ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⵙⵎⴰⴷ ⵏ ⵜⵙⵓⵜⵍⵜ ⵜⵉⵙ ⵙⵏⴰⵜ ⴳ ⵓⵙⴳⴳⵯⴰⵙ ⴰⵣⵣⵔⴰⴼ ⴰⵎⵣⵡⴰⵔⵓ ⴳ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ ⵢⴰⵜ ⴷ ⵎⵔⴰⵡⵜ

ⵙ ⵉⵙⵎ ⵏ ⵕⴱⴱⵉ, ⵜⴰⵥⴰⵍⵍⵉⵜ ⴼ ⵓⵔⵇⵇⴰⵚ ⵏⵏⵙ

ⵎⴰⵙⵙ ⴰⵎⴰⵡⵙⴰⵙⵉⵜⵜⴰⵡⵇⴰⵔⵏ,

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵔⴰⵜⵜⴰⵡⵇⵇⴰⵔⵏⵉⵏ,

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵙ ⵓⵣⵣⴳⵉⵔ ⵏ ⵓⴷⵓⵙⵜⵓⵔ ⴷ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵔ ⵜⵜⵓⵙⵎⵉⴷ ⵜⵙⵓⵜⵍⵜ ⵜⴰⵣⵣⵔⴰⴼⵜ ⵜⵉⵙ ⵙⵏⴰⵜ ⴳ ⵓⵙⴳⴳⵯⴰⵙ ⴰⵣⵣⵔⴰⴼ ⴰⵎⵣⵡⴰⵔⵓ ⴳ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ ⵢⴰⵜ ⴷ ⵎⵔⴰⵡⵜ ⴳ ⵓⵙⵡⵉⵔ ⵏ ⵜⵖⵉⵎⵉⵜⵉⵏ ⵜⵉⵎⴰⵜⴰⵢⵉⵏ, ⵎⴰⵛⴰ ⵣⵣⵉⴳⵣⵏⵜ ⵜⵡⵡⵓⵔⵉⵡⵉⵏ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ ⴷ ⵜⵔⵓⴱⴱⴰ ⵜⵉⵙⴳⵓⵎⴰⵏⵉⵏ ⴷ ⵉⵏⴳⵎⴰⵎⴰⵏ ⵏ ⵓⵙⵇⵇⵉⵎ ⵙ ⵜⵖⴰⵔⴰⵙⵜ ⵍⵍⵉ ⵏⵎⵢⴰⵔ.

ⵉⵎⵙⴰⵙⴰ ⵓⵙⵎⴰⴷ ⵏ ⵜⵙⵓⵜⵍⵜ ⴰⴷ ⴷ ⵓⵙⴼⵓⴳⵍⵓ ⵏ ⵜⵎⴰⵣⵉⵔⵜ ⵏⵏⵖ ⵏ ⵜⴼⴼⵓⴳⵍⴰ ⵏ ⵓⴷⴰⴱⵓ ⵉⴳⴰⵏ ⴰⵙⴳⴳⵯⴰⵙ ⴰⴷ ⴰⴽⵜⵜⵓⵢ ⵡⵉⵙ ⵙⵉⵏ ⵡⴰⴳⵏⴰⵔⴰⵏ ⴷ ⴽⵕⴰⴹ ⴼ ⵉⵍⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵉⵄⵣⵣⵓ ⵕⴱⴱⵉ ⴼ ⵓⴷⴰⴱⵓ ⵏ ⵉⵅⴰⵜⴰⵔⵏ ⵏⵏⵙ ⵣⵔⵉⵏⵉⵏ.

ⵙ ⵜⵎⵍⴷⴰ ⴰⴷ, ⴷⴰ ⵜⵜⵉⵏⵉⵖ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵔⵖⵓⴷⵏ ⴼⵍⵓⵊⵊⴰⵏⵉⵏ ⵙ ⵉⵙⵎ ⵏ ⵎⴰⵕⵕⴰ ⵉⴳⵎⴰⵎⴰⵏ ⵏ ⵓⵙⵇⵇⵉⵎ, ⵉⵎⵓⵏ ⴷ ⵜⵎⵉⵜⴰⵔ ⵏ ⵜⵉⵍⵉⵜ , ⵜⵜⵔⵖ ⴳ ⴱⴰⴱ ⵏ ⵉⴳⵏⴰⵡⵏ ⴰⴷ ⵉⵃⴼⴹ ⴱⴰⴱ ⵏ ⵡⴰⴷⴷⵓⵔ ⵉⵙⴷⵓⵎ ⴼⵍⵍⴰⵙ ⵜⴰⴷⵓⵙⵉ, ⵉⵃⴼⴹ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴷ ⴽⴰ ⴰⵢⵜ ⵜⴰⵡⵊⴰ ⵜⴰⴳⵍⴷⴰⵏⵜ ⵜⴰⵛⴰⵔⵉⴼⵜ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵙ ⵜⵎⵢⵓⵔⵉⵏ ⵏ ⵜⵡⵡⵓⵔⵉ ⵜⴰⵎⵔⵙⵍⴰⵏⵜ, ⵔⴰⴷ ⵏⵙⵎⵏⵉⴷ ⴳ ⵜⴳⵉⵔⴰ ⵏ ⴽⵓⴰ ⵜⴰⵙⵓⵜⵍⵜ ⵜⴰⵣⵣⵔⴰⴼⵜ ⵜⴰⵢⵢⴰⴼⵓⵜ ⵏ ⵜⵡⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴳ ⵓⵙⴽⵔ ⵏ ⵜⵎⵙⴽⴰⵔ ⵏⵏⵙ ⵜⵉⴷⵙⵜⴰⵔⵉⵏ ⴷ ⵜⵎⵔⵙⵍⴰⵏⵉⵏ ⴷ ⵜⵙⵔⵜⴰⵏⵉⵏ, ⴳ ⵓⵎⵢⴰⵡⴰⴹ ⴰⴽⴷ ⴰⴳⴷⵓⴷ ⴰⵎⴰⵜⴰⵢ ⴷ ⵓⵙⵖⵏⵓ ⵏ ⵓⵎⴹⴰⴽⴰⵕ ⴰⴳⴷⵓⴷⴰⵏ, ⵍⵍⵉⵖ ⵟⵟⴼⵏ ⵉⵎⵙⵜⴰⵢⵏ ⴰⵣⵔⴼ ⵏⵏⵙ ⴳ ⵜⵎⵓⵛⴰ ⵃⵎⴰ ⴰⴷ ⵙⵙⵏ ⵜⴰⵡⵡⵓⵔⵉ ⵏ ⵜⵎⵔⵙⵍⵜ, ⵙⵍⴰⵡⴰⵏ ⴰⴽⴽⵯ ⵡⵉⴷⴰ ⵓⵔ ⴹⴼⵕⵏⵉⵏ ⵜⴰⵡⵡⵓⵔⵉ ⴰⴳ ⴳ ⵓⵣⵎⵣ ⵏⵏⵙ ⵙ ⵓⵙⵔⵉⴷ.

ⵉⵣⵣⵉⴳⵣ ⵓⵙⵇⵇⵉⵎ ⴳ ⵓⵙⴽⵔ ⵏ ⵜⵎⵥⵍⴰⵢⵉⵏ ⵏⵏⵙ ⵜⵉⴷⵙⵜⴰⵔⵉⵏ ⴷ ⵜⵎⵔⵙⵍⴰⵏⵉⵏ ⴳ ⵜⵉⴹⴰⴼ ⴷ ⵓⵣⵣⵔⴰⴼ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ, ⵉⵙⵎⴰⵢⵏⵓ ⵜⵉⵙⵏⵜⴰⵢⵉⵏ ⵏⵏⵙ ⵙ ⵓⵎⵙⴰⵙⴰ ⴷ ⵓⵎⵏⴰⴹ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ, ⵙⵍⴰⵡⴰⵏ ⴰⴽⴽⵯ ⴷ  ⵉⵏⴰⵔⵓⵣⵏ ⵏ ⵡⴰⵎⵓⵏ ⴰⵎⵖⵔⵉⴱⵉ.

ⵜⴳⴰ ⵜⵣⵣⵉⴳⵣⵜ ⴳ ⵜⵡⵡⵓⵉ ⵏ ⵜⵉⴹⴰⴼ ⵙ ⴽⵓ ⴰⵏⴰⵡⵏ ⵏⵏⵙ, ⴷ ⵓⵙⴽⵔ ⵏ ⵜⵡⵡⵓⵔⵉⵡⵉⵏ ⵏ ⵓⵙⵓⵜⴳ ⴳ ⵓⵙⵡⵓⵔⵉ ⵏ ⵓⵙⵇⵇⵉⵎ ⵏⵏⵖ, ⴰⵥⴰⵥⵓⵏ ⴰⵎⵔⵙⵍⴰⵏ ⴷ ⵓⵎⴳⵔⵓ, ⵜⵓⵣⵍⵜ ⴷ ⵜⵓⴳⵜ, ⴰⵏⵢⵍⴰⴽⴰⵎ ⴰⴽⴷ ⵎⴰⵙ ⵉⵇⵇⵍ ⵡⴰⵎⵓⵏ, ⵉⴳ ⴰⵙⴽⵔ ⵏ ⵜⴷⵉⵏⴰⵎⵉⵜⵉⵏ ⵜⵉⵎⴰⵢⵏⵓⵜⵉⵏ ⴳ ⵜⵡⵡⵓⵔⵉ ⵏ ⵜⵎⵔⵙⴰⵍ, ⴷ ⵡⴰⵏⴰⵡ ⵏ ⵓⵎⵎⴰⵜⵜⵉ ⴳ ⵜⵡⵡⵓⵔⵉⵡⵉⵏ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ.

ⴳⴰⵏⵜ ⵜⵎⵉⵜⴰⵔ ⵏ ⵜⵙⵇⵇⵉⵎⵉⵏ ⴷ ⵜⵓⵎⴰⵢⴰⵜ ⵏ ⵉⵎⴷⴰⵡⴰⵍ ⵏⵏⵖ ⴳ ⵓⵙⵡⵉⵔ ⵏ ⵜⵖⵉⵎⵉⵜⵉⵏ ⵜⵉⵎⴰⵜⴰⵢⵉⵏ ⴼ ⵜⴷⵉⵏⴰⵎⵉⵜ ⴰⴷ ⵜⴰⵎⴰⵢⵏⵓⵜ ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ, ⵏⴽⴽⵉⵏ ⵏⵉⵜ ⴼⵔⴽⵖ ⵎⴰⵙ ⴰ ⵜⵜⵉⵏⵉ ⵜⴷⵉⵏⴰⵎⵉⵜ ⴰⴷ ⵎⴰⵙⴷ ⵜⵉⵎⵙⴰⵔⵉⵏ ⵏ ⵡⴰⵎⵓⵏ ⴷ ⵜⵎⴰⵢⵏⵓⵜⵉⵏ ⵏⵏⵙ, ⵟⵟⴰⴼⵏⵜ ⵜⴰⵖⵍⴰⵍⵖⴰⵍⵜ ⴳ ⵜⵎⵔⵙⴰⵍ ⴳⴰⵏⵉⵏ ⴰⵙⴰⵉⵜⵉ ⵏ ⵓⵎⴹⴰⴽⴰⵕ ⵏ ⵜⵎⵓⴽⵔⵉⵙⵉⵏ ⴰⴷ ⴷ ⵜⵉⵍⵉⵜ ⵏ ⵉⴼⵙⵙⴰⵢⵏ ⵏⵏⵙ  ⵙⵓⵎⴹⴽⴰⵕ ⵊⴰⵔ ⵜⵉⵏⴱⴰⴹⵉⵏ ⵊⴰⵔ ⵉⴷ ⴱⴰⴱ ⵏ ⵜⵙⵔⵜⵉⵜ, ⵉⴳ ⵓⵙⴳⵓⴷⵉ ⵏ ⵜⵎⵢⴰⴷⴰⵙⵉⵏ ⴰⴷ ⵜⴰⵖⴰⵡⵙⴰ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⴽⵔ ⵏ ⵜⵎⵢⵓⵔⵉⵔⵏ ⵜⵉⴷⵉⵎⵓⵇⵔⴰⵟⵉⵢⵉⵏ ⵜⵉⵎⵔⵙⵍⴰⵏⵉⵏ.

ⴳ ⵓⵙⴰⵜⵉ ⵏ ⵜⵎⵙⴽⵔⵜ ⵏ ⵜⵉⴹⴰⴼ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ, ⵍⵍⴰⵏⵜ ⴳ ⵜⵎⵣⵡⵓⵔⴰ ⵜⵎⵙⴰⵔⵉⵏ ⵏ ⵓⵙⵡⵓⴷⴷⵓ ⵏ ⵡⴰⵎⴰⵏ ⴷ ⵜⵎⵓⴽⵔⵉⵙ ⵍⵉ ⴷⵉⵙ ⵉⵣⴷⵉⵏ ⴳ ⴽⵉⴳⴰⵏ ⵏ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ⵍⵍⵉⵖ ⵉⴷⵔⵓⵙ ⵓⵏⵥⴰⵕ ⴷ ⵓⴷⴼⵍ, ⵖⵎⴽ ⴰⵏⵏ ⴷ ⵜⵎⵙⴰⵔⵉⵏ ⵏ ⵜⵥⴹⴰⵕⵜ ⵍⵍⵉⵖ ⵖⵍⵉⵏ ⵡⴰⵜⵉⴳⵏ ⵏⵏⵙ ⴳ ⵓⵎⴰⴹⴰⵍ, ⴷ ⵜⵎⵙⴽⴰⵔ ⵍⵍⴰⵏⵉⵏ ⵃⵎⴰ ⴰⴷ ⴰⴽⵯⵉⵏ ⵉⴷⵔⵉⵣⵏ ⵏ ⵡⴰⵍⴰⵢ ⴼ ⵡⴰⵜⵉⴳⵏ ⵏ ⵜⵏⵓⴼⴰ ⴷ ⵜⵎⵜⵜⵉⵡⵉⵏ , ⴷ ⵜⵙⵓⴳⵔⵜ ⵏ ⵎⵙⵓⵖⵜ. ⵖⵎⴽ ⴰⵏⵏ ⵓⵍⴰ ⵜⵉⵎⵙⴰⵔⵉⵏ ⵏ ⵜⵓⵏⵏⵓⵏⵜ ⵜⴰⵏⴰⵎⵓⵔⵜ ⴷ ⵓⵙⵏⴱⴷⵓ.

ⵉⴼⵜⴰ ⵓⵅⵎⵎⴻⵎ ⵏ ⵉⴼⵔⴷⴰⵙ ⵉⵙⵔⵜⴰⵏⵏ ⵓⵙⵇⵇⵉⵎ ⴳ ⵓⵙⵡⴰⵍⴰ ⴰⴷ ⵏⵉⵜ ⴳ ⵜⵎⵥⵍⵉⵜ ⵜⴰⵢⵢⴰⵡⵜ ⵏ ⵜⵉⴹⴰⴼ ⴳ ⵎⴰⴷ ⵉⵥⵍⵉⵏ ⵙ ⵜⵙⵎⵉⴳⴰⵍ ⵏ ⵓⵙⴰⴳⴳⵯ ⵍⵍⵉ ⵎⵓ ⵉⴼⴽⴰ ⵓⵙⵉⵔⴰ ⵏ ⵓⵙⵇⵇⵉⵎ ⵜⵓⵔⴰⴳⵜ ⵉ ⴽⴽⵓⵥ ⴷⵉⴳⵙⵏⵜ ⵃⵎⴰ ⴰⴷ ⵢⵉⵍⵉ ⵓⵙⵎⵓⵏ ⵏ ⵉⵏⵖⵎⵉⵙⵏ  ⴼ: 1.ⴰⵥⵟⵟⴰ ⵏ ⵓⴱⵟⵟⵓ ⴷ ⵓⵙⵖⵏⵣⵉ ⵏ ⵉⵢⴰⴼⵓⵜⵏ ⵉⵏⴼⵍⴰⵃⵏ, 2 ⵜⵉⵎⵙⴽⴰⵔ ⵣⴷⵉⵏⵉⵏ ⴷ ⵓⵙⵎⵓⵔⵙ ⵏ ⵜⵡⵡⵓⵔⵉ ⵏ ⵎⴰⵕⵃⴰⴱⴰ 2022, 3. ⵜⵉⵎⵕⵚⵉⵟⵉⵏ ⵏ ⵓⵏⴱⴷⵓ ⵉ ⵚⴰⵃⴰ ⵏ ⵜⴰⵣⵣⴰⵏⵉⵏ. 4. ⴰⵙⵓⵔⵙ ⵏ ⵡⴰⵙⵉⴼ ⵏ ⵓⵎⵎ ⵕⴱⵉⵄ.

ⴳ ⵓⵎⵏⵉⴷ ⴰⴷ, ⵏⵎⵎⴰⵖ ⴳ ⵓⵙⵉⵔⴰ ⵏ ⵓⵙⵇⵇⵉⵎ, ⵙ ⵓⵎⵙⴰⵙⴰ ⴰⴽⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⴰⴷ ⵢⵉⵍⵉ ⵓⵙⴽⵔ ⵙ ⵜⵔⵙⴰⵍ ⵏ ⵜⵍⴳⴰⵎⵜ ⵜⴰⴳⵯⵏⵙⴰⵏⵜ ⵏ ⵜⵙⵎⵉⴳⴰⵍ ⵏ ⵓⵙⴰⴳⴳⵯ, ⵃⵎⴰ ⴰⴷ ⵢⵉⵍⵉ ⵓⵙⵏⴻⵍⵍⵉ ⵏ ⵡⴰⴽⵓⴷ ⴰⴱⵕⵍⴰⵎⴰⵏⵉ, ⴷ ⵓⵙⵉⵜⵜⵉ ⵏ ⵡⴰⴷⴷⴰⴷⵏ ⵏ ⵜⵎⵏⴰⴳⴰⵔⵜ ⵏ ⵜⵏⵓⴼⴰ, ⴷ ⵓⵙⵓⵊⴷ ⵏ ⵉⵏⵇⵇⵉⵙⵏ ⵙ ⵜⵖⴰⵔⴰⵙⵜ ⵜⴰⵣⵣⵓⵍⴰⵏⵜ, ⵏⵎⵎⴰⵖ ⴰⴷ ⵙⵎⴷⵏ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⵎⵓⵔⴰ ⵜⵉⵙⵎⵉⴳⴰⵍ ⵏ ⵓⵙⴰⴳⴳⵯ ⴳ ⵓⵣⵎⵣ ⴷ ⵢⵓⵙⴰⵏ.

ⵜⵉⵏⴳⴳⵯⴰ ⴷ ⵉⵏⴳⴳⵯⴰ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⴳ ⵉⵙⵇⵙⵉⵜⵏ, ⵉⵡⵉⵏⵜ ⵜⵎⵙⴰⵔⵉⵏ ⵏ ⵡⴰⴽⵓⴷ ⵜⴰⵢⵏⵉⵜ ⵏ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵔⴰ ⴳ ⵉⵙⵇⵙⵉⵜⵏ ⵏⵏⵙⵏ ⵉ ⵜⵏⴱⴰⴹⵟ. ⵙⵏⴰⵜ ⵜⵖⵉⵎⵉⵜⵉⵏ ⵖ ⵉⵔⵓⵔ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴷⵜ ⴼ ⵉⵙⵇⵙⵉⵜⵏ ⵏ ⵓⵙⵇⵇⵉⵎ ⵍⵍⴰⵏⵜ ⴼ ⵙⵉⵏ ⵉⵎⵔⵙⵉⵢⵏ ⵙⵜⴰⵡⵀⵎⵎⴰⵏⵉⵏ, ⵜⴰⵙⵜⵔⴰⵜⵉⵊⵉⵜ  ⵜⴰⴷⵎⵙⴰⵏⵜ ⵜⴰⵎⴰⵜⴰⵢⵜ ⵉ ⵓⵙⴱⴷⴷⵉ ⵏ ⵉⵙⵏⴼⵍⵏ ⵉⵎⴰⴹⵍⴰⵏⵏ, ⴷ ⵜⴱⴱⴰⵢⴹⴰⵕⵉⵏ ⴷ ⵜⵏⴰⵥⴰⵕⵉⵏ ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⴳ ⵜⵎⴰⵣⵉⵔⵜ ⵏⵏⵖ. ⴱⵍⴰ ⴷⴰⵖ ⵙⵙⴽⵜⵉⵖ ⴰⵜⵉⴳ ⵏ ⵉⵎⵔⵙⵉⵡⵏ ⴰⴷ ⴷ ⵜⵣⴷⴰⵢⵜ ⵏⵏⵙ ⴰⴽⴷ ⴰⵎⵏⴰⴷ ⴰⵏⴰⵎⵓⵔ.

ⵣⵣⵉⴳⵣⵏ ⵉⵙⵇⵙⵉⵜⵏ ⵉⵎⵉⵡⴰⵏⵏ ⵉⵏⵎⵍⴰⵙⵙⵏ ⵜⵜⴰⴼⴽⴰⵏⵉⵏ ⵉ ⵜⵏⴱⴰⴹⵟ ⴳ ⵓⵅⵎⵎⴻⵎ ⴰⴷ, ⴽⴽⴰⵏ ⴼⵍⵍⴰⵙⵏ ⵜⵎⵙⴰⵔⵉⵏ ⵏ ⵓⵛⵃⴰⵓ ⵏ ⵡⴰⵎⴰⵏ ⴷ ⵜⵥⴹⴰⵕⵜ ⴷ ⵜⴼⵍⵍⴰⵃⵜ ⴷ ⵜⵅⵅⵓⵜⵔⴰ ⵏ ⵡⵓⵜⵛⵓ ⴷ ⵓⵎⵢⴰⵡⴰⴹ ⴰⵏⴰⵎⵓⵏ, ⴷⵓⵙⵡⵓⵔⵉ ⴷ ⵓⴼⵔⴰⴳ ⴰⵏⴰⵎⵓⵏ ⴷ ⵓⵙⵙⵍⵎⴷ ⴷ ⵜⵎⵙⴰⵔⵉⵏ ⵍⵍⴰⵏⵉⵏ ⴳ ⵎⴰⴷ ⵉⴳⴰⵏ 1300 ⵏ ⵓⵙⵇⵙⵉ ⴰⵎⵉⵡⴰⵏ ⵍⵍⵉ ⵙⵎⵏⵉⴷⵏ ⵉⵎⵓⵔⴰ ⵉ ⵜⵏⴱⴰⴹⵟ ⵜⵉⵍⵉ ⵜⵎⵔⴰⵔⵓⵜ ⴼ ⵓⴳⴳⴰⵔ ⵏ 300 ⵏ ⵓⵙⵇⵙⵉ  ⵣⵔⵉⵏ ⴳ ⵓⵖⴰⵡⴰⵙ ⵙ ⵜⴱⵔⵉⴷⵉⵏ ⵍⵍⴰⵏⵉⵏ ⴳⵉⵙⵏ 73 ⵏ ⵓⵙⵇⵙⵉ ⴰⴷⵖⵢⴰⵏ.

ⵖⵎⴽ ⵍⵍⵉ ⵓⵣⵏⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵎⴰⴷ ⵉⴳⴰⵏ ⵓⴳⴳⴰⵔ ⵏ 2200 ⵏ ⵓⵙⵇⵙⵉ ⴰⵎⵉⵔⴰⵢ, ⵜⵍⴽⵎⴷ ⵜⵎⵔⴰⵔⵓⵜ ⵏ ⵓⴳⴳⴰⵔ ⵏ 1400 ⵏ ⵓⵙⵇⵙⵉ.

ⴳ ⵎⴰⴷ ⵉⵥⵍⵉⵏ ⵙ ⵉⵇⴰⵡⴰⵍⵏ ⵓⵏⴱⵉⴹⵏ, ⵏⵙⵙⵏⵜⵉ ⴳ ⵓⵙⵎⵀⵍ ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⴳ ⵓⵎⵏⵉⴷ ⴰⴷ ⵏ ⵜⵉⴹⴰⴼ ⴳ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ, ⵙ ⵓⵙⵡⵓⵔⵉ ⵙ ⵓⵎⵏⵏⵉ 114 ⵏ ⵓⵏⴳⵔⴰⵡ ⴰⴳⵯⵏⵙⴰⵏ, ⵢⵉⵍⵉ ⵓⵙⵢⴰⴼⵉ ⵏ 222 ⵏ ⵓⵇⴰⵡⴰⵍ ⴳ ⵜⵙⵇⵇⵉⵎⵉⵏ ⴷ 73 ⵏ ⵓⵇⴰⵡⴰⵍ ⵓⵏⴱⵉⴹ ⴳ ⵜⵖⵉⵎⵉⵜⵉⵏ ⵜⵉⵎⴰⵜⴰⵢⵉⵏ. ⵏⵙⵎⵀⵍ ⵜⵉⴱⵔⵉⴷⵉⵏ ⵣⴷⵉⵏⵉ ⴷ ⵉⵇⴰⵡⴰⵍⵏ ⴰⴷ ⵙ ⵜⵎⵢⴰⵣⴰⵏⵜ ⵉ ⵜⵏⴱⴰⴹⵜ ⵅⴼ ⵉⵎⴰⵍ ⵏⵏⵙⵏ.

ⴳ ⵎⴰⴷ ⵉⵥⵍⵉⵏ ⵙ ⵓⵣⵣⵔⴰⴼ, ⵉⵙⵖⵣⵏ ⵓⵙⵇⵇⵉⵎ 19 ⵏ ⵓⴹⵔⵉⵙ ⴳⵉⵙⵏ ⴽⵕⴰⴹⵜ ⵜⵙⵓⵎⵔⵉⵏ ⵏ ⵉⵙⵍⴳⵏⵏ ⴷ 16 ⵏ ⵓⵙⵏⴼⴰⵔ ⵏ ⵓⵙⵍⴳⵏ, ⵜⴰⵎ ⵉⴹⵔⵉⵚⵏ ⴳ ⵜⵉⵢⵢⴰⴼⵓⵜ ⵏ ⵓⵣⵣⵔⴰⴼ ⴳ ⵜⵙⵓⵜⵍⵜ ⴰⴷ, ⴳⴰⵏ ⵉⵙⵍⴳⵏⵏ ⵉⵎⵙⴽⴰⵔⵏ ⵣⴷⵉⵏⵉ ⴷ ⵜⵉⵍⴰⵍ ⴷ ⵜⵏⵓⴼⴰ ⵜⵉⴷⵙⵍⴰⵏⵉⵏ ⴰⵎ ⴰⵙⵍⴳⵏ ⴰⵎⴰⴷⴷⴰⵙ ⴼ ⵜⴰⵔⴷⵙⵜⴰⵜ ⵏ ⵓⵙⵍⴳⵏ, ⴰⵙⵏⴼⴰⵔ ⵏ ⵓⵙⵍⴳⵏ ⵉⵣⴷⵉⵏ ⴷ ⵜⵏⴼⴳⵓⵔⵜ ⴷ ⵜⵎⴰⵣⵣⴰⵍⵜ, ⴰⵙⵏⴼⴰⵔ ⵏ ⵓⵙⵍⴳⵏ ⵉⵣⴷⵉⵏ ⴷ ⵓⵣⵎⵎⴻⵎ ⴰⵏⴼⵍⴰⵃ ⴰⵏⴰⵎⵓⵔ, ⵡⵉⵏ ⵉⵣⵔⴼⴰⵏ ⵏ ⵓⵎⴰⵔⴰ, ⵉⴹⵔⵉⵚⵏ ⴼ ⵜⴻⵜⴳⴰⵔⵉⵏ ⵏ ⵓⵕⵟⵟⵍ, ⴰⵙⴽⵔ ⵏ ⵜⵎⵔⵙⵍⴰⵜ ⵉⵛⵛⴰⵔⵏ ⵉ ⵓⵙⵎⵖⵔ ⵏ ⵜⵡⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵏ ⵉⵎⵙⵡⵓⵔⵉⵢⵏ ⵏ ⴽⵉⴳⴰⵏ ⵏ ⵉⴳⵔⴰⵏ ⵉⵎⴰⵡⵙⴰⵙⵏ ⴷ ⵜⵎⵙⵙⵓⴳⵓⵔⵉⵏ ⵜⵉⴳⴷⵓⴷⴰⵏⵉⵏ, ⴷ ⵓⵙⴽⵛⵓⵎ ⵏ ⵜⵏⵏⵓⴱⴹⴰⴷ ⴷ ⵓⵙⵎⴰⵢⵏⵓ ⵉ ⵓⴼⵓⵍⴽⵉ ⴰⴳⴷⵓⴷⴰⵏ ⴷ ⵓⵙⵏⵎⴰⵍⴰ ⵏⵏⵙ. ⵉⵇⵇⴰⵏ ⴷ ⴰⴷ ⵏⵥⵕ ⵎⴰⵙ ⴷ ⴰⵙⵖⵣⵏ ⵏ 95 % ⵏ ⵉⴹⵔⵉⵚⵏ ⴰⴷ ⵉⵍⵍⴰ ⵙ ⵓⴽⵕⴰⴹ, ⴰⵢⵍⵍⵉ ⵉⵎⵎⴰⵍⴰⵏ ⵜⴰⵢⴰⵏⵜ ⵏ ⵉⴼⵔⴷⴰⵙ ⵉⵙⵔⵜⴰⵏⵏ ⵏ ⵓⵙⵇⵇⵉⵎ ⴳ ⵎⴰⴷ ⵉⵥⵍⵉⵏ ⵙ ⵜⵎⵙⴽⴰⵔⵉⵏ ⵜⵓⴷⴷⵉⵔⵉⵏ ⴷ ⵜⴷⵙⵍⴰⵏⵉⵏ ⵏ ⵜⵎⴰⵣⵉⵔⵜ, ⴷ ⴰⵢⵍⵍⵉ ⵉⵎⵎⴰⵍⴰⵏ ⵜⴰⴷⵓⵙⵉ ⵏ ⵡⴰⵏⴰⵡ ⵏⵏⵖ ⴰⵎⵔⵙⵍⴰⵏ ⵉⴱⴷⴷⵏ ⴼ ⵓⵎⵙⴰⵙⴰ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⴳ ⵓⵙⴰⵜⵉ ⵏ ⵜⵎⵙⴽⵔⵜ ⵏ ⵜⵎⵥⵍⵉⵜ ⵏ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵣⵣⵉⴳⵣⵏⵜ ⵜⵔⵓⴱⴱⴰ ⵜⵉⵙⴳⵓⵎⴰⵏⵉⵏ ⴳⴰⵏⵉⵏ ⴽⵕⴰⴹⵜ ⵉⵜⵜⵓⵙⵎⴰⴳⴰⵍⵏ  ⵙ ⵓⵙⵓⵜⴳ , ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ, ⴰⵖⴰⵡⴰⵙ ⵏ ⵍⵎⵖⵔⵉⴱ ⴰⵣⴳⵣⴰ, ⵜⵉⵙⵔⵜⵉⵜ ⵏ ⵡⴰⵎⴰⵏ, ⵜⵉⵡⵡⵓⵔⵉⵡⵉⵏ ⵏⵙⵏⵜ ⴳ ⵓⵏⴰⵎⵎⴰⵙ ⴷ ⵓⴽⴰⵍⴰⵏ, ⵉ ⵓⵙⵙⴼⵍⴷ ⵉ ⴽⵓ ⵉⵎⵙⵜⴳⴳⴰⵔⵏ, ⴷ ⵡⵉⴷ ⵎⵓ ⵜⵚⴰⵃⴰ ⴽⵓ ⵜⵙⵔⵜⵉⵜ ⵜⴰⴳⴷⵓⴷⴰⵏⵜ ⵉⴽⵛⵎⵏ ⴳ ⵓⵣⵣⵔⴰⵢ ⵙ ⵓⵡⵇⵇⵔ ⵏ ⵜⵎⵓⵔⴰⵢⵜ ⵜⴰⴱⵕⵕⵍⴰⵎⴰⵏⵉⵜ ⴷ ⵓⵏⴳⵔⴰⵡ ⴰⴳⵯⵏⵙⴰⵏ ⴷ ⵓⵙⴽⵔ ⵙ ⵓⵙⴰⵜⵉ ⴰⵙⵖⵍⴰⵏ ⵏ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ.

ⵜⵙⵙⵏⵎ ⴰⵜⵉⴳ ⵉⵥⵍⵉⵏ ⵙ ⵜⵙⵔⵜⴰⵢ ⴳⴰⵏⵉⵏ ⵉⵎⵔⵙⵉ ⵏ ⵓⵙⵓⵜⴳ ⴳ ⵉⵎⵏⴰⴹ ⴰⴷ ⴷ ⵓⵛⵛⵉⵍ ⵏ ⵓⵙⴽⵔ ⵏ ⵜⵡⵡⵓⵔⵉⵡⵉⵏ ⵏ ⵓⵙⵓⵜⴳ ⵍⵍⴰⵉ ⵔⴰⴷ ⵢⴰⵡⵙ ⴳ ⵜⵉⵍⵉⵜ ⵏ ⵓⵙⵎⴰⵇⵇⵍ ⴼ ⵎⴰⴷ ⵉⵜⵜⵓⵙⴽⴰⵔⵏ ⴷ ⵜⵏⵏⵓⴱⴹⴰ ⵏⵏⵙ ⴷ ⵜⴱⵔⵉⴷⵉⵏ ⵏ ⵓⵙⵖⵓⴷⵓ ⵏⵏⵙ ⵙ ⵓⵎⵙⴰⵙⴰ ⵅⴼ ⵉⵙⵖⵍⴰⴼ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⴽⵔ ⵏ ⵉⵎⵓⴽⵏⵏ ⵉⵎⴰⵢⵏⵓⵜⵏ, ⵍⵍⵉ ⵔⴰⴷ ⵉⵙⵖⵓⴷⵓ ⵉⵡⵜⵜⴰⵙⵏ ⴷ ⵜⵢⵢⴰⴼⵓⵜ ⵜⵙⴽⵔ ⴳ ⵜⴽⵕⴹⵉ ⵜⴰⴳⴷⵓⴷⴰⵏⵜ ⵜⴰⴷ ⵉⵟⵟⴰⴼⵏ ⵜⴰⵢⵢⴰⴼⵓⵜ ⴷ ⵓⴼⴰⵔⵙ.

ⵙ ⵜⵎⵍⴷⴰ ⴰⴷ, ⵔⵉⵖ ⴰⴷ ⵙⵓⵜⴳⵖ ⵜⴰⵡⵡⵓⵔⵉ ⵜⴰⵅⴰⵜⴰⵔⵜ ⵉⵙⵇⵇⵉⵇⵏ ⵍⵍⵉ ⵙⴽⴰⵔⵏ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⵎⵓⵔⴰ ⵜⵜⴰⵡⵙⵎⴰⴳⴰⵍⵏⵉⵏ ⵙ ⵜⵡⵡⵓⵔⵉⵡⵉⵏ ⴰⴷ ⵏ ⵓⵙⵓⵜⴳ, ⵙⵏⴰⵜ ⴳⵉⵙⵏⵜ ⵇⵇⵔⴱⵏⵜ ⴰⵙⵎⴰⴷ. ⵙ ⵡⴰⵜⵉⴳ ⵉⵍⵍⴰⵏ ⴷⴰⵔ ⵉⵣⵔⴼⴰⵏ ⵏ ⵜⵎⵖⴰⵔⵜ ⴳ ⵜⵎⴰⵣⵉⵔⵜ ⵏⵏⵖ, ⵃⵎⴰ ⴰⴷ ⵏⵙⴽⵔ ⵉⵙⵍⴳⵏ ⵣⴷⵉⵏⵉⵏ ⴷ ⵉⵣⵔⴼⴰⵏ ⴰⴷ, ⵉⵙⴽⵔ ⵓⵙⵉⵔⴰ ⵏ ⵓⵙⵇⵇⵉⵎ ⵜⴰⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵥⵍⵉⵏ  ⵙ ⵓⵣⵣⵔⴰⵢ ⵏ ⵓⵙⵍⴳⵏ  ⵉⵣⴷⵉⵏ ⴷ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ, ⵏⴻⵏⵏⵓⵔ ⴰⵙⵖⵓⴷⵓ ⵏ ⵓⵣⵣⴳⵉⵔ ⵏ ⵜⵓⵎⴰⵢⵜ ⵏ ⵓⵙⵍⴳⵏ ⴰⴷ ⵙ ⵎⴰⴷ ⵉⴹⵎⵏⵏ ⵉⵣⵔⴼⴰⵏ ⵏ ⵜⵎⵖⵔⵉⴱⵄⵉⵢⵉⵏ ⴷ ⵓⴼⵔⴰⴳ ⵏⵏⵙⵏⵜ ⵙⴳ ⵜⵊⵕⴷⵉ ⵙ ⴽⵓ ⴰⵏⴰⵡⵏ ⵏⵏⵙ.

ⵃⵎⴰ ⴰⴷ ⵢⵉⵍⵉ ⵓⴹⵎⵏ ⵏ ⵓⵙⵙⴰⵔⵓ ⵉⵕⵡⴰⵏ ⵏ ⵉⵏⵇⵇⵉⵙⵏ ⵏ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ ⴷ ⵜⴳⵔⴰⵡⵉⵏ ⵏ ⵜⵏⵏⵓⴱⴹⴰ ⴷ ⵜⴰⵏⵏⴰⵢⵢⵉⵏ ⵏⵏⵙⵜ ⵏ ⵓⵎⵛⴰⵡⴰⵕ, ⵏⵎⵎⴰⵖ ⴰⴷ ⵍⴽⵎⵏⵜ ⵜⴻⵜⴳⴰⵔⵉⵏ ⴰⴷ ⵜⵉⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ, ⴽⵓ ⴷ ⵢⴰⵜ ⴷ ⵜⵎⵥⵍⴰⵢ ⵏⵏⵙ, ⵃⵎⴰ ⴰⴷ ⵏⵍⴽⵎ  ⵜⴰⵢⵢⴰⴼⵓⵜ ⴷ ⵢⵓⵙⴰⵏ, ⵏⵥⵕ ⴰⴷ ⵢⵉⵍⵉ ⵓⵙⵖⵡⵉⵙ ⵏⵏⵙⵏⵜ ⴳ ⵜⵖⵉⵎⵉⵜⵉⵏ ⵜⵉⵎⴰⵜⴰⵢⵉⵏ ⵏ ⵓⵙⵇⵇⵉⵎ ⵙ ⵎⴰ ⵔⴰⴷ ⵉⵙⵎⵖⵔ ⴰⵎⴹⴽⴰⵕ ⴰⴳⴷⵓⴷⴰⵏ, ⵉⵙⴽⵔ ⴳ ⵉⵏⵇⵇⵉⵙⵏ ⴰⴷ ⵡⵉⴷⴰ ⵟⵟⴰⴼⵏⵉⵏ ⵜⴰⵢⵢⴰⴼⵓⵜ ⴳ ⵓⵣⵣⵔⴰⴼ ⴷ ⵜⵏⵏⵓⴱⴹⴰ  ⵏ ⵜⵏⵓⴼⴰ ⵜⴰⴳⴷⵓⴷⴰⵏ, ⵏⵥⵕ ⴰⴷⵔⵉⵣ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⵎⴽⵕⴰⴹ ⵜⴰⴳⴷⵓⴷⴰⵏⵜ ⴼ ⵡⴰⵎⵓⵏ, ⴷ ⵉⵎⵉⵥ ⵏ ⵜⵓⵎⴰⵢⵉⵏ ⵏⵏⵙⵏⵜ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⴳ ⵜⵣⵣⵉⴳⵣⵜ ⴷ ⵜⵔⵙⴰⵍ ⵏ ⵜⵙⵔⵜⵉⵜ ⵏ ⴱⵕⵕⴰ ⵏ ⵜⴳⵍⴷⵉⵜ ⵎⴽ ⵍⵍⵉ ⵜⵜ ⵉⵙⵔⵙ ⴷ ⵉⴼⵔⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⵉ, ⴳ ⵓⵣⴷⴰⵢ ⴷ ⵓⵎⵢⴰⵡⴰⵙ ⴰⴽⴷ ⵜⴰⴷⵉⴱⵍⵓⵎⴰⵙⵉⵜ ⵜⴰⵎⴰⴷⴷⵓⴷⵜ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵉⵣⵣⵉⴳⵣ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵡⵓⵔⵉ ⵏⵏⵙ ⴷ ⵜⵉⵍⵉⵜ ⵏⵏⵙ ⵉⵕⵡⴰⵏ ⵉⵍⴰⵏ ⴰⴷⵔⵉⵣ ⴷ ⵜⵉⴹⴰⴼ ⴳ ⵓⵎⵏⵉⴷ ⵏ ⵜⵣⴷⴰⵢⵉⵏ ⵏ ⴱⵕⵕⴰ ⴷ ⵜⴷⵉⴱⵍⵓⵎⴰⵙⵉⵢⵉⵏ.

ⵙ ⵖⵎⴽⴰ ⴰⴷ, ⵉⵙⵏⵓⴱⴳ ⵓⵙⵇⵇⵉⵎ ⵜⴷⵔⵓ ⵜⵏⵙⵙⵉⵅⴼⵜ ⵏⵏⵙ ⴷ ⵓⵙⵉⵔⴰ ⵏⵏⵙ ⴷ ⵜⴰⵢⵢⴰⵡⵉⵏ  ⵜⵉⴱⵕⵍⴰⵎⴰⵏⵉⵢⵉⵏ ⴳ ⵡⴰⴳⵏⴰⵔ ⴷ ⵎⵔⴰⵡ ⵏ ⵓⴳⵔⴰⵡ ⴷ ⵓⵏⵎⵓⵇⵇⴰⵔ ⴰⴳⵜⵉⵔⴰⵏ,  ⴰⵎⴰⴹⵍⴰⵏ ⴷ ⵓⵎⵏⵥⴰⵡ ⴷ ⵓⵏⵎⵏⴰⴹ, ⴼ ⵜⵎⵙⴰⵔⵉⵏ ⵖ ⵉⵍⴰⴷ ⴰⵎ ⴰⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵓⵎⵣⴰⵖ ⵏ ⵓⴼⵔⴰ ⴷ ⵜⴷⵉⵎⵓⵇⵔⴰⵟⵉⵜ ⴷ ⵓⵣⵡⴰⴳ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⵓ ⴷⵓⵔⵉⵣ ⵏ ⵓⴱⴰⵢⵢⵓⵕ ⴼ ⵜⴷⵎⵙⴰ ⵜⴰⵎⴰⴹⵍⴰⵏⵜ, ⴷ ⵡⴰⵡⵏⴰⴹ, ⴷ ⵓⵙⴷⵉⴼ ⵏ ⵉⵄⵔⵔⵉⵎⵏ ⴳ ⵜⴳⵎⵉ, ⴷ ⵢⵉⵙⴽⵉⵍ ⵊⴰⵔ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⴷ ⵡⵉⵢⵢⴰⴹ.

ⵣⵔⵉⵏ ⵉⵏⵎⵓⵇⵇⴰⵔⵏ ⵉⵙⵉⵏⵔⴰⵏⵏ ⵍⵍⵉ ⵏⵙⴽⵔ ⴳ ⵓⵙⵇⵇⵉⵎ ⴳ ⵓⵙⵡⵉⵔ ⵏ ⵜⵏⵙⵙⵉⵅⴼⵜ ⴷ ⵓⵙⵉⵔⴰ ⴷ ⵜⵔⵓⴱⴱⴰ ⴷ ⵜⵙⵇⵇⵉⵎⵉⵏ  ⵎⴰⴷ ⵉⴳⴰⵏ ⵙ ⵉⵏ ⵡⴰⴳⵏⴰⵔⵏ.

ⵜⴳⴰ ⵜⴷⵔⴰⵡⵜ ⵏ ⵓⵙⵇⵇⵉⵎ ⴳ ⵉⴳⵔⴰⵡⵏ ⴰⴷ ⴷ ⵉⵏⵎⵓⵇⵇⴰⵔⵏ ⴰⴷ ⴷ ⵉⵎⴹⴰⴽⴰⵕⵏ ⴰⴷ ⵉⵙⵉⵏⵔⴰⵏ ⵍⵍⵉ ⵏⵙⴽⵔ ⴰⴽⴷ ⴽⵉⴳⴰⵏ ⵏ ⵉⵎⵙⵜⴳⴳⴰⵔⵏ ⵉⴱⵕⵍⴰⵎⴰⵏⵉⵢⵉⵏ  ⵜⴰⵎⵍⴷⴰ ⵖ ⵏⵎⵍⴰ ⵜⵉⵎⵙⴰⵔⵉⵏ ⵜⵉⵏⴰⵎⵓⵔⵉⵏ ⵜⵓⴷⴷⵉⵔⵉⵏ ⴷ ⵓⵎⵣⴰⵖ ⵏⵏⵙⵏⵜ, ⵜⵉⵍⵉ ⴳ ⵜⵡⵉⵔⵉ ⵏⵏⵙⵜ ⵜⴰⵎⵙⴰⵔⵜ ⵏ ⵜⵢⴰⵏⵜ ⵏⵏⵖ ⵜⴰⵏⴰⴽⴰⵍⵜ ⴷ ⵜⴷⵉⵏⴰⵎⵉⵜ ⵏ ⵜⴳⵎⵉ ⵉⵍⵍⴰⵏ ⴳ ⵜⵙⴳⴳⵉⵡⵉⵏ ⵜⵉⵎⵖⵔⵉⴱⵉⵢⵉⵏ ⵏ ⵉⴼⴼⵓⵙ, ⴷ ⵜⴷⵔⴰⵡⵜ ⵏ ⴰⵢⵜⵎⴰⵜⵏⵖ ⴷ ⵉⵙⵜⵎⴰⵜⵏⵖ ⴳ ⵜⵙⴳⴳⵉⵡⵉⵏ ⴰⴷ ⵓⵙⵎⵓⵙⵙⵓ ⵏⵏⵙⵏ ⵃⵎⴰ ⴰⴷ ⵢⵉⵍⵉ ⵚⴰⵃⴰ ⵙⴳ ⵜⴳⵎⵉ ⴷ ⵜⴷⵔⴰⵡⵜ ⵏⵏⵙ ⵉⴳⴳⵓⵜⵏ ⴳ ⴽⵓ ⵉⵙⵜⴰⵢⵏ ⵃⵎⴰ ⴰⴷ ⴰⴷ ⵢⵉⵍⵉ ⵏ ⵜⵎⵔⵙⴰⵍ ⵜⵉⵏⴰⴽⴰⵍⵉⵏ ⵜⵉⵏⴰⵎⵓⵔⵉⵏ.

ⵙ ⵓⵙⴷⴷⴻⴷ, ⵉⵔⵅⴰ ⴱⴰⵀⵔⴰ ⵓⵙⵡⵉⵔ ⵏⵏⵖ ⴳ ⵓⵎⵏⵉⴷ ⴰⴷ ⵙ ⵓⴷⵖⴰⵔ ⵉⵥⵉⵍⵏ ⵉⵍⵍⴰⵏ ⴷⴰⵔ ⵜⵎⴰⵣⵉⵔⵜ ⵏⵏⵖ ⴳ ⵓⵙⵡⵉⵔ ⴰⵎⵏⵥⴰⵡ ⴷ ⵓⴳⵔⴰⵖⵍⴰⵏ, ⵖⵎⴽ ⴰⵏⵏ ⵓⵍⴰ ⵙ ⵓⵙⵎⴰⵇⵇⵍ ⵏ ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵏⵚⵕ ⵕⴱⴱⵉ ⵉⵥⵕⵕⴰⵏ ⵉⵎⴰⵍ, ⴷ ⵜⵙⵔⵜⵉⵜ ⵏⵏⵙ ⵜⵓⵏⵥⵉⵥⵟ ⴷ ⵓⴷⵔⴰⵡ ⵏ ⵜⴰⵏⵏⴰⵢⵜ ⵏⵏⵙ.

ⵙⴳ ⵉⵏⵎⵓⵇⵇⴰⵔⵏ ⵍⵍⵉ ⵉⵙⵏⵓⴱⴳ ⴰⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵜⵙⵓⵜⵍⵜ ⴰⴷ, ⵜⵉⵡⵡⵉⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙ ⵎⵔⴰⵡⵜ ⵏ ⵓⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴼ ⵓⴼⵔⴰ, ⵉⵜⵜⵓⵙⴽⴰⵔⵏ ⴳ ⵕⵕⴱⴰⵟ ⴷ ⴷⴷⴰⵅⵍⴰ, ⵢⵉⵍⵉ ⴳⵉⵙ ⵓⵙⵉⵡⴹ ⵏ ⴷⴷⴰⵅⵍⴰ ⵍⵍⵉ ⵉⴳⴰⵏ ⵜⴰⵜⴳⴰⵔⵜ ⵜⴰⵏⴰⵎⴰⵎⵙⵜ ⵉⵙⵜⴰⵡⵀⵎⵎⴰⵏ ⵢⵓⵎⴰⵏ ⴳ ⵓⵣⵓⵣⵣⵔ ⵏ ⵜⴷⵍⵙⴰ ⴷ ⵡⴰⵜⵉⴳⵏ ⵏ ⵓⵎⵙⵓⵔⵓⴼ  ⴷ ⵓⵙⵏⴼⵍ ⴷ ⵜⵎⵏⵏⴰⵡⵜ ⵉⵣⴷⵉⵏ ⵏ ⵏⴳⵔⴰ ⵎⴰⴷ ⵉⴳⴰⵏ ⴰⵜⵉⴳ ⴷ ⵜⴷⵎⵙⴰ ⴷ ⵜⵔⵜⵉⵜ ⴷ ⵜⵎⵔⵙⵍⴰⵏⵜ.

ⵜⵙⵏⵓⴱⴳ ⵜⵎⴰⵣⵉⵔⵜ ⵏⵏⵖ ⵓⵍⴰ ⵜⴰⵙⵓⵜⵍⵜ ⵜⵉⵙ 26 ⵏ ⵓⵏⵎⵓⵇⵇⴰⵔ ⵏ ⵉⵏⵙⵙⵉⵅⴼⵏ ⴷ ⵜⵏⵙⵙⵉⵅⴼⵉⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵔⴰⵢⵉⴱ ⴷ ⵍⵎⵉⴽⵙⵉⴽ (ⴼⵓⴱⵔⵉⵍ), ⵍⵍⵉ ⵉⴳⴰⵏ ⵜⴰⵎⵍⴷⴰ ⵏ ⵓⵎⴹⴰⴽⴰⵕ ⵉⵕⵡⴰⵏ ⵉⵜⵜⴰⵡⵉⵏ ⵙ ⵉⵎⴰⵍ, ⴷ ⵜⵎⵍⴷⴰ ⵉⵙⵙⵔⵅⴰⵏ ⵜⴰⵣⴷⴰⵢⵜ ⵏⵏⵖ ⴰⴽⴷ ⴰⵙⴰⵢⴰⵔⵓⵔ ⴰⴷ ⴰⵊⵢⵓⴰⵙⵔⵜⴰⵏ, ⵉⴼⴼⵖ ⵙ ⴽⵉⴳⴰⵏ ⵙⵜⴰⵡⵀⵎⵎⴰⵏⵉⵏ ⵉ ⵜⵡⵡⵓⵔⵉ ⵉⵛⵛⴰⵔⵏ.

ⴳ ⵜⵙⵓⵜⵍⵜ ⴰⴷ, ⵉⵙⵏⵓⴱⴳ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵓⵍⴰ ⴳ ⵜⵖⵔⵎⵜ ⵏ ⵕⵕⴱⴰⵟ ⴷ ⵜⵖⵔⵎⵜ ⵏ ⵍⵄⵢⵓⵏ, ⵜⵉⵡⵡⵓⵔⵉⵡⵉⵏ ⵏ ⵜⵖⵉⵎⵉⵜ ⵜⴰⵎⴰⵜⴰⵢⵜ ⴷ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵊⴰⵔ ⵍⵎⵖⵔⵉⴱ ⴷ ⵍⴰⵏⴷⵉⵣ ⵉⵥⵍⵉⵏ ⵉ: ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵓⵙⵏⴼⵍ ⵏ ⵓⵙⵖⵏⵣⵉ ⴷ ⵜⵏⴼⵔⵓⵜ ⵜⴰⵥⴹⴰⵕⴰⵏⵜ, ⵖⵎⴽⴰⵏ ⴷ ⵜⵉⵏⴰⵡⵜ ⴼ: ⵜⴰⵏⴼⵔⵓⵜ ⵏ ⵓⵜⵛⵓ.

ⵓⵔ ⵙⵖⴰⵡⵙⴰⵖ ⴰⴷ ⵙⵙⴽⵜⵉⵖ ⴰⵜⵉⴳ ⵏ ⵉⵎⵔⵙⵉⵡⵏ ⴰⴷ ⴷ ⵜⴱⵔⴰⵜⵉⵏ ⵙⵜⴰⵡⵀⵎⵎⴰⵏⵉⵏ ⵢⵓⵎⴰ ⵓⵙⵏⵓⴱⴳ ⵏ ⵜⵎⴰⵣⵉⵔⵜ ⵏⵏⵖ ⵏ ⵉⵏⵎⵓⵇⵇⴰⵔⵏ ⴰⴷ ⵙⵍⴰⵡⴰⵏ ⴰⴽⴽ ⵍⵍⵉⵖ ⵏⵏⴰⵏ ⵉⵎⴷⴷⵓⴽⴽⴰⵍ ⵏⵏⵖ ⴰⴷ ⵉⵍⵉⵏ ⴳ ⵕⵕⴱⴰⵟ ⴷ ⵍⵄⵢⵓⵏ ⴷ ⴷⴷⴰⵅⵍⴰ.

ⴳ ⵎⴰⴷ ⵉⵥⵍⵉⵏ ⴷ ⵜⵎⴷⵔⴰⵡⵉⵏ ⴷ ⵉⵖⴰⵡⴰⵙⵏ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ, ⵏⵙⵙⵏⵜⵉ ⴰⵙⴽⵔ ⵏ ⵓⵙⵏⴼⴰⵔ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⵍⵍⵉ ⵉⵣⵣⵥⵕⴼ ⵓⵎⴷⵔⴰⵡ ⵏⵏⵖ ⴰⵎⵣⵔⴰⵢ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵍⵍⵉ ⵉⵙⵎⵓⵏⵏ ⴰⵙⵇⵇⵉⵎ ⵏ ⵉⵎⵓⵔⴰ ⴰⴽⴷ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⴼⵕⴰⵏⵚⴰ ⴷ ⵜⵛⵉⴽ ⴷ ⴱⵉⵍⵊⵉⴽⴰ ⴷ ⵉⵟⴰⵍⵢⴰ ⴷ ⵍⴱⵓⵔⵜⵓⵖⴰⵍ ⴷ ⵀⴰⵏⵖⴰⵔⵢⴰ ⴷ ⵍⵢⵓⵏⴰⵏ, ⴰⵢⵍⵍⵉ ⵉⴳⴰⵏ ⵜⴰⵎⴰⵜⴰⵔⵜ ⵏ ⵓⵙⵓⵜⴳ ⵉ ⵜⵎⴰⵣⵉⵔⵜ ⵏⵏⵖ ⴷ ⵓⵙⵇⵇⵉⵎ ⵏⵏⵖ, ⵜⴳ ⵙⴳ ⵉⵖⴰⵡⴰⵙⵏ ⵏ ⵓⵎⵢⴰⵡⴰⵙ ⵢⴰⴹⵏⵉⵏ ⵍⵍⵉ ⵏⵙⵎⴰⵍⴰ ⴰⴽⴷ ⴽⵉⴳⴰⵏ ⵏ ⵜⴳⵔⴰⵡⵉⵏ ⵜⵉⴳⵔⴰⵖⵍⴰⵏⵉⵏ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⴰⵎ ⴰⴽⴽⵯ ⵜⵉⵎⵉⵣⴰⵔ ⵢⴰⴷⵏⵉⵏ, ⵜⵓⵙⵉ ⵜⵎⴰⵣⵉⵔⵜ ⵏⵏⵖ ⴰⵥⴰⵥⵓ ⵏ ⴽⵕⴰⴹ ⵉⵎⵏⴰⴷⵏ ⵉⴳⵔⴰⵖⵍⴰⵏⵏ ⵓⵔ ⵊⵊⵓ ⵣⵔⵉⵏⵉⵏ, ⵙ ⵜⵏⴰⵥⴰⵕⵉⵏ ⵏⵏⵙ ⴳⴳⵓⵜⵏⵉⵏ, ⴷⴼⴼⵉⵔ ⵏ ⵓⴱⴰⵢⵢⵕ ⵏ ⴽⵓⴼⵉⴷ 19 ⴷ ⵉⴷⵔⵉⵣⵏ ⵏⵏⵙ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ, ⴰⵔ ⵉⴼⵔⵔⵓ ⵓⵎⴰⴹⴰⵍ ⴰⵜⵉⴳ ⵏ ⵜⵎⴰⵖⵜ ⵉⵍⵍⴰⵏ ⴳ ⵍⵇⴱⵍⵜ ⵏ ⵓⵕⴱⴱⴰ ⵙ ⵜⵉⵢⵢⴰⴼⵓⵜⵉⵏ ⵏⵏⵙ ⵣⴷⵉⵏⵉ ⴷ ⵜⵉⴽⴽⵉ ⵏ ⵜⵎⵜⵜⵉⵡⵉⵏ ⵜⵉⵎⵣⵡⵓⵔⴰ ⵉ ⵓⵎⴰⴹⴰⵍ, ⵙⵍⴰⵏ ⴰⴽⴽⵯ ⵉⵙⵔⵖⴰⵜⵏ ⴷ ⵡⴰⵎⵓⴷⵏ. ⵉ ⵉⵎⵏⴰⴹⵏ ⴰⴷ, ⴷ ⵜⵉⵢⵢⴰⴼⵓⵜ ⵏⵏⵙ, ⵏⵎⵎⴰⵖ ⴰⵎ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵜⴰⴳⵔⴰⵖⵍⴰⵏⵜ, ⴷ ⵡⴰⵍⴰⵢ ⵏ ⵡⴰⵜⵉⴳⵏ, ⴰⵜⵉⴳⵏ ⵏ ⵜⵥⴹⴰⵕⵜ ⴷ ⵉⴷⵔⵉⵙⵏ ⴼ ⵡⴰⵜⵉⴳ ⵏ ⵜⵓⴷⵔⵜ. ⵙ ⵎⴰ ⴰⴷ, ⵜⵍⵍⴰ ⴳ ⵍⵎⵖⵔⵉⴱ ⵜⴰⵙⵙⴰⵙⵜ ⵓⵔ ⵉⵣⵡⴰⵔⵏ ⵙ ⵉⴷⵔⵉⵣⵏ ⵏⵏⵙ ⵍⵍⴰⵏⵉⵏ ⴼ ⵓⴼⴰⵔⵙ ⴰⵏⴼⵍⴰⵃ ⴷ ⵡⴰⵎⴰⵏ.

ⵎⵇⵇⴰⵔ, ⵉⵍⵍⴰ ⴷⴰⵔⵏⵖ ⵓⴱⵓⵔⵣ ⵙ ⵜⵙⵓⴳⵔⵜ ⵏ ⵜⵎⴰⵣⵉⵔⵜ ⵏⵏⵖ ⴳ ⵜⵎⴰⵖⵜ ⵏⵏⵙ ⴰⴽⴷ ⵜⴰⵙⵙⴰⵙⵉⵏ ⵏⵏⵙ, ⴷ ⵜⵙⵓⴳⵔⵜ ⵏ ⵜⴷⵎⵙⴰ ⵜⴰⵎⵖⵔⵉⴱⵉⵜ ⴼ ⵜⵥⵥⵉⴹⵕⴰ, ⵙ ⵉⵎⵓⴽⵏⵏ ⵍⵍⵉ ⵜⵙⴽⵔ ⵜⴳⵍⴷⵉⵜ ⴳ ⵎⴰⴷ ⵉⴳⴰ ⵙⵏⴰⵜ ⵜⵎⵔⴰⵡⵉⵏ ⵙ ⵜⵏⴰⵔⴰ ⵜⵓⵏⵥⵉⵣⵟ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⵉⵣⵣⵉⴳⵣⵏ ⵙ ⵍⵎⵖⵔⵉⴱ ⵙ ⵜⵓⵏⵥⵉⵥⵜ ⴷ ⵜⴰⵏⵏⴰⵢⵜ ⵉⴷⵔⴰⵏ ⴷ ⵓⵙⵎⴰⵇⵍ ⴰⵙⵜⵔⴰⵜⵉⵊⵉ ⵉⵣⵡⴰⵔⵏ, ⴰⵢⵍⵍⵉ ⵏⵉⵜ ⵉⵎⵍⴰ ⵓⵎⵏⴰⴹ ⵏ ⵓⴱⴰⵢⵢⵓⵕ, ⵖⵎⴽ ⴰⵏⵏⴰ ⵓⵍⴰ ⵉⵎⵏⴰⴹⵏ ⵢⴰⴷⵏⵉⵏ ⴳⴳⵓⵜⵏⵉⵏ.

ⴳ ⵓⵙⴱⴷⴷⵉ ⵏ ⵉⴷⵔⵉⵣⵏ ⵏ ⵉⵎⵏⴰⴷⵏ ⴰⴷ, ⵜⵣⵣⵉⴳⵣ ⵜⵎⴰⵣⵉⵔⵜ ⵏⵏⵖ ⴰⵙⴳⵓⴷⵉ ⵏ ⵉⵎⵓⴽⵏⵏ ⴷ ⵉⵙⵎⴰⵜⵜⴰⵢⵏ, ⴳⵉⵙⵏ ⴰⵙⵎⴰⵜ ⵏ ⵓⴼⵔⴰⴳ ⴰⵏⴰⵎⵓⵏ ⵜⵉⵍⵉ ⴳⵉⵙⵏⵜ ⵜⵏⴰⴼⵜ ⵜⴰⴷⵓⵙⴰⵏⵜ ⵜⴰⴳⴷⵓⴷⴰⵏⵜ  ⵉ ⵓⵙⴽⵔ ⵏ ⵓⵡⴰⵏⴽ ⵏ ⵓⴼⵔⴰⴳ ⴰⵏⴰⵎⴰⵓⵏ. ⵉⵣⵣⵉⴳⵣ ⵍⵎⵖⵔⵉⴱ ⴳ ⵜⵣⵡⵉⵔⵉ ⵏⵏⵙ ⴳ ⵜⵉⵍⵉⵜ ⵏ ⵜⵏⴼⵔⵓⵜ ⵏ ⵓⵜⵛⵓ, ⴷ ⵜⵉⵍⵉⵜ ⵏ ⵜⵎⵜⵜⵉⵡⵉⵏ ⴳ ⵉⴳⴰⴷⴰⵣⵏ, ⵎⵇⵇⴰⵔ ⵉⵎⵓⴽⵔⵉⵙⵏ ⵍⵍⴰⵏ ⴳ ⵉⴳⴰⴷⴰⵣⵏ ⵉⴳⵔⴰⵖⵍⴰⵏⵏⵏ ⵙ ⵓⵏⵥⵡⵉ ⵉⵥⵍⵉⵏ ⵉⵍⵍⴰⵏ ⴳ ⵜⵎⴰⵣⵉⵔⵜ ⵏⵏⵖ ⴳ ⵜⵎⴰⵣⵉⵔⵜ ⵏⵏⵖ, ⴷ ⵓⵛⵃⵓ ⵏ ⵡⴰⵎⴰⵏ ⵍⵍⵉ ⴷ ⵉⵇⵇⴰⵏ ⴰⴷ ⵏⵙⵎⵓⵙⵙⵓ ⵉ ⵓⵙⵓⴷⴷⵓ ⵏⵏⵙ ⵉⵥⵉⵍⵏ ⴷ ⵓⵙⵎⵔⵙ ⵏⵏⵙ ⵙ ⵓⵏⵍⵉ ⴷ ⵜⵎⵙⴽⵔⵜ ⵉⴳⴰⵏ ⵜⵉⵏ ⵜⵏⵎⵓⵔⵉ.

ⵖⵎⴽ ⵍⵍⵉ ⵜⵣⵣⵉⴳⵣ ⵜⵎⴰⵣⵉⵔⵜ ⵏⵏⵖ ⴳ ⵓⵙⴽⵔ ⵏ ⵓⵙⵎⴰⵜⵜⵉ ⴰⵥⴹⴰⵕⴰⵏ ⵙ ⴽⵉⴳⴰⵏ ⵏ ⵉⵙⵏⴼⴰⵔⵏ ⵏ ⵓⴼⴰⵔⵙ ⵏ ⵜⵥⴹⴰⵕⵜ ⵙⴳ ⵉⵖⴱⵓⵍⴰ ⴳⴰⵏⵉⵏ ⵉⵎⵏⵏⴰⵡⵏ ⵖⵓⵙⵏⵉⵏ, ⴰⵢⵍⵍⵉ ⵉⴳⴰⵏ ⵉⵙⵖⴰⵡⵏ ⵏⵏⵙ ⵉⴳⵔⴰⵖⵍⴰⵏⵏ ⴷ ⵓⵖⴱⴰⵍⵓ ⴰⵏⴼⵔⴰⵏ ⵉ ⵉⵙⵖⴰⵡⵙⴰⵜⵏ ⵏⵏⵖ ⴳ ⵓⵙⴰⴳⵎ ⴰⴷ ⵓⵛⵛⵉⵍ ⵉ ⵜⴷⵎⵙⴰ, ⴷ ⵓⴹⵎⵏ ⵏ ⵜⵅⵅⵓⵜⵔⴰ ⴷ ⵜⵙⵉⵎⴰⵏⵜ ⵜⴰⵥⴹⴰⵕⴰⵏⵜ. ⵎⵇⵇⴰⵔ ⵉⵛⵇⵇⴰ ⵓⵎⵏⴰⴹ ⴰⴳⵔⴰⵖⵍⴰⵏ, ⵉⵣⵣⵉⴳⵣ ⵍⵎⵖⵔⵉⴱ ⴳ ⵓⵙⴽⵛⵎ ⵏ ⵉⵙⵙⴰⵔⵓⵜⵏ ⵏ ⴱⵕⵕⴰ ⵓⵙⵔⵉⴷⵏ ⴷ ⵡⴰⵔ ⵓⵙⵔⵉⴷⵏ, ⵉⵙⴽⵔ ⴳ ⵓⵎⵏⵉⴷ ⴰⴷ ⵜⵉⵢⵢⴰⴼⵓⵜⵉⵏ ⴼⵓⵍⴽⵉⵏ ⵡ ⴰⵍⴰⵢ ⵉⴼⴰⵡⵏ ⴳ ⵓⴽⵛⵓⵎ ⵏ ⵉⵙⵙⴰⵔⵓⵜⵏ ⵏ ⴱⵕⵕⴰ.

ⵉⵙⵎⴰⵜⵜⴰⵢⵏ ⴰⴷ ⴷ ⵜⵎⵙⴽⵔⵜ ⴰⴷ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⵉⵏ ⵜⵏⵓⴼⴰ, ⵜⵍⵍⴰ ⵜⵣⵣⵉⴳⵣ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ  ⴷ ⵓⵙⵎⴰⵇⵇⵍ ⵏⵏⵙ ⵉⴷⵔⴰⵏ, ⴷ ⵓⵍⵜⴰⵖ ⵏ ⵓⵎⴰⴷⴰⵏ ⴰⵎⵖⵔⵉⴱⵉ ⴷ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⴷ ⵉⴼⵔⴷⴰⵙ ⵓⴷⴷⵉⵔⵏ ⴳ ⵜⵎⴰⵣⵉⵔⵜ ⵏⵏⵖ ⴳ ⵜⴷⵉⵏⴰⵎⵉⵜ ⴰⴷ ⵉⵎⵎⴰⵍⴰⵏ ⵜⴰⵙⵓⴳⵔⵜ ⵏ ⵍⵎⵖⵔⵉⴱ ⴰⴷ ⵉⵙⵎⴰⵜⵉ ⵜⴰⵙⵙⴰⵙⵉⵏ ⵙ ⵡⴰⵏⴰⵏⵣⵏ, ⴷ ⵓⵛⵃⵓ ⵙ ⵓⵙⵎⴰⵢⵏⵓ. ⵙ ⵓⵙⴷⴷⴻⴷ, ⴰⵙⵎⵖⵔ ⴰⴷ ⴰⵎⵖⵔⵉⴱⵉ, ⵢⵓⴼⴰ ⵜⴰⵔⵙⵍⵜ ⵏⵏⵙ ⴷ ⵜⴷⵓⵙⵉ ⵏⵏⵙ ⴳ ⵜⴷⵓⵙⵉ ⵏ ⵜⵎⵔⵙⴰⵍ ⴷ ⵓⵕⵚⵓ ⵏⵏⵙⵜ ⴷ ⵜⵣⵣⵉⴳⵣⵜ ⵏⵏⵙⵜ, ⴰⵛⴰⵎⵓⵛ ⵏⵏⵙ ⵜⴰⴳⵍⴷⵉⵜ ⵜⴰⴷⵙⵜⴰⵔⵜ ⵜⴰⵇⴱⵓⵔⵜ ⵉⵎⵎⴰⵖⵏ ⴼ ⵉⵣⵔⴼⴰⵏ ⵉⴼⵔⴳⴰⵏ ⴰⵙⵜⴰⵢ ⴰⴷⵉⵎⵓⵇⵔⴰⵟⵉ ⵙ ⵜⴰⵎⵓⵏⵜ ⵏ ⵓⵎⴰⴷⴰⵏ ⴰⵎⵖⵔⵉⴱⵉ ⵙ ⴽⵓ ⵉⴼⵔⴷⴰⵙ ⵏⵏⵙ. ⴳ ⵓⵎⵏⴰⴹ ⵏ ⵜⴰⵙⵙⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵢⴰⵏ ⵓⵎⵏⴰⴹ ⵓⵔ ⵉⵔⴳⴳⵉⴳⵏ ⴳ ⴽⵉⴳⴰⵏ ⵏ ⵜⵙⴳⴳⵉⵡⵉⵏ ⵜⵉⵊⵢⵓⵙⵔⵜⴰⵏⵉⵏ, ⵉⵇⵇⴰⵏ ⴷ ⵓⵙⵎⵓⵙⵙⵓ ⵅⴼ ⵜⵉⵎⵔⵙⴰⵍ ⵏⵏⵖ ⴷ ⵓⵙⴷⵓⵙ ⵏⵏⵙⵜ ⴷ ⵓⵙⵎⵖⵔ ⵏⵏⵙⵜ ⴳ ⵓⵙⴰⵜⵉ ⵏ ⵡⴰⵏⵡ ⵏⵏⵖ ⴰⵎⵙⵔⵍⴰⵏ ⴷ ⵓⵙⴷⵓⵙ ⵏ ⵜⵢⴰⵏⵜ ⵉⴱⴷⴷⴰⵏ ⴼ ⵓⵎⵣⵔⴰⵢ ⴷ ⵜⵎⵏⵏⴰⵡⵜ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⴳ ⵓⵎⵏⴰⴹ ⴰⴳⵔⴰⵖⵍⴰⵏ ⵏ ⵖⵉⵍⴰⴷ, ⵏⵍⵍⴰ ⴷⴰⵜ ⵏ ⵉⵙⵏⴼⵍⵏ ⴷⵔⴰⵏⵉⵏ ⴳⴰⵏⵉⵏ ⵉⵊⵢⵓⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ, ⵔⴰⴷ ⵜⴰⵎⵥ ⵜⵉⵣⴷⴰⵢⵉⵏ ⵉⴳⵔⴰⵖⵍⴰⵏⵏ ⴷ ⵉⵎⵢⴰⵙⴰⵏⵏ ⵉⵏⵎⵏⴰⴹⵏ. ⴳ ⵜⵉⵥⵥⵓⵎⵜ ⵏ ⵉⵙⵏⴼⵍⵏ ⴰⴷ, ⵜⵣⵣⵉⴳⵣ ⵜⵎⴰⵣⵉⵔⵜ ⵏⵏⵖ ⵜⵉⵣⵡⵉⵔⵉ ⵏⵏⵙ, ⵍⵍⵉⵖ ⵜⴳⴰ ⵜⵓⴷⴷⵉⵙⵜ ⵜⴰⴷⵉⵎⵓⵇⵔⴰⵟⵉⵜ ⵉⵣⵣⵉⴳⵣⵏ, ⵉⵙⵙⵕⵚⴰ ⵍⵎⵖⵔⵉⴱ ⵜⵉⵍⴰⵍⵜ ⵏⵏⵙ ⵜⴰⵏⴰⵎⵎⴰⵙⵜ ⴷ ⴰⵎⴷⵔⵓ ⵉⵖⵥⴰⵏ ⴳ ⵓⵚⴽⵓ ⵏ ⵓⴼⵔⴰ ⴷ ⵓⵙⴽⵔ ⵏ ⵜⴳⵎⵉ, ⵉⵣⵣⵉⴳⵣ ⵓⵍⴰ ⴰⵙⵕⵚⵓ ⵏ ⵉⵣⵔⴼⴰⵏ ⵏⵏⵙ ⵉⵎⵣⵔⴰⵢⵏ ⵓⵍⴳⵉⵏⵏ ⴳ ⵜⵢⴰⵏⵜ ⵏⵏⵙ ⵜⴰⵏⴰⴽⴰⵍⵜ ⵙ ⵜⵏⴰⵔⴰ ⵏ ⴽⵉⴳⴰⵏ ⵏ ⵉⵡⴰⵏⴽⵏ, ⴳⵉⵙⵏ ⵉⵡⴰⵏⴽⵏ ⵅⴰⵜⴰⵔⵏⵉⵏ ⴳ ⵜⵖⵜⴰⵙⵜ ⵜⴰⴳⵔⴰⵖⵍⴰⵏⵜ, ⵉ ⵡⴰⴷⴷⴰⴷⵏ ⵏ ⵜⴳⵍⴷⵉⵜ ⴷ ⵓⵙⵎⴰⵇⵇⵍ  ⵏⵏⵙ ⵉ ⵓⴼⵓⴽⴽⵓ ⵏ ⵜⵎⴰⵖⵜ ⵉⵜⵜⵓⵙⴽⴰⵔⵏ ⵅⴼ ⵜⵎⵏⴰⴹⵉⵏ ⵏⵏⵖ ⵏ ⵉⴼⴼⵓⵙ, ⵉⴳⴰⵏ ⵜⴰⵙⵓⵎⵔⵜ ⵏ ⵓⵏⴱⴰⴹ ⴰⵏⵉⵎⴰⵏ ⵉⴳⴰⵏ ⴰⴼⵙⵙⴰⵢ ⴰⵡⵍⴰⵡⴰⵍ ⵉⵜⵜⵓⵎⴽⴰⵏⵏ ⵉ ⵜⵎⴰⵖⵜ ⴰⴷ ⴳ ⵜⵅⵅⵓⵜⵔⴰ ⵏ ⵜⴳⵍⴷⵉⵜ ⴼ ⵜⵙⴳⴳⵉⵡⵉⵏ ⵍⵍⵉ ⴷ ⵏⵙⵓⵔⵔⵉ ⴷ ⵜⵢⴰⵏⵜ ⵏ ⵉⴽⴰⵍⵉⵡⵏ ⵏⵏⵙ ⵙⴳ ⵟⴰⵏⵊⴰ ⴰⵔ ⵍⴳⵡⵉⵔⴰ.

ⵙ ⵓⵙⴷⴷⴻⴷ, ⴰⵔ ⵉⵜⵜⴰⴼⴰ ⵓⴷⵖⴰⵔ ⴰⴷ ⵜⴰⵔⵙⵍⵜ ⵏⵏⵙ ⵜⴰⵙⵉⵍⴰⵏⵜ ⴳ ⵜⵙⵔⵜⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴷ ⵉⵃⴼⴹ ⵕⴱⴱⵉ, ⴷ ⵜⵎⵙⴽⵔⵜ ⵏ ⵜⴳⵎⵉ ⴷ ⵜⵎⵔⵙⵍⴰⵏⵜ ⴳ ⵡⴰⴽⴰⵍ ⵉⵍⵍⴰⵏ ⵙ ⵜⵉⵍⵜ ⵏ ⵓⵎⴰⴷⴰⵏ ⴰⵎⵖⵔⵉⴱⵉ ⴰⴽⴷ ⴱⴰⴱ ⵏ ⵡⴰⴷⴷⵓⵔ, ⴷ ⵜⵉⵍⵉⵜ ⴷ ⵓⵙⵕⵚⵓ ⵏ ⵜⴰⴳⴳⴰⵍⵉⵏ ⵜⵉⵏⵓⴼⴰ ⵜⵉⴳⵍⴷⴰⵏⵉⵏ ⵎⵎⴰⵖⵏⵉⵏ ⵏ ⵉⵡⵜⵜⴰ ⵏ ⵜⴰⵎⵓⵔⵜ. ⵉ ⵜⴰⴳⴳⴰⵍⵉⵏ ⴰⴷ ⴷ ⵓⵅⴰⵜⴰⵔ ⵏⵏⵙ ⴰⵏⴰⴼⵍⵍⴰ ⴰⵏⵙⵙⵉⵅⴼ ⵏ ⵜⵔⵙⴰⵍ ⵏ ⵜⵎⴰⵖⵜ ⵏⵏⵙ ⵜⴰⵎⴰⵜⴰⵢⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵉⵄⵣⵣⵓ ⵕⴱⴱⵉ, ⴽⵓ ⴰⵙⵓⵜⴳ ⴷ ⵓⵙⵉⵙⵙⵏ ⴷ ⵓⵡⵇⵇⵔ. 

ⴳ ⵜⴳⵉⵔⴰ, ⴰⵔ ⴽⵏ ⵙⵏⵉⵎⵎⵉⵔⵖ, ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵎⴰⵎⵏ ⵏ ⵓⵙⵇⵇⵉⵎ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⴷ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ, ⴷⴰ ⵙⵏⵉⵎⵎⵉⵔⵖ ⵓⵍⴰ ⴰⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ ⴼ ⵜⵡⵉⵙⵉ ⵏⵏⵙ, ⴷ ⵜⵓⴳⴳⴰⵙ ⵏ ⴽⵓⵢⴰⵏ ⵍⵍⴰⵏⵉⵏ ⴷⴰⵜ ⵏ ⵜⵢⵢⴰⴼⵓⵜ ⴰⴷ. ⴰⵔ ⵏⵙⵉⵎⵎⵉⵔⵖ ⵓⵍⴰ ⵉⵎⵙⵡⵓⵔⵉⵢⵏ ⴷ ⵜⵎⵡⵓⵔⵉⵢⵉⵏ ⵏ ⵓⵙⵇⵇⵉⵎ ⴷ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⵏ ⵜⵏⴼⵔⵓⵜ ⴼ ⵓⵙⵏⴰⵍ ⴷ ⵜⵎⵏⵜⵍⵉⵏ ⵏ ⵜⵡⵡⵓⵔⵉ ⴷ ⵓⵙⴰⵏⵉⵏ.

ⵜⴰⵏⵎⵎⵉⵔⵜ ⴼ ⵓⵙⵙⴼⵍⴷ ⵏⵏⵓⵏ.