ⵜⴷⵔⵓ ⵎⴰⵙⵙⴰ ⵅⴰⴷⵉⵊⴰ ⵣⵣⵓⵎⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⴳⵔⴰⵡ ⴰⴱⵕⵍⴰⵎⴰⵏⵉ ⴰⵙⴳⴳⵯⵙⴰⵏ

ⵜⴷⵔⵓ ⵎⴰⵙⵙⴰ ⵅⴰⴷⵉⵊⴰ ⵣⵣⵓⵎⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 14 ⵎⴰⵕⵚ 2022 ⴳ ⵓⴳⵔⴰⵡ ⴰⴱⵕⵍⴰⵎⴰⵏⵉ ⴰⵙⴳⴳⵯⵙⴰⵏ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵙ ⵜⵡⵉⵙⵉ ⴰⴽⴷ ⵜⴰⴳⵔⴰⵡⵜ ⵏ ⵜⵎⵎⵜⴰ ⵎⵓⵏⵏⵉⵏⵏ ⵉ ⵜⵎⵖⴰⵔⵜ ⴼ ⵜⵉⵍⴰⵍⵜ ⵏ ⵜⵏⴰⵔⴰ ⵏ ⵜⵎⵖⴰⵔⵉⵏ ⴷ ⵉⴱⵕⵍⴰⵎⴰⵏⴰⵏ ⴳ ⵓⵙⴱⴷⴷⵉ ⵏ ⵉⵙⵏⴼⵍⵏ ⵏ ⵓⵏⵣⵡⵉ.

ⵜⵙⴷⴷⵉⴷ ⵜⵎⴰⵔⵉⵜ ⵏ ⵓⵏⵙⵙⵉⵅⴼ ⴳ ⵜⴳⵓⵔⵉ ⵏⵏⵙ, ⵎⴰⵙ ⴰ ⵙⴽⴰⵔⵏ ⵉⵙⵏⴼⵍⵏ ⵏ ⵓⵏⵣⵡⵉ ⴳ ⵓⵎⴰⴹⴰⵍ ⵉⵏⴳⴰⵙⵏ ⵙⴳ ⵜⵉⵎⵖⴰⵔⵉⵏ ⴷ ⵉⴷⵔⵉⵣⵏ ⵀⵔⵛⵏⵉⵏ ⴼ ⵜⵓⴷⵔⵜ ⵏⵏⵙⵏⵜ, ⴰⵔ ⴰⵙⵏⵜ ⵜⴽⴽⵉⵙⵏⵜ ⵜⴰⵙⵙⴰⵙⵉⵏ ⴰⴷ ⵉⵣⵔⴼⴰⵏ ⵏⵏⵙⵏⵜ ⴳ ⵜⵎⵉⵣⴰⵔ ⴷ ⵜⵎⴰⴳⵉⵜ, ⵜⵉⵏⵉ ⵎⴰⵙ ⴷ ⵇⵇⴰⵏⵜ ⵜⵓⴳⴳⴰⵙ ⵉ ⵓⵙⴽⵔ ⵏ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⴼ ⵓⵣⵡⵉ ⴷ ⵓⵙⴽⵔ ⵏ ⵉⵣⵣⵔⴰⴼⵏ ⵉⵏⴰⵎⵓⵔⵏ ⴼⵔⴳⵏⵉⵏ ⵉⵣⵔⴼⴰⵏ ⵏ ⵜⵎⵖⴰⵔⵜ.

ⵙ ⵜⵎⵍⴷⴰ, ⵜⵙⵎⵏⵉⴷ ⵎⴰⵙⵙⴰ ⵣⵣⵓⵎⵉ ⵜⵉⵎⵙⴽⴰⵔ ⵏ ⵜⵎⴰⵣⵉⵔⵜ ⵏⵏⵖ ⴳ ⵓⴼⵔⴰⴳ ⵏ ⵡⴰⵡⵏⴰⴹ ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴳ ⵉⵍⵍⴰ ⵓⵙⵏⵓⴱⴳ ⵏ ⵓⴳⵔⴰⴱ ⵏ ⴽⵓⴱ 22 ⴳ 2016, ⴰⵙⵔⵓⵙ ⵏ ⵜⵙⵜⵔⴰⵜⵉⵊⵉⵜ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ, ⴰⵙⵏⴰⵍ ⵏ ⵜⵎⵖⴰⵔⵉⵏ ⴳ ⵓⵙⴽⵔ ⵏ ⵜⵎⵢⴰⵡⴰⵙⵉⵏ ⵏ ⵜⴼⵍⵍⴰⵃⵢ ⴷ ⵓⵙⴷⵓⵙ ⵏ ⵜⴷⵎⵙⴰ ⵜⴰⵣⴳⵣⴰⵡⵜ .

ⵜⵙⵉⵙⴼⵉⵡ ⵎⴰⵙⵙⴰ ⵅⴰⴷⵉⵊⴰ ⵣⵣⵓⵎⵉ ⵎⴰⵙ ⵙⵖⴰⵡⵙⴰⵏⵜ ⵜⵎⵙⴽⴰⵔ ⴰⴷ ⵉ ⵓⵙⵏⴰⵍ ⴰⵣⵣⵔⴰⴼ ⵉ ⵓⴼⵔⴰⴳ ⵏ ⵜⵎⵖⴰⵔⵉⵏ ⴷ ⵓⵎⵏⵣⴰⵖ ⵏⵏⵙⵏⵜ ⴷ ⵓⴷⵔⴰⵡ ⵏⵏⵙⵏⵜ ⴳ ⵜⵉⵔⵔⴰ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵉ ⵓⵙⴱⴷⴷⵉ ⵏ ⵜⴰⵙⵙⴰⵙⵉⵏ ⵏ ⵓⵏⵣⵡⵉ.

ⵜⵙⴷⴷⵉⴷ ⵜⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵜⵍⵍⴰ ⵜⵎⴰⵣⵉⵔⵜ ⵏⵏⵖ ⴷ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴼ ⵓⵏⵣⵡⵉ, ⵜⵉⵏⵉ ⵎⴰⵙ ⴳⴰⵏⵜ ⵜⵎⵖⴰⵔⵉⵏ ⵜⵉⴳⵏⵙⴰⵙⵉⵏ ⵏ ⵓⵣⵡⴰⴳ ⴷ ⵜⴰⵙⵙⴰⵙⵉⵏ ⵏ ⵓⴳⴰⵎ ⴷ ⵜⵎⵓⴹⴰⵏ ⴷ ⵓⵥⵍⴰⴹ, ⵜⵖⵔ ⵉ ⵜⵉⵍⵉⵜ ⵏ ⵉⵣⵣⵔⴰⴼⵏ ⵉ ⵓⵎⵏⵣⴰⵖ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵓⵙⴷⵓⵙ ⵏ ⵉⴱⵕⵍⴰⵎⴰⵏⵏ ⵉⵣⴳⵣⴰⵡⵏ.

ⵎⵙⴰⵙⴰⵏⵜ ⵜⴽⵛⵛⵓⵎⵉⵏ ⵏ ⵉⴱⵕⵍⴰⵎⴰⵏⵉⵢⵉⵏ ⵎⴰⵙ ⴳⴰⵏ ⵉⵙⵏⴼⵍⵏ ⵏ ⵓⵏⵣⵡⵉ ⴰⵙⴷⵓⴷⴷⵓⵢ ⵏ ⵡⴰⵎⵓⵏⵏ ⵎⵥⵥⵉⵏⵉⵏ ⴷ ⵜⵎⵖⴰⵔⵉⵏ ⴷ ⵜⴼⵔⵅⵉⵏ, ⵜⴳ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⵜⴰⵙⵉⵍⴰⵏⵜ ⴳ ⵓⵙⵙⴼⵔⴽ ⵙ ⵉⴷⵔⵉⵣⵏ ⵏ ⵉⵙⵏⴼⵍⵏ ⴰⴷ.

ⵜⴻⵜⵜⵓⵙⴽⴰⵔ ⵜⵙⵎⵓⵏⵉ ⴰⴷ ⴳ ⵓⵙⴰⵜⵉ ⵏ ⵜⵙⵓⵜⵍⵜ ⵜⵉⵙ 66 ⵏ ⵜⵙⵇⵇⵉⵎⵜ ⵏ ⵓⵙⵓⵔⵙ ⵏ ⵜⵎⵖⴰⵔⵜ ⵉⴹⴼⵕⵏ ⴰⵙⵇⵇⵉⵎ ⴰⴷⵎⵙⴰⵏ ⴷ ⵓⵏⴰⵎⵓⵏ ⵉⴹⴼⵕⵏ ⵜⵉⵎⵜⵜⴰ ⵎⵓⵏⵏⵉⵏ ⵉ 2022.