ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵎⵙⴰⵡⴰⵍ ⴰⵎⵓⵟⵟⵓⵍ ⴼ: “ⵜⴰⵥⴹⴰⵕⵜ ⵉⵖⵓⵙⵏ ⴷ ⵉⴷⵔⵉⵣⵏ ⵏⵏⵙ ⴼ ⵜⵙⴳⴰ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ”
ⵜⴷⵔⵓ ⵎⴰⵙⵙⴰ ⵎⴰⵕⵡⴰ ⴰⵍⴰⵏⵚⴰⵕⵉ, ⵜⴰⴳⵎⴰⵎⵜ ⵏ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⵖⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ, ⴰⵙⵉⵎⵡⴰⵙ 4 ⴱⵕⴰⵢⵕ 2022 ⵙ ⵓⴼⵉⵣⵢⵓⵏⴽⵓⵏⴼⵉⵕⵓⵏⵚ, ⴳ ⵓⵎⵙⴰⵡⴰⵍ ⴰⵎⵓⵟⵟⵓⵏⴼ: “ⵜⴰⵥⴹⴰⵕⵜ ⵉⵖⵓⵙⵏ ⴷ ⵉⴷⵔⵉⵣⵏ ⵏⵏⵙ ⴼ ⵜⵙⴳⴰ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ”. ⵙ ⵜⴷⵔⴰⵡⵜ ⵏ 100 ⵏ ⵓⴱⵕⵍⴰⵎⴰⵏⵉ ⴷ ⵓⵎⵓⵥⴰⵢ ⴳ ⵉⴳⵏⵙⴰⵙⵏ ⵏ ⵉⵡⴰⵏⴽⵏ ⵍⵍⴰⵏⵉⵏ ⴳ ⵜⵎⴰⴷⴷⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ, ⵃⵎⴰ ⴰⴷ ⵢⵉⵍⵉ ⴰⵎⴹⴰⴽⴰⵕ ⴰⵙⵔⵜⴰⵏ ⴼ ⵓⵣⵣⵔⴰⵢ ⵏ ⵉⵙⵡⴰⵍⴰⵢⵏ ⵏ ⵜⵥⴹⴰⵕⵜ ⵍⵍⴰⵏⵉⵏ ⴷ ⵜⵓⵙⵙⵏⴰ ⵏ ⵉⴷⵔⵉⵣⵏ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ ⴷ ⵉⵡⵏⴹⴰⵏⵏ ⵏ ⵏⵓⵙⵎⴰⵜⵜⵉ ⴰⵎⵓⵟⵟⵓⵏ.
ⵙⴰⵡⵍⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵜⴰⵎⴰⵙⵙⴰⵏⵜ ⴷ ⵉⴱⵔⵍⴰⵎⴰⵏⵉⵢⵉⵏ ⴷ ⵉⵎⵙⵜⴳⴳⴰⵔⵏ ⵏ ⵜⵎⴰⴷⴷⴰⵙ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⴼ ⵜⵣⵣⵉⴳⵣⵉⵏ ⵜⵉⵜⵉⴽⵏⵓⵍⵓⵊⵉⵢⵉⵏ ⵣⴷⵉⵏⵉⵏ ⴷ ⵓⴼⴰⵔⵙ ⵏ ⵜⵥⴹⵕⵜ ⴷ ⵉⴷⵔⵉⵣⵏ ⵉⵊⵢⵓ ⵉⵙⵔⵜⴰⵏⵏ ⵏ ⵓⵙⵍⴰⵜⵜⵉ ⴰⵎⵓⵟⵟⵓⵏ ⵙⴳ ⴰⴱⵉⵟⵔⵓⵍ ⴰⵔ ⵜⴰⵥⴷⴰⵕⵜ ⵉⵖⵓⵙⵏ, ⵖⵎⴽ ⴰⵏⵏ ⵓⵍⴰ ⴼ ⵜⵙⵔⵜⴰⵢ ⵅⴰⵚⵚⴰⵏⵉⵏⵉ ⵓⵙⴷⵓⵙ ⵏ ⵢⵉⴳⵔ ⵏ ⵜⵥⴹⴰⵔⵜ ⴳ ⵓⵔ ⵉⵍⵍⵉ ⵍⴽⴰⵕⴱⵓⵏ ⴷ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ ⴷ ⵜⵎⵔⵙⴰⵍ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⴳⵔⴰⵖⵍⴰⵏⵉⵏ ⴳ ⵓⵎⵏⵉⴷ ⴰⴷ.
ⵙⵎⵏⵉⴷⵏ ⵉⵎⴷⵔⴰⵡⵏ ⴰⵜⵉⴳ ⵏ ⵓⵣⵓⵣⵣⵔ ⵏ ⵜⴷⵍⵙⴰ ⵏ ⵓⴼⵔⴰⴽ ⵙ ⵜⴰⵙⵙⴰⵙⵜ ⵏ ⵓⵏⵣⵡⵉ ⴷ ⵡⴰⵡⵏⴰⴹ. ⵙ ⴷⴷⵉⴷⵏ ⴼ ⵓⵔⵣⵣⵓ ⵏ ⵜⵙⵔⵜⴰⵢ ⵏ ⵜⵥⴹⴰⵕⵉⵏ ⴳⴰⵏⵉⵏ ⵜⵉⵎⴰⵢⵏⵓⵜⵉⵏ ⵜⵉⵎⴷⴷⵓⴽⴽⴰⵍ ⵏ ⵡⴰⵡⵏⴰⴹ, ⴷ ⵡⴰⵜⵉⴳ ⵏ ⵜⵏⴰⵔⴰ ⵏ ⵓⵙⵎⴰⵜⵜⵉ ⴰⵎⵓⵟⵟⵓⵏ ⵏ ⵓⵎⵓⵔⵣ ⴳ ⵢⵉⴳⵔ ⵏ ⵜⵥⴹⴰⵕⵜ ⵢⵓⵙⵉⵏ ⵉⵙⵎⵓⵜⵜⵓⵢⵏ ⵉⵎⴰⴽⵕⵓ ⵉⴷⵎⵙⴰⵏⵏ ⴷ ⵜⵉⵍⴰⵍⵜ ⵏ ⵢⵉⴳⵔ ⵓⵙⵍⵉⴳ ⴳ ⵓⵙⵎⴰⵜⵜⵉ ⴰⴷ, ⵍⵍⵉⵖ ⵜⵙⵖⴰⵡⵙⴰ ⵜⵙⴳⴰ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⵉ ⵓⵙⵎⴰⵢⵏⵓ ⵏ ⵉⵖⴱⵓⵍⴰ ⵏ ⵜⵥⴹⴰⵕⵜ ⵜⵜⴰⵡⵙⵏⵉⵏ ⴳ ⵓⵙⴱⴷⴷⵉ ⵏ ⵓⵙⵏⴼⵍ ⵏ ⵓⵏⵣⵡⵉ ⴷ ⵓⵙⴷⵓⵙ ⵏ ⵜⵏⵏⴼⵔⵓⵜ ⵏ ⵜⵥⴹⴰⵕⵜ.
ⵜⴹⴼⵕ ⵜⵎⵙⵎⵓⵏⵜ ⴰⴷ ⵜⴰⴱⵕⵍⴰⵎⴰⵏⵉⵜ ⵉ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ, ⴳⵉⵙ 323 ⵏ ⵓⴳⵎⴰⵎ, ⵜⵍⵍⴰ ⴳ ⵓⵏⵎⵓⵇⵇⴰⵔ ⵏ ⴱⴰⵔⵉⵣ 1990, ⵜⵡⴰⵜⵜⵙ ⴰⵙⵙⵔⵇⴱ ⵏ ⵜⵡⵉⵙⵉ ⴳ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⵖⵔ ⵉⴱⵕⵍⴰⵎⴰⵏ ⵉⵏⴰⵎⵓⵔⵏ ⵏ ⵉⵡⴰⵏⴽⵏ ⴰⴷ. ⵙ ⵜⵖⵜⴰⵙⵉⵏ ⴷ ⵉⵙⵖⵍⴰⴼ ⵉⵎⴰⴷⴷⵓⴷⵏ ⵜⴰⵎⴰ ⵏ ⵜⵙⴳⴰ ⵜⵓⵏⴱⵉⴹⵜ ⵏ ⵜⵎⴰⴷⴷⴰⵙⵜ ⵏ ⵜⵏⴷⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⴷ ⵉⴱⵕⵍⴰⵎⴰⵏ, ⵖⵎⴽ ⴰⵏⵏ ⴷ ⵓⴹⴼⵕ ⵏ ⵓⵣⵣⴳⵉⵔ ⵏ ⵉⵡⵜⵜⴰⵙ ⵏ ⵜⵎⴰⴷⴷⴰⵙⵜ ⴰⴷ ⵙ ⵜⵎⵙⴽⴰⵔ ⵏ ⵓⵣⵣⵔⴰⴼ.