ⴰⵙⵉⵡⴹ ⴰⵎⴳⴳⴰⵔⵓ ⵏ ⵜⵙⵎⵓⵏⵉ ⵏ ⵓⵎⵛⴰⵡⴰⵕ ⵏ ⵉⵏⵙⵙⵉⵅⴼⵏ ⴷ ⵉⴳⵏⵙⴰⵙⵏ ⵏ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ ⵉⴼⵔⵉⵇⵉⵢⵏ

ⵜⴰⵙⵎⵓⵏ ⵏ ⵓⵎⵛⴰⵡⴰⵕ

ⴰⵙⵉⵡⴹ ⴰⵎⴳⴳⴰⵔⵓ

ⵏⴽⴽⵯⵏⵉ, ⵉⴳⵎⴰⵎⵏ ⵏ ⵓⴱⵕⵍⴰⵎⴰⵏ ⵏ ⴽⵓ ⵉⴼⵔⵉⵇⵢⴰ, ⵍⵍⵉⵉ ⵎⵓⵏⵏⵉⵏ ⵉ ⵓⵎⵛⴰⵡⴰⵕ ⴷ ⵉⵏⵙⵙⵉⵅⴼⵏ ⴷ ⵉⴳⵏⵙⴰⵙⵏ ⵏ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ ⵉⴼⵔⵉⵇⵉⵢⵏ, ⵏⵎⵎⴰⵖ ⴼ ⵓⴼⵔⴰⴳ ⴷ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ ⴳ ⵓⵎⵏⵥⴰⵡ ⵏ ⵉⴼⵔⵉⵇⵢⴰ, ⴷ ⵜⴰⵎⴰⵏⵓⵜ ⵉ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵓⵍⴳⵉⵏ ⴷ ⵓⵎⵙⴽⴰⵔ ⴷ ⵉⵖⵣⴰⵏⵏ;

ⴰⵔ ⵏⵙⵡⵓⵔⵉ ⵙ ⵜⵎⴰⵙⴰⵢⵜ ⴷ ⵜⵍⴻⵍⵍⵉ ⴷ ⵜⵉⵔⴰⵜ ⵃⵎⴰ ⴰⴷ ⵢⵉⵍⵉ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴰⵎⵣⵡⴰⵔ.

ⵏⵙⴷⴷⵉⴷ ⴰⵙⵖⵡⵏ ⵏⵏⵖ ⵉⵙⵓⵍⵏ ⵙ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉⴱⴷⴷⵏ ⵉⴳⴰⵏ ⵜⵓⵎⵏⵉⴳⵜ, ⵉ ⵜⵢⴰⵏⵜ ⴷ ⵓⵙⵎⴰⴷ ⴰⴼⵔⵉⵇⵉ, ⵙ ⵓⵎⵙⴰⵙⴰ ⴷ ⵓⵙⵎⴰⵇⵍ ⵏ ⵉⴼⵔⵉⵇⵢⴰ ⵍⵍⵉ ⵏⵙⵉⴳⴳⵉⵍ;

ⴰⵔ ⴷ ⵏⵙⵙⴽⵯⵜⵉ ⵎⴰⵙ ⵉⴳⴰ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴰⴳⵕⴹ ⵏ ⵓⵏⵎⵓⵔⵉ ⴰⴼⵔⵉⵇⵉ ⴷ ⵡⴰⵎⵓⵏ ⴰⵖⵔⵎⴰⵏ ⴷ ⵉⴼⵔⵉⵇⵉⵢⵏ ⵏ ⵓⵎⴰⴹⴰⵍ, ⵉⵎⵎⴰⵖ ⴼ ⵉⵣⵔⴼⴰⵏ ⵏⵏⵙⵏ ⴷ ⵉⵏⴰⵔⵓⵣⵏ ⵏⵏⵙⵏ ⴷ ⵓⵙⴷⵓⵙ ⵏⵏⵙ.

ⵏⴼⵔⴽ ⵙ ⵜⵎⵓⴽⵔⵉⵙⵉⵏ ⵏ ⵓⵎⴰⴷⴰⵏ ⴳ ⵎⴰⵍⵉ;

ⴰⵔ ⵏⵙⴷⴷⵉⴷ ⴼ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴳ ⵓⵙⴷⵓⵙ ⵏ ⵜⵡⵉⵣⵉ ⴷ ⵓⵎⵙⴼⵔⵓ ⴷ ⵜⵢⴰⵏⵜ ⴷ ⵜⴰⵎⵓⵏⵜ ⵊⴰⵔ ⵉⴼⵔⵉⵇⵉⵢⵏ ⵉ ⵓⵎⵢⴰⵡⴰⵙ ⴷ ⵜⴳⵎⵉ ⵉⵙⵎⴷⵏ ⵏ ⵓⵎⵏⵥⴰⵡ ⵏⵏⵖ;

ⴰⵔ ⵏⵙⵓⵜⴳ ⵜⵉⵍⴰⵍⵜ ⵜⴰⴷⵙⵍⴰⵏⵜ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴳ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ  ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵅⵅⵓⵜⵔⴰ ⵏ ⵓⵙⵍⴳⵏ ⴷ ⵓⵏⴱⴰⴹ ⵉⵥⵉⵍⵏ;

ⴰⵔ ⵏⵙⵙⵀⵔⴰⵛ ⵜⵉⵡⵡⵓⵔⵉⵡⵉⵏ ⴷ ⵜⵎⵙⴰⵔⵉⵏ ⵀⵔⵛⵏⵉⵏ ⵍⵍⵉ ⵍⵍⴰⵏⵉⵏ ⵙⴳ ⵎⴰⵢⵢⵓ 2020, ⵍⵍⵉ ⵙⴽⴰⵔⵏⵜ ⴽⵔⴰ ⵏ ⵜⵙⴳⴳⵉⵡⵉⵏ, ⴷ ⵜⴰⵕⵥⵉⵡⵉⵏ ⵏ ⵜⵍⴳⴰⵎⵉⵏ ⴷ ⵜⴱⵔⵉⴷⵉⵏ ⵍⵍⴰⵏⵉⵏ, ⵖⵎⴽ ⵍⵍⵉ ⵏⵙⵙⵀⵔⴰⵛ ⴰⵙⴷⵉⴷⴷⵉⵡ ⴷ ⵓⴱⵔⵙⵙⵉⵡⴷ ⵉⵍⵍⴰⵏ ⴳ ⵜⵙⵓⵜⵍⵜ ⵜⴰⵏⵎⵢⴰⵔⵜ ⵜⵉⵙ ⴽⴽⵓⵥⵜ ⵏ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ ⵙⵎⵎⵓⵙⵜ ⵉⵍⵍⴰⵏ ⵖ 21 ⵎⴰⵢⵢⵓ ⴰⵔ 4 ⵢⵓⵏⵢⵓ 2021;

ⴰⵔ ⵏⵙⴷⴷⵉⴷ ⴼ ⵡⴰⵜⵉⴳ ⵏ ⵓⴱⵕⵓⵟⵓⴽⵓⵍ ⵉⴹⴼⵕⵏ ⴰⵙⵍⴳⵏ ⴰⵎⵙⴽⴰⵔ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴼ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵏ 27 ⵢⵓⵏⵢⵓ 2014 ⵙ ⵜⵎⵍⴷⴰ ⵏ ⵜⵙⵓⵜⵍⵜ ⵜⴰⵏⵎⵢⴰⵔⵜ ⵜⵉⵙ ⵡⴰⴳⵏⴰⵔ ⴷ ⴽⵕⴰⴹ ⵏ ⵓⴳⵔⴰⵡ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴳ ⵎⴰⵍⴰⴱⵓ (ⵖⵉⵏⵢⴰ ⵍⵉⵙⵜⵉⵡⴰⵉⵢⵢⴰ);

1. ⴰⵔ ⵏⵚⵉⵡⴹ ⵎⴰⵙ ⴷ ⵜⴰⵔ ⴰⴱⵕⵍⴰⵎⴰⵏ ⴰⴼⵔⵉⵇⵉ ⵏ ⵜⵉⴷⵜ, ⵓⵔ ⵔⴰⴷ ⵉⵙⵎⴷ ⵓⵚⴽⵓ ⴰⵎⵔⵙⵍⴰⵏ ⵏ ⵜⴰⵎⵓⵏⵜ ⵏ ⵉⴼⵔⵉⵇⵢⴰ, ⴰⵔ ⵏⴰⵇⵔⴰ ⵉ ⴽⵓ ⵜⵉⵏⴱⴰⴹⵉⵏ ⵜⵓⴷⴷⵉⵔⵉⵏ  ⵜⵉⴼⵔⵉⵇⵉⵢⵉⵏ ⵉ ⵓⵎⵣⴰⵖ ⵏ ⵡⴰⵜⵉⴳⵏ ⵏ ⵜⴷⵉⵎⵓⵇⵔⴰⵟⵉⵜ ⴳ ⵓⵎⵏⵥⴰⵡ ⵏⵏⵖ, ⵙ ⵎⴰⴷ ⵖ ⵜⵍⵍⴰ ⵜⵏⴰⴼⵓⵜ ⵜⴰⵎⴰⵜⵜⵓⵢⵜ ⵏ ⴽⵓ ⵉⵎⴰⴷⴰⵏⵏ ⵉⴼⵔⵉⵇⵉⵢⵏ;
2. ⴰⵔ ⵏⵜⵜⴰⵏⵏⵉ ⵎⴰⵙ ⴷ ⴰⴱⵕⵍⴰⵎⴰⵏ ⴰⴼⵔⵉⵇⵉ, ⵙⴳ ⵎⴰⴷ ⵉⵜⵜⵓⵙⴽⴰⵔ, ⵢⵉⵡⵙ ⵙ ⵜⵥⴹⴰⵕⵉⵏ ⵏⵏⵙ, ⴳ ⵓⵙⵖⵏⵓ ⵏ ⵜⴷⵍⵙⴰ ⵜⴰⵣⵣⵔⴰⴼⵜ ⵜⴰⴼⵔⵉⵇⵉⵜ, ⵏⵙⵓⵜⴳ ⵜⵉⵡⵡⵓⵔⵉⵡⵉⵏ ⵍⵍⵉ ⵉⵙⴽⵔ, ⵖⵎⴽ ⵍⵍⵉ ⵏⵙⵖⵉⵍⵓⴼ ⴼ ⵜⴰⵙⵙⴰⵙⵜ ⵏ ⵜⵎⵢⵉⵎⴰⵏⵜ ⵍⵍⵉ ⵉⵍⵍⴰⵏ ⴳ ⵜⵎⵔⵙⵍⵜ ⴰⴷ ⵜⴰⵅⴰⵜⴰⵔⵜ ⵙ ⴳⴰⵔ ⵉⵙⴽⴽⵉⵔⵏ ⵍⵍⴰⵏⵉⵏ;
3. ⴰⵔ ⵏⴰⵇⵔⴰ ⵉ ⵓⵙⴱⴷⴷⵉ ⵏ ⵜⵡⵡⵓⵔⵉⵡⵉⵏ ⵓⵔ ⵜⵜⴰⵡⵇⴱⴰⵍⵏⵉⵏ, ⴷ ⵡⴰⵔⴰⵡⵇⵇⵔ ⵏ ⵜⵔⵙⴰⵍ ⴷ ⵜⵎⵙⴽⴰⵔ ⵍⵍⴰⵏⵉⵏ, ⴷ ⵓⵙⴱⴷⴷⵉ ⵏ ⵜⵡⵡⵓⵔⵉⵡⵉⵏ ⴳ ⵓⵔ ⵜⵍⵍⵉ ⵜⵎⴰⵙⴰⵢⵜ ⵍⵍⵉ ⵉⴹⵕⵕⴰⵏ ⵓⴷⵎ ⵏ ⵉⴼⵔⵉⵇⵢⴰ ⴳ ⵜⴰⵙⵓⵜ ⵜⵉⵙ 21 ⴷ ⵓⵣⵓⵣⵣⵔ ⵏ ⵓⵎⵣⵔⴰⵢ ⵊⴰⵔ ⵜⵎⵉⵣⴰⵔ ⵜⴰⵢⵜⵎⴰⵜⵉⵏ;
4. ⴰⵔ ⵏⵜⵜⴰⴳⵯⵉ ⵜⴰⴳⵯⵉⵜ ⵉⴱⴷⴷⵏ ⵜⵉⵔⵎⵉⵜⵉⵏ  ⵏ ⵓⴱⵟⵟⵓ ⴷ ⵓⵣⵓⵣⵣⵔ ⵏ ⵓⵎⵣⴰⵔⴰⵢ ⴳ ⵓⴱⵕⵍⴰⵎⴰⵏ ⴰⴼⵔⵉⵇⵉ, ⵍⵍⵉ ⵔⴰⵏⵉⵏ ⴰⴷ ⵉⴼⴼⵖ ⴳ ⵓⴱⵔⵉⴷ ⴷ ⵜⵣⵣⵓⵍⵜ ⵏⵏⵙ, ⴰⵔ ⵏⴰⵇⵔⴰ ⵉ ⵉⴳⵎⴰⵎⵏ ⵉ ⵓⵍⵜⴰⵖ ⴳ ⵜⵏⵓⴼⴰ ⵜⵉⵎⴰⵜⵜⵓⵢⵉⵏ ⵏ ⵉⴼⵔⵉⵇⵢⴰ,
5. ⴰⵔ ⵏⴰⵇⵔⴰ ⵉ ⴽⵓ ⵉⵏⴳⵎⴰⵎⵏ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵉ ⵓⵙⵖⵡⵏ ⵉⵖⵣⴰⵏⵏ ⵉ ⵓⵙⴷⵓⵙ ⵏ ⵓⵎⵛⴰⴱⴱⴰⴽ ⵏ ⵉⴼⵔⴷⴰⵙ ⵏ ⵜⵎⵔⵙⵍⵜ ⵏⵏⵖ, ⴷ ⵓⵏⴱⴰⴹ ⵏ ⵓⵙⵡⵓⵔⵉ ⵏⵏⵙ ⵙ ⵜⵎⴰⵎⴽⵜ ⵉⵥⵉⵍⵏ.
6. ⵏⵙⴷⴷⵉⴷ ⴼ ⵓⵛⵛⵉⵍ ⵏ ⵓⵡⵇⵇⵔ ⵏ ⵜⵔⵙⴰⵍ ⴷ ⵉⵙⵍⴳⵏⵏ ⵍⵍⴰⵏⵉⵏ, ⴷ ⵓⵙⴷⵓⵙ ⵏ ⵜⵎⴰⴼⴰⵡⵜ ⴷ ⵓⵏⴱⴰⴹ ⵉⵥⵉⵍⵏ ⴷ ⵓⵎⵙⵇⵙⵉ ⴳ ⵓⵙⵡⵓⴷⴷⵓ ⵏ ⵜⵖⴰⵡⵙⵉⵡⵉⵏ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵉ ⵓⵙⴷⵓⵙ ⵏ ⵓⵖⵣⴰⵏ ⵏⵏⵙ, ⴷ ⵓⵡⵇⵇⵔ ⵏ ⵜⵔⵙⴰⵍ ⵏ ⵓⵙⵎⴰⵢⵏⵓ ⵏ ⵓⵙⵜⴰⵢ ⵏ ⵉⴳⵎⴰⵎⵏ ⵏ ⵓⵙⵉⵔⴰ;
7. ⴰⵔ ⵏⵜⵜⵉⵏⵉ ⴰⵙⵖⵡⵏ ⵏⵏⵖ ⵉ ⵓⵙⵎⵖⵔ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵜⴰⴼⵔⵉⵇⵉⵜ ⵃⵎⴰ ⴰⴷ ⵜⴳ ⴰⵍⴰⵢ ⴰⴷⵙⵍⴰⵏ ⵏ ⵓⵙⴷⵓⵙ ⵏ ⵓⵙⵎⴰⴷ ⴰⴼⵔⵉⵇⵉ, ⴷ ⵜⵣⴷⴰⵢⵜ ⵏ ⵓⵙⴷⵓⵙ ⵏ ⵜⴷⵍⵙⴰ ⵜⴰⴷⵉⵎⵓⵇⵔⴰⵟⵉⵜ ⴳ ⵓⵎⵏⵥⴰⵡ ⵏ ⵉⴼⵔⵉⵇⵢⴰ, ⴷ ⵓⵏⴰⵔⵓⵣ ⵏⵏⵖ ⴰⴷ ⵜⴼⵙⵉ ⵜⴰⵙⵙⴰⵙⵜ ⵏ ⵓⵎⴰⴷⴰⵏ ⵏ ⵎⴰⵍⵉ;

ⵉⵙⵖⵡⴰⵏ ⵏⵏⵖ:

-ⵓⵛⵛⵉⵍ ⵏ ⵓⵙⵖⵣⵏ ⵏ ⵓⴱⵕⵓⵟⵓⴽⵓⵍ ⵏ ⵎⴰⵍⴰⴱⵓ;

- ⴰⵙⴽⵔ ⵏ ⵜⵙⵇⵇⵉⵎⵜ ⵏ ⵓⴹⴼⵕ ⴷ ⵜⵎⴰⵣⵣⴰⵍⵜ ⵉ ⵓⵖⵓⵍ ⵏ ⵜⵢⴰⵏⵜ ⴷ ⵓⵎⵛⴰⴱⴱⴰⴽ ⴷⴰⵔ ⵜⵎⵔⵙⵍⵜ;

- ⴰⵙⵏⵎⴰⵍⴰ ⵏ ⵜⵙⵓⵜⵍⵜ ⵏ ⴽⵟⵓⴱⵕ 2021 ⴳ ⵜⴳⴷⵓⴷⴰⵏⵜ ⵏ ⵍⴽⵓⵏⴳⵓ ⵙ ⵜⵉⵔⴰⵜ ⵏⵏⵙ, ⵖⵎⴽ ⴰⵏⵏ ⵓⵍⴰ ⵖ ⴽⵓ ⴰⵡⴰⵏⴽ ⵏⵏⴰ ⵉⵔⴰⵏ;

-          ⴰⵙⵎⴳⵍ ⵏ ⵉⵏⴳⴳⵯⴰ ⵏⵏⵖ, ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ, ⵙ ⵜⵡⵉⵙⵉ ⵏ ⵉⵏⴳⴳⵯⴰ ⵏⵏⵙⵏ ⵉⵖ ⴷ ⵉⵇⵇⴰⵏ, ⵃⵎⴰ ⴰⴷ ⵉⵍⵉⵏⵜ ⵜⵎⵙⴽⴰⵔ ⵍⵍⵉ ⴷ ⵇⵇⴰⵏⵉⵏ ⵎⵏⵉⴷ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴷ ⵉⵡⴰⵏⴽⵏ ⵉⴼⵔⵉⵇⵉⵢⵏ, ⵉ ⵓⵙⵎⵀⵍ ⵏ ⵉⵙⵖⵡⴰⵏ ⵏⵏⵖ.

ⵕⵕⴱⴰⵟ, 8 ⵢⵓⵍⵢⵓⵣ 2021