“ⴰⵚⵉⵡⴹ ⵏ ⴷⴷⴰⵅⵍⴰ” ⵍⵍⵉ ⴷ ⵉⴼⴼⵖⵏ ⴳ ⵜⵙⵓⵜⵍⵜ ⵜⵉⵙ ⵎⵔⴰⵡⵜ ⵏ ⵓⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ
ⴰⵙⵇⵇⵉⵎ ⴰⵎⴰⴹⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ
ⴰⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ
ⵜⴰⵙⵓⵜⵍⵜ ⵜⴰⵎⴰⵜⴰⵢⵜ ⵜⵉⵙ ⵎⵔⴰⵡⵜ, 14 ⴷ 15 ⵢⵓⵍⵢⵓⵣ 2022
ⴰⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ
ⵕⵕⴱⴰⵟ ⴷⴷⴰⵅⵍⴰ
ⴰⵙⵉⵡⴹ ⵏ ⴷⴷⴰⵅⵍⴰ
ⵎⵓⵏⵏ ⵉⴳⵎⴰⵎⵏ ⵏ ⵓⴱⵕⵍⴰⵎⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⴳ ⵜⵖⵉⵎⵉⵜ ⵜⴰⵎⴰⵜⴰⵢⵜ ⵜⵉⵙ ⵎⵔⴰⵡⵜ ⵏ ⵓⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵕⵕⴱⴰⵟ ⴷ ⴷⴷⴰⵅⵍⴰ ⵓⵙⵙⴰⵏ ⵏ 14 ⴷ 15 ⵢⵓⵍⵢⵓⵣ 2022, ⵙ ⵜⵉⵍⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⴰⴹⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⴷ ⵉⵡⵔⵉⴽⵏ ⵉⵅⴰⵜⴰⵔⵏ ⵙⴳ ⵓⵎⴰⴹⴰⵍⴰ, ⵙⵎⴰⵢⵏⵓⵏⵏ ⵉⵎⴷⵔⴰⵡⵏ ⴰⵙⵖⵡⵏ ⵏⵏⵙ ⵙ ⵜⵙⵎⵉⴳⴰⵍ ⵥⵉⵍⵏⵉⵏ ⵏ ⵓⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⵙ:
ⵙⴷⴷⵉⴷⵏ ⴼ ⵜⵎⴰⵙⴰⵢⵉⵏ ⵏ ⵉⴱⵕⵍⴰⵎⴰⵏⵉⵢⵏ ⴳⴰⵏⵉⵏ ⵉⴳⵏⵙⴰⵙⵏ ⵏ ⵉⵎⴰⴷⴰⵏⵏ ⵏⵏⵙⵏ ⴳ ⵜⵙⵓⵜⵍⵉⵏ ⴰⴷ ⵛⴷⴷⴰⵏⵉⵏ.
ⴱⴷⴷⵏ ⴼ ⵜⵉⵍⴰⵍⵜ ⵉⵀⵉⵢⵢⴰⵏ ⵉ ⵓⴼⵔⴰⴳ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⴷ ⵓⵙⴷⵓⵙ ⵏⵏⵙⵏ ⴳ ⵓⵙⴱⴷⴷⵉ ⵏ ⵜⵣⵣⵉⴳⵣⵉⵏ ⵜⵉⵎⴰⴹⵍⴰⵏⵉⵏ ⵍⵍⴰⵏⵉⵏ.
ⵙⵓⵜⴳⵏ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵉⴳⴰⵏ ⴰⵏⴰⵡ ⴳ ⵓⵣⵓⵣⵣⵔ ⵏ ⵓⵎⵙⵓⵔⵓⴼ ⴷ ⵓⴼⵔⴰ.
ⵙⴷⴷⵉⴷⵏ ⴼ ⵡⴰⵜⵉⴳ ⵏ ⵉⴼⵙⵙⴰⵢⵏ ⵏ ⵓⴼⵔⴰ ⴼ ⵉⵍⵍⴰ ⵓⵎⴷⵉⵡⴰⵍ ⴳ ⵓⵙⴱⴷⴷⵉ ⵏ ⵉⵎⴰⵖⵏ ⵍⵍⴰⵏⵉⵏ.
ⴰⵙⴽⵔ ⵏ ⵜⵎⵣⵡⵓⵔⴰ ⵏ ⵜⵏⴼⵔⵓⵜ ⵏ ⵓⵜⵛⵓ ⵙ ⵓⵣⴷⴰⵢ ⵏ ⵜⵓⴳⴳⴰⵙ ⵃⵎⴰ ⴰⴷ ⵉⵍⵉⵏ ⴰⵏⵛⴽⵏ ⴳⵓⵎⵏⵉⵏ ⵏ ⵓⵜⵛⵓ ⵉ ⵜⵙⴳⴳⵉⵡⵉⵏ ⵙⵖⴰⵡⵙⴰⵏⵉⵏ.
ⴰⵙⵏⴰⵍ ⵏ ⵓⴼⵔⴰⴳ ⵏ ⵜⵎⵏⵏⴰⵡⵜ ⵜⴰⴱⵢⵓⵍⵓⵊⵉⵜ ⴷ ⵜⵏⴼⵍⴰⵃⵜ ⵉⴱⴷⴷⵏ ⴼ ⵜⵓⵙⵙⵏⴰ ⴷ ⵓⵙⵎⴰⵢⵏⵓ ⴷ ⵜⵎⵙⴽⵔⵜ ⵏ ⵜⵎⴰⵙⴰⵢⵜ ⵉⵙⵎⴷⵏ ⵜⵓⵙⵙⵏⴰ ⵜⴰⵇⴱⵓⵔⵜ ⴷ ⵜⴷⵍⵙⴰ ⵏ ⵓⵜⵛⵓ ⵜⵉⴷⵖⴰⵔⴰⵏⵉⵏ ⴷ ⵜⵎⵙⴽⴰⵔ ⵣⵉⵍⵏⵉⵏ.
ⵓⵛⵛⵉⵍ ⵏ ⵓⵙⵖⵎⵔ ⴷ ⵓⵙⴷⵓⵙ ⵏ ⵜⴰⵎⵓⵏⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⴳⵔⴰⵖⵍⴰⵏⵉⵏ ⵉ ⵓⵙⴽⵔ ⵏ ⵉⵙⵖⴰⵡⵙⴰⵜⵏ ⵉⴷⵍⵙⴰⵏⵏ ⵏ ⵓⴼⴳⴰⵏ.
ⵜⵉⵖⵔⵉ ⵉ ⵉⵡⴰⵏⴽⵏ ⵉ ⵓⵡⵇⵇⵔ ⵏ ⵜⵎⵢⴰⵇⵇⴰⵏⵉⵏ ⵍⵍⵉ ⵣⵎⵎⵉⵎⵏⵜ ⵅⴼ ⴰⵙⵍⴽⵎ ⵏ ⵜⵉⵔⴰⵎ ⵙⵍⴰⵡⴰⵏ ⴰⴽⴽⵯ ⴳ ⵡⴰⴷⴷⴰⴷⵏ ⴳ ⴳⴰⵏ ⵡⵉⴷⴰ ⵎⵓ ⵚⴰⵃⴰⵏ ⵙⴳ ⵜⵉⵎⵉⵣⴰⵔ ⵣⵣⵉⴳⵣⵏⵉⵏ ⴳ ⵉⵍⵍⴰ ⵍⴰⵥ.
ⵜⵉⵖⵔⵉ ⵉ ⴽⵓ ⵉⵡⴰⵏⴽⵏ ⴷ ⵜⵎⴰⴷⴷⴰⵙⵉⵏ ⵥⵍⵉⵏⵉⵏ ⵃⵎⴰ ⴰⴷ ⵉⵍⵉⵏ ⵉⵥⵎⵓⵥⵥⴰⵍ ⴰⴷ ⵜⵜⵓⴽⵉⵙⵏⵜ ⵜⵏⴼⴳⵓⵔⵉⵏ ⴷ ⵉⵔⴳⴰⵢⵏ ⴳ ⵜⵙⴱⴱⴰⴱⵜ ⴳ ⵜⵎⵜⵜⵉⵡⵉⵏ ⵏ ⵓⵜⵛⵓ ⴷ ⵎⴰⴷ ⵉⵥⵍⵉⵏ ⵙ ⵓⴼⴳⴰⵏ ⴷ ⵍⴰⵏⴳⵔⵉⵢⴰⵜ.