ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵓⴳⵔⴰⵡ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⴷ ⵜⴰⵢⵢⴰⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵜⵙⴳⴰ ⵏ ⵉⴼⵔⵉⵇⵢⴰ ⵉⴹⴼⵕⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵕⴰⵏⴽⵓⴼⵓⵏⵉⵜ

ⵙ ⵜⵖⵔⵉ ⵏ ⵎⴰ.ⵎⵓⵃⴰⵎⵎⴰⴷ ⵄⴰⵍⵉ ⵃⵓⵎⵉⴷ, ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵊⵉⴱⵓⵜⵉ, ⵉⴷⵔⵓ ⵓⴽⴰⴱⴰⵕ ⵙⴳ ⵜⴰⵢⵢⴰⵡⵜ ⵜⴰⵏⴰⵎⵓⵔⵜ ⴷⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⴳ ⵜⵙⵓⵜⵍⵜ ⵜⵉⵙ 13 ⵏ ⵓⴳⵔⴰⵡ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⴷ ⵜⴰⵢⵢⴰⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵜⵙⴳⴰ ⵏ ⵉⴼⵔⵉⵇⵢⴰ ⵓⵙⵙⴰⵏ ⵏ 16 ⴷ 17 ⵎⴰⵕⵚ ⴳ ⵓⵙⵖⵉⵎ ⵏ ⵓⴱⵕⵍⴰⵎⴰⵏ ⴰⵊⵉⴱⵓⵜⵉ.

ⵢⵉⵡⵙ ⴳ ⵓⴳⵔⴰⵡ ⴰⴷ ⵉⵏⵙⵙⵉⵅⴼⵏ ⵏ ⴽⵉⴳⴰⵏ ⵏ ⵉⴱⵕⵍⴰⵎⴰⵏⵏ ⵏ ⵉⵡⴰⵏⴽⵏ ⵉⴼⵔⵉⵇⵉⵢⵏ ⵙⴰⵡⴰⵍⵏⵉⵏ ⵜⵓⵜⵍⴰⵢⵜ ⵜⴰⴼⵕⴰⵏⵚⵉⵚⵜ, ⴷⴰⵜ ⵏ ⵓⵙⵏⵎⴰⵍⴰ ⵏ ⵜⵙⵓⵜⵍⵜ 28 ⵏ ⵜⵎⵙⵎⵓⵏⵜ ⵜⴰⵏⵎⵏⴰⴹⵜ ⵜⴰⴼⵔⵉⵇⵉⵜ ⵉ ⵓⵎⴷⴰⴽⴰⵕ ⵏ ⵉⵎⵔⵙⵉⵡⵏ ⴰⴷ: ⴰⴼⵔⴰ ⴷ ⵓⵔⴳⴳⵉⴳ  ⴷ ⵜⵣⵔⴼⵜ ⵜⴰⴷⵓⵙⴰⵏⵜ, ⵜⴰⵙⴳⴰ ⵏ ⵓⵙⵏⴼⵍ ⵉⵍⴻⵍⵍⵉ ⴳ ⵉⴼⵔⵉⵇⵢⴰ  ⵉ ⵓⵙⵉⴷⴼ ⴷ ⵜⵣⵣⵉⴳⵣⵜ, ⵜⵉⵍⴰⵍⵜ ⵏ ⵜⵎⵖⴰⵔⵉⵏ ⴳ ⵜⴳⵎⵉ ⵜⴰⵙⵔⵜⴰⵏⵜ ⴷ ⵜⴷⵎⵙⴰⵏⵜ ⴷ ⵜⵏⴰⵎⵓⵏⵜ, ⵜⵉⵎⵙⴰⵔⵉⵏ ⵏ ⵡⴰⵡⵏⴰⴹ ⴷ ⵓⵙⵏⴼⵍ ⵏ ⵓⵏⵣⵡⵉ, ⵉⵙⵓⵔⵙⵏ ⵉⵙⵔⵜⴰⵏⵏ ⴳ ⴽⵔⴰ ⵏ ⵉⵡⴰⵏⴽⵏ ⵉⴼⵕⴰⵏⴽⵓⴼⵓⵏⵉⵢⵏ, ⴰⵙⵎⵏⵉⴷ ⴷ ⵓⵎⴹⴰⴽⴰⵕ ⵏ ⵓⵏⵇⵇⵉⵙ ⴼ ⵜⵙⴳⴰ ⵏ ⵉⴼⵔⵉⵇⵢⴰ ⵙⴳ ⵉⵏⵏⴰⵢⵔ 2021.

ⵉⵙⴰⵡⵍ ⵎⴰⵙⵙ ⵎⵓⵃⴰⵎⵎⴰⴷ ⵖⵉⵢⵢⴰⵜ (ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ), ⴰⴳⵯⵏⵙⴰⵙ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴼⵕⴰⵏⴽⵓⴼⵓⵏⵉⵜ, ⵢⵉⵏⵉ ⴰⵙⵏⴰⵍ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵉⵡⴰⵏⴽⵏ ⵏ ⵉⴼⵔⵇⵢⴰ ⴳ ⵓⵙⵓⵔⵙ ⴰⴷ ⵉⵍⵍⴰⵏ. ⵉⵙⵙⴽⵯⵜⵉ ⴷ ⵓⵍⴰ ⵉⵔⵣⴰⴼⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ  ⴰⴷ ⵜ ⵉⵏⵚⵕ ⵕⴱⴱⵉ ⵉ ⴽⵉⴳⴰⵏ ⵏ ⵉⵡⴰⵏⴽⵏ ⵉⴼⵔⵉⵇⵉⵢⵏ ⴰⵢⵍⵍⵉ ⵉⵎⵎⴰⵍⴰⵏ ⵜⵉⵡⵉⵣⵉ ⴷ ⵓⵎⵢⴰⵡⴰⵙ  ⵉⴼⴼⵓⵙ -ⵉⴼⴼⵓⵙ  ⴳ ⴽⵓ ⵉⴳⵔⴰⵏ ⵣⴷⵉⵏⵉⵏ ⴷ ⵜⵙⵔⵜⵉⵜ ⴷ ⵜⴷⵎⵙⴰ ⴷ ⵜⵉⵍⴰⵍⵜ ⵏ ⵜⵎⵖⴰⵔⵉⵏ ⴷ ⵓⵏⵣⵡⵉ ⵙ ⵉⵙⵡⵓⴷⴷⵓⵜⵏ ⵏ ⵓⵙⵉⴱⵙⵓⵙ ⵙⴳ ⵉⴷⵔⵉⵣⵏ ⵏ ⵓⵙⵏⴼⵍ ⵏ ⵓⵏⵣⵡⵉ. ⵉⵙⴷⴷⵉⴷ ⴼ ⵡⴰⵜⵉⴳ ⵏ ⵜⵙⴳⴰ ⵏ ⵓⵙⵖⵏⵣⵉ ⵉⵍⴻⵍⵍⵉ ⴳ ⵉⴼⵔⵉⵇⵢⴰ ⵉ ⵓⵙⴷⵓⵙ ⵏ ⵓⵙⵖⵏⵣⵉ  ⴷ ⵓⵙⵙⴰⵔⵓ  ⴷ ⵓⵙⵉⴷⴼ ⵉⵥⵉⵍⵏ  ⴼ ⵉⴼⵔⵉⵇⵢⴰ.

ⵉⵙⵎⵓⵏ ⵓⴽⴰⴱⴰⵕ ⴰⴷ:

- ⵎⴰⵙⵙ ⴰⵎⴰⵔⵉ ⵍⴰⵃⵓⵙⵉⵏ ⵓⵄⵍⵍⴰⵍ (ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ).

- ⵎⴰⵙⵙⴰ ⵜⴰⵎⴰⵔⵉⵜ ⵍⴰⵟⵉⴼⴰ ⵍⴱⵍⵉⵃ (ⵜⴰⵥⵖⵔⵜ ⴷ ⵜⵎⴰⵜⵔⴰⵔⵜ).

- ⵎⴰⵙⵙⴰ ⵜⴰⵎⵛⵛⵉⵡⵕⵜ ⴰⵎⵉⵏⴰ ⵃⴰⵎⴷⴰⵏⵉ (ⵜⴰⵎⵓⵏⵜ ⵜⴰⵎⵖⵔⵉⴱⵉⵜ ⵉ ⵜⵡⵡⵓⵔⵉ).

ⵜⴻⵜⵜⵓⵙⴽⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⴳ ⵎⴰⵢⵢⵓ 1967 ⴳ ⵍⵉⵅⵙⵓⵎⴱⵓⵔⴳ, ⵜⴳⴰ ⴰⵏⵎⵓⵇⵇⴰⵔ ⵏ ⵓⵎⴹⴰⴽⴰⵕ ⴷ ⵓⵙⵎⵏⵉⴷ ⵏ ⵜⵙⵓⵎⵔⵉⵏ ⴷ ⵓⵙⵏⴼⵍ ⵏ ⵉⵏⵖⵎⵉⵙⵏ ⴷ ⵜⵉⵔⵎⵉⵜⵉⵏ, ⵉⵍⵉⵏⵜ ⴳⵉⵙ ⵎⵏⵏⴰⵡⵜ ⵜⴰⵢⵢⴰⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵙⴳ ⵓⵎⴰⴹⴰⵍ.