ⵜⴰⴳⵓⵔⵉ ⵏ ⵎⴰⵙⵙⴰ ⵍⴰⵟⵉⴼⴰ ⵍⴱⵍⵉⵃ, ⵜⴰⵏⴳⵎⴰⵎⵜ ⵏ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴷⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⴷ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴳ ⵓⴳⵔⴰⵡ ⵏ ⵜⵣⵍⵖⴰ ⵏ ⵉⵏⴼⵍⴰⵙ ⵏ ⵉⵣⵔⴼⴰⵏ ⵉⴼⵕⵏⴽⵓⴼⵓⵏⵉⵢⵉⵏ

ⴰⵏⵎⵓⵇⵇⴰⵔⵏⵜⵣⵍⵖⴰⵏⵉⵏⴼⵍⴰⵙⵏⵉⵣⵔⴼⴰⵏⵉⴼⵕⴰⵏⴽⵓⴼⵓⵏⵉⵢⵏ

ⵉⵙⵜ ⵎⴰⵙⵙⴰ, ⵉⴷ ⵎⴰⵙⵙ

ⵎⵎⵔⵖ ⵍⵍⵉⵖ ⴷⵔⵓⵖ ⴳ ⵓⴳⵔⴰⵡ ⵡⵉⵙ ⵢⴰⵏ ⴷ ⵎⵔⴰⵡ ⵏ ⵜⵣⵍⵖⴰ ⵏ ⵉⵏⴼⵍⴰⵙ ⵏ ⵉⵣⵔⴼⴰⵏ ⵉⴼⵕⴰⵏⴽⵓⴼⵓⵏⵉⵢⵏ ⵙ ⵉⵙⵎ ⵏ ⵜⴰⵢⵢⴰⵡⵜ ⵜⴰⵎⵖⵔⵉⴱⵉⵜ ⴷⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ.

ⵔⴰⴷ ⵙⴰⵡⵍⵖ ⴼ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴳ ⵜⵎⵙⵙⵓⴳⵓⵔⵜ ⵜⴰⵎⵖⵔⵉⴱⵉⵜ ⴷ ⵓⴷⵔⵉⵣ ⵏⵏⵙ ⴼ ⵉⵣⵔⴼⴰⵏ ⵏ ⵓⴼⴳⴰⵏ, ⵉⴽⵛⵎⵏ ⴳ ⵜⵙⴰⵡⵓⵔⵜ ⴼ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵓⴽⵛⵓⵎ ⵙ ⵉⵣⵔⴼⴰⵏ: ⴰⵏⴰⵥⵕ ⵉⵛⵛⴰⵔⵏ (ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ, ⵜⴰⵎⴰⴷⴷⴰⵙⵜ ⵜⴰⴳⵔⵍⴰⵖⵍⴰⵏⵜ ⵉ ⵜⴼⵕⴰⵏⴽⵓⴼⵓⵏⵉⵜ, ⴰⵙⵇⵇⵉⵎ ⵏ ⵓⵕⵓⴱⴱⴰ) ⵉ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵉⵏⵎⵓⵔⴰⵏ. ⵜⴰⵎⵓⴽⵔⵉⵙⵜ ⴰⴷ ⵉⴳⴰⵏ ⵙⴳ ⵓⵎⴹⴰⴽⴰⵕ ⴰⵎⴰⵜⴰⵢ ⵏ ⵓⵏⵎⵓⵇⵇⴰⵔ ⴰⴷ, ⵍⵍⵉ ⵜⵜ ⵉⴳⴰⵏ ⴷ ⴰⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵓⴽⵛⵓⵎ ⵙ ⵉⵣⵔⴼⴰⵏ, ⴰⵏⴰⵥⴰⵕ ⵉⵛⵛⴰⵔⵏ ⴳ ⵓⵙⴰⵢⵔⵓⵔ ⴰⴼⵕⴰⵏⴽⵓⴼⵓⵏⵉ: ⵜⵉⵍⴰⵍⵜ ⵏ ⵉⵏⴼⵍⴰⵙ ⵏ ⵉⵣⵔⴼⴰⵏ?.

ⵉⵇⵇⴰⵏ ⴷ ⴰⴷ ⵏⴱⴷⵔ ⴰⵍⵜⴰⵖ ⵉⵕⵡⴰⵏ ⵏ ⵉⴱⵕⵍⴰⵎⴰⵏⵉⵢⵉⵏ ⴷ ⵉⵏⵎⵓⵔⴰⵏ ⴷ ⵡⴰⵎⵓⵏ ⴰⵖⵔⵎⴰⵏ ⵍⵍⵉ ⴳⴰⵏⵉⵏ ⵜⵉⵔⵙⴰⵍ ⵏ ⵜⴷⵉⵎⵓⵇⵔⴰⵟⵉⵜ ⴷ ⵜⵎⴰⴷⵔⴰⵡⵜ, ⴰⵢⵍⵍⵉ ⵢⴰⴽⴽⴰⵏ ⵉ ⴽⵓ ⵉⴼⵔⴷⴰⵙ ⵏ ⵡⴰⵎⵓⵏ ⴰⴷ ⵉⵡⵙⵏ ⴳ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵏ ⵜⵎⴰⵣⵉⵔⵜ.

ⵉⵙⵜ ⵎⴰⵙⵙⴰ ⴷ ⵉ ⵉⴷ ⵎⴰⵙⵙ,

ⵜⵣⵣⵉⴳⵣ ⴱⴰⵀⵔⴰ ⵜⵎⵓⵟⵟⵓⵏⵜ ⴳ ⵍⵎⵖⵔⵉⴱ, ⵙⵍⴰⵡⴰⵏ ⴰⴽⴽⵯ ⴳ ⵉⵙⴳⴳⵯⴰⵙⵏ ⵉⵎⴳⴳⵓⵔⴰ, ⵜⴳ ⵜⴰⵏⴰⵥⵕⵜ ⵜⴰⵙⵉⵍⴰⵏⵜ ⵉ ⵉⵎⴰⵍ ⵏ ⵜⵎⴰⵣⵉⵔⵜ ⵏⵏⵖ ⴷ ⵉⵎⵉⵙ ⵏ ⵓⵍⵓⵢ ⵏ ⵜⴳⵎⵉ.

ⴰⵔ ⵉⵜⵜⴰⵡⵙ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴳ ⵜⵉⵕⵡⵉ ⵏ ⵉⵏⵢⴰⵍⴽⴰⵎⵏ ⵊⴰⵔ ⵉⵏⵎⵓⵔⴰⵏ ⴷ ⵜⵎⵙⵙⵓⴳⵓⵔⵉⵏ, ⵢⴰⵡⵙ ⴳ ⵓⵙⵉⵜⵜⵉ ⵏ ⵉⵎⵣⵔⴰⵢⵏ ⵉⵏⴰⵎⵓⵏⵏ ⴷ ⵉⴷⵖⴰⵔⴰⵏⵏ ⵙ ⵓⵙⵔⵅⵓ ⵏ ⵓⵍⴽⴰⵎ ⵉ ⵉⵏⵖⵎⵉⵙⵏ ⴷⴰⵔ ⴽⵓⵢⴰⵏ. ⵢⴰⵡⵙ ⵓⵍⴰ ⴳ ⵓⵙⵎⵖⵔ ⵏ ⵜⴷⵎⵙⴰ ⴷ ⵓⵎⵉⵣⵡⴰⵔ ⵏⵏⵙ.

ⵖⵎⴽ ⵍⵍⵉ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵉⵏⴰⵡ ⵏⵏⵙ ⴼ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ ⴳ 2016, ⴷ ⵓⵙⵖⴰⵡⵙⴰ ⵉ ⵓⵙⵏⴼⵍ ⵏ ⵜⵣⵣⵉⴳⵣⵜ ⵏ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ, ⴷ ⵡⴰⵜⵉⴳ ⵏ ⵓⵎⵙⴰⵙⴰ ⵏ ⵜⵎⵙⵙⵓⴳⵓⵔⵜ ⴰⴽⴷ ⵜⴰⵜⵉⴽⵏⵓⵍⵓⵊⵉⵜ ⵜⴰⵎⵢⵏⵓⵜ.

ⵉⵙⵜ ⵎⴰⵙⵙⴰ ⴷ ⵉ ⵉⴷ ⵎⴰⵙⵙ,

ⵜⴳⴰ ⵜⵉⵕⵡⵉ ⴷ ⵓⵛⵛⵉⵍ ⴷ ⵜⵎⴰⴼⴰⵡⵜ ⵜⵉⵏⴰⵥⵕⵉⵏ ⵏ ⵓⵙⵎⴰⵜⵜⵉ ⴰⵎⵓⵟⵟⵓⵏ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ ⵜⴰⵎⵖⵔⵉⴱⵉⵜ, ⵖⵎⴽ ⴰⵏⵏ ⴰⴼ ⵉⵙⵔⵙ ⵍⵎⵖⵔⵉⴱ ⵜⵓⴳⵜ ⵏ ⵜⵙⵜⵔⴰⵜⵉⵊⵉⵢⵉⵏ ⴷ ⵉⵖⴰⵡⴰⵙⵏ ⴼ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴰⵎ ⵍⵎⵖⵔⵉⴱ ⴰⵎⵓⵟⵟⵓⵏ 2013 ⴷ ⵍⵎⵖⵔⵉⴱ ⴰⵎⵓⵟⵟⵓⵏ 2020.

ⴳ ⵓⵙⵡⵉⵔ ⴰⵎⵔⵙⵍⴰⵏ, ⵉⵙⴽⵔ ⵍⵎⵖⵔⵉⴱ ⵜⵉⴳⵔⴰⵡⵉⵏ ⴰⵎ ⵜⴰⵙⵏⵓⵔⴰⵢⵜ ⵏ ⵜⴳⵎⵉ ⵜⴰⵎⵓⵟⵟⵓⵏⵜ ⴷ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵜⵉⴹⴰⴼ ⵏ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ.

ⴰⵔ ⵏⵥⴹⴰⵕ ⴰⴷ ⵏⵙⴽⵔ ⵜⵉⵙⵜⵔⴰⵜⵉⵊⵉⵢⵉⵏ ⴰⴷ ⴰⴱⵍ ⵉⵖ ⵉⵍⵍⴰ ⵢⴰⵏ ⵓⵙⴰⵜⵉ ⴰⵣⵔⴼⴰⵏ ⴷ ⵢⵓⵙⴰⵏ.

ⵉⵙⴽⵔ ⴱⴰⴱ ⵏ ⵓⵣⵣⵔⴰⴼ ⴳ ⵍⵎⵖⵔⵉⴱ ⴽⵉⴳⴰⵏ ⵏ ⵉⵙⵡⵓⴷⴷⵓⵜⵏ ⵙⴳⴰⴷⴷⴰⵏⵉⵏ ⵜⴰⵣⴷⴰⵢⵜ ⵊⴰⵔ ⵜⵎⵙⵙⵓⴳⵓⵔⵜ ⴷ ⵉⵏⵎⵓⵔⴰⵏ ⴰⵎ ⴰⵙⵍⴳⵏ 55.19 ⴼ ⵓⵙⵔⵅⵓ ⵏ ⵜⴱⵔⵉⴷⵉⵏ ⵜⵉⵎⵙⵙⵓⴳⵓⵔⵉⵏ (ⵉⵍⵍⴰⵏ ⴳ 28 ⵛⵓⵜⴰⵏⴱⵉⵔ 2020) ⵍⵍⵉ ⵙ ⵉⵜⵜⵓⵕⵥⴰⵎ ⵓⵙⵉⵜ ⴰⵏⴰⵎⵓⵔ ⵏ ⵜⵎⵙⵙⵓⴳⵓⵔⵜ ⵉⵙⵎⵓⵏⵏ ⵉⵏⵖⵎⵙⵉⵏ ⵏ ⵜⵎⵙⵙⵓⴳⵓⵔⵜ.

ⵢⵉⵍⵉ ⵓⵙⵍⴳⵏ 36.21 ⴼ ⵓⵎⵓⴽⵏ ⵏ ⵡⴰⴷⴷⴰⴷ ⴰⵖⵔⵎⴰⵏ  ⵉⵙⵎⵓⵏⵏ ⵜⵉⵖⴰⵔⴰⵙⵉⵏ ⵏ ⵓⵙⵎⵖⵔ ⵏ ⵓⵙⴰⵢⵔⵓⵔ ⴰⵎⵓⵟⵟⵓⵏ ⴰⴷ ⵉⴳ ⴰⵣⵔⴼ ⴰⵙⵉⵍⴰⵏ ⵉ ⵜⵉⵍⵉⵜ ⵏ ⵓⵎⵢⴰⵡⴰⴹ ⴰⵎⵓⵟⵟⵓⵏ ⵉⵕⵡⴰⵏ ⵉ ⴽⵓ ⵢⴰⵏ ⴳ ⴽⵓ ⴰⴷⵖⴰⵔ, ⵉⴳⴰ ⵓⵙⵍⴳⵏ ⴰⴷ ⴰⵥⵎⴰⵥⵥⵍ ⴰⵅⴰⵜⴰⵔ ⵉ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴰⵎⴰⵜⴰⵢ ⵉ ⵜⵎⵙⵙⵓⴳⵓⵔⵜ ⴷ ⵜⵏⵓⴼⴰ ⵏⵏⵙ ⵜⵉⴳⴷⵓⴷⴰⵏⵉⵏ ⵙ ⴽⵉⴳⴰⵏ ⵏ ⵉⵙⵎⴰⵢⵏⵓⵜⵏ ⵉⵣⵔⴼⴰⵏⵏ, ⵖ ⵜⵍⵍⴰ ⵜⵎⴰⴳⵉⵜ ⵜⴰⵎⵓⵟⵟⵓⵏⵜ ⵜⴰⵖⵔⵎⴰⵏⵜ ⴷ ⵜⵏⴰⵎⵓⵏⵜ ⴼ ⵎⴰⴷ ⵉⵥⵍⵉⵏ ⵙⵜⵍⴰⵍⵉⵜⵉⵏ ⵜⵉⵎⴰⵢⵏⵓⵜⵉⵏ, ⵉ ⵉⵎⵖⵔⵉⴱⵉⵢⵏ  ⵏ ⵉⴱⵕⵕⴰⵏⵉⵢⵏ ⵣⴷⵖⵏⵉⵏ ⴳ ⵍⵎⵖⵔⵉⴱ.

ⵖⵎⴽ ⴰⵏⵏ ⵓⵍⴰ ⴰⵙⵍⴳⵏ 31.13 ⴼ ⵓⵣⵔⴼ ⵏ ⵜⵡⴰⴼⵉⵜ ⵏ ⵜⵎⵓⵛⴰ ⵉⵍⴰⵏ ⴳ ⵎⴰⵕⵚ 2020. ⴰⵔ ⵉⵜⵜⴰⵊⴰ ⵓⵙⵍⴳⵏ ⴰⴷ ⴰⴽⵛⵓⵎ ⵙ ⵜⵎⵓⵛⴰ ⵜⵉⴳⴷⵓⴷⴰⵏⵉⵏ  ⵍⵍⵉ ⵔⴰⴷ ⵉⵙⵖⵓⴷⵓ ⵜⵉⵏⵓⴼⴰ ⵜⵜⵓⵙⵎⴰⴷⵏⵉⵏ ⵉ ⵉⵏⵎⵓⵔⴰⵏ. ⵖⵎⴽ ⵍⵍⵉ ⵉⵍⵍⴰ ⵓⵕⵕⵥⵓⵎ ⵏ ⵓⵙⵉⵜ (chafafiya.ma) ⵖ ⵉⵜⵜⵉⵍⵉ ⵓⵙⵎⴽⵍ ⵏ ⵜⵓⵜⵔⴰⵡⵉⵏ ⵜⵜⵓⵙⵎⵏⴰⴷⵏⵉⵏ ⵙⴳ ⵉⵏⵎⵓⵔⴰⵏ ⴷ ⵉⴱⵕⵕⴰⵏⵉⵢⵏ ⵍⵍⴰⵏⵉ ⴳ ⵍⵎⵖⵔⵉⴱ ⵅⴼ ⵉⵎⵉⵥ ⵏ ⵜⵎⵓⵛⴰ.

ⵙ ⵓⵙⴰⵜⵉ ⴰⴷ ⴰⵣⵔⴼⴰⵏ, ⵉⵣⵎⵔ ⵍⵎⵖⵔⵉⴱ ⴰⴷ ⵉⵙⴽⵔ ⵊⵉⴳⴰⵏ ⵏ ⵉⵙⵏⴼⴰⵔⵏ ⵏ ⵓⵙⵎⴰⵜⵜⵉ ⴰⵎⵓⵟⵟⵓⵏ ⵏ ⵜⵎⵙⵙⵓⴳⵓⵔⵜ ⴷ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ ⴷⴰⵔ ⴽⵉⴳⴰⵏ ⵏ ⵜⵎⴰⵡⵙⴰⵙⵉⵏ ⴷ ⵜⵎⵔⵙⴰⵍ, ⵉ ⵓⵙⵎⵖⵔ ⵏ ⵜⵎⴰⴼⴰⵡⵜ ⵏ ⵓⴽⵛⵓⵎ ⵏ ⵉⵏⵎⵓⵔⴰⵏ ⵉ ⵜⵏⵓⴼⴰ ⴰⴷ, ⴰⵔ ⴷ ⵏⵙⵙⴽⵯⵜⵉ ⵎⴰⵢⴰⴷ:

• ⵜⴰⵎⴰⵡⵙⴰⵙⵜ ⵏ ⵓⴳⵯⵙ ⵍⵍⵉ ⵉⵙⴽⵔⵏ ⴰⵖⴰⵡⴰⵙ ⵏ ⵓⵙⵎⴰⵢⵏⵓ ⵏ ⵡⴰⴷⴷⴰⴷ ⴰⵖⵔⵎⴰⵏ, ⵜⵙⴽⵔ ⵜⴰⵙⵉⵍⴰ ⵏ (watiqa),  ⵉ ⵉⵎⵉⵥ ⵏ ⵜⴻⵜⴳⴰⵔⵉⵏ ⵜⵉⵎⵙⵙⵓⴳⵓⵔⵉⵏ ⵙ ⵜⵎⵢⴰⴳⴳⵓⴳⵜ, ⴷ ⵜⵙⵉⵍⴰ (roukhas)ⵍⵍⵉ ⵙ ⵏⵜⵜⴰⵎⵥ ⵉⵙⴰⴳⵓⵔⵏ ⵙ ⵜⵎⵢⴰⴳⴳⵓⴳⵜ.
• ⵜⴰⵎⴰⵡⵙⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⵍⵍⵉ ⵉⵙⴽⵔⵏ ⴰⵖⴰⵡⵙ ⵏ (Génie) ⵍⵍⵉ ⵉⴳⴰⵏ ⴰⵖⴰⵡⴰⵙ ⵏ ⵓⵙⵎⴰⵜⴰ ⵏ ⵜⴻⵜⵉⴽⵏⵓⵍⵓⵊⵉⵜ ⵏ ⵜⵎⵓⵛⴰ ⴳ ⵓⵙⵙⵍⵎⴷ ⴳ ⵍⵎⵖⵔⵉⴱ, ⵢⵉⵡⵙ ⴳ ⵓⵎⴰⵡⴰ ⵏ ⵓⴳⴳⴰⵔ ⵏ 87 % ⵙⴳ 11.000 ⵏ ⵜⵉⵏⵎⵍ ⵜⴰⴳⴷⵓⴷⴰⵏⵜ ⵙ ⵜⴷⴰⵍⵉⵡⵉⵏ ⵏ ⵓⵏⵢⴰⵍⴽⴰⵎ. ⴳ ⵜⴰⵙⵙⴰⵙⵜ ⵜⴰⴷⵓⵙⴰⵏⵜ, ⵜⵙⴽⵔ ⵜⵎⴰⵡⵙⴰⵙⵜ ⴰⵙⵉⵜ ⵏ  (TELMIDTICE) ⵍⵍⵉ ⵢⵉⵡⵙⵏ ⵉ ⵡⴰⵔⵔⴰⵡ ⴰⴷ ⴷⴼⵕⵏ ⴰⵙⵙⵍⵎⴷ ⵏⵏⵙⵏ ⵙ ⵜⵎⵢⴰⴳⴳⵓⴳⵜ.
• ⵜⴰⵎⴰⵡⵙⴰⵙⵜ ⵏ ⵜⴷⵓⵙⵉ ⵜⵙⴽⵔ ⴰⵙⵉⵜ ⵏ ⵉⵎⵉⵥ ⵏ ⵉⵏⵎⵓⵇⵇⴰⵔⵏ (mawiidi.ma).
• ⵜⴰⵎⴰⵡⵙⴰⵙⵜ ⵏ ⵜⵣⵔⴼⵜ ⵜⵙⴽⵔ ⵜⵉⵖⵉⵎⵉⵜⵉⵏ ⵏ ⵓⵙⵙⴼⵍⴷ ⴷ ⵜⵙⴱⴹⴰⵢⵉⵏ ⵙ ⵜⵖⴰⵔⴰⵙⵜ ⵏ ⵓⴼⵉⴷⵢⵓ.
• ⵜⴰⵎⴰⵡⵙⴰⵙⵜ ⵏ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ ⵜⵙⴽⵔ ⵜⴰⵙⵉⵍⴰ (chikaya) ⵙ ⵓⵎⵢⴰⵡⴰⵙ ⴰⴽⴷ ⵜⴰⵎⴰⵡⵙⴰⵙⵜ ⵏ ⵜⴷⵎⵙⴰ ⵜⴰⵎⵓⵟⵟⵓⵏⵜ.
• ⵜⴰⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⵙⴼⵍⵙ ⴰⴷⵓⵙⴰⵏ ⵉⵙⴽⵔ ⴰⵏⴳⵔⴰⵡ ⵏ ⵓⴹⴼⵕ ⵏ (rramid), ⴷ (Chikaya) ⵉ ⵚⴰⵃⴰ ⵉ ⵡⵉⴷ ⵎⵓ ⵉⵚⴰⵃⴰ ⵓⵙⴼⵍⵙ ⴰⴷ ⴷ ⵓⴹⴼⵕ ⵏ ⵓⵍⵜⴰⵖ ⵏ ⵉⵎⵣⵔⴰⵡⵏ ⴳ ⵓⵏⴳⵔⴰⵡ ⵏ ⵓⵙⴼⵍⵙ ⴰⴷⵓⵙⴰⵏ.

ⵎⴽ ⴰⴷ ⴰⵙ ⵢⵉⵡⵙ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴳ ⵉⵎⵉⵥ ⵏ ⵉⵏⵎⵓⵔⴰⵏ ⵏ ⵉⵣⵔⴼⴰⵏ ⵉⴷⵓⵙⴰⵏⵏ ⴷ ⵜⵏⵓⴼⴰ ⵜⵉⵣⵔⴼⴰⵏⵉⵏ ⴷ ⵉⵎⵉⵥⵏ ⵜⴻⴳⴰⵔⵉⵏ ⵜⵉⵎⵙⵙⵓⴳⵓⵔⵉⵏ, ⵉⵙⵉⴷⵔⵓⵙ ⵉⵎⵣⵔⴰⵢⵏ ⵉⵏⴰⵎⵓⵏ ⴷ ⵉⴷⵖⴰⵔⴰⵏⵏ ⴳ ⵢⵉⴳⵔ ⵏ ⵓⵙⵙⵍⵎⴷ.

ⵉⵙⵜ ⵎⴰⵙⵙⴰ ⴷ ⵉ ⵉⴷ ⵎⴰⵙⵙ,

ⴳ ⵓⵙⴰⵜⵉ ⵏ ⵜⵡⴰⴼⵉⵜ ⵉⵙⵓⵍⵏ ⵏ ⵉⵎⴰⵙⵙⵏ ⵍⵍⵉ ⵜⴰⴽⴽⴰ ⵜⴻⵜⵉⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ, ⵉ ⵓⵙⵓⴷⵙ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵥⴹⴰⵕ ⵓⵙⵎⵔⵙ ⵏ ⵜⴻⵜⵉⴽⵏⵓⵍⵓⵊⵉⵜ ⵏ ⵓⵙⴼⵍⵙ ⴰⵎⴳⵓⵔⴰⵏ ⴰⴷ ⵉⵙⴽⵔ ⵉⵚⴰⵃⴰⵜⵏ ⴳⴳⵓⵜⵏⵉⵏ, ⵙⵍⴰⵡⴰⵏ ⴰⴽⴽⵯ ⴳ ⵓⵎⵏⵉⴷ ⵏ ⵢⵉⵙⴽⵉⵍ ⵊⴰⵔ ⵉⵡⵜⵎⴰⵏ ⴷ ⵓⵙⴱⴷⴷⵉ ⵏ ⵜⴽⵕⴹⵉ ⵉⴱⴷⴷⵏ ⴼ ⴰⵡⴰⵏⵡ. ⴳ ⵓⵙⴰⵜⵉ ⵏ ⵜⵎⴷⵔⴰⵡⵜ ⵊⴰⵔ ⵓⴼⵏⵉⵇ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵉⵎⵣⴷⴰⵖⵏ ⴷ ⵜⴰⵎⵓⵏⵜ ⵜⴰⵏⴰⵎⵓⵔⵜ ⵉ ⵜⵎⵖⴰⵔⵜ ⴳ ⵍⵎⵖⵔⵉⴱ ⴷ ⵓⵙⵎⵖⵔ ⵏ ⵓⵙⵓⵔⵙ ⵏⵏⵙⵏⵜ, ⵙⴽⵔⵏⵜ ⵕⵕⵓⴱⵓ ⴰⵎⵣⵡⴰⵔⵓ ⵏ ⵓⵎⵙⴰⵡⴰⵍ ⵉⵡⴰⵜⵜⵙⵏ ⴰⵙⵙⵍⵎⴷ ⵏ ⵜⵎⵖⴰⵔⵉⵏ ⴷ ⵜⵖⵔⵅⵉⵏ ⴳⴰⵏⵉⵏ ⵜⵉⵏⴳⴰⵙⵉⵏ ⵏ ⵜⴽⵕⴹⵉ.

ⵉⵙⵜ ⵎⴰⵙⵙⴰ ⴷ ⵉ ⵉⴷ ⵎⴰⵙⵙ,

ⵉⴼⴰⵡ ⵎⴰⵙ ⴷ ⴰⴷⵔⵉⵣ ⵏ ⵓⵙⵎⴰⵜⵜⵉ ⴰⵎⵓⵟⵟⵓⵏ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ ⴼ ⵜⵉⵕⵡⵉ ⵏ ⵜⵏⵓⴼⴰ ⵔⴰⴷ ⵢⴰⵡⵙ ⴳ ⵓⵙⴷⵓⵙ ⵏ ⵜⵏⴰⴼⵜ ⵜⴰⵎⴰⵜⴰⵢⵜ  ⴷⵓⵙⵎⵖⵔ ⵏ ⵜⵏⵎⵓⵔⵉ. ⵔⴰⴷ ⵜⴳ ⵜⵎⵓⵟⵟⵓⵏⵜ ⵏ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ ⴰⵍⴰⵢ ⵏ ⵓⵙⵔⵅⵓ ⵏ ⵜⵓⴷⵔⵜ ⵏ ⵜⵓⴷⵔⵜ ⵏ ⵓⵏⵎⵓⵔⵉ ⴳ ⵓⵙⴰⵜⵉ ⵏ ⵢⵉⵙⴽⵉⵍ ⴷ ⵓⵎⵛⴰⴱⴱⴰⴽ ⴰⴰⵎⵓⵏ, ⵖⵎⴽ ⴰⵏⵏ ⴷ ⵜⵎⵢⵉⵎⴰⵏⵜ ⴷ ⵓⵙⴷⵓⵙ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ, ⵙⵍⴰⵡⴰⵏ ⴰⴽⴽⵯ ⵉ ⵚⴰⵃⴰ ⵏ ⵉⵡⴷⴰⵏ ⵛⵃⴰⵏⵉⵏ.

ⴳ ⵜⴳⵉⵔⴰ, ⴰⵔ ⵙⵏⵉⵎⵎⵔⵖ ⵎⴰⵙⵙ ⴰⵏⴼⵍⵓⵙ ⵏ ⵉⵣⵔⴼⴰⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵏⵙⵙⵉⵅⴼ ⵏ ⵜⵣⵍⵖⴰ ⵏ ⵉⴼⵍⴰⵙ ⵏ ⵉⵣⵔⴼⴰⵏ ⵉⴼⵔⴰⵏⴽⵓⴼⵓⵏⵉⵢⵉⵏ ⴼ ⵜⵡⵉⵙⵉ ⵏⵏⵙⵏ ⴳ ⵓⵙⵏⵎⴰⵍⴰ ⵏ ⵜⵙⵎⵓⵏ ⴰⴷ ⵉⵙⵜⴰⵡⵀⵎⵎⴰⵏ ⴳ ⵡⴰⵎⵓⵔ ⵏ ⵡⴰⴽⵓⵛ.

ⵜⴰⵏⵎⵎⵉⵔⵜ ⴼ ⵓⴷⵡⴰⵍ ⵏⵏⵓⵏ.