ⵜⵎⴹⴰⴽⴰⵕ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵙⵉⴽⵔⵉⵜⵉⵔ ⴰⴱⵕⵍⴰⵎⴰⵏⵉ ⵏ ⵜⵎⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⴽⴰⵏⴰⴹⴰ

ⵜⵎⴹⴰⴽⴰⵕ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ, ⵜⴰⵏⵙⵙⵉⵅⴼⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 12 ⵎⴰⵢ 2022 ⴷ ⵎⴰⵙⵙ ⵕⵓⴱⵉⵕⵟ ⵓⵍⵉⴼⴰⵏⵜ ⴰⵙⵉⴽⵔⵉⵜⵉⵔ ⴰⴱⵕⵍⴰⵎⴰⵏⵉ ⵏ ⵜⵎⴰⵡⵙⴰⵙⵜ ⵏ ⴱⵕⵕⴰ ⴳ ⴽⴰⵏⴰⴹⴰ.

ⴳ ⵜⵣⵡⵉⵔⵉ, ⵜⵙⴷⴷⵉⴷ ⵎⴰⵙⵙⴰ ⴱⵓⵄⵉⴷⴰ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵍⵍⵉⵖ ⵜⴻⵟⵟⴰⴼ ⴽⴰⵏⴰⴹⴰ ⴰⴷⵖⴰⵔ ⵉⵣⵉⵍⵏ ⴷⴰⵔ ⵉⵎⵖⵔⵉⴱⵉⵢⵏ ⵖⵎⴽ ⴰⵏⵏ ⵓⵍⴰ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⵖ ⵉⴳⵔⴰⵏ ⴰⵙⵔⵜⴰⵏ ⴰⴷ ⵓⵏⴰⵎⵓⵏ ⴷ ⵓⵎⴰⵙⵙⴰⵏ. ⵜⵉⵏⵉ ⵎⴰⵙ ⵉⴷⵔⵓ ⵍⵎⵖⵔⴱ ⴰⴽⴷ ⴽⴰⵏⴰⴹⴰ ⴰⵜⵉⴳⵏ ⵏ ⵜⵍⴻⵍⵍⵉ ⴷ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⵍⵍⵉ ⴼ ⵜⵎⵎⴰⵖ ⵜⵎⴰⵣⵉⵔⵜ ⵏⵏⵖ, ⵜⵙⵓⵜⴳ ⵜⴰⵢⵢⴰⴼⵓⵜ ⵏ ⵓⵎⵙⴰⵡⴰⵍ ⴰⵙⵔⵜⴰⵏ ⵉⵍⵍⴰⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵜⵉⵎⴷⴷⵓⴽⴽⴰⵍ.

ⵜⵉⵏⵉ ⵎⴰⵙⵙⴰ ⴱⵓⵄⵉⴷⴰ ⵎⴰⵙ ⵔⴰⴷ ⵉⴼⴽ ⵓⵎⵙⴰⵡⴰⵍ ⴰⵙⵔⵜⴰⵏ ⵢⴰⵜ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵉ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵓ ⵉⵙⵡⵉⵔⵏ, ⴰⵎⵢⴰⵡⴰⵙ ⴰⴷ ⵍⵍⵉ ⵔⴰⵏ ⴽⵓ ⵉⵎⵙⵜⴳⴳⴰⵔⵏ ⵏ ⵙⵏⴰⵜ ⵜⵎⵉⵣⴰⵔ.

ⴳ ⵓⵏⵎⵓⵇⵇⴰⵔ ⴰⴷ, ⵜⵙⴰⵡⵍ ⵎⴰⵙⵙⴰ ⴱⵓⵄⵉⴷⴰ ⴼ ⵉⵎⵓⴽⵏⵏ ⵉⵙⵔⵜⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ ⵍⵍⵉ ⵜⵜⵓⵙⴽⴰⵔⵏⵉⵏ ⴷⴷⵓ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴳ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ⵖ ⵉⵍⵍⴰ ⵓⵙⵉⴷⴼ ⴰⵏⴰⵎⵓⵏ ⵏ ⵎⴰⵕⵕⴰ ⵏ ⵉⵎⵔⵉⴱⵉⵢⵏ ⴷ ⵓⵙⵉⴷⴼ ⴰⴷⵎⵙⴰⵏ ⵏ ⵍⵎⵖⵔⵉⴱ.

ⵜⵙⴷⴷⵉⴷ ⵎⴰⵙⵙ ⴱⵓⵄⵉⴷⴰ ⵎⴰⵙ ⴷ ⵜⵇⵇⴰⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵃⵎⴰ ⴰⴷ ⴷⵓⵙⵏⵜ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴽⴰⵏⴰⴹⴰ ⵢⵉⵍⵉ ⵖⵓⵔⵙⵏⵜ ⵓⴷⵖⴰⵔ ⵏⵏⵙⵏⵜ ⵉⵥⵉⵍⵏ.

ⵙⴷⴷⵉⴷⵏⵜ ⵜⴳⵎⴰⵎⵉⵏ ⵏ ⵜⵙⵇⵇⵉⵎⵜ ⵎⴰⵙⵙⴰ ⵅⴰⵡⵍⴰ ⵍⵅⵔⵛⵉ ⴷ ⵎⴰⵙⵙⴰ ⵏⴰⴷⵢⴰ ⵍⵇⵏⵚⵓⵕⵉ ⴷ ⵎⴰⵙⵙⴰ ⵍⴰⵢⵍⴰ ⴷⴰⵀⵉ  ⵎⴰⵙ ⵉⵎⵎⴰⵇⵇⴰⵔ ⵓⵏⵎⵓⵇⵇⴰⵔ ⴰⴷ ⴷ 60 ⵏ ⵓⵙⴳⴳⵯⴰⵙ ⴳ ⵍⵍⴰⵏⵜ ⵜⵣⴷⴰⵢⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ ⵊⴰⵔ ⵍⵎⵖⵔⵉⴱ ⴷ ⴽⴰⵏⴰⴹⴰ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵏⵏⵙⵏ ⵙⵍⴰⵡⴰⵏ ⴰⴽⴽⵯ ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ. ⵖⵔⵉⵏⵜ ⵉ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵉⵔⵣⴰⴼⵏ ⴷ ⵓⵣⴷⴷⵓⵢ ⵊⴰⵔ ⵉⴱⵕⵍⴰⵎⴰⵏⵏ ⵏ ⵙⵏⴰⵜ ⵜⵎⵉⵣⴰⵔ.

ⵉⵏⵏⴰ ⵎⴰⵙⵙ ⵕⵓⴱⵉⵕⵟ ⵓⵍⵉⴼⴰⵏⵜ ⵎⴰⵙ ⵉⵡⴰⵜⵜⵙ ⵓⵔⵣⴰⴼ ⴰⴷ ⵏⵏⵙⵏ ⴰⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⴽⴰⵏⴰⴹⴰ ⴷ ⵍⵎⵖⵔⵉⴱ ⴷ ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⵥⵍⵉⵏⵉⵏ ⴷ ⵙⵙⴰⵃⵉⵍ ⴷ ⵚⵚⵃⵕⴰ.

ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⵎⴰⵔⴽ ⴷⴰⵍⵜⵓⵏ ⴰⴱⵕⵍⴰⵎⴰⵏⵉ ⴳ ⴽⴰⵏⴰⴹⴰ ⴷ ⵎⴰⵙⵙⴰ ⵏⵉⵍ ⵙⵜⵉⵡⴰⵔⵜ ⵜⴰⵎⵙⵇⵇⴰⴷⵜ ⵏ ⴽⴰⵏⴰⴹⴰ ⴳ ⵕⵕⴱⴰⵟ.