ⵜⴷⵔⵓ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴰⵏⴰⵎⵎⴰⵙ

ⵜⴷⵔⵓ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⴰⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⴷ ⵉⵎⵖⵔⵉⴱⵉⵢⵏ ⵏⴱⵕⵕⴰ ⵙ ⵓⴼⵉⵣⵢⵓⴽⵓⵏⴼⵉⵕⵓⵏⵚ ⴳ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴰⵏⴰⵎⵎⴰⵙ ⴳ ⵜⵙⵓⵜⵍⵜ ⵜⵉⵙ ⵙⴰⵜ ⵏ ⵓⵎⵙⴰⵡⴰⵍ ⴰⵏⴰⵎⵎⴰⵙ ⵉⵍⵍⴰⵏ ⴳ ⵕⵓⵎⴰ ⴳ 2 ⴰⵔ 4 ⴷⵓⵊⴰⵏⴱⵉⵔ 2021 ⵍⵍⵉ ⵜⵙⵏⵎⴰⵍⴰ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏⴱⵕⵕⴰ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵏ ⵉⵟⴰⵍⵢⴰ ⵙ ⵓⵎⵢⴰⵡⴰⵙ ⴷ ⵓⵙⵉⵏⴰⴳ ⵏ ⵜⵖⵓⵔⵉⵡⵉⵏ ⵜⵉⵙⵔⵜⴰⵏⵉⵏ ⵜⵉⴳⵔⴰⵖⵍⴰⵏⵉⵏ.

ⵙⴰⵡⵍⵏ ⵉⵎⴷⵔⴰⵡⵏ ⴳ ⵓⵏⵎⵓⵇⵇⴰⵔ ⴰⴷ ⴼ ⵜⵎⵙⴰⵔⵉⵏ ⵏ ⵜⵙⴳⴰ ⵜⴰⵏⴰⵎⵎⴰⵙⵜ ⴳ ⵍⵍⴰⵏ ⵉⴷⵔⵉⵣⵏ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⴷ ⵓⵙⵎⴰⵜⵜⵉ ⵏ ⵜⵥⴹⴰⵕⵜ ⴷ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵓⵣⵡⴰⴳ ⴷⵓⴱⵔⵙⵙⵉⵡⴷ.

ⴳ ⵜⴳⵓⵔⵉ ⵏⵏⵙ, ⵜⵖⵔⴰ ⵎⴰⵙⵙⴰ ⴱⵓⵄⵉⴷⴰ ⵉ ⵓⵙⴽⵔⴰ ⵏ ⵓⵙⴰⵜⵉ ⴰⵎⵔⵙⵍⴰⵏ ⵉⵙⵓⵍⵏ ⵏ ⵓⵎⵙⴰⵡⴰⵍ ⵊⴰⵔ ⵉⴱⵕⵍⴰⵎⴰⵏⵏ ⵏ ⵓⵏⴰⵎⵎⴰⵙ, ⴷ ⵓⵙⴳⵉⴷⴷⵉ ⵏ ⵜⵙⵇⵇⵉⵎⵉⵏ ⵏ ⵜⵡⵡⵓⵔⵉ ⵃⵎⴰ ⴰⴷ ⵉⵣⵣⵉⴳⵣ ⵓⵎⵢⴰⵡⴰⵙ ⵉⵛⵛⴰⵔⵏ, ⵜⵉⵏⵉ ⵎⴰⵙ ⵉⵇⵇⴰⵏ ⴰⴷ ⵉⵍⵉⵏⵜ ⵜⵙⵔⵜⴰⵢ ⵜⵉⵏⴰⵎⵓⵏⵉⵏ ⵉ ⵓⵙⴱⴷⴷⵉ ⵏ ⵓⵥⵍⴰⴹ ⴷ ⵜⵄⴰⵎⵉⵜ ⴷ ⵓⴼⵓⵖ ⴳ ⵜⵉⵏⵎⵍ ⴷ ⵓⴼⵓⴽⴽⵓ ⵏ ⵉⵎⴰⵖⵏ ⵎⴳⴰⵍ ⵏ ⵓⵔⴳⴳⵉⴳ ⴷ ⵜⴳⵎⵉ.

ⵜⵖⵔ ⵎⴰⵙⵙⴰ ⴱⵓⵄⵉⴷⴰ ⵉ ⵓⵙⴽⵔ ⵏ ⵜⴷⵓⵙⵉ ⵏ ⵜⵏⴼⵔⵓⵜ  ⵉⵛⵛⴰⵔⵏ ⵊⴰⵔ ⵜⵉⵎⵉⵣⴰⵔ ⵏ ⵜⵙⴳⴰ  ⵉ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵓⵙⵖⵏⵣⵉ ⴳ ⵉⵡⴷⴰⵏ ⴷ ⵉⵔⴱⴰⴱⵏ ⵡⴰⵔⵍⴳⵉⵏⵏ ⴷ ⵉⵙⴷⵓⴷⴷⵓⵢⵏ ⴳ ⵜⵎⵉⵣⴰⵔ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ.

ⴳ ⵎⴰⴷ ⵉⵥⵍⵉⵏ ⴷ ⵓⴱⴰⵢⵢⵓⵕ ⵏ ⴽⵓⵕⵓⵏⴰ ⴷ ⵡⵉⵢⵢⴰⴹ, ⵜⵏⵏⴰ ⵎⴰⵙⵙⴰ ⴱⵓⵄⵉⴷⴰ ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵢⴰⵏ ⵉⵎⵉⵙⵙ ⵏ ⵓⴱⵟⵟⵓ ⵏ ⵉⴳⵣⵣⴰⵢⵏ ⴼ ⵜⵎⵉⵣⴰⵔ ⵜⵉⵎⵥⵍⴰⴹ ⴷ ⵓⵙⴽⵔ ⵏ ⵓⴱⴰⵏⴽ ⴰⵏⵎⵏⴰⴹ ⵏ ⵉⵙⴰⴼⴰⵔⵏ ⴷ ⵉⵎⴰⵙⵙⵏ ⵏ ⵜⵙⵏⵉⵊⵊⵉⵜ ⵙ ⵜⵎⴷⵔⴰⵡⵜ ⴷ ⵉⵡⴰⵏⴽⵏ ⵏ ⵜⵙⴳⴰ.

ⵜⵙⴷⴷⵉⴷ ⵎⴰⵙⵙⴰ ⴱⵓⵄⵉⴷⴰ ⴼ ⵓⵙⵎⵓⵙⵙⵓ ⵏ ⴽⵓⵢⴰⵏ ⵉ ⵓⵙⴱⴷⴷⵉ ⵏ ⵉⵎⵉⵣⵉⵜⵏ ⵏ ⵉⵙⵏⴼⵍⵏ ⵏ ⵓⵏⵣⵡⵉ ⵙ ⵓⵙⵔⵓⵙ ⵏ ⵉⵖⴰⵡⴰⵙⵏ ⵛⵛⴰⵔⵏⵉⵏ.

ⵜⵉⵏⵉ ⵎⴰⵙⵙⴰ ⴱⵓⵄⵉⴷⴰ ⵎⴰⵙ ⵔⴰⴷ ⵉⵖⴰⵎⴰ ⵍⵎⵖⵔⵉⴱ ⴷ ⵜⴰⵎⴰⵣⵉⵔⵜ ⵏ ⵓⵏⵏⵓⵕⵥⵎ ⴷ ⵜⵎⵢⵉⴷⵉⵔⵜ ⴷ ⵓⴼⵔⴰ, ⵔⴰⴷ ⵢⴰⵡⵙ ⴳ ⵓⵙⴷⵓⵙ ⵏ ⵜⴳⵯⵎⴰⵜ ⵊⴰⵔ ⵉⵡⴰⵏⴽⵏ ⵏ ⵓⵎⴰⴹⴰⵍ.

ⵙⴷⴷⵉⴷⵏ ⵉⵎⴷⵔⴰⵡⵏ ⴳ ⵓⵏⵎⵓⵇⵇⴰⵔ ⴰⴷ ⴼ ⵡⴰⵜⵉⴳ ⵏ ⵓⵎⵙⴰⵡⴰⵍ ⴳ ⵜⵙⴳⴰ ⵜⴰⵏⴰⵎⵎⴰⵙⵜ, ⴷ ⵓⵎⵢⴰⵡⴰⵙ ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⴷ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ ⴷ ⵜⵉⵍⵉⵜ ⵏ ⵉⴼⵙⵙⴰⵢⵏ ⴳ ⵢⵙⴰⵜⵉ ⵏ ⵓⴼⵔⴰ.

ⵙⴱⵔⵔⴽⵏ ⵉⵎⴷⵔⴰⵡⵏ ⵙ ⵓⵎⵙⴰⵡⴰⵍ ⵉⵣⵣⵉⴳⵣⵏ ⵊⴰⵔ ⵉⴱⵕⵍⴰⵎⵏⵏ ⵏ ⵓⵏⴰⵎⵎⴰⵙ ⴷ ⵜⵡⵉⵙⵉ ⵏⵏⵙⵏ ⴳ ⵜⵉⵍⵉⵜ ⵏ ⵉⴼⵙⵙⴰⵢⵏ ⵉ ⵜⵎⵙⴰⵔⵉⵏ ⵍⵍⴰⵏⵉⵏ.

ⵙⵓⵜⴳⵏ ⵉⵎⴷⵔⴰⵡⵏ ⵙ ⵜⵣⵣⵉⴳⵣⵜ ⵜⴰⵙⵔⵜⴰⵏⵜ ⵏ ⵉⵡⴰⵏⴽⵏ ⵏ ⵜⵙⴳⴰ ⴳ ⵜⵍⵍⴰ ⵍⵉⴱⵢⴰ.