ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴰⴱⵕⵍⴰⵎⴰⵏ ⴰⵎⵖⵔⵉⴱⵉ ⴷ ⴰⴳⵏⵙⴰⵙ ⵏ ⵜⵔⴰⴱⴱⵓⵜ ⵜⴰⵄⵕⴰⴱⵜ ⴳ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵓⴼⵔⴰ ⴷ ⵜⵏⴼⵔⵓⵜ ⵜⴰⴳⵔⴰⵖⵍⴰⵏⵜ ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ
ⵉⵜⵜⵓⵙⵜⴰⵢ ⴷⴰⵖ ⵍⵎⵖⵔⵉⴱ, ⴰⴽⵡⴰⵙ 25 ⵏⵓⵡⴰⵏⴱⵉⵔ ⴳ ⵎⴰⴷⵔⵉⴷ, ⴰⴷ ⵉⴳ ⴰⴳⵏⵙⴰⵙ ⵏ ⵜⵔⴰⴱⴱⵓⵜ ⵜⴰⵊⵢⵓⵜⴰⵙⵔⵜⴰⵏⵜ ⵜⴰⵄⵕⴰⴱⵜ ⴳ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵓⴼⵔⴰ ⴷ ⵜⵏⴼⵔⵓⵜ ⵜⴰⴳⵔⴰⵖⵍⴰⵏⵜ ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ.
ⵉⵍⵍⴰ ⵓⵙⵜⴰⵢ ⴰⴷ ⴳ ⵜⵙⵎⵓⵏⵉ ⵏ ⵜⵔⴰⴱⴱⵓⵜ ⵜⴰⵄⵕⴰⴱⵜ ⴳ ⵜⵡⵡⵓⵔⵉⵡⵉⵏ ⵏ ⵓⴳⵔⴰⵡ 143 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ (26-30 ⵏⵓⵡⴰⵏⴱⵉⵔ) ⵙ ⵜⵉⵍⵉⵜ ⵏ ⵉⵏⵙⵙⵉⵅⴼⵏ ⵏ ⵓⴱⵕⵍⴰⵎⴰⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎ, ⴰⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⵙ ⵏⵏⵄⵎⴰ ⵎⴰⵢⵢⴰⵕⴰ, ⴰⵙⵇⵇⵉⵎ ⵏ ⵉⵎⵛⵛⵉⵡⴰⵕ.
ⵔⴰⴷ ⵉⵡⴰⵍⴰ ⵍⵎⵖⵔⵉⴱ ⵜⴰⵙⵎⵉⴳⵍⵜ ⴰⴷ, ⵉⵙⵎⴷⵏ ⴳ ⵉⴱⵔⵉⵔ 2023, ⴷ ⴰⵎⵣⴷⴰⵢ ⵏ ⵜⵔⴰⴱⴱⵓⵜ ⵜⴰⵄⵕⴰⴱⵜ ⴷⴰⵔ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵡⴰⴷⴷⴰⴷⵏ ⵏⵏⵙ ⵛⵛⴰⵔⵏⵉⵏ ⴼ ⵜⵎⵙⴰⵔ ⵏ ⵓⴼⵔⴰ ⴷ ⵜⵏⴼⵔⵓⵜ.
ⴰⵔ ⵜⴰⴽⴽⴰ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵓⴼⵔⴰ ⴷ ⵜⵏⴼⵔⵓⵜ ⵉ ⵉⴱⵕⵍⴰⵎⴰⵏⵏ ⵍⵍⴰⵏⵉⵏ ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴰⵙⴰⵜⵉ ⴰⵙⵔⵜⴰⵏ ⵉ ⵓⵙⴽⵔ ⵏ ⵜⵎⵙⴽⴰⵔ ⵎⴳⴰⵍ ⵏ ⵉⵙⴷⵓⴷⴷⵉⵢⵏ ⵉⵎⴰⴹⵍⴰⵏⵏ ⵣⴷⵉⵏⵉⵏ ⴷ ⵢⵉⴳⵔ ⴰⴷ.
ⴰⵔ ⵜⵙⵡⵓⵔⵉ ⵜⵙⵇⵇⵉⵎⵜ ⴰⴷ ⴼ ⵓⵙⴼⵙⵉ ⵏ ⵜⵣⵣⵉⴳⵣⵉⵏ ⴳ ⵉⴳⵔⴰⵏ ⵏ ⵓⴼⵔⴰ ⴷ ⵜⵏⴼⵔⵓⵜ, ⵜⵔⴰⵔ ⵓⵍⴰ ⴼ ⵉⵙⴷⵓⴷⴷⵉⵢⵏ ⴰⴷ.
ⴰⵔ ⵜⵜⵎⴰⵖ ⵓⵍⴰ ⴼ ⵓⵙⴷⵓⵙ ⵏ ⵓⴼⵔⴰ ⴷ ⵜⵏⴼⵔⵓⵜ ⴳ ⵓⵎⴰⴹⴰⵍ , ⴷ ⵓⵙⴱⴷⴷⵉ ⵏ ⵜⵎⴰⵖⵉⵏ ⴷ ⵓⴼⵔⴰⴳ ⵏ ⵓⴼⵔⴰ.
ⴰⵔ ⵜⵙⵏⵎⴰⵍⴰ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴰⴳⵔⴰⵡ ⵏⵏⵙ 143 ⴳ 26 ⴰⵔ 30 ⵏⵓⵡⴰⵏⴱⵉⵔ ⴳ ⵎⴰⴷⵔⵉⴷ, ⵉ ⵓⵎⴹⴰⴽⴰⵕ ⵏ ⵉⵎⵣⴰⵔⴰⵢⵏ ⴷ ⵓⵙⴷⵓⵙ ⵏ ⵓⵎⵛⴰⴱⴱⴰⴽ ⵉ ⵡⴰⵍⴰⵢ ⵏ ⵜⵏⴰⵥⴰⵕⵉⵏ ⵣⴷⵉⵏⵉⵏ ⴷ ⵜⴷⵉⵎⵓⵇⵔⴰⵟⵉⵜ.
ⵔⴰⴷ ⵉⴷⵔⵓ ⴳ ⵓⴳⵔⴰⵡ ⴰⴷ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⴷ ⵉⴽⴰⴱⴰⵕⵏ ⵏ ⵉⵡⴰⵏⴽⵏ ⵍⵍⴰⵏⵉⵏ ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ, ⴷ ⵉⴳⵏⵙⴰⵙⵏ ⵏ ⵉⵏⵎⵓⵍⵍⵉⵜⵏ ⴷ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵙⴳⴰⵡⴰⵏⵉⵏ ⴷ ⵉⵎⵥⵔⴰⵢ ⵙⵓⵍⵏⵉⵏ.