ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵎⴽⵕⴰⴹ ⴰⵙⵏⴼⴰⵔ ⵏ ⵓⵙⵍⴳⵏ ⴼ ⵓⵙⵇⵇⵉⵎ ⴰⵏⴰⵎⵓⵔ ⵉ ⵜⵏⵖⵎⴰⵙⵜ ⴷ ⵜⵙⵓⵎⵔⵉⵏ ⵏ ⵉⵙⵍⴳⵏⵏ ⴼ ⵓⵎⵢⴰⵡⴰⵙ ⵏ ⵜⵓⵡⵊⴰ ⴷ ⵜⵙⵎⵓⵔⵉⵜ ⵜⴰⵎⵖⵔⵉⴱⵉⵜ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 23 ⵉⵏⵏⴰⵢⵔ 2023, ⴰⵙⵏⴼⴰⵔ ⵏ ⵓⵙⵍⴳⵏ ⴼ ⵓⵙⵇⵇⵉⵎ ⴰⵏⴰⵎⵓⵔ ⵉ ⵜⵏⵖⵎⴰⵙⵜ ⴷ ⵜⵙⵓⵎⵔⵉⵏ ⵏ ⵉⵙⵍⴳⵏⵏ ⵣⴷⵉⵏⵉⵏ ⴷ ⴼⵏⵉⵇ ⵏ ⵓⵎⵢⴰⵡⴰⵙ ⵏ ⵜⵓⵡⵊⴰ ⴷ ⵜⵙⵎⵓⵔⵉⵜ ⵜⴰⵎⵖⵔⵉⴱⵉⵜ, ⴳ ⵜⵖⵉⵎⵉⵜⵉⵏ ⵜⵉⵣⵣⵔⴰⴼⵉⵏ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵙ ⵜⵉⵍⵉⵜ ⵏ ⵎⴰⵙⵙ ⵄⴰⴱⴷⵍⵍⴰⵟⵉⴼ ⵡⴰⵀⴱⵉ, ⴰⵎⴰⵡⵙⴰⵙ ⵏ ⵜⵣⵔⴼⵜ, ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⵏ ⵓⴱⵕⵍⴰⵎⴰⵏ ⴰⵎⵙⵙⵉⵡⵍ ⴰⵎⴰⴷⴷⵓⴷ ⵙ ⵉⵙⵎ ⵏ ⵜⵏⴱⴰⴹⵜ.

ⵉⵍⵍⴰ ⵓⵙⵖⵣⵏ ⵙ ⵓⵎⴽⵕⴰⴹ ⵏ ⵓⵙⵏⴼⴰⵔ ⵏ ⵓⵙⵍⴳⵏ 53.22 ⵉⴳⴰⵏ ⴰⵙⵖⵣⵏ ⵏ ⵓⵎⵕⵚⵓⵎ ⵙ ⵓⵙⵍⴳⵏ 2.22.770 ⵏ 9 ⵕⴰⴱⵉⵄ ⴰⵎⵣⵡⴰⵔⵓ 1444 (6 ⴽⵟⵓⴱⵕ 2022) ⵉⵥⵍⵉⵏ ⵙ ⵓⵙⵇⵇⵉⵎ ⴰⵏⴰⵎⵓⵔ ⵉ ⵜⵏⵖⵎⴰⵙⵜ. ⵢⵉⵡⵉ ⴷ ⴰⵙⵖⵣⵏ ⵏ ⵓⵎⵕⵚⵓⵎ ⵙ ⵓⵙⵍⴳⵏ 2.22.770 ⵉⵥⵍⵉⵏ ⵙ ⵓⵙⵔⵙ ⵏ ⵉⴱⴹⵉⵢⵏ ⵥⵍⵉⵏⵉⵏ ⵙ ⵓⵙⵇⵇⵉⵎ ⴰⵏⴰⵎⵓⵔ ⵉ ⵜⵏⵖⵎⴰⵙⵜ.

ⴰⵙⵍⴳⵏ ⴰⵎⵣⵡⴰⵔⵓ ⵓⵔ ⴳⵉⵙ ⵉⴱⴹⵉⵢⵏ ⵉⵣⵔⴼⴰⵏⵏ ⵍⵍⵉ ⴷ ⵇⵇⴰⵏⵉⵏ ⵉⵖ ⵓⵔ ⵍⵍⵉⵏ ⵉⵙⵜⴰⵢⵏ ⵖ ⵜⵉⵣⵉ,  ⴷ ⵓⵎⵙⴰⵙ ⵏ ⵜⵉⵣⵉ ⵏ ⵓⵙⵇⵇⵉⵎ ⴰⵏⴰⵎⵓⵔ ⵉ ⵜⵏⵖⵎⴰⵙⵜ ⵉⵖ ⵓⵔ ⵜⴰ ⵜⵍⵍⵉ ⵜⵙⵓⵜⵍⵜ ⵜⴰⵏⵎⵢⴰⵔⵜ ⵏ ⵓⴱⵕⵍⴰⵎⴰⵏ, ⴰⵢⵍⵍⵉ ⴷ ⴰⴷ ⵢⵉⵍⵉ ⵓⵎⵕⵚⵓⵎⵙ ⵓⵙⵍⴳⵏ ⵙ ⵓⵎⵙⴰⵙⴰ ⴷ ⵓⵎⵏⵏⵉ 81 ⵏ ⵓⴷⵓⵙⵜⵓⵔ.

ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵜⵉⵙ ⵙⵏⴰⵜ, ⵉⵍⵍⴰ ⵓⵙⵜⴰⵢ ⵙ ⵓⵎⴽⵕⴰⴷ ⵏ ⵜⵙⵓⵎⵔⵜ ⵏ ⵓⵙⵍⴳⵏ ⵉ ⵓⵙⵎⴰⴷ ⵏ ⵓⵎⵏⵏⵉ 11 ⵏ ⵓⴹⴰⵀⵉⵔ ⵛⴰⵔⵉⴼ 1.58.250 ⴼ ⵜⵙⵎⵓⵔⵉⵜ ⵜⴰⵎⵖⵔⵉⴱⵉⵜ, ⵉⴽⵛⵎⵏ ⴳ ⵓⵙⴽⵔ ⵏ ⵉⴱⴹⵉⵢⵏ ⵏ ⵓⴷⵓⵙⵜⵓⵔ ⴳ ⵎⴰⴷ ⵉⵥⵍⵉⵏ ⵙ ⵓⵙⵎⵀⵍ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉⴳⴰⵏ ⵜⵓⵜⵍⴰⵢⵜ ⵜⴰⵎⴰⴷⴷⵓⴷⵜ ⵏ ⵓⵡⴰⵏⴽ.

ⵜⵉⵡⵉⴷ ⵜⵙⵓⵎⵔⵜ ⵏ ⵓⵙⵍⴳⵏ ⴰⴷ ⴼ ⵜⴼⴰⴷⵉⵡⵉⵏ ⵏ ⵉⵎⵉⵥ ⵏ ⵜⵙⵎⵓⵔⵉⵜ ⵜⴰⵎⵖⵔⵉⴱⵉⵜ ⴳ ⵍⵍⴰⵏⵜ ⵜⴼⴰⴷⵉⵡⵉⵏ ⴰⵎ ⵜⴰⵣⴷⵓⵖⵜ ⴷ ⵜⵓⵙⵙⵏⴰ ⵉⵙⵎⴷⵏ ⵏ ⵜⵓⵜⵍⴰⵢⵉⵏ ⵜⴰⵄⵕⴰⴱⵜ ⴷ ⵜⵎⴰⵣⵉⵖⵜ ⵏⵖⴷ ⵢⴰⵜ ⴳⵉⵙⵏⵜ.

ⵉⵎⵙⴰⵙⴰ ⵓⴹⵕⵉⵚ ⴰⴷ ⴷ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴷ ⵓⵡⵇⵇⵔ ⵏ ⵉⵣⵔⴼⴰⵏ ⵍⵍⴰⵏⵉⵏ ⴳ ⵓⴷⵓⵙⵜⵓⵔ ⵙⵍⴰⵡⴰⵏ ⴰⴽⴽⵯ ⵉⵣⵔⴼⴰⵏ ⴷ ⵜⴷⵔⴼⵉⵢⵉⵏ ⵜⵜⴰⵡⵙⵙⴰⵏⵉⵏ ⴳ ⵓⵙⵡⵉⵔ ⴰⵎⴰⴹⵍⴰⵏ.

ⵉⵍⵍⴰ ⴳ ⵜⵖⵉⵎⵉⵜ ⴰⴷ ⵓⵍⴰ ⵓⵙⵜⴰⵢ ⵏ ⵜⵙⵓⵎⵔⵜ ⵏ ⵓⵙⵍⴳⵏ ⵉ ⵓⵙⵏⴼⵍ ⵏ ⵉⵎⵏⵏⵉⵜⵏ 2 ⴷ 4 ⴳ ⵓⵙⵍⴳⵏ 41.10 ⵉⵥⵍⵉⵏ ⵙ ⵓⴼⵏⵉⵇ ⵏ ⵓⵎⵢⴰⵡⴰⵙ ⵏ ⵜⵡⵓⵊⴰ.

ⵜⵎⵙⴰⵙⴰ ⵜⵙⵓⵎⵔⵜ ⴰⴷ ⴷ ⵎⴰⴷ ⵉⵍⵍⴰⵏ ⴳ ⵓⵙⵍⴳⵏ ⵏ ⵜⵓⵡⵊⴰ ⵜⴰⵎⵖⵔⵉⴱⵉⵜ, ⴳ ⵎⴰⴷ ⵉⵥⵍⵉⵏ ⵙ ⵜⵖⵔⴰⴷ ⴼ ⵉⴷⴰⵎⵎⵏ, ⴰⵢⵍⵍⵉⴷ ⵉⵇⵇⴰⵏ ⴼ ⵉⴷ ⴱⴰⴱⴰⵜⵙⵏ ⵎⵏⵉⴷ ⵏ ⵜⴰⵔⵡⴰ ⴷ ⴼ ⵜⴰⵔⵡⴰ ⵎⵏⵉⴷ ⵉⴷ ⴱⴰⴱⵜⵙⵏ (ⴰⵎⵏⵏⵉ 197).

ⵜⵡⴰⵜⵜⵙ ⵜⵙⵓⵎⵔⵜ ⴰⴷ ⴰⴷ ⵉⵚⵉⵃⵉ ⵓⵎⵢⴰⵡⴰⵙ ⵏ ⵜⵓⵡⵊⴰ ⵉ ⵉⴷ ⴱⴰⴱⵜⵙⵏ ⵓⵔ ⵟⵟⴰⴼⵏⵉⵏ ⵢⴰⵜ ⵙ ⵜⵎⵏⵜⵍⵉⵏ ⵜⵉⵏⴼⴳⴰⵏⵉⵏ ⴷ ⵜⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ.