ⵜⴰⴳⵓⵔⵉ ⵏ ⵎⴰⵙⵙⴰ ⵣⴰⵢⵏⴰ ⵉⴷⵃⵍⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⵏⵎⵓⵇⵇⴰⵔ ⵏ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ

ⵜⵉⵏⴳⴳⵯⴰ ⴷ ⵉⵏⴳⴳⵯⴰ ⵄⵣⵣⴰⵏⵉⵏ,

ⵉⴷ ⴱⴰⴱ ⵏ ⵜⵓⵎⵔⵜ ⵉⵎⵙⵇⵇⴰⴷⵏ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

 ⴰⵔ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵎⵓⵏⵜ ⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴰⵏⵎⵓⵇⵇⴰⵔ ⴰⴷ ⵉⴽⵛⵎⵏ ⴳ ⵓⵎⵏⴰⴹ ⵏ ⵓⵙⵙⴰⵏ ⵉⵎⴰⴹⵍⴰⵏⵏ ⴳⴰⵏⵉⵏ 16 ⵏ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ. ⴰⵢⵍⵍⵉ ⵉⴳⴰⵏ ⵜⴰⵎⵢⵓⵔⵜ ⴷⴰⵔ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵙⴳ ⵉⵙⴳⴳⵯⴰⵙⵏ ⴳ ⵓⵎⵏⴰⴹ ⵏ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⴷ ⵜⴼⵔⵅⵉⵏ.

ⴳ ⵜⵣⵡⵉⵔⵉ, ⴰⵔ ⵙⵔⵓⵏ ⵙⴱⵔⵔⴰⴽⵖ, ⴰⵔ ⵙⵓⵜⴳⵖ ⵜⴰⵎⴷⵔⴰⵡⵜ ⵉⵍⵍⴰⵏ ⵊⴰⵔⵏⵖ ⵍⵍⵉ ⵜⵙⵙⵥⵕⴼ ⵜⴰⵎⵓⵏⵜ ⵏ ⵓⵕⵓⴱⴱⴰ, ⴷⴰ ⵙⵏⵉⵎⵎⵔⵖ ⵜⵉⵏⴳⴳⵯⴰ ⵜⵉⴱⵕⵍⴰⵎⴰⵏⵉⵢⵉⵏ ⵙⴳ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴷ ⵎⴰⵙⵙⴰ ⵜⴰⵎⵙⵇⵇⴰⴷⵜ ⴷ ⵉⴷ ⵎⴰⵙⵙ ⵉⵎⵙⵇⵇⴰⴷⵏ ⵃⴰⴹⵕⵏⵉⵏ.

ⵜⵉⵏⴳⴳⵯⴰ ⴷ ⵉⵏⴳⴳⵯⴰ,

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ,

ⵜⵉⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⴷ ⵜⴼⵔⵅⵉⵏ ⵓⵔ ⵜⵥⵍⵉ ⵖⴰⵙ ⵙ ⵢⴰⵜ ⵜⵎⴰⵣⵉⵔⵜ ⵏⵖ ⵢⴰⵜ ⵜⴷⵍⵙⴰ, ⵎⴰⵛⵛ ⴰⵏⵛⴽ ⵏⵏⵙ ⴷ ⵡⴰⵏⴰⵡ ⵏⵏⵙ ⴷ ⵜⵖⴰⵔⵙⵉⵏ ⵏ ⵓⵙⴱⴷⴷⵉ ⵏⵏⵙ ⵥⵍⵉⵏⵜ ⴳ ⵉⵎⵏⴰⴹⵏ ⵉⴷⵍⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ, ⵓⵔ ⵉⴳⵉ ⵜⵉⵍⴰⵡⵜ ⵍⵍⵉ ⵓⵔ ⵏⵥⴹⴰⵕ ⴰⴷ ⵏⵙⴱⴷⴷ, ⵉⴳⴰ ⵜⵉⵎⵙⴽⵔⵜ ⵓⵔ ⵉⵔⵉ ⴰⵡⴷ ⵢⴰⵏ ⴳ ⵉⵣⵣⵣⵔⴰⴼⵏ ⴷ ⵉⵙⵍⴳⵏⵏ ⵉⵖⵔⵎⴰⵏⵏ.

ⴷⴰⵜ ⵏ ⵜⵢⵢⴰⴼⵓⵜⵉⵏ ⵏ ⵜⴽⵕⴹⵉ ⵀⵔⵛⵏⵉⵏ ⴼ ⵉⵏⴳⴰⵙⵏ ⵏⵏⵙ, ⵜⴻⵟⵟⴰⴼ ⵓⵍⴰ ⴰⵥⴰⵥⵓ ⴰⴷⵎⵙⴰⵏ ⵉⴳⴳⵓⵜⵏ, ⴷ ⵓⵥⴰⵥⵓ ⴼ ⵜⵏⵓⴼⴰ ⵜⴰⵎⴰⵜⴰⵢⵜ ⴷ ⵜⵉⵏ ⵜⵏⴼⵔⵓⵜ ⴷ ⵜⵉⵏ ⵜⵔⴼⵜ, ⵉⵙⵖⴰⵡⵙⴰ ⵜⵓⴳⴳⵯⴰⵙ, ⵖⵎⴽ ⴰⵏⵏ ⵓⵍⴰ ⴷ ⵓⴹⴼⵕ ⵏ ⵉⵏⴳⴰⵙⵏ ⴳ ⵉⴳⵔⴰⵏ ⵉⵏⴰⵎⵓⵏⵏ ⴷ ⵉⴱⵙⵉⴽⵓⵍⵓⵊⵉⵢⵏ.

ⵜⴳⴰ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⴷ ⵜⴼⵔⵅⵉⵏ ⵜⵉⵕⵣⵉ ⵏ ⵡⴰⴷⴷⵓⵔ ⴰⵏⴼⴳⴰⵏ, ⵖⵓⵔⵙ ⵉⴷⵔⵉⵣⵏ ⴼ ⵜⵓⴷⵔⵜ ⵏ ⵉⵏⴳⴰⵙⵏ ⴷ ⵓⴷⵖⴰⵔ ⵏⵏⵙⵏ, ⴰⵔ ⵉⵜⵜⴰⵡⵉ ⵙ ⵜⵉⵕⵥⵉ ⵏ ⵜⵓⵡⵊⴰ, ⵉⴳ ⵜⵉⵕⵥⵉ ⵏ ⵉⵣⵔⴼⴰⵏ ⵉⵏⴼⴳⴰⵏⵏ ⵉⴳⴰⵎⴰⵏⵏ ⵏ ⵜⵎⵖⴰⵔⵉⵏ.

ⵍⵍⵉⵖ ⵉⴳⴰ ⵓⴼⵔⴰⴳ ⵏ ⵉⵣⵔⴼⴰⵏ ⵉⵏⴼⴳⴰⵏⵏ ⵜⴰⵔⵙⵍⵜ ⵏ ⵓⵡⴰⵏⴽ ⴰⴷⵉⵎⵓⵇⵔⴰⵟⵉ, ⵉⴼⴽⴰ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵉ ⵉⵣⵔⴼⴰⵏ ⴰⴷ ⵓⴳⴳⴰⵔ ⵏ 30 ⵏ ⵓⵎⵏⵏⵉ, ⵖⵎⴽ ⴰⵏⵏ ⵓⵍⴰ ⴳ ⵜⵣⵡⴰⵔⵜ ⵏⵏⵙ. ⴳ ⵉⵣⵔⴼⴰⵏ ⴰⴷ ⵍⵍⴰⵏ ⵡⵉⵏ ⵜⵎⵖⴰⵔⵉⵏ ⴷ ⵉⴼⵔⵅⴰⵏ.

ⵍⵍⵉⵖ ⵜⵙⵖⵣⵏ ⵜⴳⵍⴷⵉⵜ ⵜⵓⵎⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⴷⵍⵙⴰ ⵜⴰⵎⴰⴹⵍⴰⵏⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵙⴽⵔ ⵓⴷⵓⵙⵜⵓⵔ ⴳ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵍⵍⵉ ⵉⵙⵖⵣⵏ ⵍⵎⵖⵔⵉⴱ, ⴳ ⵉⴱⴹⵉⵢⵏ ⵏ ⵓⴷⵓⵙⵜⵓⵔ ⴷ ⵜⵎⴰⴳⵉⵜ ⵜⴰⵏⴰⵎⵓⵔⵜ, ⴰⵜⵜⵓⵢⵏⵜ ⴼ ⵉⵣⵣⵔⴰⴼⵏ ⵉⵏⴰⵎⵓⵔⵏ, ⵉⵎⵎⴰⵖ ⴼ ⵓⵎⵙⴰⵙⴰ ⵏ ⵉⵣⵣⵔⴰⴼⵏ ⴰⴷ ⴷ ⵜⵎⵢⴰⵇⵇⴰⵏⵉⵏ ⴰⴷ ⵜⵉⴳⵔⴰⵖⵍⴰⵏⵉⵏ.

ⴳ ⵓⵎⵏⴰⴷ ⴰⴷ ⴰⴷⵉⵎⵓⵇⵔⴰⵟⵉ, ⵉⴼⵔⴳⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵍⵍⴰ ⵓⵥⵟⵟⴰ ⴰⵣⵔⴼⴰⵏ ⴷ ⵓⵣⵣⵔⴰⴼ ⴷ ⵓⵏⴳⵔⴰⵡ ⵉⵍⵍⴰⵏ ⴳ ⵍⵎⵖⵔⵉⴱ, ⴳ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⴷ ⵜⴼⵔⵅⵉⵏ ⴷ ⵓⵙⴱⴷⴷⵉ ⵏⵏⵙ, ⵉⵍⵍⴰ ⵓⵙⵍⴳⵏ ⵉⵣⴷⵉⵏ ⴷ ⵓⵙⴱⴷⴷⵉ ⵏ ⵓⵙⵖⵏⵣⵉ ⴳ ⵓⴼⴳⴰⵏ, ⴷ ⵓⵙⵡⵓⵜⵜⵓ ⵏ ⵜⴼⴰⴷⵉⵡⵉⵏ ⵏ ⵜⵡⵡⵓⵔⵉ ⴷ ⵓⵙⵡⵓⵔⵉ ⵣⴷⵉⵏⵉⵏ ⴷ ⵉⵎⵙⵡⵓⵔⵉⵢⵏ ⴳ ⵜⴳⵯⵎⵎⴰ, ⴷ ⵓⵙⵍⴳⵏ ⵉⵣⴷⵉⵏ ⴷ ⵜⵎⵔⵙⴰⵍ ⵏ ⵓⴼⵔⴰⴳ ⴰⵏⴰⵎⵓⵏ, ⴷ ⵓⵙⵍⴳⵏ ⵏ ⵜⴳⵔⴰⵡⵜ ⵏ ⵢⵉⵙⴽⵉⵍ ⴷ ⵓⵙⴱⴷⴷⵉ ⵏ ⵡⴰⵏⴰⵡⵏ ⵏ ⵓⵙⵏⵓⵃⵢⵓ, ⴷ ⵓⵙⵍⴳⵏ ⵉⵣⴷⵉⵏ ⴷ ⵓⵙⵇⵇⵉⵎ ⴰⵎⵛⴰⵡⴰⵕ ⵏ ⵜⵓⵡⵊⴰ ⴷ ⵜⵎⵥⵉ.

ⵉⵍⵍⴰ ⵓⵍⴰ ⵓⵙⵡⵓⵔⵓ ⵍⵍⵉ ⵙⴽⴰⵔⵏⵜ ⵜⵎⵔⵙⴰⵍ ⴷ ⵉⵎⴰⵙⵙⵏ ⵉⵎⵏⴰⴳⴰⵔⵏ ⵏ ⵡⴰⵔⴰⵢ ⵙⴳ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⴷ ⵓⵙⴱⴷⴷⵉ ⵏⵏⵙ, ⴰⵎ ⵜⴰⵡⵡⵓⵔⵉ ⵏ ⵜⴳⵔⴰⵡⵜ ⵜⴰⵏⴰⵎⵓⵔⵜ ⵏ ⵓⴹⴼⵕ ⵏ ⵜⵎⵖⴰⵔⵉⵏ ⵜⵉⵏⴳⴰⵙⵉⵏ ⵏ ⵜⴽⵕⴹⵉ, ⴷ ⵓⵚⴰⴹⵓⴼ ⴰⵏⴰⵎⵓⵔ ⵅⴼ ⴰⵡⵍⴰⴼ ⵏ ⵜⵎⵖⴰⵔⵜ ⴳ ⵓⵙⵏⵖⵎⵙ ⴷ ⵜⵉⴹⴰⴼ ⵏ ⵉⵡⵏⵏⴰⵏ ⴷ ⵜⵎⵉⵜⴰⵔ ⵎⴳⴰⵍ ⵏ ⵜⵎⵖⴰⵔⵉⵏ ⴳ ⵓⵙⵏⵖⵎⵙ, ⴰⵢⵍⵍⵉ ⵉⴳⴰⵏ ⵜⵉⴽⵕⴹⵉ ⵏ ⵜⵎⴰⵜⴰⵔⵜ ⵎⴳⴰⵍ ⵏ ⵜⵎⵖⴰⵔⵉⵏ.

ⵜⵉⵏⴳⴳⵯⴰ ⴷ ⵉⵏⴳⴳⵯⴰ,

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ,

ⴳ ⵍⵎⵖⵔⵉⴱ, ⵓⵔ ⵏⵥⴹⴰⵕ ⴰⴷ ⵏⵙⴰⵡⵍ ⴼ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⴷ ⵓⴹⴼⵕ ⵏ ⵉⵏⴳⴰⵙⵏ ⵏⵏⵙ ⵉⵖ ⵓⵔ ⵏⵙⴰⵡⴰⵍ  ⵜⵉⵍⴰⵍⵜ ⵉⵥⵓⵉⵍⵏ ⵏ ⵡⴰⵎⵓⵏ ⴰⵖⵔⵎⴰⵏ ⴳ ⵓⴹⴼⵕ ⴷ ⵓⵙⵡⴰⵍⴰ ⴷ ⵓⵙⵏⴰⵍ ⴷ ⵜⵖⵏⵙⴰ ⵉ ⵉⵣⵔⴼⴰⵏ ⵏ ⵜⵎⵖⴰⵔⵉⵏ, ⵍⵍⵉ ⵉⵙⴽⴰⵔⵏ ⵜⴰⵡⵡⵓⵔⵉ ⵉⵙⵎⴷ ⵜⵉⵏ ⵓⵡⴰⵏⴽ ⴷ ⵎⵔⵙⴰⵍ ⵏⵏⵙ, ⴳ ⵓⴹⴼⵕ ⵏ ⵉⵏⴳⴰⵙⵏ ⵏ ⵜⴽⵕⴹⵉ.

ⴰⵔ ⴷ ⵙⵙⴽⵯⵜⵉⵖ ⴰⵙⵖⵡⵏ ⵉⴷⵓⵙⵏ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵙⵔⵜⴰⵢ ⵜⵉⵏⴰⵎⵓⵔⵉⵏ ⵏ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⵙ ⵓⵣⵣⵔⴰⴼ ⴷ ⵜⵉⴰⴼ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵓⵏⵄⴰⵔ ⵉ ⵓⴽⵛⵓⵎ ⵙ ⵉⵎⴰⵙⵙⵏ ⵉⴳⵔⴰⵖⵍⴰⵏⵏ ⵙ ⵎⴰⴷ ⵓⵔ ⵉⵎⵎⵣⵔⵉⵏ ⴷ ⵓⴷⵓⵙⵜⵓⵔ ⴷ ⵉⵙⵍⴳⵏⵏ ⴷ ⵜⵔⵙⴰⵍ ⵏ ⵜⵎⴰⵣⵉⵔⵜ.

ⴰⵔ ⴷ ⵙⵙⴽⵯⵜⵉⵖ ⵓⵍⴰ ⵜⴰⵡⵡⵓⵔⵉ ⵍⵍⵉ ⵜⵙⴽⴰⵔ ⵜⵔⴰⴱⴱⵓⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵓⵜⴳ ⵏ ⵓⵣⵣⴳⵉⵔ ⵏ ⵓⵙⵍⴳⵏ 103.13 ⴼ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⴰⵔⵉⵏ, ⵙ ⵓⵎⵏⵏⵉ ⵡⵉⵏ 70 ⵏ ⵓⴷⵓⵙⵜⵓⵔ, ⵍⵍⵉ ⵔⴰⴷ ⵉⵙⴽⵔ ⴰⵏⵇⵇⵉⵙ ⴼ ⵓⵣⵣⴳⵉⵔ ⵏ ⵓⵙⵍⴳⵏ ⴰⴷ ⵉⵍⵍⴰⵏ ⵙⴳ 2018, ⵜⴰⵡⵡⵓⵔⵉ ⴰⴷ ⵔⴰⴷ ⵜⵎⵍ ⴰⵙⵍⴳⵏ ⴰⴷ ⵜⴼⴽ ⵜⵉⵎⵉⵜⴰⵔ ⴼ ⵜⴽⵕⴹⵉ ⴷ ⵓⴷⵔⵉⵣ ⵏ ⵓⵙⵍⴳⵏ ⴰⴷ ⴼⵍⵍⴰⵙ.

ⵜⵉⵏⴳⴳⵯⴰ ⴷ ⵉⵏⴳⴳⵯⴰ,

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ,

ⵔⴰⴷ ⵏⵎⵎⵔ ⵙ ⵓⵎⴹⴰⴽⴰⵕ ⵍⵍⵉ ⵔⴰⴷ ⵢⵉⵍⵉ ⴳ ⵜⴷⴰⵍⴰ ⴰⴷ, ⴷ ⵓⵙⵙⴼⵍⴷ ⵉ ⵜⴽⵛⵛⵓⵉⵏ ⵏ ⵜⵏⴳⴳⵯⴰ ⴷ ⵜⵎⴰⵙⴰⵢⵉⵏ ⵜⵉⵙⵔⵜⴰⵏⵉⵏ ⵙⴳ ⴱⴰⵔⵉⵣ ⴷ ⵙⵜⵔⴰⵙⵜⴱⵓⵜⴳ, ⵙⵍⴰⵡⴰⵏ ⴰⴽⵯⴽ ⵜⴰⵎⴰⵡⵙⴰⵙⵜ ⵉⵣⵔⵉⵏ ⴳ ⵜⵏⴱⴰⴹⵜ ⵏ ⴼⵕⴰⵏⵚⴰ ⵓⵍⵜⵎⴰ ⵏⴰⵊⴰⵜ ⴼⴰⵍⵓ ⴱⵍⵙⵇⴰⵙⵎ ⵜⴰⵏⵙⵙⵉⵅⴼⵜ ⵏ ⵜⵎⴰⴷⴷⴰⵙⵜ ⵡⴰⵔ ⵜⵓⵏⴱⵉⴹⵜ France Terre d’Asile ⴷ ⵎⴰⵙⵙⴰ Maria Adriani Kostopoulou ⵜⴰⵎⴰⵔⵉⵜ ⵏ ⵜⵏⵙⵙⵉⵅⴼⵜ ⵏ ⵉⵎⵓⵣⴰⵢⵏ ⵉ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⴷ ⵜⴽⵕⴹⵉ ⵏ ⵜⴳⵎⵎⵉ.

ⴰⵔ ⴷⴰⵖ ⵙⵔⵓⵏ ⵙⴱⵔⵔⴰⴽⵖ ⴷ ⵜⴰⵏⵎⵎⵉⵔⵜ ⴼ ⵜⵉⵍⵉⵜ ⵏⵏⵓⵏ ⴷⵉⴷⵏⵖ, ⵜⴰⵎⴰⵜⴰⵔⵜ ⵏ ⵜⵡⵡⵓⵔⵉ ⵉ ⵜⵎⵙⴰⵔⵜ ⵜⴰⵣⵔⴼⴰⵏⵜ ⵉⵥⵉⵍⵏ.