ⴰⵎⴹⴰⴽⴰⵕ ⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⵏⴳⴳⵯⴰ ⵏⵏⵙⵏ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵏⵏⵉⵊⵉⵔ

ⵙⵏⵓⴱⴳⵏ ⵉⴳⵎⴰⵎⵏ ⵙⴳ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 7 ⵎⴰⵕⵚ 2023, ⴰⴽⴰⴱⴰⵕ ⵙⴳ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⵎⵙⴰⵙⵜⵍⵜ ⵜⴰⵏⴰⵎⵓⵔⵜ ⵏ ⵏⵏⵉⵊⵉⵔ, ⴳ ⵓⵙⴰⵜⵉ ⵏ ⵓⵔⵣⴰⴼ ⵏⵏⵙ ⵏ ⵜⵖⵔⵉ ⵉ ⵍⵎⵖⵔⵉⴱ.

ⵃⴰⴹⵕⵏ ⴳ ⵜⵙⵎⵓⵏⵉ ⴰⴷ ⵎⴰⵙⵙ ⵄⴰⵍⴰⴷⴷⵉⵏ ⴱⵃⵕⴰⵡⵉ, ⵎⴰⵙⵙ ⵄⴰⴱⴷⵕⵕⴰⵃⵉⵎ ⵡⴰⵙⵍⵎ, ⵎⴰⵙⵙⴰ ⵢⴰⵙⵎⵉⵏ ⵍⵎⵖⵓⵔ ⵙⴳ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ. ⵙⴳ ⵓⴽⴰⴱⴰⵕ ⵏ ⵏⵏⵉⵊⵉⵔ, ⵉⴳⵎⴰⵎⵏ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ: ⵎⴰⵙⵙ ⵎⴰⵎⴰⵏ ⵀⴰⵕⵓⵏⴰ, ⵎⴰⵙⵙ ⵙⴰⵍⵉⴼⵓ ⵎⵓⵙⴰ, ⵎⴰⵙⵙⴰ ⴰⵎⵉⵏⴰ ⵙⴰⵎⵉⵏⵓ ⵍⵡⴰⵍⵉ.

ⴳ ⵜⵙⵎⵓⵏⵉ, ⵉⵙⵎⵏⵉⴷ ⵓⴽⴰⴱⴰⵕ ⵏ ⵍⵎⵖⵔⵉⴱ ⵉⵙⵉⵙⴼⵉⵡⵏ ⴼ ⵜⵡⵡⵓⵔⵉ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ, ⵉⵙⵎⵏⵉⴷ ⵎⴰⵙⵙ ⵄⴰⵍⴰⴷⴷⵉⵏ ⴱⵃⵕⴰⵡⵉⵉⵙⵉⵙⴼⵉⵡⵏ ⴼ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ ⴷ ⵜⴱⵔⵉⴷⵜ ⵏⵏⵙ, ⵖⵎⴽ ⴰⵏⵏ ⴰⵓⵍⴰ ⵜⵉⵡⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵅⴼ ⵓⵎⵇⵇⵏ ⴰⵎⴰⵢⵏⵓ ⵉ ⵓⵙⵙⴰⵔⵓ ⴷ ⵓⵙⴽⵔ ⵏ ⵜⵙⵇⵇⵉⵎⵜ ⵜⴰⵎⴰⵢⵏⵓⵜ ⵉⵥⵍⵉⵏ ⵙ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ.

ⴳ ⵓⵎⵏⵉⴷ ⵏⵏⵙ, ⵉⵙⵎⵏⵉⴷ ⵎⴰⵙⵙ ⵎⴰⵎⴰⵏ ⵀⴰⵕⵓⵏⴰ ⴰⵙⵎⴰⵇⵇⵍ ⴼ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⵎⵙⴰⵙⵜⵍⵜ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵏⵏⵉⵊⵉⵔ, ⴷ ⵉⵏⴳⵎⴰⵎⵏ ⵏⵏⵙ ⴷ ⵓⴷⵎⴰⵡⵏ ⵏ ⵓⵎⵢⴰⴷⴰⵙ ⴷ ⵓⵎⵣⵔⴰⵢ ⵊⴰⵔ ⵉⴱⵕⵍⴰⵎⴰⵏⵏ ⵏ ⵍⵎⵖⵔⵉⴱ ⴷ ⵏⵏⵉⵊⵉⵔ.

ⴳ ⵜⵙⵎⵓⵏⵉ ⴰⴷ, ⵉⵍⵍⴰ ⵓⵎⴹⴰⴽⴰⵕ ⵉ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵍⵍⵉⵖ ⵥⵉⵍⵏⵜ ⵜⵣⴷⴰⵢⵉⵏ ⵊⴰⵔ ⵕⵕⴱⴰⵟ ⴷ ⵏⵢⴰⵎⵉ ⴳ ⴽⵉⴳⴰⵏ ⵏ ⵉⵙⵡⵉⵔⵏ. ⵖⵎⴽ ⵍⵍⵉ ⵎⵙⴰⵙⴰⵏ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⴰⴷ ⵙ ⵜⵙⵎⵓⵏⴰⵢ  ⵏ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴳ ⵎⴰⴷ ⵉⵥⵍⵉⵏ ⵙ ⵜⴷⵔⵉⵎⵜ ⵜⴰⵎⴰⵜⴰⵢⵜ ⵉ ⵓⵙⴽⵔ ⵏ ⵜⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ ⵉⵜⵜⵓⵣⵎⵎⴰⵎⵏ ⴳ 4 ⴱⵕⴰⵢⵕ 2019.