ⴰⵙⵎⵏⵉⴷ ⵏ ⵜⵣⵔⴰⵡⵜ ⵜⴰⵏⴰⵎⵓⵔⵜ ⴼ ⵡⴰⵜⵉⴳⵏ ⴷ ⵓⵙⵎⵔⵙⵍ ⴰⵎⵔⵙⵍⴰⵏ, ⵉⵙⵏⴼⵍⵏ ⴷ ⵉⴳⴰⵏⵉⵜⵏ ⵏ ⵉⵎⵖⵔⵉⴱⵉⵢⵏ
ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰⵏ ⴰⴽⵕⴰⵙ 08 ⴱⵕⴰⵢⵕ 2023, ⴰⵏⵎⵓⵇⵇⴰⵔ ⵉⵥⵍⵉⵏ ⵙ ⵓⵙⵎⵏⵉⴷ ⵏ ⵜⵣⵔⴰⵡⵜ ⵍⵍⵉ ⵉⵙⴽⵔ ⴼ ⵡⴰⵜⵉⴳⵏ ⴷ ⵓⵙⵎⵀⵍ ⵏⵏⵙ ⴰⵎⵔⵙⵍⴰⵏ, ⵉⵙⵏⴼⵍⵏ ⴷ ⵎⴰⵙ ⵇⵇⵍⵏ ⵉⵎⵖⵔⵉⴱⵉⵢⵏ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴷ ⵜⵉⵍⵉⵜ ⵏ ⵎⴰⵙⵙⴰ ⵄⴰⵡⴰⵟⵉⴼ ⵃⵉⵢⴰⵕ ⵜⴰⵎⴰⵡⵙⴰⵙⵜ ⵏ ⵜⵡⵉⵣⵉ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⵓⵡⵊⴰ, ⴷ ⵉⵡⵔⵉⴽⵏ ⵉⴽⴰⴷⵉⵎⵉⵢⵏ.
ⵉⵜⵜⵓⵙⵏⵜⴰ ⵓⵏⵎⵓⵇⵇⴰⵔ ⴰⴷ ⵙ ⵜⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵍⵍⵉⵖ ⵙ ⵉⵙⵙⴽⵯⵜⵉ ⵎⴰⵙ ⵜⴽⵛⵉⵎ ⵜⵣⵔⴰⵡⵜ ⴰⴷ ⴳ ⵓⵙⴰⵜⵉ ⵏ ⵓⵙⵡⴰⵍⴰ ⴰⵙⵜⵔⴰⵜⵉⵊⵉ ⵉⵎⵎⴰⵍⴰⵏ ⴰⵏⵏⵓⵕⵥⵎ ⴰⵙⵓⵍⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵙⵓⴷⵙ ⴰⵙⴳⵓⴷⵉ ⵍⵍⵉ ⵜⵙⴽⵔ ⵜⵎⴰⵣⵉⵔⵜ ⵏⵏⵖ ⴳ ⵢⵉⴳⵔ ⵏ ⵜⵣⵔⴰⵡⵉⵏ ⴷ ⵉⵏⵇⵇⵉⵙⵏ ⵉⵏⴰⵎⵓⵔⵏ, ⴰⵢⵍⵍⵉ ⵉⵙⵔⵓⵙⵏ ⵜⵉⵎⵙⴰⵔⵉⵏ ⴷ ⵉⵅⵎⵎⵉⵎⵏ ⵏ ⵡⴰⵎⵓⵏ ⴳ ⵓⴳⵯⵏⵙ ⵏ ⵜⵙⵔⵜⴰⵢ ⴷ ⵉⵖⴰⵡⴰⵙⵏ ⵉⴳⴷⵓⴷⴰⵏⵏ. ⵢⵉⵏⵉ ⵓⵏⵙⵙⵉⵅⴼ ⵎⴰⵙ ⵏⵙⴽⵔ ⴰⵙⵡⴰⵍⴰ ⴰⴷ, ⵏⵙⵡⵓⵔⵉ ⵙ ⵜⵎⵢⴰⴷⴰⵙⵜ ⵉⵔⴰⵏ ⴰⵣⵣⵔⴰⵢ ⵏ ⵎⴰⵙ ⵇⵇⵍⵏ ⵉⵏⵎⵓⵔⴰⵏ ⴷ ⵜⵏⵎⵓⵔⴰⵜⵉⵏ, ⴷ ⵓⵙⴷⵓⵙ ⵏ ⵓⵏⵏⵓⵕⵥⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵡⴰⵎⵓⵏ, ⵙ ⵓⵙⴼⵙⵉ ⵏ ⵜⵉⵍⴰⵡⵜ ⴷ ⵓⵣⵣⵔⴰⵢ ⵏ ⵎⴰⵙ ⵉⵜⵜⵇⵍ ⵡⴰⵎⵓⵏ, ⴷ ⵜⵎⵔⴰⵔⵓⵜ ⴼ ⵉⵅⵎⵎⵉⵎⵏ, ⴷ ⵓⵙⵔⵓⵙ ⵏ ⵜⵉⵢⵢⴰⴼⵓⵜⵉⵏ ⴷ ⵉⵙⵖⵍⴰⴼ, ⵙ ⵢⴰⵜ ⵜⵣⵔⴰⵡⵜ ⵜⴰⵎⴰⵙⵙⴰⵏⵜ ⵉⴷⵓⵙⵏ, ⵍⵍⵉⵖ ⵏⴼⵔⴽ ⵙ ⵜⵉⵍⴰⵍⵜ ⵏ ⵜⵓⵙⵙⵏⴰ ⴷ ⵓⵔⵣⵣⵓ ⵉⵎⴰⵙⴰⵏ ⴳ ⵓⵙⴽⵔ ⵏ ⵜⵣⵣⵉⴳⵣⵜ ⴷ ⵜⴳⵎⵉ ⴷ ⵓⴱⵓⵖⵍⵓ ⵏ ⵜⵎⵜⵜⵉⵡⵉⵏ.
ⵉⵙⴷⴷⵉⴷ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵎⴰ ⵏⵎⵎⴰⵖ ⴰⴷ ⵜⴼⴼⵖ ⵜⵣⵔⴰⵡⵜ ⴰⴷ ⵜⴰⵙⵓⵙⵢⵓⵍⵓⵊⵉⵜ ⵜⴰⵏⴰⵎⵓⵔⵜ, ⵍⵍⵉ ⵉⴳⴰⵏ ⵜⴰⵎⵣⵡⴰⵔⵓⵜ ⵉⵜⵜⵓⵙⴽⴰⵔⵏ ⴳ ⵓⵎⵣⵔⵓⵢ ⵏ ⵜⵎⵔⵙⵍⵜ ⵜⴰⴱⵕⵍⴰⵎⴰⵏⵉⵜ ⵙⴳ 1963, ⴰⵢⵍⵍⵉ ⵉⵎⵎⴰⵍⴰⵏ ⵉⵙ ⵏⵎⵎⴰⵖ ⴼ ⵡⴰⵜⵉⴳⵏ ⵍⵍⴰⵏⵉⵏ ⴳ ⵡⴰⵎⵓⵏ ⵏⵏⵖ ⴰⵎⵖⵔⵉⴱⵉ, ⴷ ⵎⴰⵙ ⵇⵇⵍⵏ ⵎⴰⵕⵕⴰ ⵏ ⵉⵏⵎⵓⵔⴰⵏ ⴷ ⵜⵏⵎⵓⵔⴰⵜⵉⵏ ⵙⴳ ⵜⵉⵎⵔⵙⴰⵍ ⴷ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ, ⵖⵎⴽ ⵍⵍⵉ ⵜⴳⴰ ⵢⴰⵜ ⵜⴼⵍⵡⵉⵜ ⵉⵏⵏⵓⵕⵥⵎⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵏⵢⴰⵍⴽⴰⵎ ⵊⴰⵔ ⵉⵎⵖⵔⵉⴱⵉⵢⵏ ⴷ ⵡⴰⵎⵎⴰⵙⵏ ⵏ ⵓⵙⴽⵔ ⵏ ⵜⵖⵜⴰⵙⵜ ⴳ ⵜⵣⵡⵉⵔⵉ ⵏⵏⵙⵏ ⴰⵙⵇⵇⵉⵎ ⵏ ⵉⵎⵓⵔⴰ. ⵢⵉⵏⵉ ⵓⵍⴰ ⵎⴰⵙ ⵉⵙⵙⵏⵜⵉ ⵓⵙⴽⵔ ⵏ ⵜⵣⵔⴰⵡⵜ ⴰⴷ ⴳ ⵜⵙⵓⵖⵍⵜ ⵜⴰⵙⵉⵍⴰⵏⵜ ⵉⵍⵍⴰⵏ ⴳ ⵉⵙⵡⴰⵍⴰⵢⵏ ⵜⵜⴰⵡⴱⴷⴰⵔⵏⵉⵏ ⴳ ⵜⵉⵏⵏⴰⵡⵉⵏ ⴷ ⵜⴱⵔⴰⵜⵉⵏ ⵜⵉⴳⵍⴷⴰⵏⵉⵏ ⵜⵉⵎⴰⵜⵜⵓⵢⵉⵏ, ⴷ ⵎⴰⴷ ⵉⵍⵍⴰⵏ ⴳ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏ ⵓⵙⴳⴳⵯⴰⵙ ⵏ 2011 ⴳ ⵉⴱⴹⵉⵢⵏ ⴷ ⵡⴰⵜⵉⴳⵏ, ⵜⴰⵙⵉ ⴷ ⵓⵍⴰ ⵜⴰⴼⵍⵙⴰⴼⵜ ⵏⵏⵙ ⴳ ⵜⵉⵢⵢⴰⴼⵓⵜ ⵏ ⵉⵏⵇⵇⵉⵙⵏ ⵉⵏⴰⵎⵓⵔⵏ, ⴳ ⵉⵍⵍⴰ ⵓⵏⵇⵇⵉⵙ ⵏ ⵙⵎⵓ ⵎⵔⴰⵡ ⵏ ⵓⵙⴳⴳⵯⴰⵙ ⴷ ⵓⵏⵇⵇⵉⵙ ⵏ ⵜⵙⵇⵇⵉⵎⵜ ⵏ ⵡⴰⵏⴰⵡ ⵓⵏⴳⵉⵎ ⴰⵎⴰⵢⵏⵓ.
ⵜⵙⴷⴷⵉⴷ ⵎⴰⵙⵙⴰ ⵄⴰⵡⵟⵉⴼ ⵃⵉⵢⴰⵕ, ⵜⴰⵎⴰⵡⵙⴰⵙⵜ ⵏ ⵜⵡⵉⵣⵉ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⵓⵡⵊⴰ ⵎⴰⵙ ⵉⵙⵜⴰⵡⵀⵎⵎⴰ ⵉⵎⵔⵙⵉ ⵏ ⵓⵙⵎⵀⵍ ⴰⵎⵔⵙⵍⴰⵏ ⵏ ⵡⴰⵜⵉⴳⵏ ⴷ ⵜⵓⵙⵙⵏⴰ ⵏ ⵎⴰⵙ ⵇⵇⵍⵏ ⵉⵎⵖⵔⵉⴱⵉⵢⵏ ⴷ ⵉⵙⵡⴰⵍⴰⵢⵏ ⵏⵏⵙⵏ, ⵍⵍⵉⵖ ⵍⵍⴰⵏ ⵉⵙⵏⴼⵍⵏ ⴳⴳⵓⵜⵏⵉⵏ ⴳⴳⵓⵜⵏⵉⵏ ⴳ ⵓⵎⴰⴹⴰⵍ ⵏ ⵖⵉⵍⴰⴷ ⵍⵍⵉ ⵣⴷⵉⵏⵉⵏ ⴷ ⵜⵎⴰⴹⴰⵍⴰⵏⵜ ⴷ ⵎⴰⴷ ⴷⵉⵙ ⵉⵣⴷⵉⵏ ⵣⴷⵉⵏⵉⵏ ⴷ ⵓⵙⵏⴼⵍ ⵏ ⵓⵙⵏⴼⵍ ⵏ ⵜⵓⴷⵔⵜ ⵏ ⵉⵡⴷⴰⵏ, ⵜⵉⵏⵉ ⵎⴰⵙ ⴷ ⵉⵇⵇⴰⵏ ⵓⵍⵜⴰⵖ ⵏ ⵉⴳⵔⴰⵏ ⵓⵏⴱⵉⴹⵏ ⴷ ⵜⵎⵔⵙⴰⵍ ⴷ ⵜⵎⵙⵎⵓⵏⵉⵏ ⵜⵉⵖⵔⵎⴰⵏⵉⵏ ⴳ ⵡⴰⵏⴰⵡ ⵏ ⵜⵙⵏⵜⴰⵢⵉⵏ ⴰⴷ.
ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰⵙ ⵉⵙⵕⵚⴰ ⵍⵎⵖⵔⵉⴱ ⵜⴰⴷⵍⵙⴰ ⵏ ⵡⴰⵜⵉⴳⵏ ⵙ ⵓⵙⵏⴰⵍ ⴷ ⵓⵙⵎⵀⵍ ⴰⵎⵔⵙⵍⴰⵏ, ⴰⵢⵍⵍⵉ ⴼ ⵏⵉⵜ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴳ ⵉⵏⴰⵡ ⴰⵎⴰⵜⵜⵓⵢ ⵏ ⵓⵕⵕⵣⵓⵎ ⵏ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⴰⵣⵣⵔⴰⴼ ⵡⵉⵙ ⵙⵎⵎⵓⵙ ⵏ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ ⵎⵔⴰⵡⵜ ⴳ ⴽⵟⵓⴱⵕ ⵍⵍⵉⵖ ⵉⵏⵏⴰ ⵎⴰⵙ ⵉⴳⴰ ⵍⵎⵖⵔⵉⴱ ⵜⴰⵎⴰⵣⵉⵔⵜ ⵏ ⵜⵡⵉⵣⵉ ⴷ ⵓⵎⵛⴰⴱⴱⴰⴽ ⴰⵏⴰⵎⵓⵏ.
ⴳ ⵓⵙⵎⵏⵉⴷ ⵏ ⵜⵣⵔⴰⵡⵜ ⴰⴷ, ⵉⴼⴽⴰ ⵎⴰⵙⵙ ⵍⵎⵅⵜⴰⵕ ⵍⵀⵔⵔⴰⵙ ⴰⵙⵎⴰⵇⵇⵍ ⴳ ⵉⵙⴰⵡⵍ ⴼ ⵡⴰⵜⵉⴳ ⵏ ⵉⵎⵔⵙⵉ ⵏⵏⵙ ⴷ ⵜⵉⵍⴰⵍⵜ ⵏ ⵡⴰⵜⵉⴳⵏ ⴳ ⵓⵙⵡⵓⵜⵜⵓ ⵏ ⵜⵎⴰⴳⵉⵜ ⵏ ⵜⵎⵔⵙⵍⵜ ⴷ ⵓⵙⴷⵓⵙ ⵏ ⵓⵎⵛⴰⴱⴱⴰⴽ ⵏⵏⵙ ⵙ ⵜⵖⵜⴰⵙⵉⵏ ⴷ ⵜⵎⵙⴽⵔⵜ ⵏ ⵉⵎⵙⴽⴰⵔⵏ ⵉⵎⵔⵙⵍⴰⵏⵏ ⴷ ⵜⵓⵙⵙⵏⴰ ⵏ ⵜⴰⵏⵏⴰⵢⵢⵉⵏ ⴷ ⵜⵙⵔⵜⴰⵜⵉⵊⵉⵢⵉⵏ.
ⵉⵙⴰⵡⵍ ⵎⴰⵙⵙ ⵍⵀⵔⵔⴰⵙ ⴼ ⵓⴷⵎ ⴰⴽⴰⴷⵉⵎⵉ ⵏ ⵜⵎⴰⵎⴽⵜ ⵏ ⵓⵙⵜⴰⵢ ⴷ ⵓⵙⵎⵓⵏ ⵏ ⵜⵎⵓⵛⴰ, ⵖⵎⴽ ⵍⵍⵉ ⵉⴼⴽⴰ ⴰⵙⵎⴰⵇⵇⵍ ⴼ ⵓⵟⵟⵓⵏⵏ ⵍⵍⴰⵏⵉⵏ ⴳ ⵜⵣⵔⴰⵡⵜ ⴷ ⵎⴰⵙ ⵉⵣⵍⵉⵏ ⵙ ⵉⵙⵏⴼⵍⵏ ⵉⵏⴰⵎⵓⵏⵏ ⵍⵍⴰⵏⵉⵏ ⴳ ⵜⵓⵡⵊⴰ, ⴷ ⵜⵎⵥⵍⴰⵢ ⵣⴷⵉⵏⵉⵏ ⴷ ⵡⴰⵏⴰⵡ ⵏ ⵓⵙⴳⵎⵉ ⴷ ⵜⵉⵍⵉⵜ ⵏ ⵡⴰⵜⵉⴳⵏ ⴰⵎ ⵜⴰⵎⴰⵙⴰⵢⵜ ⴷ ⵓⵎⵙⴰⵡⴰⵍ ⴷ ⵓⵎⵙⵓⵔⵓⴼ
ⵖⵎⴽ ⵍⵍⵉ ⵉⴱⴷⴷ ⵎⴰⵙⵙ ⵍⵀⵔⵔⴰⵙ ⴼ ⵉⴳⴰⵏⵉⵜⵏ ⵙⴳ ⵜⵉⵎⵔⵙⴰⵍ, ⴰⵢⵍⵍⵉ ⵉⵍⵍⴰⵏ ⴳ ⵓⵙⴳⵎⵉ ⴼ ⵡⴰⵜⵉⴳⵏ ⴷ ⵓⵎⵛⴰⵡⴰⵕ ⴷ ⵓⵎⵢⴰⵡⴰⴷ ⵊⴰⵔ ⵉⵎⴷⵔⴰⵡⵏ ⵃⵎⴰ ⴷ ⵉⵍⵉⵏ ⵡⴰⵜⵉⴳⵏ ⵛⵛⴰⵔⵏⵉⵏ ⵊⴰⵔ ⵎⴰⵕⵕⴰ ⵏ ⵉⵎⵙⴽⴰⵔⵏ, ⵢⵉⵏⵉ ⵎⴰⵙ ⴷ ⵉⵇⵇⴰⵏ ⵓⵎⵙⴰⵙ ⴰⴽⴷ ⵜⵉⵎⵣⵍⴰⵢ ⵜⵉⴷⵍⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴷ ⵜⴷⵎⵙⴰⵏⵉⵏ ⵜⵉⴷⵖⴰⵔⴰⵏⵉⵏ ⴷ ⵜⵙⴳⴰⵡⴰⵏⵉⵏ.
ⴳ ⵎⴰⴷ ⵉⵥⵍⵉⵏ ⵙ ⵜⵓⵡⵊⴰ, ⵜⴱⴷⴷ ⵜⴰⵣⵔⴰⵡⵜ ⴼ ⵜⵓⵔⵓⵜ ⵏ ⵡⴰⵜⵉⴳⵏ ⵏ ⵓⵎⵛⴰⴱⴱⴰⴽ ⴰⵏⴰⵎⵓⵏ ⵎⴳⴰⵍ ⵏ ⵜⵉⵍⵉⵜ ⵏ ⵡⴰⵜⵉⴳⵏ ⵏ ⵚⴰⵃⴰ ⴰⵏⵉⵎⴰⵏ, ⵜⴻⵜⵜⵔ ⵜⵣⵔⴰⵡⵜ ⴰⴷ ⵜⵙⴽⵔ ⵜⵉⵏⵎⵍ ⵜⴰⵡⵡⵓⵔⵉ ⵏⵏⵙ ⵜⴰⵇⴱⵓⵔⵜ ⴳ ⵓⵎⵏⵉⴷ ⵏ ⵓⵎⵙⵓⵔⵓⴼ ⴷ ⵜⵎⵢⵉⴷⵉⵔⵜ ⴷ ⵓⵙⵡⵉⴳⵎ ⴰⴼⴰⵔⴰⵏ ⴷ ⵜⵡⵉⵣⵉ ⴷ ⵜⵍⴻⵍⵍⵉ ⵏ ⵓⵡⵏⵏⵉ.
ⵢⵉⵏⵉ ⵓⵍⴰ ⵎⴰⵙ ⴷ ⵉⵇⵇⴰⵏ ⴼ ⵜⵎⵔⵙⵍⵜ ⵏ ⵓⵙⵏⵖⵎⵙ ⴰⴷ ⵜⵙⵎⵀⵍ ⴰⵜⵉⴳⵏ ⵏ ⵜⵎⵎⵏⵏⴰⵡⵜ ⴷ ⵓⵙⵖⵣⵏ ⴷ ⵡⴰⴷⴰⵙ ⵙⴳ ⵉⵏⵎⵓⵔⴰⵏ, ⴷ ⴰⴷ ⵜⴳ ⵜⵙⴷⴰⵡⵉⵜ ⵜⵉⵎⵔⵙⵍⵜ ⵜⴰⵙⵉⵎⴰⵏⵜ ⵏ ⵓⵙⵎⵓⵜⵜⴳ ⵏ ⵓⴼⴳⴰⵏ ⴰⵏⵎⵓⵔⵉ ⵉⵥⴹⴰⵕⵏ ⵉ ⵓⵙⴼⵙⵉ ⴷ ⵓⵔⵎⴰⵙ ⴷ ⵓⴼⵔⴰⵏ.
ⵉⵙⴷⴷⵉⴷ ⵎⴰⵙⵙ ⵍⵀⵔⵔⴰⵙ ⵎⴰⵙ ⵜⴱⴻⴷⴷ ⵜⵣⵔⴰⵡⵜ ⴼ ⵡⴰⵜⵉⴳ ⵏ ⵜⴷⵍⵙⴰ ⵏ ⵓⵙⵖⵓⴷⵓ ⵏ ⵜⵎⵙⵙⵓⴳⵓⵔⵜ ⴷ ⵓⵙⵎⵀⵍ ⵏ ⵡⴰⵜⵉⴳⵏ ⴷ ⵜⵎⴰⵙⴰⵢⵜ ⴷ ⵓⵙⵡⵓⴷⴷⵓ ⵉⵥⵉⵍⵏ ⴳ ⵜⵎⵙⵙⵏⵜⴰⵢⵉⵏ ⴷ ⵓⵙⴳⵏⴰⴼ ⴰⴳⴷⵓⴷⴰⵏ ⴷ ⵜⵎⵔⵙⴰⵍ ⵢⴰⴹⵏⵉⵏ.
ⵉⵙⵎⵏⵉⴷ ⴰⵙⵎⴰⵇⵇⵍ ⴰⴷ ⵎⴰⵙ ⴷ ⵜⵇⵇⴰⵏ ⵜⵡⵡⵓⵔⵉ ⴳ ⵓⵙⵎⵀⵍ ⵏ ⵡⴰⵜⵉⴳⵏ, ⴰⵜⵉⴳⵏ ⴰⴷ ⵍⵍⵉ ⴷⵔⵓⵏ ⵉⵎⵖⵔⵉⴱⵉⵢⵏ ⵎⵇⵇⴰⵔ ⵉⵎⵣⵔⴰⵢⵏ ⵏⵏⵙⵏ, ⵢⵉⵏⵉ ⵎⴰⵙ ⵔⴰⴷ ⵣⵣⵉⴳⵣⵏ ⵉⵙⵏⴼⵍⵏ ⵏ ⵡⴰⵜⵉⴳⵏ ⵃⵎⴰ ⴰⴷ ⵎⵙⴰⵙⴰⵏⵜ ⴷ ⵡⴰⵜⵉⴳⵏ ⵉⵎⴰⴹⵍⴰⵏⵏ, ⵓⵔ ⴷ ⵉⵇⵇⴰⵏ ⴰⴷ ⵏⴼⵍ ⴰⵜⵉⴳⵏ ⵏⵏⵖ ⵉⵎⵣⵡⵓⵔⴰ, ⴷ ⵓⵔ ⵏⵥⴹⴰⵕ ⴰⴷ ⵏⴰⵎⵥ ⴳ ⵓⵙⵏⴼⵍⵏ ⵏ ⵡⴰⵜⵉⴳⵏ ⵉⵣⴷⵉⵏ ⴷ ⵓⴷⵔⵉⵣ ⵏ ⵜⵎⴰⴹⵍⴰⵏⵜ ⴷ ⵎⴰⴷ ⴷⵉⵙ ⵉⵣⴷⵉⵏ ⴳ ⵉⵎⵏⴰⴷⵏ ⴷ ⵜⵎⵏⵜⵍⵉⵏ ⵜⵉⴳⵔⴰⵖⵍⴰⵏⵉⵏ.