ⵉⵙⵎⵏⵉⴷ ⵓⴽⴰⴱⴰⵕ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ ⵉⵎⵓⴽⵏⵏ ⵉⵅⴰⵜⴰⵔⵏ ⵏ ⵍⵎⵖⵔⵉⴱ

ⵉⵎⴹⴰⴽⴰⵕ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 06 ⴷⵓⵊⴰⵏⴱⵉⵔ 2022, ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⴼⵕⴰⵏⵚⴰⵡⵉⵜ ⴷ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵢⵉⵙⴽⵉⵍ ⵊⴰⵔ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⴳ ⵜⵎⵚⵕⵉⵜ ⵏ ⵉⵣⴷⴰⵔ ⵏ ⵉⴱⵕⵍⴰⵎⴰⵏ ⵏ ⴼⵕⴰⵏⵚⴰ.

ⵉⵙⵎⵏⵉⴷ ⵓⴽⴰⴱⴰⵕ ⴰⵎⵖⵔⵉⴱⵉ ⵉⵎⵓⴽⵏⵏ ⵏ ⵍⵎⵖⵔⵉⴱ ⴳ ⵙⵏⴰⵜ ⵜⵎⵔⴰⵡⵉⵉⵏ ⵣⵔⵉⵏⵉⵏ ⴳ ⵓⵎⵏⵉⴷ ⵏ ⵜⵏⴳⴰⴷⴷⴰⵢⵜ ⵊⴰⵔ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⴷ ⵓⴼⵔⴰⴳ ⵏ ⵜⵓⵡⵊⴰ ⴷ ⵓⵙⵎⵖⵔ ⴰⴷⵎⵙⴰⵏ ⵏ ⵜⵎⵖⴰⵔⵉⵏ ⵃⵎⴰ ⴰⴷ ⵉⵍⵉⵏⵉⵜ ⴳ ⵜⵎⴰⵙⴰⵢⵉⵏ ⴷ ⵜⵎⵔⵙⴰⵍⵜ ⵜⵜⴰⵡⵙⵜⴰⵢⵏⵉⵏ.

ⴳ ⵉⵎⴹⴰⴽⴰⵕⵏ ⴷⴰⵜ ⵏ ⵜⵔⴰⴱⴱⵓⵜ ⴰⴷ ⵍⵍⵉ ⵜⵙⵙⵉⵅⴼ ⵎⴰⵙⵙⴰ Véronique RIOTTON ⵙⴳ ⵓⴽⴰⴱⴰⵔ ⵏ ⵓⵙⵎⵖⵔ ⵉⴳⴰⵏ ⵡⵉⵏ ⵜⵓⴳⵜ ⴳ ⴼⵕⴰⵏⵚⴰ,  ⵉⵙⵎⵏⵉⴷ ⵓⴽⴰⴱⴰⵕ ⴰⵎⵖⵔⵉⴱⵉ ⵏ ⵜⵎⵖⴰⵔⵉⵏ ⵉⵎⵓⴽⵏⵏ ⵍⵍⵉ ⵉⵙⴽⵔ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ ⵉ ⵓⴼⵔⴰⴳ ⵏ ⵜⵎⵖⴰⵔⵉⵏ ⴷ ⵉⵙⵍⴳⵏⵏ ⵍⵍⴰⵏⵉⵏ ⴷ ⵉⵎⴰⵙⵙⵏ ⵉⵎⵔⵙⵍⴰⵏⵏ ⵏ ⵓⵙⵔⵓⵙ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ. ⵉⵍⵍⴰ ⵓⵙⵎⵏⵉⴷ ⵏ ⵓⵙⵍⴳⵏ ⵏ ⵜⵓⵡⵊⴰ ⵏ ⵏ2004 ⵍⵍⵉ ⵉⵙⵖⵣⵏ ⵓⴱⵕⵍⴰⵎⴰⵏ ⴷⴼⴼⵉⵔ ⵏ ⵓⵎⵙⴰⵙⴰ ⴷ ⵓⵎⴽⵕⴰⴹ, ⴰⵙⵍⴳⵏ ⴰⴷ ⵍⵍⵉ ⵉⵙⴽⵔⵏ ⴰⵎⵢⴰⵙⴰ ⴳ ⵜⵓⵡⵊⴰ  ⵉⵙⵔⵙ ⵓⵍⴰ ⵜⴰⵎⴰⵙⴰⵢⵜ ⵉⵛⵛⴰⵔⵏ ⵊⴰⵔ ⵜⵉⵎⵖⴰⵔⵉⵏ ⴷ ⵉⵔⴳⴰⵣⵏ ⴳ ⵓⵙⵡⵓⴷⴷⵓ ⵏ ⵜⵓⵡⵊⴰ. ⴰⵙⵍⴳⵏ ⴰⴷⴷ ⵍⵍⵉ ⵉⴳⴰⵏ ⴰⵣⵣⵔⴰ ⴰⵎⵣⵡⴰⵔⵓ ⴳ ⵓⵎⴰⴹⴰⵍ ⵏ ⵡⴰⵄⵕⴰⴱⵏ ⴷ ⵉⵎⵓⵙⵍⵎⵏ, ⵉⵙⴷⴷⵉⴷ ⵓⴽⴰⴱⴰⵕ ⴰⵎⵖⵔⵉⴱⵉ ⵜⵉⵖⵔ ⵏ ⴱⴰⴱ ⵏ ⵡⴰⴷⴷⵓⵔ  ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵓⵣⵣⵔⴰⵢ ⵏ ⴽⵔⴰ ⵏ ⵉⵎⵏⵏⵉⵜⵏ ⵏⵏⵙ ⴳ ⵉⵏⴰⵡ ⵏ ⵓⴷⴰⴱⵓ ⵏ 2022.

ⵉⵙⴰⵡⵍ ⵓⴽⴰⴱⴰⵕ ⴰⵎⵖⵔⵉⴱⵉ  ⴼ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵜⴰⵣⵣⴰⵏⵉⵏ ⵍⵍⴰⵏⵉⵏ ⴳ ⵓⴷⵓⵙⵜⵓⵔ ⴰⵎⵖⵔⵉⴱⵉ, ⴷ ⵜⵎⵔⵙⴰⵍ ⵍⵍⵉ ⴷ ⵢⵉⵡⵉ, ⵉⵙⵎⵏⵉⴷ ⵉⵙⵍⴳⵏⵏ ⴰⵎ ⵡⵉⵏ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ, ⴰⵙⴱⴷⴷⵉ ⵏ ⵓⵙⵖⵏⵣⵉ ⴳ ⵉⵡⴷⴰⵏ, ⴰⵙⵍⴳⵏ ⵏ ⵉⵎⵙⵡⵓⵔⵉⵢⵏ ⴳ ⵜⴳⵯⵎⵎⴰ. ⵉⴱⴷⵔ ⵉⵙⵡⵓⴷⴷⵓⵜⵏ ⵏ ⵓⴹⴼⵕ ⵏ ⵜⵎⵖⴰⵔⵉⵏ ⴳⴰⵏⵉⵏ ⵜⵉⵏⴳⴰⵙⵉⵏ ⵏ ⵜⴽⵕⴹⵉ  ⴷ ⵓⵙⴽⵔ ⵏ ⵢⴰⵜ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ, ⵉⵙⵓⵜⴳ ⵜⵉⵍⴰⵍⵜ ⵏ ⵡⴰⵎⵓⵏ ⴰⵖⵔⵎⴰⵏ ⴳ ⵎⴰⴷ ⵉⵥⵍⵉⵏ ⵙ ⵓⵙⴱⴷⵉ ⵏ ⵜⴽⵕⴹⵉ ⴰⴷ ⴷ ⵓⵙⵙⴼⵔⴽ ⴷ ⵜⵉⵍⴰⵍⵜ ⵏ ⵜⴳⵔⴰⵡⵉⵏ ⵜⵉⵖⵔⵎⴰⵏⵉⵏ ⴳ ⵓⴹⴼⵕ. ⵖⵎⴽ ⴰⵏⵏ ⵓⵍⴰ ⴰⵜⵉⴳ ⵏ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ 2005 ⵍⵍⵉ ⴷ ⵢⵉⵡⵉⵏ ⴰⵙⵉⴷⴼ ⵏ ⵜⵎⵖⴰⵔⵉⵏ ⴷ ⵓⵙⵔⵅⵓ ⵏ ⵓⵙⵙⵍⵎⴷ ⵏ ⵜⴼⵔⵅⵉⵏ.

ⵉⵙⴰⵡⵍ ⵓⴽⴰⴱⴰⵕ ⴰⵎⵖⵔⵉⴱⵉ ⴼ ⵜⵉⵍⴰⵍⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵉⴹⴰⴼ ⵏ ⵓⵙⴽⵔ ⵏ ⵉⵙⵍⴳⵏⵏ ⵣⴷⵉⵏⵉⵏ ⴷ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵜⵙⵏⵜⴰⵢⵉⵏ ⵜⵉⵣⵣⵔⴰⴼⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵓⵙⴽⵔ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⴼ ⵓⵙⴽⵔ ⵏ ⵓⵙⵍⴳⵏ 103.13 ⴼ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⴳ ⵓⵎⵏⵉⴷ ⵏ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ.

ⵖⵎⴽ ⵍⵍⵉ ⵉⵙⴰⵡⵍ ⵓⴽⴰⴱⴰⵕ ⴼ ⵉⵎⵉⵙⵙ ⵏ ⵜⵍⴳⴰⵎⵜ ⵜⴰⵏⴰⵎⵓⵔⵜ ⴷ ⵜⵍⴳⴰⵎⵉⵏ ⵜⵉⵙⴳⴰⵡⴰⵏⵉⵏ ⴳ ⵉⵙⵜⴰⵢⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵉⵍⵉⵜ ⵏ ⵜⵎⵖⴰⵔⵉⵏ ⴳ ⵓⴱⵕⵍⴰⵎⴰⵏ ⴷ ⵜⵉⵍⴰⵍ ⵏ ⵉⵙⵍⴳⵏⵏ ⵉⵎⵙⵜⴰⵢⵏ ⵣⴷⵉⵏⵉⵏ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴳ ⵓⵙⵉⵥⴹⵕ ⵏ ⵜⵎⵖⴰⵔⵉⵏ ⴳ ⵜⵉⵍⵉⵜ ⴳ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⵜⵉⴷⵖⴰⵔⴰⵏⵉⵏ ⴷ ⵜⵎⵏⴰⴹⵉⵏ ⴷ ⵜⵙⴳⴰⵡⴰⵏⵉⵏ.

ⴳ ⵓⵎⵏⵉⴷ ⵏⵏⵙ, ⵙⵓⵜⴳⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵕⴰⵏⵚⴰⵡⵉⵜ ⵉⵥⵍⵉⵏ ⵙ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⵉⵎⵓⴽⵏⵏ ⵏ ⵍⵎⵖⵔⵉⴱ ⵉ ⵜⵉⵍⵉⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵉⵎⵓⴽⵏⵏ ⵉⴷⵙⵜⴰⵔⵏ ⴷ ⵉⵎⵔⵙⵍⴰⵏⵏ ⵏ ⵜⴳⵍⴷⵉⵜ, ⵙⴷⴷⵉⴷⵏ ⴼ ⵓⵎⵙⴰⵡⴰⵍ ⴷ ⵓⵙⵏⴼⵍ ⵊⴰⵔ ⵜⴰⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⴼⵕⴰⵏⵚⴰⵡⵉⵜ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵎⵏⵉⴷ ⴰⴷ.

ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵎⴰⵙ ⵉⵙⴽⵔ ⵍⵎⵖⵔⵉⴱ ⵜⴰⵙⵔⵜⵉⵜ ⵏ ⵜⵉⵔⴰⵜ ⴳ ⵓⵎⵏⵉⴷ ⵏ ⵜⵎⵙⴰⵙⵜⵍⵜ ⵏ ⵓⵏⴰⵡⴰ ⴰⵏⴰⵎⵓⵏ ⵃⵎⴰ ⴰⴷ ⵉⵍⵉⵏ ⵉⵣⵔⴼⴰⵏ ⵉⴷⵎⵙⴰⵏⵏ ⵏ ⵜⵎⵖⴰⵔⵉⵏ.

ⵙⴷⴷⵉⴷⵏ ⵉⴱⵕⵍⴰⵎⴰⵏⵉⵢⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⴼ ⵜⵓⵎⴰⵢⵜ ⵏ ⵓⴷⵙⵓⵜⵓⵔ ⴰⵎⵖⵔⵉⴱⵉ ⵉⵥⵍⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵣⵔⴼⴰⵏ ⵏ ⵜⵎⵖⴰⵔⵉⵏ.

ⵉⵍⵍⴰ ⵓⵎⴹⴰⴽⴰⵔ ⵓⵍⴰ ⴼ ⵓⵙⴽⵔ ⵏ ⵓⵙⴰⵢⵔⵓⵔ ⵏ ⵓⵎⵙⴰⵡⴰⵍ ⴰⴱⵕⵍⴰⵎⴰⵏⵉ ⵊⴰⵔ ⵉⴳⵎⴰⵎⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵉ ⵜⵣⵣⵉⴳⵣⵜ ⵏ ⵓⵎⵙⴰⵡⴰⵍ ⵊⴰⵔ ⵏⵏⵙⵏ.

ⵉⵙⴽⵔ ⵓⴽⴰⴱⴰⵕ ⴰⵎⵖⵔⵉⴱⵉ ⵉⵎⴹⴰⴽⴰⵕⵏ ⴷ ⵎⴰⵙⵙ ⴰⵏⴼⵍⵓⵙ ⴰⵎⴰⵜⴰⵢ ⴰⴱⵕⵍⴰⵎⴰⵏⵉ ⵙ ⵜⵎⵓⵔⴰ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵕⴰⵏⴽⵓⴼⵓⵏⵉⵜ ⵜⴰⴳⵎⴰⵎⵜ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⴼⵕⴰⵏⵚⴰⵡⵉⵜ, ⵉⵙⵓⵜⴳ ⵉⵎⵓⴽⴽⵏ ⵏ ⵍⵎⵖⵔⵉⴱ ⴷ ⵜⵡⵡⵓⵔⵉ ⵏⵏⵙ ⴳ ⵎⴰⵕⵕⴰ ⵏ ⵉⴳⵔⴰⵏ ⴷ ⵜⵉⵍⴰⵍⵜ ⵏ ⵡⴰⵎⵓⵏ ⴰⵖⵔⴰⵎⴰⵏ ⵙⵍⴰⵡⴰⵏ ⴰⴽⴽⵯ ⴳ ⵉⵣⵔⴼⴰⵏ ⵉⴷⵎⵙⴰⵏⵏ ⵏ ⵜⵎⵖⴰⵔⵉⵏ.

ⵖⵎⴽ ⵍⵍⵉ ⵉⵙⴰⵡⵍ ⴼ ⵜⵍⴰⵍⵜ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵕⴰⵏⴽⵓⴼⵓⵏⵉⵜ ⴷ ⵓⵙⵏⵓⴱⴳ ⵏ ⵎⵏⵏⴰⵡⵜ ⵜⵙⵎⵓⵏⴰⵢ ⵜⵉⵎⵔⵙⵍⴰⵏⵉⵏ.

ⵢⵓⵎⴰ ⴰⴽⴰⴱⴰⵕ ⴰⴷ ⴰⵎⵖⵔⵉⴱⵉ ⵉⴷⵔⵓⵏ ⴳ ⵓⵙⴰⵜⵉ ⵏ ⵓⵙⵏⴼⴰⵔ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵜⵏ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵎⵓⵏⵜ ⴰⴷ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵛⵉⴽ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⴱⵉⵍⵊⵉⴽ ⵍⵍⵉ ⵜⵙⵏⴰⵍ ⵜⴰⵎⵓⵏⵜ ⵏ ⵓⵕⵓⴱⴱⴰ : ⵎⴰⵙⵙⴰ ⵏⴰⴷⵢⴰ ⵜⵓⵀⴰⵎⵉ (ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⴰⵔⴰⴱⴱⵓⵜ ⵏ ⵜⴳⵎⵉ ⴷ ⵜⵙⵔⵎⵓⵏⵜ), ⵎⴰⵙⵙⴰ ⵉⵍⵀⴰⵎ ⵙⵙⴰⵇⵉ (ⵜⴰⵏⴼⵍⵓⵙⵜ ⵏ ⵓⵙⵇⵇⵉⵎ, ⵜⴰⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ), ⵎⴰⵙⵙ ⵉⴷⵔⵉⵙ ⵛⵕⴰⵢⴱⵉ (ⵜⴰⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ), ⵎⴰⵙⵙⴰ ⵙⴰⵍⵡⴰ ⴷⴷⵎⵏⴰⵜⵉ (ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ), ⵎⴰⵙⵙⴰ ⵣⴰⵢⵏⴰⴱ ⴰⵎⵀⵔⵓⵇ (ⵜⴰⵔⴰⴱⴱⵓⵜ ⵜⴰⵃⴰⵔⴰⴽⵉⵜ), ⵎⴰⵙⵙⴰ ⵃⴰⴽⵉⵎⴰ ⵙⵃⴰⵇⵉ (ⵜⴰⵔⴰⴱⴱⵓⵜ ⵜⴰⴷⵙⵜⴰⵔⵜ ⵜⴰⴷⵉⵎⵓⵇⵔⴰⵟⵉⵜ ⵜⴰⵏⴰⵎⵓⵏⵜ).