ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴽⵕⴰⴹ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⵉⵎⴰⴷⴷⴰⵙⵏ ⴼ ⵜⵣⵔⴼⵜ ⴷ ⵜⴰⵔⴷⵙⵜⴰⵔⵜ ⵏ ⵉⵙⵍⴳⵏⵏ
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 2 ⵉⵏⵏⴰⵢⵔ 2023, ⴽⵕⴰⴹ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⵉⵎⴰⴷⴷⴰⵙⵏ ⵥⵍⵉⵏ ⵙ ⵜⵣⵔⴼⵜ ⴷ ⵜⴰⵔⴷⵙⵜⴰⵔⵜ ⵏ ⵉⵙⵍⴳⵏⵏ, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵉⵍⵉⵜ ⵏ ⵎⴰⵙⵙ ⵄⴰⴱⴷⵍⵍⴰⵟⵉⴼ ⵡⴰⵀⴱⵉ ⴰⵎⴰⵡⵙⴰⵙ ⵏ ⵜⵣⵔⴼⵜ ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ ⴰⵎⵙⵙⵉⵡⵍ ⴰⵎⴰⴷⴷⵓⴷ ⵙ ⵢⵉⵙⵎ ⵏ ⵜⵏⴱⴰⴹⵜ.
ⵙ ⵓⵎⴽⵕⴰⴹ, ⵉⵍⵍⴰ ⵓⵙⵜⴰⵢ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ 13.22 ⵉ ⵓⵙⵏⴼⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ ⴰⵎⴰⴷⴷⴰⵙ 100.13 ⴼ ⵓⵙⵇⵇⵉⵎ ⴰⵎⴰⵜⵜⵓⵢ ⵏ ⵜⵏⴱⴰⴹⵜ ⵜⴰⵣⵔⴼⴰⵏⵜ, ⴼ ⵓⵙⵖⵓⴷⵓ ⵏ ⵉⵙⵜⴰⵢⵏ ⵏ ⵉⴳⵏⵙⴰⵙⵏ ⵏ ⵉⵏⴱⴹⴰⵢⵏ ⴳ ⵓⵙⵇⵇⵉⵎ ⵍⵍⵉ ⵔⴰⴷ ⵉⵙⵔⵙ ⵜⵉⴼⴰⴷⵉⵡⵉⵏ ⴷ ⵉⵎⴰⵙⵙⵏ ⵥⵍⵉⵏⵉⵏ ⵙ ⵜⵓⵙⵙⵏⴰ ⵏ ⵉⵎⵏⴽⴰⴷⵏ ⵙ ⵎⴰⴷ ⵉⴹⵎⵏⵏ ⵜⴰⵏⴳⴰⴷⴷⴰⵢⵜ ⴷ ⵜⵎⵎⵓⵖⵔⴰ ⵏ ⵜⵣⵔⴼⵜ, ⵖⵎⴽ ⴰⵏⵏ ⵙ ⵓⵙⵖⵔⵜ ⵏ ⵓⵙⵇⵇⵉⵎ ⴷ ⵜⵎⵙⴽⴰⵔ ⵏⵏⵙ ⴷ ⵜⵉⵕⵡⵉ ⵏⵏⵙ, ⴷ ⵓⵣⵣⵔⴰⵢ ⵏ ⵉⵎⵉⵙⵙ ⴰⵣⵔⴼⴰⵏ ⵏ ⵓⵙⵔⵓⵙ ⵏ ⵜⵓⵚⴽⵉⵡⵉⵏ ⵜⵉⵎⵙⵙⵓⴳⵓⵔⵉⵏ ⴷ ⵜⵥⵕⴼⴰⵏⵉⵏ ⵏ ⵓⵙⵇⵇⵉⵎ ⴷ ⵓⵏⵛⴽ ⵏⵏⵙⵏⵜ ⴷ ⵜⵎⵥⵍⴰⵢ ⴷ ⵓⵙⵏⵎⴰⵍⴰ ⴷ ⵜⵎⴰⵎⴽⵉⵏ ⵏ ⵓⵙⵡⵓⴷⴷⵓ.
ⵉⵙⵙⵔⵉ ⵓⵙⵏⴼⴰⵔ ⴰⴷ ⵜⵉⴼⵔⴷⴰⵙ ⵏ ⵜⴳⵔⴰⵡⵜ ⵉⵛⴰⵔⵏ ⴳ ⵓⵣⴷⴰⵢ ⴳ ⵢⵉⴳⵔ ⵏ ⵜⵎⵙⵙⵓⴳⵓⵔⵜ ⵜⴰⵣⵔⴼⴰⵏⵜ ⵙ ⵓⵙⴷⵔⵓ ⵏ ⵜⵏⵙⵙⵉⵅⴼⵜ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ ⴷ ⵓⵙⵔⵙⵓⵙ ⵏ ⵉⵙⵍⴳⵏⵏ ⵉ ⵓⵙⵡⵓⴷⴷⵓ ⴰⵎⴰⵢⵏⵓ ⵏ ⵜⴱⵔⵉⴷⵜ ⵏ ⵓⵙⵜⴰⵢ ⵏ ⵉⵏⴱⴹⵉⵢⵏ ⵙⵡⵓⵔⵉⵏⵉⵏ ⴳ ⵜⵎⵙⵇⵇⴰⴷⵉⵏ ⵏ ⵜⴳⵍⴷⵉⵜ ⴳ ⴱⵕⵕⴰ ⵏ ⵉⵡⴰⵏⴽⵏ ⵍⵍⵉ ⵉⴷⵔⵓ ⵍⵎⵖⵔⵉⴱ ⴰⵎⵢⴰⵡⴰⵙ ⴰⵣⵔⴼⴰⵏ.
ⵖⵎⴽ ⵍⵍⵉ ⵉⵍⵍⴰ ⵓⵙⵜⴰⵢ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵎⴰⴷⴷⴰⵙ 14.22 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ ⴰⵎⴰⴷⴷⴰⵙ 106.13 ⴼ ⵓⵏⴳⵔⴰⵡ ⴰⴷⵍⵙⴰⵏ ⵏ ⵉⵏⴱⴹⴰⵢⵏ, ⴳ ⵎⴰⴷ ⵉⵥⵍⵉⵏ ⵙ ⵜⴳⵔⴰⵡⵜ ⵏⵏⵙⵏ ⴷ ⵜⴼⴰⴷⵉⵡⵉⵏ ⵏ ⵜⵣⵣⵓⵍⵜ ⴷ ⵉⵣⵔⴼⴰⵏ ⴷ ⵓⵛⵛⵉⵍⵏ ⵏ ⵉⵏⴱⴹⴰⵢⵏ ⴷ ⵉⵙⵓⵔⵙⵏ ⴷ ⵉⵏⴳⵔⴰⵡⴱ ⵥⵍⵉⵏ ⴷ ⵓⵙⵡⵓⴷⴷⵓ ⵏ ⵜⵣⵣⵓⵍⵜ.
ⵔⴰⴷ ⵢⴰⵡⵙ ⵓⵙⵏⴼⴰⵔ ⴰⴷ ⴳ ⵓⵙⴽⵔ ⵏ ⵜⵉⵔⴰⵜ ⵜⴰⴳⵍⴷⴰⵏⵜ ⵉⵜⵜⴰⵡⴱⴷⴰⵔⵏ ⴳ ⵉⵏⴰⵡⵏ ⵉⴳⵍⴷⴰⵏⵏ ⴷ ⵜⴱⵔⴰⵜⵉⵏ ⵜⵉⴳⵍⴷⴰⵏⵉⵏ ⴰⵜⵜⵓⵢⵏⵉⵏ, ⴷ ⵓⵙⴽⵔ ⵏ ⵉⵙⵖⵍⴰⴼ ⵏ ⵓⵎⵇⵇⵏ ⵏ ⵓⵎⵓⴽⵏ ⵏ ⵓⵏⴳⵔⴰⵡ ⵏ ⵜⵣⵔⴼⵜ ⴷ ⵡⴰⵏⴰⵡ ⵓⵏⴳⵉⵎ ⴰⵎⴰⵢⵏⵓ.
ⵉⵙⴰⵡⵍ ⵓⵙⵏⴼⴰⵔ ⴰⴷ ⴼ ⵡⴰⵡⵜⴰⵢ ⵏ ⵜⵏⴰⴼⵜ ⵙⴳ ⴰⵙⴳⴳⵯⴰⵙ ⴰⵔ ⵙⵉⵏ ⵙ ⵓⵎⵙⴰⵙ ⵏ ⵓⵏⴱⴹⵉ ⵙⴳ 65 ⵏ ⵓⵙⴳⴳⵯⴰⵙ, ⴷ ⵔⴰⴷ ⵉⴳ ⵡⴰⵡⵜⴰⵢ ⵉⵜⵜⴰⵡⵉⵏ ⵙ ⵜⵏⴰⴼⵜ 75 ⵏ ⵓⵙⴳⴳⵯⴰⵙ ⴳ ⵓⴷⵖⴰⵔ ⵏ 70 ⵏ ⵓⵙⴳⴳⴰⵙ, ⵃⵎⴰ ⴰⴷ ⵢⵉⵍⵉ ⵚⴰⵃⴰ ⵙⴳ ⵜⵎⵓⵣⴰⵢⵉⵏ ⵜⵉⵣⵔⴼⴰⵏⵉⵏ ⵍⵍⵉⵖ ⴷⵔⵓⵙⵏ ⵉⵏⴱⴹⴰⵢⵏ ⴳ ⵓⵏⵛⴽ ⵏⵏⵙⵏ.
ⵖⵎⴽ ⵍⵍⵉ ⵉⵍⵍⴰ ⵓⵙⵜⴰⵢ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ 86.15 ⴼ ⵜⴼⴰⴷⵉⵡⵉⵏ ⴷ ⵜⵎⵙⴽⴰⵔ ⵏ ⵜⴰⵔⴷⵙⵜⴰⵔⵜ ⵏ ⵉⵙⵍⴳⵏⵏ, ⵍⵍⵉ ⴷ ⵢⵓⵣⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵜⵉⵖⵔⵉ ⵜⵉⵙ ⵙⵏⴰⵜ, ⵢⵉⵍⵉ ⵓⵙⵔⵙ ⵏ 12 ⵏ ⵓⵎⵏⵏⵉ ⴳ ⵓⵙⵍⴳⵏ ⴰⴷ.
ⵢⵉⵍⵉ ⴳ ⵉⵙⵏⴼⵍⵏ ⵜⵉⵎⵙⴽⴰⵔ ⵏ ⵓⵙⵔⵙ ⵏ ⵜⴰⵔⴷⵙⵜⴰⵔⵜ ⵏ ⵉⵙⵍⴳⵏ ⴷⴰⵜ ⵏ ⵜⵏⴱⴹⴰⵢⵜ ⵜⴰⴷⵙⵜⴰⵔⵜ ⴷ ⵓⵙⵉⵙⴼⵉⵡ ⵏ ⵜⴱⴷⵔⵉⴷⵜ ⵉⵍⵍⴰⵏ, ⴷ ⵜⵡⵡⵓⵔⵉ ⵉⵥⵍⵉⵏ ⵙ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ ⴳ ⵜⵖⴰⵡⵙⵉⵡⵉⵏ ⵜⵉⵖⵔⵎⴰⵏⵉⵏ ⴳ ⵜⴳⴰ ⵜⴰⵙⴳⴰ, ⵖⵎⴽ ⵍⵍⵉ ⵔⴰⴷ ⵓⵔ ⵜⵣⴱⴷⴷ ⵜⵏⴱⴹⴰⵢⵜ ⵜⴰⴷⵙⵜⴰⵔⵜ ⵜⵉⵎⵓⴽⵔⵉⵙⵉⵏ ⵣⴷⵉⵏⵉⵏ ⴷ ⵓⵙⵜⴰⵢ ⵏ ⵉⴳⵎⴰⵎⵏ ⵏ ⵓⴱⵕⵍⴰⵎⴰⵏ ⵉⵖ ⵣⴷⵉⵏⵜ ⴷ ⵓⵔⵣⵣⵓ ⵉⵣⴷⵉⵏ ⵙ ⵜⵡⵡⵓⵔⵉⵡⵉⵏ ⵏ ⵓⵙⵜⴰⵢ.