ⵜⵙⵙⵀⵔⵛ ⵜⴰⵎⵓⵏⵜ ⵏ ⵉⵙⵇⵇⵉⵎⵏ ⵏ ⵉⵡⴰⵏⴽⵏ ⴳ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ ⵜⴰⵖⵜⴰⵙⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵎⴳⴰⵍ ⵏ ⵍⵎⵖⵔⵉⴱ, ⵜⵙⵜⵉ ⴰⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ

ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵜⵙⵓⵜⵍⵜ ⵜⵉⵙ 17 ⵏ ⵜⴰⵎⵓⵏⵜ ⵉ ⵉⵙⵇⵇⵉⵎⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ ⵉⵍⵍⴰⵏ ⴳ ⴷⴷⵣⴰⵢⵔ ⴳ 26 ⴰⵔ 30 ⵉⵏⵏⴰⵢⵔ 2023, ⵜⵙⵎⴷ ⵙ ⵓⵙⵜⴰⵢ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵜⴰⵎⵓⵏⵜ. ⵜⴳⴰ ⵜⴷⵔⴰⵡⵜ ⴰⴷ ⴰⵎⵓⵔⵙ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵏ ⵍⵎⵖⵔⵉⴱ ⵙ ⵉⵏⵎⵓⵇⵇⴰⵔⵏ ⴰⴽⴷ ⵉⴱⵕⵍⴰⵎⴰⵏⵏ ⵏ ⵉⵡⴰⵏⴽⵏ ⵉⵎⴷⴷⵓⴽⴽⵯⴰⵍ, ⵢⵉⵍⵉ ⵓⵙⵙⵀⵔⵛ ⵏ ⵜⵖⵜⴰⵙⵜ ⵜⴰⵎⴳⴳⴰⵔⵓⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵎⵏⵉⴷ ⵏ ⵍⵎⵖⵔⵉⴱ ⴷ ⵜⴰⴳⵯⵉⵜ ⵏ ⵓⴽⵛⵎ ⵏⵏⵙ ⴳ ⵜⵖⴰⵡⵙⵉⵡⵉⵏ ⵜⵉⴳⵯⵏⵙⴰⵏⵉⵏ ⵏ ⵉⵡⴰⵏⴽⵏ ⵓⵙⵍⵉⵎⵏ, ⴳ ⵜⵣⵡⵉⵔⵉ ⵏⵏⵙⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ.

ⵢⵓⵣⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵍⵎⵖⵔⵉⴱ ⵢⴰⵜ ⵜⴱⵔⴰⵜ ⵉ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⴰⵎⵓⵏⵜ ⵏ ⵉⵙⵇⵇⵉⵎⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ ⵅⴼ ⵜⵎⵙⴰⵔⵜ ⵉⵍⵍⴰⵏ ⴳ ⵜⵖⵉⵎⵉⵜ ⵏ ⵓⵏⵏⵓⵕⵣⵓⵎ ⵏ ⵜⵙⵓⵜⵍⵜ, ⵖ ⵜⵍⵍⴰ ⵜⵉⵔⵎⵉⵜ ⵏ ⵜⵕⵥⵉ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⴽⵛⵓⵎ ⴳ ⵜⵖⴰⵡⵙⵉⵡⵉⵏ ⵜⵉⴳⵏⵙⴰⵏⵉⵏ ⵏ ⵜⵎⴰⵣⵉⵔⵜ ⵜⵓⵙⵍⵉⵎⵜ ⵉⴳⴰⵏ ⵜⴰⴳⵎⴰⵎⵜ ⴳ ⵜⴰⵎⵓⵏⵜ ⴰⴷ, ⵙⴳ ⵜⴰⴳⵏⵙⴰⵙⵜ ⵏ ⵜⵎⴰⴷⴷⴰⵙⵜ ⵜⴰⴱⵕⵍⴰⵎⴰⵏⵉⵜ ⵓⵔ ⵉⵍⵍⵉⵏ ⴳ ⵜⴰⵎⵓⵏⵜ.

ⵉⵙⵉⵙⴼⵉⵡ ⵓⵏⵙⵙⵉⵅⴼ ⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵍⵎⵖⵔⵉⴱ, ⵎⴰⵙⵙ ⵎⵓⵃⴰⵎⵎⴰⴷ ⵓⵣⵣⵉⵏ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙ ⴷ ⴰⵙⵏⵓⴱⴳ ⵏ ⵎⴰⵙⵙⴰ Gloria Florés ⵙⴳ ⵓⴱⵕⵍⴰⵎⴰⵏ ⴰⵏⴷⵉⵏⵉ ⴷ ⵜⵖⵓⵔⵉ ⵏⵏⵙ ⵃⵎⴰ ⴰⴷ ⵜⵉⵍⵉ ⴳ ⵜⵖⵉⵎⵉⵜ ⵏ ⵓⵏⵏⵓⵕⵥⵎ ⵙⴳ ⵜⵎⴰⵣⵉⵔⵜ ⵉⵙⵏⵓⴱⴳⵏ ⵜⴰⵙⵓⵜⵍⵜ ⴰ, ⵓⵔ ⴰⴷ ⵜⵜ ⵉⵜⵜⴰⵊⴰ ⴰⴷ ⵜⵙⴰⵡⵍ ⵅⴼ ⵉⵎⵔⵙⵉⵡⵏ ⵏ ⵜⵎⴰⴷⴷⴰⵙⵜⵓⵔ ⴽⵛⵎⵏⵉⵏ ⴳ ⵜⵎⵥⵍⴰⵢ ⵏ ⵜⵎⴰⴷⴷⴰⵙⵜ, ⴰⵢⵍⵍⵉ ⵉⵕⵥⵥⴰⵏ ⵉⵎⴰⵏ ⵏ ⵜⵡⵡⵓⵔⵉ ⵜⵓⵙⵍⵉⵎⵜ ⵉⵛⵛⴰⵔⵏ, ⴷ ⵜⵉⵕⵥⵉ ⵏ ⵉⵡⵜⵜⵜⴰⵙ ⴷ ⵜⵔⵙⴰⵍ ⵏ ⵜⴰⵎⵓⵏⵜ.  ⵓⵔ ⴷ ⵉⵇⵇⴰⵏⴰ ⴷ ⵜⵉⵍⵉ ⵜⴼⵉⵙⵙⴰⵙⵜ ⴼ ⵜⵎⵙⴽⴰⵔ ⴰⴷ, ⵉⵙⴷⴷⵉⴷ ⵓⴽⴰⴱⴰⵕ ⴰⵎⵖⵔⵉⴱⵉ ⴼ ⵜⴰⴳⵯⵉⵜ ⵏⵏⵙ ⵉ ⵜⵉⵏⵡⴰⵜ ⵏ ⵎⴰⵙⵙⴰ ⴰⴷ, ⵉⵖⵔ ⵉ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵉ ⵓⵙⵉⵜⵜⵉ ⵏ ⵜⵉⵏⵏⴰⵡⵜ ⵙⴳ ⵉⵏⵇⵇⵉⵙⵏ ⵏ ⵜⴰⵎⵓⵏⵜ ⵏ ⵉⵙⵇⵇⵉⵎⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ ⴷ ⵜⴻⵜⴳⴰⵔⵉⵏ ⵏⵏⵙ, ⵉⵖⵔ ⵉ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵃⴰⵎ ⴰⴷ ⵓⵔ ⵉⵜⵜⵓⵍⵙ ⵎⴰ ⵢⴰⴷ.

ⵢⵓⵎⴰ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ:

- ⵎⴰⵙⵙ ⵎⵓⵃⴰⵎⵎⴰⵙ ⵓⵣⵣⵉⵏ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ.

ⵉⴷ ⵎⴰⵙⵙ ⵉⴳⵎⴰⵎⵏ ⵏ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⴳ ⵜⵎⴰⴷⴷⴰⵙⵜ ⵜⴰⴱⵕⵍⴰⵎⴰⵏⵉⵜ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⵓⵙⵍⵉⵎ, ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⵉⴷ ⵎⴰⵙⵙ: ⵎⴰⵙⵙ ⵎⵓⵃⴰⵎⵎⴰⴷ ⵛⴱⴰⴽ, ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙⴰ ⵏⴰⵊⵡⴰ ⴽⵓⴽⴽⵓⵙ, ⵙⴳ ⵜⵔⴰⴱⴱⵓⵜ ⵏ ⵜⵣⵖⵕⵜ ⴷ ⵜⵎⴰⵜⵔⴰⵔⵜ, ⵎⴰⵙⵙ ⵅⴰⵍⵉⴷ ⵛⵛⵏⵏⴰⵇ, ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷⵢⵉⵙⴽⵉⵍ.

ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ:

- ⵎⴰⵙⵙ ⵄⴰⴱⴷⵍⴽⵔⵉⵎ ⵛⴰⵀⵉⴷ, ⵙⴳ ⵜⵔⴰⴱⴱⵓⵜ ⵜⴰⴷⵙⵜⴰⵔⵜ ⵜⴰⴷⵉⵎⵓⵇⵔⴰⵟⵉⵜ ⵜⴰⵏⴰⵎⵓⵏⵜ.

- ⵎⴰⵙⵙ ⵅⴰⵍⵉⴷ ⵙⵙⵟⵟⵉ, ⵙⴳ ⵜⴰⵎⵓⵏⵜ ⵜⴰⵏⴰⵎⵓⵔⵜ ⵉ ⵜⵡⵡⵓⵔⵉ ⴳ ⵍⵎⵖⵔⵉⴱ.