ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⴳⵔⴰⵡ ⴰⵏⵎⵏⴰⴹ ⵡⵉⵙ ⴽⴽⵓⵥ ⵉ ⵓⵣⵣⵔⴰⵢ ⵏ ⵓⵖⴰⵡⴰⵙ ⴰⵖⵔⴰⵖⵍⴰⵏ ⵏ ⵎⴰⴷⵔⵉⴷ ⵉ ⵜⵓⵙⵙⵔⴰ
ⵜⴷⵔⵓ ⵎⴰⵙⵙⴰ ⵏⴰⴷⵢⴰ ⵜⵓⵀⴰⵎⵉ ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⵃⴰⵎⵉⴷ ⵏⵓⵖⵓ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵏⴰⵎⵓⵏⵏ ⵙ ⵓⴼⵉⵣⵢⵓⴽⵓⵏⴼⵉⵕⵓⵏⵚ ⴳ ⵓⴳⵔⴰⵡ ⴰⵏⵎⵏⴰⴹ ⵡⵉⵙ ⴽⴽⵓⵥ ⵏ ⵓⵣⵣⵔⴰⵢ ⵏ ⵓⵖⴰⵡⴰⵙ ⴰⴳⵔⴰⵖⵍⴰⵏ ⵏ ⵎⴰⴷⵔⵉⴷ ⵉ ⵜⵓⵙⵙⵔⴰ ⵓⵙⵙⴰⵏ ⵏⵓⴽⵕⴰⵙ ⴷ ⵓⴽⵡⴰⵙ 1 ⴷ 2 ⵢⵓⵏⵢⵓ 2022, ⵍⵍⵉ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵜⵎⵜⵜⴰ ⵎⵓⵏⵏⵉⵏ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵏ ⴳⵔⵡⵜ ⵏ ⴰⵙⵢⴰ (ⴰⵙⴽⵡⴰ) ⴷ ⵓⴼⵏⵉⵇ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵉⵎⵣⴷⴰⵖⵏ ⵙ ⵓⵙⵉⵔⴰ ⴰⵏⵎⵓⵏ ⵏ ⵉⵡⴰⵏⴽⵏ ⴰⵄⵕⴰⴱⵏ ⵙ ⵜⵉⵍⵉⵜ ⵏ ⵉⵎⵓⵣⴰⵢⵏ ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏⵏⵏ.
ⴳ ⵓⵏⵎⵓⵇⵇⴰⵔ ⴰⴷ, ⵉⵍⵍⴰ ⵓⵙⵎⵏⵉⴷ ⵏ ⵜⵉⵏⵏⴰⵡⵉⵏ ⴼ ⵓⴼⵔⴰⴳ ⵏ ⵉⵡⵙⵙⴰⵔⵏ ⵙⴳ ⴰⵣⵣⵔⴰⵢ ⴰⵎⴳⴳⴰⵔⵓ ⵏ ⵓⵖⴰⵡⴰⵙ ⴰⴳⵔⴰⵖⵍⴰⵏ ⵏ ⵎⴰⴷⵔⵉⴷ ⵉ ⵜⵓⵙⵙⵔⴰ ⴳ 2017, ⵖⵎⴽ ⴰⵏⵏ ⴷ ⵜⵏⴰⵥⴰⵕⵉⵏ ⵍⵍⴰⵏⵉⵏ ⴷⴰⵜ ⵏ ⵓⵣⵣⴳⵉⵔ ⵏ ⵓⵖⴰⵡⴰⵙ ⴰⴷ, ⵖⵎⴽ ⴰⵏⵏ ⴷ ⵜⵉⵢⵢⴰⴼⵓⵜⵉⵏ ⵣⴷⵉⵏⵉⵏ ⴷ ⵓⵎⵙⴰⵡⴰⵍ ⴰⴱⵕⵍⴰⵎⴰⵏⵉ ⵍⵍⵉⵖ ⵜⴷⵔⵓ ⵎⴰⵙⵙⴰ ⵏⴰⴷⵢⴰ ⵜⵓⵀⴰⵎⵉ ⴷ ⵎⴰⵙⵙ ⵃⴰⵎⵉⴷ ⵏⵓⵖⵓ ⴳ 19 ⵎⴰⵢ 2022.
ⵉⵙⴰⵡⵍ ⵓⴳⵔⴰⵡ ⴰⴷ ⴼ ⵜⵎⵙⴰⵔⵉⵏ ⵀⵎⵎⴰⵏⵉⵏ ⵜⵓⵙⵙⵔⴰ ⴷ ⵉⵡⵙⵙⴰⵔⵏ, ⵖⵎⴽ ⴰⵏⵏ ⴷ ⵜⵎⵙⴰⵔⵉⵏ ⵀⵎⵎⴰⵏⵉⵏ ⴰⴼⵔⴰⴳ ⴰⵏⴰⵎⵓⵏ ⴷ ⵓⵙⴼⵍⵙ ⴰⴷⵓⵙⴰⵏ ⴷ ⵓⵙⵎⵖⵔ ⵏ ⵜⴷⵎⵙⴰ ⵉⵣⴷⵉⵏ ⴷ ⵓⴼⵔⴰⴳ ⵉⴳⴳⵓⵜⵏ ⴳ ⵜⵙⴳⴰ ⵏ ⵡⴰⵄⵕⴰⴱⵏ, ⴷ ⵓⵙⵉⴷⴼ ⵏ ⵜⵙⵔⵜⴰⵢ ⵏ ⵜⵓⵙⵙⵔⴰ ⴳ ⵜⵙⴳⴰ ⴰⴷ, ⴷ ⵓⵣⵣⴳⵉⵔ ⵏ ⵓⵖⴰⵡⴰⵙ ⵏ ⵎⴰⴷⵔⵉⴷ ⴰⴳⵔⴰⵖⵍⴰⵏ ⵉ ⵜⵓⵙⵙⵔⴰ ⴳ ⵜⵙⴳⴰ ⴰⴷ.
ⵜⵙⵖⵣⵏ ⵜⵎⵙⵎⵓⵏⵜ ⵜⴰⵎⴰⴹⵍⴰⵏⵜ ⵉ ⵜⵓⵙⵙⵔⴰ ⵙ ⵓⵃⵟⵟⵓ ⵏ ⵜⵎⵜⵜⴰ ⵎⵓⵏⵏⵉⵏ ⴰⵖⴰⵡⴰⵙ ⵏ ⵎⴰⴷⵔⵉⴷ ⵉ ⵜⵓⵙⵙⵔⴰ ⴳ 2002, ⵃⵎⴰ ⴰⴷ ⵢⵉⵍⵉ ⵓⵚⴽⵓ ⵏ ⵡⴰⵎⵓⵏ ⵢⵓⵎⴰⵏ ⴽⵓⵢⴰⵏ.
ⴰⵔ ⵉⵜⵜⵉⵍⵉ ⵓⵣⵣⵔⴰⵢ ⵏ ⵓⵖⴰⵡⴰⵙ ⴰⴷ ⵏ ⵜⵡⵡⵓⵔⵉ ⴽⵓ ⵙⵎⵎⵓⵙ ⵉⵙⴳⴳⵯⴰⵙⵏ ⵃⵎⴰ ⴰⴷ ⵜⵜⵓⵙⵙⵉⵏ ⵜⵣⵣⵉⴳⵣⵜ ⵉⵍⵍⴰⵏ ⵢⵉⵍ ⵓⴱⴷⴷⴰⴷ ⴼ ⵓⵙⵓⵔⵙ ⵏ ⵉⵡⴷⴰⵏ ⵉⵡⵙⵙⴰⵔⵏ.