ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵓⵙⵏⵎⴰⵍⴰ ⴰⵣⵔⴼⴰⵏ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 23 ⵎⴰⵢ 2022, ⵙⵉⵏ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵓⵙⵏⵎⴰⵍⴰ ⴰⵣⵔⴼⴰⵏ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⴽⵔ ⵏ ⵜⴳⵔⴰⵡⵜ ⵜⴰⵏⴰⵎⵎⵓⵔⵜ ⵏ ⵓⵙⵏⴳⵉⴷⴷⵉ ⵏ ⵜⵉⴼⴰⵡⵜ, ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵍⵍⵉ ⵉⵙⵙⵉⵅⴼ ⵓⵏⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ  ⴷ ⵜⵍⵉⵜ ⵏ ⵎⴰⵙⵙ ⵄⴰⴱⵍⵍⴰⵟⵉⴼ ⵡⴰⵀⴱⵉ ⴰⵎⴰⵡⵙⴰⵙ ⵏ ⵜⵣⵔⴼⵜ ⴷ ⵎⴰⵙⵙ ⵍⵎⵀⴷⵉ ⴱⵏ ⵙⵄⵉⴷ ⴰⵎⴰⵡⵙⴰⵙ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴰⴽⴷ ⵓⴱⵕⵍⴰⵎⴰⵏ ⴰⵎⵙⵙⵉⵡⵍ ⵙ ⵢⵉⵙⵎ ⵏ ⵜⵏⴱⴰⴹⵜ.

ⵉⵍⵍⴰ ⵓⵙⵖⵣⵏ ⵏ ⵓⵙⵏⴼⴰⵔ ⵏ ⵓⵙⵍⴳⵏ 38.15 ⴼ ⵓⵙⵏⵎⴰⵍⴰ ⴰⵣⵔⴼⴰⵏ ⵎⴽ ⵜⵉⴷ ⵉⵚⵚⴰⴼⴹ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵜⵉⵖⵔⵉ ⵜⵉⵙ ⵙⵏⴰⵜ, ⵉⵙⵎⴷ ⵓⴹⵉⵚ ⴰⴷ ⵉⴹⵉⵚⵏ ⵣⴷⵉⵏⵉⵏ ⴷ ⵜⵣⵔⴼⵜ ⵃⵎⴰ ⴰⴷ ⵜⴹⴼⵕ ⵜⴰⵣⵣⵉⴳⵣⵜ ⵏ ⵜⵣⵔⴼⵜ ⴷ ⵎⴰⴷ ⵉⵍⵍⴰⵏ ⴳ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ.

ⴼⴽⴰⵏⵜ ⵜⵔⵓⴱⴱⴰ ⵜⵉⴱⵕⵍⴰⵎⴰⵏⵉⵢⵉⵏ ⴽⵉⴳⴰⵏ ⵏ ⵉⵏⴼⵍⵏ ⴼ ⵜⵏⵙⵙⵉⵅⴼⵜ ⵏ ⵜⵎⵓⵔⴰⵢⵜ ⴷⴰⵔ ⵜⵉⵙⴳⴳⵉⵡⵉⵏ ⵢⴰⴹⵏⵉⵏ, ⴷ ⵓⵙⴽⵕ ⵏ ⵉⵎⵚⵕⴰⵢ ⵏ ⵜⵙⵏⴱⴹⴰⵢⵉⵏ ⵏ ⵜⵙⴽⵯⴼⵍ ⵜⵉⵙ ⵙⵏⴰⵜ, ⴰⵙⵓⵖⵍ ⵏ ⵜⴻⵜⴳⴰⵔⵉⵏ ⵙ ⵜⴰⵄⵕⴰⴱⵜ, ⴷ ⵓⵙⵔⵓⵙ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵜⵏⴱⴰⴹⵜ ⵜⴰⵣⵔⴼⴰⵏⵜ ⴷ ⵜⴰⵙⴳⴰ ⵍⵍⵉ ⴷ ⵜⵣⴷⴷⵉ ⵜⵎⴰⵡⴰⵙⵜ ⵏ ⵜⵣⵔⴼⵜ ⴳ ⵓⵎⵏⵉⴷ ⵏ ⵜⵎⵎⵙⵙⵓⴳⵓⵔⵜ ⴷ ⵓⵥⵕⴼ ⵏ ⵜⵙⵏⴱⴹⴰⵢⵉⵏ.

ⴳ ⵜⵖⵉⵎⵉⵜ ⵜⴰⴷ, ⵉⵍⵍⴰ ⵓⵙⵖⵣⵏ ⵏ ⵓⵙⵏⴼⴰⵔ ⵏ ⵓⵙⵍⴳⵏ 40.19 ⵉ ⵓⵙⵎⴰⴷ ⴷ ⵓⵙⵏⴼⵍ ⵏ ⵓⵙⵍⴳⵏ 13.09 ⴼ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⵍⴳⵏ 48.15 ⴼ ⵓⵙⵏⴳⵉⴷⴷⵉ ⵏ ⵢⵉⴳⵔ ⵏ ⵜⵉⴼⴰⵡⵜ ⴷ ⵓⵙⴽⵔ ⵏ ⵜⴳⵔⴰⵡⵜ ⵜⴰⵏⴰⵎⵓⵔⵜ ⵏ ⵓⵙⵏⴳⵉⴷⴷⵉ ⵏ ⵜⵉⴼⴰⵡⵜ.

ⵔⴰⴷ ⵢⴰⵡⵙ ⵓⵙⵍⴳ ⴰⴳ ⴳ ⵓⵙⵎⴰⵜⵜⵉ ⵏ ⵜⵥⴹⴰⵕⵜ, ⵃⵎⴰ ⴰⴷ ⵢⵉⵍⵉ ⵓⵣⵣⵔⴰⵢ ⵏ 52 % ⵏ ⵜⵙⵓⴳⵔⵜ ⵏ ⵜⵥⴹⴰⵕⵜ ⵍⵍⵉ ⵉⴽⴽⴰⵏ ⵉⵖⴱⵓⵍⴰ ⵉⵎⴰⵢⵏⵓⵜⵏ ⴳ 2030.

ⵔⴰⴷ ⵢⴰⵡⵙ ⵓⵎⵓⴽⵏ ⴰⴷ ⴳ ⵓⵙⵉⵜⵜⵉ ⵏ ⵜⵎⵓⴽⵔⵉⵙⵉⵏ ⵜⵉⵜⵉⵇⵏⵉⵏⵢⵉⵏ ⵣⴷⵉⵏⵉⵏ ⴷ ⵜⴼⴰⵜⵉⵜ ⴷ ⵓⵙⵎⵖⵔ ⵏ ⵓⵏⴳⵔⴰⵡ ⵏ ⵜⵉⴼⴰⵡⵜ ⵜⴰⵏⴰⵎⵓⵔⵜ ⵉ ⵓⵙⴽⵔ ⵏ ⵉⵙⵏⴼⴰⵔⵏ ⵏ ⵜⵥⴹⴰⵕⵜ ⵜⴰⵎⵢⵏⵓⵜ.

ⵔⴰⴷ ⵢⴰⵡⵙ ⵓⵙⵍⴳⵏ 13.09 ⴳ ⵓⵙⵎⵖⵔ ⵏ ⵓⴼⴰⵔⵙ ⵏ ⵜⵥⴹⴰⵕⵜ ⵙⴳ ⵉⵖⴱⵓⵍⴰ ⵉⵎⴰⵢⵏⵓⵜⵏ, ⵖⵎⴽ ⴰⵏⵏ ⴷ ⵓⵙⵍⴻⵍⵍⵉ ⵏ ⵉⵖⴱⵓⵍ ⵏ ⵓⴼⴰⵔⵙ ⵏ ⵜⵥⴹⴰⵕⵜ ⵙⴳ ⵉⵖⴱⵓⵍⴰ ⵉⵎⴰⵢⵏⵓⵜⵏ ⴷ ⵓⴼⴰⵔⵙ ⵏ ⵜⵉⴼⴰⵡⵜ ⵉ ⵚⴰⵃⴰ ⵏ ⵢⴰⵏ ⵓⵏⵎⵓⵔⵙ ⵏⵖ ⵎⵏⵏⴰⵡ.