ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⴽⵕⴰⴹ ⴽⵕⴰⴹ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵉⵔⴱⴰⴱⵏ ⴷ ⵜⵙⴳⴳⵉⵡⵉⵏ ⵏ ⵜⵎⴳⵓⵔⵉ ⴷ ⵜⵎⵙⵙⵓⵔⵉⵏ ⵏ ⵜⵡⵉⵣⵉ
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 31 ⴽⵟⵓⴱⵕ 2022, ⴽⵕⴰⴹ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵉⵔⴱⴰⴱⵏ ⴷ ⵜⵙⴳⴳⵉⵡⵉⵏ ⵏ ⵜⵎⴳⵓⵔⵉ ⴷ ⵜⵎⵙⵙⵓⵔⵉⵏ ⵏ ⵜⵡⵉⵣⵉ, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⴷⵔⵉⵙ ⵛⵟⵉⴱⵉ ⴰⵎⴰⵔⵉ ⵏ ⵓⵏⵙⵉⵅⴼ, ⵉⵃⴰⴹⵕ ⵎⴰⵙⵙ ⵄⴰⴱⴷ ⵍⵡⴰⴼⵉ ⵍⴼⵜⵉⵜ ⴰⵎⴰⵡⵙⴰⵙ ⵏ ⵓⴳⵯⵏⵙ ⴷ ⵎⴰⵙⵙ ⵎⵓⵃⴰⵎⵎⴰⴷ ⵄⴰⴱⴷ ⵍⵊⴰⵍⵉⵍ ⴰⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵍⵓⵊⵉⵙⵜⵉⴽ ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴰⴽⴷ ⴰⴱⵕⵍⴰⵎⴰⵏ, ⴰⵎⵙⵙⵉⵡⵍ ⵙ ⵢⵉⵙⵎ ⵏ ⵜⵏⴱⴰⴹⵟ.
ⵉⵍⵍⴰ ⵓⵙⵜⴰⵢ ⵙ ⵓⵎⴰⴽⵕⴰⴹ ⵏ ⵓⵙⵏⴼⴰⵔ ⵏ ⵓⵙⵍⴳⵏ 86.21 ⴼ ⵉⵔⴱⴰⴱⵏ ⵏ ⵜⴰⴽⴰⵜ , ⵉⵡⴰⵜⵜⵙ ⴰⵙⵎⴰⵢⵏⵓ ⵏ ⵉⵙⵍⴳⵏⵏ ⴳ ⵓⵎⵏⵉⴷ ⴰⴷ, ⴷ ⵓⴹⴼⵕ ⵏ ⵉⵙⵏⴼⵍⵏ ⴷ ⵜⵣⵣⵉⴳⵣⵉⵏ ⵜⵉⵣⵔⴼⴰⵏⵉⵏ ⴷ ⵜⵎⵙⴽⴰⵔ ⵜⵉⵜⵉⴽⵏⵓⵍⵓⵊⵉⵢⵉⵏ ⵜⵉⵎⴰⵢⵏⵓⵜⵉ ⴷ ⵜⵏⴰⵥⴰⵕⵉⵏ ⵏ ⵜⵏⴼⵔⵓⵜ ⵍⵍⵉ ⵍⵍⴰⵏⵉⵏ.
ⵉⴳⴰ ⵓⵙⵜⴰⵢ ⴰⴷ ⴰⴹⴼⵕ ⵏ ⵉⵙⵡⴰⵓⵔⵏ ⵏ ⵓⵙⵎⴰⵢⵏⵓ ⵍⵍⴰⵏⵉⵏ ⴳ ⵜⵎⴰⵣⵉⵔⵜ ⵏⵏⵖ, ⴷ ⵓⵎⵢⴰⵡⴰⴹ ⴰⴽⴷ ⵉⵎⵙⴽⴰⵔⵏ ⵉⴳⵔⴰⵖⵍⴰⵏⵏ ⴷ ⵉⵏⴰⵎⵓⵏⵏ ⴳ ⵢⵉⴳⵔ ⵏ ⵉⵔⴱⴰⴱⵏ ⵏ ⵜⴰⴽⴰⵜ, ⵃⵎⴰ ⴰⴷ ⵉⵟⵟⴼ ⵍⵎⵖⵔⵉⴱ ⴰⵙⵍⴳⵏ ⵉⵎⵙⴰⵙⴰⵏ ⴷ ⵓⵎⵓⵙⵙⵓ ⴰⵜⵉⴽⵏⵓⵍⵓⵊⵉ ⴷ ⵓⵜⵉⵇⵏⵉ.
ⵉⵡⴰⵜⵜⵙ ⵓⵙⵍⴳⵏ ⴰⴷ ⵓⵍⴰ ⴰⵙⵎⴰⴷ ⵏ ⵉⵙⵍⴳⵏⵏ ⵣⴷⵉⵏⵉⵏ ⴷ ⵓⵔⴱⴰⴱ, ⴷ ⵓⵣⴷⴰⵢ ⵏ ⵉⵎⵉⵥ ⵏⵏⵙ ⵙ ⵜⴳⵎⵔⵜ ⴷ ⵜⵓⵏⵏⵓⵏⵜ ⵏⵏⵙ, ⴷ ⵓⵡⵇⵇⵔ ⵏ ⵉⵙⵖⵡⴰⵏⵏ ⵉⴳⵔⴰⵖⵍⴰⵏⵏ ⵏ ⵍⵎⵖⵔⵉⴱ ⴳ ⵓⵎⵏⵉⴷ ⵏ ⵓⵙⴱⴷⴷⵉ ⵏ ⵜⵎⴳⵓⵔⵉ ⵡⴰⵔⵜⵓⵍⴳⵉⵏⵜ ⵏ ⵉⵔⴱⴰⴱⵏ ⵏ ⵜⴰⴽⴰⵜ.
ⵉⵍⵍⴰ ⵓⵍⴰ ⵓⵙⵖⵣⵏ ⵏ ⵓⵙⵏⴼⴰⵔ ⵏ ⵓⵙⵍⴳⵏ 96.21 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ 17.95 ⴼ ⵜⵎⵙⵙⵓⵔⵉⵏ ⵏ ⵜⵡⵉⵣⵉ, ⵍⵍⵉ ⵉⴳⴰⵏ ⵜⵉⵡⵉⵣⵉ ⵏ ⵍⵎⵖⵔⵉⴱ ⴳ ⵓⵏⵎⵓⵇⵇⴰⵔ ⴰⴳⵔⴰⵖⵍⴰⵏ ⵏ ⵜⵎⴰⴼⴰⵡⵜ ⴷ ⵓⵙⵏⴼⵍ ⵏ ⵜⵎⵓⵛⴰ ⵉ ⵉⵡⵜⵜⴰⵙⵏ ⵏ ⵉⵔⴳⴰⵢⵏ ⴳ 18 ⴽⵟⵓⴱⵕ 2011, ⵍⵍⵉⵖ ⵔⴰⴷ ⵉⵙⴽⵔ ⵍⵎⵖⵔⵉⴱ ⵙ ⵓⵙⵏⴼⵍ ⵏ ⵜⵎⵓⵛⴰ ⴷ ⵉⴷ ⴱⴰⴱ ⵏ ⵜⵡⵉⵣⵉ ⴳ ⵜⵎⵙⵙⵓⵔⵉⵏ ⵉⴽ ⵏⵏⴰ ⴳⴰⵏⵜ ⵜⵎⵏⵜⵍⵉⵏ.
ⵉⵡⴰⵜⵜⵙ ⵓⴹⵕⵉⵚ ⴰⴷ ⵓⴽⵓⵙ ⵏ ⵜⵥⵕⵉⵕⴳⵜ ⵏ ⵜⵡⵉⵣⵉⵡⵉⵏ ⵙⴳ ⵉⴷ ⴱⴰⴱ ⵏⵏⵙⵏ ⵉ ⵜⵎⵙⵙⵓⵔⵉⵏ ⵏ ⵜⵡⵉⵣⵉ ⴰⴱⵍⴰ ⵜⵉⵍⵍⵉ ⴷ ⴼⴼⵖⵏⵉⵏ ⵉ ⵓⴳⴷⵓⴷ ⵃⵎⴰ ⴰⴷ ⵜⴻⵟⵟⵉⴼ ⵜⵡⵉⵣⵉ ⴰⴷ ⵜⴰⵎⴰⴼⴰⵡⵜ ⵏⵏⵙ ⴷ ⵓⵙⴱⴷⴷⵉ ⵏ ⵢⵉⵔⵉⴷ ⵏ ⵉⴷⵔⵉⵎⵏ ⴷ ⵓⵔⵡⵍ ⵙⴳ ⵉⵔⴳⴰⵢⵏ.
ⵉⵍⵍⴰ ⵓⵍⴰ ⵓⵙⵖⵣⵏ ⵙ ⵓⵎⴽⵕⴰⴹ ⵏ ⵓⵙⵏⴼⴰⵔ ⵏ ⵓⵙⵍⴳⵏ 102.21 ⴼ ⵜⵙⴳⴳⵉⵡⵉⵏ ⵏ ⵜⵎⴳⵓⵔⵉ, ⵍⵍⵉ ⵔⴰⴷ ⵢⴰⵡⵙ ⴳ ⵓⵙⵙⵔⵇⴱ ⵏ ⵓⵙⵙⴰⵔⵓ ⴳ ⵜⵎⴳⵓⵔⵉ ⵙ ⵓⵙⵓⵊⴷ ⵏ ⵡⴰⵢⴷⴰ, ⴷ ⵓⵙⴷⵓⵙ ⵏ ⵉⵙⵍⴳⵏⵏ ⵏ ⵓⵙⵡⵓⴷⴷⵓ ⴷ ⵓⴷⵓⵜⴳ ⵏ ⵜⵙⴳⴳⵉⵡⵉⵏ ⵏ ⵜⵎⴳⵓⵔⵉ ⵉ ⵓⵙⵖⵓⴷⵓ ⴷ ⵓⵙⴱⴷⴷⵉ ⵏ ⵜⵎⵓⴽⵔⵉⵙⵉⵏ ⵣⴷⵉⵏⵉⵏ ⴷ ⵡⴰⵢⴷⴰ.
ⵢⵉⵡⵉⴹ ⵓⴹⵕⵉⵙ ⴰⴷ ⵉⵙⵍⴳⵏⵏ ⴼ ⵜⵙⴳⴳⵉⵡⵉⵏ ⵥⵍⵉⵏⵉⵏ ⵙ ⵓⵙⴽⵔ ⴷ ⵓⵙⵎⵔⴷ ⵏ ⵏ ⵜⵙⴳⴳⵉⵡⵉⵏ ⵏ ⵜⵎⴳⵓⵔⵉ ⵙ ⵓⵎⵙⴰⵙⴰ ⴷ ⵓⵙⵍⴳⵏ 19.94 ⵉⵣⴷⵉⵏ ⵙ ⵜⵙⴳⴳⵉⵡⵉⵏ ⵏ ⵓⵣⵓⵛⵛⵍ ⴰⵎⴳⵓⵔⴰⵏ.
ⵉⵙⴰⵡⵍ ⵓⵙⵏⴼⴰⵔ ⴰⴷ ⵓⵍⴰ ⴼ ⵓⵖⴰⵡⴰⵙ ⴰⵏⴰⵎⵓⵔ ⵏ ⵜⵙⴳⴳⵉⵡⵉⵏ ⵏ ⵜⵎⴳⵓⵔⵉ ⵍⵍⵉ ⵔⴰⴷ ⵉⴳ ⴰⵔⵔⴰ ⴰⵙⵖⵓⵍⴰⵏ ⵉⵙⴰⵡⵍⵏ ⴼ ⵜⵙⵔⵜⵉⵜ ⵜⴰⵎⴰⵜⴰⵢⵜ ⴷ ⵉⵙⵡⴰⵍⴰⵢⵏ ⵉⵙⵜⵔⴰⵜⵉⵊⵉⵢⵏ ⵏ ⵓⵡⴰⵏⴽ ⴳ ⵢⵉⴳⵔ ⵏ ⵜⵎⴳⵓⵔⵉ, ⴷ ⵓⵙⵔⵓⵙ ⵏ ⵓⵏⴳⵔⴰⵡ ⵏ ⵓⵙⵡⵓⴷⴷⵓ ⴷ ⴷ ⵎⵙⵓⵖⵜ ⵏ ⵜⵙⴳⴳⵉⵡⵉⵏ ⵏ ⵜⵎⴳⵓⵔⵉ ⵉⴱⴷⴷⵏ ⴼ ⵉⵙⵓⵖⴰⵍ ⵉⵜⵉⵇⵏⵉⵢⵏ ⵣⴷⵉⵏⵉ ⵏ ⵜⵙⴳⴳⵉⵡⵉⵏ ⴰⴷ.