ⴰⵎⴹⴰⴽⴰⵕ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⵉⵜ ⵍⵎⵖⵔⵉⴱ-ⴽⵓⵔⵢⴰ ⵏ ⵉⴼⴼⵓⵙ

ⵣⵔⵉⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 31 ⴽⵟⵓⴱⵕ 2022, ⵉⵎⴹⴰⴽⴰⵕⵏ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵉⵔⴱ ⴽⵓⵔⵢⴰ ⵏ ⵉⴼⴼⵓⵙ, ⵍⵍⵉⵖ ⵜⵙⵙⵉⵅⴼ ⵎⴰⵙⵙⴰ ⵉⵏ ⵊⴰⵢ ⴽⵓⵏ ⴰⴽⴰⴱⴰⵕ ⵏ ⵉⴱⴰⵕⵍⴰⵎⵏⵉⵢⵏ ⵉⴽⵓⵔⵉⵢⵏ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵍⵎⵖⵔⵉⴱ.

ⵙⴳ ⵜⵙⴳⴰ ⵜⴰⵎⵖⵔⵉⴱⵉⵜ, ⵃⴰⴹⵕⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ ⴽⵓⵔⵢⴰ ⵏ ⵉⴼⴼⵓⵙ, ⴰⵏⵙⵉⵅⴼ ⵏ ⵜⵔⴰⴱⴱⵓⵜ ⵎⴰⵙⵙ ⵎⵓⵃⴰⵎⵎⴰⴷ ⵀⵉⵛⴰⵎⵉ, ⵙⴳ ⵜⵔⴰⴱⴱⵓⵜ ⵜⴰⵃⴰⵔⴰⴽⵉⵜ, ⵉⴷ ⵎⴰⵙⵙ ⵕⴰⵛⵉⴷ ⵃⵎⵎⵓⵏⵉ ⵙⴳ ⵜⵔⴰⴱⴱⵓⵜ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ, ⵊⴰⵎⴰⵍ ⴷⵉⵡⴰⵏⵉ ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵢⴰⵏⵜ ⴷ ⵢⵉⵙⴽⵉⵍ, ⴼⴰⵢⵚⴰⵍ ⵥⵕⵀⵓⵏⵉ ⵙⴳ ⵜⵔⴰⴱⴱⵓⵜ ⵜⴰⴷⵙⵜⴰⵔⵜ ⵜⴰⴷⵉⵎⵓⵇⵔⴰⵜⵉⵜ ⵜⴰⵏⴰⵎⵓⵏⵜ, ⵙⴰⵍⵡ ⴷⴷⵎⵏⴰⵜ ⵙⴳ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ, ⵀⵉⵏⴷ ⵕⵕⵟⵍ ⴱⵏⵏⴰⵏⵉ ⵙⴳ ⵜⵔⴰⴱⴱⵓⵜ ⵏ ⵜⵣⵔⴼⵜ ⴷ ⵜⴳⵎⵉ.

ⴳ ⵜⵣⵡⵉⵔⵉ, ⵜⴻⵜⵜⵓⵙⴽⴰⵔ ⵜⵓⵙⴷⴰⴷⵜ ⵏ ⵉⴼⵙⵙⵉ ⴼ ⵉⵎⴰⵏ ⵏ ⵉⵏⴳⴰⵙⵏ ⵏ ⵜⵎⵙⴰⵔⵜ ⵉⵀⵔⵛⵏ ⵉⵍⵍⴰⵏ ⴳ ⴽⵓⵔⵢⴰ ⵏ ⵉⴼⴼⵓⵙ ⵉⵎⴰⵍⴰⵙⵙ ⵉⵣⵔⵉⵏ ⴳ ⵉⵎⵎⵓⵜ 150 ⵏ ⵓⴼⴳⴰⵏ, ⵉⵙⵎⵏⵉⴷ ⵎⴰⵙⵙ ⵀⵉⵛⴰⵎⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⴰⴼⵛⴰⴷ ⵉ ⵜⵏⴳⴳⵓⵜ ⵏⵏⵙ ⴷⴳ ⴽⵓⵔⵢⴰ ⵏ ⵉⴼⴼⵓⵙ, ⵉⵙⴰⵡⵍ ⵓⵍⴰ ⴼ ⵜⵡⵉⵣⵉ ⵏⵏⵙ ⴰⴽⴷ ⵜⴰⵡⵊⵉⵡⵉⵏ ⵏ ⵉⵏⴳⴰⵙⵏ.

ⵉⵍⵍⴰ ⵓⵎⴹⴰⴽⴰⵕ ⴼ ⵓⵛⵛⵉⵍ ⵏ ⵓⵙⵎⵀⵍ ⵏ ⵜⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ ⴰⵙⵏⵔⴰⵏ ⵊⴰⵔ ⵙⵉⵏ ⵉⴱⵕⵍⴰⵎⴰⵏⵏ ⵍⵍⵉ ⵉⵜⵜⵉⵣⵓⵎⵎⴰⵎⵏ ⴳ ⵎⴰⵢ 2018, ⵍⵍⵉ ⵓⵔ ⵉⵜⵜⵓⵙⴽⴰⵔⵏ ⴷⴼⴼⵉⵔ ⵎⴰⵖ ⵉⵍⵍⴰ ⵓⴱⴰⵢⵢⵓⵕ ⵏ ⴽⵓⵕⵓⵏⴰ.

ⵉⵙⵓⵜⴳ ⵎⴰⵙⵙ ⵀⵉⵛⴰⵎⵉ ⴽⵓⵔⵢⴰ ⵏ ⵉⴼⴼⵓⵙ ⵜⴰⵏⴰⵔⴰ ⴷ ⵜⵏⴱⴰⴹⵜ ⴷ ⵓⵎⴰⴷⴰⵏ, ⴷ ⵓⵙⵓⵙⵎ ⵏⵏⵙ ⵉ ⵓⴱⵔⵉⴷ ⵓⵏⴳⵉⵎ ⵏ ⵜⵎⴰⵣⵉⵔⵜ ⴰⴷ ⴳ ⵜⵎⴳⵓⵔⵉ ⵜⴰⵍⵉⴽⵟⵕⵓⵏⵉⵜ, ⵢⵉⵏⵉ ⵎⴰⵙ ⴷ ⵉⵇⵇⴰⵏ ⵚⴰⵃⴰ ⵙⴳ ⵜⵉⵔⵎⵉⵜ ⵏ ⴽⵓⵔⵢⴰ ⴳ ⵜⴻⵜⵉⴽⵏⵓⵍⵉⵊⵉⵜ ⵜⴰⵎⴰⵢⵏⵓⵜ ⴷ ⵜⵥⴹⴰⵕⵜ ⵜⴰⵎⴰⵢⵏⵓⵜ, ⴷ ⵓⵙⵎⵖⵔ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵉⵙⵏⴼⵍⵏ ⵉⵏⵙⴱⴰⴱⵏ ⴷ ⵓⵙⵙⴰⵔⵓ, ⵉⵙⴰⵡⵍ ⵓⵍⴰ ⴼ ⵜⵥⴹⴰⵕⵉⵏ ⵍⵍⵉ ⵉⵟⵟⴰⴼ ⵍⵎⵖⵔⵉⴱ ⴳ ⵉⴳⵔⴰⵏ ⵏ ⵍⴰⵏⴳⵔⵉⵢⴰⵜ ⴷ ⵍⵓⵊⵉⵙⵜⵉⴽ, ⵉⵙⴰⵡⵍ ⴳ ⵓⵎⵏⵉⴷ ⴰⴷ ⴼ ⵓⴼⵜⴰⵙ ⵏ ⵟⴰⵏⵊⴰ ⴰⵏⴰⵎⵎⴰⵙ ⵍⵍⵉ ⵉⵥⴹⴰⵕⵏ ⴰⴷ ⵉⴳ ⴰⵏⵡ ⵏ ⵜⵎⴷⵔⴰⵡⵜ ⴰⴽⴷ ⴽⵓⵔⵢⴰ ⵏ ⵉⴼⴼⵓⵙ.

ⵜⵙⴰⵡⵍ ⵎⴰⵙⵙ ⵉⵏ ⵊⴰⵢ ⴽⵓⵏ ⵍⵍⵉ ⵉⵎⵓⵏⵏ ⴷ ⵓⵎⵙⵇⵇⴰⴷ ⵏ ⵜⵎⴰⵣⵉⵔⵜ ⵏⵏⵙ ⵎⴰⵙ ⵛⵓⵏⴳ ⴽⵢⵓⵏⴳ ⴼ ⵜⵓⵎⵔⵜ ⵏⵏⵙ ⵍⵍⵉⵖ ⵜⵍⵍⴰ ⴳ ⵍⵎⵖⵔⵉⴱⵏ ⴷ ⵓⵏⴰⵔⵓⵣ ⴰⴷ ⵉⴳ ⵓⵏⵎⵓⵇⵇⴰⵔ ⴰⴷ ⴰⵙⵏⵜⵉ ⵏ ⵜⵎⴷⵔⴰⵡⵉⵏ ⵉ ⵚⴰⵃⴰ ⵏ ⵙⵏⴰⵜ ⵜⵎⵉⵣⴰⵔ.

ⴳ ⵜⴳⵉⵔⴰ, ⵏⵏⴰⵏ ⵉⵎⵙⵜⴰⵢⵏ ⵎⴰⵙ ⴷⵉⵇⵇⴰⵏ ⵡⴰⵍⴰⵢ ⵏ ⵓⵙⵡⵉⵔ  ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⴷ ⵚⴰⵃⴰ ⵙⴳ ⵜⵉⵔⵎⵉⵜⵉⵏ ⵏⵏⵙⵏ ⵎⵇⵇⴰⵔ ⵜⵍⵍⴰ ⵜⵓⴳⴳⵓⴳⵜ, ⵉ ⵓⵙⴷⵓⵙ ⵏ ⵓⵙⵏⴼⵍ ⴳ ⵉⴳⵔⴰⵏ ⵉⴷⵎⵙⴰⵏⵏ ⴷ ⵉⵙⵔⵜⴰⵏⵏ ⴷ ⵉⴷⵍⵙⴰⵏⵏ.