ⵉⵎⴹⴰⴽⴰⵕⵏ ⵊⴰⵔ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵙⴳ ⵍⴱⵓⵏⴷⵙⵜⴰⴳ ⴷ ⵉⴳⵎⴰⵎⴰⵏ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ
ⵉⴳⴰ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵍⵎⵖⵔⵉⴱ ⴷ ⵍⴰⵍⵎⴰⵏ ⴳ ⴽⵓ ⵉⴳⵔⴰⵏ ⵉⵎⴹⴰⴽⴰⵕⵏ ⵣⵔⵉⵏⵉⵏ ⴰⵙⵙ ⵏ ⵓⴽⵡⴰⵙ ⴳ ⵕⵕⴱⴰⵟ ⵊⴰⵔ ⵉⴳⵎⴰⵎⵏ ⵏ ⵜⵙⵇⵇⵉⵎ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⴷ ⵉⵎⵖⵔⵉⴱⵉⵢⵏ ⵏ ⵎⵉⵣⴰⵔ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵙⴳ ⴰⵍⵎⴰⵏⵉⵢⴰ.
ⵉⵍⵍⴰ ⴳ ⵓⵏⵎⵓⵇⵇⴰⵔ ⴰⴷ ⵓⵎⴹⴰⴽⴰⵕ ⵏ ⵉⵎⵔⵙⵉⵡⵏ ⵛⵛⴰⵔⵏⵉⵏ ⴰⵎ ⵉⵙⵏⴼⵍⵏ ⵉⵏⵙⴱⴰⴱⵏ ⴷ ⵓⵙⵙⴰⵔⵓ ⴷ ⵓⵎⵢⴰⵡⴰⵙ ⴰⴷⵙⵍⴰⵏ ⴷ ⵓⵙⴷⵓⵙ ⵏ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴳ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ.
ⴳ ⵓⵎⵏⵉⴷ ⴰⴷ, ⵜⵙⴷⴷⵉⴷ ⵎⴰⵙⵙ ⵏⴰⴷⵢⴰ ⴱⵓⵄⵉⴷⴰ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵎⴰⵙ ⵉⵟⵟⴰⴼ ⵍⵎⵖⵔⵉⴱ ⴷ ⴰⵍⵎⴰⵏⵢⴰ ⵜⵉⵙⵓⴳⴰⵔ ⵥⴹⴰⵕⵏⵉⵏ ⴰⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴷⵎⵙⴰⵏⵉⵏ ⴷ ⵓⵙⵎⵖⵔ ⵏ ⵉⵙⵏⴼⵍⵏ ⵉⵏⵙⴱⴰⴱⵏ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴳ ⴽⵓ ⵉⴳⵔⴰⵏ, ⵜⵖⵔ ⵉ ⴽⵉⴳⴰⵏ ⵏ ⵜⵓⴳⴳⴰⵙ ⵏ ⵓⵎⵢⴰⵡⴰⵙ ⴳ ⵓⵎⵏⵉⴷ ⴰⴷ.
ⵍⵍⵉⵖ ⵜⵣⵎⵎⵉⵎ ⵎⴰⵙ ⴷ ⵍⵎⵖⵔⵉⴱ ⵉⴳⴰ ⴱⴰⴱ ⵏ ⵓⵙⵙⴰⵔⵓ ⴰⵎⵣⵡⴰⵔⵓ ⴰⴼⵔⵉⵇⵉ ⴷ ⵓⵣⴳⵔ ⵙ ⵉⴼⵔⵉⵇⵢⴰ, ⵜⵖⵔⴰ ⵎⴰⵙⵙⴰ ⴱⵓⵄⵉⴷⴰ ⵉ ⵜⵉⵍⵉⵜ ⵏ ⵜⵎⴷⵔⴰⵡⵜ ⵊⴰⵔ ⵍⵎⵖⵔⵉⴱ ⴷ ⴰⵍⵎⴰⵏⵢⴰ ⴷ ⵉⴼⵔⵉⵇⵢⴰ, ⴷ ⵓⵙⴽⵔ ⵏ ⵜⵎⴷⵔⴰⵡⵜ ⴱⴰⵀⵔⴰ ⵉⴷⵓⵙⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵉⴱⴷⴷⵏ ⴼ ⵓⵎⵢⴰⵡⴰⵙ ⵉⵥⵥⵍⵎⴹ-ⵉⴼⴼⵓⵙ, ⵜⴳⴰ ⴰⵏⴰⵡ ⴳ ⵓⵙⵡⵉⵔ ⵏ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ.
ⵜⵖⵔ ⵓⵍⴰ ⵉ ⵓⵣⴷⴷⵓⵢ ⴳ ⵓⵙⴰⵔⴰⴳ ⴰⴳⵔⴰⵖⵍⴰⵏ ⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ, ⴷ ⵓⵙⵉⴳⵓⵜ ⵏ ⵓⵎⵛⴰⵡⴰⵕ ⴷ ⵓⵣⴷⴰⵢ ⴳ ⵜⴷⴷⵓⴽⴽⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⴰⵍⵎⴰⵏⵢⴰ, ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ ⴷ ⵜⴰⵏⵏⴰⵢⵢⵉⵏ ⵅⴼ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⵜⵙⴷⴷⵉⴷ ⴼ ⵜⵉⵍⴰⵍⵜ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵙⵔⵜⴰⵏⵉⵏ ⴷ ⵜⴷⵎⵙⴰⵏⵉⵏ ⴷ ⵜⴷⵍⵙⴰⵏⵉⵏ ⵊⴰⵔ ⵍⵎⵖⵔⵉⴱ ⴷ ⴰⵍⵎⴰⵏⵢⴰ.
ⴳ ⵓⵎⵏⵉⴷ ⵏⵏⵙⵏ, ⵙⴰⵡⵍⵏ ⵉⴳⵎⴰⵎⵏ ⵏ ⵓⴽⴰⴱⴰⵕ ⵏ ⴰⵍⵎⴰⵏⵢⴰ ⴼ ⵜⵉⵔⴰⵜ ⵏⵏⵙⵏ ⴰⴷ ⵉⵣⵣⵉⴳⵣ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵉⴳⵔⴰⵏ ⵉⴷⵎⵙⴰⵏⵏ ⴷ ⵉⴷⵍⵙⴰⵏⵏ ⴷ ⵉⵙⵔⵜⴰⵏⵏ ⴷ ⵓⵍⵓⵢ ⵏ ⵜⵏⴰⵥⴰⵕⵉⵏ ⴷⴰⵜ ⵏ ⵙⵏⴰⵜ ⵜⵎⵉⵣⴰⵔ, ⴷ ⵓⵣⴷⴰⵢ ⴼ ⵜⵎⵙⴰⵔⵉⵏ ⵜⵉⴳⵔⴰⵖⵍⴰⵏⵉⵏ ⵉ ⵓⵎⴰⴹⴰⵍ ⴳ ⵜⵍⵍⴰ ⵜⵏⴼⵔⵓⵜ ⴷ ⵓⴼⵔⴰ.
ⴳ ⵓⵎⵏⵉⴷ ⴰⴷ, ⵖⵔⴰⵏ ⵉ ⵓⵙⴷⵓⵙ ⵏ ⵓⵙⵙⴰⵔⵓ ⵉⵛⵛⴰⵔⵏ ⴳ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⵏⴰⵍ ⵏ ⵜⵎⴷⵔⴰⵡⵜ ⴷ ⵓⵙⵡⵓⴷⴷⵓ ⵉⵛⵛⴰⵔⵏ ⵏ ⵜⵎⵙⴰⵔⵉⵏ ⵏ ⵓⵣⵡⴰⴳ ⴷ ⵜⵣⴷⴰⵢⵉⵏ ⵜⵉⴷⵍⵙⴰⵏⵉⵏ, ⵍⵍⵉⵖ ⵜⴳⴰ ⵜⵥⵓⵕⵉ ⴷ ⵜⴷⵍⵙⴰ ⵉⵎⵉⵙⵙ ⵏ ⵓⵙⴷⵓⵙ ⵏ ⵓⵎⵙⴰⵡⴰⵍ ⴷ ⵓⵏⵔⵎⴰⵙ ⴰⵙⵉⵏⵔⴰⵏ.