ⵉⵏⵎⵓⵇⵇⴰⵔⵏ ⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵍⴽⵓⵏⴳⵓ ⴷ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ
ⵉⵙⴽⵔ ⵓⴽⴰⴱⴰⵕ ⴰⴱⵕⵍⴰⵎⴰⵏⵏⵉ ⵏ ⵍⴽⵓⵏⴳⵓ, ⴰⵙⵉⵏⴰⵙ 8 ⵎⴰⵕⵚ 2022, ⵉⵏⵎⵓⵇⵇⴰⵔⵏ ⴷ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⵏ ⵓⵙⵇⵇⵉⵎ ⴼ ⵜⵉⵔⵎⵉⵜ ⵏ ⵜⴳⵍⴷⵉⵜ ⴳ ⵢⵉⴳⵔ ⵏ ⵜⴳⵯⵏⵙⴰⵙⵜ ⵏ ⵜⵎⵖⴰⵔⵉⵏ ⴷ ⵜⴷⵔⵉⵎⵜ ⵜⴰⵎⴰⵜⴰⵢⵜ.
ⵉⵍⵍⴰ ⵓⵏⵎⵓⵇⵇⴰⵔ ⴰⵎⵣⵡⴰⵔⵓ ⴷ ⵎⴰⵙⵙⴰ ⵍⵓⴱⵏⴰ ⵚⵚⵖⵉⵕⵉ ⵙⴳ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵙⵎⵏⵉⴷ ⵉⵎⵓⴽⵏⵏ ⵉⴷⵙⵜⴰⵔⵏ ⴷ ⵉⵙⵔⵜⴰⵏⵏ ⴳ ⵜⴳⵍⴷⵉⵜ ⴼ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵜⴳⵯⵏⵙⴰⵙⵜ ⵏⵏⵙⵏⵜ ⴳ ⵜⴳⵔⴰⵡⵉⵏ ⵜⵜⵓⵙⵜⴰⵢⵏⵉⵏ.
ⵜⵙⴷⴷⵉⴷ ⵜⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵜⵣⵔⴼⵜ ⵖ ⵃⴰⴹⵕⵏⵜ ⵜⵎⵓⵔⴰ ⵎⴰⵙⵙⴰ ⵄⵡⵉⵛⴰ ⵣⵓⵍⴼⴰ ⴷ ⵀⵉⵏⴷ ⵕⴰⵟⵍ ⴱⵏⵏⴰⵏⵉ, ⵎⴰⵙ ⵜⵜⵓⵙⴽⴰⵔ ⵜⵉⵢⵢⴰⴼⵓⵜ ⴰⴷ ⵙ ⵜⵉⵔⴰⵜ ⵉⴷⵓⵙⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚⴱ ⴷ ⵜⵖⵏⵙⴰ ⵏ ⵓⵎⵓⵙⵙⵓ ⵏ ⵜⵎⵖⴰⵔⵉⵏ ⵉ ⵓⵙⴷⵓⵙ ⵏ ⵓⴷⵖⴰⵔ ⵏ ⵜⵎⵖⴰⵔⵉⵏ ⴳ ⵡⴰⵎⵓⵏ ⴷ ⵡⴰⵎⵎⴰⵙⵏ ⵏ ⵜⵖⵜⴰⵙⵜ.
ⵜⵙⵎⵏⵉⴷ ⵓⵍⴰ ⵜⵉⵎⵥⵍⴰⵢ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⴷⵓⵙⵜⵓⵔ ⵏ 2011 ⴷ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵜⵉⵢⵢⴰⴼⵓⵜ ⵜⴰⵣⵣⵔⴰⴼⵜ ⵏ ⵜⵡⴰⵍⴰ ⵉⵣⵔⵉⵏ (2016-2021) ⵖⵎⴽ ⴰⵏⵏ ⵓⵍⴰ ⵜⴰⵡⴰⵍⴰ ⴰⴷ.
ⵡⵉⵙ ⵙⵉⵏ ⵉⵏⵎⵓⵇⵇⴰⵔⵏ, ⵉⵍⵍⴰ ⴷ ⵓⵏⴼⵍⵓⵙ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵜⴳⵎⵉ ⵜⴰⴷⵎⵙⴰⵏⵜ ⵎⴰⵙⵙ ⵄⴰⵍⴰⴷⴷⵉⵏ ⵍⴱⵃⵔⴰⵡⵉ ⵍⵍⵉ ⵉⵙⴰⵡⵍ ⴼ ⵜⵎⵥⵍⴰⵢ ⵏ ⵜⵏⵙⵙⵉⵅⴼⵜ ⴳ ⵓⵣⵣⵔⴰⴼ ⴷ ⵜⵉⴹⴰⴼ, ⴷ ⵜⵣⵣⵉⴳⵣⵜ ⵏ ⵜⵡⵡⵓⵔⵉ ⵏ ⵜⵙⵇⵇⵉⵎⵜ ⵙⴳ ⵓⴷⵓⵙⵜⵓⵔ ⵏ 2011.
ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⵄⴰⴱⴷⵔⵔⴰⵃⵉⵎ ⵡⴰⵙⵍⵎ, ⵢⵉⵍⵉ ⵡⴰⵡⴰⵍ ⴼ ⵓⵙⵍⴳⵏ ⴰⵎⴰⴷⴷⴰⵙ ⵏ ⵜⴷⵔⵉⵎⵜ ⵍⵍⵉ ⵉⵏⵏⴰⵏ ⴰⴷ ⵉⵍⵉⵏ ⵉⵏⵇⵇⵉⵙⵏ ⵣⴷⵉⵏⵉⵏ ⴷ ⵡⴰⵏⴰⵡ ⴰⵏⴰⵎⵓⵏ ⵙ ⵜⵎⵙⴰⵙⵜⵍⵜ ⵎⵏⵉⴷ ⵏ ⵜⵎⵖⴰⵔⵜ ⴷ ⵉⵄⵔⵔⵉⵎⵏ ⴷ ⵜⴰⵣⵣⴰⵏⵉⵏ ⴷ ⵜⴷⵓⵍⴰ ⵛⵃⴰⵏⵉⵏ ⵎⵏⵉⴷ ⵏ ⵓⵙⵡⵓⵔⵉ.
ⵉⵙⴰⵡⵍ ⵓⵍⴰ ⴼ ⵜⵣⴷⴰⵢⵜ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ ⴰⵎ ⵜⴰⵙⵏⴱⴹⴰⵢⵜ ⵏ ⵓⵚⵉⵟⵏ.
ⵢⵉⵍⵉ ⵓⵏⵎⵓⵇⵇⴰⵔ ⵡⵉⵙ ⴽⵕⴰⴹ ⴷ ⵎⴰⵙⵙⴰ ⵍⴰⵟⵉⴼⴰ ⵍⴱⵍⵉⵃ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⵍⵍⵉ ⵉⵙⴰⵡⵍⵏ ⴼ ⵜⵎⵥⵍⴰⵢ ⵏ ⵓⴱⵕⵍⴰⵎⴰⵏ ⴳ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ.
ⵜⵉⵏⵉ ⵎⴰⵙ ⵜⵜⵓⵙⴽⴰⵔ ⵜⵙⵇⵇⵉⵎⵜ ⴰⴷ ⴳ 2014, ⴰⵔ ⵜⵜⵉⵍⵉ ⴼ ⵜⵉⴹⴰⴼ ⵏ ⵜⵎⴽⵕⴰⴹ ⴷ ⵜⵖⵔⵉ ⵏ ⵉⵏⵇⵇⵉⵙⵏ ⵏ ⵜⵙⵏⴱⴹⴰⵢⵜ ⵏ ⵓⵚⵉⵟⵏ ⴷ ⵜⵖⵔⵉ ⴷ ⵓⵙⵖⵣⵏ ⵏ ⵉⵙⵏⴼⴰⵔⵏ ⴷ ⵜⵙⵓⵎⵔⵉⵏ ⵥⵍⵉⵏⵉⵏ ⵙ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ.
ⵜⵙⴰⵡⵍ ⵎⴰⵙⵙ ⵍⴱⵍⵉⵃ ⴼ ⵜⵢⵢⴰⴼⵓⵜ ⵏ ⵜⵙⵇⵇⵉⵎⵜ ⵎⵍⵍⵉⵖ ⵜⴻⵜⵜⵓⵙⴽⴰⵔ, ⵜⵖⵔⴰ ⵉ 16 ⵏ ⵜⵎⵔⵙⵍⵜ ⵜⴰⴳⴷⴰⴷⴰⵏⵜ ⴳ ⵓⵙⴰⵜⵉ ⵏ ⵓⵏⵇⵇⵉⵙ ⵏ ⵜⵙⵏⴱⴹⴰⵢⵜ ⵏ ⵓⵚⵉⵟⵏ, ⵜⴼⴽ ⵉⵙⵖⵍⴰⴼ ⵍⵍⵉ ⵜⵇⴱⵍ ⵜⵏⴱⴰⴹⵜ.
ⴳ ⵉⵏⵎⵓⵇⵇⴰⵔⵏ ⴰⴷ, ⵜⵙⴰⵡⵍ ⵎⴰⵙⵙⴰ ⴽⵓⵍⵉⵜ ⵜⵛⵓⵎⴱⴰ ⵜⴰⵏⵙⵙⵉⵅⴼⵜ ⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴼ ⵜⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵍⵎⵖⵔⵉⴱ ⴷ ⵍⴽⵓⵏⴳⵓ, ⵜⵉⵏⵉ ⵎⴰⵙ ⵔⴰⵏ ⴰⴷ ⵙⵙⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵜⴳⵯⵏⵙⴰⵙⵜ ⵏ ⵜⵎⵖⴰⵔⵉⵏ ⴳ ⵜⵎⵔⵙⴰⵍ ⵏ ⵓⵙⵜⴰⵢ ⵙⵍⴰⵡⴰⵏ ⴰⴽⴽⵯ ⴰⴱⵕⵍⴰⵎⴰⵏ.
ⵜⵙⴷⴷⵉⴷ ⵎⴰⵙⵙⴰ ⴽⵓⵍⵉⵜ ⵜⵛⵓⵎⴱⴰ ⵎⴰⵙ ⵔⴰⴷ ⵜⵎⵎⴰⵖ ⴼ ⵓⵙⵏⵓⵃⵢⵓ ⵉⵕⵡⴰⵏ ⴳ ⵓⵙⴰⵜⵉ ⵏ ⵓⵙⵍⴳⵏ ⵏ ⵓⵙⵜⴰⵢ ⵓⵔⵜⴰ ⵍⵍⵉⵏ ⵉⵙⵜⴰⵢⵏ ⵉⵣⵣⵔⴰⴼⵏ ⵏ ⵓⵙⴳⴳⵯⴰⵙ ⴷ ⵢⵓⵛⴽⴰⵏ, ⴳ ⵓⵎⵙⴰⵡⴰⵍ ⴷ ⵉⵎⵙⴽⴰⵏ ⵉⵙⵔⵜⴰⵏⵏ.
ⵉⵙⵎⵓⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵍⴽⵓⵏⴳⵓ ⵉⵍⵍⴰⵏ ⴳ ⵓⵔⵣⴰⴼ ⵙ ⵜⴳⵍⴷⵉⵜ ⴰⵔ 11 ⵎⴰⵕⵚ: ⵏⵜⵓⵏⴷⵓ ⴽⵓⵍⵉⵜ ⵜⵛⵓⵎⴱⴰ, ⵢⴰⵎⴰ ⵏⵣⴰⵍⴰⴱⴰⵔ, ⴳⴰⵎⵄⵜⵄ ⵎⴰⵜⵢⴰⵣ, ⵎⵡⴰⵎⴱⴰ ⴱⴰⵏⵣⴰ, ⵎⴰⵏⴳⴰⵢ ⵎⵓⵏⴼⵓⵏⴳⴰ.