ⴰⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵉⴼⴼⵓⵙ-ⵉⴼⴼⵓⵙ ⴳ ⵉⵎⴹⴰⴽⴰⵕⵏ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴽⴰⴱⵕ ⵏ ⵜⵎⵔⵙⵍⵜ ⵜⴰⵎⴰⴹⵍⴰⵏⵜ ⵉⴼⵔⵉⵇⵢⴰ-ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ

ⵉⵙⴽⵔ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 02 ⵏⵓⵡⴰⵏⴱⵉⵔ 2021, ⵉⵎⴹⴰⴽⴰⵕⵏ ⴷ ⵓⴽⴰⴱⴰⵕ ⵏ ⵜⵎⵔⵙⵍⵜ ⵜⴰⵎⴰⴹⵍⴰⵏⵜ ⵉⴼⵔⵉⵇⵢⴰ-ⵎⴰⵔⵉⴽⴰⵏ ⵜⴰⵍⴰⵜⵉⵏⴰⵜ ⵉⵍⵍⴰⵏ ⴳ ⵓⵔⵣⴰⴼ ⵉ ⵜⴳⵍⴷⵉⵜ ⵜⵎⵖⵔⵉⴱⵉⵜ.

ⴳ ⵜⵣⵡⵉⵔⵉ, ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵉⴳⵎⴰⵎⵏ ⵏ ⵜⵎⵔⵙⵍⵜ ⴳⴰⵏⵉⵏ ⵡⵉⵏ ⴽⵓ ⵜⵎⵉⵣⴰⵔ ⵏ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ, ⵉⵙⴷⴷⵉⴷ ⵎⴰⵙ ⵉⵙⵙⴷⵓⵙ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ ⵜⵉⵣⴷⴰⵢⵉⵏ ⵜⵉⵣⵣⵔⴰⴼⵉⵏ ⴷ ⵜⵎⵔⵙⴰⵍ ⵜⵉⵏⴳⴳⵯⴰ ⴳ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵜⵉⵏ ⵉⴼⴼⵓⵙ ⴰⵢⵍⵍⵉ ⴰⵙ ⵢⵉⵡⵙⵏ ⴰⴷ ⵉⴳ ⵉⵎⵥⵕⵉ ⴳ ⴽⵉⴳⴰⵏ ⴳⵉⵙⵏⵜ.

ⵢⵉⵏⵉ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⵎⴰⵙ ⵉⵡⵙⵏⵜ ⵜⵙⵎⵓⵏⴰⵢ ⴷ ⵉⵔⵣⴰⴼⵏ ⵜⵜⵓⵙⵏⴼⴰⵍⵏⵉⵏ ⴳ ⵓⵙⵡⵉⵏⴳⵎ ⵉⵙⵓⵍⵏ ⴳ ⵉⴱⵔⵉⴷⵏ ⵏ ⵓⵙⵎⵔⵙⵍ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵉⴼⴼⵓⵙ-ⵉⴼⴼⵓⵙ, ⵙ ⵓⴷⵖⴰⵔ ⴰⵊⵢⵓ ⴰⵙⵔⵜⴰⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵉⴳ ⵜⵉⴼⵍⵓⵜ ⵙ ⵉⴼⵔⵉⵇⵢⴰ, ⴷ ⵓⵎⵏⴰⵇⵇⴰⵔ ⵏ ⵜⵎⵙⴰⵔⵉⵏ ⴷ ⵉⵅⵎⵎⵉⵎⵏ  ⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⴷ ⵜⴷⵍⵙⴰⵡⵉⵏ ⴷ ⵜⵎⵣⵔⴰⵢⵉⵏ ⵛⵛⴰⵔⵏⵉⵏ.

ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵜⴳⴰ ⵜⵣⵣⵉⴳⵣⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵚⴽⵓ  ⴰⵎⵔⵙⵍⴰⵏ ⴷ ⵓⴷⵉⵎⵓⵇⵔⴰⵟⵉ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵜⵙⵔⵜⴰⵢ ⵏ ⵓⵣⵡⴰⴳ ⴷ ⵉⵎⵣⵡⴰⴳ ⴷ ⵓⵙⵡⵓⴷⴷⵓ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ (ⴽⵓⴼⵉⴷ 19), ⵔⴰⴷ ⵢⴰⵡⵙ ⵉ ⵜⵎⵉⵣⴰⵔ ⵏ ⵎⴰⵔⵉⴽⴰⵏ ⵜⴰⵍⵉⵜⵉⵏⵉⵜ ⴷ ⵜⵉⵏ ⵉⴼⴼⵓⵙ ⴷ ⵉⴼⵔⵉⵇⵢⴰ, ⵃⵎⴰ ⴰⴷ ⵢⵉⵍⵉ ⵚⴰⵃⴰ ⵉ ⵜⵏⵓⴼⴰ ⵜⵉⵎⴰⵜⴰⵢⵉⵏ  ⴰⵜⵜⵓⵢⵏⵉⵏ ⵜⵉⵏⴰⵎⵓⵔⵉⵏ ⴷ ⵜⴳⵎⵉ ⵉⵜⵜⵓⵙⴰⴳⴳⴰⵍⵏ.

ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵜⴳⴰ ⵜⵡⵡⵓⵔⵉ ⵉⵛⵛⴰⵔⵏ ⴷ ⵓⵏⵢⴰⵍⴽⴰⵎ ⵉⴼⴼⵓⵙ-ⵉⴼⴼⵓⵙ  ⴰⵡⵜⵜⴰⵙ ⴰⵅⴰⵜⴰⵔ, ⵉⴳ ⵓⵎⵙⴰⵡⴰⵍ ⴷ ⵓⵎⴹⴰⴽⴰⵕ ⴰⴱⵔⵉⴷ ⴰⵖⵔⵎⴰⵏ ⵏ ⵓⵣⵣⵔⴰⵢ ⵏ ⵜⴱⴱⴰⵢⴹⴰⵕⵉⵏ, ⵢⵉⵏⵉ ⵎⴰⵙ ⵓⵔ ⵜⵍⵍⴰ ⵜⵓⵔⴷⴰ ⵎⴰⵙ ⴷ ⵎⵙⴰⵙⵏ ⵓⵍⴰ ⵉⴳⵎⴰⵎⵏ ⵏ ⵜⵎⵔⵙⵍⵜ, ⴷ ⵎⴰⵙ ⵉⵎⵙⴰⵙⴰ ⵏⵜⵜⴰⵏ ⵓⵍⴰ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵕⵥⵎⵏ ⴼ ⵜⵙⵓⵎⵔⵉⵏ ⴷ ⵜⵡⵡⵓⵔⵉ ⵉⵛⵛⴰⵔⵏ ⵉ ⵜⵣⵣⵉⴳⵣⵜ ⴷ ⵓⵙⴼⴰⵍⴽⵉ ⵏ ⵜⵎⵉⵣⴰⵔ.

ⴳ ⵓⵎⵏⵉⴷ ⵏⵏⵙ, ⵙⵙⵔⵖⴷⵏ ⵉⴳⵎⴰⵎⵏ ⵏ ⵓⴽⴰⴱⴰⵕ ⵏ ⵜⵎⵔⵙⵍⵜ ⵜⴰⵎⴰⴹⵍⴰⵏⵜ ⵉⴼⵔⵉⵇⵢⴰ- ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵙ ⵜⵎⵍⴷⴰ ⵏ ⵓⵙⵜⴰⵢ ⵏ ⵓⵏⵙⵙⵉⵅⴼ ⵏ ⵉⵎⵓⵔⴰ, ⵙⴷⴷⵉⴷⵏ ⵙ ⵉⵙⵡⵉⵏⴳⵉⵎⵏ ⴷ ⵜⵙⵓⵎⵔⵉⵏ ⵏⵏⵙ ⵉ ⵓⵙⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵉⴼⴼⵓⵙ-ⵉⴼⴼⵓⵙ ⵙ ⵓⵙⵎⵖⵔ ⵏ ⵜⵣⴷⴰⵢⵉⵏ ⵊⴰⵔ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴳ ⵉⵍⵍⴰ ⵍⵎⵖⵔⵉⴱ ⴷ ⵜⵎⵉⵣⴰⵔ ⵏ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵢⵜ, ⴷ ⵓⵚⴽⵓ  ⵏ ⵜⵎⵢⵉⵎⴰⵏⵜ ⴷ ⵓⵎⵙⴰⵡⴰⵍ ⴷ ⵓⵎⵢⴰⵡⴰⵙ ⵉⵛⵛⴰⵔⵏ.

ⵢⵉⵏⵉ ⵓⴽⴰⴱⴰⵕ ⵏ ⵜⵎⵔⵙⵍⵜ ⵜⴰⵎⴰⴹⵍⴰⵏⵜ ⵉⴼⵔⵉⵇⵢⴰ-ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⵎⴰⵙ ⵜⵓⵎⴰ ⵜⵡⵡⵓⵔⵉ ⵏ ⵜⵎⵔⵙⵍⵜ ⴽⵉⴳⴰⵏ ⵏ ⵉⴷⵎⴰⵡⵏ ⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⴷ ⵉⴽⴰⴷⵉⵎⵉⵢⵏ..., ⵢⵉⵏⵉ ⵎⴰⵙ ⵜⵙⵎⵓⵏ ⴽⵉⴳⴰⵏ ⵏ ⵓⴷⵎⴰⵡⵏ ⵅⴰⵜⵔⵏⵉⵏ ⵙⴳ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⵍⵍⵉ ⴷ ⵃⴰⴹⵕⵏⵉⵏ ⴳ ⵜⵙⵎⵓⵏⵉ ⴰⴷ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ, ⵉⵔⵉⵏ ⴰⵙⵙⴷⵓⵙ ⵏ ⵜⵣⴷⴰⵢⵉⵏ ⴷ ⵜⴳⵍⴷⵉⵜ ⵜⵎⵖⵔⵉⴱⵉⵜ ⵙⵍⴰⵡⴰⵏ ⴰⴽⴽⵯ ⴰⴱⵕⵍⴰⵎⴰⵏⵉ, ⵙ ⵉⵏⵎⵓⵇⵇⴰⵔⵏ ⴷ ⵉⵔⵣⴰⴼⵏ ⵜⵜⵓⵙⵏⴼⴰⵍⵏⵉⵏ ⴷ ⵓⵙⵙⴷⵓⵙ ⵏ ⵜⵡⵡⵓⵔⵉ  ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵍⴰ ⵜⵉⴱⵕⵍⴰⵎⴰⵏⵉⵢⵉⵏ. ⵢⵉⵏⵉ ⵓⴽⴰⴱⴰⵕ ⵏ ⵜⵎⵔⵙⵍⵜ ⵜⴰⵎⴰⴹⵍⴰⵏⵜ ⵉⴼⵔⵉⵇⵢⴰ-ⵎⴰⵔⵉⴽⴰⵏ ⵜⴰⵍⵉⵜⵉⵏⵉⵜ, ⵎⴰⵙ ⵜⴳⴰ ⵜⵡⵡⵓⵔⵉ ⵉⴼⴼⵓⵙ-ⵉⴼⴼⵓⵙ ⴳ ⵓⵅⵎⵎⴻⵎ ⵏ ⵉⴳⵎⴰⵎⵏ ⵏ ⵜⵎⵔⵙⵍⵜ ⵙ ⵓⵙⵙⴷⵓⵙ ⵏ ⵉⵎⵓⵣⴰⵢⵏ ⵏ ⵜⵡⵉⵣⵉ ⴷ ⵜⴷⴷⵓⴽⴽⵍⴰ ⵙ ⵓⵖⴰⵡⴰⵙ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ, ⴷ ⵎⴰⵙ ⴷ  ⵏⵏⵓⵕⵥⵎⵏ ⵉⴱⵕⵍⴰⵎⴰⵏ ⵏ ⵜⵎⵉⵣⴰⵔ ⵏ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴼ ⵜⵙⵓⵎⵔⵉⵏ ⴷ ⵜⵙⵏⵜⴰⵢⵉⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ.