ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴽⴰⴱⴰⵕ ⵙⴳ ⵓⴽⵓⵏⴳⵕⵉⵚ ⵏ ⵎⴰⵔⵉⴽⴰⵏ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 14 ⵎⴰⵕⵚ 2023 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⴰⴽⴰⴱⴰⵕ ⵏ ⵓⴽⵓⵏⴳⵕⵉⵚ ⵏ ⵎⴰⵔⵉⴽⴰⵏ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵜⵎⴰⵣⵉⵔⵜ ⵏⵏⵖ.
ⵉⴳⴰ ⵓⴽⴰⴱⴰⵕ ⴰⴷ ⵡⵉⵏ ⵓⴳⵔⴰⵡ ⴰⵍⴰⵜⵉⵏⵉ ⵏ ⵓⴽⵓⵏⴳⵕⵉⵚ ⵏ ⵎⴰⵔⵉⴽⴰⵏ ⵉⵙⴰⵡⵍⵏ ⵜⴰⵚⴱⵍⵢⵓⵏⵉⵜ, ⵢⵉⵍⵉ ⴳⵉⵙ ⵎⴰⵙⵙ Adriano Espaillat ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⴳⵔⴰⵡ ⴷ ⵎⴰⵙⵙⴰ ⵜⴰⵎⴰⵔⵉⵜ Sylvia Garcia ⴷ ⵎⴰⵙⵙ ⴰⵎⴰⵔⵉ Salud Carbajal.
ⵉⵙⵓⵜⴳ ⵓⴽⴰⴱⴰⵕ ⴰⴷ ⵜⵉⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⵍⵍⴰⵏⵉⵏ ⵊⴰⵔ ⵍⵎⵖⵔⵉⴱ ⴷ ⵎⴰⵔⵉⴽⴰⵏ, ⵙⴷⴷⵉⴷⵏ ⴼ ⵜⴷⵓⵙⵉ ⵏ ⵜⴷⵔⴰⵡⵜ ⵊⴰⵔ ⵏⵏⵙⵏ, ⵙⵓⵜⴳⵏ ⵓⵍⴰ ⵜⴰⵣⵣⵉⴳⵣⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⴽⵉⴳⴰⵏ ⵏⵉⴳⵔⴰⵏ.
ⵉⵙⵎⵏⵉⴷ ⵓⴽⴰⴱⴰⵕ ⵏ ⵓⴽⵓⵏⴳⵕⵉⵚ ⴰⵎⵉⵔⵄⴽⴰⵏⵉ ⵜⵉⵥⴹⴰⵕⵉⵏ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵉⴳⵔⴰⵏ ⵏ ⵜⵥⴹⴰⵕⵜ ⵉⵖⵓⵙⵏ ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵜⴻⵜⵉⴽⵏⵓⵍⵓⵊⵉⵜ ⴷ ⵜⴼⵍⵍⴰⵃⵜ ⴷ ⵜⵙⴱⴱⴰⴱⵜ, ⵙⴷⴷⵉⴷⵏ ⴼ ⵓⵙⴷⵓⵙ ⵏ ⵓⵎⵛⴰⵡⴰⵕ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⵙⵏⴰⵜ ⵜⵎⵉⵣⴰⵔ.
ⵉⵙⴱⵔⵔⴽ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵔⵣⴰⴼ ⵏ ⵓⴽⴰⴱⴰⵕ ⵏ ⵓⴽⵓⵏⴳⵕⵉⵚ ⵏ ⵎⴰⵔⵉⴽⴰⵏ, ⵉⵙⵓⵜⴳ ⵜⵉⵕⵡⵉ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⵎⴰⵔⵉⴽⴰⵏ ⵍⵍⵉ ⴳⴰⵏⵉⵏ ⵜⵉⵏ ⵓⵎⵣⵔⵓⵢ, ⵢⵉⵏⵉ ⵎⴰⵙ ⵉⴳⴰ ⵍⵎⵖⵔⵉⴱ ⵜⴰⵎⴰⵣⵉⵔⵜ ⵉⵣⵡⴰⵔⵏ ⴳ ⵓⵎⴰⴹⴰⵍ ⵉⵙⵙⵏⵏ ⵙ ⵜⵙⵉⵎⴰⵏⵜ ⵏ ⵎⴰⵔⵉⴽⴰⵏ ⴳ ⵜⴰⵙⵓⵜ ⵜⵉⵙ 18. ⵉⵙⵓⵜⴳ ⵓⵍⴰ ⵜⵉⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵍⵍⴰⵏⵉⵏ ⴳⵔ ⵙⵏⴰⵜ ⵜⵎⵉⵣⴰⵔ.
ⵉⵙⵏⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵉⵙⴰⵡⵓⵔⵏ ⵉⵅⴰⵜⴰⵔⵏ ⵍⵍⴰⵏⵉⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵜⵣⵣⵉⴳⵣⵜ ⵜⴰⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵎⵖⵔ ⵏ ⵉⵙⵓⵔⵙⵏ ⵏ ⵜⵎⵖⴰⵔⵜ ⴷ ⵓⵙⴷⵓⵙ ⵏ ⵓⵡⴰⵏⴽ ⵏ ⵜⵎⵔⵙⴰⵍ ⴷ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵓⵙⵎⵔⵙ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ, ⴰⵢⵍⵍⵉ ⵉⵙⴽⵔⵏ ⴳ ⵍⵎⵖⵔⵉⴱ ⴰⵏⴰⵡ ⵏ ⵓⵔⴳⴳⵉⴳ ⴷ ⵜⴳⵎⵉ ⴳ ⵜⵙⴳⴰ.