ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⴰⵕⵥⵥⵓⵎ ⵏ ⵓⴳⵔⴰⵡ ⴼ ⵓⵙⵏⴰⵍ ⵏ ⵓⵏⴳⵉⵙⵏ ⵏ ⵓⴱⵔⵙⵙⵉⵡⴷ ⵙ ⵜⴷⵔⴰⵡⵜ ⵏ ⵍⵎⵖⵔⵉⴱ
ⵉⵜⵜⵓⵙⵏⵜⴰ ⴳ ⵕⵓⵎⴰ ⴰⴳⵔⴰⵡ ⴼ ⵓⵙⵏⴰⵍ ⵏ ⵓⵏⴳⵉⵙⵏ ⵏ ⵓⴱⵔⵙⵙⵉⵡⴷ, ⵉⴷⵔⵓ ⴳⵉⵙ ⵍⵎⵖⵔⵉⴱ
ⴰⴳⵔⴰⵡ ⴰⴷ ⴰⵔ ⵜⵙⵏⵎⴰⵍⴰ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ ⴷ ⵓⵙⵉⵔⴰ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ, ⵖ ⵙⵉⵏ ⵡⵓⵙⵙⴰⵏ, ⵢⵉⵍⵉ ⴳ ⵢⵉⵅⴼ ⵏ ⵓⴽⴰⴱⴰⵕ ⵏ ⵍⵎⵖⵔⵉⴱ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ.
ⵉⵙⴰⵡⵍ ⵎⴰⵙⵙ ⴰⵎⴰⵔⵉ ⴼ ⵜⵉⵔⵎⵉⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵎⵏⵉⴷ ⴰⴷ, ⵉⵖⵔ ⵉ ⵓⵙⴷⵓⵙ ⵏ ⵜⵡⵡⵓⵔⵉ ⵉⵛⵛⴰⵔⵏ ⴳ ⵉⵙⵡⵉⵔⵏ ⴰⵏⵎⵏⴰⴹ ⴷ ⵓⴳⵔⴰⵖⵍⴰⵏ ⵉ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴰⵎⴰⴹⵍⴰⵏ.
ⵢⵉⵏⵉ ⵎⴰⵙ ⵉⴼⴽⴰ ⵍⵎⵖⵔⵉⴱ ⴰⵜⵉⴳ ⴰⵅⴰⵜⴰⵔ ⵉ ⵜⵏⴰⵥⴰⵕⵉⵏ ⵏ ⵜⵏⴼⵔⵓⵜ, ⵉⵙⴽⵔ ⵜⴰⵙⵔⵜⵉⵜ ⵜⴰⵎⵣⵡⴰⵔⵓⵜ ⵏ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴳ ⴳ ⵍⵍⴰⵏ ⵉⵙⵍⴳⵏⵏ 03.03 ⴷ 86.14, ⴷ ⵓⵙⴽⵔ ⵏ ⵜⴳⵔⴰⵡⵉⵏ ⵥⵍⵉⵏⵉⵏ ⴳ ⵓⵎⵏⵉⴷ ⴰⴷ.
ⵢⵉⵏⵉ ⵎⴰⵙ ⵜⴱⴷⴷ ⵜⵙⵜⵔⴰⵜⵉⵊⵉⵜ ⵏ ⵜⴳⵍⴷⵉⵜ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵚ ⵚⴹⵉⵚ ⴼ ⵓⵙⵎⴰⵇⵇⵍ ⴰⵎⴰⵜⴰⵢ ⵉⵙⵎⴷⵏ ⵉⴱⴷⴷⵏ ⴼ ⵉⵎⴰⵙⵙⵏ ⵉⴳⵯⵏⵙⴰⵏⵏ ⴷ ⵓⵙⵎⴽⵍ ⵏ ⵉⵎⵉⵣⵉⵜⵏ ⵏ ⵜⵔⵓⴱⴱⴰ ⵏ ⵓⴱⵔⵙⵙⵉⵡⴷ, ⵢⵉⵏⵉ ⵎⴰⵙ ⵉⵚⴰⵃⴰ ⵓⵏⵙⴰⵍ ⴰⴳⵍⴷⴰⵏ ⴷ ⵓⵣⵔⴼⴰⵏ ⵉ ⵓⵏⴳⵉⵙⵏ ⵏ 16 ⵎⴰⵢ 2003 ⵖⵎⴽ ⴰⵏⵏ ⵓⵍⴰ ⵙⴳ ⴰⵎⵓⵏ ⴰⵎⵖⵔⵉⴱⵉ.
ⵉⵙⴰⵡⵍ ⵎⴰⵙⵙ ⴰⵎⴰⵔⵉ ⵓⵍⴰ ⴼ ⵓⵙⵓⵜⴳ ⵉⵟⵟⴰⴼ ⵍⵎⵖⵔⵉⴱ ⴳ ⵓⵙⴰⵔⴰⴳ ⴰⴳⵔⴰⵖⵍⴰⵏ, ⴷ ⵎⴰⵙ ⵜⵙⵔⵙ ⵜⴳⵍⴷⵉⵜ ⴰⵖⴰⵡⴰⵙ ⵉⵥⵍⵉⵏ ⴳ ⵉⵍⵍⴰ ⵓⵍⴰ ⵓⵎⵙⵓⵔⵓⴼ ⵉⴱⴷⴷⵏ ⴼ ⵓⵙⵓⵊⴷ ⵏ ⵉⵏⴽⵔⴰⴼ ⵏ ⵓⴱⵔⵙⵙⵉⵡⴷ ⵖⴳ ⵓⵎⵏⵉⴷ ⵏ ⵓⵙⵉⴷⴼ ⵏⵏⵙ ⵉⵕⵡⴰⵏ ⴳ ⵡⴰⵎⵓⵏ.
ⴰⴳⵔⴰⵡ ⴰⴷ ⵉⵜⵜⵓⵙⵏⵎⴰⵍⴰ ⵙ ⵓⵎⵢⴰⵡⴰⵙ ⴰⴽⴷ ⵜⴰⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ, ⵜⴰⵎⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵔⵉⵇⵉⵜ, ⴰⵙⵇⵇⵉⵎ ⵏ ⵛⵛⵓⵕⴰ ⴳ ⵇⴰⵟⴰⵕ. ⵉⵍⵍⴰ ⴷⴼⴼⵉⵔ ⵏ ⵉⵙⵡⵓⴷⴷⵓⵜⵏ ⵉⵣⵣⵔⴰⴼⵏ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵓⵏⴳⵉⵙⵏ ⵏ ⵓⴱⵔⵙⵙⵉⵡⴷ ⴳ ⵉⵏⵏⴰⵢⵔ ⵉⵣⵔⵉⵏ.
ⵃⴰⴹⵕⵏ ⴳ ⵓⴳⵔⴰⵡ ⴰⴷ ⵉⵏⵙⵙⵉⵅⴼⵏ ⵏ ⴽⵉⴳⴰⵏ ⵏ ⵉⴱⵕⵍⴰⵎⴰⵏⵏ ⵏ ⵉⵡⴰⵏⴽⵏ ⴰⵄⵔⴰⴱⵏ ⴷ ⵡⵉⵏ ⵓⵏⴰⵎⴰⵎⵙ ⴷ ⵉⴼⵔⵉⵇⵉⵢⵏ. ⵉⵡⴰⵜⵜⵙ ⴰⵙⵎⵏⵉⴷ ⵏ ⵜⵡⵉⵙⵉ ⵜⴰⴱⵕⵍⴰⵎⴰⵏⵉⵜ ⵉ ⵜⵓⴳⴳⴰⵙ ⵜⵉⵎⴰⴹⵍⴰⵏⵉⵏ ⵏ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ.