰⴼⵏ ⴰⵅⵎⵎⴻⵎ ⴰⴳⵍⴷⴰⵏ ⴰⵅⴰⵜⴰⵔ, ⵉⵔⴰⵏ ⴰⵍⵜⴰⵖ ⵏ ⴽⵓⵢⴰⵏ ⵙ ⵉⵡⵜⵜⴰⵙⵏ ⵏⵏⵙ ⵥⵉⵍⵏⵉⵏ.

ⵉⵎⵎⴰⵖ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵙⵖⵓⴷⵓ ⵏ ⵉⴹⵕⵉⵚⵏ ⴰⴷ ⴷ ⵓⵙⵖⵣⵏ ⵏⵏⵙⵏ, ⵉⵇⵇⴰⵏ ⴷ ⵓⵙⴽⵔ ⵏ ⵜⵉⴹⴰⴼ ⴼ ⵓⵣⵣⴳⵉⵔ ⵏⵏⵙⵏ ⴷ ⵓⵙⵙⵏ ⵏ ⵓⴷⵔⵉⵣ ⵏⵏⵙⵏ ⵉⵥⵉⵍⵏ ⴼ ⵎⴰⵕⵕⴰ ⵜⵉⴷⵓⵍⴰ ⵜⵉⵏⴰⵎⵓⵏⵉⵏ ⴷ ⵉⵥⵉⵔ ⵉⵣⵣⵉⴳⵣⵏ ⵏ ⴷ ⵓⴼⵓⵍⴽⵉ ⵏ ⵜⵙⵖⴰⵍ ⵏ ⵜⴷⵓⵙⵉ ⵜⴰⵏⴰⵎⵓⵏⵜ ⴷ ⵓⵙⴽⵔ ⵏ ⵜⵉⵕⵡⵉ ⵏ ⵜⵏⴰⴼⵜ ⵜⴰⴷⵓⵙⴰⵏⵜ.

ⴳ ⵢⵉⴳⵔ ⵏ ⵜⵉⴹⴰⴼ ⵏ ⵜⵡⵡⵓⵔⵉ ⵜⵓⵏⴱⵉⴹⵜ, ⴷ ⵜⵣⴷⴰⵢⵉⵏ ⴰⴽⴷ ⵜⵉⵎⵔⵙⴰⵍ ⵜⵉⴷⵙⵜⴰⵔⵉⵏ ⴷ ⵜⴳⵔⴰⵡⵉⵏ ⵏ ⵜⵏⵏⵓⴱⴹⴰ, ⵖⵔⴰⵏⵜ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⴳ ⵜⵙⵓⵜⵍⵜ ⵉⵍⵍⴰⵏ ⵊⴰⵔ ⵙⵏⴰⵜ ⵜⵙⵓⵜⵍⵉⵏ, ⵚⴹⵉⵚ ⴷ ⵎⵔⴰⵡ ⵏ ⵉⵎⵔⵙⵉ ⵙ ⵜⵓⵜⵔⴰ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⵏⵖ ⵙ ⵜⵙⵏⵜⴰⵢⵜ ⵜⴰⵏⵉⵎⴰⵏⵜ ⵙⴳ ⵜⵙⵇⵇⵉⵎⵉⵏ ⵙ ⵜⴱⵔⵉⴷⵉⵏ ⵍⵍⴰⵏⵉⵏ, ⵙⴰⵇⵙⴰⵏ ⵉⴳⵎⴰⵎⴰⵏ ⵏ ⵜⵙⵇⵇⵉⵎⵉⵏ ⵉⴷ ⵎⴰⵙⵙ ⵉⵎⴰⵡⵙⴰⵙⵏ ⴷ ⵉⵎⵙⵜⴳⴳⴰⵔⵏ ⵏ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⵅⴼ ⵜⵙⵔⵜⴰⵢ ⴷ ⵜⵎⵙⴰⵔⵉⵏ ⵏ ⵖⵉⵍⴰⴷ.

ⵙⵙⵓⵔⴼⴰⵜ ⵉⵢⵉ ⴰⴷ ⵙⵉⵙⴼⵉⵡⵖ ⴳ ⵓⵎⵏⴰⴹ ⴰⴷ, ⵎⴰⵙ ⵙⵡⵓⵔⵉⵏⵜ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⴷⴰⵜ ⵏ ⵓⵙⴽⵔ ⵏ ⵜⵎⵥⵍⵉⵜ ⵏ ⵓⵣⵣⵔⴰⴼ, ⴳ ⵉⴳⵔ ⵏ ⵜⵉⴹⴰⴼ ⵙ ⵜⵖⵔⵉ ⵏ ⴽⵉⴳⴰⵏ ⵏ ⵜⵎⵙⴰⵔⵉⵏ ⵏ ⵖⵉⵍⵉⴷ ⵉⵡⵉⵏⵉⵏ ⴰⵅⵎⵎⴻⵎ ⵏ ⵓⵎⵏⴰⴷ ⴰⵎⴰⵜⴰⵢ ⵙ ⵜⵉⵍⵉⵜ ⵏ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⴳⵎⴰⵎⵏ ⵏ ⵜⵏⴱⴰⴹⵜ ⴷ ⵉⵎⵙⵜⴳⴳⴰⵔⵏ ⵏ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ.

ⵖⵔⴰⵏⵜ ⵜⵙⵇⵇⵉⵎⵉⵏ ⵖ ⵓⴳⴳⴰⵔ ⵏ 110 ⵏ ⵜⵙⵎⵓⵏⵉ ⵎⴰⴷ ⵉⴳⴰⵏ 220 ⵏ ⵉⵎⵔⵙⵉ ⵙⴳ ⵜⵉⵣⵡⵉⵔⵉ ⵏ ⵜⵡⴰⵍⴰ ⴰⴷ, ⴳⵉⵙⵏ ⵓⴳⴳⴰⵔ ⵏ 60 ⴳ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⴷ ⵓⵣⵎⵣ ⵉⵍⵍⴰⵏ ⵊⴰⵔ ⵙⵏⴰⵜ ⵜⵙⵓⵜⵍⵉⵏ ⴳ ⵓⵙⴳⴳⵯⴰⵙ ⴰⵣⵣⵔⴰⴼ ⵡⵉⵙ ⵙⵉⵏ.  

ⴰⵔ ⵜⵎⵎⴰⵍ ⵜⴷⵉⵏⴰⵎⵉⵜ ⴰⴷ ⵎⴰⵙ ⵉⵣⵣⵉⴳⵣ ⵓⵙⵇⵇⵉⵎ ⵙ ⵜⵙⴳⴰ ⵏ ⵓⵙⵇⵇⵉⵎ, ⴷ ⵓⵏⵢⴰⵍⴽⴰⵎ ⵏ ⵜⵏⴱⴰⴹⵉⵏ ⵜⴰⵣⵣⵔⴰⴼⵜ ⴷ ⵜⵎⵣⵣⴳⴰⵔⵜ ⴰⴽⴷ ⵜⵎⵙⴰⵔⵉⵏ ⵏ ⵉⵏⵎⵓⵔⴰⵏ ⴷ ⵉⵅⵎⵎⵉⵎⵏ ⵏ ⵓⵎⵏⴰⴷ ⴰⵎⴰⵜⴰⵢ.

ⴳ ⵓⵎⵏⵉⴷ ⵢⴰⴹⵏⵉⵏ, ⵣⵣⵉⴳⵣⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵜⵜⵓⵙⵎⴰⴳⴰⵍⵏⵉⵏ ⵙ ⵜⵙⵎⵉⴳⴰⵍ ⵏ ⵓⵙⴰⴳⴳⵯ ⵜⴰⵡⵡⵓⵔ ⵏⵏⵙⵏⵜ, ⵍⵍⴰⵏⵜ ⵜⵉⵍⵍⵓ ⵜⵜⵓⵙⵎⴰⴷⵏⵉⵏ ⵉⵏⵇⵇⵉⵙⵏ ⵏⵏⵙⵏⵜ ⴷ ⵓⵙⵖⵣⵏ ⵏⵏⵙⵏⵜ, ⵉⵍⵉⵏⵜ ⵜⵉⴷ ⵎⵓ ⵜⵣⵣⵉⴳⵣ ⵜⵡⵡⵓⵔⵉ ⵏⵏⵙⵏⵜ.

ⵣⴷⵉⵏ ⵉⵎⵔⵙⵉⵡⵏ ⵏ ⵜⵡⵡⵓⵔⵉ ⵏ ⵜⵏⴱⴰⴹⵜ ⴷ ⵓⵎⵏⴰⴹ ⴰⵏⴰⵎⵓⵔ ⴷ ⵉⵅⵎⵎⵉⵎⵏ ⵏ ⵉⵏⵎⵓⵔⴰⵏ ⴷ ⵜⵏⵎⵓⵔⴰⵢⵉⵏ, ⴰⵢⵍⵍⵉ ⵉⵎⵎⴰⵍⴰⵏ ⵉⵡⵉⵣ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ ⴼ ⴰⴷ ⵉⵍⵉⵏⵜ ⵜⵎⵙⴰⵔⵉⵏ ⵏ ⵡⴰⵎⵓⵏ ⴷ ⵉⵅⵎⵎⵉⵎⵏ ⵏ ⵓⵎⵏⴰⴷ ⴰⵎⴰⵜⴰⵢ ⴳ ⵓⴳⵯⵏⵙ ⵏ ⵜⵡⵡⵓⵔⵉⵡⵉⵏ ⵏⵏⵙ. ⵙⴳ ⵉⵙⵓⴳⴰⵎ ⵉⵏⴰⵎⵎⴰⵙⵏ ⴳ ⵜⵡⵡⵓⵔⵉ ⵏ ⵜⵉⴹⴰⴼ ⵏ ⵓⵙⵇⵇⵉⵎ ⵙ ⵎⴰⵕⵕⴰ ⵉⵙⴽⵛⵓⵎⵏ ⵏⵏⵙ ⵉⴷⵙⵜⴰⵔⵏ: ⵜⵉⴹⴰⴼ ⵏ ⵡⴰⵜⵉⴳⵏ ⴷ ⵜⵎⵏⵜⵉⵍⵉⵏ ⵏⵏⵙⵏ, ⴰⵥⵟⵟⴰ ⵏ ⵓⴱⵟⵟⵓ ⴷ ⵓⵙⴳⴷⵣ ⵏ ⵉⵢⴰⴼⵓⵜⵏ ⵉⵏⴼⵍⴰⵃⵏ, ⵜⵉⴹⴰⴼ ⵜⴰⴷⵓⵙⴰⵏⵜ ⵏ ⵉⵢⴰⴼⵓⵜⵏ ⵏ ⵓⵜⵛⵓ, ⵜⴰⴷⵎⵙⴰ ⵏ ⵜⵎⵢⴰⵡⴰⵙⵜ, ⴰⵜⵉⴳⵏ ⵏ ⵜⵥⴹⴰⵕⵜ, ⴰⵣⵓⵛⵛⵍ ⴰⵎⴳⵓⵔⴰⵏ.

ⴳ ⵓⵙⵡⴰⵍⴰ ⴰⴷ, ⵜⵣⵣⵉⴳⵣ ⵜⵡⵡⵓⵔⵉ ⵏ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵙⴳ ⵜⵔⵓⴱⴱⴰ ⵜⵉⵙⴳⵓⵎⴰⵏⵉⵏ ⵍⵍⵉ ⵉⵙⴽⵔ ⵓⵙⵇⵇⵉⵎ. ⴳ ⵎⴰⴷ ⵉⵥⵍⵉⵏ ⵙ ⵜⵙⵔⵜⵉⵜ ⵏ ⵡⴰⵎⴰⵏ, ⴳ ⵓⵎⵏⴰⴹ ⵏ ⵜⵖⴰⵔⵜ ⴷ ⵉⴷⵔⵉⵣⵏ ⵏ ⵜⵎⵓⴽⵔⵉⵙⵉⵏ ⵏ ⵓⵏⵣⵡⵉ ⴷ ⵓⵙⵎⵔⵙ ⵉⴳⴳⵓⵜⵏ ⵏ ⵡⴰⵎⴰⵏ, ⴷ ⵓⵙⵙⵏ ⵏ ⵓⴷⵔⵉⵣ ⵏ ⵓⵣⵣⴳⵉⵔ ⵏ ⵓⵙⵍⴳⵏ ⵉⵣⴷⵉⵏ ⴷ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ, ⵏⵖ ⴰⵎⵓⴽⵏ ⵏ ⵜⵎⵙⵙⵓⴳⵓⵔⵜ, ⴳⴰⵏⵜ ⵜⵉⵎⵙⴰⵔⵉⵏ ⵜⵉⵅⴰⵜⴰⵔⵉⵏ ⴳ ⵜⴳⵎⵉ ⵜⴰⵙⵓⵍⴰⵏⵜ ⵏ ⵜⵎⴰⵣⵉⵔⵜ ⵏⵏⵖ ⴷ ⵜⵣⵣⵉⴳⵣⵜ ⵏⵏⴷ ⵜⵣⴷⵎⵙⴰⵏⵜ ⴷ ⵜⴷⵉⵎⵓⵇⵔⴰⵟⵉⵜ ⴷ ⵜⵣⵔⴼⴰⵏⵜ ⴷ ⵜⵏⴰⵥⴰⵕⵉⵏ ⴷ ⵉⵙⵜⴰⵢⵏ ⵉⵏⴰⵎⵓⵔⵏ ⵉⵅⴰⵜⴰⵔⵏ.

ⵉⵖ ⵟⵟⴰⴼⵏⵜ ⵜⵡⵡⵓⵔⵉⵡⵉⵏ ⵏ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵍⵍⵉ ⵏⵙⴽⴰⵔ ⵜⵉⵍⵍⵓⴳⵏⴰ ⵜⴰⴷⵉⵎⵓⵇⵔⴰⵟⵉⵜ, ⵙ ⵜⵡⵉⵣⵉ ⵏ ⵜⵓⵣⵍⵜ ⴷ ⵜⵓⴳⵜ ⵜⴰⴱⵕⵍⴰⵎⴰⵏⵉⵜ ⴷ ⵓⵙⵙⴼⵍⴷ ⵉ ⵉⵎⵙⴽⴰⵔⵏ ⵉⴳⴷⵓⴷⴰⵏⵏ ⴳ ⴽⵔⴰⵢⴳⴰⵜ ⵜⴰⵙⵔⵜⵉⵜ ⵜⴰⴳⴷⵓⴷⴰⵏⵜ ⵉⴳⴰⵏ ⵜⵉⵏ ⵓⵙⵓⵜⴳ ⴷ ⵜⵔⵓⴱⴱⴰ ⵍⵍⵉ ⵎⵓ ⵜⵚⴰⵃⴰ, ⵉⵇⵇⴰⵏ ⴷ ⵜⵉⵏⴱⴰⴹⵉⵏ ⵜⴰⵣⵣⵔⴰⴼⵜ ⴷ ⵜⵎⵣⵣⴳⴰⵔⵜ ⴰⴷ ⵙⵡⵓⵔⵉⵏⵜ ⴼ ⵓⵙⴼⵔⴳ ⵏ ⵜⵎⵙⴽⵔⵜ ⵉⵍⵍⴰⵏ ⴳ ⵓⵎⵏⵉⴷ ⵏ ⵓⵙⵓⵜⴳ ⵙ ⵓⵙⵙⴰⵔⵓ ⵏ ⵉⵙⵖⵍⴰⴼ ⴼ ⵉⵍⵍⴰ ⵓⵎⵙⴰⵙⴰ ⵃⵎⴰ ⴰⴷ ⵢⵉⵍⵉ ⵍⵇⵉⵍ ⵏ ⵜⵎⵓⴽⵔⵉⵙⵉⵏ ⴳ ⵜⵙⵔⵜⴰⵢ ⵏ ⵓⵙⵓⵜⴳ ⴷ ⵜⵙⵓⵎⵔⵜ ⵏ ⵉⵎⵓⴽⵏⵏ ⵍⵍⵉ ⵔⴰⴷ ⵉⵙⴽⵔ ⴳ ⵜⵎⵙⴽⵔⵜ ⴰⴷ ⵜⴰⴱⵕⵍⴰⵎⴰⵏⵉⵜ ⵜⴰⴷ ⵉⵟⵟⴰⴼⵏ ⵜⴰⵢⵢⴰⴼⵓⵜ ⴼ ⵡⴰⵎⵓⵏ, ⵙ ⵜⵎⴰⵎⴰⴽⵜ ⵍⵍⵉ ⵔⴰⴷ ⵉⵙⴽⵔ ⴽ ⵜⵎⴽⵕⴰⴹ ⵜⴰⴳⴷⴷⵓⴰⴷⵏⵜ ⴰⵡⵜⵜⴰⵙ ⵍⵍⵉ ⴳⵉⵙ ⵏⵔⴰ.

ⵓⵔ ⴳⵉⵇ ⵜⵓⵔⴷⴰ ⵎⴰⵙ ⵔⴰⴷ ⵜⵉⵢⵢⴰⴼⵓⵜ ⵏ ⵜⵙⵎⵉⴳⴰⵍ ⵏ ⵓⵙⴰⴳⴳⵯ ⵔⴰⴷ ⵜⴳ ⵜⴰⵡⵡⵓⵔⵉ ⵉⴱⵓⴱⵍⴰⵏ ⵍⵍⵉ ⴷ ⵉⵇⵇⴰⵏ ⴰⴷ ⵜⴰⵎⵥ ⴰⴱⴷⵔⵉⴷ ⵏⵏⵙ ⵙ ⵓⵙⴽⵔⴳ ⵜⵎⵙⴽⴰⵔ ⴼⴰⵡⵏⵉⵏ ⵙ ⵓⵙⵡⵓⵔⵉ ⴷ ⵜⵏⴱⴰⴹⵜ ⵜⴰⵎⵣⵣⴳⴰⵔⵜ.

ⴰⵙⵡⴰⵍⴰ ⴰⴷ ⵏⵉⵜ ⵜⴰⴷ ⵉⵉⵍⵍⴰⵏ ⴳ ⵉⵏⵇⵇⵉⵙⵏ ⵏ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ ⴷ ⵜⴳⵔⴰⵡⵉⵏ ⵏ ⵜⵏⵏⵓⴱⴹⴰ ⵃⵎⴰ ⴰⴷ ⴰⵎⵥⵏⵜ ⵜⵙⵓⵎⴰⵔ ⵏⵏⵙ ⴰⴱⵔⵉⴷ ⵙ ⵓⵣⵣⴳⵉⵔ ⴷ ⵓⵙⴽⵔ ⴳ ⵜⵙⵔⵜⴰⵢ ⵜⵉⵎⵏⴰⴳⴰⵔⵉⵏ ⴷ ⵉⵣⵣⵔⴰⴼⵏ ⴷ ⵉⵎⵓⴽⵏⵏ ⴷⵓⵙⴰⵏⵉⵏ ⵙⵎⴷⵏⵉⵏ ⵎⵓ ⵥⵕⴰⵏ ⵉⵏⵎⵓⵔⴰⵏ ⴰⴷⵔⵉⵣ ⵏⵏⵙⵏ ⴳ ⵜⵓⴷⵔⵜ ⵏⵏⵙⵏ ⵜⴰⴽⵓⵢⴰⵙⵜ. ⵉⵇⵇⴰⵏ ⴷ ⴰⴷ ⵢⵉⵍⵉ ⵎⴰ ⴰⵏⵏ ⴳ ⵓⵙⴰⵜⵉ ⵏ ⵉⴱⴹⵉⵢⵏ ⵏ ⵓⴷⵓⵙⵜⵓⵔ ⵍⵍⵉ ⴷ ⵉⵇⵇⴰⵏ ⴱⴷⴷⴰ ⵓⴽⵯⵜⵜⵓⵢ ⵏ ⵜⵓⵎⴰⵢⵉⵏ ⵏⵏⵙ ⴷ ⵉⵎⴰⵏ ⵏⵏⵙ ⵙⵍⴰⵡⴰⵏ ⴰⴽⴽⵯ ⴳ ⵎⴰⴷ ⵉⵥⵍⵉⵏ ⵙ ⵓⵎⵢⴰⵡⴰⵙ ⵏ ⵜⵏⴱⴰⴹⵉⵏ ⴷ ⵓⵎⵢⴰⵙⴰ ⴷ ⵓⵙⵎⴰⴷ ⵏⵏⵙⵏⵜ.        

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵉⵇⵇⴰⵏ ⴰⵖ ⴷ ⴳ ⵜⵙⵓⵜⵍⵜ ⴰⴷ, ⴳ ⵓⵙⴰⵜⵉ ⵏ ⵉⵖⴰⵡⴰⵙⵏ ⵏ ⵜⵡⵡⵓⵔⵉ ⵏⵏⵖ ⴳ ⵢⵉⴳⵔ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵓⵙⵓⵜⴳ, ⴰⴷ ⵏⵙⵎⵖⵔ ⴰⵎⴹⴰⴽⴰⵕ ⵏ ⵉⵏⵇⵇⵉⵙⵏ ⵓⵊⴰⴷⵏⵉⵏ ⵍⵍⵉ ⵙⴽⵔⵏⵜ ⵜⵔⵓⴱⴱⴰ ⵏ ⵜⵡⵡⵓⵔⵉ ⵜⵉⵙⴳⵓⵎⴰⵏⵉⵏ ⵜⵜⵓⵙⵎⴰⴳⴰⵍⵏⵉⵏ ⵙ ⵓⵙⵓⵜⴳ, ⵜⵉⵍⵍⵉ ⵙⴽⵔⵏ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⵎⵓⵔⴰ ⵜⵜⴰⵡⵙⵎⴰⴳⵍⵏⵉⵏ ⵙ ⵜⵙⵎⵉⴳⴰⵍ ⵏ ⵓⵙⴰⴳⴳⵯ, ⴷ ⵓⵎⵙⴰⵙⴰ ⴰⴽⴷ ⵜⵏⴰⴱⴹⵜ ⴼ ⵉⵙⵖⵍⴰⴼ ⴷ ⵜⵉⵢⵢⴰⴼⵓⵜⵉⵏ ⴳⴰⵏⵉⵏ ⵜⵉⵏ ⵓⵣⵣⴳⵉⵔ.

ⴳ ⵓⵎⵏⴰⴹ ⴰⴷ, ⵔⵉⵖ ⴰⴷ ⵙⵓⵜⴳⵖ ⵜⵉⵡⵉⵣⵉ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵜⴷⵉⵏⴰⵎⵉⵜ ⵏ ⵜⵡⵡⵓⵔⵉ ⵉⵜⵜⵓⵣⵎⵎⴰⵎⵏ ⴳ ⵜⴼⵔⴽⴰ ⵏ ⵊⴰⵔ ⵜⵉⵙⵓⵜⵍⵉⵏ ⵙⵍⴰⵡⴰⵏ ⴳ ⵎⴰⴷ ⵉⵥⵍⵉⵏ ⵙ ⵉⵙⵇⵙⵉⵜⵏ ⵍⴽⵎⵏⵉⵏ 880 ⵏ ⵓⵙⵇⵙⵉ ⴰⵎⵉⵡⴰⵏ ⵣⴷⵉⵏⵉⵏ ⴷ ⵜⵎⵙⴰⵔⵉⵏ ⵏ ⵖⵉⵍⴰⴷ, ⴷ 856 ⵏ ⵓⵙⵇⵙⵉ ⴰⵎⵉⵔⴰⵢ, ⴷ ⵜⵙⵏⵜⴰⵢⵉⵏ ⵜⵉⵣⵣⵔⴰⴼⵉⵏ ⵍⴽⵎⵏⵉⵏ 18 ⵏ ⵜⵙⵓⵎⵔⵜ ⵏ ⵓⵙⵍⴳⵏ, ⴳⴰⵏⵜ ⵜⵙⵏⵜⴰⵢⵉⵏ ⵉⵎⵔⵙⵉ ⵏ ⵓⵅⵎⵎⴻⵎ ⵉⵥⵍⵉⵏ ⵙⴳ ⵓⵙⵇⵇⵉⵎ ⵙⴳ ⵜⴰⵙⵓⵜⵍⵜ ⴰⴷ.

ⵉⴷ ⵎⴰⵙⵙ ⵉⵎⴰⵡⵙⴰⵙⵏ

ⵜⵓⵏⴳⴳⵯⴰ ⴷ ⵉⵏⴳⴳⵯⴰ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵏⵕⵥⵎ ⵜⴰⵙⵓⵜⵍⵜ ⴰⴷ ⴳ ⵢⴰⵏ ⵓⵎⵏⴰⴹ ⴰⵎⴰⴹⵍⴰⵏ ⵓⵔ ⵉⵔⴳⴳⵉⴳⵏ ⴳ ⵉⵙⵡⵉⵔⵏ ⴰⴷⵎⵙⴰⵏ ⴷ ⵓⵊⵢⵓ-ⴰⵙⵔⵜⴰⵏ, ⴳⴳⵓⵜⵏ ⵉⵡⴰⵍⴰⵜⵏ ⴳ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ, ⵓⵔⵔⵓⵏ ⴷ ⵉⵎⵇⵇⵏⵏ ⵙ ⵜⴷⵓⵙⵉ ⴳ ⵜⵣⴷⴰⵢⵉⵏ ⵏ ⴱⵕⵕⴰ ⴱⴷⴷⵏⵉⵏ ⴼ ⵜⵏⵓⴼⴰ ⵜⵓⵙⵔⵉⴷⵉⵏ, ⵙ ⵓⵎⴰⵜⴰ ⵉⵍⵍⴰ ⵓⵙⵡⵓⵔⵉ ⵙ ⵜⵏⵉⵎⴰⵏⵉⵏ ⵜⵉⵏⴰⵎⵓⵔⵉⵏ ⵙ ⵜⴱⵔⴰⴳⵎⴰⵜⵉⵜ ⴽⵕⵕⵓⵣⵏ -ⵙ ⵓⵖⵉⵍⵓⴼ- ⴼ ⵉⴷⵖⴰⵔⵏ ⵍⵍⵉ ⴷ ⵉⵇⵇⴰ ⴰⴷ ⴳⵉⵏ ⵡⵉⵏ ⵡⴰⵜⵉⴳⵏ.

ⵉⵇⵇⴰⵏ ⴷ ⴰⴷⴷ ⵏⵙⵙⴽⵯⵜⵉ ⵎⴰ ⴰⴷ ⴳ ⵜⵡⵡⵓⵔⵉⵡⵉⵏ ⵏⵏⵖ ⵙ ⵜⵉⵍⵉⵜ ⵉⴳⴰⵏ ⵜⵉⵏ ⵜⵉⴹⴰⴼ ⴷ ⵜⵉⵏ ⵜⵡⵡⵓⵔⵉ, ⴷ ⵉⵡⵉⵣ ⴼ ⵜⵉⵢⵢⴰⴼⵓⵜ ⵉⵕⵡⴰⵏ. ⵎⴰ ⴰⵏⵏ ⵓⵔ ⵉⴳⵉ ⴰⵎ ⴰⵙⴽⵔ ⴰⵙⴽⵔ ⵏ ⵜⵎⵙⴽⵔⵜ ⵏⵏⵖ ⴷ ⵜⵙⵎⵉⴳⴰⵍ ⴷ ⵜⵎⴰⵙⴰⵢⵉⵏ ⵏⵏⵖ ⴷ ⵜⵡⵉⵣⵉ ⴳ ⵜⵣⵣⵉⴳⵣⵜ ⵏ ⵜⵎⴰⵣⵉⵔⵜ ⵏⵏⵖ ⴷ ⵓⵙⴷⵓⵙ ⵏ ⵜⵎⵙⴽⴰⵔ ⵏⵏⵖ ⵜⵉⴷⵉⵎⵓⵇⵔⴰⵟⵉⵢⵉⵏ ⴷ ⵓⵙⴷⵓⵙ ⵏ ⵜⵢⴰⵏⵜ ⵏⵏⵖ ⵜⴰⵏⴰⵎⵓⵔⵜ ⵙ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵉⵄⵣⵣⵓ ⵕⴱⴱⵉ ⵙ ⵓⵎⵙⴰⵙⴰ ⴷ ⵓⵙⵎⴰⵇⵇⵍ ⵏ ⴱⴰⴱ ⵏ ⵡⴰⴷⴷⵓⵔ.

ⵙ ⵓⵙⴷⴷⴻⴷ, ⵓⵔ ⵔⴰⴷ ⴰⵖ ⵜⵙⴱⵉⴷⴷ ⵜⵡⵡⵓⵔⵉ ⵏⵏⵖ ⵜⴰⴳⵯⵏⵙⴰⵏⵜ ⴳ ⵜⵙⵓⵍⴰⵏⵜ ⵏ ⵜⵡⵡⵓⵔⵉⵡⵉⵏ ⵏⵏⵖ ⴳ ⵜⵣⴷⴰⵢⵉⵏ ⵏ ⴱⵕⵕⴰ ⵙ ⵓⵎⵙⴰⵙⴰ ⴷ ⵓⵙⵎⴰⵇⵇⵍ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵜⵓⵎⴰⵢⵜ ⴷ ⵜⴼⵍⵙⴰⴼⵜ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵏⴰⵎⵓⵔⵜ ⵍⵍⵉ ⵉⵙⵙⵕⵚⴰ ⴱⴰⴱ ⵏ ⵡⴰⴷⴷⵓⵔ.

ⵍⵍⵉⵖ ⵏⵏ ⵏⵣⵉⵢⵢⴷ, ⴷ ⵉⴼⵔⴷⴰⵙ ⵏ ⵓⵙⵇⵇⵉⵎ, ⵉ ⵡⴰⵢⴷⴰ ⵏ ⵜⵡⵡⵓⵔⵉ ⵏ ⵜⵎⵔⵙⵍⵜ ⵏⵏⵖ ⴳ ⵓⵎⵏⵉⴷ ⴰⴷ ⵊⴰⵔ ⵏ ⵙⵏⴰⵜ ⵜⵙⵓⵜⵍⵉⵏ, ⵔⴰⴷ ⵏⵙⴽⵔ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵏ ⵉⴳⵔⴰⵖⵍⴰⵏⵏ ⵍⵍⵉ ⵙⵜⴰⵡⵀⵎⵎⴰⵏⵉⵏ, ⵔⴰⴷ ⵏⵙⵏⵓⴱⴳ ⵓⵍⴰ ⵡⵉⴷⴰ ⴱⴰⵀⵔⴰ ⵙⵜⴰⵡⵀⵎⵎⴰⵏⵉⵏ ⴳ ⵡⴰⵢⵢⵓⵔ ⵏ ⵢⵓⵏⵢⵓ ⴷ ⵢⵓⵛⴽⴰⵏ.

ⵉⵍⵍⴰ ⴷⴰⵜ ⵏⵏⵖ ⵓⵖⴰⵡⴰⵙ ⵏ ⵜⵡⵡⵓⵔⵉ ⵉⴳⴳⵓⵜⵏ, ⵉⵇⵇⴰⵏ ⴷ ⵓⵙⴽⵔ ⵏⵏⵙ ⵙ ⵜⵉⵕⵡⵉ ⴷ ⵢⵓⵙⴰⵏ, ⵏⴻⵏⵢⴰⵍⴽⴰⵎ ⵓⵍⴰ ⴷ ⵉⵅⵎⵎⵉⵎⵏ ⵏ ⵓⵎⵏⵉⴷ ⴰⵎⴰⵜⴰⵢ ⵙⴳ ⵓⵙⵙⵏ ⴰⵔ ⴰⵣⵣⴳⵉⵔ, ⵏⵣⵣⵉⴳⵣ ⵃⵎⴰ ⴰⴷ ⴳⵉⵏⵜ ⵜⵎⵔⵙⴰⵍ ⵏⵏⵖ ⵜⵉⴳⵏⵙⴰⵙⵉⵏ ⴰⵙⴰⵜⵉ ⵏ ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⵏ ⵡⴰⵎⵓⵏ, ⵖ ⵉⵜⵜⵉⵍⵉ ⵓⵎⵣⴰⵔⴰⵢ, ⵎⴽ ⵉⴳⴰ ⵓⵙⵡⵉⵔ ⵏⵏⵙ ⴷ ⵡⴰⵜⵉⴳ ⵏⵏⵙ. ⵜⵉⵎⵔⵙⴰⵍ ⴰⴷ ⵉⴳⴰⵏ ⴰⵙⴰⵜⵉ ⴰⴷⵙⵜⴰⵔ ⵏ ⵓⵙⵡⵓⴷⴷⵓ ⵏ ⵓⵎⵣⴰⵔⴰⵢ, ⵉⴳ ⵓⵎⵙⴰⵡⴰⵍ ⴷ ⵜⴷⵉⵎⵓⵇⵔⴰⵜⵉⵜ ⴰⴱⵔⵉⴷ ⵏ ⵓⴼⵓⴽⴽⵓ ⵏ ⵜⵎⵓⴽⵔⵉⵙⵉⵏ ⵎⴽ ⵏⵏⴰ ⴳⴰⵏⵜ ⵜⵎⵏⵜⴰⵍ. ⵜⴰⵎⵓⵏⵜ ⵓⵔ ⵜⴳⵉ ⵎⴳⴰⵍ ⵏ ⵓⵎⵣⵔⴰⵢ ⴷ ⵜⵎⵏⵏⴰⵡⵜ, ⵏⵜⵜⴰⵜ ⴷ ⴰⴱⵔⵉⴷ ⵏⵏⵖ ⵉ ⵡⴰⵍⴰⵢ ⵏ ⵜⵏⴰⵥⴰⵕⵉⵏ ⵍⵍⴰⵏⵉⵏ ⴷⴰⵜ ⵏ ⵜⵎⴰⵣⵉⵔⵜ ⵏⵏⵖ ⴳ ⵓⵎⵏⴰⴹ ⵏ ⵉⵙⵏⴼⵍⵏ ⵉⴳⵔⴰⵖⵍⴰⵏⵏ ⵏ ⵖⵉⵍⴰⴷ.

ⵉⵇⵇⴰⵏ ⴷ ⴰⴷ ⵏⵉⵍⵉ ⴳ ⵓⵙⵡⵉⵔ ⵏ ⵜⵏⴰⵥⴰⵕⵉⵏⴰⴷ, ⴽⵓ ⴷ ⵢⴰⵏ ⵙⴳ ⵓⴷⵖⴰⵔ ⵏⵏⵙ ⴰⴷⵙⵜⴰⵔ ⴷ ⵓⵎⵔⵙⵍⴰⵏ ⵃⵎⴰ ⴰⴷ ⵏⴰⵡⵉ ⵉⵚⴰⵃⴰⵜⵏ ⵙⴳ ⵉⵙⵎⵓⵜⵜⵓⵢⵏ ⵥⵉⵍⵏⵉⵏ ⵍⵍⴰⵏⵉⵏ ⴳ ⵜⵎⴰⵣⵉⵔⵜ ⵏⵏⵖ ⴷ ⵓⵙⵎⵖⵔ ⵏⵏⵙ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵄⵣⵣⵓ ⵕⴱⴱⵉ.

ⵜⴰⵏⵎⵎⵉⵔⵜ ⴼ ⵓⵙⵙⴼⵍⴷ ⵏⵏⵓⵏ