ⵜⴰⵙⵎⵓⵏⵉ ⵏ ⵜⵏⵙⵙⵉⵅⴼⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ ⴷ ⵜⵏⴳⴳⵯⵓⵜ ⵏⵏⵙ ⴳ ⵓⴱⵕⵍⴰⵎⴰⵏ ⵏ ⵙⵙⴰⵍⴼⴰⴷⵓⵔ
ⵜⵙⵏⵎⴰⵍⴰ ⵎⴰⵙⵙ ⵏⴰⴷⵢⴰ ⴱⵓⵄⵉⴷⴰ ⵜⴰⵏⵙⵙⵉⵅⴼⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵜⵓⵙⵍⵉⵎⵉⵏ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵉⵍⵉⵜ ⵏ ⵎⴰⵙⵙ ⵏⴰⴷⵢⴰ ⵍⵇⵏⵚⵓⵕⵉ; ⴰⴽⵕⴰⵙ 5 ⴽⵟⵓⴱⵕ 2022, ⵜⴰⵙⵎⵓⵏⵉ ⵙ ⵜⵉⴳⴳⵓⴳⵜ ⴷ ⵎⴰⵙⵙⴰ ⴰⵏⴰ ⵎⴰⴳⴷⴰⵍⵉⵏⴰ ⴼⵉⴳⵓⵔⵡⴰ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵙⵙⴰⵍⴼⴰⴷⵓⵔ.
ⴳ ⵓⵏⵎⵓⵇⵇⴰⵔ ⴰⴷ, ⵉⵍⵍⴰ ⵓⵙⵎⵏⵉⴷ ⵏ ⵜⵣⵣⵉⴳⵣⵜ ⵏ ⵜⵣⴷⴰⵢⵉⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵔⵉⴱ ⴷ ⵜⴳⴷⵓⴷⴰⵏⵜ ⵏ ⵙⵙⴰⵍⴼⴰⴷⵓⵔ ⴳ ⵜⵎⵔⴰⵡⵜ ⵉⴳⴳⵓⵔⴰⵏ, ⵙ ⵓⵙⵡⵉⵔ ⵏ ⵓⵏⵔⴰⵎⴰⵙ ⵉⵥⵉⵍⵏ ⵉⵍⵍⴰⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⴷ ⵓⵎⵙⴰⵙⴰ ⵏ ⵜⴰⵏⵏⴰⵢⵢⵉⵏ ⵏⵏⵙⵏⵜ ⵅⴼ ⵜⵎⵙⴰⵔⵉⵏ ⵜⵉⵏⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ.
ⵜⵙⴰⵡⴰⵍ ⵎⴰⵙⵙⴰ ⴱⵓⵄⵉⴷⴰ ⴼ ⵜⴷⵉⵏⴰⵎⵉⵏ ⵏ ⵓⵎⵢⴰⵡⴰⵙ ⵊⴰⵔ ⵙⴰⵏⵜ ⵜⵎⵉⵣⴰⵔ ⴳ ⵉⵙⵡⵉⵔⵏ ⴽⵓⵍⵍⵓⵜⵏ, ⴷ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵓⵙⵏⵎⴰⵍⴰ ⵏ ⵉⵏⵎⵓⵇⵇⴰⵔⵏ ⵊⴰⵔ ⵉⵎⴰⵙⵜⴰⵢⵏ ⵏ ⵙⵏⴰⵜ ⵜⵎⵉⵣⴰⵔ, ⵜⵉⵏⵉ ⵎⴰⵙ ⵉⵍⵍⴰ ⵓⵎⵓⵔⵙ ⴰⴷ ⵙ ⵜⵉⵔⴰⵜ ⵉⴷⵓⵙⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴷ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵙⵙⴰⵍⴼⴰⴷⵓⵔ ⵏⴰⵊⵉⴱ ⴱⵓⴽⵉⵍⵉ.
ⵜⵙⴰⵡⴰⵍ ⵓⵍⴰ ⴼ ⵓⵣⵣⵔⴰⵢ ⵏ ⵡⴰⴷⴷⴰⴷ ⵏ ⵙⵙⴰⵍⴼⴰⴷⵓⵔ ⵅⴼ ⵜⵎⵖⵔⵉⴱⵉⵜ ⵏ ⵚⵚⵃⵕⴰ ⵍⵍⵉ ⵜⴽⴽⵉⵙ ⵜⵓⵙⵙⵏⴰ ⵏⵏⵙ ⵙ ⵜⴳⴷⵓⴷⴰⵏⵜ ⵏ ⵎⴰⵔⵓⵔ, ⴰⵢⵍⵍⵉ ⵉⴳⴰⵏ ⴰⵙⵎⴰⵜⵜⵉ ⴳ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵙ ⵓⵣⵎⵎⴻⵎ ⵏ ⵓⵙⵉⵡⴹ ⵉⵛⵛⴰⵔⵏ ⵊⴰⵔ ⵉⵎⴰⵡⵙⴰⵙⵏ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵙⵏⴰⵜ ⵜⵍⵉⵣⴰⵔ ⴳ ⵢⵓⵏⵢⵓ 2017, ⵉⴳ ⵜⴰⴽⵕⴹⴰ ⵏ ⵜⵡⵡⵓⵔⵉ ⴰⵙⵉⵏⵔⴰⵏ ⴳ ⵎⴰⵕⵕⴰ ⵏ ⵉⴳⵔⴰⵏ.
ⵉⵍⵍⴰ ⵓⵎⵙⴰⵙ ⵎⴰⵙ ⵜⵍⵍⴰ ⵜⵎⴰⵙⴰⵢⵜ ⵉⵛⵛⴰⵔⵏ ⵖⵓⵔ ⵉⴱⵕⵍⴰⵎⴰⵏⵉⵢⵏ ⴳ ⵍⵎⵖⵔⵉⴱ ⴷ ⵙⵙⴰⵍⴼⴰⴷⵓⵔ ⵉ ⵓⵙⵡⵓⵔ ⵃⵎⴰ ⴰⴷ ⵉⴷⵓⵙ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⴷ ⵓⵙⵙⵔⵇⴱ ⵏ ⵓⵙⵙⴰⵔⵓ ⴰⴳⴷⵓⴷⴰⵏ ⴷ ⵓⵙⵍⴳ ⵙ ⵜⵎⴷⵔⴰⵡⵜ ⴳ ⵉⵍⵍⴰ ⵚⴰⵃⴰ ⵉⵛⵛⴰⵔⵏ. ⵜⵖⵔ ⵎⴰⵙⵙⴰ ⴱⵓⵄⵉⴷⴰ ⵉ ⵜⵏⴳⴳⵯⵓⵜ ⵏⵏⵙ ⴳ ⵙⵙⴰⵍⴼⴰⴷⵓⵔ ⵉ ⵓⵙⵡⵓⵔⵉ ⵃⵎⴰ ⴰⴷ ⵢⵉⵍⵉ ⵓⵙⵎⵔⵙⴽⵍ ⵏ ⵜⵣⴷⴰⵢⵉⵏ ⵜⵉⵙⵏⵔⴰⵏⵉⵏ ⴷ ⵜⴳⵜⵉⵔⴰⵏⵉⵏ ⴳ ⵓⵙⵡⵉⵔ ⵏ ⵜⴷⴷⵓⴽⵯⵍⴰ ⵉⵥⵉⵍⵏ ⵊⴰⵔ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴷ ⵉⴱⵕⵍⴰⵎⴰⵏⵏ ⵏ ⵉⵡⴰⵏⴽⵏ ⵏ ⵍⴽⴰⵔⴰⵢⵉⴱ ⴷ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ, ⴷ ⵓⵙⵙⴰⵔⵓ ⵏ ⵉⵣⵎⴰⵣ ⵍⵍⴰⵏⵉⵏ ⵉ ⵓⵎⵢⴰⵡⴰⵙ ⴷ ⵜⵡⴰⴼⵉⵜ ⵏ ⵉⴼⵙⵙⴰⵢⵏ ⵉ ⵜⵎⵓⴽⵔⵉⵙⵏ ⴷ ⵜⵎⵙⴰⵔⵉⵏ ⵍⵍⴰⵏⵉⵏ ⴰⵎ ⴰⵣⵡⴰⴳ ⴷ ⵜⵏⴼⵔⵓⵜ ⴷ ⵓⵙⵙⴰⵔⵓ ⴷ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ.
ⴳ ⵓⵎⵏⵉⴷ ⵏⵏⵙ, ⵜⵙⵓⵜⴳ ⵎⴰⵙⵙⴰ ⴰⵏⴰ ⵎⴰⴳⴷⴰⵍⵉⵏⴰ ⴼⵉⴳⵓⵔⵡⴰ ⵜⴰⴳⵓⵔ ⵏ ⵜⵏⴳⴳⵯⵓⵜ ⵏⵏⵙ, ⵜⵙⵎⵏⵉⴷ ⵜⵉⵔⵎⵉⵜ ⵏ ⵙⵙⴰⵍⴼⴰⴷⵓⵔ ⵅⴼ ⴰⵙⵉⵥⴹⵕ ⵏ ⵜⵎⵖⴰⵔⵜ ⴳ ⵜⵡⵡⵓⵔⵉ ⵜⴰⵙⵔⵜⴰⵏⵜ, ⵜⵙⵎⵏⵉⴷ ⵎⴰⵙⵙⴰ ⴱⵓⵄⵉⴷⴰ ⴰⵡⴷ ⵏⵜⵜⴰⵜ ⵓⵟⵟⵓⵏⵏ ⵅⴼ ⵜⴰⵣⵣⵉⴳⵣⵜ ⵏ ⵜⵉⵍⵉⵜ ⵏ ⵜⵎⵖⴰⵔⵜ ⴳ ⵓⴱⵕⵍⴰⵎⴰⵏ ⴷ ⵉⵙⵇⵇⵉⵎⵏ ⵜⵜⴰⵡⵙⵜⴰⵢⵏⵉⵏ ⴷ ⵜⵏⴱⴰⴹⵟ, ⵖⵎⴽ ⵍⵍⵉ ⵜⵙⴰⵡⵍ ⵎⴰⵙⵙⴰ ⵍⵇⵏⵚⵓⵕⵉ ⵅⴼ ⵜⵣⵡⵉⵔⵉ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵓⵙⵉⴷⴼ ⵏ ⵜⵎⵖⴰⵔⵉⵏ ⴳ ⵓⵙⵡⵉⵔ ⴰⵙⵔⵜⴰⵏ.
ⴳ ⵜⴳⵉⵔⴰ ⵏ ⵓⵏⵎⵓⵇⵇⴰⵔ, ⵉⵍⵍⴰ ⵓⵙⵎⵏⵉⴷ ⵏ ⵜⵙⵓⵎⴰⵔ ⵍⵍⵉ ⵔⴰⴷ ⵢⵉⵍⵉ ⵙ ⵓⵖⴰⵡⴰⵙ ⵏ ⵜⵡⵡⵓⵔⵉ ⴷ ⵓⵣⵣⵓⴳⵣ ⵏ ⵓⵎⵛⴰⵡⴰⵕ ⴰⵙⵓⵍⴰⵏ.