ⵉⵎⴹⴰⴽⴰⵕⵏ ⵏ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⵎⵙⵜⴰⵢⵏ ⵏ ⵓⴱⵕⵍⴰⵎⴰⵏ ⴷ ⵜⵏⴱⴰⴹⵜ ⵏ ⴼⵕⴰⵏⵚⴰ

ⵉⵎⴹⴰⴽⴰⵕ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ, ⴰⴽⵡⴰⵙ 8 ⴷⵓⵊⴰⵏⴱⵉⵔ 2022, ⴷ ⵜⵎⴰⵔⵉⵜ ⵜⴰⵎⵣⵡⴰⵔⵓⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ ⵎⴰⵙⵙⴰ  Valérie RABAULT ⴳ ⵓⵙⴰⵜⵉ ⵏ ⵓⴷⵔⴰⵡ ⴳ ⵓⵏⵎⵓⵇⵇⴰⵔ ⵍⵍⵉ ⵜⵙⵏⵎⴰⵍⴰ ⵜⵔⴰⴱⴱⵓⵜ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵢⵉⵙⴽⵉⵍ ⵊⴰⵔ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⴼⵕⴰⵏⵚⴰ.

ⵜⵙⵏⵓⴱⴳ ⵎⴰⵙⵙⴰ Isabelle ROME ⵜⴰⵎⴰⵡⵙⴰⵙⵜ ⵉⵜⵜⵓⵙⵎⴰⴳⴰⵍⵏ ⵙ ⵢⵉⵙⴽⵉⵍ ⵊⴰⵔ ⵜⵎⵖⴰⵔⵉⵏ ⴷ ⵉⵔⴳⴰⵣⵏ ⴷ ⵜⵎⵢⴰⵏⵏⴰⵡⵜ ⴷ ⵢⵉⵙⴽⵉⵍ ⴰⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ.

ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴼ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴼⵕⴰⵏⵚⴰ ⴷ ⵓⵙⴱⴷⴷⵉ ⵏ ⵜⴽⵕⴷⵉ  ⴼ ⵜⵎⵖⴰⵔⵉⵏ ⴷ ⵡⴰⵔⴰⵢ, ⵜⵉⵏⵉ ⵎⴰⵙ ⵉⴳⴰ ⵓⵔⵣⴰⴼ ⴰⴷ ⵜⴰⵎⵍⴷⴰ ⵏ ⵓⵙⵕⵚⵓⵓ ⵏ ⵉⵙⵏⴼⵍⵏ ⴷ ⵓⵎⵙⴰⵡⴰⵍ ⴼ ⵜⵎⵓⴽⵔⵉⵙⵜ ⴰⴷ ⵉⵙⵜⴰⵡⵀⵎⵎⴰⵏ.

ⵖⵎⴽ ⵍⵍⵉ ⵜⵙⵎⵏⵉⴷ ⵜⵎⴰⵡⵙⴰⵙⵜ ⵜⴰⴼⵕⴰⵏⵚⴰⵡⵉⵜ ⴰⵖⴰⵡⴰⵙ ⵏ ⵜⵏⴱⴰⴹⵟ ⵏ ⴼⵕⴰⵏⵚⵚ ⴳ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏⴷ ⵡⴰⵔⴰⵢ ⵏⵏⵙ ⴷ ⵉⵎⴰⵙⵙⵏ ⵏ ⵜⵙⵔⵜⴰⵢ ⵏ ⴼⵕⴰⵏⵚⴰ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵜⴽⵕⴷⵉ ⵎⴳⴰⵍ ⵏ ⵜⵎⵖⴰⵔⵉⵏ ⴷ ⵓⵙⴽⵔ ⵏ ⵜⵏⴳⴰⴷⴷⴰⵢⵜ ⴷ ⵢⵉⵙⴽⵉⵍ.

ⵉⵙⵎⵏⵉⴷ ⵓⴽⴰⴱⴰⵕ ⴰⵎⵖⵔⵉⴱⵉ ⵜⵉⵙⵔⵜⴰⵢ ⵜⵉⴳⴷⵓⴷⴰⵏⵉⵄⵏ ⵏ ⵜⴳⵍⴷⵉⵜ ⴳ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⴷ ⵡⴰⵔⴰⵢ ⵏⵏⵙ, ⵉⵣⵔⴼⴰⵏ ⵉⴷⵎⵙⴰⵏⵏ ⵏ ⵜⵎⵖⴰⵔⵉⵏ, ⴰⴹⴼⵕ ⵏ ⵉⵏⴳⴰⵙⵏ ⵏ ⵜⴽⵕⴹⵉ ⴷ ⵉⵣⵣⵔⴰⴼⵏ ⵍⵍⴰⵏⵉⵏ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⴷ ⵉⵎⴰⵙⵙⵏ ⵏ ⵓⵙⵉⴷⴼ ⵏ ⵜⵎⵖⴰⵔⵉⵏ.

ⵉⵙⴰⵡⵍ ⵓⴽⴰⴱⴰⵕ ⵓⵍⴰ ⴼ ⵓⵙⵎⵓⵙⵙⵓ ⴰⵏⴰⵎⵓⵏ ⴰⴳⴷⵓⴷⴰⵏ ⴷ ⵓⵖⵔⵎⴰⵏ ⵉ ⵡⴰⵔⴰⵢ ⵙⴳ ⵜⴽⵕⴹⵉ ⴷ ⵜⴽⵕⴹⵉ ⵜⴰⵎⵓⵟⵟⵓⵏⵜ, ⴷ ⵜⵎⵏⴰⴳⴰⵔⵜ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵉ ⵓⵙⴽⵔ ⵏ ⵢⵉⵙⴽⵉⵍ ⴷ ⵓⴹⴼⵕ ⵏ ⵜⵎⵖⴰⵔⵉⵏ ⴷ ⵉⵣⵔⴼⴰⵏ ⵍⵍⴰⵏⵉⵏ ⴳ ⵓⴷⵓⵙⵜⵓⵔ. ⵉⴱⴷⴷ ⵓⵍⴰ ⴼ ⵡⴰⵜⵉⴳ ⵏ ⵜⵎⵙⴰⵙⵜⵍⵜ ⵉⵍⵍⴰⵏ ⵙ ⵡⴰⵏⴰⵡ ⴰⵏⴰⵎⵓⵏ ⴳ ⵓⵙⴽⵔ ⵏ ⵜⵏⴳⴰⴷⴷⴰⵢⵜ ⴷ ⵓⵙⵉⴷⴼ ⵏ ⵜⵎⵖⴰⵔⵉⵏ ⴷ ⵓⵙⴽⵔ ⵏ ⵉⵣⵔⴼⴰⵏ ⵏⵏⵙⵏⵜ ⵉⴷⵎⵙⴰⵏⵏ.

ⵉⵣⵉⵎⴹⴰⴽⴰⵕ ⵓⴽⴰⴱⴰⵕ ⴰⵎⵖⵔⵉⴱⵉ ⵓⵍⴰ ⴷ ⵎⴰⵙⵙ ⴽⴰⵔⵉⵎ ⴱⵏ ⵛⵛⵉⵅ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ ⵙⴳ ⵜⵙⴳⴰ ⴰⴷ, ⵢⵉⵍⵉ ⵓⵙⵎⵏⵉⴷ ⵏ ⵓⵎⵙⴰⵡⴰⵍ ⴷ ⵉⵙⵏⴼⵍⵏ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵜⵉⵍⴰⵍⵜ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵔⵍⴰⴰⵎⵏⵉⵜ ⴳ ⵓⵙⴽⵔ ⵏ ⵓⵎⵢⴰⵙ ⴳ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ.

ⵉⵎⴹⴰⴽⴰⵕ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴷ ⵎⴰⵙⵙⴰ ⵜⴰⵎⴰⵔⵉⵜ ⵏ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⴰ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ, ⵢⵉⵍⵉ ⵓⵙⵎⵏⵉⴷ ⵏ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴷ ⵜⵉⵍⴰⵍⵜ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⴱⴷⴷⵏⵉⵏ ⴼ ⵜⵎⵢⵉⵍⴰⵏⵜ ⴷ ⵚⴰⵃⴰ ⵓⴷⴷⵉⵔ ⵏ ⵜⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ.

ⵓⵎⴰ ⴰⴽⴰⴱⴰⵕ ⴰⴷ ⴰⵎⵖⵔⵉⴱⵉ ⵉⴷⵔⵓⵏ ⴳ ⵓⵙⴰⵜⵉ ⵏ ⵓⵙⵏⴼⴰⵔ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵜⵏ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵎⵓⵏⵜ ⴰⴷ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵛⵉⴽ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⴱⵉⵍⵊⵉⴽ ⵍⵍⵉ ⵜⵙⵏⴰⵍ ⵜⴰⵎⵓⵏⵜ ⵏ ⵓⵕⵓⴱⴱⴰ : ⵎⴰⵙⵙⴰ ⵏⴰⴷⵢⴰ ⵜⵓⵀⴰⵎⵉ (ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⴰⵔⴰⴱⴱⵓⵜ ⵏ ⵜⴳⵎⵉ ⴷ ⵜⵙⵔⵎⵓⵏⵜ), ⵎⴰⵙⵙⴰ ⵉⵍⵀⴰⵎ ⵙⵙⴰⵇⵉ (ⵜⴰⵏⴼⵍⵓⵙⵜ ⵏ ⵓⵙⵇⵇⵉⵎ, ⵜⴰⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ), ⵎⴰⵙⵙ ⵉⴷⵔⵉⵙ ⵛⵕⴰⵢⴱⵉ (ⵜⴰⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ), ⵎⴰⵙⵙⴰ ⵙⴰⵍⵡⴰ ⴷⴷⵎⵏⴰⵜⵉ (ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ), ⵎⴰⵙⵙⴰ ⵣⴰⵢⵏⴰⴱ ⴰⵎⵀⵔⵓⵇ (ⵜⴰⵔⴰⴱⴱⵓⵜ ⵜⴰⵃⴰⵔⴰⴽⵉⵜ), ⵎⴰⵙⵙⴰ ⵃⴰⴽⵉⵎⴰ ⵙⵃⴰⵇⵉ (ⵜⴰⵔⴰⴱⴱⵓⵜ ⵜⴰⴷⵙⵜⴰⵔⵜ ⵜⴰⴷⵉⵎⵓⵇⵔⴰⵟⵉⵜ ⵜⴰⵏⴰⵎⵓⵏⵜ).