ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵚⴹⵉⵚ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ ⵡⴰⵎⵓⵏ ⴷ ⵜⴷⵎⵙⴰ ⴷ ⵜⴼⵍⵍⴰⵃⵜ
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 15 ⵢⵓⵏⵢⵓ 2021, ⵙ ⵓⵎⴰⴽⵕⴰⴹ ⵙⵎⵎⵓⵙ ⵉⵙⵏⴼⴰⵔⵏ ⵏ ⵉⵙⵍⴳⵏⵏ ⴼ: ⵜⵎⵔⵙⴰⵍ ⵏ ⵓⵙⴼⵍⵙ, ⵉⴳⵔ ⵏ ⵡⴰⵎⴰⵏ ⴷ ⵜⴰⴳⴰⵏⵉⵏ, ⴰⵏⴳⵔⴰⵡ ⵏ ⵓⵙⴼⵍⵙ ⵓⵛⵛⵉⵍ ⵙⴳ ⵜⵎⴰⴹⵓⵏⵜ, ⴰⵏⴳⵔⴰⵡ ⵏ ⵜⴰⵡⵙⵓⴷⵔⵉⵏ, ⵙ ⵜⵓⴳⵜ ⴰⵙⵏⴼⴰⵔ ⵏ ⵓⵙⵍⴳⵏ ⴼ ⵓⵙⵎⵔⵙ ⵓⵍⴳⵉⵏ ⵏ ⵍⴽⵉⴼ ⴳ ⵜⵉⵖⵔⵉ ⵜⵉⵙ ⵙⵏⴰⵜ. ⴳ ⵜⵖⵉⵎⵉⵜ ⵜⴰⴳⴷⵓⴷⴰⵏⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵍⵃⴱⵉⴱ ⵍⵎⴰⵍⴽⵉ, ⵙ ⵜⵉⵍⵉⵜ ⵏ ⵉⵎⴰⵡⵙⴰⵙⵏ: ⵎⴰⵙⵙ ⵄⴰⴱⴷⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ, ⵎⴰⵙⵙ ⵎⵓⵃⴰⵎⵎⴰⴷ ⴱⵏⵛⴰⵄⴱⵓⵏ, ⴰⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵕⴼ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⴷ ⵎⴰⵙⵙ ⵎⵓⵃⴰⵎⵎⴰⴷ ⴰⵎⴽⵔⴰⵣ, ⴰⵎⴰⵡⵙⴰⵙ ⵏ ⵓⵙⵡⵓⵔⵉ ⴷ ⵓⵙⵉⴷⴼ ⴰⵣⵣⵓⵍⴰⵏ.
ⵉⴳⴰ ⵓⵙⵏⴼⴰⵔ ⵏ ⵓⵙⵍⴳⵏ 51.20 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ 103.12 ⴼ ⵜⵎⵔⵙⴰⵍ ⵏ ⵓⵙⴼⵍⵙ ⴷ ⵜⴳⵔⴰⵡⵉⵏ ⵜⵏⵜ ⵉⵔⵡⴰⵙⵏ, ⴳ ⵓⴹⴼⵕ ⵏ ⵉⵙⵏⴼⵍⵏ ⵏ ⵢⵉⴳⵔ ⵏ ⵍⴰⴱⵏⴰⴽ ⴷ ⵓⵙⵖⵓⴷⵓ ⵏ ⵉⵙⵍⴳⵏⵏ ⵏⵏⵙ ⵙ ⵓⵎⵙⴰⵙⴰ ⴷ ⵜⵎⵙⴽⴰⵔ ⵜⵉⴳⵔⴰⵖⵍⴰⵏⵉⵏ, ⵢⵉⵡⵉ ⴷ ⴽⵕⴰⴹ ⵉⵙⵏⴼⵍⵏ ⴼ ⵉⵙⵎⵓⵏⵏ ⵉⵥⵕⴼⴰⵏⵏ, ⴰⵙⵎⵙⴰⵙ ⵉ ⵉⵚⴰⵃⴰⵜⵏ ⵎⵙⴰⵙⴰⵏⵉⵏ ⵏ ⴽⵓ ⴰⵏⴰⵡ ⵏ ⵓⵙⴼⵍⵙ, ⴰⵡⵇⵇⵔ ⵏ ⵓⵎⴷⵔⵓⴳ ⴰⵣⵣⵓⵍⴰⵏ ⵎⴽ ⵉⵍⵍⴰⵏ ⴳ ⵜⵎⵉⵣⴰⵔ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ.
ⵉⴳⴰ ⵓⵙⵏⴼⴰⵔ ⵏ ⵓⵙⵍⴳⵏ 52.20 ⵉ ⵓⵙⴽⵔ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵡⴰⵎⴰⵏ ⴷ ⵜⴰⴳⴰⵏⵉⵏ, ⴰⵙⴽⵔ ⵏ ⵜⵙⵔⵜⴰⵜⵉⵊⵉⵜ ⵜⴰⵏⴰⵎⵓⵔⵜ ⵜⴰⵎⴰⵢⵏⵓⵜ « ⵜⴰⴳⴰⵏⵉⵏ ⵏ ⵍⵎⵖⵔⵉⴱ 2020/2030 », ⵍⵍⵉ ⵔⴰⴷ ⵉⵙⵎⵖⵔ ⵉⴳⵔ ⵏ ⵜⴰⴳⴰⵏⵉⵏ ⵙ ⵜⵖⴰⵔⴰⵙⵜ ⵉⵙⵓⵍⵏ ⵙ ⵡⴰⵏⴰⵡ ⵏ ⵓⵙⵡⵓⴷⴷⵓ ⴰⵙⵉⴷⴼⴰⵏ, ⵉⵙⵓⵍⵏ ⵉⵙⴽⴰⵔⵏ ⴰⴼⴰⵔⵙ. ⵔⴰⴷ ⵜⵡⴰⵍⴰ ⵜⵙⵏⵓⵔⴰⵢⵜ ⴰⵣⵣⴳⵉⵔ ⵏ ⵜⵙⵔⵜⵉⵜ ⵏ ⵓⵡⴰⵏⴽ ⵏ ⵓⴼⵔⴰⴳ ⵏ ⵜⴰⴳⴰⵏⵉⵏ ⴷ ⵡⴰⵢⴷⴰ ⵏⵏⵙⵏⵜ ⴷ ⵓⵙⵓⵜⴳ ⴷ ⵜⴳⵎⵉ ⵏⵏⵙⵏⵜ ⵜⴰⵙⵓⵍⴰⵏⵜ. ⵖⵎⴽ ⴰⵏⵏ ⴷ ⵓⵙⴱⴷⴷⵉ ⵏ ⵓⵙⵏⵣⵔⵓⴼ, ⴰⵙⴽⵔ ⴷ ⵜⵎⵙⵙⵓⴳⵓⵔⵜ ⵏ ⵜⵏⴹⵓⴼⵉⵏ, ⵙⵍⴰⵡⴰⵏ ⴰⴽⴽⵯ ⵓⵔⵜⴰⵏ ⵉⵏⴰⵎⵓⵔⵏ, ⴷ ⵓⵙⵡⵓⴷⴷⵓ ⵏ ⵉⵙⵓⴳⴰⵎ ⵏ ⵜⴳⵯⵎⵔⵜ, ⵜⴰⴳⵯⵎⵔⵜ ⴷ ⵓⵙⴳⵎⵉ ⵏ ⵉⵎⵓⴷⴰⵔ ⵏ ⵡⴰⵎⴰⵏ ⴳ ⵡⴰⵎⴰⵏ ⵏ ⵜⴰⴳⴰⵏⵜ, ⴰⴼⵔⴰⴳ ⵏ ⵉⵎⵖⵉⵢⵏ ⴷ ⵉⵎⵓⴷⴰⵔ ⵀⵔⵛⵏⵉⵏ ⵍⵍⵉ ⵔⴰⴷ ⵉⵍⴰⵃ.
ⵉⴳⴰ ⵓⵙⵏⴼⴰⵔ 35.13 ⵉ ⵓⵙⴽⵔ ⴷ ⵓⵙⵏⵎⴰⵍⴰ ⵏ ⵜⵎⵔⵙⵍⵜ ⵏ ⵓⵙⵎⵖⵔ ⵏ ⵜⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵍⵙⴰⵏⵉⵏ ⵏ ⵉⵎⵙⵡⵓⵔⵉⵢⵏ ⵏ ⵢⵉⴳⵔ ⵏ ⵜⴰⴳⴰⵏⵉⵏ ⴷ ⵡⴰⵎⴰⵏ, ⴳ ⵡⴰⵡⵜⵜⴰⵙ ⵏ ⵓⵙⵖⵓⴷⵓ ⵏ ⵜⵏⵓⴼⴰ ⵉ ⵚⴰⵃⴰ ⵏ ⵉⵎⵙⵡⵓⵔⵉⵢⵏ ⵏ ⵢⵉⴳⵔ ⴰⴷ ⵙ ⵓⵙⵎⴰⴷ ⵏ ⵜⵏⵓⴼⴰ ⵜⵉⵏⴰⵎⵓⵏⵉⵏ ⴷ ⵜⴷⵍⵙⴰⵏⵓⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⴷⵓⵙ ⵏ ⵓⵏⴱⴹ ⴳ ⵜⵎⵙⵙⵓⴳⵓⵔⵜ ⴷ ⵓⵡⵇⵇⵔ ⵏ ⵜⵙⵉⵎⴰⵏⵜ ⵏ ⵜⴳⵔⴰⵡⵉⵏ ⵉⵜⵜⵓⵙⵎⴰⴳⴰⵍⵏ ⵙ ⵜⵡⵓⵔⵉ ⵜⴰⵏⴰⵎⵓⵏⵜ.
ⵉⴳⴰ ⵓⵙⵏⴼⴰⵔ ⵏ ⵓⵙⵍⴳⵏ 30.21 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ 98.15 ⴼ ⵓⵙⴼⵍⵙ ⵓⵛⵛⵉⵍ ⴰⴷⵙⵍⴰⵏ ⵙⴳ ⵜⵎⴰⴹⵓⵏⵜ ⵉ ⵚⴰⵃⴰ ⵏ ⵉⴷ ⴱⴰⴱ ⵏ ⵜⵣⵣⵓⵍⵉⵏ ⴷ ⵉⵎⵙⵡⵓⵔⵉⵢⵏ ⵉⵙⵉⵎⴰⵏⵏ ⴷ ⵉⵡⴷⴰⵏ ⵙⴰⵍⴰⵏⵉⵏ ⵜⵉⵍⴰⵍⵜ ⵉⵥⵍⵉⵏ, ⴷ ⵓⵙⵏⴼⴰⵔ ⵏ ⵓⵙⵍⴳⵏ 31.21 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵙⵍⴳⵏ 99.15 ⵉ ⵓⵙⴽⵔ ⵏ ⵓⵏⴳⵔⴰⵡ ⵏ ⵜⵏⵓⴼⴰ ⵉ ⵚⴰⵃⴰ ⵏ ⵉⴷ ⴱⴰⴱ ⵏ ⵜⵣⵣⵓⵍⵉⵏ ⴷ ⵉⵎⵙⵡⵓⵔⵉⵢⵏ ⵉⵙⵉⵎⴰⵏⵏ ⴷ ⵉⵡⴷⴰⵏ ⵙⴰⵍⴰⵏⵉⵏ ⵜⵉⵍⴰⵍⵜ ⵉⵥⵍⵉⵏ, ⴳ ⵓⵙⴽⵔ ⵏ ⵓⵙⵎⴰⵜⴰ ⵏ ⵓⵙⴼⵍⵙ ⴰⵏⴰⵎⵓⵏ ⴳ ⵍⵎⵖⵔⵉⴱ ⴷ ⵓⵎⵙⴰⵙⴰ ⵏⵏⵙ ⴷⴼⴼⵉⵔ ⵏ ⵓⵙⵖⵣⵏ ⵏ ⵓⵙⵍⴳⵏ ⴰⵙⴰⵜⵉ 09.21 ⴼ ⵓⴼⵔⴰⴳ ⴰⵏⴰⵎⵓⵏ.
ⴳ ⵜⵉⵖⵔⵉ ⵜⵉⵙ ⵙⵏⴰⵜ, ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ 13.21 ⵉ ⵓⵙⵎⵔⵙ ⵓⵍⴳⵉⵏ ⵏ ⵍⴽⵉⴼ ⴷⴼⴼⵉⵔ ⵏ ⵉⵙⵏⴼⵍⵏ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.