ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵎⵙⴰⵡⴰ ⵏ ⵉⴱⵕⵍⴰⵎⴰⵏⵏ ⴰⵄⵕⴰⴱⵏ ⴼ ⵓⵖⴰⵡⴰⵙ ⵏ ⵎⴰⴷⵔⵉⴷ ⴰⴳⵔⴰⵖⵍⴰⵏ ⵉ ⵜⵓⵙⵙⵔⴰ
ⵜⴷⵔⵓ ⵎⴰⵙⵙⴰ ⵏⴰⴷⵢⴰ ⵜⵓⵀⴰⵎⵉ ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⵃⴰⵎⵉⴷ ⵏⵓⵖⵓ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵏⴰⵎⵓⵏⵏ ⴳ ⵓⵎⵙⴰⵡⴰⵍ ⵏ ⵉⴱⵕⵍⴰⵎⴰⵏⵏ ⴰⵄⵕⴰⴱⵏ ⴼ ⵓⵣⵣⵔⴰⵢ ⵡⵉⵙ ⴽⴽⵓⵥ ⵏ ⵓⵖⴰⵡⴰⵙ ⵏ ⵎⴰⴷⵔⵉⴷ ⴰⴳⵔⴰⵖⵍⴰⵏ ⴼ ⵜⵓⵙⵙⵔⴰ, ⴰⵙⵙ ⵏ 19 ⵎⴰⵢ 2022 ⵍⵍⵉ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵜⵎⵜⵜⴰ ⵎⵓⵏⵏⵉⵏ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵏ ⴳⵔⵡⵜ ⵏ ⴰⵙⵢⴰ (ⴰⵍⵙⴽⵡⴰ) ⴷ ⵓⴼⵏⵉⵇ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵉⵎⵣⴷⴰⵖⵏ ⵙ ⵓⵙⵉⵔⴰ ⴰⵏⵎⵏⴰⴹ ⵏ ⵉⵡⴰⵏⴽⵏ ⴰⵄⵕⴰⴱⵏ ⵉ ⵓⵙⵏⴼⵍ ⵏ ⵜⵎⵓⵣⴰⵢⵜ ⵅⴼ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵉⵢⵏ ⵉ ⵓⵙⵎⵖⵔ ⵏ ⵉⵙⵓⵔⵙⵏ ⵏ ⵉⵡⵙⵙⴰⵔⵏ.
ⵜⵙⴰⵡⵍ ⵎⴰⵙⵙ ⵜⵓⵀⴰⵎⵉ ⴼ ⵜⵓⴳⴳⴰⵙ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵉⴱⴷⴷⵏ ⴼ ⵓⵙⴷⵓⵙ ⵏ ⵉⵣⵔⴼⵏ ⵏ ⵓⴼⴳⴰⵏ, ⵖ ⵏⵉⵜ ⵍⵍⴰⵏ ⵉⵣⵔⴼⴰⵏ ⵏ ⵉⵡⵙⵙⴰⵔⵏ, ⵉⵙⴰⵡⵍ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏ 2011 ⴳ ⵓⵎⵏⵏⵉ 31 ⴼ ⵓⵙⵎⵓⵙⵙⵓ ⵏ ⵓⵡⴰⵏⴽ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⵉ ⴽⵓ ⵉⵎⴰⵙⵙⵏ ⵃⵎⴰ ⴰⴷ ⵟⵟⴼⵏ ⵉⵏⵎⵓⵔⴰⵏ ⵙ ⵜⵏⴳⴰⴷⴷⴰⵢⵜ ⴰⵣⵔⴼ ⴳ ⵓⵙⵏⵉⵊⵊⵉ ⴷ ⵓⵅⵎⵎⵎ ⴰⴷⵓⵙⴰⵏ..., ⵢⵉⵍⵉ ⵓⵎⵏⵏⵉ 34 ⵍⵍⵉ ⵉⵜⵜⵉⵏⵉⵏ ⴰⴷ ⵙⵔⵙⵏⵜ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⵜⵉⵙⵔⵜⴰⵢ ⵉ ⵉⵡⴷⴰⵏⵉⵏ ⵟⵟⴰⴼⵏⵉⵏ ⵉⵙⵖⴰⵡⵙⴰⵜⵏ ⵥⵍⵉⵏⵉⵏ ⵖ ⵏⵉⵜ ⵍⵍⴰⵏ ⵉⵡⵙⵙⴰⵔⵏ. ⴰⵢⵍⵍⵉ ⵢⵓⵊⵊⴰⵏ ⵜⵉⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴳ ⵜⵎⴰⵣⵉⵔⵜ ⵏⵏⵖ ⴰⴷ ⵙⵔⵙⵏⵜ ⵜⵉⵙⵔⵜⴰⵢ ⵚⴰⵃⴰⵏⵉⵏ ⵉ ⵉⵡⴷⴰⵏ ⵉⵏⴰⵎⵓⵏⵏ ⵛⵃⴰⵏⵉⵏ ⴳ ⵍⵍⴰⵏ ⵉⵡⵙⵙⴰⵔⵏ ⴷ ⵓⵣⵣⴳⵉⵔ ⵏ ⵜⵙⵔⵜⴰⵢ ⴰⴷ.
ⵜⵙⴰⵡⵍ ⵓⵍⴰ ⴼ ⵓⵅⵎⵎⴻⵎ ⵍⵍⵉ ⵏⴰⴽⴽⴰ ⵉ ⵜⴷⵓⵍⵉ ⴰⴷ ⴳ ⵡⴰⵎⵓⵏ, ⴰⵢⵍⵍⵉ ⵉⵙⴽⵔⵏ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴰⴷ ⵜⵙⵔⵙ ⵜⴰⵙⵔⵜⵉⵜ ⵜⴰⵏⴰⵎⵓⵔⵜ ⵏ ⵉⵡⴷⴰⵏ ⵓⵡⵙⵙⴰⵔⵏ ⴷ ⵓⵙⴽⵔ ⵏ ⵓⵙⴰⵜⵉ ⴰⵎⴰⴷⴷⴰⵙ ⵏ ⵜⵡⵡⵓⵔⵉ ⵏ ⵓⵡⴰⵏⴽ ⴷ ⵡⴰⵎⵓⵏ ⴰⵖⵔⵎⴰⵏ ⵃⵎⴰ ⴰⴷ ⵟⵟⴼⵏ ⴰⴷⴷⵓⵔ ⴷ ⵉⵣⵔⴼⴰⵏ. ⵖⵎⴽ ⴰⵏⵏ ⴰⴼ ⵍⵍⴰⵏⵜ ⵜⵙⵔⵜⴰⵎⵉⴰⵢ ⵜⵉⵏⴰⵎⵓⵔⵉⵏ ⵜⵉⵣⵔⴼⴰⵏⵉⵏ ⴰⵎ ⴰⵖⴰⵡⴰⵙ ⴰⵏⴰⵎⵓⵔ ⵏ ⵓⵙⵡⵓⵔⵉ ⴳ ⵢⵉⴳⵔ ⵏ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ 2011/2016 ⵉⴱⴷⴷⵏ ⴼ ⵓⴼⵔⴰⴳ ⴷ ⵓⵙⴷⵓⵙ ⵏ ⵉⵣⵔⴼⴰⵏ ⵏ ⵉⵡⵙⵙⴰⵔⵏ ⵙ ⵓⴼⵔⴰⴳ ⵏ ⵉⵣⵔⴼⴰⵏ ⵏⵏⵙⵏ, ⵖⵎⴽ ⴰⵏⵏ ⴷ ⵓⵙⴷⵓⵙ ⵏ ⵜⴷⵍⵙⴰ ⵏ ⵓⵅⵎⵎⴻⵎ ⴳⵉⵙⵏ ⴳ ⵡⴰⵎⵓⵏ, ⴷ ⵓⵙⵖⵔⵜ ⵏ ⵡⴰⵎⵓⵏ ⵉ ⵓⵅⵎⵎⴻⵎ ⴳ ⵉⵡⵙⵙⴰⵔⵏ ⵙ ⵜⵎⵢⴰⴷⴰⵙⵜ ⵜⴰⵣⵔⴼⴰⵏⵜ.
ⵜⵉⵏⵉ ⵎⴰⵙⵙⴰ ⵜⵓⵀⴰⵎⵉ ⵎⴰⵙ ⵜⵙⵡⵓⵔⵉ ⵜⵎⴰⵣⵉⵔⵜ ⵏⵏⵖ ⵃⵎⴰ ⴰⴷ ⵜⵉⵍⵉ ⵜⴷⵍⵙⴰ ⴷⴰⵜ ⵏ ⵉⵎⵙⵡⵓⵔⵉⵢⵏ ⴷ ⵜⵏⴰⵥⴰⵕⵉⵏ ⵏⵏⵙⵏ, ⵢⵉⵍⵉ ⵓⵙⵓⵊⴷ ⵏ ⵓⵏⵇⵇⵉⵙ ⴼ ⵓⵙⴰⵜⵉ ⴰⵙⵜⵔⴰⵜⵉⵊⵉ ⵏ ⵓⴼⵔⴰⴳ ⵏ ⵉⵡⴷⴰⵏ ⵙⴳ ⵜⴰⵎⴰⵡⴰⵙⵜ ⵏ ⵜⵡⵉⵣⵉ ⴷ ⵜⴳⵎⵉ ⵜⴰⵏⴰⵎⵓⵏⵜ ⴷ ⵢⵉⵙⴽⵉⵍ ⴷ ⵜⵓⵡⵊⴰ, ⵙ ⵓⵙⵏⴰⵍ ⵏ ⵜⵙⵇⵇⵉⵎⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵏ ⴳⵔⵡⵜ ⵏ ⴰⵙⵢⴰ, ⵍⵍⵉⵖ ⵏⴷⵔⵓ ⴷ ⵜⴰⵏⴱⴰⴹⵜ ⵜⴰⵣⵣⵔⴰⴼⵜ ⴼ ⵜⵎⵙⴽⴰⵔ ⵏ ⵜⵉⵍⴰⵍ ⵏⵏⵖ ⵃⵎⴰ ⴰⴷ ⵉⵍⵉⵏ ⵉⵡⵜⵜⴰⵙⵏ ⵍⵍⵉ ⵏⵔⴰ.
ⵉⵙⴽⵔ ⵓⵙⵇⵇⵉⵎ ⵏ ⵉⵎⵓⵔⴰ ⴽⵉⴳⴰⵏ ⵏ ⵉⵣⵣⵔⴰⴼⵏ ⴰⵎ ⴰⵙⵍⴳⵏ 65.15 ⴼ ⵜⵎⵔⵙⴰⵍ ⵏ ⴼⵔⴰⴳ ⴰⵏⴰⵎⴰⵓⵏ ⵍⵍⵉ ⵉⵡⴰⵜⵜⵙⵏ ⴰⴷ ⵢⵉⵍⵉ ⵓⵅⵎⵎⴻⵎ ⴳ ⵡⵉⵢⵢⴰⴹ ⴷ ⵓⵙⴽⵔ ⵙ ⵜⵎⵢⴰⴷⴰⵙⵜ ⵜⴰⵣⵔⴼⴰⵏⵜ ⴳ ⵓⵙⵎⵏⵉⴷ ⵏ ⵜⵏⵓⴼⴰ ⵏ ⵜⵎⵔⵙⴰⵍ ⵏ ⵓⴼⵔⴰⴳ ⴰⵏⴰⵎⵓⵏ ⴷ ⵓⵙⵎⵖⵔ ⵏ ⵜⵡⵡⵓⵔⵉⵡⵉⵏ ⵏⵏⵙ, ⴷ ⵓⵙⵙⴽⴽⵯⵜⵉ ⴷ ⵓⵎⵏⵉⴷ ⴰⴷⵖⴰⵔⴰⵏ ⴳ ⵜⵡⵡⵓⵔⵉⵡⵉⵏ ⵏⵙ ⴷ ⵜⵉⴹⴰⴼ ⵏ ⵜⵏⵏⵓⴱⴹⴰ ⵏⵏⵙⵏⵜ ⵜⴰⴳⵯⵏⵙⴰⵏⵜ. ⵉ ⵓⵙⵎⵖⵔ ⴷ ⵓⵙⴽⵔ ⵏ ⵜⵏⵓⴼⴰ ⵏ ⵉⵡⵙⵙⴰⵔⵏ, ⵉⵍⵍⴰ ⵓⵙⵖⵣⵏ ⵏ ⵓⵙⵍⴳⵏ 98.18 ⴼ ⵓⵏⴳⵔⴰⵡ ⵏ ⵓⵙⴼⵙⵍ ⵓⵛⵛⵉⵍ ⴳ ⵜⵎⴰⴹⵓⵏⵜ, ⴷ ⵓⵙⵍⴳⵏ 99.15 ⴼ ⵓⵙⴽⵔ ⵏ ⵜⵏⵓⴼⴰ ⵉ ⵉⵎⵙⵡⵓⵔⵉⵢⵏ ⵉⵙⵉⵎⴰⵏⵏ ⵙⴽⴰⵔⵏⵉⵏ ⵜⴰⵡⵡⵓⵔⵉ ⵉⵥⵍⵉⵏ. ⵉⵍⵍⴰ ⵓⵍⴰ ⵓⵙⵖⵣⵏ ⵏ ⵓⵙⵍⴳⵏ 72.18 ⴼ ⵓⵏⴳⵔⴰⵡ ⵏ ⵡⵉⴷⴰ ⵎⵓ ⵚⴰⵃⴰⵏ ⵉⵖⴰⵡⴰⵙⵏ ⵏ ⵓⵙⵏⴰⵍ ⴰⵏⴰⵎⵓⵏ ⴷ ⵓⵙⴽⵔ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵉⵣⵎⵎⵉⵎⵏ.
ⵖⵎⴽ ⵍⵍⵉ ⵉⵥⵍⵉ ⵓⵙⵇⵇⵉⵎ, ⴳ ⵢⵉⴳⵔ ⵏ ⵜⵉⴹⴰⴼ, ⴽⵉⴳⴰⵏ ⵏ ⵉⵙⵇⵙⵉⵜⵏ ⵉⵎⵉⵔⴰⵢⵏ ⴷ ⵉⵎⵉⵡⴰⵏⵏ ⴼ ⵉⵙⵡⵓⴷⴷⵓⵜⵏ ⵍⵍⵉ ⵜⵙⴽⵔ ⵜⵏⴱⴷⴰⴹⵜ ⴳ ⵓⵎⵏⵉⴷ ⵓⴼⵔⴰⴳ ⴰⵏⴰⵎⵓⵏ ⴷ ⵜⴷⵓⵙⵉ ⵏ ⵉⵡⵙⵙⴰⵔⵏ, ⵉⵍⵉⵏ ⵓⵍⴰ ⵜⵖⵉⵎⵉⵜⵉⵏ ⵜⴰⵢⵢⵓⵔⵉⵏ ⴼ ⵜⵙⵔⵜⴰⵢ ⵜⵉⵎⴰⵜⴰⵢⵉⵏ ⵅⴼ ⵜⵙⵔⵜⵉⵜ ⵜⵓⵏⴱⵉⴹⵜ ⵉⵥⵍⵉⵏ ⵙ ⵉⵡⵙⵙⴰⵔⵏ ⴷ ⵉⵡⴷⴰⵏ ⵍⵍⴰⵏⵉⵏ ⴳ ⵓⵙⵓⵔⵙⵏ ⵏ ⵓⵎⵎⵓⵄⴹⵕ.
ⵜⵙⵖⵣⵏ ⵜⵎⵙⵎⵓⵏⵜ ⵜⴰⵎⴰⴹⵍⴰⵏⵜ ⵏ ⵜⵓⵙⵙⵔⴰ ⵙ ⵉⵡⵉⵣ ⵏ ⵜⵎⵜⵜⴰ ⵎⵓⵏⵏⵉⵏ ⴰⵖⴰⵡⴰⵙ ⵏ ⵜⵡⵡⵓⵔⵉ ⵏ ⵎⴰⴷⵔⵉⴷ ⴳ 2002, ⵉ ⵓⵚⴽⵓ ⵏ ⵡⴰⵎⵓⵏ ⵢⵓⵎⴰⵏ ⵉ ⴽⵓⵢⴰⵏ, ⵔⴰⴷ ⵢⵉⵍⵉ ⵓⵣⵣⵔⴰⵢ ⵏ ⵓⵖⴰⵡⴰⵙ ⴰⴷ ⴽⵓ ⵙⵎⵎⵓⵙ ⵉⵙⴳⴳⵯⴰⵙⵏ.
ⵉⵡⴰⵜⵜⵙ ⵓⵎⵙⴰⵡⴰⵍ ⴰⴷ ⴰⴷ ⵢⵉⵍⵉ ⵓⴼⵔⴰⴽ ⴷⴰⵔ ⵉⴱⵕⵍⴰⵎⴰⵏⵉⵢⵏ ⴼ ⵓⵖⴰⵡⴰⵙ ⴰⴷ ⴷ ⵓⵣⵣⵔⴰⵢ ⵏⵏⵙ ⴷ ⵓⵙⴷⵓⵙ ⵏ ⵉⵡⵜⵜⴰⵙⵏ ⵥⵍⵉⵏⵉⵏ ⴷ ⵓⵙⵎⵖⵔ ⵏ ⵉⵣⵔⴼⴰⵏ ⵏ ⵉⵡⵙⵙⴰⵔⵏ ⴷ ⵜⵡⴰⴼⵉⵜ ⵏ ⵉⴼⵙⵙⴰⵢⵏ ⵉ ⵜⵎⵓⴽⵔⵉⵙⵉⵏ ⵍⵍⴰⵏⵉⵏ.