ⴰⵏⵎⵓⵇⵇⴰⵔ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵙⵔⵜⴰⵢ ⵜⵉⵎⴰⵜⴰⵢⵉⵏ ⴷ ⵜⴳⴷⵓⴷⴰⵏⵉⵏ ⴷ ⵜⵉⵏ ⵉⴳⵔⴰⵏ

ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 7 ⴱⵕⴰⵢⵕ 2022, ⴰⵙⵙ ⵏ ⵜⵖⵓⵔⵉ ⴼ: “ⵜⵉⵖⵔⵉ ⴳ ⵜⴳⵓⵔⵉⵡⵉⵏ ⵏ ⵜⵙⵔⵜⵉⵜ ⵜⴰⵎⴰⵜⴰⵢⵜ ⴷ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⵙⵔⵜⴰⵢ ⵏ ⵉⴳⵔⴰⵏ”,  ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵜⵉⵍⵉⵜ ⵏ ⵎⴰⵙⵙⵙ ⵎⵓⵚⵟⴰⴼⴰ ⴱⴰⵢⵜⴰⵙ ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵟ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ , ⴰⵎⵙⵙⵉⵡⵍ ⵙ ⵢⵉⵙⵎ ⵏ ⵜⵏⴱⴰⴹⵜ, ⵉⴳⵎⴰⵎⵏ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⵉⵏⵙⵙⵉⵅⴼⵏ ⵏ ⵜⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ, ⵍⵍⴰⵏ ⴼⵍⵍⴰⵙ ⵉⵙⵍⵎⴰⴷⵏ ⵏ ⵜⵙⴷⴰⵡⵉⵜ ⵙⴳ ⵜⴰⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵜⵉⵣⵔⴼⴰⵏⵉⵏ ⴷ ⵜⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴰⴳⴷⴰⵍ-ⵕⵕⴱⴰⵟ.

ⵙⵎⵏⵉⴷⵏ ⵉⵙⵍⵎⴰⴷⵏ ⵏ ⵜⵙⴷⴰⵡⵉⵜ ⵎⴰⵙⵙ ⵊⴰⵡⴰⴷ ⵏⵏⵓⵃⵉ ⴷ ⵎⴰⵙⵙ ⴰⵏⴰⵙ ⵙⵙⵔⵖⵉⵉ ⵍⵄⵏⴱⵔⵉ, ⵜⵉⵖⵔⵉ ⴼ ⵜⵙⵔⵜⴰⵢ ⵜⴰⵎⴰⵜⴰⵢⵜ ⴷ ⵜⴳⴷⵓⴷⴰⵏⵜ ⴷ ⵜⵉⵏ ⵉⴳⵔⴰⵏ, ⵎⵍⵉⵉⵖ ⵜⵍⵍⴰ ⵜⵣⵣⵉⴳⵣⵜ ⴳ ⵜⵎⵙⴽⵔⵜ ⵜⴰⵎⵖⵔⵉⴱⵉⵜ ⴰⵔ ⵓⴷⵓⵙⵜⵓⵔ ⵏ 2011 ⵍⵍⵉ ⵉⴳⴰⵏ ⴰⴷⵓⵙⵜⵓⵔ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ.

ⵙⴰⵡⵍⵏ ⵉⵎⵔⵣⵓⵜⵏ ⵓⵍⴰ ⴼ ⵜⵉⵍⴰⵍ ⵏ  ⵜⵎⵔⵙⴰⵍ ⵜⵉⴷⵙⵜⴰⵔⵉⵏ ⴳ ⵓⵙⵓⵊⴷ ⵏ ⵜⵙⵔⵜⴰⵢ ⴰⴷ, ⵜⵉⴹⴰⴼ ⵏⵏⵙⵏⵜ ⴷ ⵓⵙⵓⵜⴳ ⵏⵏⵙⵏⵜ ⵉⵖ ⵉⴳ ⵍⵃⴰⵍ ⵜⴰⵏⴱⴰⴹⵜ ⵜⴰⵎⵣⵣⴳⴰⵔⵜ ⵏⵖ ⵜⴰⵣⵣⵔⴰⴼⵜ ⵏ ⵜⴰⵣⵔⴼⴰⵏⵜ...

ⴳ ⵓⵎⴹⴰⴽⴰⵕ, ⴼⴽⴰⵏ ⵉⴷ ⵎⴰⵙⵙ ⵉⵎⵓⵔⴰ ⵜⵓⴳⵜ ⵏ ⵜⵎⵓⴽⵔⵉⵙⵉⵏ ⴼ ⵓⵙⴽⵔ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵎⵥⵍⴰⵢ ⵏⵏⵙ ⴳ ⵜⵉⴹⴰⴼ ⵏ ⵜⵡⵡⵓⵔⵉ ⵜⵓⵏⴱⵉⴹⵜ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵙ ⵉⵙⵇⵙⵉⵜⵏ ⵉⵎⵉⵡⴰⵏⵏ ⴰⵢⵢⵓⵔⴰⵏⵏ ⴼ ⵜⵙⵔⵜⵉⵜ ⵜⴰⵎⴰⵜⴰⵢⵜ ⴼ ⵉⵜⵜⵔⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵜⵖⵉⵎⵉⵜ ⵜⴰⵙⴳⴳⵯⵙⴰⵏⵜ ⴼ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⴷ ⵜⵉⵍⴰⵍⵜ ⵏ ⵜⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵓⵎⵏⵉⴷ ⴰⴷ.

ⴼⴼⵖⵏ ⵉⵎⴷⵔⴰⵡⵏ ⴳ ⵓⵏⵎⵓⵇⵇⴰⵔ ⴰⴷ, ⵙ ⵓⵙⵡⵓⵜⵜⵓ ⵏ ⵡⴰⵏⴰⵡⵏ ⴰⴷ ⵏ ⵜⵙⵔⵜⴰⵢ, ⴷ ⵓⵙⵏⴼⵍ ⵏ ⵓⵏⴳⵔⴰⵡ ⴰⴳⵯⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵎⴰⴷ ⵉⵎⵎⴰⵍⴰⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵓⵣⵣⵔⴰⴼ ⴷ ⵜⵉⴹⴰⴼ ⵏ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵓⵙⵎⵔⵙⵍ ⵏ ⵜⵣⴷⴰⵢⵜ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵏⴱⴰⴹⵜ ⴷ ⵉⵎⴷⵔⴰⵡ ⵢⴰⴹⵏⵉⵏ.