ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⵍ ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⴷ ⵜⵙⵓⵎⵔⵉⵏ ⵏ ⵉⵙⵍⴳⵏⵏ ⴼ ⵜⵉⴹⴰⴼ ⵜⴰⵥⵕⴼⴰⵏⵜ ⵏ ⵓⵡⴰⵏⴽ ⴷ ⵜⵙⴳⴳⵉⵡⵉⵏ ⵏ ⵜⵎⴳⵓⵔⵉ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 30 ⵉⵏⵏⴰⵢⵔ 2023, ⵜⴰⵙⵓⵎⵔⵜ ⵏ ⵓⵙⵏⴼⵍ ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⴷ ⵙⵉⵏ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵜⵉⴹⴰⴼ ⵜⴰⵥⵔⴼⴰⵏⵜ ⵏ ⵓⵡⴰⵏⴽ ⴳ ⵜⵓⵚⴽⵉⵡⵉⵏ ⵜⵉⵎⴰⵜⴰⵢⵉⵏ ⴷ ⵜⵙⴳⴳⵉⵡⵉⵏ ⵏ ⵜⵎⴳⵓⵔⵉ.

ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ, ⵜⵉⵖⵉⵎⵉⵜ ⵏ ⵓⵙⵜⴰⵢ ⵏ ⵓⵙⵏⴼⵍ ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵓⴳⵜ ⴷ ⵓⵙⴽⵛⵎ ⵏ 303 ⵏ ⵓⵙⵏⴼⵍ.

ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵜⵉⵎⵏⵜⵍⵉⵏ ⵏ ⵜⵖⵔⵉ ⴷ ⵓⵎⴹⴰⴽⴰⵕ ⵏ ⵉⵙⵏⴼⵍⵏ ⵏ ⵓⵏⴳⵔⴰⵡ ⴰⴳⵯⵏⵙⴰⵏ, ⵍⵍⵉ ⵉⴳⴰⵏ ⵢⴰⵏ ⵓⵙⴰⵡⵓⵔ ⵍⵍⵉ ⵔⴰⴷ ⵉⵙⵎⴰⵢⵏⵓ ⴰⵏⴳⵔⴰⵡ ⴰⴳⵯⵏⵙⴰⵏ ⴷ ⵓⵎⵙⴰⵙⴰ ⵏⵏⵙ ⴰⴽⴷ ⵜⴰⵣⵣⵉⴳⵣⵉⵏ ⵍⵍⴰⵏⵉⵏ ⴳ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ.

ⵢⵉⵏⵉ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⵜⴳⴰ ⵜⵙⵓⵎⵔⵜ ⴰⴷ ⵜⴰⵢⵢⴰⴼⵓⵜ ⵏ ⵜⵓⴳⴳⵯⴰⵙ ⵜⴰⵎⴳⵔⵓⵜ ⴷⴼⴼⵉⵔ ⵏ ⵜⵙⵎⵓⵏⴰⵢ ⵍⵍⵉⵖ ⵉⵜⵜⵓⴱⴷⴰⵔ ⵓⵏⴳⵔⴰⵡ ⴰⴳⵯⵏⵙⴰⵏ ⴳ ⴳ ⵜⴰⵎ ⵉⵎⴳⵔⴰⴷⵏ ⵏ ⵓⴷⵓⵙⵜⵓⵔ, ⴰⵢⵍⵍⵉ ⵉⵎⵎⴰⵎⴰⵍⵏ ⴰⵜⵉⴳ ⵏⵏⵙ ⵉⵙⵜⴰⵡⵀⵎⵎⴰⵏ.

ⵉⵣⵎⵎⵉⵎ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵎⴰⵙ ⴷ ⵉⵙⵏⴼⵍⵏ ⵍⵍⴰⵏⵉⵏ ⴼ ⵜⵙⵓⵎⵔⵜ ⴰⴷ ⵣⴷⵉⵏ ⴷ ⵓⴼⵔⴰⴽ ⴰⵎⴳⵔⵓ ⴷ ⵓⵏⴰⵔⵓⵣ ⵉⵛⵛⴰⵔⵏ ⵃⵎⴰ ⴰⴷ ⵉⵍⵉⵏ ⵉⵙⵏⴼⵍⵏ ⵍⵍⵉ ⵔⴰⴷ ⵉⵙⵎⵓⵙⵙ ⵜⴰⵡⵡⵓⵔⵉ ⵉⵛⵛⴰⵔⵏ  ⵙ ⵜⵉⵕⵡⵉ ⴷ ⵓⵙⵏⴼⵎⵓⵎ ⴷ ⵓⴼⵔⴰⴳ ⵏ ⵜⵎⵙⴽⴰⵔ ⵏ ⵉⴳⵏⵙⴰⵙⵏ ⵏ ⵜⵎⵜⵜⵉ.

ⵢⵉⵏⵉ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⵢⵓⵎⴰ ⵓⵏⴳⵔⴰⵡ ⴰⴳⵯⵏⵙⴰⵏ ⵎⴰⴷ ⵉⴳⴰⵏ ⵜⴰⵎⵔⴰⵡⵜ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ,  ⵉⵎⵎⴰⵖ ⴰⴷ ⵉⵙⵔⵙ ⵉⴼⵙⵙⴰⵢⵏ ⵉ ⵜⵎⵓⴽⵔⵉⵙⵉⵏ ⵍⵍⵉ ⵍⵍⴰⵏⵉⵏⵙ ⵓⵎⵙⴰⵙ ⴷ ⵓⵏⴰⵔⵓⵣ ⴰⵙⵔⵜⴰⵏ ⴷ ⵜⵓⵎⴰⵢⵉⵏ ⵏ ⵓⴷⵓⵙⵜⵓⵔ ⵍⵍⵉ ⴷ ⵉⵇⵇⴰⵏ ⵓⵡⵇⵇⵔ. ⵉⵙⵏⵉⵎⵎⵔ ⵓⵍⴰ ⵜⴰⵙⵇⵇⵉⵎⵜ ⵍⵍⵉ ⵉⵙⵔⵙⵏ ⵉⵙⵏⴼⵍⵏ ⴷ ⵜⵙⵇⵇⵉⵎⵜ ⵜⴰⵢⵢⴰⵡⵜ ⴷ ⵉⴳⵎⴰⵎⴰⵏ ⵏ ⵓⵙⵇⵇⵉⵎ.

ⴳ ⵜⵖⵉⵎⵉⵜ ⵢⴰⴹⵏⵉⵏ,  ⵍⵍⵉ ⵉⵙⵙⵉⵅⴼ ⵎⴰⵙⵙ ⵎⵓⵃⴰⵎⴰⵎⴷ ⵚⵚⴱⴱⴰⵕⵉ ⴰⵎⴰⵔⵉ ⵏ ⵓⵏⵙⵙⵉⵅⴼ ⴷ ⵜⵉⵍⵉⵜ ⵏ ⵎⴰⵙⵙ ⴼⴰⵡⵊⵉ ⵍⵇⵊⵄ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵜⵍⵜ ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ, ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙⵉⵏ ⵉⵙⵏⴼⴰⵔⵏ ⵏ ⵉⵙⵍⴳⵏⵏ.

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵓⴳⵜ ⴰⵙⵏⴼⴰⵔ ⵏ ⵓⵙⵍⴳⵏ 54.22 ⵉ ⵓⵙⵎⴰⴷ ⴷ ⵓⵙⵏⴼⵍ ⵏ ⵓⵙⵍⴳⵏ 69.00 ⴼ ⵜⵉⴹⴰⴼ ⵜⴰⵥⵕⴼⴰⵏⵜ ⵏ ⵓⵡⴰⵏⴽ ⴼ ⵜⵓⵚⴽⵡⵉⵏ ⵜⵉⵎⴰⵜⴰⵢⵉⵏ ⴷ ⵜⴳⵔⴰⵡⵉⵏ ⵢⴰⴹⵏⵉⵏ, ⵉⵡⴰⵜⵜⵙ ⴰⵙⵙⵔⵇⴱ ⵏ ⵓⵙⵙⴰⵔⵓ ⵉⵜⵜⵓⴱⴷⴰⵔⵏ ⴳ ⵉⵏⴰⵡⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⵍⵉⵖ ⵉⴳⴰ ⵓⵙⵙⴰⵔⵓ ⴰⴳⴷⵓⴷⴰⵏ ⵉⵎⵉⵙⵙ ⵉⵜⵜⴰⵡⵙⵏ ⴳ ⵓⵙⵎⵖⵔ ⴰⴷⵎⵙⴰⵏ ⴰⵏⴰⵎⵓⵔ ⴷ ⵓⴼⵔⴰⴳ ⵏ ⵜⵎⴰⴼⴰⵡⵜ.

ⵢⵉⵡⵉ ⴷ ⵓⴹⵕⵉⵚ ⴰⴷ ⴰⵙⵎⵖⵔ ⵏ ⵜⵡⵡⵓⵔⵉ ⵏ ⵓⵎⵕⵚⵓⵎ ⵏ ⵜⵎⵏⴰⵇⵇⴰⵙⵉⵏ ⵜⵉⴳⴷⵓⴷⴰⵏⵉⵏ ⴰⴼⴰⴷ ⴰⴷ ⵢⴰⵎⵓ ⵜⵉⴳⵔⴰⵡⵉⵏ ⵜⵉⴳⴷⵓⴷⴰⵏⵉⵏ ⵜⵉⵎⵙⵙⵓⴳⵓⵔⵉⵏ ⵍⵍⵉ ⵎⴰ ⵚⴰⵃⴰⵏ ⵉⴷⵔⵉⵎⵏ ⵉⴳⴷⵓⴷⴰⵏⵏ, ⴳⵎⴽ ⴰⵏⵏ ⴷ ⵜⵉⵍⵉⵜ ⵏ ⵓⵏⴳⵔⴰⵡ ⴰⵙⵖⵍⴰⵏ ⵉⵎⵓⵏⵏ ⴼ ⵓⵙⵡⵓⴷⴷⵓ ⵏ ⵜⵎⵏⴰⵇⵇⴰⵙⵉⵏ ⴰⴷ ⵃⵎⴰ ⴰⴷ ⵢⴰⵡⵙ ⵉ ⵉⵎⵙⴽⴰⵔⵏ ⵉⴷⵎⵙⴰⵏⵏ ⴳ ⵜⵡⵡⵓⵔⵉ ⵏⵏⵙⵏ.

ⵉⵙⵎⵓⵏ ⵓⴹⵕⵉⵚ ⴰⴷ ⴰⵣⵔⴼⴰⵏ ⴰⵙⵡⵓⴷⴷⵓ ⵏ ⵎⵙⵓⵖⵜ ⴰⴳⴷⵓⴷⴰⵏ ⵉ ⵎⴰⵕⵕⴰ ⵉⵎⵙⴽⴰⵔⵏ ⴷ ⵓⵙⵎⵓⵏ ⵏ ⵜⵎⵏⴰⵇⵇⴰⵙⵉⵏ ⵃⵎⴰ ⴰⴷ ⵉⵔⴰⵔ ⵉ ⵉⵙⵉⴳⴳⵉⵍⵏ ⵏ ⵉⵎⵙⴽⴰⵔⵏ ⵉⴷⵎⵙⴰⵏⵏ ⴳ ⵉⵙⵡⵉⵔⵏ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ.

ⵉⵍⵍⴰ ⵓⵍⴰ ⵓⵙⵜⴰⵢ ⵙ ⵜⵓⴳⵜ ⵏ ⵓⵙⵏⴼⴰⵔ ⵏ ⵓⵙⵍⴳⵏ 102.21 ⴼ ⵜⵙⴳⴳⵉⵡⵉⵏ ⵏ ⵜⵎⴳⵓⵔⵉ ⴳ ⵜⵉⵖⵔⵉ ⵜⵉⵙ ⵙⵏⴰⵜ, ⵉⵡⴰⵜⵜⵙ ⴰⵙⵓⵊⴷ ⵏ ⵜⵙⴳⴳⵉⵡⵉⵏ ⴰⴷ ⴷ ⵓⵙⵡⵓⴷⴷⵓ ⵏⵏⵙⵏⵜ ⴷ ⵓⵙⵓⵜⴳ ⵏⵏⵙⵏⵜ ⴷ ⵓⴼⵔⴰⴳ ⵏⵏⵙⵏⵜ ⵃⵎⴰ ⴰⴷ ⵜⵉⵍⵉ ⵜⴳⵎⵉ ⵜⴰⵎⴳⵓⵔⴰⵏⵜ ⵜⴰⵏⴰⵎⵓⵔⵜ ⵉⵕⵡⴰⵏ ⵙ ⵓⵎⵙⴰⵙⴰ ⵏ ⵜⵣⵔⴼⵜ ⵜⴰⴷⵖⴰⵔⴰⵏⵜ.

ⵉⵡⴰⵜⵜⵙ ⵓⵙⵏⴼⴰⵔ ⴰⴷ ⴰⵙⵙⵔⵇⴱ ⵏ ⵓⵙⵙⴰⵔ ⴰⵎⴳⵓⵔⴰⵏ ⵙ ⵓⵙⵓⵊⴷ ⵏ ⵡⴰⵢⴷⴰ ⴷ ⵓⵙⴷⵓⵙ ⵏ ⵓⵎⴰⵙⵙⵏ ⵉⵣⵔⴼⴰⵏⵏ ⴷ ⵓⵙⵡⵓⴷⴷⵓ ⵏ ⵜⵙⴳⴳⵉⵡⵉⵏ ⵏ ⵜⵎⴳⵓⵔⵉ.

ⵔⴰⴷ ⵢⴰⵡⵙ ⵓⵙⵏⴼⴰⵔ ⴰⴷ ⵓⵍⴰ ⴳ ⵓⵙⴷⵓⵙ ⵏ ⵓⵙⵙⴰⵔ ⵍⵍⵉ ⴱⴰⵀⵔ ⴰⵉⵣⵣⵉⴳⵣⵏ ⴳ ⵍⵎⵖⵔⵉⴱ ⴷ ⵓⵙⴷⵙⵓ ⵏ ⵜⵏⵏⵓⴱⴹⴰ ⵉⵥⵉⵍⵏ ⴳ ⵢⵉⴳⵔ ⴰⵎⴳⵓⵔⴰⵏ ⴷ ⵓⵙⴱⴷⴷⵉ ⵏ ⵜⴷⵎⵙⴰ ⵓⵔ ⵉⴳⴰⴷⴷⴰⵏ ⴷ ⵓⵎⵓⴽⵏ ⵏ ⵜⵎⵓⴽⵔⵉⵙⵉⵏ ⵍⵍⴰⵏⵉⵏ ⴷⴰⵜ ⵏ ⵓⵙⵙⴰⵔⵓ ⴰⵏⴰⵎⵓⵔ ⴷ ⵡⵉⵏ ⴱⵕⵕⴰ.