ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴽⴽⵓⵥ ⵉⵙⵏⴼⴰⵔⵏ ⵏ ⵉⵙⵍⴳⴳⵏ ⵉⵏⴰⵎⵓⵏⵏ ⴷ ⵉⵏⴰⴽⴰⵍⵏ ⴷ ⵜⵙⵓⵎⵔⵜ ⵏ ⵓⵙⵍⴳⵏ ⴼ ⵓⵙⵍⴳⵏ ⵏ ⵜⵓⵡⵊⴰ
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 29 ⵢⵓⵏⵢⵓ 2021 ⵙ ⵓⵎⴽⵕⴰⴹ, ⴽⴽⵓⵥ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ: ⵜⴰⵣⵣⵓⵍⵜ ⵏ ⵜⵙⵏⵉⵊⵊⵉⵜ, ⵜⵉⵎⵔⵙⵍⵜ ⵏ ⵓⵙⵎⵖⵔ ⵏ ⵜⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵏ ⵉⵎⵙⵡⵓⵔⵉⵢⵏ ⴳ ⵢⵉⴳⵔ ⴰⵎⴰⵡⵙⴰⵙ ⵏ ⵜⴳⵎⵔⵜ ⵜⴰⵢⵍⴰⵏⵜ, ⴰⵢⴷⴰ ⵏ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ, ⴰⴷⴷⴰⴷ ⴰⵖⵔⵎⴰⵏ, ⴷ ⵜⵙⵓⵎⵔⵜ ⵏ ⵓⵙⵍⴳⵏ ⴼ ⵓⵙⵍⴳⵏ ⵏ ⵜⵓⵡⵊⴰ, ⴳ ⵙⵏⴰⵜ ⵜⵖⵉⵎⵉⵜⵉ ⵜⵉⴳⴷⵓⴷⴰⵏⵉⵏ ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⵙ ⵜⵉⵍⵉⵜ ⵏ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵎⴰⵙⵙ ⵏⵓⵕⴷⴷⵉⵏ ⴱⵓⵟⵢⵢⵉⴱ ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵓⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ.
ⴳ ⵓⵙⵎⵏⵉⴷ ⵏ ⵓⵙⵏⴼⴰⵔ ⵏ ⵓⵙⵍⴳⵏ 33.21 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ 131.13 ⴼ ⵜⵣⵣⵓⵍⵜ ⵏ ⵜⵙⵏⵉⵊⵊⵉⵜ, ⵉⵙⴷⴷⵉⴷ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ ⴰⵎⴰⵡⵙⴰⵙ ⵏ ⵜⴷⵓⵙⵉ ⵎⴰⵙ ⵉⴽⵛⵎ ⵓⵙⵏⴼⴰⵔ ⴰⴷ ⴳ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⴰⵜⵜⵓⵢⵏⵉⵏ ⵍⵍⵉ ⴰⵇⵔⴰⵏⵉⵏ ⵉ ⵓⵕⵥⵥⵓⵎ ⵏ ⴽⵔⴰ ⵏ ⵉⴳⵔⴰⵏ ⴷ ⵜⵣⵣⵓⵍⵉⵏ ⴷⴰⵜ ⵏ ⵉⴱⵕⵕⴰⵢⵏⵉⵏ ⴰⵎ ⵉⴳⵔ ⵏ ⵜⴷⵓⵙⵉ.
ⵉⵡⴰⵜⵜⵙ ⵓⵙⵏⴼⴰⵔ ⵓⴽⵓⵙ ⵏ ⵓⵎⵓⴽⵔⵉⵙ ⵏ ⵉⵙⵓⴳⴰⵎ ⵉⵏⴼⴳⴰⵏⵏ ⴳ ⵢⵉⴳⵔ ⵏ ⵜⴷⵓⵙⵉ, ⴰⵙⴷⵓⵙ ⵏ ⵓⴳⴰⴷⴰⵔ ⴰⵏⴼⴳⴰⵏ ⵏ ⵜⵙⵏⵉⵊⵊⵉⵜ, ⴷ ⵓⵣⵣⵔⴰⵢ ⵏ ⵜⴼⴰⴷⵉⵡⵉⵏ ⴷⴰⵜ ⵏ ⵜⵙⵓⴳⴰⵔ ⵏ ⵉⴱⵕⵕⴰⵢⵏ ⴷ ⵉⵎⵖⵔⵉⴱⵉⵢⵏ ⴳ ⵜⵎⵉⵣⴰⵔ ⵏ ⴱⵕⵕⴰ, ⴷ ⵓⵙⴼⵍⵙ ⵏ ⵓⵣⵔⴼ ⴳ ⵓⵣⵣⵔⴰⵢ ⴷ ⵜⵙⵏⵉⵊⵊⵉⵜ ⵙ ⵓⵎⵙⴰⵙⴰ ⴷ ⵓⵙⵍⴳⵏ ⴰⵙⴰⵜⵉ 09.21 ⴼ ⵓⴼⵔⴰⴳ ⴰⵏⴰⵎⵓⵏ.
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ 93.17 ⴼ ⵓⵙⴽⵔ ⴷ ⵓⵙⵏⵎⴰⵍⴰ ⵏ ⵜⵎⵔⵙⵍⵜ ⵏ ⵓⵙⵎⵖⵔ ⵏ ⵜⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵉ ⵉⵎⵙⵡⵓⵔⵉⵢⵏ ⴳ ⵢⵉⴳⵔ ⴰⵎⴰⵡⵙⴰⵙ ⵏ ⵜⴳⵎⵔⵜ ⵜⴰⵢⵍⴰⵏⵜ, ⵉ ⵚⴰⵃⴰ ⵏ ⵉⵎⵙⵡⵓⵔⵉⵢⵏ ⴰⴷ ⴷ ⵜⴰⵡⵉⵊⵉⵡⵉⵏ ⵏⵏⵙⵏ ⴷ ⵉⵎⴰⵏⴰⴼⵏ, ⵉ ⵓⵙⵎⵖⵔ ⵏ ⵓⴷⵎ ⴰⵏⴰⵎⵓⵏ ⴷ ⵓⵙⵖⵓⴷⵓ ⵏ ⵜⵏⵓⴼⴰ ⵏ ⵉⵎⵙⵡⵓⵔⵉⵢⵏ ⴳ ⵢⵉⴳⵔ ⴰⴷ.
ⴳ ⵜⵖⵉⵎⵉⵜ ⴰⴷ, ⵉⵙⵎⵏⵉⴷ ⵎⴰⵙⵙ ⵏⵓⵕⴷⴷⵉⵏ ⴱⵓⵟⵢⵢⵉⴱ ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵓⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ, ⴰⵙⵏⴼⴰⵔ ⵏ ⵓⵙⵍⴳⵏ 57.19 ⴼ ⵓⵏⴳⵔⴰⵡ ⵏ ⵡⴰⵢⴷⴰ ⵏ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ, ⵢⵉⵏⵉ ⵎⴰⵙ ⵉⴽⵛⵎ ⴳ ⵓⵏⴳⵔⴰⵡ ⵏ ⵜⴰⵔⵏⴰⵎⵎⴰⵙⵜ ⴳ ⵜⵎⴰⵣⵉⵔⵜ ⵏⵏⵖ ⵙ ⵓⵣⵣⴳⵉⵔ ⵏ ⵉⵙⵡⴰⵍⴰⵢⵏ ⴰⵜⵜⵓⵢⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⵃⵎⴰ ⴰⴷ ⵜⴷⵓⵙ ⵜⵉⵍⴰⵍⵜ ⵏ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⴰⵎⴷⵔⵓ ⴰⵙⵜⵔⴰⵜⵉⵊⵉ ⵉ ⵓⵙⴽⵔ ⵏ ⵜⴳⵎⵉ ⵢⵓⵎⴰⵏ.
ⵉⵡⴰⵜⵜⵙ ⵓⵙⵏⴼⴰⵔ ⵏ ⵓⵙⵍⴳⵏ ⴰⴷ ⵉⴳ ⵡⴰⵢⴷⴰ ⵏ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⵉⵎⵉⵙⵙ ⵏ ⵜⴳⵎⵉ ⴷ ⵜⵎⵏⴹⴰⵡⵜ ⵢⵓⵎⴰⵏ, ⴰⵙⵎⴰⵢⵏⵓ ⵏ ⵓⵙⵡⵓⴷⴷⵓ ⵏ ⵡⴰⵢⴷⴰ ⴰⴷ, ⴰⵙⵙⵔⵅⵓ ⴷ ⵓⵙⵎⵓⵏ ⵏ ⵜⴱⵔⵉⴷⵉⵏ ⵏⵏⵙ, ⴰⵙⵓⵔⴼ ⵉ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴳ ⵉⵔⴳⴰⵢⵏ ⴳ ⵡⴰⵢⴷⴰ ⴰⴷⵖⴰⵔⴰⵏ.
ⴳ ⵓⵎⴹⴰⴽⴰⵕ, ⵙⵓⵜⴳⵏ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⵎⵓⵔⴰ ⴰⵙⵏⴼⴰⵔ ⴰⴷ, ⵙ ⵡⴰⵜⵉⴳ ⵉⵍⵍⴰⵏ ⴷⴰⵔ ⵡⴰⵢⴷⴰ ⴳ ⵉⴽⵛⵓⵎⵏ ⵏ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⵜⵉⵍⴰⵍⵜ ⵏⵏⵙⵏ ⴳ ⵜⴳⵎⵉ. ⵎⵙⴰⵙⴰⵏ ⴼ ⵡⴰⵜⵉⴳ ⵏ ⵓⵙⵏⴼⴰⵔ ⴳ ⵓⵙⵎⴰⵢⵏⵓ ⵏ ⵓⵙⵡⵓⴷⴷⵓ ⵏ ⵓⵏⴳⵔⴰⵡ ⵏ ⵡⴰⵢⴷⴰ, ⴷ ⴰⴷ ⵉⴳ ⴰⵍⴰⵢ ⵏ ⵓⵏⴱⴰⴹ ⴷ ⵜⵎⴰⴼⴰⵡⵜ ⴷ ⵓⵙⵙⴰⵔⵓ ⴷ ⵓⵙⵏⴰⵍ ⵏ ⵜⴰⵔⵏⴰⵎⵎⴰⵙⵜ ⴳ ⵜⵎⴰⵣⵉⵔⵜ ⵏⵏⵖ. ⴼⴽⵉⵏ ⵓⵍⴰ ⵜⴰⵏⵏⴰⵢⵉⵏ ⴼ ⵜⵏⴰⵥⴰⵕⵉⵏ ⴷⴰⵜ ⵏ ⵓⴹⵕⵉⵚ ⴰⴷ ⴷ ⵜⵎⵓⴽⵔⵉⵙⵉⵏ ⵏ ⵓⵙⵡⵓⴷⴷⵓ ⴰⵏⴰⴽⴰⵍ.
ⵉⵡⴰⵜⵜⵙ ⵓⵙⵏⴼⴰⵔ ⵏ ⵓⵙⵍⴳⵏ 36.21 ⴼ ⵡⴰⴷⴷⴰⴷ ⴰⵖⵔⵎⴰⵏ, ⵉⴳ ⵙⴳ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵙⵎⴰⵢⵏⵓ ⵏ ⵡⴰⴷⴷⴰⴷ ⴰⵖⵔⵎⴰⵏ, ⴷ ⵓⵙⵔⵙ ⵏ ⵓⵏⴳⵔⴰⵡ ⴰⵎⵓⵟⵟⵓⵏ ⵉ ⵓⵣⵎⵎⴻⵎ ⵏ ⵜⵓⵎⴰⵢⵉⵏ ⵏ ⵡⴰⴷⴷⴰⴷ ⴰⵖⵔⵎⴰⵏ, ⴰⵙⵉⵜ ⵏ ⵡⴰⴷⴷⴰⴷ ⴰⵖⵔⵎⴰⵏ, ⴷ ⵓⵙⴰⵖⵓⵍ ⴰⵎⵓⵟⵟⵓⵏ ⴰⵎⴷⵏⴰⵏ ⴷ ⵓⵙⵏⴼⵍ ⴰⵍⵉⴽⵟⵕⵓⵏⵉ ⵏ ⵜⵓⵎⴰⵢⵉⵏ ⵏ ⵡⴰⴷⴷⴰⴷ ⴰⵖⵔⵎⴰⵏ ⴷ ⵓⵣⵎⵎⴻⵎ ⴰⵏⴰⵎⵓⵔ ⵏ ⵡⴰⴷⴷⴰⴷ ⴰⵖⵔⵎⴰⵏ.
ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜⵜⵉⵙ ⵙⵏⴰⵜ, ⵜⴻⵜⵜⵓⵙⵖⵣⴰⵏ ⵜⵙⵓⵎⵔⵜ ⵏ ⵓⵙⵍⴳⵏ ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵎⵏⵏⵉ 15 ⴳ ⵓⵙⵍⴳⵏ 70.03 ⴰⵙⵍⴳⵏ ⵏ ⵜⵓⵡⵊⴰ ⵍⵍⵉ ⴷ ⵢⵓⵣⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ. ⵉⵡⴰⵜⵜⵙ ⴰⵙⵎⴽⵍ ⵏ ⵜⵎⵓⴽⵔⵉⵙⵉⵏ ⵏ ⵉⵎⵖⵔⵉⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ ⴷⴰⵜ ⵏ ⵓⵔⵛⴰⵍ ⵏⵏⵙⵏ ⴳ ⵜⵎⵉⵣⴰⵔ ⵖ ⵣⴷⵖⵏ. ⵔⴰⴷ ⵢⵉⵍⵉ ⵓⵙⵔⵙ ⵏ ⵜⵍⴳⴰⵎⵜ ⵏ ⵜⵎⴰⵖⵓⵏⵜ ⴰⴷ ⴳ ⵜⵙⵇⵓⵏⵙⵓⵜⵉⵏ ⵍⵍⵉ ⵎⵓ ⵉⴹⴼⵕ ⵓⴷⵖⴰⵔ ⵏ ⵓⵣⵎⵎⴻⵎ ⵏ ⵜⵎⴰⵖⵓⵏⵜ, ⵖⵎⴽ ⴰⵏⵏ ⴷ ⵜⵙⵇⵓⵏⵙⵓⵜ ⵎⵓ ⵉⴹⴼⵕ ⵏ ⵓⴷⵖⴰⵔ ⵏ ⵜⵣⴷⵓⵖⵜ ⵏ ⴱⴰⴱ ⵏⵖ ⵍⴰⵍ ⵏ ⵓⵣⵎⵎⴻⵎ, ⵉ ⵓⵙⵎⵀⵍ ⵏ ⵜⴱⵔⵉⴷⵉⵏ ⴰⴷ ⵙ ⵓⵙⵜⴰⵢ.