ⵜⴰⵖⵜⴰⵙⵜ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⵉⴳⴰⵏ ⵜⴰⵎⵔⴰⵔⵓⵜ ⴼ ⵜⵖⵜⴰⵙⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵎⵏⵉⴷ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ

ⴰⴱⵕⵍⴰⵎⴰⵏ ⴰⵄⵕⴰⴱ:

- ⵍⵍⵉⵖ ⵉⵥⵕⴰ ⵜⴰⵖⵜⴰⵙⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ 10 ⵢⵓⵏⵢⵓ 2021 ⴼ ⵜⵙⵔⵜⴰⵢ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵎⵏⵉⴷ ⵏ ⵜⵎⵙⴰⵔⵜ ⵏ ⵓⵣⵡⴰⴳ,

- ⵍⵍⵉⵖ ⵉⴳⴰ ⵖ ⵜⵎⴰⵙⴰⵢⵜ ⵏⵏⵙ ⵜⵉⵡⵉⵣⵉ ⴰⴽⴷ ⵉⵡⴰⵏⴽⵏ ⴰⵄⵕⴰⴱⵏ, ⴷ ⵓⵙⴱⴷⴷⵉ ⵏ ⵎⴰⴷ ⵜⵏ ⵉⵙⵙⵀⵔⵛⵏ, ⴷ ⵎⴰⴷ ⵉⵡⴰⵜⵜⵙⵏ ⵜⵉⵖⴰⵡⵙⵉⵡⵉⵏ ⵏⵏⵙⵜ ⵏ ⵓⴳⵯⵏⵙ ⴷ ⵜⵉⵏ ⴱⵕⵕⴰ,

- ⴼ ⵉⵎⴹⴰⴽⴰⵕⵏ ⵏ ⵜⵙⵇⵇⵉⵎⵜ ⵉⵥⵍⵉⵏ ⵙ ⵜⴰⵔⵓⵔⵜ ⴼ ⵜⵖⵜⵙⵜ ⴰⴷ ⵉⵍⵍⴰⵏ ⴳ ⵓⵙⵖⵉⵎ ⵏ ⵜⴰⵎⴰⵏⵜ ⵏ ⵉⵡⴰⵏⴽⵏ ⴰⵄⵕⴰⴱⵏ ⴳ 26 ⵢⵓⵏⵢⵓ 2021.

ⵉⴼⴼⵖ ⵙ:

1- ⵜⴰⴳⵯⵉⵜ ⵉⵙⵎⴷⵏ ⵏ ⵜⵖⵜⴰⵙⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ 10 ⵢⵓⵏⵢⵓ 2021 ⴼ ⵜⵙⵔⵜⴰⵢ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵎⵏⵉⴷ ⵏ ⵜⵎⵙⴰⵔⵜ ⵏ ⵓⵣⵡⴰⴳ.

2- ⴰⵙⴷⴷⵉⴷ ⵎⴰⵙ ⴷ ⵜⴰⵖⵜⴰⵙⵜ ⴰⴷ, ⵙ ⵓⴼⵔⴰⵏ ⴷ ⵉⵥⵍⵍⵓⴳⵏ ⵓⵔ ⴷⵓⵙⵏⵉⵏ, ⵜⴳⴰ ⴰⵙⵙⵀⵔⵛ ⴷ ⵓⵙⵔⵜⵙⵉ ⵓⵔ ⵉⵜⵜⴰⵡⵇⴱⴰⵍⵏ ⵏ ⵜⵓⴳⴳⴰⵙ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵙⴱⴷⴷⵉ ⵏ ⵜⵎⵓⴽⵔⵉⵙⵜ ⵏ ⵓⵣⵡⴰⴳ ⵡⴰⵔⵓⵍⴳⵉⵏ.

3- ⴰⵙⵙⵀⵔⵛ ⵉⴳⴳⵓⵜⵏ ⵏ ⵓⴽⵛⵛⵓⵎ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵍⵍⵉⵖ ⵉⵔⴰ ⴰⴷ ⵉⵙⵙⴽⵛⵎ ⵉⵅⴼ ⵏⵏⵙ ⴳ ⵜⴰⵙⵙⴰⵙⵜ ⵜⴰⵙⵉⵏⵔⴰⵏⵜ ⵏⴳⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴳⵍⴷⵉⵜ ⵏ ⵚⴱⴰⵏⵢⴰ, ⵍⵍⵉ ⵔⴰⴷ ⵉⴼⵙⵉ ⵙ ⵜⵖⴰⵔⴰⵙⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ ⴷ ⵓⵎⴹⴰⴽⴰⵕ ⴰⵙⵉⵏⵔⴰⵏ ⵓⵙⵔⵉⴷ ⵊⴰⵔ ⵙⵉⵏ ⵉⵡⴰⵏⴽⵏ.

4- ⴰⵙⵓⵜⴳ ⵏ ⵜⵓⴳⴳⴰⵙ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵙⴱⴷⴷⵉ ⵏ ⵓⵣⵡⴰⴳ ⵡⴰⵔⵓⵍⴳⵉⵏ  ⵙ ⵜⵉⵔⴰⵜ ⵏ ⵜⵙⵔⵜⵉⵜ ⵉⴷⵓⵙⵏ ⴷ ⵉⵙⵡⴰⵍⴰⵢⵏ ⵓⵙⵔⵉⴷⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴰⴳⵍⵍⵉⴷ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⵉⴳⴰⵏ ⴰⵎⵣⵡⴰⵔⵓ ⴳ ⵓⴼⵙⴰⵢ ⵏ ⵜⵎⵓⴽⵔⵉⵙⵉⵏ ⵏ ⵓⵣⵡⴰⴳ ⴳ ⵉⴼⵔⵉⵇⵢⴰ.

5- ⴰⵙⴷⴷⵉⴷ ⵎⴰⵙ ⵉⴳⴰ ⵓⵙⵏⵓⴱⴳ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵏ ⵓⴳⵔⴰⵡ ⴰⴳⵔⴰⵖⵍⴰⵏ ⵉⵙⵖⵣⵣⵏ ⴰⵎⵇⵇⵏ ⴰⵎⴰⴹⵍⴰⵏ ⵏ ⵓⵣⵡⴰⴳ ⵏ ⵓⴼⵔⴰ ⴷ ⵓⵍⴳⵉⵏ ⴳ ⴷⵓⵊⴰⵏⴱⵉⵔ 2018, ⴷ ⵓⵙⵏⵓⴱⴳ ⵏ ⵓⵎⵥⵕⴰⵡ ⴰⴼⵔⵉⵇⵉ ⵏ ⵓⵣⵡⴰⴳ ⴳ ⴷⵓⵊⴰⵏⴱⵉⵔ 2020, ⴷ ⵓⵙⵖⵣⵏ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵏ ⵓⵖⴰⵡⴰⵙ ⴰⴼⵔⵉⵇⵉ ⵉ ⵓⵣⵡⴰⴳ , ⴳⴰⵏ ⵜⴰⵙⵏⵜⴰⵢⵜ ⵙⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴳⵍⵍⵉⴷ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⴳⴰⵏ ⵓⵍⴰ ⵜⵉⴷⵜ  ⴼ ⵜⴷⵓⵙⵉ ⵏ ⵜⵓⴳⴳⴰⵙ ⵜⵉⵏⴰⵎⵓⵔⵉⵏ ⴷ ⵜⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵙⵏⴱⴹ ⵏ ⵓⵣⵡⴰⴳ, ⴳⵉⵏ ⵎⴳⴰⵍ ⵏ ⵉⵡⵏⵏⴰⵏ ⵓⵔ ⴷⵓⵙⵏⵉⵏ ⵏ ⵜⵖⵜⴰⵙⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ.

6- ⵜⴰⴳⵯⵉⵜ ⵉⵙⵎⴷⵏ ⵏ ⵓⴱⵔⵉⴷ ⵏ ⵜⵎⵎⵓⵖⵔⴰ ⵓⵔ ⵉⵜⵜⵓⵇⴱⴰⵍⵏ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ ⵓⵏⵢⴰⵍⴽⴰⵎ ⵏⵏⵙ ⴷ ⵜⵎⵙⴰⵔⵉⵏ ⵏ ⵉⵡⴰⵏⴽⵏ ⴰⵄⵕⴰⴱⵏ, ⵙ ⵜⵖⵜⴰⵙⵉⵏ ⵓⵔ ⴷ ⵓⵙⴰⵏⵉⵏ ⴷ ⵜⵎⴰⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵉⵜⵜⵓⵟⵍⴰⴱⵏ ⵏⴳⵔ ⵉⵡⴰⵏⴽⵏ ⴰⵄⵕⴰⴱⵏ ⴷ ⵡⵉⵏ ⵓⵕⵓⴱⴱⴰ.

7- ⵜⵓⵜⵔⴰ ⵙⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵉ ⵓⴼⵍ ⵏ ⴳⴰⵔ ⵜⵎⵙⴽⴰⵔ ⴰⴷ, ⴷ ⵓⵙⵡⵓⵔⵉ ⵙ ⵡⴰⴷⴷⴰⴷⵏ ⵏ ⵜⵎⴰⵙⴰⵢⵜ ⴳ ⵉⵍⵍⴰ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵣⴷⴷⵓⵢ ⵉⵛⵛⴰⵔⵏ ⵊⴰⵔ ⵉⵡⴰⵏⴽⵏ ⴰⵄⵕⴰⴱⵏ ⴷ ⵡⵉⵏ ⵓⵕⵓⴱⴱⴰ.

8- ⴰⵖⵓⵔⵉ ⵉ ⵓⵙⵓⵊⴷ ⵏ ⵓⵖⴰⵡⴰⵙ ⴰⵄⵕⴰⴱ ⵉⵛⵛⴰⵔⵏ ⴷ ⵉⵙⵎⴷⵏ ⵉ ⵓⵙⴱⴷⴷⵉ ⵏ ⵡⴰⴷⴷⴰⴷⵏ ⴰⴷ ⴳ ⵓⵔ ⵜⵍⵍⵉ ⵜⵎⴰⵙⴰⵢⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ, ⵙ ⵎⴰⵖ ⵉⵍⵍⴰ ⵓⵡⵇⵇⵔ ⵏ ⵜⵅⵅⵓⵜⵔⴰ ⵏ ⵉⵡⴰⵏⴽⵏ ⴰⵄⵕⴰⴱⵏ ⴷ ⵡⴰⵔⴽⵛⵛⵓⵎ ⴳ ⵜⵖⴰⵡⵙⵉⵡⵉⵏ ⵏⵏⵙⵏ.

9- ⴰⵖⵓⵔⵉ ⵉ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ, ⴰⴱⵕⵍⴰⵎⴰⵏ ⵏ ⵓⵏⴰⵎⵎⴰⵙ, ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴰⵎⵓⵏⵜ ⵅⴼ ⵓⵏⴰⵎⵎⴰⵙ, ⴷ ⴽⵓ ⵉⴱⵕⵍⴰⵎⴰⵏⵏ ⵉⵏⵎⵏⴰⴹⵏ ⵉ ⵜⴰⴳⵯⵉⵜ ⴷ ⵓⵙⵙⵅⵛⵏ ⵏ ⵜⵖⵜⴰⵙⵜ ⴰⴷ ⵉⴳⴰⵏ ⵎⴳⴰⵍ ⵏ ⵜⵔⵙⴰⵍ ⵏ ⵜⴷⵉⴱⵍⵓⵎⴰⵙⵉⵜ ⵎⴽ ⵍⵍⵉ ⵜⵜⵓⵙⵙⴰⵏⵜ ⴳ ⵓⵙⵡⵉⵔ ⴰⴳⵔⴰⵖⵍⴰⵏ.

10- ⴰⵙⴷⴷⵉⴷ ⴼ ⵓⴼⵔⵉⵙ ⴰⵄⵕⴰⴱ ⵏ ⵜⵖⵔⵎⵉⵏ ⵙⴰⴱⵜⴰ ⴷ ⵎⵍⵉⵍⵉⵢⵢⴰ ⴷ ⵜⴳⵣⵉⵔⵉⵏ ⵜⵉⵎⵖⵔⵉⴱⵉⵢⵉⵏ ⵜⵜⵢⴰⵎⴰⵥⵏⵉⵏ, ⴷ ⵓⵛⵛⵉⵍ ⵏ ⵓⵕⵥⵥⵓⵎ ⵏ ⵓⵙⴷⴰⵡ ⴰⴷ ⵉⴳⴰⵏ ⵉⵖⴷ ⵏ ⵜⴼⵔⴽⴰ ⵏ ⵓⵙⴷⴷⵓⵔⵔⵉ.

11- ⴰⵙⴷⴷⵉⴷ ⴼ ⵡⴰⴷⴷⴰⴷ ⵏⵏⵙ ⵉⵙⵓⵍⵏ ⵅⴼ ⵜⵡⵉⵣⵉ ⴰⴽⴷ ⵜⴰⴳⵍⴷⵉⵜ ⵜⴰⵎⵖⵔⵉⴱⵉⵜ, ⴷ ⵓⵙⵎⴳⵍ ⵏ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⵃⵎⴰ ⴰⴷ ⵉⵙⴽⵔ ⵎⴰⴷ ⵢⵓⵙⴰⵏ ⴳ ⵜⵎⵙⴽⴰⵔⵉⵏ ⵏ ⵓⵙⵏⴰⵍ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵎⵏⵉⴷ ⵏ ⵜⵖⵜⴰⵙⵜ ⴰⴷ.