ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵖ ⵜⴱⵔⴰⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵛⵛⵉⵍⵉ ⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵏⴰⵍ ⴷ ⵓⵙⵓⵜⴳ ⵏ ⵜⵡⵓⵔⵉ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵓⵣⵡⴰⴳ
ⵉⵏⵏⴰ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵛⵛⵉⵍⵉ ⴷ ⴽⵉⴳⴰⵏ ⵏ ⵉⵏⵙⵙⵉⵅⴼⵏ ⵣⵔⵉⵏⵉⵏ ⴷ ⵉⵎⵓⵔⴰ ⵙⴳ ⵓⴱⵕⵍⴰⵎⴰⵏ ⵏ ⵛⵛⵉⵍⵉ, ⴰⵙⵏⴰⵍ ⴷ ⵓⵙⵓⵜⴳ ⵏ ⵜⵡⵓⵔⵉ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵣⵡⴰⴳ, ⵙⵓⵜⴳⵏ ⵜⴰⵖⵜⴰⵙⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵓⵖⵓⵍ ⵏ ⵜⴰⵣⵣⴰⵏⵉⵏ ⵡⴰⵔ ⵉⴷ ⴱⴰⴱ ⵏⵏⵙⵏ ⵍⵍⴰⵏⵉⵏ ⴳ ⵓⵙⵓⵔⵙ ⵡⴰⵔ ⵓⵍⴳⵉⵏ ⴳ ⴽⵔⴰ ⵏ ⵜⵎⵉⵣⴰⵔ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ.
ⵎⴰ ⴰⵏⵏ ⴰⴷ ⵉⵍⵍⴰⵏ ⴳ ⵜⴱⵔⴰⵜ ⵉ ⵎⴰⵙⵙ ⵍⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵖ ⵙⴷⴷⵉⴷⵏ ⵉⵎⵓⵔⴰ ⵏ ⵛⵛⵉⵍⵉ ⵎⴰⵙ ⵓⵔ ⵉⴳⵉ ⵜⴰⵏⴰⵜⴰⵎⵜ ⵍⵍⵉⵖ ⵙⵜⵉⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⴷ ⵜⵏⴱⴰⴹⵉⵏ ⵏ ⵉⴼⵔⵉⵇⵢⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴷ ⴰⵎⵣⵡⴰⵔⵓ ⴳ ⵓⵙⵡⵓⴷⴷⵓ ⵏ ⵓⵣⵡⴰⴳ ⴳ ⵉⴼⵔⵉⵇⵢⴰ, ⴳ ⵓⴳⵔⴰⵡ ⵉⵛⵛⴰⵔⵏ ⵏⴳⵔ ⵜⴰⵎⴰⵏⵜ ⵏ ⵉⴼⵔⵉⵇⵢⴰ ⴷ ⵓⵕⴱⴱⴰ ⴳ ⴰⴱⵉⴹⵊⴰⵏ 2017, ⵖⵎⴽ ⵍⵍⵉ ⵓⵔ ⵉⴳⵉ ⵜⴰⵏⴰⵜⴰⵎⵜ ⵍⵍⵉⵖ ⵉⵙⵏⵓⴱⴳ ⵍⵎⵖⵔⵉⴱ ⴰⵚⴰⴹⴰⴼ ⴰⴼⵔⵉⵇⵉ ⵉ ⵓⵣⵡⴰⴳ.
ⵙⴷⴷⵉⴷⵏ ⵉⵎⵓⵔ ⵏ ⵓⵙⵇⵇⵉⵎⵏ ⵏ ⵛⵛⵉⵍⵉ, ⵎⴰⵙ ⵓⵔ ⵉⵜⵜⵢⵓⴼⴰ ⵓⵏⴽⴰⵕ ⵏ ⵜⵉⵍⴰⵍⵜ ⵍⵎⵖⵔⵉⴱ ⴳ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵓⵙⵖⵏⵣⵉ ⴳ ⵉⵡⴷⴰⵏ ⴷ ⵓⵣⵡⴰⴳ ⵡⴰⵔⵓⵍⴳⵉⵏ, ⴰⵢⵍⵍⵉ ⵉⵜⵜⴰⵡⵙⵏ ⴳ ⵜⵏⴼⵔⵓⵜ ⴷ ⵓⵔⴳⴳⵉⴳ ⵏ ⵡⴰⴹⵊⴰⵕⵏ ⵏⵏⵙ ⴳ ⵜⴰⵎⵓⵏⵜ ⵏ ⵓⵕⵓⴱⴱⴰ.
ⵙⵓⵜⴳⵏ ⵜⵓⴳⴳⴰⵙ ⵏ ⵜⴳⵍⴷⵉⵜ ⴷ ⵓⵎⵢⴰⵡⴰⵙ ⵏⵏⵙ ⴳ ⵢⵉⴳⵔ ⵏ ⵓⵣⵡⴰⴳ, ⴰⵢⵍⵍⵉ ⵢⵉⵡⵙⵏ ⴳ ⵓⵙⴱⴷⴷⵉ ⵏ 14000 ⵏ ⵜⵉⵔⵎⵉⵜ ⵏ ⵓⵣⵡⴰⴳ ⵡⴰⵔⵓⵍⴳⵉⵏ ⵙⴳ 2017, ⴷ ⵓⴼⵓⴽⴽⵓ ⵏ 5000 ⵏ ⵓⵥⵟⵟⴰ ⵏ ⵓⵙⵙⵔⵡⵍ, ⴷ ⵓⵊⵏⵊⵊⵎ ⵏ 80500 ⵏ ⵓⵎⵣⵡⴰⴳ ⵙⴳ ⵢⵉⵍ ⴷ ⵓⵙⴳⴷⵍ ⵏ ⴽⵉⴳⴰⵏ ⵏ ⵜⵉⵔⵎⵉⵜⵉⵏ ⵏ ⵜⴽⵕⴹⵉ.
ⵍⵍⵉⵖ ⴳⴰⵏ ⵉⴷ ⴱⴰⴱ ⵏ ⵓⵣⵣⵔⴰⴼ, ⵏⵏⴰⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵛⵛⵉⵍⵉ ⵜⴰⴳⵯⵉⵜ ⵏⵏⵙⵏ ⵉ ⴽⵓ ⵜⴰⵖⵜⴰⵙⵜ ⴷ ⵜⵉⵔⵎⵉⵜ ⵉⵙⵙⵉⵎⵥⵉⵏ ⵜⵓⴳⴳⴰⵙ ⵏ ⵍⵎⵖⵔⵉⴱ ⵜⵉⵅⴰⵜⴰⵔⵉⵏ ⴳ ⵓⵣⵡⴰⴳ, ⵉⵏⵉⵏ ⵎⴰⵙ ⴷ ⴰⵙⵎⵔⵙ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ ⵜⵎⵙⴰⵔⵜ ⵜⴰⵙⵉⵏⵔⴰⵏⵜ ⵊⴰⵔ ⵍⵎⵖⵔⵉⴱ ⴷ ⵚⴱⴰⵏⵢⴰ ⵓⵔ ⵔⴰⴷ ⵢⴰⵡⵙ ⴳ ⵓⴼⵙⵙⴰⵢ, ⵉⵙ ⵔⴰⴷ ⵉⵙⵙⵀⵔⵛ ⴰⵙⵓⵔⵙ. ⵉⵏⵉⵏ ⵎⴰⵙ ⴷ ⵜⵉⵎⵙⴽⵔⵜ ⴰⵏⵏ ⴰⵔ ⵜⵙⵙⵉⴷⵔⵓⵙ ⴰⵎⵢⴰⵡⴰⵙ ⵍⵍⵉ ⵔⴰⴷ ⵉⵥⵉⵍ ⵙ ⵓⵙⵓⵜⴳ ⵏ ⵜⵉⵍⴰⵍ ⵏ ⵍⵎⵖⵔⵉⴱ ⴷ ⵜⴰⵎⴰⵣⵉⵔⵜ ⵜⴰⴹⵊⴰⵕⵜ, ⴷ ⵓⵙⴳⵓⴷⵉ ⵏ ⵜⵓⴳⴳⴰⵙ ⵉ ⵓⴼⵔⴰ ⴷ ⵓⵔⴳⴳⵉⴳ ⴳ ⵜⵙⴳⴰ.