ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⵎⴰⵜⵢⵜ ⴰⴽⴰⴱⴰⵕ ⵏ ⵓⴼⵏⵉⵇ ⴰⴳⵔⴰⵖⵍⴰⵏ ⵏ ⵓⴷⵔⵉⵎ

ⵉⵙⵎⵏⵉⴷ ⵎⴰⵙⵙ ⵎⵓⵃⴰⵎⵎⴰⴷ ⵛⵓⴽⵉ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⵎⴰⵜⴰⵢⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 3 ⵏⵓⵡⴰⵏⴱⵉⵔ 2022 ⴰⴽⴰⴱⴰⵕ ⵏ ⵓⴼⵏⵉⵇ ⴰⴳⵔⴰⵖⵍⴰⵏ ⵏ ⵓⴷⵔⵉⵎ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵕⵓⴱⵉⵕⵟⵓ ⴽⴰⵔⴷⴰⵔⵔⵍⵉ ⵉⵍⵍⴰⵏ ⴳ ⵜⵙⵎⵉⴳⵎⵜ ⵏ ⵉⵎⵛⵡⴰⵕⵏ ⴰⵙⴳⵯⵙⴰⵏ-ⴰⵎⵏⵏⵉ 4- ⵉ ⵓⵙⵓⵊⴷ ⵏ ⵓⵏⵇⵇⵉⵙ ⴼ ⵓⵙⵓⵔⵙ ⴰⵥⵕⴼⴰⵏ ⴷ ⵓⴷⵎⵙⴰⵏ ⴷ ⵓⵏⴰⵎⵓⵏ ⵏ ⵍⵎⵖⵔⵉⴱ.

ⵉⵙⵎⵏⵉⴷ ⵎⴰⵙⵙ ⵛⵓⴽⵉ ⵜⴰⵡⵡⵓⵔⵉ ⵏ ⵜⵙⵇⵇⵉⵎⵜ ⵙⵍⴰⵡⴰⵏ ⴰⴽⴽⵯ ⵉⵙⵍⴳⵏⵏ ⵍⵍⵉ ⵜⵖⵔⴰ ⴰⵎ ⵡⵉⵏ ⵓⵎⵃⵉⵣⵡⴰⵔ ⴷ ⵜⵍⴻⵍⵍⵉ ⵏ ⵡⴰⵜⵉⴳⵏ ⴷ ⵓⵎⵇⵇⵏ ⵏ ⵓⵙⵙⴰⵔⵓ, ⴳⵉⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵉⵎⴰⵢⵏⵓⵜⵏ ⵖⴰⵙ ⵜⵥⴰ ⵙⴳ ⵜⵡⴰⵍⴰ ⵉⵣⵔⵉⵏ ⴳ 44 ⵏ ⵓⴳⵎⴰⵎ.

ⵉⵙⴰⵡⵍ ⵎⴰⵙⵙ ⵛⵓⴽⵉ ⵓⵍⴰ ⴼ ⵉⵎⵓⴽⵏⵏ ⵏ ⵜⵏⴱⴰⴹⵜ ⴳ ⵓⴱⵟⵟⵓ ⵏ ⵓⵙⵙⵔⴰ ⴷ ⵓⵎⵓⴽⵏ ⴰⵏⴰⵎⵓⵏⵏ, ⵢⵉⵏⵉ ⵎⴰⵙ ⴳⴰⵏ ⵉⵎⵓⴽⵏⵏ ⴰⴷ ⵡⵉⴷ ⵏ ⵓⵏⴰⵔⵓⵣ ⵎⵇⵇⴰⵔ ⵍⵍⴰⵏ ⵉⴷⵔⵉⵣⵏ ⵣⴷⵉⵏⵉⵏ ⴷ ⵜⴰⵙⵙⴰⵙⵜ ⵏ ⴽⵓⴼⵉⴷ.

ⴰⵔ ⵜⵜⵉⵍⵉ ⵜⵙⵇⵇⵉⵎⵜ ⵓⵍⴰ ⴼ ⵓⵙⵖⵣⵏ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⵏ ⵓⵥⵕⴼ 2023 ⴳ ⵍⵍⴰⵏ ⵉⵎⵓⴽⵏⵏ ⴳ ⵓⵙⵡⵉⵔ ⴰⵏⴰⵎⵓⵏ ⴷ ⵉⵔⴳⴰⵢⵏ, ⵉⵙⴷⴷⵉⴷ ⴼ ⵓⵣⵓⵛⵛⵍ ⵏ ⵓⵎⵓⴽⵏ ⴳ ⵓⵎⵏⴰⴹ ⴰⴷⵎⵙⴰⵏ ⴰⵎⴰⴹⵍⴰⵏ, ⵢⵉⵏⵉ ⵎⴰⵙ ⵉⴳⴰ ⵓⵎⵇⵇⵏ ⵏ ⵓⵙⵙⴰⵔⵓ ⵢⴰⵏ ⵓⵙⴰⵡⵓⵔ ⵍⵍⵉ ⵔⴰⴷ ⵉⵙⵎⵖⵔ ⵉⴳⴰⴷⴰⵣⵏ ⵏ ⵉⴷⵔⵉⵎⵏ, ⴷ ⵓⵙⴽⵔ ⵏ ⵜⴷⵉⵏⴰⵎⵉⵜ ⵜⴰⴷⵎⵙⴰⵏⵜ ⴳ ⵎⵏⵏⴰⵡⵜ ⵜⵙⴳⴳⵉⵡⵉⵏ ⴷ ⵉⴳⵔⴰⵏ ⵉⴷⵎⵙⴰⵏⵏ ⴰⵢⵍⵍⵉ ⵔⴰⴷ ⵢⴰⵙ ⴳ ⵓⵙⵎⵖⵔ ⵏ ⵉⵚⵉⴼⵉⴹⵏ ⴷ ⵓⵙⵡⵓⵔⵉ.

ⴳ ⵓⵎⵏⵉⴷ ⴰⵏⴰⵎⵓⵏ, ⵉⵏⵏⴰ ⵎⴰⵙⵙ ⵛⵓⴽⵉ ⵎⴰⵙⵙ ⵜⵙⵙⵥⵕⴼ ⴽⵔⴰ ⵏ ⵉⴳⵔⴰⵏ ⴰⵎ ⵜⴰⵎⴰⵍⵍⴰⵢⵜ ⴷ ⵜⴼⵍⵍⴰⵃⵜ, ⴰⵢⵍⵍⵉ ⵉⵣⵉⵢⴷⵏ ⵜⴰⵙⵖⵍⵜ ⵏ ⵓⵕⵟⵟⴰⵍ ⴰⵔ 5%, ⵎⵇⵇⴰⵔ ⵔⴰⴷ ⵜⵣⵣⵉⴳⵣ ⵜⵏⴱⴰⴹⵜ ⴳ ⵓⵎⵓⴽⵏ ⵉ ⵓⴼⵔⴰⴳ ⵏ ⵓⵎⵢⴰⵙⴰ ⴰⴷⵎⵙⴰⵏ.

ⴳ ⵓⵏⵎⵓⵇⵇⴰⵔ ⴰⴷ, ⵜⵍⵍⴰ ⵜⵎⵔⴰⵔⵓⵜ ⴼ ⵉⵙⵇⵙⵉⵜⵏ ⵏ ⵓⴼⵏⵉⵇ ⴰⴳⵔⴰⵖⵍⴰⵏ ⴼ ⵓⵎⵇⵇⵏ ⴰⵎⴰⵢⵏⵓ ⵏ ⵓⵙⵙⴰⵔⵓ ⴷ ⵜⵡⵡⵓⵔⵉ ⵏ ⵜⵏⴱⴰⴹⵜ ⴳ ⵓⵙⵡⵉⵔ ⴰⴷⴳⴰⵡⴰⵏ, ⵢⵉⵏⵉ ⵎⴰⵙⵙ ⵛⵓⴽⵉ ⵎⴰⵙ ⵔⴰⴷ ⵓⵔ ⵉⵍⴽⵎ ⵓⵙⵏⴰⵍ 30 % ⵙ ⵓⵎⵙⴰⵙⴰ ⵏ ⵉⵙⵖⵍⵏ ⵣⴷⵉⵉⵏ ⴷ ⵜⵙⴳⴰ ⴷ ⵓⵙⵏⴼⴰⵔ, ⵜⴰⵡⵡⵓⵔⵉ ⵏ ⵓⵡⴰⵏⴽ ⵜⵣⴷⵉ ⴷ ⵓⵙⵙⵥⵕⴼ ⴷ ⵡⴰⵢⴷⴰ ⴷ ⵓⵙⵓⵊⴷ ⵏ ⵜⵥⴹⴰⵕⵜ ⵙ ⵡⴰⵜⵉⴳ ⵉⴷⵔⵓⵙⵏ.

ⵅⴼ ⵓⵙⵇⵙⵉ ⵉⵣⴷⵉⵏ ⴼ ⵓⵙⵙⴰⵔⵓ ⴰⴳⴷⵓⴷⴰⵏ, ⵉⵏⵏⴰ ⵎⴰⵙⵙ ⵛⵓⴽⵉ ⵎⴰⵙ ⵢⵉⵡⵉ ⵓⵙⵙⴰⵔⵓ ⴰⴳⴷⵓⴷⴰⵏ ⵏ ⵖⵉⵍⴰⴷ ⵙⵉⵏⵉⴼⴽⵕⴹⵏ ⵏ ⵓⵙⵙⴰⵔ, ⵢⴰⵏ ⵉⴳⴰ ⵡⵉⵏ ⵉⴳⵔ ⵓⵙⵍⵉⴳ ⵍⵍⵉ ⴷ ⵉⵇⵇⴰⵏⵏ ⴰⴷ ⵉⵍⴽⵎ ⵙⵉⵏ ⵉⴼⴽⴰⵕⴰⴹⵏ. ⵉⵙⵎⵏⵉⴷ ⵓⵍⴰ ⵉⵙⵉⵙⴼⵉⵡⵏ ⴼ ⵓⵙⵏⴼⴰⵔ ⵏ ⵓⴼⵔⴰⴳ ⴰⵏⴰⵎⴰⵏ ⵍⵍⵉ ⵔⴰⴷ ⵉⵚⵉⵃⵉ ⵉ ⵓⴼⴽⵕⴰⴷ ⵏ ⵉⵎⵣⴷⴰⵖⵏ ⴷ ⵓⵙⵏⴼⵍ ⵏ ⵓⵏⴳⵔⴰⵡ ⵏ ⵕⴰⵎⵉⴷ ⵙ ⵓⵏⴳⵔⴰⵡ ⵏ ⵓⵙⴼⵍⵙ ⵓⵛⵛⵉⵍ ⴷⴳ ⵜⵎⵓⴹⴰⵏ.

ⴳ ⵎⴰⴷ ⵉⵥⵍⵉⵏ ⵙ ⵓⵎⵓⴽⵏ ⵏ ⵓⵏⴳⵔⴰⵡ ⵏ ⵜⵎⴰⵖⵓⵏⵜ, ⵉⵏⵏⴰ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵎⴰⵙ ⵔⴰⴷ ⵢⴰⵛⴽ ⵓⵎⵓⴽⵏ ⵍⵍⵉ ⴷ ⵢⵉⵡⵉ ⵓⵙⵏⴼⵍ ⵉⵍⵍⴰⵏ ⴳ ⵡⴰⵎⵓⵏ ⵍⵍⵉⵖ ⵉⵣⵉⵢⵢⴷ ⵓⵏⴰⵔⵓⵣ ⵏ ⵜⵓⴷⵔⵜ, ⵉⵇⵇⴰⵏ ⴷ ⴰⴷ ⵓⵔⵔⵉⵏ ⵉⴼⵏⵉⵇⵏ ⵙ ⵓⵙⵓⵔⵙ ⵏⵏⵙⵏ ⴷ ⵢⵓⵙⴰⵏ ⴳ ⵎⴰⵏⵏ ⵓ ⵢⴰⴳⴳⵓⴳⵏ.

ⵢⵉⵏⵉ ⵎⴰⵙⵙ ⵛⵓⴽⵉ ⵎⴰⵙ ⴳⴰⵏ ⵉⵎⵓⴽⵏⵏ ⵏ ⵜⵏⴱⴰⵟⵜ ⵉⵎⵣⵡⵓⵔⴰ ⵙ ⵎⴰⴷ ⵉⵥⵍⵉⵏ ⵙ ⵡⴰⵔⵔⴰⵣ ⴷ ⵜⵏⴰⴼⵜ ⴷ ⵡⴰⴽⵓⴷ ⵏ ⵓⴼⵔⵓ ⴷ ⵢⵉⴳⵔ ⵓⵔ ⵉⴳⴰⴷⴷⴰⵏ ⴷ ⵉⵔⴳⴰⵏ, ⴽⵔⴰ ⵏ ⵉⵎⵓⴽⵏⵏ ⴰⵔⴷ ⵙⵙⴽⵟⴰⵢⵏ ⵜⵉⴼⴰⴷⵡⵉⵏ ⵜⵉⵏⴰⵎⵓⵏⵉⵏ ⴷ ⵜⵙⵔⵜⴰⵏⵉⵏ ⴰⵎ ⴰⵙⵉⵜⵜⵉ ⵏ ⵓⵙⵏⴰⵍ ⴼ ⵜⴱⵓⵟⴰⵢⵉⵏ.

ⵢⵓⵎⴰ ⵓⴽⴰⴱⴰⵔ ⵏ ⵓⴼⵏⵉⵇ ⴰⴳⵔⴰⵖⵍⴰⵏ ⵏ ⵓⴷⵔⵉⵎ, ⵎⴰⵙⵙ ⴱⴰⵍⵉⵎⴰ ⵡⵉⵏⵉⵢⴰⵎ ⵀⵉⴱⵓⵍⵉⵜ ⵉⵜⵜⵉⵙⵎⴰⴳⴰⵍⵏ ⵙ ⵜⴷⵔⵉⵎⵜ ⵜⴰⴳⴷⵓⴷⴰⵏⵜ, ⵎⴰⵙⵙ ⴱⵉⵣⵉⵎⴰⵏⴰ ⵓⵍⵉⴼⵢⵉ ⵉⵜⵜⵓⵙⵎⴰⴳⴰⵍⵏ ⵙ ⵢⵉⴳⵔ ⵏ ⵓⴷⵔⵉⵎ, ⵎⴰⵙⵙⴰ ⴷⴰⴼⵉⴷ ⴱⴰⵔⵜⵓⵍⵉⵏ ⵉⵜⵜⵓⵙⵎⴰⴳⴰⵍⵏ ⵙ ⵜⴷⵔⵉⵎⵜ ⵜⴰⴳⴷⵓⴷⴰⵏⵜ, ⵎⴰⵙⵙ ⵏⵓⵔⴷⴷⵉⵏ ⵄⴰⴱⵉⴷⵉ ⵉⵜⵜⵓⵙⵎⴰⴳⴰⵍⵏ ⵙ ⵢⵉⴳⵔ ⵏ ⴱⵕⵕⴰ, ⵎⴰⵙⵙ ⴱⵉⵔⵉⵣ ⵙⴰⵉⵣ ⵀⵉⴽⵜⵓⵕ ⵉⵜⵜⵉⵙⵎⴰⴳⴰⵍ ⵙ ⵓⵕⵟⵟⴰⵍ ⴷ ⵢⵉⴳⵔ ⵏ ⴱⵕⵕⴰ.